Author: admin

Sinoptikania Lajda Porja bëri parashikimin e motit për fundjavën dhe ditët në vijim. Sipas saj, të shtunën në mbrëmje pritet depërtimi i një mase të ftohtë polare në Shqipëri, e cila ka prekur aktualisht Europën Qendrore.

Kjo do të sjellë dëborë në zonat malore, sidomos në veri-lindje, ndërsa në qarkun e Korçës reshjet do të jenë më të pakta. Temperaturat do të bien ndjeshëm, ndërsa reshjet do të vazhdojnë të jenë prezente deri të hënën, me shi në ultësirën perëndimore dhe dëborë në zonat malore.

“Të shtunën në mbrëmje presim depërtimin e një mase të ftohtë polare, e cila është futur në Europën Qendrore. Do të kemi dëborë në zonat malore veri-lindje do të ketë më shumë dhe më pak qarku i Korçës, do të bien temperaturat. Parashikohet që reshjet të mbeten prezente të dielën dhe të hënën e javës që vjen. Shi në Ultësirën Perëndimore dhe dëborë në zonën malore. Moti është i paqëndrueshëm”, tha Porja në një intervistë televizive.

Porja paralajmëroi se episodi i ftohtë do të vazhdojë deri të martën, me temperatura që në zonat malore mund të bien deri disa gradë nën zero.

Të mërkurën e javës tjetër pritet një rritje e temperaturave dhe rikthim i reshjeve, me një fenomen të shkurtër më 27 të muajit, që mund të sjellë reshje të dendura, veçanërisht në veri dhe pjesërisht në qendër.

“Do të kemi episodin e ftohtë i cili do të jetë 0, deri në disa gradë nën zero në zonat malore, të shtunën, të dielën, të hënën dhe deri ditën e martë. Të mërkurën e javës tjetër rriten temperatura, rikthehen reshjet, ka sinjale që data 27 të ketë një tjetër fenomen, i cili fatmirësisht do të qëndrojë shumë pak, por do të sjellë dhe do të prodhojë reshje të dendura. Më shumë është veriu, por kësaj here është pjesërisht edhe qendra.”

Në disa zona ekziston rreziku për përmbytje, për shkak të lagështisë së lartë të tokës pas periudhës së reshjeve. Deri më 28 nëntor, moti pritet të mbetet i paqëndrueshëm.

“Në zona të caktuara do të ketë rrezik për përmbytje, sidomos pas kësaj periudhe ku toka është e tejngopur me lagështirë, edhe sikur një episod i vogël me reshje të bjerë është fatal për zonat që janë përmbytur. Deri nga data 28 moti është i paqëndrueshëm.”

Atentati i Rinasit, ku mbetën të vrarë më datë 11 Nëntor 2025, Gilmando Dani dhe humbi jetën katër ditë më pas në spital efektivi i policisë Muçi Shaljani, që udhëtonte me të, vjen në dritën e dëshmive të reja dhe pistat ku grupi hetues është ndalur në zbardhjen e këtij krimi.

Por si mbërriti deri në vendin e krimit, makina e autorëve? Dhe si u shfaq ajo aty?

Sipas të dhënave të siguruara nga emisioni ‘Në Shënjestër’. targat e automjetit ‘Toyota’ që u përdor nga qitësit në krimin e vrasjes së Gilmando Danit dhe Muçi Shaljanit, rezultojnë të vjedhura në Greqi, gati pothuaj një vit më parë.

Një histori tashmë e ngjashme e cila përsëritet në çdo skenë krimi në Shqipëri, ku makinat e vjedhura brenda apo jashtë vendit, mbahen të magazinuara dhe më pas dalin dhe përdoren në skena krimi të ndryshme, sikurse duket se ka ndodhur edhe në atentatin e fundit në Rinas.

Ndërsa makina me të cilin udhëtonin tashmë dy viktimat i përket një kompanie, e cila është në pronësi të Elvis Kosovës i njohur si Visi i Garave që merret me shitje dhe blerje makinash, si dhe ka marrë pjesë në disa gara me makina.

Elvis Kosova rezulton se një vit më parë është arrestuar së bashku me një shtetas turk, i identifikuar si Yucehan Er, pasi përmes një skeme mashtrimi kanë tentuar që të përvetësojnë një automjet tip ‘Audi’ me vlerë 200 mijë euro.
Ndërsa në korrik të këtij viti, atij iu vendos tritol në garazh, në zonën e Kopshtit Zoologjik në Tiranë.

“Nga verifikimet paraprake, rezulton se targat greke XZX 1059, janë kallëzuar të vjedhura me datë 28 Tetor 2024, në shtetin grek, dhe i përkasin një automjeti të markës Opel Corsa, me pronar po një shtetas grek.
Gjithashtu, nga verifikimet në sistemin E-gjoba, rezulton se automjeti ‘Mercedes Benz’ me targa AB 099 UO, me ngjyrë të bardhë me të cilët udhëtonin i dëmtuari dhe viktima figuron i regjistruar në emër të kompanisë ‘Mel Construction’”, thuhet në dosjen hetimore.

Por cilat ishin lëvizjet e Gilmando Danit dhe Muçit Shaljanit në shtetin spanjoll?
Dhe si ishte e mundur që një agjent i Mbikqyrjes Policore të lëvizte bashkë me një kontigjent të tillë kriminal Gilmando Dani që nuk kishte vetëm 6 muaj që kishte dalë nga burgimi, në akuzën për gjobëvënie ku ishte dënuar në vitin 2018 me 12 vite burgim, por që kishte dalë me vetëm 2/3 e dënimit?

“Nga verifikimet të sistemin Tims, rezulton se shtetasit Gilmando Dani dhe Muçi Shaljani kanë regjistruar dalje nga territori i Republikës së Shqipërisë me datë 7 Nëntor 2025,
nëpërmjet pikës së kalimit kufitar Rinas, si dhe kanë regjistruar hyrje në territorin e Republikës së Shqipërisë më datë 11 Nëntor 2025, po në pikën e kalimit Kufitar Rinas”, thuhet në dosjen hetimore.

Por ajo që bën habi në udhëtimin e tyre është se Gilmando Dani dhe Muçi Shaljani duhet të ktheheshin në Shqipëri një ditë më herët, pra më datë 10 Nëntor, dhe jo më 11 kur ranë pre e atentatit.

Kjo pasi fluturimi i tyre loë coast me kompaninë ‘Ëizz Air’, ishte anuluar duke shtyrë kështu me 24 orë kthimin e tyre në atdhe, por që ky anulim nuk duket se i shpëtoi pasi vrasësit kishin informacion të saktë lidhur mbi lëvizjet e tyre, pse jo edhe për anulimin e fluturimit.

Çka lë të mendosh se burimi i informacionit ka qenë fare pranë tyre ose vrasësit mund t’i kenë ndjekur deri në Spanjë.

Ndërkohë që është ende e paqartë arsyeja e vizitës së shkurtër të Danit dhe Shaljanit në Spanjë.
Sipas të dhënave të siguruara nga pamjet filmike ajo që është arritur të konfirmohet është fakti se makina me togën e qitësve vjen nga e njëjta rrugë nga e cila më pas largohet.

Për qëllime të hetimit janë sekuestruar dhe administruar pamjet filmike të marra nga subjekte të ndryshme private në vendin e ngjarjes si dhe përgjatë itinerarit që dyshohet se kanë përshkruar autorët për t’u afruar dhe larguar nga vendi i ngjarjes.

Nga kqyrja paraprake e kamerave të sigurisë së ‘A.. Hotel’ rezulton se më datë 11 Nëntor 2025, në orën 14:08, nga rruga e vjetër e Fushë Krujës (Rruga e hurmave) shfaqet duke ardhur në drejtim të rrethit të Rinasit, një automjet në dukje i markës ‘Toyota’ me targa të huaja, i cili ndalon dhe qëndron për disa minuta me bllokazh në trotuarin përpara subjektit ‘A.. Hotel’”, thuhet në dosjen e hetuesve.

Por për të mësuar se si Gilmando Dani dhe Muçi Shaljani udhëtuan së bashku, grupi hetues nisi kërkimet edhe për mënyrën se si ata siguruan biletat e udhëtimit për në Spanjë.
Nga ku rezultoi se këto bileta nuk ishin prerë nga ata vetë, por nga një person i tretë që ishte paraqitur në emër të Muçi Shaljanit dhe që duket se kishte njohje të vjetra me administratoren e agjencisë së udhëtimit.

“Nga verifikimet paraprake, rezulton se këta dy shtetas kanë udhëtuar sëbashku dhe biletat e udhëtimit janë prerë në agjensinë e udhëtimeve ‘L… Travel’, Tiranë, me administratore shtetasen D. Ç.
E pyetur në cilësinë e personit që ka dijeni për rrethanat e hetimit, shtetasja D. Ç, ka deklaruar se në agjensinë e udhëtimve të saj ka të punësuar pesë punonjëse, të cilat së bashku me të merren me rezervimin e biletave të udhëtimeve me avion, autobus, etj..

Rezervimet e udhëtimeve sipas saj bëhen me anë të paraqitjes fizike të klientëve pranë agjencisë ose nëpërmjet numrit të telefonit të kompanisë”, thuhet në dosje.

Por në rastin konkret D. Ç pranoi se prerja e biletave nuk ishte bërë nga vetë personat fizikë. Por nga një njohje e saj shoqërore, prej disa vitesh i cili prenotonte shpesh bileta në agjencinë e saj.
Jo vetëm për personin e tij, por edhe për familjarë dhe lidhje të tija shoqërore.
Siç kishte bërë edhe herën e fundit që kishte kontaktuar me të si administratore e agjencisë. Ku kishte kërkuar dy bileta udhëtimi.
Vetëm dy ditë përpara se Gilmando Dani dhe Muçi Shaljani të udhëtonin drejt Barcelonës në Spanjë.

“Më datë 5 Nëntor 2025 shtetasi R. T, ka prerë dy bileta në emër të shtetasve Gilmando Dani dhe Muçi Shaljani.
Biletat e avionit janë rezervuar për datën e nisjes 7 Nëntor 2025, ora 19:15 nga Rinasi për në Barcelonë me datë kthimi 10 Nëntor 2025. Por në këtë datë, pra më 10 Nëntor 2025, rreth orës 22:17 në emailin e agjensisë sonë të udhëtimeve mbërriti një njoftim se fluturimi i kthimit ishte anulluar. Për këtë fakt unë komunikova me shtetasin R. T që të njoftonte pasagjerët Gilmando Dani dhe Muçi Shaljani”, ka pranuar D.Ç.
Vetë D. Ç, administratorja e agjencisë turistike ku Dani dhe Shaljani kishin prerë biletat, tha për grupin hetues se udhëtimi u vendos të kryhej vetëm disa orë pas anulimit Më datë 11 Nëntor ora 11.20, me nisje nga Barcelona Dhe do të zgjaste 2 orë e 10 min.

“Sikurse ju bëra me dije udhëtimi i anuluar nga kompania ‘Ëizz Air’ u shty për më datë 11 Nëntor 2025 me orar nisje nga Barcelona në orën 11:20 dhe orar mbërritje në Tiranë në orën 13:55. Biletat për këto dy pasagjerë u rezervuan dhe u paguan nga shtetasi R.T.
I cili mi dërgoi të dhënat e tyre nëpërmjet telefonit në aplikacionin ‘ËhatsApp’”, tha ai.

D. Ç tha më tej se ajo nuk kishte asnjë njohje qoftë me Gilmando Danin, ashtu edhe me Muçi Shaljanin.
Ndërsa kishte mundur të kuptonte që R.T, njohja e saj e vjetër shoqërore që prenotoi edhe biletat, kishte lidhje familjare me Muçi Shaljanin.

“Unë nuk kam komunikuar dhe nuk kam kontaktuar asnjëherë me shtetasit Gilmando Dani dhe Muçi Shaljani, dhe sipas asaj që kam kuptuar R.T mund të ketë lidhje familjare me shtetasin Muçi Shaljani. Gjithashtu deklaroj se lidhur me datën dhe orën e fluturimit, përveç meje, punonjëseve të agjensisë së udhëtimit, dhe shtetasit R. T, mund të kenë patur dijeni edhe personeli i aeroportit të Rinasit të cilët kanë informacion dhe akses në listën e udhëtimeve (fluturimeve) dhe të udhëtarëve”, tha ai.

Por shumë pikëpyetje kanë mbetur të paqarta mbi ngjarjen. Si ajo e fikjes së dritave në zonën përreth krimit, një histori e ngjashme si ajo në vrasjen e Gentjan Bejtjas në fshatin Nikël në Fushë-Krujës, ajo e Ravik Gurrës në Elbasan apo edhe ajo e Gëzim Sinomatit që u qëllua me snajper në Vlorë.
Ku në të gjitha rastet, grupet kriminale shfrytëzojnë mungesën e energjisë në zonën ku do të kryhet krimi.
Mungesë energjie që në rastin e fundit është argumentuar nga OSHEE, si e paralajmëruar. Pasi sipas tyre ka një njoftim që në orën 00.00 të mbrëmjes së datës 10 Nëntor për fikjen e dritave në zonë.
Ndërkohë që lidhur mbi këtë rast, në OSHEE zbarkuan edhe oficerë të policisë gjyqësore.

A ishte e mbushur zona me informatorë të cilët mbanin të informuar togën e qitësve, e cila siç thamë shfaqet në skenën e atentatit vetëm 2 minuta përpara se automjeti ku në bord janë Gilmando Dani dhe miku i tij Muçi Shaljani, të lerë parkingun e aeroportit ‘Nënë Tereza’ dhe të lëvizë drejt rrethit.

Cila ishte e shkuara e makinës që u përdor në krim dhe pse në orën që ndodhi atentati në zonë ishte ndërprerë energjia elektrike? Gilmando Dani që siç del edhe më tej nga ekspertiza mjeko-ligjore, u gjet pa asnjë shenjë jete në sediljen e parë të automjetit ‘Mercedes Benz’ të drejtuar nga miku i tij Muçi Shaljani, ku plumbat e kishin marrë në kokë.

Plumba që kishin dëpërtuar deri në veshmbathjet e tij, apo edhe në çantën e dorës.
Dani kishte lëvizur nga aeroporti deri në makinën e mikut të tij që ndodhej në parking, me një kapele në kokë dhe një orë Rolex në dorë.

Por përveç dy aparateve të tij celularë, ku njëri mbante inicialin e emrit të tij, dhe sendeve personale, policia nuk gjeti në makinë asgjë të paligjshme.

Madje sasia e rrobave që kishte marrë me vete, të lë të kuptosh se udhëtimi i tij do të ishte i shkurtër në shtetin spanjoll.

“Gjatë kqyrjes së kufomës së shtetasit Gilmando Dani, në ambjentet e IML, Tiranë, u konstatuan disa dëmtime në trup dhe një dëmtim në kokë, i shkaktuar nga kalimi i predhave të një arme zjarri. Nga trupi i viktimës u hoqën tre predha metalike, tre këmisha predhe dhe një bërthamë predhe”, thuhet në dosjen hetimore.

Madje sasia e rrobave që kishte marrë me vete, të lë të kuptosh se udhëtimi i tij do të ishte i shkurtër në shtetin spanjoll.

“Gjatë kqyrjes së kufomës së shtetasit Gilmando Dani, në ambjentet e IML, Tiranë, u konstatuan disa dëmtime në trup dhe një dëmtim në kokë, i shkaktuar nga kalimi i predhave të një arme zjarri. Nga trupi i viktimës u hoqën tre predha metalike, tre këmisha predhe dhe një bërthamë predhe”, thuhet në dosjen hetimore.

Në një ngjarje që ka tronditur zonën të San Paolo Bel Sito (provincia e Napolit), një 25-vjeçar ka vrarë motrën e tij 23-vjeçare në banesën e familjes dhe më pas ka telefonuar policinë për të pranuar krimin e rëndë. Ngjarja ka ndodhur gjatë pasdites së ditës së sotme.

Detajet e ngjarjes

Sipas raportimeve të parë, viktima është identifikuar si Noemi Riccardi, 23 vjeçe, ndërsa autori është 25-vjeçari Vincenzo Riccardi — i pa­parënd­hur penalisht. LaPresse+3Libero Quotidiano+3Il Fatto Quotidiano+3

Në banesën e çiftit në San Paolo Bel Sito, në katin e pestë të ndërtesës në Via San Paolo Bel Sito, autori ka goditur motrën me disa thika – sipas të dhënave të para, të paktën disa “fendenti”.

Pas aktit ai ka bërë një video-thirrje për nënën, që nuk ishte në banesë në atë moment, dhe i ka treguar trupin e pajetë të vajzës. Më pas ka kontaktuar numrin emergjent 112 për të pranuar krimin.

Kur patrulla e Carabinieri nga Nola mbërriti në vendngjarje u identifikua autori, i cili konfirmoi se ishte ai që kreu veprën.

Përmasat dhe hetimi

Ngjarja ndodhi rreth orës pasdite dhe është duke u hetuar në bashkëpunim me Prokurorinë e Nolas.  Sipas burimeve, autori ka deklaruar se ka vepruar në një “raptus di follia” (kapje e momentit) për shkak të tensioneve të akumuluara.

Të dy – autori dhe viktima – kishin qenë në trajtim shëndetësor në qendër për shëndetin mendor.

Sapo të zbardhen të gjitha faktet – momenti i sak­të i ngjarjes, lloji i konfliktit paraprak dhe çfarë po ndiqej nga hetuesit – pritet të bëhen të ditura detaje të tjera për publikun.

Rrethanat dhe konteksti

Kjo ngjarje vjen në një zonë urbane pak larg Napolit ku bashkëjetesa familjare dhe presionet shoqërore shpesh mund të sjellin tragjedi. Fakti që autori nuk ka precedent penal paraqet një alarm shtesë: sa mirë janë ndihmuar dhe identifikuar personat me vu­en­dje të shëndetit mendor?

Tiranë – Kryeministri Edi Rama, gjatë një takimi me socialistët e Njësisë numër 2 në Tiranë, u ndal te çështja e rëndësishme e pensioneve dhe njohjes reciproke të viteve të punës me Greqinë. Marrëveshja po kërkohet për shkak se shumë emigrantë shqiptarë që punuan pas vitit 1991 në Greqi nuk i kanë të njohura vitet e punës në atdhe për efekt pensioni.

Lexo gjithashtu:Euro në rënie të lirë, flet eksperti

 Progresi Dhe Vështirësitë Me Greqinë

Rama theksoi rëndësinë e kësaj marrëveshjeje, duke e krahasuar me suksesin e arritur me Italinë:

• Puna E Nisur: “Kemi filluar punën me Greqinë, janë ngritur grupet që diskutojnë.”
• Vështirësia: Rama pranoi se arritja e kësaj marrëveshjeje do të jetë më e vështirë se me Italinë, për shkak të mundësive të Greqisë dhe numrit shumë të madh të emigrantëve shqiptarë atje.
• Shpresa: “Jam shpresë plotë që do ta arrijmë dhe këtë.”
• Logjika E Pensioneve: Kryeministri theksoi se vitet e punës në Greqi do të njihen për sa kohë emigrantët kanë paguar sigurime shoqërore.

Lexo gjithashtu:Shkëputet kabulli dhe bie teleferiku, vdesin 7 persona

Rama e cilësoi marrëveshjen me Greqinë si “gurin e fundit të mozaikut” në lidhje me njohjen e pensioneve me shtetet ku emigruan shqiptarët.

Moderatorja e njohur Arbana Osmani ka surprizuar jo pak ndjekësit e saj ditën e sotme, duke paralajmëruar se episodi i radhës i emisionit të saj do të thyejë një tabu personale të karrierës së saj të gjatë.

Në formatin e saj më të ri në YouTube, “Mirëmbrëma Yje”, Arbana ka sjellë deri tani intervista të ndryshme, por puntata që do të transmetohet nesër vjen me një paralajmërim për përmbajtje të papërshtatshme për të miturit.

Përmes një postimi në “Instastory”, ajo ka treguar se emisioni është klasifikuar me shenjën “-18”.

E habitur edhe vetë nga ky fakt, moderatorja shkruan krahas fotos: “NUK ME BESOHET QE PAS GATI 25 VITESH NE MEDIA PER HERE TE PARE NJE PROGRAM IMI KA SHENJEN ‘-18’.”

Ky detaj i pazakontë për profilin e Arbanës, e cila njihet për formate familjare, ka ngritur menjëherë kureshtjen e publikut se kush është personazhi i ftuar apo çfarë teme “e nxehtë” dhe pa censurë do të trajtohet në episodin e nesërm.

8 Tetori shënoi afatin e fundit për paraqitjen e dokumentacionit të kandidatëve për postin e kreut të Prokurorisë së Posaçme, SPAK dhe më 20 Tetor Këshilli i Lartë i Prokurorisë miratoi listën me 4 kandidatët  zyratrë që janë kualifkuar në garën për drejtuesin e ri. Ata janë prokurorët Doloresa Musabelliu, Adnan Xholi, Elvin Gokaj dhe Klodjan Braho.

Ky i fundit duket edhe kandidati i përzgjedhur nga SHBA për të pasuar Altin Dumanin.

Ambasada Amerikane në Tiranë, në postimet e saj në rrjetet sociale (18 Shtator dhe 17 Nëntor më të fundit) ku shpërndan aktivitet për mbështetjen Strukturës së Posaçme është kujdesur me finesë që prokurori Klodjan Braho, të shfaqet në takimet me të Ngarkuarën me Punë të SHBA, Nancy VanHorn dhe fill pas kryeprokurorit të Posaçëm i SPAK, Altin Dumani.

Braho në vëmendjen e SHBA pas Dumanit

Drejtuesi i ri i Prokurorisë së Posaçme do të zgjidhet mes prokurorëve ekzistues të SPAK-ut për një mandat 3-vjeçar pa të drejtë rikandidimi.

Pak javë më parë Këshilli i Lartë i Prokurorisë hapi zyrtarisht garën për kreun e ri të Prokurorisë së Posaçme, pak muaj para përfundimit të mandatit të drejtuesit aktual Altin Dumani.

Braho sërish në “syrin” e SHBA në foto e publikuara në rrjetet sociale

Altin Dumani është drejtuesi i dytë i SPAK-ut që nga krijimi i institucionit, pas Arben Krajës.  Dumani u zgjodh për të qenë në krye të Prokurorisë së Posaçme më 16 dhjetor 2022, ndërsa mandati i tij përfundon më 18 dhjetor 2025.

Rasti tjetër me Braho në daljet publike menjëherë pas Dumanit

Sipas KLP, prokurorët e SPAK, Adnan Xholi, Klodian Braho, Doloreza Musabelliu dhe Elvin Gokaj i plotësojnë kushtet për të drejtuar Prokurorinë e Posaçme dhe emrat e tyre u kualifikuan për të vijuar më tej garën. Miratimi i listës me 4 kandidatët në KLP është bërë me 10 vota pro. Në votim nuk mori pjesë vetëm anëtari Zeqir Hodaj. Hodaj u largua pak para votimit pasi sipas tij ka pasur shkrime në media se ai ndodhet në situatën e konfliktit të interesit sepse i biri është emëruar në BKH, nga një prej kandidatëve, Klodian Braho.

4 kandidatët pasi kaluan këtë fazë do të ftohen për t’u intervistuar nga KLP.

Ata pritet t’i nënshtrohen një procesi të hapur përmes intervistave publike dhe vlerësimeve nga KLP, ku do të merret parasysh përvoja e tyre profesionale, integriteti, vizioni dhe aftësia për të drejtuar një nga institucionet më të rëndësishme të drejtësisë në vend në 35 vite demokraci.

Më 18 dhjetor, drejtuesit aktual të SPAK Altin Dumanit i mbaron mandati 3-vjeçar në krye të Prokurorisë së Posaçme dhe SHBA siç duhet ka pikasur kush do të jetë drejtuesi i ri.

Mediat ruse kanë raportuar se ish-ministrit rus të Mbrojtjes, Sergei Shoigu i është bërë një atenat. Agjencia ruse e inteligjencës FSB kishte njoftuar më parë se një zyrtar i lartë ishte shënjestruar ndërsa, vizitonte varrin e një anëtari të familjes në varrezat Troyekurovskoye në Moskë.

FSB pretendoi se agjentët e saj kishin zbuluar një pajisje shpërthyese me një kamera të fshehur në një vazo me lule pranë varrit, duke deklaruar se ajo ishte përdorur për të monitoruar lëvizjet e zyrtarit të lartë.

Mediat e huaja shkruajnë se deputeti i lartë i Dumës Shtetërore Andrei Kolesnik pretendoi se komploti i supozuar kundër shefit të Shoigut, ishte pjesë e një përpjekjeje më të gjerë për të destabilizuar Rusinë.

Zyrtarët e FSB-së ende nuk kanë komentuar mbi raportin e saj. Në deklaratën e saj, FSB-ja pretendoi se shërbimet e inteligjencës ukrainase rekrutuan një çift rus, një emigrant të paligjshëm nga Azia Qendrore dhe një banor të Kievit.

Çifti rus dhe banori i Azisë Qendrore u arrestuan, por nuk ishte e qartë se me çfarë akuzash përballeshin. Mediat shtetërore publikuan një video të FSB-së që tregonte gruan ruse të arrestuar duke rrëfyer se i ishte premtuar drogë në këmbim të vendosjes së kavanozit me kamerën e fshehur në varrin në varrezat Troyekurovskoye.

FSB tha se kishte lëshuar një urdhër arresti për Shamsov me akuzat për trafikim të paligjshëm armësh, që dyshohet se lidhet me një vrasje të vitit 2021 në republikën e Bashkortostanit.

Klodian Tomorri

Një javë më parë kryeministri Edi Rama u filmua i acaruar rrugëve të Romës teksa i bërtiste dikujt në telefon me tone të ashpra. ““Për çfarë je bërë bashkëkryetar ti? Që të kriijosh pengesa. Për ça je vënë ti bashkëkryetar aty? Na keni kthyer një vit mbrapsht. Çfarë oponence bëni ju aty?” dëgjohej Rama teksa kërkonte llogari në telefon.

Menjëherë sapo u transmetuan pamjet, në Shqipëri nisën aludimet se kujt po i bërtiste kryeministri dhe se për çfarë çështje bëhej fjalë. Shumë aluduan se zoti Rama ishte duke i ulëritur Arbjan Maznikun, bashkëkryetarit të Komisionit të Posaçëm për Reformën Territoriale Administrative. Të tjerë thanë se personi në anën tjetër të telefonit ishte Damian Gjiknuri, bashkëkryetari socialist i Komisionit për Reformën Zgjedhore.

Agron Shehaj, kryetari i Partisë Mundësia shkoi edhe më tej duke publikuar pamjet e telefonatës së Ramës në rrjetet e tij sociale me komentet se kryeministri donte me çdo kusht që të mblidhej sa më shpejtë komisioni për reformën zgjedhore.

“Por pse e ka kaq me ngut kryeministri reformën zgjedhore, kur sistemi zgjedhor është perfekt për atë? Arsyeja është e thjeshtë. Edi Rama do një pretekst për të futur duart mbi Kushtetutën. Do që nëpërmjet sebepit të reformës zgjedhore të ndryshojë Kushtetutën për të kapur drejtësinë,” komentoi Shehaj.

Por Mbreti ka kryer punë me politikën, pasi nuk llogarit më asnjë kundërshtar. Tani ai merret vetëm me biznes.

Edi Rama ka folur në telefon me dy persona atë ditë, që endej rrugëve të Romës. Këta ishin zëvendësministri i Brendshëm, Juljan Hodaj dhe shefi i IT-së në Policinë e Shtetit. Të dy këta janë bashkëdrejtuesit e grupit të punës që po negocion kontratën 140 milionë dollarë për projektin e ashtuquajtur Smart City.

140 milionë dollarë pa garë

Në mars të këtij viti, qeveria dërgoi për miratim në Parlament projektligjin për ratifikimin e një kredie prej 118 milionë dollarësh, që Shqipëria do të marrë nga Fondi i Abu Dhabit. Borxhi, me afat shlyerje 15 vjet dhe interes 4 për qind në vit, po merret për të shkuar sërish në Abu Dhabi.

Sepse 118 milionë dollarët do të shkojnë për të paguar një kompani nga Abu Dhabi e quajtur Presight Al Ltd, e cila do të realizojë projektin e monitorimit të trafikut me kamera në 20 qytete të vendit. Kontrata 118 milionë dollarëshe, e cila bashkë me TVSH-në shkon 140 milionë dollarë do të jepet pa tender dhe pa asnjë lloj gare, por me marrëveshje direkte.

Pra, e thënë më thjeshtë. Qeveria shqiptare do të marrë 118 milionë dollarë borxh nga arabët për t’ja u paguar sërish arabëve, ndërsa qytetarëve shqiptarë u mbetet barra e shlyerjes së borxhit. Këto janë instrumentat financiarë inovativë, që shpik kryeministri nga pelegrinazhet e tij në botën arabe, kur viziton sulltanët e Lindjes.

Në Shqipëri, këtë skemë e kanë bërë vetëm mashtruesit e mikrokredive. Ata u jepnin qytetarëve borxh, por vetëm në letër. Sepse paratë e borxhit kalonin sërish menjëherë në llogarinë e kompanisë së mirkokredive. Nga gjithë ky operacion qytetarët viktima nuk preknin asnjë lekë, por kishin vetëm një efekt. U rritej borxhi që duhet të shlyenin.

Patate e nxehtë

Pas miratimit të ligjit për kredinë, qeveria ngriti një grup të posaçëm pune për të negociuar kushtet teknike të projektit. Grupi kryesohet nga drejtori i IT-së në Policinë e Shtetit dhe zvministri i Financave Juljan Hodaj. Por për shkak se anëtarët e grupit të punës hezitojnë të firmosin pataten e nxehtë që u ka servirur Rama, disa prej tyre kishin kërkuar oponencën e studimit të fizibilitetit, pasi bëhet fjalë për një kontratë më të madhe se 100 milionë euro.

Kjo është arsyeja se pse nga rrugët e Romës, Rama i bërtiste Hodajt dhe drejtorit të IT-së në Polici në telefon që “çfarë oponence bëni ju se na keni kthyer një vit mbrapa.”

Kjo pasi oponenca e studimit të fizibilitetit do ta kthente projektin Smart City një vit mbrapa. Por me sa duket Edi Rama ka ngut të mbyllë sa më parë biznesin e madh 140 milionë dollarë që negocioi në Emirate, pa asnjë garë.

Madje për këtë ngut përdori edhe ngjarjen mafioze të vrasjes së Gilmando Danit në Rinas. “Projekti i monitorimit me kamera inteligjente të qyteteve dhe rrugëve kombëtare është projekt strategjik për sigurinë, pastërtinë dhe sigurinë e prindërve në shkolla. Nëse do të kishim këtë sistem në këmbë, ngjarja e Rinasit do të ishte zbardhur në kohë reale. Por nuk është problemi tek zbardhja; në momentin që sistemi ekziston, ai parandalon në mënyrë efikase të gjitha llojet e shkeljeve që lidhen me rendin, qetësinë dhe rregullat e qarkullimit,” tha Edi Rama 3 ditë pas telefonatës, pasi ishte kthyer në Shqipëri.

140 milionë dollarë për çfarë?

Por çfarë është Smart City? Projekti përfshin sigurimin dhe instalimin e platformave të inteligjencës artificiale për menaxhimin e qytetit dhe trafikut, përveç një qendre të avancuar kontrolli.

Kompania do të instalojë 2239 kamera ANPR, që bëjnë njohje automatike të targave si dhe 2602 kamera PTZ për monitorimin e trafikut dhe identifikimin e shkeljeve. Paralelisht do të vendosen 3 816 kamera trupi për policinë, siç i pati vendosur dikur Sajmir Tahiri, të cilat do të lidhen me një sistem të centralizuar për mbikëqyrje dhe reagim të shpejtë.

“Për të përmirësuar sigurinë në rrugë dhe autostrada do të instalohen 100 radarë inteligjentë dhe 100 sensorë zhurme për të monitoruar shpejtësinë dhe sigurinë e trafikut. Ky projekt do të mundësojë monitorimin dhe identifikimin në kohë reale të automjeteve që qarkullojnë në akset rrugore, të cilësuara me interes prioritar për Policinë e Shtetit, si dhe në të gjitha pikat e kontrollit kufitar,” thuhet në relacionin e ligjit për kredinë.

Paralelisht kompania do të ofrojë dhe shërbimet profesionale dhe të mirëmbajtjes për katër vjet.

Sa frëngu pulën

Por si do të shpenzohen në detaje 140 milionë dollarët për realizimin e këtij projekti? Në marrëveshjen e borxhit, qeveria ka listuar dhe komponentët e kostos. Plot 31 milionë dollarë do të paguhen për liçencat e software-ve të programeve që do të përdoren. Pajisjet hardware dhe infrastruktura do të kushtojnë 62 milionë e 400 mijë dollarë.

Tetë milionë dollarë do të shkojnë për shërbime profesionale dhe pjesa e mbetur prej 17.1 milionë dollarësh është mirëmbajtja për katër vjet. Këto janë të gjitha pa TVSH. Nëse u shtohen dhe tatimi mbi vlerën e shtuar, kosto totale shkon 140 milionë dollarë.

Komponentet e kostos se Smart City

Ky është një projekt me inflacion kostosh të jashtëzakonshme. Tetë milionë dollarë vetëm shërbime profesionale dhe 62.5 milionë dollarë për të blerë 8 mijë kamera ANPR dhe PTZ. Këto të fundit gjenden lehtësisht në treg me çmime që variojnë nga 500 deri në 1500 dollarë copa.

Por sa herë që nuk ka garë kostot e inflatuara janë të pritshme. Ky është një biznes shumë i madh, ndoshta i ideuar dhe dakortësuar në darkat e pelegrinazheve arabe të kryeministrit. Qytetarët tani do të mbajnë në kurriz dhe do të paguajnë deri në qindarkën e fundit 118 milionë dollarët borxh plus interesin 4 për qind në vit për 15 vjet.

Para e madhe dhe pazar i madh. Ndërkohë që Marta Kos dhe Kaja Kallas tundin kapitujt në Bruksel, Shqipëria jep 140 milionë dollarë pa tender. Dhe skema është gjithmonë e njëjta. Sulltani jep urdhrin, ndërsa kamikazët poshtë firmosin.

Dyshimet për një shtatzëni të mundshme të Ajola Xoxës kanë rritur interesin javët e fundit.

“Real News” shkruan se bashkëshortja e kreut të Bashkisë së Tiranës, Erion Veliaj, është shtatzënë. Deri më tani nuk ka informacione të sakta mbi muajin e shtatzënisë, por burime te sigurta nga institucione te shendetesise kane konfirmuar qe ajo eshte ne pritje te nje vajze.

Kujtojmë se Erion Veliaj ndodhet në burg që nga shkurt i këtij viti, por vazhdon të mbajë detyrën e kryebashkiakut. Veliaj dhe Xoxa janë prindër të një djali, për këtë arsye Xoxës ju hoq masa e arrestit shtëpiak për shkak të nevojës për të kujdesur për të birin. Erion Veliaj ndodhet ne paraburgim dhe sipas ligjit nuk lejohen takimet speciale, ndaj nuk dihet se si ia kane arritur te kryejne kete proces.

Moderatorja Bora Zemani ishte e ftuar mbrëmjen e djeshme në “Goca dhe Gra”, ku ndër të tjera foli edhe për marrëdhënien e saj me Donald Veshajn.

Teksa foli për ngjashmërinë e tij me vëllanë binjak, Romeon, Bora tregoi edhe një situatë komike kur nuk e ka dalluar zërin e tij në telefon.

“Kam marrë në telefon Donaldin, i cili kishte harruar telefonin diku. Më hap telefonin Romeo. Unë flas normalisht ku je, më tha çfarë të duhet ty ku jam.

Je mirë i thash. Ik moj tha mos më merr mua në telefon. Më ra bomba, nuk e imitoj dot. E mora sërish në telefon, isha gati për një sherr të madh, ai qeshte nga ana tjetër”-tregoi Bora.

E pyetur nëse do të ishte pjesë e spektaklit të madh të ‘Big Brother’, moderatorja Bora Zemani tregon se për të ajo eksperiencë është e vështirë dhe nuk beson se do e bënte dot.

E ftuar në emisionin ‘Goca dhe Gra’, Bora u shpreh se edhe pse nuk ka qenë kurrë pjese e shtëpisë, ajo e ka përjetuar njësojë eksperiencën kur Donaldi ishte banor.

Do hyje ndonjëherë në Big Brother?

“Nuk besoj sepse më duket eksperiencë shumë e vështirë. Unë nuk do e bëja dot. Në këto kushte që kam qenë i kam parë benefitet pa qenë pjesë e shtëpisë. BBV1 ka qenë eksperiencë intensive shumë, shumë mbytëse sepse kishte të bënte me gjëra të miat personale”, tha Bora.

Top Channel