Author: admin

Tre persona janë zhdukur në mënyrë misterioze në Përmet në të njëjtin aks rrugor, në segmentin e vjetër të rrugës Përmet–Lëshicë, duke shtuar ankthin dhe frikën e banorëve. Në një lidhje direkte me Dita Jonë në A2 CNN, Endri Baliko një banor i zonës tha se pavarësisht zhdukjes së tyre ai sërish kalon çdo ditë në atë rrugë, në të cilën lëviz prej 20 vitesh, sikurse edhe banorët e tjerë të zonës.

“Ne si komunitet e ndjejmë se kemi 20 vjet në atë rrugë, nuk kemi pasur as vështirësi as ndonjë detaj për të pasur frikë. Rastet janë që ata kanë kaluar në këtë rrugë dhe i kanë parë kamerat në këtë rrugë 11:00 të ditës dhe në orën 5:00 pasdite i ka parë banori në fshatin Gjinkar nuk ka të bëjë rruga e Lëshicës për një humbje misterioze për këta persona. Kanë kaluar pa problem”, tha ai në Dita jonë në A2 CNN.

Ndërkohë eksperti i sigurisë Fatjon Softa theksoi se është shumë e rëndëshme të kryhet një hetim i thelluar, duhet parë profili i tyre dhe analizuar zona.

“Pse pikërisht në një aks? Se krijon panik te njerëzit. Duhet parë profili i tyre, duhet bërë analiza e zonës. Duhet të kishte një hetim nga policia e Përmetit. Pse nuk janë duke u thelluar hetimet? Kjo kërkon hetim dhe kërkim të jashtëzakonshëm për të kontrolluar në një perimetër më të madh. Zona nuk është shumë e banuar dhe largësia e zonave të banuara e bën më enigmë zonën. Kërkon kontroll policor për të vrarë frikën dhe për të hequr panikun te qytetarët. Duhet të kemi profilin e 3 personave. Motivi i parë mund të jenë probleme të shëndetit mendor, mund të jetë ngjarje kriminale. Nëse enigmat i lëmë ato ngjallin panik. Është shumë e rëndësishme të ketë hetim të thelluar, të ketë kontroll përgjatë atij perimetri dhe në distanca të largëta. Mund të jenë edhe kafshë që marrin kufomën dhe mundësia e gjetjes së kufomës bëhet e vështirë”, tha eksperti në A2 CNN.

Eksperti Softa nuk përjashton vrasjet edhe nga ndonjë person me probleme mendore.

“Ka edhe të sëmurë mendorë që mund të bëjnë vrasje e ekzekutime. Duhet të hetohet që të parandalohen ngjarje të kësaj natyre. Rasti i fundit ishte ajo thoshte që ai ikte dhe e dinte rrugën dhe kthehej. Nuk kishte as telefon. Njerëz me probleme të kësaj natyre mund të jenë vrasës”. (A2 Televizion)

Ish-ministri i jashtëm Ditmir Bushati tha se kontributi i tij për PS, si familja e tij politike, nuk do të mungojë sa herë të kërkohet.

Bushati e cilësoi vendimmarrje personale të kryetarit të PS Edi Rama atë për të mos e përfshirë në zgjedhjet e 2021 apo për ta larguar nga kryesia, ndërsa theksoi se pavarësisht kësaj nuk ndërmend të bëjë asnjë kapërcim politik.

“Unë jam i ri për t’i thënë lamtumirë politikës, ka qenë një vendimmarrje e kryesisë së partisë për të mos më përfshirë në zgjedhjet e 2021, ka qenë gjithashtu vendimmarrje e tij për të më larguar nga kryesia e PS. Spaletat janë të rëndësishme, por jo aq sa karakteri i njeriut. Unë jam aty ku kam qenë gjithmonë, nuk është se kam ndërruar organizatë politike.

Unë jam njëri që preferoj të shoh përpara duke reflektuar se çfarë ka ndodhur pas, por nuk in kam vlerësua kurrë kolegët që kanë bërë kalime nga njëra parti te tjera sepse më janë dukur si lojtarët që ndërrojnë fanelat nga një klub në një tjetër. Kam menduar se kjo është familja politike që i përkas, me të mirat me të këqijat. Kam menduar se disa gjëra duhen thënë në atë familje dhe jashtë. S’i kam rënë njeriu me gurë dhe për sa kohë të kem energji do vazhdoj të jap kontributin tim aq sa mundem”, tha Bushati në emisionin ‘Now’ në ‘Euronews Albania’.

Dervish Hasan Carkanji ka rrëfyer në Quo Vadis të moderatores dhe autores Pranvera Borakaj, historinë e tij personale, atë që e shtyu të bëhet pjesë e bektashinjve dhe të shërbejë në Malin e Tomorrit, aty ku ndodhet Mekami i Abaz Aliut (varri shpirtëror).

Ai ka rrëfyer se kur ishte i vogël kishte dhimbje të forta këmbësh, dhe një natë Abaz Aliu iu shfaq në ëndërr xhaxhait të tij, duke e udhëzuar se si duhet të vepronte.

Pjesë nga biseda:

Dervish Hsan Carkanji: Kur kam qenë rreth moshës 10-11 vjeç më dhimbnin gjunjët shumë. Më shumë më dilnin gjatë natës. I del në gjumë xhaxhait tim Abaz Aliu dhe i thotë do bësh kurban një gjel për atë djalë. Ai e shikon një gjel duke ecur në dëborë ën gjumë, i thotë Abaz Aliu atë gjel që po e shikon do e bëhs kurban për djalin se është shumë i sëmurë. Kur e mroi vesh që më dhimbnin gjunjët shumë. Kur erdhi bëri kurban gjelin, dhe i kishte thënë Abaz Aliu se që në atë moment do të vijë këtu në këmbë. Unë jam nga një fhhsat këtu afër që i thonë Gjelbës, prej aty këtu është katër orë në këmbë, unë erdha dhe u ktheva sërish në këmbë.

Borakaj: Nga këtu nisi raporti  me fenë?

Dervish Hasan Carkanji: Kjo është pikënisja më e fortë.

Dervish Hasan Carkanji ka rrëfyer në Quo Vadis në Vizion Plus të moderatores Pranvera Borakaj, historinë e tij, se si vendosi t’i përkushtohet bektashzmit.

Ai tha se në moshën 15-vjeçare iu shfaq në ëndërr Kryegjyshi Botëror i Bektashinjve, Haxhi Dede Baba Edmond Brahimaj.

Ndërsa shpjegoi më pas të gjitha etapat që duhen kalaur për tu bërë Dervish.

Pjesë nga biseda:

Dervish Hasan Carkanji: Më doli në ëndërr Baba Mondi dhe më tha që ti do bëhesh Dervishi im. Pastaj fillova të shoh sa më shumë intervista dhe të dashurohem me Zotin. Pastaj në moshën 19-vjeçare u lidha me kryegjyshatën Botërore. Pastaj fillon prova, ku unë qendrova katër vite.

Borakaj: Ke detyra aty?

Dervish Hasan Carkanji: Po kemi detyra. Unë i shërbej kryegjyshit, mbi të gjitha çfarë kërkon teqeja.

Borakaj: Cilat janë hapat?

Dervish Hasan Carkanji: Si fillimi dashurues i rrugës. Mbasi i ëkkron një udhëheqës shpirtëror, ai e merr në provë, e shikon disa vite, e bën Myip, anëtar të brendshëm njëherë, pastaj shikon si ecën, e vë në shumë prova.

Borakaj: Ka nga ata që si kalojnë provat?

Dervish Hasan Carkanji: Po ka dhe nga ata që nuk i kalojnë këtë prova.

Borakaj: Cila është mosha më e re që bëhesh Dervish?

Dervish Hasan Carkanji: Nga 18-vjeç e sipër.

Borakaj: Mund të jetë thirrja në moshë më të madhe?

Dervish Hasan Carkanji: Po patjetër.

Emisioni “Me Zemër të Hapur” trajtoi së fundmi një histori të rëndë dhe komplekse të një 40-vjeçareje, nënë e vetme e dy fëmijëve, e cila ka përjetuar një kalvar dhimbjesh dhe vështirësish që kanë ndikuar tragjikisht në jetën e saj dhe të familjes. Historia e saj u zbulua pasi ajo dhe partneri u vunë në pranga nga policia dy muaj më parë, nën akuzën e shfr.tëzimit për prost1tuc1on të vajzës së saj 17-vjeçare.

Në rrëfimin e saj të dhimbshëm, 40-vjeçarja shpjegoi se rritja e fëmijëve pa baba e ka detyruar të përballet me dhunë të vazhdueshme dhe paragjykime të shumta, pasojat e të cilave i ka ndjerë edhe e bija, duke e çuar atë në rrugën e prost1tuc1onit. E papranuar nga partnerët dhe nga familja e saj, ajo ka jetuar në kushte të vështira ekonomike, duke u zhvendosur shpesh nga një banesë në tjetrën.

Një nga momentet më tronditëse të jetës së saj, siç rrëfeu ajo, ishte kur një i moshuar që e konsideronte si gjysh të vajzës së saj të mitur, i kërkoi favore s8ksuale. 40-vjeçarja, e cila mbijeton vetëm me pagën e saj si pastruese, është endur rrugëve të kryeqytetit në një përpjekje të vazhdueshme për të shpëtuar të bijën nga shfryt.zuesit, e cila sipas saj dhun0hej dhe kërcënohej shpesh me jetë.

Në rrëfimin e saj, gruaja tregoi se ka pasur një marrëdhënie të vështirë me familjen e saj. Ajo pretendoi se babai i saj e ka ke8qtrajtuar dhe ka ab*zuar me motrën e saj. Ajo gjithashtu pohoi se babai i saj e ka prekur në vende inti1me kur ajo ishte vetëm 11 vjeç, duke i thënë se po e bënte për mbarësi. Ajo i kishte rrëfyer këtë nënës së saj, por kjo e fundit nuk e kishte besuar. Më pas, ajo u largua nga shtëpia dhe u detyrua të kryente marrëdhënie s8ksuale në sy të shumë njerëzve pas një marrëveshjeje të bërë nga xhaxhai i saj me një çift që nuk mund të kishte fëmijë.

Rrëfimi i 40-vjeçares nxori në pah një histori të thellë dhimbjeje, varfërie dhe ab*zimi, duke ngritur shqetësime serioze për situatën e familjeve të margjinalizuara dhe nevojën për mbështetje sociale dhe psikologjike. Detajet e treguara gjatë emisionit janë tronditëse dhe hedhin dritë mbi pasojat e një familjeje të dobët ekonomikisht dhe psikologjikisht.

Portali rus pro-Kremlinit “Vzglyad” ka publikuar një listë të “qeverive armiqësore” të Rusisë, me shtetet që raporton se e kundërshtojnë haptazi Rusinë dhe që i qëndrojnë kundër për shkak të rrethanave politike.

Mbretëria e Bashkuar u rendit e para me një rezultat prej 75 pikësh falë sanksioneve, mbështetjes për transferimin e aseteve të ngrira ruse në Ukrainë dhe ndihmës ushtarake për Kievin.

Gjermania dhe Franca u renditën të dytat me 70 pikë, ndërsa Holanda dhe Estonia të tretat me 65 pikë.

SHBA u rendit e katërta me 55 pikë, gjë që Vzglyad ia atribuon pezullimit të përkohshëm të ndihmës ushtarake amerikane për Ukrainën.

Në vendin e pestë ishte një grup prej shtatë vendesh – Danimarka, Italia, Kanadaja, Lituania, Polonia, Finlanda dhe Suedia – të gjitha me nga 50 pikë.

Më pas vijnë Norvegjia dhe Belgjika, dhe në vendin e shtatë janë Kroacia, Spanja dhe Greqia, me nga 40 pikë secila.

Më poshtë janë Portugalia dhe Sllovenia, dhe më pas Hungaria dhe Luksemburgu.

Gazeta citon gjithashtu deklaratën e Sergei Lavrov se Rusia po e përdor termin “vende armike” gjithnjë e më pak dhe “qeveri armike” gjithnjë e më shumë.

Vendet që konsideroheshin më pak “miqësore” ndaj Rusisë ishin Shqipëria, Bahamas, Lihtenshtajni, Mikronezia, Monako, Koreja e Jugut dhe San Marino – të cilat morën vetëm pesë pikë.

Kosova nuk është përfshirë në këtë listë. /Telegrafi/

Presidentja e Kosovës, Vjosa Osmani ka shprehur sot urimet e saj për hapin e rëndësishëm të hedhur nga Shqipëria drejt anëtarësimit në Bashkimin Europian, hapjen e kapitujve të fundit të negociatave.

Përmes një mesazhi drejtuar homologut Bajram Begaj dhe kryeministrit Edi Rama, si dhe qytetarëve të Shqipërisë, Osmani thotë se ky është një hap historik për vendin.

Mesazhi i Osmanit:

Urime Presidentit Bajram Begaj, Kryeministrit Edi Rama dhe qytetarëve të Shqipërisë për hapjen e pesë kapitujve të fundit të negociatave me BE-në, një hap historik që dëshmon angazhimin e jashtëzakonshëm të Shqipërisë drejt integrimit evropian.

Ky është një hap që i sjell qytetarët e Shqipërisë, si dhe rajonin tonë, edhe më pranë Bashkimit Evropian.

Qytetarët e Kosovës festojnë sot bashkë me ju, teksa vazhdojmë të punojmë pandalur për ta avancuar edhe më tej rrugën e vendit tonë drejt BE-së.

Për Italinë ndeshja me Norvegjinë ishte një dështim total. Objektivi nuk ishte sigurisht të fitohej me nëntë gola diferencë, por të paktën të fitohej për ta mbyllur mirë grupin; në vend të kësaj përfundoi 4-1 për kundërshtarët, të cilët në fund të ndeshjes bënë ç’të donin. Nusa dhe Bobb bënë çfarë deshën në krahë, Haaland u zgjua dhe shënoi dy gola, praktikisht me dy goditje në portë. Bomberi i Manchester City pas ndeshjes shpjegoi se kishte gjetur motivimet e duhura nga sjellja e mbajtur nga Mancini ndaj tij, të cilin e talli në mënyrë ironike në fund të Itali–Norvegji.

Norvegjia e dinte se në Milano do të siguronte matematikisht kualifikimin për Botërorin 2026. Haaland para ndeshjes kishte folur për Italinë, për San Siron dhe për Pio Espositon, në një mënyrë pothuajse mburravece. Pikërisht bomber i ri i Interit shënon golin e avantazhit, që Italia e mban deri në minutën e 70-të kur barazon Nusa dhe ndeshja ndryshon. Me dopietën e Haaland dhe golin e Strand Larsen rezultati final bëhet madje 4-1! Një Caporetto, sepse kishin kaluar 70 vjet që Italia nuk humbte kaq keq në shtëpi.

Dueli mes Haaland dhe Mancini

Haaland ishte njeriu i faqes së parë, është simboli i një skuadre të fortë që do të luajë për herë të katërt Botërorin. Pas ndeshjes, ende me uniformë, në San Siro, mbreti i bomberëve u paraqit në televizionin norvegjez dhe duke folur për ndeshjen u ndal te sjellja e Gianluca Mancinit; për mbrojtësin e Romës nuk pati fjalë të ëmbla, madje e thumbuan.

Siç mund të imagjinohej lehtë, Mancini përdori mënyra të ashpra, të mprehta për të provuar të frenonte Haaland, pa i kaluar kurrë kufijtë, sepse asnjë karton nuk iu dha lojtarit verdhekuq, por ai përdori disa hile të kohëve të vjetra. Mori edhe një të verdhë në një moment dhe gjatë një sherri me Mancinin u mbajt prej shokut të skuadrës, Donnarumma. Ajo lloj markimi “vintage” e zemëroi norvegjezin, i cili nga ato provokime, me fjalët e tij, mori forcë dhe motivim.

Jo rastësisht pak minuta më vonë shënoi dy herë: “Mancini filloi të më prekte të pasmet kur rezultati ishte 1-1, mendova: ‘Çfarë po bën?’. Pastaj u karikova dhe i thashë: ‘Faleminderit për motivimin, hajde’. Shënova dy gola dhe fituam ndeshjen 4-1. Kështu që e falënderoj”.

Të fitosh 4-1 në Itali është speciale

Në Norvegji po flitet pothuajse më shumë për këtë çështje sesa për kualifikimin, ashtu edhe në rrjetet sociale ku po shpërthejnë komentet mbi fjalët e Haaland, në të cilat ai drejton gishtin ndaj Mancinit dhe mënyrave të tij për ta markuar dhe provokuar. Qendërsulmuesi më i fortë në botë, megjithatë, lavdëroi edhe skuadrën duke festuar suksesin në Itali: “Kjo është ndoshta ndeshja më mbresëlënëse e bërë deri tani nga skuadra. Të fitosh 4-1 këtu është vërtet speciale. Kjo fitore tregon që ne jemi të paparashikueshëm. Skuadrat e rëndësishme tani po na marrin me të vërtetë në konsideratë”.

Haaland om duellen med Mancini😅 pic.twitter.com/8lGJHCKd98

— Endre Lübeck (@endrelub) November 16, 2025

Kryetari i Grupit Parlamentar të Partisë Socialiste, Taulant Balla ka reaguar në lidhje me protestën e Partisë Demokratike para Kryeministrisë.

Balla ka ndarë një foto në rrjetin e tij Facebook duke treguar numrin e ulët të protestuesve në shesh, foto të cilën e ka shoqëruar edhe më një shkrim.

“Ia doli ta fundosë PD në shoqatë! Natën e mire”, shkruan Balla.

PD mbajti sot protestën para Kryeministrisë, e ndonëse me pjesëmarrje të ulët, sipas opozitarëve kjo është vetëm një prej një serie protestash që do të vijojnë deri në dorëheqjen e kryeministrit Edi Rama.

Radio Televizioni i Serbisë pretendon se “një grup i maskuar shqiptarësh” kanë sulmuar pjesëtarë të Ushtrisë Serbe sot rreth orës 15:00 në zonën e bazës “Debela Glava”, e cila ndodhet në komunën e Bujanocit pranë kufirit midis Kosovës dhe Serbisë.

Shërbimi Publik i Medias i Serbisë citon “burime jozyrtare” dhe raporton se një grup i armatosur shqiptarësh në rrëzë të kodrës qëlloi 15 herë në drejtim të pjesëtarëve të Forcave të Armatosura Serbe, dhe me atë rast një qen që ndodhej në afërsi të menjëhershme u godit. Sulmuesit më pas ikën në drejtim të Kosovës me gjashtë xhipa, thotë RTS.

Baza “Debela Glava” ndodhet në Zonën e Sigurisë Tokësore (ZS) midis Serbisë dhe Kosovës, e cila u krijua me Rezolutën 1244 të Këshillit të Sigurimit të Kombeve të Bashkuara dhe Marrëveshjen Teknike Ushtarake të vitit 1999, në një sipërfaqe prej 1,471 kilometrash katrorë.

Asnjë nga këto pretendime nuk është konfirmuar.

Avokati serb Cedomir Stojkoviç ka paraqitur disa dëshmi me të cilat thotë se dëshmohet që presidenti i tashëm i Serbisë, Aleksandar Vuçiç, ishte pjesë e “turizmit të snajperëve” gjatë rrethimit të Sarajevës. 

Stojkoviç nër rrjetet sociale  ka postuar një deklaratë të Vuçiçit dhënë në vitin 1994 për gazetën “Duga” e ku thoshte: “Shkova në Sarajevën serbe si vullnetar. Isha në varrezat hebraike për një kohë”.  Stojkoviq ka postuar edhe videon e Vuçiçit. 

Ai ka thënë se varrezat hebraike po përmenden aktualisht si vendi ku “turistë” ishin sjellë nga ushtria e Radovan Karaxhiçit prëmes Beogradit për të vrarë civilë me snajperë, në atë që është quajtur “turizëm snajperësh”. 

“Kjo po ndodhte pikërisht kur Vuçiqi, sipas rrëfimit të tij, ishte në luftë atje”, ka shkruar Stojkoviç. 

Ai ka thënë dëshmi tjetër është edhe deklarata e Vojislav Sheshelit gjatë gjykimit në Hagë se “Vuçiçi kishte qenë vullnetar me Slavko Aleksiçin te varrezat hebraike”. 

Stojkoviç ka thënë se është dëshmi se ky “safari snajperësh”, duke paguar për të vrarë civilët, po zhvillohej në kohën kur Aleksiqi po drejtonte atë zonë dhe Vuçiç ishte nën komandën e tij. 

Ai po ashtu tha se ka xhirime ku Vuçiq shihet me atë që duket se është snajper. Thotë se video është e vitit 1993 dhe atë video e ka postuar. 

Prokurorët në Milano kanë hapur një hetim ndaj italianëve që dyshohet se kanë paguar anëtarët e ushtrisë së serbëve të Bosnjës për të shkuar në Sarajevë, në mënyrë që ata të vrisnin qytetarë gjatë rrethimit katërvjeçar të qytetit në vitet 1990.

Më shumë se 10,000 njerëz janë vrarë në Sarajevë nga bombardimet e vazhdueshme dhe sulmet me snajper midis viteve 1992 dhe 1996, në atë që ishte rrethimi më i gjatë në historinë moderne, pasi Bosnja dhe Hercegovina shpalli pavarësinë nga Jugosllavia.

Hetimi filloi nga një ankesë ligjore e paraqitur nga Ezio Gavazzeni, një shkrimtar me bazë në Milano, i cili mblodhi prova mbi akuzat, si dhe një raport të dërguar prokurorëve nga ish-kryetarja e bashkisë së Sarajevës, Benjamina Kariq.

Gavazzeni ka thënë se kishte lexuar për herë të parë raportet rreth “turistëve të dyshuar snajperistë” në shtypin italian në vitet ‘90, por vetëm pasi kishte parë “Sarajevo Safari”, një dokumentar i vitit 2022 nga regjisori slloven Miran Zupaniq, filloi të hetonte më tej.

Në dokumentar, një ish-ushtar serb dhe një kontraktor pretenduan se disa grupe perëndimorësh qëllonin popullsinë civile nga kodrat përreth Sarajevës. Pretendimet e tyre janë mohuar me forcë nga veteranët serbë të luftës.

“’Sarajevo Safari’ ishte pika e fillimit”, ka thënë Gavazzeni.

“Fillova një korrespondencë me drejtorin dhe që andej e zgjerova hetimin tim derisa mblodha materiale të mjaftueshme për t’ua paraqitur prokurorëve të Milanos”, ka shtuar ai.

Gavazzeni pretendon se shumë italianë dyshohet se janë të përfshirë, pa dhënë një shifër.

“Kishte gjermanë, francezë, anglezë… njerëz nga të gjitha vendet perëndimore që paguanin shuma të mëdha parash për t’u çuar atje për të qëlluar civilë.”

“Nuk kishte motive politike apo fetare. Ata ishin njerëz të pasur që shkonin atje për argëtim dhe kënaqësi personale. Po flasim për njerëz që i duan armët dhe që ndoshta shkojnë në poligone qitjeje ose në safari në Afrikë”, ka thënë ai.

Ai pretendon se të dyshuarit italianë takoheshin në qytetin verior të Triestes dhe udhëtonin për në Beograd, nga ku ushtarët serbo-boshnjakë i shoqëronin ata në kodrat e Sarajevës. 

“Kishte një trafik turistësh lufte që shkonin atje për të qëlluar njerëz”, ka thënë ai. 

Gavazenni ka shtuar se kishte identifikuar disa nga individët italianë që dyshohet se kanë qenë të përfshirë dhe të cilët pritet të merren në pyetje nga prokurorët në javët e ardhshme.

https://www.facebook.com/cedomir123stojkovic?fref=nf&ref=embed_post