Author: admin

Kryedemokrati Sali Berisha ka hedhur akuza ndaj kreut të qeverisë, Edi Rama, se bleu një Benz të ri të blinduar.

“Ka blerë dy Benz dhe një veturë tjetër që thotë me bleu partia 500 mijë euro”, u shpreh Berisha.

Ai u kërkoi qyetarëve që të dalin në protesta, duke theksuar se “dosjet janë bërë sa Mali i Dajtit”, ndërsa shtoi se Belinda Balluku meriton të gjitha dënimet për tunelin e Llogarasë.

“Dosjet janë sa Mali i Dajtit, duhet të dalim në shesh. Auditi s’mund ta kontrollojë Edi Ramën, se i gjen Benz-in. Ka blerë Benz të ri të blinduar. Ju kujtohet kur 20 vite më parë blemë një Benz për delegacionet, se e kërkonin ata kur vinin.

Se kisha parë asnjëherë me sy, vetëm kur hipnin miqtë, Çfarë bëri kur erdhi në pushtet, thirri punonjësin e i tha “Do thuash e ka përdorur Berisha Benz-in”, jo tha “S’e ka përdorur asnjëherë”. E pushoi nga puna, doli se Benz ishte në parkun e delegacioneve, dhe jo i imi, në Kryeministri.

Kurse tani bllokon auditin, ka blerë dy Benz dhe një veturë tjetër që thotë me bleu partia 500 mijë euro, ka vilën 75 m dhe miliarda të depozituara, tuneli i Llogarasë është vepër e tij dhe tani ta paraqesë si shere me palën turke, jo vjedhje e mirëfilltë e tij. Belinda Balluku meriton të gjitha dënimet”, tha Berisha.

Ish-mbreti në ekzil i Spanjës, Juan Carlos I, ka zbuluar për herë të parë se si ka vrarë vëllain e tij më të vogël kur ishin adoleshentë.

Ish-monarku, i cili tani jeton në Dubai, ka botuar këtë javë kujtimet e tij me 500 faqe, në të cilat shkruan për vdekjen e Alfonsos pothuajse 70 vjet më parë.

Juan Carlos u rrëfen lexuesve se për dekada “nuk më pëlqente të flisja për këtë, dhe kjo është hera e parë që e bëj”.

Në librin, i cili është botuar në Francë me titullin “Juan Carlos I d’Espagne: Réconciliation”, 87-vjeçari kërkon të pajtohet me djalin e tij, Mbretin Felipe VI të Spanjës, dhe të përballet me kujtimet e dhimbshme nga e kaluara.

Ai tregon incidentin traumatizues që ndodhi në fëmijërinë e tij, kur vëllezërit po “luanin” me një pistoletë në shtëpinë e familjes në Portugali, në vitin 1956. “Nuk do ta marrë veten kurrë nga kjo tragjedi. Rëndësia e saj do të më shoqërojë përgjithmonë”, shkruan Juan Carlos.

Episodi është rrëfyer në një kapitull prej vetëm dy faqesh me titull “Tragjedia”, ku ish-mbreti shpjegon se karikatori i pistoletës ishte hequr, ndaj ai kishte menduar se ajo nuk përbënte rrezik.

“E kishim hequr karikatorin. Nuk kishim asnjë ide që kishte mbetur një plumb në tytë. Një e shtënë u dëgjua në ajër, plumbi u përplas dhe goditi vëllain tim drejt e në ballë. Ai vdiq në krahët e babait tonë”, shkruan ai.

Në atë kohë, nuk u hap asnjë hetim gjyqësor për rrethanat e aksidentit me armë zjarri.

Juan Carlos, atëherë 18 vjeç, dhe Alfonso, 14 vjeç, po luanin me një pistoletë automatike Star Bonifacio Echeverria, që i përkiste vëllait më të vogël.

Pasi ishin vetëm në dhomë, gjithmonë ka mbetur e paqartë se si u vra Alfonso.

Njëra nga rrobaqepëset e princeshës María de las Mercedes ka pohuar në atë kohë se Juan Carlos e kishte drejtuar pistoletën drejt Alfonsos dhe kishte qëlluar pa e ditur që ajo ishte e mbushur.

Por burime të tjera kanë thënë se plumbi kishte rënë pas një përplasjeje ose se dera kishte goditur krahun e ish-mbretit, duke bërë që ai ta qëllonte vëllain pa dashje.

Një tjetër histori thotë se Juan Carlos, i cili ishte kthyer në shtëpi për Pashkë nga shkolla e tij ushtarake e rreptë, po pastronte një revole që ia kishte dhuruar Francisco Franco kur qëlloi vëllain e tij. 

Galeria fotografike (

1 / 5

)

Emisioni Investigativ ‘Plug’ zbardhi detaje të rënda nga afera e ndërtimit të tunelit të Llogarasë. Nga të dhënat e investigimit, rezulton se Belinda Balluku anuloi tenderin e parë për Tunelin e Llogarasë duke rihapur një tjetër garë katër muaj më pas, këtë herë duke shtuar kostot e ndërtimit të tuneli me 50 milionë euro.

Gara për hapjen e tunelit u bë pikërisht pasi drejtuesit më të lartë të qeverisë zhvilluan një takim me drejtues të kompanive turke, që më pas u shpallën fituese në tenderin e tunelit të LLogarasë.

Në takimin e zhvilluar në kryeqytetin turk me përfaqësuesit e kompanisë merrnin pjesë Kryeministri Rama, Ministrja përgjegjëse për infrastrukturën Belinda Balluku dhe vetë ish-zvkryeministri Ahmetaj.

Takimi është zhvillua në datën 3 qershor në Ankara, ndërsa 21 ditë më pas, është bërë dhe rishpallja e tenderit me vlerë të fondit limit prej 190 milionë eurosh.

Përpara mbajtjes së tenderit kyresor, është zhvilluar një tjetër tender, që sipas investigimit rezulton të jetë një skandal më vete. Më datën 20 qershor 2022, qeveria zhvillon tenderin për studimin e fizibilitetit dhe hartimin e projektit të tunelit të Llogarasë.

Ky tender kishte vlerën e fondit limit prej 7.4 milionë eurosh me tvsh. Projekti që do t’i hapte rrugë edhe tenderit ka kushtuar 7. 4 milionë euro, por që në start, edhe mbi tenderin e përzgjedhjes së studios projektuese hidhen hije të forta dyshimi.

Në garë morën pjesë disa kompani, ndërsa në të paktën dy raste, dy nga kompanitë pjesëmarrëse ishin në shkelje të ligjit, pasi krijuan dy bashkime operatorësh. Në përfundim, fitues u shpallën bashkimi i pesë operatorëve që ofroi vlerën më të lartë të tenderit, ndërsa disa  prej kompanive që u futën në garë u shtuan gjatë rrugës pasi nuk ishin pjesë e garës në tenderin fillestar.

Skandali kryesor qëndron pikërisht te tenderi kryesor, ai me vlerë 190 milionë euro për ndërtimine  Tunelit të Llogarsë.

Kompanitë turke Interkar-ASL, që fituan këtë tender, nuk përmbushnin disa nga kriteret e dokumenteve standarde të tenderit. Gjithashtu, njësoj si në rastin e inceneratorit të Tiranës, kompanitë e tunelit të llogarasë, u regjistruan në Shqipëri vetëm në momentin që lidhën kontratën, apo vetëm një javë nga nisja zyrtare e punimeve për ndërtimin e tunelit të Llogarasë.

Dhe sikur të mos mjaftonin këto, Tuneli i Llogarasë nisi të ndërtohej pa u miratua leja e ndërtimit, e deri në miratimin e kësaj të fundit, ministria disbursoi 15 milionë euro për kompanitë turke. Nga ana tjetër, leja e ndërtimit nuk u zbrdh kurrë deri në 28 maj të vitit 2025, cfarë nënkupton se të gjitha punimet u kryen pa leje ndërtimi.

Por skandalet e kësaj afere nuk përfundojnë këtu. Gjatë investigimit, u gjet një tjetër kompani nënkontraktore e cila ka kryer një ndër proceset me thelbësore. Germimin për hapjen e tunelit është pikërisht Via koncstruksion.

Kjo kompani, u themelua në vitin 2021 nga një i ri që kishte punuar si agjent shitjesh, ndërsa për punimet në ndërtimin e tunelit të LLogarsë ai mori 7.5 milionë euro.

Për këtë kompani ngrihen hije të forta dyshimi se mund të jetë përdorur për qarkullimin e parave, ndërsa i mbetet SPAK të hetojë.

Por jo vetëm kjo. Në projektin fillestar, siç e shikoni në ekran vec ndërtimit të tunelit prej 6 kilometrash, ishin parashikuar edhe dy ura në dy daljet e tij, për të cilat ishin detajuar edhe kostot.

Por në fund, njëra nga këto dy urat, që projektuesit e kishin parashikuar si urë të varur e me një këmbë, që krijonte efekte panoramike, është zhdukur dhe në finale as nuk është ndërtuar, ndërkohë që ishte një prej zërave më të kushtueshëm të këtij projekti.

Pas gllabërimit të 190 milionë eurove, siç në çdo procedurë të këtij projekti, Edi Rama dhe Belinda Balluku kanë harruar edhe një element tepër të rëndësishëm, kolaudimin e Tunelit të Llogarasë.

Këto punime nuk janë koaluduar pasi nuk ka ekzistuar një kolaudator që të kryente vlerësimin, e për pasojë, çdo shqiptar që do të kalojë në të duhet të lusë zotin që vjedhja e 190 milionë eurove të jetë e keqja më e madhe për të. /Emisioni Plug

Juris Becaj është 21-vjeçari që humbi jetën në vendin e punës në Tiranë.

Ngjarja ka ndodhur mëngjesin e së enjtes, rreth orës 06:30 në një fabrikë në Bathore.

I ndjeri kishte pësuar arrest kardiak, dhe pavarësisht ndihmës së mjekëve, i njëjti nuk mundi të shpëtonte.

Në drejtimin e Prokurorisë po kryhen hetime për të sqaruar dhe dokumentuar me prova ligjore rrethanat e rastit.

Materialet procedurale iu referuan Prokurorisë së Tiranës për veprime të mëtejshme.

Polonia do të prezantojë një program të ri trajnimi ushtarak këtë muaj si pjesë e një plani më të gjerë për të trajnuar rreth 400,000 njerëz në vitin 2026, tha Ministria e Mbrojtjes të enjten.

E nxitur nga pushtimi i Ukrainës nga Rusia, Polonia tani shpenzon më shumë nga PBB-ja e saj për mbrojtje sesa çdo anëtar tjetër i NATO-s. Ajo është rritur në ushtrinë e tretë më të madhe të aleancës, me 216,000 personel, dhe planifikon të zgjerojë forcat e saj me gati një të tretën gjatë dekadës së ardhshme.

I quajtur nga Ministri i Mbrojtjes Wladyslaw Kosiniak-Kamysz si “trajnimi më i madh i mbrojtjes në historinë polake”, programi “Në Gatishmëri” do të jetë vullnetar dhe i hapur për të gjithë qytetarët – nga nxënësit e shkollës deri te të rriturit që punojnë, kompanitë dhe të moshuarit.

Programi do të ofrojë një kurs bazë sigurie, trajnim mbijetese, udhëzime mjekësore dhe klasa kibernetike.

“Vetëm në nëntor dhe dhjetor (…) do të trajnojmë rreth 20,000 persona në trajnim individual, por numri i përgjithshëm…, në aspektin e të gjitha formave të trajnimit, është rreth 100,000 persona”, tha zëvendësministri i Mbrojtjes Cezary Tomczyk në një konferencë.

Ministria planifikon vitin e ardhshëm të trajnojë afërsisht 400,000 persona “individualisht, në grupe, si pjesë e ‘Edukimit me Ushtrinë’, trajnimit rezervist dhe shërbimit të detyrueshëm ushtarak vullnetar”, shtoi Tomczyk.

Azerbajxhani ka vendosur ta përshtasë ushtrinë e saj me standardet e NATO-s, një vendim që shumë ekspertë e kanë interpretuar si një goditje për Rusinë.

Më parë, ushtria azerbajxhanase përdorte kryesisht armë sovjetike dhe ruse. Kalimi në standardet e NATO-s do të thotë se në të ardhmen do të ketë blerje armësh nga anëtarët e NATO-s si SHBA, Gjermania, Franca, Mbretëria e Bashkuar, heqje graduale e pajisjeve të prodhuara në Rusi dhe trajnim personeli mbi sistemet perëndimore

“Baku bashkëpunon ngushtë me ushtrinë turke dhe ministritë e mbrojtjes të vendeve të tjera të NATO-s. Azerbajxhani e ka arritur qëllimin e tij kryesor që nga çlirimi i tokave të tij nga pushtimi”, tha Ilham Aliyev ndërsa priste një delegacion të NATO-s.

Në gusht, mes përkeqësimit të marrëdhënieve me Rusinë, Aliyev deklaroi se Azerbajxhani duhet të jetë gjithmonë gati për luftë. “Nëse ndonjë mendje e sëmurë guxon të kryejë ndonjë provokim kundër Azerbajxhanit, do të pendohet përsëri”, deklaroi ai.

Një protestë kundër ligjit që njeh më shumë se një gjini, dhe që pritet të votohet sot nga ligjvënësit, është duke u mbajtur para Parlamentit.

Protestuesit shprehen se ky ligj sulmon familjen tradicionale, duke prezantuar gjini të reja të paqëna, që kanë për qëllim konfuzionin dhe degradimin e rinisë shqiptare.

Ndër të pranishmit në protestë ishte edhe Lindita Pano, bashkëshortja aktiviste e pastorit Akil Pano.

Gazetarja e Top News e pyeti zonjën Pano lidhur me reagimin që komisioneria e BE-së për zgjerimin, Marta Kos kishte patur pak çaste më herët, duke thënë se ligji është një detyrim që Shqipëria duhet të përmbushë në rrugën drejt BE-së.

Por Pano tha se kjo nuk është e vërtetë. “Nuk është e vërtetë. Askush nuk të detyron. Ne jemi një vend sovran që kemi traditat tona. 21 vende të Bashkimit Europian nuk e kanë këtë ligj”, u shpreh Pano.

Partia Socialiste ka kërkuar përjashtimin me 30 ditë nga parlamenti të Sali Berishës.

Shkak sipas kreut të grupit parlamentar të socialistëve u bënë deklaratat e kreut të demokratëve ndaj ambasadorit të BE-së, Silvio Gonzatos.

“Zoti kryetar i parlamentit i jemi drejtuar komisionit të etikës për të kërkuar përjashtimin për 30 ditë të deputetit Sali Berisha”, tha Balla.

Kryetari i PD-së mohoi akuzat dhe tha se nuk ka bërë asnjë fyerje dhe ka shprehur mendimin dhe bindjet e tij.

“Kam kërkuar nga ky parlament dhe jashtë këtij parlamenti nga ambasadori të na tregojë cilën direktivë sepse ai ka mbështetur këtë ligj dhe zonja Marta Kos deklaron se ai ka mbajtur qëndrimin e BE. Cila direktivë e BE-së përdor terminologjinë e përkatësisë së shumëfishtë gjinore?”, tha Berisha.

Ekspertët paralajmërojnë se Greqia po përballet me një mungesë gjithnjë e më të rëndë të ujit, me situatën më kritike të raportuar në Athinë dhe zonat përreth saj.

Problemi i thatësirës në vend është përkeqësuar ndjeshëm krahasuar me vitin e kaluar, pasi rezervat e ujit vazhdojnë të bien.

Athina, e cila është shtëpia e gati gjysmës së popullsisë së Greqisë, po përjeton presion të veçantë pasi niveli i ujit në liqenin Mornos, burimi kryesor i ujit të qytetit, ka rënë ndjeshëm.

Fotografi Panagiotis Panayiotopoulos tha se ka fotografuar liqenin Mornos që nga viti 2000 dhe ka qenë dëshmitar i ndryshimeve në liqen gjatë viteve.

Panayiotopoulos tha se në vitet e para, vetëm disa çati shtëpish ishin të dukshme mbi liqen, por tani për shkak të efekteve të thatësirës, ??pjesa më e madhe e fshatit është rishfaqur.

Një zbulim arkeologjik në veriperëndim të Kenias ka tronditur botën shkencore, duke sugjeruar se njerëzit e parë në Tokë ishin shumë më të zgjuar dhe shpikës sesa besohej më parë.

Studiuesit kanë zbuluar se paraardhësit e njerëzve që jetonin 2.75 milionë vjet më parë në një vend arkeologjik të quajtur Namorotukunan kanë përdorur mjete prej guri në mënyrë të vazhdueshme për 300 mijë vite rresht, një dëshmi që ndryshon rrënjësisht mënyrën si e kuptojmë evolucionin njerëzor, raporton BBC.

Deri më tani, shkencëtarët mendonin se përdorimi i mjeteve ishte i rastësishëm dhe i përkohshëm, një ide që ky studim e përmbys plotësisht.

“Ne mendonim se përdorimi i mjeteve ishte si një shkëndijë që u shua shpejt. Por kur sheh një vazhdimësi prej 300 mijë vjetësh, kupton se kjo është diçka e qëndrueshme dhe e trashëguar”, tha profesori David Braun, nga Universiteti George Washington në SHBA, i cili drejtoi kërkimin.

Ekipi ndërkombëtar i arkeologëve, pas dhjetë vitesh kërkimesh, gjeti mbi 1,300 fragmente guri të mprehtë, çekiçë guri dhe bërthama, të gjitha të përpunuara me kujdes përmes një teknike të njohur si Oldowan, metoda e parë e njohur e prodhimit të mjeteve prej guri. Sipas Dr. Dan Palcu Rolier, gjeoshkencëtar nga Universiteti i Sao Paulos, këta njerëz të hershëm ishin “shumë më të sofistikuar se ç’mund të mendojmë”.

“Këta individë ishin gjeologë të shkëlqyer. E dinin saktësisht cilat gurë duhej të zgjidhnin dhe si t’i përpunonin. Disa prej mjeteve janë aq të mprehta sa mund të na presin gishtat edhe sot”, tha ai për BBC.

Teknologjia kundër evolucionit biologjik

Zbulimet tregojnë se përdorimi i mjeteve i ndihmoi këta njerëz të mbijetonin në një mjedis që ndryshonte me shpejtësi. Rajoni i Turkana-s, ku ndodhet siti, kaloi nga kënete të gjelbërta në savana të thata dhe gjysmëshkretëtira, sipas Rahab N. Kinyanjui, shkencëtare në Muzeun Kombëtar të Kenias.

Ndryshe nga kafshët që duhej të përshtateshin përmes evolucionit biologjik ose të migronin, këta banorë të hershëm përdorën teknologjinë si mjet mbijetese.

“Ata nuk ndryshuan trupat e tyre për t’u përshtatur, por mënyrën se si gjenin ushqim”, shpjegon Dr. Rolier.

Në shtresat e ndryshme të gërmimeve janë gjetur kocka kafshësh të thyera dhe të prera, që tregojnë përdorimin e mjeteve për të ndarë mishin nga kockat dhe për të gërmuar bimë. Kjo aftësi i lejoi ata të mbeteshin në të njëjtin vend për qindra mijëra vjet, pavarësisht ndryshimeve klimatike ekstreme.

Sfida ndaj teorive të vjetra të evolucionit

Zbulimi i Namorotukunanit sfidon bindjet e deritanishme të komunitetit shkencor, që e lidhnin përdorimin e vazhdueshëm të mjeteve me rritjen e trurit njerëzor rreth 2.4–2.2 milionë vjet më parë.

Por sipas Prof. Braun, mjetet ishin tashmë në përdorim shumë kohë përpara se truri i njeriut të zmadhohej.

“Kemi nënvlerësuar jashtëzakonisht shumë këta njerëz të hershëm”, tha ai.

“Aftësia për të përdorur teknologjinë për t’u përshtatur me ndryshimet e mjedisit mund të gjurmohet shumë më herët sesa kemi menduar, ndoshta deri 2.75 milionë vjet më parë, dhe ndoshta edhe më herët.”

Ky zbulim nuk është thjesht një detaj arkeologjik, është një rishkrim i historisë së njerëzimit.

Ai tregon se rrënjët e kreativitetit dhe inovacionit, cilësi që sot e përcaktojnë qenien njerëzore, janë shumë më të thella në kohë sesa mund ta imagjinojmë. Në vend që të ishin thjesht mbijetues të natyrës, njerëzit e parë ishin shpikës që filluan të kontrollonin botën përreth tyre.