Author: admin

Këngëtarja e njohur Elhaida Dani ka folur hapur për herë të parë rreth historisë së saj të dashurisë me balerinin Ledjan Agalliaj, me të cilin nisi një romancë gjatë spektaklit “Dancing With The Stars”. Historia e tyre mori vëmendje të madhe në publik, pasi në atë kohë Ledjani ishte në një lidhje 7-vjeçare.

E ftuar në një intervistë, Elhaida ka treguar se në fillim marrëdhënia e tyre profesionale ishte e ftohtë, por gjithçka ndryshoi gjatë një dite prove, kur balerini vendosi t’i shprehte për ndjenjat e tij.

Siç ka treguar ajo, ai e ka ftuar për të pirë kafe dhe i ka treguar se ishte ndarë nga partnerja që kishte prej 7 vitesh dhe se kishte rënë në dashuri me të.

“Ledi në këtë ditë ishte shumë i lumtur se më rrëfen gjithçka. Më thotë “Elhajda, unë jam më në një lidhje. Unë për ty kam ndjenja sa nuk di vetë më as vetë ta mbaj, nuk më kërcehet, nuk më haet, nuk më pihet, nuk mundem më, dua të ta them, nuk mundem më, nëse t’i më thua që ndjen gjysmën e saj qe ndjej unë, do të të të bëj njeriun më të lumtur në botë”, rrëfeu ajo në “The Dalina Show”.

Këngëtarja më tej u shpreh mes lotësj se edhe sot pas tre vitesh nga nisja e lidhes së tyre, balerinit i shkëlqejnë sytë kur ata janë bashkë.

Elhaida Dani: Në momentet që ne nuk ishim bashkë, me javë të tëra, Ledi nuk më fliste. Tipik shqiptar. Nuk ma fliste fare, më shihte me sy dhe unë thoja, ky ka ndonjë problem më mua dhe urren gjitha stafin që e ka vënë me mua. Do ketë ndonjë problem që nuk më flet gjatë provave, më fliste vetëm kur kishim shfaqjen. I disiplinua. Ky mika shqipar me pak rus, se është rritur në Azerbajxhan, më çorientoi fare. Ku filloj kërcimi, çdo njeri nga nata e parë mendoi se ishim të lidhur, ndërkohë në secilin në punën tonë.

Ndodhi gjatë provave nga mesi i spektaklit, ishte një ditë që duhet të rrinim gjithë ditën ne TV, unë dhe Ledi nuk flisnim, po këtë ditë ishte shumë i lumtur, dhe më thotë që a mund të vijë të marrë, meqë kemi 1-2 orë të lirë, ikim pijmë një kafe këtej afër. Dhe unë i them mirë. Unë vija nga një mentalitet tjetër dhe tani që jetoj në Tiranë e kam kuptuar që duhet të jesh më e kujdesshme. I them mirë, se në fund të ditës ishte partneri im, ndanim provat bashkë, çfarë të keqe ka.

Ledi në këtë ditë ishte shumë i lumtur se më rrëfen gjithçka. Më thotë “Elhajda, unë nuk jam më në një lidhje. Unë për ty kam ndjenja sa nuk di vetë më as vetë ta mbaj, nuk më kërcehet, nuk më haet, nuk më pihet, nuk mundem më, dua të ta them, nuk mundem më, nëse t’i më thua që ndjen gjysmën e saj qe ndjej unë, do të të të bëj njeriun më të lumtur në botë”.

Kur e bëri gjithë këtë fjalim. Ledi me mua është një ndër gjerat që dua më shumë. Sa herë e shoh (përlotet)… Sa herë e shoh dhe ai futet të një dhomë që jam unë, i ndrijnë sytë akoma pas tre vitesh dhe më bën të kuptoj që është shumë e thjeshtë, më e thjeshtë seç mendojmë.

“Justifikimi” i marrëdhënies

Këngëtarja Elhaida Dani u ngjit edhe në skenën e Fest 63, ku mban edhe postin si drejtore artistike, për të folur për romancën e saj me balerinin, “justifikoi” romancën duke thënë se “u dashurova”.

“Nuk ishte një akt, një shfaqje, por një ndjesi e pastër një lidhje e vërtetë”, u shpreh këngëtarja në skenën e Fest 63, duke shtuar se “ajo që për mua ishte magji, për të tjerët u bë thjesht një arsye për të më ndëshkuar dhe gjykuar”, ndërsa balerini ndodhej në parapaskenë dhe e dëgjonte.

Elhaida Dani i konsideroi kritikat ndaj saj si “një takë që thyhet dhe papritur rrëzohesh”, teksa theksoi se në momentin që bëri lidhjen publike me balerinin gjatë spektaklit hapi zemrën me publikun.

“Por si në një tavernë greke, ku pjatat thyen pa mëshirë, edhe zemra ime u thye. 3 ditë mjaftuan që gjithçka të ndryshonte, komente, sharje, akuza, më paragjykuan, më thanë tradhtare, njerëz që nuk më njihnin dhe nuk e kuptonin zemrën time, më dënuan pa mëshirë”, shprehej artistja në atë kohë.

Elhaida Dani: Ka momente në jetën e një artisti ku gjithçka që je, gjithçka që ke ndërtuar vihet përballë një bote që pret të të gjykojë.

Ndonjëherë nuk janë dritat e skenës ato që të verbojnë por janë hijet e paragjykimeve që të ndjekin pas.

Isha në atë sallë, në atë skenë duke kërcyer, duke ndjerë çdo hap, ritëm dhe ndodhi ajo që nuk e kishte parashikuar askush. U dashurova! Ku je? (I drejtohet balerinit dhe shikon nga salla) Ku të kam? Nuk ishte një akt, një shfaqje, por një ndjesi e pastër një lidhje e vërtetë.

Por ajo që për mua ishte magji, për të tjerët u bë thjesht një arsye për të më ndëshkuar dhe gjykuar.

E keqja është që ti e ndjen shumë thellë, si një takë që të thyhet papritur dhe rrëzohesh. Edhe unë u rrëzova, u rrëzova para syve që vëzhgonin çdo lëvizje timen, çdo hap, çdo shikim timin. E çuditshme është shumë sepse si artist, ti zgjedh ti hapësh zemrën publikut, të gjithëve. Por si në një tavernë greke, ku pjatat thyen pa mëshirë, edhe zemra ime u thye. 3 ditë mjaftuan që gjithçka të ndryshonte, komente, sharje, akuza, më paragjykuan, më thanë tradhtare, njerëz që nuk më njihnin dhe nuk e kuptonin zemrën time, më dënuan pa mëshirë. Unë mbeta aty e brishtë, e thyer, por unë jam mësuar të luftoj. Jam rritur me ëndrrën për të fituar, jam rritur me ëndrrën për të qenë ajo që nëna ime më thotë me krenari ‘kjo është vajza ime’.

Askush nuk të përgatit për momentet kur zemra jote bëhet objekt gjykimi, kur jeta jote private shndërrohet në një spektakël publik. Ata më thanë thjesht ‘ti nuk je e mirë’. Si mund të përgjigjesh kur je bërë copë, kur një takë thyhet, ajo nuk flet, vetëm shkëputet dhe unë në atë moment ndjeva diçka brenda meje u këput, por jo përgjithmonë. Unë e di që bota e një artisti mund të jetë mizore, çdo lavdërim dhe çdo sharje e ka fuqinë të të ndryshojë, të të bëjë më të fortë ose të të thyejë, dhe unë e mora dhimbjen dhe shndërrova në forcë. Sepse e di që nuk mund t’i pëlqesh të gjithëve, nuk mund ta detyrosh botën të të dojë, por mund të vazhdosh të jesh e sinqertë e veten tënde.

Kam derdhur lot për ata që u përpoqën të më thyenin, të më përdornin, të më përndiqnin dhe më gjykuan.

Në fund çdo gjë është për dashurinë time, sepse është dashuria ajo që të mban lotët me të cilët ndan dhimbjen dhe gjen forcën, këtë gjë nuk na e rrëmben askush. Prapë unë sot kthehem në skenë, i besoj botës një copë të jetës sime, zemrës time.

Si Elhaida Dani u bë “mollë sherri” që balerini t’i jepte fund marrëdhënies 7 vjeçare

Ledian Agalliaj dhe Elhaida Dani nisën romancën e tyre gjatë “Dancing With the Stars 1” dhe pas kësaj çifti shiheshin kudo bashkë e shfaqnin dashurinë e tyre në rrjetet sociale.

Elhaida Dani dhe Ledian Agalliaj nuk arritën të fitonin “Dancing With The Stars”, por sigurisht që fituan njëri-tjetrin.

Ndonëse të shumtë ishin ata që e gjykuan këtë raport të lindur mbi fejesën e prishur të balerinit, dyshja duken më të dashuruar se kurrë e më pranë njëri-tjetrit.

Që pasi bënë publike romancën e tyre, Elhaida Dani dhe Ledian Agalliaj janë përballur me reagime nga më të ndryshmet të publikut. Balerini tha gjatë puntatës së fundit të “Dancing With The Stars” se ndjenja e tyre është shumë reale.

“S’e kam bërë, nuk e bëra dot, unë kam dashur ta bëj diçka të tillë, e menduam të dy dhe thamë jo, nuk e menduam që do të merrte këtë lloj përmase, edhe kur është dhënë videoja kemi menduar të ndahej kjo copëz e ta mbanim për vete, kjo është shumë reale, e ndjejmë njëri-tjetrin dhe aq”, u shpreh ai.

Më tej erdhi dhe reagimi i Elhaidës, e cila u shpreh se ajo dhe partneri i saj nuk kanë thyer asnjë kod moral. Ajo theksoi se vendosi ta bënte publike lidhjen e saj për shkak të përgjegjësisë që ka si një personazh publik që është.

“Ka qenë një javë shumë intensive kjo që kaluam, kishim vendosur të mos reagonim asnjëri, unë nuk jam këtu për të edukuar një popull të tërë, por duke qenë se jam një personazh publik kam një lloj përgjegjësie kur bëj veprimet e mia në sy të publikut, e ndjeja të nevojshme të sqaroja vendin tim, fjalët nuk do të mbarojnë kurrë”, tha ajo.

Balerini kishte hyrë në këtë format i fejuar me bukuroshen Ditjona Bora, me të cilën kishte pasur një histori dashurie prej 7 vitesh.

Në fillim të spektaklit, ish-e fejuara e Ledianit dhe Elhaida kishin një raport të mirë. Në rrjetet sociale, madje ajo komentonte në fotot që këngëtarja publikonte nga skena me balerinin.

“Artista”, shkruante Ditjona te fotoja e dyshes, duke vlerësuar kështu performancat e saj dhe të partnerit të saj. Ish-çifti ishin prej vitesh në një lidhje dashurie, por duket se njohja e balerinit me këngëtaren “shkatërroi” marrëdhënin e tyre.

Elhaida Dani u konsiderua një mollë sherri në prishjen e lidhjes së çiftit, që dukeshin shumë të dashuruar.

Në emisionin “Goca dhe Gra” të transmetuar sot në Top Channel, ka qenë i ftuar Meriton Mjekiqi, ish-finalist i “Big Brother VIP 3 Albania”.

Gjatë intervistës, ai zgjodhi të mos komentojë lidhjen e tij të kaluar me Ilnisa Agollin, duke kaluar pyetjen pa dhënë asnjë përgjigje.

Pak pas daljes së emisionit, reagimi i gazetares Ilnisa Agolli nuk vonoi. Ajo publikoi një Instagram Story me fjalët:

“Ëndrrat e një nate vere, nuk zgjasin netëve të dimrit”, një postim që tërhoqi vëmendjen e publikut dhe shkaktoi menjëherë diskutime të reja për marrëdhënien e dikurshme mes tyre.

Pas reagimeve në rrjet, moderatoret e “Goca dhe Gra” e kontaktuan Ilnisën gjatë transmetimit për të sqaruar kuptimin e statusit të saj. Gazetarja u shpreh:

“Përpara se të vija te Sara, pas një dite të ngarkuar, nuk mund ta mbyllja të martën pa ju parë juve. Ju rrotulloheni drejt dashurisë, tani ju pashë. Po kënaqesha. Fjala nuk i rri të gjithëve në gojë dhe nuk zë vend të gjithë.

Më vjen mirë, për herë të parë nuk isha subjekt i një teme që nga portalet fryhet dhe kamuflohet. Është një raport që ka përfunduar para një viti. Ky statusi ishte fare i qartë që historia ka përfunduar, nuk ka nevojë për koment” – tha ajo.

E pyetur nëse ishte penduar për marrëdhënien me Meritoni, Ilnisa e përmbylli me fjalët: “nuk shquhem si njeri që pendohem”.

Ish-kryeministri dhe kryetari i Partisë Demokratike, Sali Berisha, ka bërë një denoncim të fortë, duke pretenduar se ministrja e Financave dhe Ekonomisë, Belinda Balluku, është përgjuar në një bisedë telefonike duke kërkuar një shumë të madhe parash për një tender.

Sipas Berishës, ky regjistrim i është dorëzuar Kryeministrit Edi Rama, por ai ka zgjedhur ta emërojë sërish Ballukun në qeveri.

Në një deklaratë të bazuar në të ashtuquajturin “qytetari dixhital”, Berisha tha se në regjistrim dëgjohet një biznesmen që flet me një person tjetër, ku ai thekson se Balluku ka kërkuar një “përqindje të majme” për t’i akorduar tenderin.

Sipas Berishës, regjistrimi i është dërguar Kryeministrit Rama dy javë më parë nëpërmjet Ergys Agast.

Prapaskenat e emërimit dhe akuzat për afera korruptive
Berisha ngriti dyshime të forta mbi arsyen pse, pavarësisht këtij regjistrimi, Rama e emëroi Ballukun zëvendëskryeministre. “Natyrisht ky regjistrim nuk e ka penguar Edi Ramën të emërojë atë zëvendëskryeministre, pasi me Lubinë e lidhin aferat e tmerrshme korruptive,” tha Berisha.

Ai e lidhi Ballukun me afera të tjera të dyshimta, si Tuneli i Llogarasë, ku sipas Berishës janë zhdukur 90 milionë euro, si dhe me çështjen e inceneratorit të Tiranës. Berisha akuzoi Ballukun se, përmes drejtorisë në varësi të saj, ka bllokuar supervizimin e ndërtimit të inceneratorit, një detyrë kontraktuale. Ai shtoi se kjo është bërë me dijeninë e Ramës, pasi ky i fundit ishte “përfituesi kryesor i 130 milionë eurove të zhdukura”.

Në fund, Berisha e zgjeroi akuzën edhe te ish-kryebashkiaku i pezulluar, Erion Veliaj, duke e cilësuar bashkëfajtor me Ballukun në moskryerjen e supervizimit, pavarësisht se kishte zotim me shkrim për një gjë të tillë.

Lufta në Ukrainë ka hyrë në ditën e 1,344-të, ndërsa Moska ka bërë një tjetër demonstrim të fuqisë së saj ushtarake.

Presidenti Vladimir Putin ka njoftuar se Rusia ka testuar me sukses raketën nëndetëse me energji bërthamore “Poseidon”, të cilën e cilësoi si “armën më të fuqishme në nivel global”.

Sipas kanalit zyrtar në Telegram të Kremlinit, Putin theksoi se fuqia e këtij sistemi tejkalon ndjeshëm raketën më të avancuar ndërkontinentale ruse, Sarmat, duke e përshkruar testin si një “hap të rëndësishëm në forcimin e aftësive strategjike të Federatës Ruse”.

“Nuk ka asgjë të krahasueshme në botë, as për nga shpejtësia, as për nga thellësia e veprimit. Nuk ekziston asnjë mënyrë për ta kapur atë,” deklaroi presidenti rus, duke shtuar se programi i modernizimit ushtarak të Rusisë po vijon sipas planit.

“Poseidon”, i projektuar për t’u lëshuar nga nëndetëset bërthamore dhe i pajisur me një kokë bërthamore me fuqi të madhe shkatërruese, konsiderohet një nga armët më të sofistikuara të arsenalit rus.

Ky zhvillim vjen në një moment tensionesh të rritura ndërkombëtare, teksa Moska thekson se po avancon me armët e gjeneratës së ardhshme, përfshirë raketën tjetër bërthamore “Burevestnik”, e cila sipas autoriteteve ruse ka arritur të përshkojë 14,000 kilometra.

Ndërkohë, në frontin e luftës, forcat e armatosura të Ukrainës kanë mohuar deklaratat e Putinit se Kupyansk është i rrethuar, duke i cilësuar ato si “trillime dhe fantazi”.

Një shtetas shqiptar është dënuar me 6 vite burg në Mbretërinë e Bashkuar, pasi u zbulua se kishte mashtruar autoritetet duke pretenduar se ishte babai i tetë fëmijëve për të përfituar dokumentet e shtetësisë.

Sipas hetimeve të autoriteteve britanike, burri kishte paraqitur deklarime të rreme prindërie, një praktikë e cila është përdorur rrallë por konsiderohet një nga skemat më të sofistikuara të mashtrimit për imigracion.

Gjykata tha se provat ishin të pakundërshtueshme dhe se dënimi kishte si qëllim të dërgonte një mesazh kundër abuzimit me sistemin e imigracionit.

Autoritetet theksuan se hetimet për raste të ngjashme do të vijojnë.

Dita e premte pritet të jetë një ditë kyçe për drejtësinë dhe politikën shqiptare. Ministrja e Infrastrukturës dhe Energjisë, Belinda Balluku, është thirrur për t’u paraqitur në Prokurorinë e Posaçme (SPAK), ndërsa ish kryebashkiaku i Tiranës, Erion Veliaj do të jetë i pranishëm fizikisht në seancën e Gjykatës Kushtetuese ku ka ankimuar vendimin e shkarkimit të tij.

Analisti Andi Tela në një studio televizive, parashikon se çfarë mund të ndodhë në Gjykatë Kushtetuese.
“Është një koincidencë e bukur se janë të dy të premten në ora 10:00. Po nëse njërën kemi mundësi ta shohim edhe të gjithë seancën live, Ajo se çfarë do të ndodhi me zonjën Balluku është brenda SPAK-ut.

Ndoshta mund të shohim atë paradën e tyre që bëjnë gjithmonë, hyrjet e daljet e ndoshta në një deklaratë të mundshme të saj. Po pastaj pjesa tjetër është gjithmonë enigmatike siç kanë qenë edhe këto ditë. Pra, mënyra se si u shpërnda lajmi idenë e thirrjes së zonjës Balluku bashkë me një avokat.

Dhe fabulën që ndoshta ka të bëjë me një tender të tunelit Llogarasë, të supervizimit, dhe duhet parë pastaj mbas, mbasi të ndodhi thirrja e saj se çfarë, çfarë ka ndodhur realisht. Ndërkohë që kjo e zotit Veliaj, sigurisht që është e rëndësishme edhe për momentin kur ndodh.

“Unë kam mendim timin se çfarë pritet. Zoti Veliaj dhe Partia Socialiste mund ta kishin zgjidhur mirë fare këtë histori me një dorëheqje të tij, po siç duket, Partia Socialiste nuk e do më Veliajn dhe as Veliaj nuk e do më Partinë Socialiste që të zgjidhej paqësisht gjëja. Duket që janë në dy pole të kundërta. Vendimi pastaj është, për mua është një vendim që unë e kam parë më parë. Unë e lidh gjithmonë me vendimin që është marrë nga Gjykata Kushtetuese me zotin Fredi Belerin.

Domethënë, dhe ai ishte pak a shumë në të njëjtën rrethanë, kërkonte të shkonte të betohej një ditë dhe të kthehej përsëri në burg dhe Gjykata Kushtetuese vendosi që s’është e nevojshme fare që Beleri të shkojë të betohet, ai duhet të rrijë në burg sepse interesat më të mëdhaja janë që ai të rrijë në burg dhe mos dali prej andej. Kështu që dhe vendimi i zotit Veliaj, pritet të jetë i tillë.

Pavarësisht precedentëve, skenari më i mundshëm mbetet rrëzimi i kërkesës së kryebashkiakut, por është dhe hipoteza e një vendim në favor të Veliajt si rezultat i kalkulimeve politike të mazhorancës, nëse sondazhet e brendshme tregojnë një rrezik për humbjen e Bashkisë së Tiranës në rast të zgjedhjeve të parakohshme.

Unë them që vendimi është i qartë çfarë do marrim, dilemat janë të vogla për mua. Domethënë, është i qartë vendimi dhe s’ka lidhje fare me precedentët sepse ata do duan ta lexojnë bardh e zi atë vendim.

E vetmja hipotezë, domethënë ai 1%-shi i mundshëm, ka të bëjë me zgjedhjet në Tiranë. Nëse partia në pushtet ka ndonjë sondazh të saj, ka ndonjë dilemë të saj se si mund të shkojnë zgjedhjet e Manastirliut përballë Floren Binit, mundet që t’i japin një OK për të thënë OK, merreni vendimin që të vijojë të jetë zoti Veliaj në kryetar bashkie.”

Ministri belg i Mbrojtjes, Theo Francken, tha në një intervistë për De Morgen se në rast se Rusia sulmon kryeqytetin e një shteti anëtar të NATO-s, “Moskën do ta shkatërrojmë deri në themel”, duke shtuar se vendet perëndimore nuk duhet të lejojnë të kërcënohen.

“Jo, sepse në atë rast Rusia do të sulmonte zemrën e NATO-s, dhe ne do ta shkatërronim Moskën deri në themel”, u shpreh Francken, duke iu përgjigjur pyetjes nëse i druhej një sulmi të mundshëm me raketë jo-bërthamore të Putinit ndaj Brukselit.

Ambasada ruse në Belgjikë reagoi duke i cilësuar fjalët e ministrit si “provokuese dhe të papërgjegjshme”, duke shtuar se ato përfaqësojnë një “devijim ushtarak”.

Francken gjithashtu shprehu shqetësimin për veprimet hibride të Rusisë, duke përmendur shembullin e “burrave të gjelbër” në Estoni që përpiqen të nxisin pakicën rusishtfolëse kundër qeverisë estoneze.

Sipas ministrit belg, ndërhyrjet e Rusisë në hapësirën ajrore të vendeve të NATO-s, si ajo në Estoni, tregojnë nevojën për një reaksion të vendosur të Aleancës.

Gjeneral Alexus Grynkevich, komandant i Forcave të Përbashkëta të NATO-s, kishte deklaruar më parë se veprimet e vendosura të Aleancës kanë detyruar Moskën të veprojë më kujdesshëm.

Shtetet e Bashkuara të Amerikës kanë realizuar me sukses fluturimin e parë të një aeroplani “të qetë”, i aftë të udhëtojë me shpejtësi më të madhe se ajo e zërit – një hap i rëndësishëm në zhvillimin e teknologjisë ajrore të së ardhmes.

Ky projekt përfaqëson një arritje të madhe për shkencën dhe inxhinierinë amerikane, duke kombinuar inovacionin me qëllimin për të bërë fluturimet supersonike më të pranueshme dhe më miqësore ndaj mjedisit.

NASA, në bashkëpunim me kompaninë e njohur Lockheed Martin, ka kryer me sukses testet e para të avionit eksperimental X-59. Ky aeroplan është projektuar për të eliminuar tingullin e fortë “boom” që krijohet zakonisht kur një aeroplan kalon shpejtësinë e zërit. Falë dizajnit të veçantë aerodinamik dhe teknologjive të avancuara të kontrollit të zërit, X-59 synon të prodhojë vetëm një zhurmë të butë, të ngjashme me një trokitje e lehtë në distancë.

Ky aeroplan unik është ndërtuar si një prototip i vetëm dhe shërben si një platformë kërkimore për të testuar mundësitë e rikthimit të fluturimeve pasagjerësh supersonike, të cilat u ndërprenë që prej ndalimit të “Concorde” në fillim të viteve 2000.

Nëse testet rezultojnë të suksesshme, X-59 mund të hapë një epokë të re në udhëtimet ajrore, duke mundësuar që njerëzit të udhëtojnë shumë më shpejt midis kontinenteve, për shembull, nga Nju Jorku në Londër për më pak se katër orë.

Sekretari Amerikan i Transportit, Sean Duffy ka theksuar se ky projekt forcon udhëheqjen e SHBA-së në fushën e aviacionit dhe inovacionit teknologjik, duke theksuar se synimi nuk është vetëm të arrihet shpejtësia, por edhe të përmirësohet përvoja e udhëtimit për publikun. Sipas tij, X-59 mund të ndryshojë mënyrën se si njerëzit e perceptojnë udhëtimin ajror, duke e bërë atë më të qetë, më të shpejtë dhe më efikas.

NASA ka investuar mbi 500 milionë dollarë në zhvillimin e projektit X-59. Aktualisht, inxhinierët dhe shkencëtarët po punojnë për të analizuar të dhënat nga testet fillestare dhe për të përmirësuar më tej teknologjinë e reduktimit të zhurmës. Qëllimi përfundimtar është që, në të ardhmen, të lejohet fluturimi i avionëve supersonikë mbi tokë – diçka që sot është e ndaluar për shkak të ndotjes akustike që shkaktojnë këto lloj fluturimesh.

Nëse projekti X-59 përmbush pritshmëritë, ai mund të shënojë një revolucion të ri në historinë e aviacionit botëror, duke hapur rrugën për një epokë të re të fluturimeve të shpejta, të qeta dhe të qëndrueshme.

Platforma që mundëson funksionimin e ministres së parë me inteligjencë artificiale në Shqipëri, Diella, ka pësuar probleme teknike sot, duke shkaktuar ndërprerje të herëpashershme dhe humbje të pjesshme funksionesh.

Situata ndodhi pak ditë pasi kryeministri Edi Rama deklaroi se Diella ishte “shtatzënë” dhe në pritje të 83 “fëmijëve”, një metaforë për krijimin e asistenteve digjitale për çdo deputet socialist.

Sipas njoftimit të Microsoft, kompania që operon serverët “Azure” ku funksionon Diella, po kryhen veprime rikuperimi dhe kthim në gjendjen e fundit të regjistruar (“restore point”), duke ngritur mundësinë që ministrja artificiale të humbasë një pjesë të memories funksionale.

Microsoft bëri me dije se ka bllokuar të gjitha ndryshimet në shërbimet përkatëse dhe po rikthen sistemin në gjendjen e fundit të sigurt, duke garantuar stabilizimin sa më të shpejtë të shërbimit.

Ky incident ka rindezur diskutimet për faktin që “truri” teknik i Diellës ndodhet në serverët e Microsoft dhe jo brenda një infrastrukture kombëtare. Ekspertë të teknologjisë paralajmërojnë se kjo situatë mund të hapë shqetësime për privatësinë e të dhënave, aksesin nga palë të treta dhe mundësinë e manipulimit të informacionit.

Ngjarja, e shoqëruar me humor dhe komente ironike në rrjetet sociale për “sëmundjen” e ministres gjatë “shtatzënisë”, ka hapur edhe një diskutim më të gjerë për varësinë teknologjike të administratës publike nga platformat ndërkombëtare dhe rreziqet që kjo sjell për sigurinë e informacionit shtetëror.

Mes dhimbjes dhe lotëve, familjarë, miq, të afërm dhe shokë i dhanë lamtumirën e fundit 19-vjeçarit shqiptar, Flavio Saraçi, që humbi jetën në banesë në rrethana dhe shkaqe ende të panjohura dhe që janë ende nën ekspertim mjeko-ligjor.

Ceremonia mortore është zhvilluar në vendin fqinj, në provincën e Pistoias, pasi prej vitesh familjarisht jetonte në Masotti, zona e Serravalle Pistoiese.

I riu është gjetur i pajetë në banesën e tij nga familjarët fundjavën e kaluar. Kur vëllai i tij hyri në dhomën e gjumit, e pa Flavio Saraçin të rrëzuar dhe të palëvizshëm dhe shkoi të shihte se çfarë po ndodhte. Ishte një tronditje e vërtetë atëherë kur kuptoi se vëllai i tij më i madh, një djalë i fortë dhe atletik, tani ishte i vdekur.

Tragjedia të premten, më 24 tetor, në Provincën e Pistoias. Vdekja e tij ishte aq e papritur, sa është aktualisht e pashpjegueshme për autoritetet. I riu merrej me sporte dhe nuk kishte probleme shëndetësore të shfaqura.

Këtë herë, dyshohet se një sëmundje fatale i mori jetën Flavio Saracit, duke lënë një familje në shok të plotë. Gjithçka ndodhi brenda pak minutash, rreth orës 6 të mbrëmjes.

Shërbimet e urgjencës mbërritën menjëherë dhe i riu u dërgua me urgjencë në Spitalin San Jacopo, por mjekët mundën vetëm të konfirmonin se nuk kishte asgjë më shumë që mund të bënin për Flavion, duke i lënë prindërit e tij, të shkatërruar nga një tragjedi kaq e papritur dhe e madhe, në humnerën e dëshpërimit të tmerrshëm, informon media italiane.