Author: admin

Një 30-vjeçar shqiptar, i identifikuar si Sajmir Beca, ka humbur tragjikisht jetën pasi u shtyp nga një kamion mbeturinash në Northampton të Anglisë.

The Sun raporton se 30-vjeçari po flinte brenda një koshi plehrash. Ngjarja e rëndë ndodhi më 31 tetor në Rrugën Wellington, ku fqinjët raportuan se u zgjuan nga britma të forta në orët e para të mëngjesit.

Shërbimet e urgjencës mbërritën menjëherë në vendin e ngjarjes dhe e transportuan me urgjencë Sajmirin drejt Spitalit të Coventry-t. Pavarësisht ndërhyrjeve mjekësore, i riu nuk arriti t’u mbijetonte plagëve të marra dhe ndërroi jetë më 6 nëntor.

Miqtë e tij, të tronditur nga humbja, treguan se Sajmiri kishte kërkuar më herët strehë tek persona të ndryshëm, por pasi nuk gjeti një vend ku të qëndronte, përfundoi duke fjetur në rrugë.

Autoritetet britanike po vijojnë hetimet për të sqaruar rrethanat e plota të ngjarjes.

Kur një vendim gjykate liron të dënuar përjetë, ndërsa të tjerë vuajnë dënime të plota për krime më të lehta, mesazhi që përcillet është i qartë: drejtësia funksionon ndryshe në varësi të emrit dhe lidhjeve të të dënuarit.

Një prej personazheve të liruar është Gerd Gjinerari, i dënuar me burgim të përjetshëm për vrasjen e “të fortit” të Tiranës, Naim Zyberi, ngjarje e ndodhur në Itali.

Gjykata mbështeti vendimin e saj në një raport të thelluar të Shërbimit të Provës dhe një vlerësimi të sjelljes së tij gjatë periudhës së vuajtjes së dënimit. Raporti nga burgu përmend angazhimin e Gjinerarit në aktivitete rehabilituese, përfshirë edukimin dhe pjesëmarrjen aktive në proceset e grupit të mbikëqyrjes.

Një tjetër komponent i rëndësishëm që ndikoi në vendimin e gjykatës ishte fakti që Gjinerari ka arritur të stabilizojë marrëdhëniet me familjen e viktimës dhe ka shprehur pendesë për veprën e tij.

Por, vendimi për liri, u konsiderua gjerësisht si i dyshimtë dhe me shkelje. Për këtë Inspektori i Lartë i Drejtësisë nisi një hetim disiplinor ndaj gjyqtarit Markeljan Kuqo, i cili kishte aprovuar lirimin.

ILD u vu në lëvizje pasi sipas ligjit, Gerd Gjinerari nuk plotësonte asnjë nga kushtet për të përfituar nga lirimi me kusht. Ai ishte një i dënuar për vepra penale të rënda dhe ishte përsëritës, kriter ky që e bënte të papërshtatshëm për një lehtësim të mundshëm të dënimit. Përveç kësaj, vendimi për lirimin e tij ishte në kundërshtim me provat që ishin administruar gjatë procesit gjyqësor dhe me rrethanat që kishin dalë në dritë.

“Është e rëndësishme të theksoj efikasitetin e masin standardet jo numrat. Por edhe standardet e nisjes së hetimit disiplinor. Ka një debat ndoshta edhe për çështjen e nisjes se hetimit disiplinor me nismë nga ILD, për shkak të publikimeve në media, ka ndodhur në disa raste që ILD ka nisur hetim për këto shkaqe. Ka ndodhur prapë që për shkak të këtyre hetimeve ka përfunduar me procedim disiplinor në këshillat përkatës të jenë marrë dhe masa”, u shpreh Artur Metani.

Sipas verifikimeve të kryera, gjyqtari kishte shpërfillur edhe praktikën e tij të mëparshme në trajtimin e kërkesave të ngjashme, duke dhënë një vendim të gabuar që krijoi një precedent të rrezikshëm për sistemin e drejtësisë.

Pas gjashtë muajsh, vendimi i lirimit të Gerd Gjinerarit u rrëzua nga Gjykata e Apelit të Korçës, por ai nuk u rikthye kurrë pas hekurave, pasi kishte humbur çdo gjurmë, duke mos u paraqitur asnjë ditë as në Shërbimin e Provës. Edhe sot ai vijon të jetë ende në arrati.

Sipas ILD-së ky rast ngriti një sërë shqetësimesh, jo vetëm për mënyrën e trajtimit të çështjes në Gjykatën e Korçës, por edhe për cilësinë e vendimeve në të ardhmen. Rasti mund të merrej si referim nga magjistratët e tjerë për të marrë vendime të ngjashme pa respektuar ligjin dhe rregullat.

“Përpara disa vitesh të paktën 2 vjet me parë ne kishim një urdhër të ministrit të drejtësisë në fuqi që vlerësimet e sjelljes që harron stafi i burgjeve duhet të miratohen Ministri i Drejtësisë pra ai ishte një filter i dytë përveç vlerësimit që bën stafi duhet të kalonin edhe nga një ekip, nga një komision në Ministri. Kjo ishte një lloj filtri pikërisht për te shmangur nga ana e stafit keqpërdorim të funksioneve te detyrës, vlerësime të pamerituara dhe vlerësime subjektive”, u shpreh zv. drejtori i burgjeve, Fehmi Sufaj.

“Dhënia e me shume te drejtave të karakterit ekzekutiv autoritetit të burgjeve është një version i pranueshëm në mënyrë të konceptuari të rregullimit ligjor ekzekutivo-penal. Jam dakord që ti jepen tagra me shume burgjeve. Çka nuk e ç’bën edhe rolin e gjykatës”, u shpreh avokati Ardian Visha.

Inspektori i Lartë i Drejtësisë ka evidentuar një sërë shkeljesh të rënda nga ana e gjyqtarit Kuqo. Ato përfshijnë një zbatim të gabuar të ligjit material dhe procedurial, referenca kontradiktore që nuk përputheshin me provat dhe faktet e administruara gjatë procesit gjyqësor, si dhe një mosrespektim të kritereve ndaluese të lirimit me kusht. Kritere të qarta për ata të dënuar për krime të rënda, veçanërisht për përsëritësit.

Në përfundim të hetimit, ILD kërkoi që Këshilli i Lartë Gjyqësor të merrte masat e duhura dhe të fillonte procedimin disiplinor ndaj gjyqtarit Markeljan Kuqo për shkeljet që ai kishte kryer. Gjyqtari Kuqo është akuzuar për shkelje shumë të rënda disiplinore, të cilat diskreditojnë pozitën dhe figurën e tij si magjistrat dhe e bëjnë të papërshtatshëm për të vazhduar detyrën e tij. Në fund, ai u shkarkua nga detyra.

Më 11 qershor 2020, në një atentat mafioz u ekzekutua në zonën e Komunës së Parisit, Hekuran Billa, i liruar nga burgu 1 vit përpara ekzekutimit. Kjo ngjarje, është dëshmi e fortë e një prej pasojave që sjell procesi i dyshimtë i lirimeve me kusht.

Kur vendimet jepen pa meritë dhe pa përgjegjësi, nuk janë një mundësi për rehabilitim. Janë një lojë fati, ku shpesh humbja është e pashmangshme. Billa ishte një nga ata që përfitoi nga ky sistem, por për të, kjo nuk ishte një dhuratë, ishte një dënim i maskuar si liri.

Po të mos ishte liruar nga burgu, Hekuran Billa sot mund të ishte ende gjallë. Ndoshta pas hekurave, por ende në jetë. Fati i tij nuk do të ishte vulosur nga plumbat, por nga drejtësia që dikur i dha një dënim të përjetshëm. Një vendim gjyqësor dhe një prokuror që zgjodhi të heshtë i dhanë mundësinë të dilte i lirë. Një hap që e çoi drejt vdekjes.

“Ndërkohë qe ne nuk kemi parë ndonjëherë qe në burgje të këtë persona adapt profesionista, të cilët mund me të vërtetë të tregojnë sjelljet dhe reagimin pozitiv që duhet të kenë nesër pasnesër në shoqëri, individë të caktuar që janë nëpër ato institucione siç mund të ishin p.sh ekspertë antropologë të cilët studiojnë sjelljet e njerëzve dhe të na jepnin një databaze të saktë te këtyre personave”, u shpreh avokati Bledar Meminaj.

Në vendimin e marrë në shkurt të vitit 2019 nga gjyqtarja e Krujës Enkeleda Hoxha, argumentohej se viktima kishte sjellje të mirë në burg, kishte kryer një pjesë të dënimit si dhe nuk kishte asnjë masë disiplinore. Ai konsiderohej i gatshëm për riintegrimin në shoqëri.

Por, një vit më vonë, Hekuran Billa u ekzekutua në mes të Tiranës, në një atentat të mirëorganizuar. Fati e kishte ndjekur deri në atë moment, por nuk mundi ta mbrojë më.

Hetimet që pasuan këtë ngjarje zbuluan se lirimi i Billës nuk ishte një vendim i zakonshëm, por një skandal i drejtësisë. Inspektori i Lartë i Drejtësisë nisi një hetim disiplinor ndaj gjyqtares dhe prokurorit.

“Në asnjë rast ILD nuk mund të marrë as kompetencën e Kuvendit në kuptimin e ushtrimit të pushtetit legjislativ, por as pushtetin ose funksionin e gjykatave apo prokurorive. Unë mendoj që ILD me këtë tematikë inspektimi ia ka dalë më së miri pasi rekomandimet e bërë përfshi edhe ato për Gjykatën e Lartë dhe identifikimi i shkeljeve të magjistratëve ka bërë që sot që gjyqtare e prokurorë të jenë më të kujdesshëm në zbatimin e këtij instituti”, u shpreh Artur Metani.

Dokumentet të siguruara nga Inside Story tregojnë se procesi i lirimit të Hekuran Billës nga burgu ishte shoqëruar me një seri shkeljesh ligjore. Referuar hetimit disiplinor, një rol kyç kishte prokurori Bujar Memia i cili nuk kishte ushtruar asnjë ankimim kundër vendimit të gjykatës për lirimin me kusht të Billës.

Nga hetimi disiplinor i kryer nga Inspektori i Lartë i Drejtësisë u provua se: Prokurori Bujar Memia nuk e kundërshtoi lirimin e Billës, edhe pse ky i fundit kishte qenë i dënuar me burgim të përjetshëm për një vrasje në Britaninë e Madhe./Inside Story

VIDEO

Një ngjarje e rëndë ka tronditur Napolin, ku një 25-vjeçar telefonoi numrin 112 për të rrëfyer se kishte vrarë me thikë motrën e tij.

Kur karabinierët mbërritën në banesë, gjetën të pajetë 23-vjeçaren Noemi Riccardi, ndërsa vëllai i saj, Vincenzo Riccardi, pranoi menjëherë autorësinë e sulmit, duke deklaruar se kishte vepruar në një “gjendje çmendurie”.

Sipas hetuesve, menjëherë pas krimit ai ka bërë edhe një video-telefonatë me nënën, duke i treguar trupin e vajzës. Karabinierët e stacionit të Nolas e arrestuan 25-vjeçarin në vendngjarje, ndërsa Prokuroria hapi hetimin për të zbuluar motivet dhe rrethanat e ngjarjes.

Burime hetimore bëjnë të ditur se si Vincenzo, ashtu edhe motra e tij Noemi, trajtoheshin në të njëjtën qendër të shëndetit mendor në Nola. Hetimet po fokusohen tani në historikun e tyre mjekësor dhe në dinamikën familjare që mund të ketë çuar në krimin e rëndë.

Telefonata alarmuese erdhi nga vetë autori i dyshuar, i cili njoftoi se kishte therur motrën me thikë. Forcat e rendit e gjetën ende brenda banesës, në gjendje të rëndë agjitacioni, pa tentuar të largohej. Mjekët e emergjencës mundën vetëm të konfirmonin vdekjen e të resë.

Sipas vlerësimeve paraprake, Noemi është goditur me thikë të paktën gjashtë herë. Arma e krimit, një thikë kuzhine, u sekuestrua në vendngjarje. Në momentin e sulmit, nëna e tyre nuk ndodhej në shtëpi.

“Isha i acaruar, nuk mund ta duroja më”, mësohet t’u ketë thënë Vincenzo oficerëve, ndërsa versioni i tij po verifikohet në detaje.

Noemi Riccardi, 23 vjeçe, jetonte me nënën dhe vëllain e saj në të njëjtin apartament. Vincenzo, 25 vjeç, nuk rezulton të ketë pasur më parë precedentë për dhunë në familje. Prokuroria po punon për të rindërtuar të shkuarën familjare dhe çdo element që mund të ndihmojë në zbardhjen e plotë të motivit.

Një postim i gazetarit grek Aleksandros Zioulis ka vënë në qendër të kritikave kryeministrin shqiptar Edi Rama, këtë herë për sjelljen e tij gjatë një takimi në Bruksel.

Zioulis publikoi një foto ku Rama shfaqet duke puthur me pasion zëvendësministren e Punëve të Jashtme të Greqisë, Alexandra Papadopoulou, një imazh që gazetari e interpreton si të papërshtatshëm dhe të turpshëm për diplomacinë greke.

Zioulis e shoqëroi foton me një reagim të ashpër, duke e cilësuar sjelljen e Ramës si të ekzagjeruar dhe të pavend për një forum diplomatik.

Gazetari e përdori këtë rast edhe për të kritikuar marrëdhëniet ndërkombëtare të Ramës, duke përmendur figura të huaja që ai shprehet se kryeministri shqiptar i ka afruar për të mbajtur në pushtet regjimin e tij të drogës. 

‘Rama ka blerë dhe më pas ka emëruar si të ashtuquajturit “këshilltarë” të korruptuar dhe tani të dënuar shefin e Auditit të Brendshëm të FBI-së New York McGonigal, eurodeputetin e korruptuar gjerman Anthellenik Knut Fleckenstein, i cili pasi nuk u rizgjodh eurodeputet e emëroi si “këshilltar” të qeverisë së tij, ai ka bashkëpunëtor fshiu ish deputeti i Merkel Mark Haupman, britaniku i “famshem” Tony Blair, i korruptuari dhe i krimit te organizuar ish shefi i sherbimit sekret te Rumanise Florian Coldea, e shume te tjere!’, u shptreh më tej gazetari.

Në komentin e tij, Zioulis shkon deri aty sa paralajmëron se nuk do të befasohej nëse Papadopoulou do të shfaqej një ditë në listën e këshilltarëve të Ramës, duke e cilësuar këtë si rrezik për imazhin e qeverisë Mitsotakis.

Sipas tij, Greqia duhet të jetë më e kujdesshme për të mos u asociuar me sjellje që kanë karakter joprofesional dhe përplasës.

Postimi i gazetarit:

Turp, pa turp!

Zv/ministrja e punëve të jashtme Alexandra Papadopoulou, në puthje dhe dashuri me Anthellenicin Edi Rama dje në Bruksel!

Turpi dhe rënia e politikës greke!

P.S. Edi Rama dihet se ka blerë shumë figura publike në SHBA dhe Europë për të mbajtur në pushtet regjimin e tij të drogës!

Rama ka blerë dhe më pas ka emëruar si të ashtuquajturit “këshilltarë” të korruptuar dhe tani të dënuar shefin e Auditit të Brendshëm të FBI-së New York McGonigal, eurodeputetin e korruptuar gjerman Anthellenik Knut Fleckenstein, i cili pasi nuk u rizgjodh eurodeputet e emëroi si “këshilltar” të qeverisë së tij, ai ka bashkëpunëtor fshiu ish deputeti i Merkel Mark Haupman, britaniku i “famshem” Tony Blair, i korruptuari dhe i krimit te organizuar ish shefi i sherbimit sekret te Rumanise Florian Coldea, e shume te tjere!

Personalisht, NUK habitem nëse një ditë e shoh Alexandra Papadopoulou në ndonjë listë të “këshilltarëve” të Ramës…

Deri atëherë ND dhe qeveria e kryeministrit Kyriakos Mitsotakis, le të marrin masat e nevojshme për të mos u ekspozuar!
Aleksandër Zoulis

Këngëtarja dhe ikona e stilit, Jonida Maliqi, e ftuar së fundmi në programin “Rudina” në Tv Klan, ka bërë një rrëfim të sinqertë lidhur me eksperimentet e saj me pamjen e jashtme, duke pranuar hapur një nga pendesat e saj më të mëdha estetike.

E njohur për guximin e saj në modë dhe dukje, Maliqi pranoi se ndikimi i saj ka bërë që shumë vajza të ndiqnin verbërisht trendet që ajo vendoste, veçanërisht atë të vetullave tatuazh, për të cilin sot kërkon ndjesë.

Këngëtarja zbuloi se procesi për të rregulluar këtë gabim të së shkuarës ka qenë i dhimbshëm dhe i gjatë. Ajo u shpreh: “Kam bërë seanca lazeri të cilat i hoqa komplet, totalisht vjet dhe pastaj m’u desh që t’i ribëja në një formë tjetër pak më natyrale, pudër, jo më ai tatuazhi i mirëfilltë sikurse e kam në trup. Vërtet e kam vuajtur shumë.”

Sipas saj, këto vendime ishin pasojë e dëshirës për të qenë gjithmonë e veçantë në ekran. “Këto janë ndoshta edhe gabime të brezit tonë, të risive që vinin asokohe, të trendeve, plus duke qenë në ekran unë kam qenë gjithmonë shumë e guximshme dhe ndonjëherë merrja në konsideratë vetëm dëshirën time, jo pasojat sesi do të vinte jeta më vonë,” shpjegoi Maliqi.

Në përmbyllje, ajo dha një mesazh të fortë ndërgjegjësues për vajzat, duke u nisur nga eksperienca personale: “Këshilla nga eksperienca ime personale do të jetë mos abuzoni dhe tejkaloni me përdorimin e fillerave dhe botox. Ndonjëherë ai ekzagjerimi nuk të bën të rikthehesh në identitet.”

Lirohet nga qelia e dashura e Safet Bajrit, Eria Ago.

Gjykata e Posaçme e Apelit zbut masën nga “arrest në burg” në “arrest ne shtëpi”.

Eria Ago që prej muajsh mbahej në paraburgim në IVEP Pojskë, dyshohej se ndihmoi Bajrin në vrasjen e Fatbardh Licit.

Një ish-police e Bostonit në Shtetet e Bashkuara të Amerikës, e cila pretendonte se ishte shkarkuar padrejtësisht pasi kolegët e saj bënin shaka të pahijshme për jetën e saj seksuale, u shpërblye me 1 milion dollarë nga një gjykatë.

“Daily Mail” shkruan se juria u bind se ngacmimi kishte lidhje me shkarkimin e saj dhe vendosi se ajo thjesht nuk ishte e aftë në punën e saj.

Gruaja në fjalë është Enxhi Qirici, 32 vjeçe, e cila u shkarkua nga Departamenti i Policisë së Bostonit (BPD) në vitin 2019. Dyshohet se ajo kishte humbur kontrollin dhe kishte shpërthyer ndaj kolegëve të tjerë në dy raste të veçanta, sipas departamentit.

Por në vitin 2021, Qirici paditi BPD, duke pretenduar se shkarkimi i saj ishte një akt hakmarrjeje dhe se ajo përjetonte ngacmim seksual dhe diskriminim të pandërprerë në punë, sipas padisë së depozituar në Gjykatën e Distriktit të SHBA-së për Massachusetts.

Ndërkohë të martën, juria përfundoi se, edhe pse Qirici përjetoi një ambient pune armiqësor, kjo nuk kishte lidhje me shkarkimin e saj, sipas “The Boston Globe”.

Brenda muajit të parë të punës, Qirici, e bardhë dhe me origjinë nga Shqipëria, filloi të takonte një koleg, Eliot Telisnor, i cili është me ngjyrë.

Kur u përhap lajmi për marrëdhënien e tyre në departament, Qirici tha se u godit nga një seri shakash të pahijshme dhe aludimesh për jetën e saj seksuale. Madje, kolegët e saj kishin thënë se donin të flinin me të, sipas padisë.

32-vjeçarja pretendoi se ishte bërë objekt sulmesh sepse po dilte me një burrë me ngjyrë, dhe se drejtuesit lejonin që ndaj saj të bëheshin “shprehje të shëmtuara, seksiste dhe raciste”, sipas padisë.

“Kjo çështje ka të bëjë me drejtësinë dhe barazinë,” tha avokati i Qiricit, Ilir Kavaja, në gjykatë, sipas ‘The Boston Globe’.

Gjatë këtyre ndërveprimeve të pakëndshme, Qirici e cila ishte ende në periudhën e saj njëvjeçare të provës, që aplikohet për të gjithë oficerët e rinj  u përfshi në dy incidente që në fund çuan në shkarkimin e saj.

I pari ndodhi në korrik të vitit 2018, kur ajo ndaloi te një kantier ndërtimi për t’i bërë një pyetje Telisnorit rreth plotësimit të një raporti.

Por situata mori një kthesë dramatike kur ajo filloi të bërtiste ndaj një oficeri të policisë së Universitetit Northeastern që u përball me të për parkimin e paligjshëm të makinës së saj të policisë disa herë.

Sipas letrës së shkarkimit të Qiricit, ajo e ofendoi oficerin tjetër. Ajo pranoi se sjellja e saj ishte e papërshtatshme, por pretendoi se ai po sillej në mënyrë të pasjellshme ndaj saj.

Shkelja e dytë erdhi rreth një muaj më vonë, kur ajo dhe Telisnor ishin lidhur së bashku.

Gjatë pushimit, ata shkuan me makinë në Aeroportin Ndërkombëtar Boston Logan për të zgjidhur një çështje personale që lidhej me nënën e saj.

Qirici iu afrua një oficeri të aeroportit për ndihmë, por kur ai i kërkoi identifikimin, ajo u nervozua dhe u emocionua, thanë avokatët e departamentit të policisë.

Pas kësaj përballjeje, ajo u caktua në detyrë në zyrë dhe departamenti i konfiskoi armën. Kjo ishte koha kur ngacmimet që ajo përjetonte thuhet se kulmuan.

Qirici tha se oficerët e pyetën nëse ishte shtatzënë dhe vazhdimisht i shikonin trupin.

Në mars 2019, ajo depozitoi një ankesë për shakatë seksuale dhe komentet diskriminuese te Komisioni i Massachusetts Kundër Diskriminimit.

Rreth tre javë më vonë, ajo u shkarkua. Ndërsa avokati i saj pretendonte se koha sugjeronte hakmarrje, departamenti i policisë shpjegoi se kjo nuk kishte asnjë lidhje me ankesën që ajo kishte bërë.

Qirici filloi trajnimin për t’u bashkuar me forcën e policisë në 2017 dhe ishte ende në periudhën e provës kur u përfshi në të dy konfliktet.

Edward Whitesell, një avokat që përfaqësonte qytetin në gjykatë, tha se kjo periudhë prove i lejon departamentit të largojë oficerët problematikë që në fillim, raporton The Boston Globe.

Pas largimit nga departamenti i policisë, Qirici, e cila tashmë kishte një diplomë bachelor në drejtësi penale dhe kriminologji, vendosi të ndjekë një diplomë në ligj.

Tani punon si avokate në zonën e Bostonit, por tha në gjykatë se të qenit police ishte puna e ëndrrave të saj dhe largimi nga forca ishte emocionalisht i vështirë.

“Ajo kishte karrierën e saj dhe iu mor,” dëshmoi Telisnor, i cili ende është polic, në gjykatë, sipas “The Boston Globe”.

Ambasadori polak në Rusi, Krzysztof Krajewski, u sulmua në Shën Petersburg.

Për fat të mirë ai shpëtoi pa u lënduar, falë ndërhyrjes së menjëhershme të Shërbimit të Mbrojtjes së Shtetit të Polonisë (SOP). Incidenti, më i rëndë nga sulmet e tilla në vitet e fundit, u konfirmua nga Ministria e Jashtme polake.

Sipas gazetës Gazeta Wyborcza, Krzysztof Krajewski ishte në Shën Petersburg për t’u takuar me diasporën polake vendase, për shkak të përvjetorit të Pavarësisë së Polonisë. Gjatë vizitës, kur po shkonte në kishë, ambasadori u rrethua nga një grup “aktivistësh” që bërtisnin slogane anti-ukrainase.

Grupi i aktivistëve filloi ta mallkonte ambasadorin dhe u përpoq ta godiste, por burrat e sigurisë reaguan menjëherë dhe e penguan atë të lëndohej.

Sipas një zëdhënësi të Ministrisë së Jashtme polake, “ishte sulmi më serioz i këtij lloji në shumë vite dhe vetëm ndërhyrja e rojeve parandaloi rrahjen e ambasadorit”.

Qeveria polake shprehu mosmiratimin e saj për sulmin dhe “agresivitetin” e grupit të protestuesve.

Në shenjë proteste, Ministria e Jashtme polake thirri ambasadorin rus në Varshavë për shpjegime, ndërsa njoftoi marrëveshjen për mbylljen e Konsullatës së Përgjithshme Ruse në Gdansk dhe lëvizjen e kufizuar të diplomatëve rusë në Poloni.

❗️Krzysztof Krajewski, Polish ambassador to Russia, was attacked in St Petersburg.

According to TVP, the ambassador was attacked by an aggressive group of about 10 people carrying anti-Polish and anti-Ukrainian banners. They surrounded him and attempted to strike him.

"It began… pic.twitter.com/LHiFdwmW5y

— Anton Gerashchenko (@Gerashchenko_en) November 20, 2025

Një avion i nisur nga Londra me destinacion Tiranën nuk ka mbërritur ende në Shqipëri pasi në Gjermani ka devijuar rrugën.

Avioni i Wiz Air i nisur nga Luton Airport pritej të mbërrinte në Rinas në orën 10:55, por në Mynih avioni ka devijuar rrugën dhe është kthyer në destinacionin fillestar, Londër.

Raportohet se 5 pasagjerë janë sëmurur papritur me gjendje të fikëti dhe sapo ekuipazhi ka njoftuar pilotin ai ka devijuar rrugën për t’u kthyer në Londër pasi në atë pikë ishte më afër se Tirana.

Avioni ka mbërritur në aeroport dhe 5 ambulanca ndodhen në pistë duke pritur pasagjerët e sëmurë, të cilét nuk dihet çfarë u ka ndodhur.

Ndërkohë pasagjerët e tjerë pritet të nisen drejt Tiranës më vonë dhe kjo ka shkaktuar vonesa edhe për pasagjerët që do udhëtonin nga Tirana drejt Londrës.

Prokuroria e Posaçme Anti Korrupsion ka hedhur dritë mbi fakte të reja lidhur me krahun e djathtë të Belinda Ballukut, Evis Berberin, i cili sipas SPAK vepronte si pronar i shoqërisë “DAAM” Shpk.

Kompania e tij ka fituar një pjesë të tenderit të Lotit të 4 të Unazës së Madhe, gjë për të cilën SPAK ka vënën në akuzë edhe Belinda Ballukun, nga sot e pezulluar nga detyra si zv.kryeministre dhe ministre e Infrastrukturës dhe Energjetikes.

Në një pjesë të dosjes theksohet se: “Shtetasi Evis Berberi bën shitje fiktive të shoqërie së tij, shtetases Brunilda Buli, por nga bisedat vërehet se shtetasi Evis Berberi vepron në cilësinë e pronarit të shoqërisë “DAAM” sh.p.k, pasi ai interesohet dhe informohet për aktivitetin e shoqërisë (për klientët, furnitorët, detyrimet, punonjësit e shoqërisë) si dhe merr vendime për pagesat, faturat, detyrimet si dhe punonjësit e shoqërisë”.

Në  dokumentin hetimor, theksohet se Berberi udhëzon shtetasin Ervis Lami kur dhe si të veprojë me pagesat e tatimeve, në mënyrë që të shmangë gjobat. Po ashtu angazhohet të realizojë transfertat, të cilat i siguron me anë të të motrës, Elektra Berberi e cila punon në bankë.

Kjo e fundit i thotë se shkresat për firmosje do ja çojë tek shtëpia e mamasë së tij. Ndërkohë që shitja fiktive e kompanisë DAAM shpk sipas përgjimeve të SPAK rezulton të jetë bërë shtetases Brunilda Buli, të cilës Evis Berberi i drejtohet si “Teze”.

“Teze me bej një foto firmës tende dhe ma nis! Ne What app 09:31, shtetasja Brunilda Buli dërgon një fotografi, në të cilën vërehen katër shënime në dukje! Ta falsifikoj pak “”, thuhet në përgjimet e SPAK .

Ndërkohë që transferta e Berberit është finalizuarnë adresë të një kompanie tjetër: “Në lidhje me bisedat e mësipërme, referuar të dhënave bankare të shoqërisë “DAAM” sh.p.k në bankën Raiffeisen, rezulton se në datën 25.02.2019 (data e komunikimit), nga llogaria bankare e kësaj shoqërie është kryer pagesa në vlerën 30,000 Euro në drejtim të shoqërisë “PM&A Company” sh.p.k, me përshkrimin “lik pjesor ft 282 d 15/2/19″”

Pjesë nga dosja e SPAK:

Kohë në të cilën shtetasi Evis Berberi bën shitje fiktive të shoqërie së tij, shtetases Brunilda Buli, por nga bisedat vërehet se shtetasi Evis Berberi vepron në cilësinë e pronarit të shoqërisë “DAAM” sh.p.k, pasi ai interesohet dhe informohet për aktivitetin e shoqërisë (për klientët, furnitorët, detyrimet, punonjësit e shoqërisë) si dhe merr vendime për pagesat, faturat, detyrimet si dhe punonjësit e shoqërisë, siç rezulton nga bisedat, si më poshtë:

Në datën 11.02.2019, në orën 09:33, shtetasi Evis Berberi i dërgon shtetasit Ervis Lami, urdhër pagesën në vlerën 293,913 lekë për tatimin e thjeshtuar mbi fitimin të shoqërisë “DAAM” sh.p.k.

Në orën 13:27, Evis Berberi: “Mos me harro Tatim fitimin sot se ha gjobe”.

Në orën 13:27, Ervis Lami: “Atje po iki”.

Në orën 13:28, shtetasi Evis Berberi: “Thanks”.

Në lidhje me bisedat e mësipërme, referuar të dhënave bankare të shoqërisë “DAAM” sh.p.k. në bankën Raiffeisen, rezulton se në datën 11.02.2019 (data e komunikimit), nga llogaria bankare e kësaj shoqërie, është kryer pagesa në vlerën 293,093 lekë, në drejtim të Drejtorisë së Përgjithshme të Tatimeve, me përshkrimin “tat i thj mbi fitim janar-dhjetor 2018”.

Në datën 13.02.2019, në orën 11:40, shtetasi Ervis Lami i dërgon SMS shtetasit Evis Berberi: “Do besh nesër një kërkese për 21 mije € Ne mënyre qe ti thyjm për te bere pagesën?”.

Në orën 11:40, Evis Berberi: “Ok”.

Në orën 11:40, Ervis Lami: “Edhe ti fusim ne banke ti kemi gjendje?”.

Në orën 11:40, shtetasi Evis Berberi: “Ok”.

Në orën 11:40, Ervis Lami: “Oki”.

Në orën 11:41, shtetasi Evis Berberi i dërgon sms motrës së tij, shtetases Elektra Berberi (punonjëse e bankës Raiffeisen gjatë kohës së komunikimeve): “Me bej kërkese për 21000 euro nesër”.

Në orën 11:57-11:58, Elektra Berberi: “Ok Do vish vet?? Se ke një formular pa firme. Apo ta çoj te mami dhe e firmos atje?”.

Në orën 11:58, Evis Berberi: “Çoje te mami”. Në orën 11:58, Elektra Berberi: “Ok”.

Më pas në orën 13:13, Elektra Berberi: “Ta bëra rezervimin, deri ne 30,000 euro tërheq kështu qe je ok. Pa komision eshte.”.

Në orën 13:13, Evis Berberi: “Ok thanks”.

Në orën 13:16, shtetasi Evis Berberi i dërgon SMS shtetasit Ervis Lami: “E bera kërkesën! Neser I ke gati”.

Në orën 13:16, Ervis Lami: “Oki shoku”.

Në datën 25.02.2019, në orën 08:26, shtetasi Ervis Lami i dërgon SMS shtetasit Evis Berberi: “Thuaj pak motres per 30 mijë”.

Në orën 08:44, shtetasi Evis Berberi: “Ok Transferte?”.

Në orën 08:44-08:45, Ervis Lami: “Pagese fature pjesore. Do ja nis une me foto faturen”

Në orën 08:45, Evis Berberi: “Ok?

Shtetasi Evis Berberi: “Fola”. Coja”.

Në lidhje me bisedat e mësipërme, referuar të dhënave bankare të shoqërisë “DAAM” sh.p.k në bankën Raiffeisen, rezulton se në datën 25.02.2019 (data e komunikimit), nga llogaria bankare e kësaj shoqërie është kryer pagesa në vlerën 30,000 Euro në drejtim të shoqërisë “PM&A Company” sh.p.k, me përshkrimin “lik pjesor ft 282 d 15/2/19”,

Në datën 07.03.2019, në orën 09:20, shtetasi Ervis Lami i dërgon SMS shtetasit Evis Berberi:

“Mirmengjes. Me duhet nje firme e Brunildes. Me foto. Dhe passëordi emailit Daam”.

Në orën 09:29, shtetasi Evis Berberi i dërgon SMS shtetases Brunilda Buli: “Teze me bej një foto firmës tende dhe ma nis!

Ne Whats app 09:31, shtetasja Brunilda Buli dërgon një fotografi, në të cilën vërehen katër shënime në dukje! Ta falsifikoj pak “./News24