Author: admin

Hetimet për vrasjen e dyfishtë të 5 tetorit në Finikounda të Greqisë, ku u vranë pronari i kampingut dhe punëtori i tij shqiptar, janë intensive dhe nga ora në orë zbulojnë detaje tronditëse për oficrët dhe prokurorët.

Dëshmia e mbesës së 68-vjeçarit që u vra së bashku me kujdestarin e tij shqiptar në kampingun në Finikoundë është surprizuese. Gruaja i përshkroi policisë karrierën e suksesshme profesionale të xhaxhait të saj dhe përshkroi karakterin e tij, duke thënë se disa vite më parë ky i fundit e kishte akuzuar nipin e tij për vjedhje. Më vonë, sigurisht, siç shtoi ajo, marrëdhëniet e tyre u normalizuan.

“Unë jam mbesa e viktimës. Më konkretisht, jam vajza e motrës së tij dhe erdha këtu sot për t’ju treguar atë që di për xhaxhain tim dhe jetën e tij, sepse dua që njerëzit që bënë këtë dëm të kapen sa më shpejt të jetë e mundur. Që kur linda, i kalova të gjitha verat e mia në Finikoundë, me xhaxhain tim. Në moshën 18 vjeçe u largova nga këtu dhe shkova në Athinë për të punuar në një bankë. Krijova familje dhe çdo verë vazhdova të vizitoja Finikoundën për pushime dhe të qëndroja në shtëpinë e xhaxhait tim Kostas”, tha gruaja në dëshminë e saj, sipas informacioneve nga “Protothema.

Më pas ajo i përshkroi policisë se si kishte diskutuar me xhaxhanë e saj për rinovimin e një shtëpie, ndërsa e përshkruante atë si “absolut” dhe “autoritar”, i cili “nuk ia linte asnjë mizë shpatën” dhe “mbante arkën dhe ishte përgjegjës”:

“(…) Gjatë tre viteve të fundit kam ardhur dhe kam qëndruar në shtëpinë stërgjyshore të nënës sime, e cila është gjithashtu shtëpia stërgjyshore e xhaxhait tim Kostas dhe kam zhvendosur gjithashtu disa nga gjërat e mia nga Athina në këtë shtëpi. (…) Vitin e fundit kam ardhur shumë më shpesh, kështu që mund ta kuptoni se jam këtu pothuajse përgjithmonë. Në një moment, diskutova me xhaxhain tim, me të cilin kisha marrëdhënie të shkëlqyera, ai më donte si vajzën e tij dhe unë si babain im, dëshirën time për të rinovuar shtëpinë të cilën T. D., nipi i xhaxhait tim, ma kishte dhënë me një marrëveshje paraprake me nxitjen e tij. Çfarëdo që thoshte xhaxhai im, bëhej. Ai ishte absolut dhe autoritar dhe nuk ia linte asnjë mizë shpatën. Ai mbante arkën dhe ishte përgjegjës. Kështu që kur i tregova për rinovimin që doja të bëja, korrikun e kaluar, ai më tha “Po më çmend , më lër rehat” dhe unë iu përgjigja se nëse ai do të vazhdonte me këtë sjellje, do të merrja gjërat e mia dhe do të largohesha. I thashë gjithashtu ta nxirrte djalin tim nga kampingu, ku çdo verë punonte për xhaxhain tim Kostas dhe i jepte disa para. Sapo ia thashë këtë, ai ma mbylli telefonin. Ishte e vetmja herë që u grindëm vërtet”.

“Pronë me vlerë afërsisht 30 milionë euro”

Pastaj, duke iu referuar xhaxhait të saj, ajo përshkroi, duke rrwfyer detaje me rwndwsi qw ngrenw dyshime pwr njw pistw tw re, deri te pohimi i saj se xhaxhai kishte pasuri qw vlente 30 mln euro.

“Xhaxhai im filloi pa para dhe sot ka një pasuri me vlerë rreth 30 milionë euro. (…) Ai ishte shumë i çuditshëm dhe meqenëse gjithmonë donte të bënte gjënë e tij, ata që vareshin prej tij duhej t’i bënin të gjitha nderet, sepse nëse nuk e bënin, ai mund t’i linte pa ushqim. (…) I vetmi person që mund të qëndronte pranë xhaxhait tim ishte miku dhe ndihmësi i tij B., (shqiptari), i cili gjithashtu humbi jetën. Ai kishte një dobësi të tmerrshme për të. Ai vdiste për të dhe jetonte për të, e vishte me rroba të shtrenjta, i blinte një Mercedes dhe nga sa më kishte thënë xhaxhai im, përqindja më e madhe e testamentit të tij do t’i shkonte B. B. nuk kishte një marrëdhënie të mirë me T. D., nipin e xhaxhait tim, pa e ditur arsyen, dhe kur e pyeta xhaxhain tim nëse ishte për trashëgiminë, ai më thoshte jo. B. kishte një dobësi të çmendur për xhaxhain tim, dhe kështu kishte edhe xhaxhai im për B.”, rrwfeu ajo.

Lidhur me marrëdhënien e xhaxhait të saj me nipin e tij, i cili ishte i pranishëm në krim, ajo tha:

“Lidhur me marrëdhënien e xhaxhait tim me nipin e T.D.-së, për të cilin po më pyetni, kohët e fundit ka qenë shumë mirë. Megjithatë, rreth katër vjet më parë, ndodhi një vjedhje prej rreth 20,000 eurosh në shtëpinë që ai më kishte dhënë për pushimet e verës në vitin 2017, për një muaj e gjysmë, për të qëndruar, dhe ndërsa unë isha larg për 10 ditë në Athinë, ndodhi kjo vjedhje. Xhaxhai im në atë kohë e akuzonte vazhdimisht T.D.-në se kishte të bënte me këtë vjedhje dhe madje më kishte thënë se do të shkruante letra në të cilat do të shkruante se, nëse i ndodhte diçka, do ta mbante përgjegjës nipin. Ai kishte shumë frikë nga T.D., sepse nëse i ndodhte diçka, T.D. do të merrte pjesën më të madhe të pronës. Megjithatë, pavarësisht të gjithave këtyre, në dy ose tre vitet e fundit të dy ishin afruar përsëri”, tregoi ajo.

Pasi refuzoi të merrte pjesë Berisha dhe PD në protestën e sotme në sheshin “Skënderbej”, ku kishte dhjetra mijëra vetë si dhe reagimeve nga Kosova ndaj PD së Berishës, selia blu ka shpërndarë një deklaratë.

Por kjo vjen nga reagimet negative në Kosovë e kudo se pse PD nuk mori pjesë.

Partia Demokratike përsëri deklaron se:

1.Lufta çlirimtare e UÇK-së në Kosovë është faqja më e ndritur e luftërave të shqiptarëve për liri dhe dinjitet kombëtar që nga luftërat e Skënderbeut.

2.Pa sakrificën, gjakun, trimërinë dhe heroizmin e luftëtarëve të lirisë të UÇK-së, Kosova nuk do të ishte kurrë një vend i lirë dhe i pavarur.

3.Lufta e UÇK-së për çlirimin e Kosovës është lufta e fundit çlirimtare në Europë që i dha fund pushtimit të gjatë serb të Kosovës, dhe Ushtria Çlirimtare e Kosovës ishte aleate besnike e Aleancës së Atlantikut të Veriut në territorin e Kosovës gjatë fushatës së bombardimeve ajrore kundër regjimit të Millosheviçit nga Aleanca, në pranverën e vitit 1999.

Partia Demokratike e Shqipërisë është forca politike që mbështet zbatimin e ligjit kombëtar dhe ndërkombëtar. Kjo parti ka mbështetur krijimin e Gjykatës Speciale të Kosovës me seli në Hagë dhe ka ndjekur e ndjek me vëmendjen më të madhe punimet e kësaj gjykate në procesin gjyqësor kundër ish-udhëheqësve politikë të UÇK-së dhe të Republikës së Kosovës: Hashim Thaçi, Jakup Krasniqi, Fatmir Limaj, Rexhep Selimi, etj.

Partia Demokratike konstaton se në këtë proces të zgjatur, disa herë para publikut nuk është paraqitur asnjë fakt apo provë për asnjërën prej akuzave të paraqitura ndaj tyre. E kundërta, janë rrëzuar akuzat monstruoze si ajo e “shkuljes së organeve” dhe tregtimit të tyre nga luftëtarët e UÇK-së në zona të ndryshme të Shqipërisë.

Nuk është publikuar asnjë fakt apo provë që të provojë urdhra direkt të ish-udhëheqësve të UÇK-së për krime konkrete. Ky proces dëshmoi përfundimisht se ai është i bazuar në dosje të fabrikuara nga Beogradi dhe armiq të tjerë të kombit shqiptar që kërkojnë të barazojnë agresorin, pushtuesin me çlirimtarin.

Për të gjitha këto, Partia Demokratike i bën thirrje trupit gjykues të Gjykatës Speciale të Kosovës në Hagë të shpallë sa më parë pafajësinë e ish-udhëheqësve politikë të UÇK-së dhe të Kosovës, në respekt të plotë të parimeve ndërkombëtare të drejtësisë.

Së fundmi, Partia Demokratike përshëndet protestën paqësore të bashkëluftëtarëve të ish-udhëheqësve të UÇK-së dhe të Kosovës, sikundër dënon çdo përpjekje për manipulim të saj nga albanofobë shqipfolës, armiq të damkosur të Kosovës.

Një ngjarje e rëndë ka ndodhur këtë mëngjes në Limassol, ku biznesmenit qipriot, njëkohësisht president i ekipit të futbollit FC Karmiotissa, Stavros Demosthenous (49 vjeç), është qëlluar me armë zjarri pranë banesës dhe ka ndërruar jetë.

Atentatorët duket se ishin në dijeni të lëvizjeve të biznesmenit, pasi kishin bërë pritë jashtë shtëpisë së tij.

Sipas policisë qipriote, autorët e krimit ishin dy persona dhe po udhëtonin me një furgon të vjedhur. Sapo Stavros Demosthenous doli nga dera e banesës, ata e qëlluan.

Ndërkohë djali i biznesmenit e futi në makinë të atin dhe u përpoq ta dërgonte në spital. Megjithatë, gjatë rrugës Stavros Demosthenous vdiq dhe makina ku udhëtonte u përplas me automjete të tjera në autostradë.

Autorët e vrasjes u larguan nga vendi i ngjarjes dhe disa kilometra më larg dogjën furgonin me të cilin udhëtonin. Policia ka nisur kërkimet për të identifikuar autorët, ndërsa dyshohet të kenë qenë vrasës profesionistë me pagesë.

Po shqyrtohet mundësia që vrasja të ketë lidhje me aktivitetin e basteve në ndeshjet e futbollit, pasi FC Karmiotissa ka qenë nën hetim disa herë për trukim ndeshjesh me transmetimin e dosjeve të kuqe nga UEFA.

Sot në Tiranë u zhvillua një protestë madhështore për lirimin e ish-krerëve të UÇK-së.

Me mijëra shqiptarë nga të gjitha trevat shqip-folëse u mblodhën në kryeqytetin shqiptar, në mbështetje të çlirimtarëve të Kosovës.

Për këtë protestë ka reaguar edhe Richard Grenell, i dërguari i posaçëm i presidentit amerikan Donald Trump për kriza globale.

Duke shpërndarë pamjet e protestës në Tiranë, Grenell shkruan se Gjykata e Speciale e Hagës është jashtë kontrollit.

“Kjo është ajo që Jack Smith bëri”, shkruan Grenell duke iu referuar prokurorit që urdhëroi arrestimin e Hashim Thaçit.

Gjatë protestës në Tiranë u theksua fakti se akuzat ndaj ish-krerëve të UÇK-së janë të fabrikuara nga qarqe ruse dhe serbe.

Ish-Presidenti i Shqipërisë, Alfred Moisiu, ka mbajtur një fjalim këtë të premte në protestën për UÇK-në, të zhvilluar në Tiranë.

Ai ngriti zërin kundër padrejtësive që po u bëhen udhëheqësve të Ushtrisë Çlirimtare të Kosovës, të cilët ndodhen aktualisht në paraburgim në Hagë.

Moisiu theksoi se ushëheqësit e UÇK-së nuk kanë kryer krime, por kanë bërë detyrën më të lartë që njeh historia, çlirimin e Kosovës dhe mbrojtjen e popullit të vet.

“Besoj se drejtësia do bëj detyrën e saj dhe do jetë në krahun e katër vëllezërve të UÇK-së. Ata janë burgosur pa prova, me akuza të fabrikuara nga qarqe të errëta serbo-ruse, që përpiqen të njollosin luftën për çlirimin e Kosovës”, theksoi ai.

Në fjalën e tij, Moisiu kujtoi vizitën në Hagë në shtator të vitit 2022, ku bashkë me ish-presidentët Rexhep Meidani, Bamir Topi dhe Pandeli Majko, takuan ish-krerët e UÇK-së Hashim Thaçin, Jakup Krasniqin, Kadri Veselin dhe Rexhep Selimin.

Moisiu përfundoi fjalën me një thirrje për drejtësi: “Besoj se drejtësia do të bëjë detyrën e saj dhe do jetë në krahun e katër vëllezërve të UÇK-së.”

Alfred Moisiu: Të dashur qytetarë të Tiranës, të Shqipërisë, Kosovës, Maqedonisë së Veriut, Preshevës dhe Malit të Zi, sot jemi mbledhur këtu në zemër të Tiranës për të mbrojtur dinjitetin tonë kombëtar. Për të ngritur zërin kundër padrejtësisë që po i bëhet bijve më të mirë të Kosovës dhe kombit shqiptarë, luftëtarëve të UÇk-së që luftuan për lirinë e atdheut.

Në vitit 2022, me 29 shtator, bashkë me presidentët Rexhep Meidani, Bamir Topi, dhe Pandeli Majkon, ishim në Hagë për të takuar personalisht më Thaçin, me Krasniqin, Veselin dhe Selimin.

Në bisedë më këta burra, kuptova që ata trima nuk ishin frikësuar, por qëndronin të qetë dhe të gatshëm për t’u sakrifikuar, për të pastruar luftën e UÇK-së dhe popullit të Kosovës, nga njollat që padrejtësisht po përpiqen t’ua japin ata që nuk ua duan të mirën shqiptarëve.

Ata nuk kanë kryer krime, por kanë bërë detyrën më të lartë që njeh historia, çlirimin e Kosovës dhe mbrojtjen e popullit të vet. Besoj se drejtësia do bëj detyrën e saj dhe do jetë në krahun e katër vëllezërve të UÇK-së. Ata janë burgosur pa prova, me akuza të fabrikuara nga qarqe të errëta serbo-ruse, që përpiqen të njollosin luftën për çlirimin e Kosovës.

Lufta e UÇK-së u mbështet nga NATO dhe partner të rëndësishëm perëndimore. Zyrtarë amerikan po dëshmojnë pafajësinë e tyre, dëshmi të qarta se ata nuk ishin kriminalë, por komandat udhëheqës së UÇK-së për mbrojtjen e popullit të tyre.

Moderatori i njohur i “Big Brother VIP Albania”, Ledion Liço, është bërë qendra e vëmendjes në eventin madhështor të “Top Media Fest”, një festë e përvitshme që mbledh të gjithë figurat ikonike të ekranit shqiptar.

Ngjarja, që synonte të ishte një mbrëmje reflektimi dhe festimi për sukseset e rrjetit, u dominua nga reagimet për pamjen e moderatorit të njohur, i cili u shfaq më i dobët dhe dukshëm i ndryshuar në fytyrë, krahasuar me herët e fundit në publik.

Në rrjetet sociale, ndjekësit shpërthyen me komente që varionin nga habi deri te shqetësimi për gjendjen e tij shëndetësore.

“Pse është bërë kështu?”, “O Ledjon, s’të njohim më!”, “Duket shumë i lodhur… shpresoj të jetë mirë!” – janë disa nga komentet që kanë pushtuar rrjetin menjëherë pas publikimit të fotove nga festa.

egjithëse Ledioni u shfaq me stilin e tij të zakonshëm elegant dhe të qetë, ndryshimi fizik nuk kaloi pa u vënë re. Pamja e tij bëri që shumë fansa të kërkojnë sqarime nëse moderatori po kalon ndonjë periudhë të vështirë.

Në anën tjetër, “Festa e Top Media” u mbajt në një atmosferë të ngrohtë, ku u bashkuan gazetarë, moderatorë dhe personalitete të njohura të ekranit shqiptar, duke reflektuar mbi kontributin dhe arritjet e rrjetit ndër vite.

💬 Megjithatë, mbrëmja që duhej të ishte e gëzueshme, u kthye në temë kryesore në rrjet për shkak të pamjes së Ledion Liços — një detaj që ka shqetësuar publikun dhe ka ndezur kuriozitetin për gjendjen e tij.

Aktori i njohur Robert Ndrenika, ka reaguar lidhur me protestën që u zhvillua sot në Tiranë për ish-krerët e UÇK.

Përmes një postimi në rrjetet sociale, aktori shkruan se protesta bëri bashkë të gjithë shqiptarët dhe ishte një përgjigje për ata që nuk i duan bashkë.

‘Liria ka emër, UÇK. Tubimi i mbajtur në Tiranë në mbështetje të komandantëve shqiptarë që vuajnë padrejtësisht në Hagë. Shqiptarët nga Kosova e Shqipëria bashkë, siç ju ka hije.

Një përgjigje për të gjithë ata që nuk na duan bashkë dhe i fryjnë zjarrit të ndasisë. ne do jemi gjithmonë bashkë‼️ Shqipni etnike, asgja tjetër’, tha ai.

Një vajzë e vogël nga Shqipëria, Dea, vetëm 10 vjeç, po përballet me një betejë të vështirë kundër leucemisë. Lufta e saj kërkon jo vetëm forcë dhe kurajo, por edhe mbështetje financiare për trajtimin e saj të shtrenjtë.

Familja e Deas ndodhet në një situatë shumë të vështirë ekonomike dhe ka bërë thirrje publike për ndihmë, duke kërkuar solidaritet nga të gjithë njerëzit e mirë që mund të kontribuojnë, sado pak, për t’i dhënë asaj shpresë për jetë.

Në njoftimin e tyre, ata shkruajnë:

“Dea 💔 është një luftëtare 10-vjeçare që po përballet me leuceminë — një betejë e vështirë që ka nevojë për ndihmën dhe shpresën tonë. Familja e saj është në një situatë shumë të vështirë… çdo ndihmë është jetike për trajtimin dhe shërimin e Deas!”

Të gjithë ata që dëshirojnë të ndihmojnë, mund të kontribuojnë në faqen e donacioneve në këtë link: LINKU GOFUNDME KETU

Futbolisti i Kombëtares Shqiptare Armando Broja po bëhet viral me një qëndrim të tijin përgjatë një interviste pas ndeshjes së fundmi.

Ai ka mbajtur një qëndrim e shikim të fiksuar nga fusha e blertë përgjatë krejt pyetjeve të moderators sportive Franceska Rustem.

Nuk dihet se përse e ka bërë një veprim të tillë mirëpo jo të paktë kanë qënë ata që e kanë lidhur me besnikërinë ndaj partneres e të tjerë me xhelozinë potenciale të saj.

A është diçka që nuk shkon në këtë intervistë pak të sikletshme? Shiheni dhe vlerësojeni vetë. /Prive

@kohashqip#fyp#foryoupagee#armandobroja#albania#viral♬ original sound – kohashqip

Në kohët moderne, teknologjia ka ndryshuar mënyrën se si njerëzit lidhen me njëri-tjetrin. Rrjetet sociale kanë bërë të mundur që individë nga vende të ndryshme të botës të njihen, të komunikojnë dhe, në disa raste, të krijojnë lidhje të thella emocionale, madje edhe lidhje dashurie. I njëjti është edhe rasti i kësaj zonje, e cila para 5 viteve ka njohur një djalë në rrjete sociale. Pas një disfate të parë, zonja, me shpresën se do të rinisë një jetë të re me Labinotin, investoi në këtë marrëdhënie edhe pse në distancë.

Kjo pamundësi për t’u takuar ishte për shkak të dokumenteve jo të sakta në shtetin irlandez, që e kufizonin 40-vjeçarin për të udhëtuar drejt shteteve të tjera, e në këtë rast për të takuar të dashurën e tij prej 3 vitesh. Çdo gjë ecte shumë mirë, komunikimet e tyre ishin të përditshme, derisa në një moment kjo lidhje pëson një krizë. Labinoti i tregon të dashurës së tij virtuale për një vizitë në Kosovë, te familjarët e tij.

Por lidhja e re duket se Labinotit nuk i ka ecur, pasi ai sërish rikthehet pas dy muajsh te zonja.

Një sjellje e çuditshme e këtij zotërie, e cila nga sot e nesër pësoi ndryshime, por pa një arsyetim. Teksa zonja e re vendosi të shkëpusë marrëdhëniet me Labinotin dhe të marrë në kontroll jetën e saj, ky i fundit, nga ana tjetër, nis të shqetësojë 45-vjeçaren pas disfatës së radhës që mori nga ish-partnerja prej dy muajsh. Pas përfundimit të lidhjes së tyre, partneri nuk ka pranuar të tërhiqet, duke nisur një armatë të plotë presionesh psikologjike, kërcënimesh dhe ndërhyrjesh të qëllimshme në jetën personale të zonjës. E gjitha kjo për të ushtruar frikë dhe kontroll mbi të.

Këtu duhet të sqarojmë se zonja dhe Labinoti nuk janë takuar asnjëherë të vetëm. Megjithëse duket sikur ai kërkon rikthimin, 40-vjeçari nuk merr hapa konkrete për të takuar ish-partneren apo për t’u përballur me situatën. E vetmja gjë që di të bëjë më së miri janë kërcënimet.

Eh, mor Zot, po të lutem… Eh, mor Allah, po të lutem… Më dëgjo njëherë në jetën tënde. Merrja dy kalamajtë, se ma ka djegur zemrën, ma ka djegur. Eh, mor Allah, ma ka djegur zemrën. Merrja! Le t’i varrosë. Me dy duart e saj.

A mundet një baba që të mallkojë një nënë me humbjen e fëmijëve të saj? Ku kanë mbetur ndjenjat dhe instinkti prindëror?

O të vdektë familja. O të vdektë familja në aksident! Eh, mor Allah…! Në aksident të vdektë familja!

Deklaratat e Labit janë nga të gjitha drejtimet, duke përdorur çdo formë e mënyrë për ta shantazhuar dhe vënë përpara përgjegjësisë zonjën e re.

Këtu duhet të sqarojmë diçka. Gjatë kohës që të dy partnerët kanë qenë në lidhje, Labinoti ka bërë një tatuazh si simbolikë të dashurisë së tyre. Por kjo gjë nuk ka ndodhur nga zonja. Ai, me zemërim, e cilëson mosrealizimin e tatuazhit si tradhti ndaj tij. Sakaq, ai arrin deri aty sa problemet shëndetësore i përdor si argument për të tërhequr zonjën. Madje ai arrin deri aty sa akuzon zonjën për tradhti, në një kohë kur të dy kanë qenë të ndarë.

Pas akuzave për tradhti, Labinoti nuk ndalet. Kërcënon motrën se do të kontaktojë me vëllain dhe familjarë të tjerë të saj.

Në këto kushte, ku situata sa vjen e rëndohet, kontaktojmë vetë me Labinotin, i cili aktualisht ndodhet në Irlandë.

Labinoti, që në nisje të bisedës, sërish akuzon ish-partneren virtuale për tradhti nga ana e saj. 40-vjeçari përpiqet me çdo kusht të na tregojë për sakrificat që ka bërë për zonjën, madje sa arrin aty të thotë se është i sëmurë me kancer.

Labinoti vazhdon të jetë i paqartë në atë që shpreh, aq sa edhe për të kuptuar pasojat e veprimeve të tij. Teksa përpiqemi të bëjmë Labin të arsyetojë, situata duket paksa e vështirë, pasi zhgënjimi dhe lëndimi i tij karshi zonjës është i dukshëm, por kjo nuk do të thotë të prishë qetësinë e saj me forma shantazhi dhe përndjekje./Piranjat.al