Author: admin

Gazetarja, Glidona Daci, ka publikuar disa pamje nga protesta e mbajtur këtë të martë te Kryeministria.

Sipas pamjeve të publikuara në rrjete sociale, shihen disa punonjës të policisë, të cilët tërheqin zvarrë nëpër rrugë protestuesin, pamje që sipas gazetares nuk janë arrestime por torturë.

Ajo ka kërkuar që Avokati i Popullit, Endri Shabani, mos të rrijë inekzistent por të reagojë në lidhje me ngjarjen, ndërsa ka kërkuar që edhe AMP (Agjencia e Mbikëqyrjes Policore) të marrë masa për aktet e dhunshme të shfaqura në video nga Policia e Shtetit.

“Nuk eshte thes me patate, por nje qytetare i Republikes se Shqiperise, qe terhiqet zvarre nga policia. Nese avokati i popullit eshte inekzistent dhe ne keto raste, AMP duhet te marre masa. Kjo nuk eshte menyre shoqerimi, kjo eshte torture. U shqetesua politika, e diplomatet per menyren shoqerimit te Ilir Metes, a mund te reagojne ashper dhe per kete djalin? Apo politikanet reagojne vetem kur cenohen ata, por kur terhiqet zvarre nje djal i ri ska gje, se ate se njeh njeri, ska ndikim ne opinjon publik. Ju qofshi dmth”,- shkruan gazetarja në fb.

VIDEO

Gjatë mbrëmjes së fundit në Big Brother VIP Albania, një moment i veçantë familjar ka prekur publikun dhe ka thyer çdo pritshmëri në shikueshmëri.

Takimi i Luiz Ejlli me bashkëshorten Kiara Tito dhe vajzën e tyre Luna u shndërrua në një nga skenat më emocionale të këtij edicioni.

Surpriza e bukur që iu bë Luizit, mes përqafimeve, lotëve të gëzimit dhe deklaratave plot dashuri, pati ndikim të menjëhershëm te publiku.

Transmetimi “live” në YouTube i spektaklit arriti shifrën 359 mijë shikues njëkohësisht, një nivel që – sipas të dhënave të raportuara – nuk ishte shënuar më parë këtë edicion, duke vendosur kështu një rekord të ri shikueshmërie.

Ky kulm audience konfirmon magnetizmin e Luizit në ekran dhe interesin e jashtëzakonshëm të publikut për momentet autentike familjare, që tejkalojnë lojën dhe strategjitë.

Dashi

Ky mëngjes është si një urim për ju në shumë mënyra. Përdoreni këtë kohë në avantazhin tuaj, sepse sapo të vijë pasditja, njerëzit që keni përreth mund të bëjnë një vesh të shurdhër ndaj ideve tuaja të reja dhe inovative. Tërhiqni vëmendjen e njerëzve herët, në vend që të prisni.

Demi

Ndërsa dita kalon, do të ndjeni se njerëzit e tjerë i marrin idetë tuaja më seriozisht. Në përgjithësi, do të jeni shumë më produktivë në orët e pasdites. Sot do t’ju vijë një fat i mirë i papritur që do t’i shtojë një qëllim më të madh punës suaj.

Binjakët

Fillimi i ditës do të jetë shumë më produktiv për ju sesa fundi i saj. Gjatë mëngjesit do të ndiheni energjikë dhe komunikimi me të tjerët do të jetë i fortë. Megjithatë, me kalimin e ditës, do të shfaqet konfuzion dhe keqkuptime.

Gaforrja

Në fillim mund t’i refuzosh idetë dhe njerëzit ëndërrimtarë, Megjithatë, në vend të kësaj, duhet t’i përqafosh ato. Përparimi arrihet kur shkëputesh nga plani yt dhe ëndërron shumë. Përdor imagjinatën tënde.

Luani

Idetë që ju vinin në mendje gjatë dy ditëve të fundit janë konsoliduar dhe kanë marrë formë. Tani jeni në gjendje t’i integroni ato në një mënyrë praktike dhe kuptimplote. Në përgjithësi, kjo është një ditë fantastike për ju. Mundësi të shkëlqyera janë afër.

Virgjëresha

Emocionet e mëngjesit shuhen në fund të pasdites dhe më në fund je në gjendje të zgjidhësh të gjitha pjesët e thyera të enigmës. Nuk ke më nevojë t’u drejtohesh të tjerëve për përgjigjet, pasi gjithçka të vjen natyrshëm dhe lehtë.

Peshorja

Po kaloni një periudhë shumë energjike, në të cilën është e lehtë të lodheni nga puna që po bëni. Gjeni kohë për t’u çlodhur – veçanërisht gjatë pasdites. Ndërpriteni punën herët nëse jeni në gjendje. Kujdesuni për nevojat tuaja personale.

Akrepi

Puna juaj do të bëhet shumë emocionale – veçanërisht këtë pasdite. Ndjeshmëria juaj është e lartë dhe vërejtja më e vogël kritike do t’ju fuse në panik. Mos e detyroni veten të merrni përsipër punë shtesë. Nuk keni pse t’ia provoni veten askujt.

Shigjetari

Përdoreni qartësinë dhe forcën mendore që ndjeni në mëngjes në avantazhin tuaj. Çështjet janë të paraqitura mirë dhe të lehta për t’u kuptuar. Përgjigjet nuk do të jenë aq të dukshme për ju pasdite. Pavendosmëria do të thellohet dhe rruga do të bëhet më pak e qartë.

Bricjapi

Vështirësitë që keni përjetuar në dy ditët e fundit do të lehtësohen këtë pasdite. Një kalorës i papritur me armaturë të shkëlqyeshme do t’ju shpëtojë nga konfuzioni mendor dhe bllokimi që keni pasur me të tjerët. Kini besim se zgjidhja është afër.

Ujori

Qasja e shpërndarë dhe e rastësishme e dikujt tjetër do të krijojë fërkime për ju gjatë mëngjesit. Konflikti me këtë person do të jetë mjaft i vështirë për t’u përballuar në të gjitha nivelet. Mundohuni të mos e bëni shumë të madhe. Lëreni të shkojë dhe ecni përpara.

Peshqit

Një qasje mendore gjatë mëngjesit do t’i hapë rrugën një qasjeje shumë më intuitive gjatë pasdites. Përqafojini të dy aspektet e trajtimit të gjërave. Mund të përfitoni shumë nga këto dy kanale të të mësuarit dhe të kuptuarit.

Nga Paolo FOX

DASHI

Është një ditë ripërtëritjeje. Pas një periudhe disi nervoze, po rifitoni energjinë dhe dëshirën për të kryer gjërat. Ka diçka për të sqaruar në punë: bëjeni sot, pa vonesë. Në dashuri, jeni të drejtpërdrejtë, ndoshta shumë të drejtpërdrejtë: pasioni është i mirë, por kini kujdes me fjalët tuaja.

DEMI

Sipas horoskopit të Paolo Fox (e hënë, 9 shkurt 2026), qielli është interesant, edhe nëse ndiheni më të ngadaltë se zakonisht. Në realitet, thjesht po i vlerësoni gjërat më me kujdes. Puna juaj po konsolidohet: mos u nxitoni. Në dashuri, keni nevojë për siguri, por shmangni mbylljen në vetvete nëse nuk vjen menjëherë.

BINJAKËT

Më në fund një ditë më e ndritshme. Mendja juaj është në garë dhe mundësitë janë të shumta, veçanërisht në marrëdhëniet tuaja. Në punë, mund ta shprehni me sukses mendimin tuaj. Në dashuri, dëshira për të folur, për t’u sqaruar dhe ndoshta për të flirtuar pak kthehet.

GAFORRJA

Është një ditë emocionale, por produktive. Je shumë i ndjeshëm ndaj mjedisit përreth: zgjidhi shokët me kujdes. Në punë, ke nevojë për më shumë vetëbesim. Në dashuri, ke nevojë për siguri, por edhe më pak heshtje.

LUANI

Sipas horoskopit të Paolo Fox (e hënë, 9 shkurt 2026), qielli ju mbush me energji dhe dëshirë për t’u dalluar. Kjo është një kohë e shkëlqyer për ata që kanë nevojë të bien në sy ose të çojnë përpara një projekt. Në dashuri, jeni pasionantë, por pak krenarë: mos harroni se personi tjetër nuk duhet gjithmonë të bëjë hapin e parë.

VIRGJËRESHA

E hëna është një ditë konkrete, e dobishme, por disi e lodhshme mendërisht. Në punë, jeni të saktë, ndoshta shumë të saktë: përpiquni të mos stresoheni për gjëra që nuk mund t’i kontrolloni. Në dashuri, keni nevojë për stabilitet, por edhe për t’u ndjerë të vlerësuar.

PESHORJA

Qielli flet për rifitimin e ekuilibrit. Në punë, ka vendime që duhen marrë, por mos i nxitoni. Në dashuri, është koha e duhur për të sqaruar një situatë të pazgjidhur: më mirë të gjesh të vërtetën sot sesa të kesh dyshime nesër. Qielli është interesant, edhe nëse ndihesh më i ngadaltë se zakonisht. Në realitet, thjesht po i vlerëson gjërat më me kujdes. Karriera jote po konsolidohet: mos i nxito gjërat.

AKREPI

Sipas horoskopit të Paolo Fox (e hënë, 9 shkurt 2026), është një ditë intensive, pikërisht ashtu siç ju pëlqen. Keni një sy të mprehtë për të ditur se kush është aleati juaj dhe kush jo. Në punë, mund të bëni një lëvizje të madhe strategjike. Në dashuri, jeni magnetikë, por kini kujdes të mos jeni shumë dyshues.

SHIGJETARI

Dëshironi liri dhe lëvizje. Një ditë e favorshme për kontakte, udhëtime dhe ide të reja. Mos qëndroni në vend në punë. Në dashuri, keni nevojë për lehtësi: nëse një marrëdhënie është shumë e rëndë, do ta ndjeni menjëherë.

BRICJAPI

Përgjegjësia është fokusi i ditës suaj. Puna kërkon përqendrim, por sjell rezultate. Në dashuri, jeni më të rezervuar se zakonisht: përpiquni të lini vend për emocione; jo gjithçka duhet të planifikohet.

UJORI

Sipas horoskopit të Paolo Fox (e hënë, 9 shkurt 2026), ju pret një ditë krijuese, por disi nervoze. Keni shumë ide, jo të gjitha janë të arritshme menjëherë. Durimi është i nevojshëm në punë. Në dashuri, duhet të ndiheni të lirë, por pa u zhdukur: ata që ju duan kanë nevojë për sinjale të qarta.

PESHQIT

Keni një qiell romantik dhe intuitiv. Jeni shumë të hapur, duke i kuptuar shpejt qëllimet e të tjerëve. Në punë, ndiqni instinktet tuaja, por qëndroni praktikë. Në dashuri, është një ditë e ëmbël, ideale për t’u afruar ose për të sqaruar ndjenjat tuaja.

Boshllëkun e krijuar nga mungesa e punonjësve vendas, bizneset po mundohen ta mbushin me të huaj, ku kryesojnë vendet aziatike.

Aktualisht në Shqipëri jetojnë rreth 27 mijë të huaj, ndërkohë që vetëm vitin e kaluar sipas të dhënave zyrtare janë bërë 19.321 aplikime për leje qëndrimi, nga të cilat 16.651 janë miratuar, një pjesë janë ende në proces dhe vetëm 343 janë refuzuar.Nga këto aplikime më shumë se 13.300 janë për arsye punësimi, ndjekur nga 2.583 për bashkim familjar. Shtetet që po njohin rritjen më të madhe të aplikimeve janë India, Nepali, Filipinet, Egjipti dhe Mianmar.

Deri më tani punonjësit e huaj dominojnë në sektorë si industria e peshkimit, ndërtim, fasoneri dhe turizmi, fusha që po përballen gjithnjë e më shumë me mungesë të fuqisë punëtore vendase.

Tirana, Durrësi dhe Vlora janë qytetet me përqendrimin më të madh të punonjësve të huaj. Për shembull në Vlorë janë 800 shtetas të huaj të punësuar, një numër që pritet të rritet edhe më shumë me afrimin e sezonit turistik.

“Unë jam nga India. Ne muajin mars bej dy vjet këtu. Jam i kënaqur. Kushtet e punës dhe pagesa qe marr janë të kënaqshme”, thotë një i huaj që punon në Vlorë.

“Punoj në sektorin e peshkimit. Jam me shoqe të tjera dhe kemi ardhur së bashku për të punuar në Vlorë. Është një vend që më pëlqen”, thotë një filipinase.“Unë jam nga Filipinet. Aktualisht ndodhem prej 9 muajsh në Shqipëri. I kënaqur deri me tani. Të ardhmen e shikoj në Vlorë ndaj edhe kam vendosur të rri me familjen”, thotë një tjetër shtetas i huaj.

Ndërkohë që sipërmarrja ka shpallur më shumë se 6 mijë vende të lira pune vetë qeveria shqiptare është në negociata me disa shtete për të marrë fuqi punëtore të kualifikuar për të mbuluar mungesat e tregut, pas Bangladeshit, Filipineve tashmë vëmendja është zhvendosur në Indonezi e Mianmar për të rekrutuar punonjës për sektorët që kanë më shumë mungesa për fuqi punëtore/Shqiptarja

Fituesi i edicionit të dytë të Big Brother VIP, Luiz Ejlli, është rikthyer sërish në shtëpinë më të famshme në Shqipëri. Ndonëse ky qëndrim do të zgjasë vetëm 3 ditë, prania e tij ka pasur një qëllim të qartë: promovimin e filmit të tij të ri që pritet të shfaqet në kinema më 12 shkurt.

Megjithatë, nuk ka pasur nevojë për shumë kohë që “mjeshtri i lojës” të përfshihet në debate të forta, kësaj radhe me një nga personazhet më polemikë të këtij edicioni, Rogertin.

Gjatë darkës pas spektaklit, situata u tensionua kur Luizi, me stilin e tij karakteristik dhe plot ironi, zgjodhi t’i drejtohej drejtpërdrejt kamerës. Ai përmendi publikisht të afërmit e Rogertit, duke krijuar një moment mjaft delikat:

“Fisi Sterkaj, ju e dini se sa ju du, jeni burra të mirë, por se ku e keni gjetë këtë…” – u shpreh Luizi, duke nënkuptuar se sjellja e Rogertit nuk përputhet me vlerat e njerëzve të tij.

Rogerti, i cili njihet brenda shtëpisë për gjuhën e tij të ashpër dhe debatet e shumta me banorët e tjerë, nuk e ka pritur mirë këtë koment. Ai ka shpërthyer në ofendime personale ndaj këngëtarit, duke i përmendur të kaluarën dhe duke e etiketuar me epitete të rënda:

E ka quajtur Luizin “zhuls”.

I është drejtuar me termin “bixhozxhi”, duke tentuar të godasë imazhin e tij publik.

Atmosferë e tensionuar para premierës
Ky rikthim i Luizit duket se ka arritur misionin e tij primar: të gjithë sytë janë nga ai. Ndërsa debati me Rogertin po vlon në rrjetet sociale, fansat e Luizit e shohin këtë si një lëvizje brilante për të mbajtur vëmendjen te filmi që pritet të thyejë rekorde në kinema pas pak ditësh.

Nga ana tjetër, sjellja e Rogertit ka nxitur sërish reagime negative te një pjesë e publikut, të cilët e kritikojnë për mungesë respekti ndaj një figure që tashmë konsiderohet “ikona” e këtij formati.

https://www.facebook.com/share/r/1AcdbCfAvu/

Hyrja e Luiz Ejllit në shtëpinë e “Big Brother VIP Albania 5” ka shkaktuar një rritje të madhe të shikueshmërisë, duke lënë pas shifrat modeste që regjistroheshin para mbërritjes së tij.

Ky edicion, i cili deri pak kohë më parë po haste vështirësi në arritjen e rekordeve të sezoneve të kaluara, ka pësuar një transformim rrënjësor në shifrat e audiencës në rrjetet sociale.

Në fotot e publikuara shihet qartë diferenca:

Para hyrjes së Luizit: Videot e banorëve aktualë si Kristi, Selina apo Rogerti regjistronin shifra që luhateshin kryesisht mes 80 mijë dhe 150 mijë shikimeve.

Pas hyrjes së Luizit: Shifrat kanë kërcyer menjëherë në miliona, ku një prej videove të fituesit të edicionit të dytë ka arritur në 1.1 milionë shikime brenda një kohe shumë të shkurtër, ndërsa videot e tjera me të luhaten mes 300 mijë dhe 650 mijë shikimeve.

Ky ndryshim tregon impaktin e padiskutueshëm që këngëtari ka mbi audiencën shqiptare, duke e rikthyer vëmendjen maksimale te formati.

Lanika Rexhepi, karateiste kadete nga Prishtina, ka shënuar një arritje historike duke përfaqësuar Shqipërinë në Kampionatin Evropian të Karatesë, ku fitoi medaljen e argjendtë në kategorinë Cadet Female Kumite +61 kg.

Gjatë kampionatit, Lanika zhvilloi pesë ndeshje shumë të forta, duke regjistruar katër fitore bindëse dhe duke u ndalur vetëm në finale, e cila u vendos për një pikë të vetme.

Rezultatet e saj ishin:

– Mali i Zi 8–0

– Gjeorgjia 8–0

– Franca 6–1

– Italia 3–0

– Finalja me Portugalinë 0–1

Kjo medalje është medalja e parë evropiane për vajzat për Federatën Shqiptare të Karatesë, duke e bërë këtë sukses një moment historik për sportin shqiptar.

Edhe pse nga Kosova , Lanika Rexhepi përfaqësoi Shqipërinë me dinjitet të plotë, duke mbrojtur flamurin kuq e zi me zemër, disiplinë dhe shpirt luftarak në çdo ndeshje.

Familja dhe stafi teknik shprehin krenari të madhe për këtë arritje dhe besojnë se ky sukses është vetëm fillimi i një rruge të gjatë për Laniken dhe karatenë shqiptare.

Dy aksidente të rënda kanë ndodhura gjatë natës në Bari të Italisë, ku si pasojë humbën jetën dy persona dhe u plagosën tre të tjerë.

Aksidenti i parë ndodhi rreth orës 02:00 në rrugën provinciale 111. Një vajzë 26-vjeçare humbi jetën në vendngjarje, ndërsa tre persona të tjerë u plagosën, përfshirë fëmijën 7-vjeçar.

Makina ku udhëtonin u përplas me një pemë për arsye ende të paqarta. Përplasja ka qenë aq e fortë sa motori i automjetit u shkëput dhe përfundoi dhjetëra metra larg vendit të aksidentit.

Fëmija 7-vjeçar u dërgua në poliklinikën e Barit, një tjetër i plagosur në Spitalin “Di Venere” në Bari, ndërsa i treti në spitalin e Monopolit.

Aksidenti i dytë ndodhi në rrugën provinciale 67, mes qyteteve Bitritto dhe Bitetto, ku një vajzë 20-vjeçare humbi jetën pasi makina që po drejtonte doli nga rruga.

Deklarata e fortë e Ilir Vrenozit, i cili zbuloi publikisht prapaskenat financiare të marrëveshjes me Top Channel, duket se nuk është pritur aspak mirë nga drejtuesit e formatit.

Pas videos virale ku ish-banori pretendonte se produksioni i kishte paguar 600 mijë lekë të vjetra për të mbuluar rrogën e bashkëshortes, moderatori Ledion Liço ka bërë një lëvizje të qartë distancimi.

Nga një vëzhgim në rrjetet sociale, rezulton se Ledioni e ka hequr Vrenozin nga lista e personave që ndjek në Instagram (unfollow).

Kjo lëvizje vjen menjëherë pas thyerjes së heshtjes nga ana e korçarit lidhur me kushtet e kontratës, të cilat zakonisht janë rreptësisht konfidenciale në formate të tilla.

Vrenozi u shpreh se paratë ishin kusht për hyrjen e tij, në mënyrë që bashkëshortja të linte punën për t’u kujdesur për motrën e tij të sëmurë, por duket se kjo transparencë e tepruar i ka kushtuar atij “miqësinë” virtuale me moderatorin e spektaklit.