Author: admin

Shqipëria fitojë kundër Serbisë dhe sipas të gjitha gjasave, vendi i dytë është një histori e mbyllur. Mjafton që Shqipëria të fitojë kundër Andorës dhe Serbia të mos fitojë në transfertë në Angli, në mënyrë që të mbyllen edhe matematikisht llogaritë.

Në rast fitore të Serbisë në tokën e Anglisë, atëherë Shqipëria është e detyruar për të marrë të paktën 1 pikë kundër Anglisë që të marrë vendin e dytë. Por siç duket vendi i dytë na përket ne, por çfarë na ndalon nga Botërori?

Pas vendit të dytë, Shqipëria shkon në Play Off. Atje janë 12 ekipe që do të ndahen në 3 turne dhe fituesi i çdo turneu shkon në Botëror. Një faqe e huaj e specializuar në këtë pjesë ka ndarë vazot në bazë të rezultateve të tanishme, por edhe në një llogjikë sportive në grupet që janë në barazim pikësh ose afër. Pra përshembull në grupin e Kosovës është marrë Suedia si fituese e vendit të dytë dhe jo Kosova.

Dhe në bazë të kësaj ndarje, vazot janë të tilla:

Vazo e parë/ Italia, Turqia, Ukrainë, Uellsi

Vazo e dytë/ Polonia, Skocia, Hungaria, Çekia

Vazo e tretë/ Rumania, Sllovenia, Sllovakia, Shqipëria

Vazo e katërt/ Suedia, Maqedonia, Irlanda, Moldavi ( Nga Liga e Kombeve)

Sipas rregullit, në gjysmëfinale një ekip i Vazos së Tretë do të ndeshet me një ekip të Vazos së Dytë. Pra Shqipëria do të përballet me një mes këtyre katër ekipeve, Poloni, Skoci, Hungari dhe Çeki. Ndeshjet janë me një takim dhe jo sistem vajtje-ardhje dhe nuk do të luhet në Air Albania, por në transfertë, për shkak të pikëve në FIFA, raporton SporEkspres.

Ndërkohë në finale, do të hidhet një short për stadiumin. Pra nëse vemi në finale, me fat mund ta luajmë në Air Albania. Në finale Shqipëria do të përballet me fituesin e ciftit të saj ku vazo e parë ndeshet me vazon e katërt. Duke parë se vazo e parë ka cilësi më të mirë, kundërshtarët e mundshëm për ne do të ishin Italia, Turqia, Ukraina dhe Uellsi.

E thënë ndryshe, 12 kombëtare shkojnë në “play-off” nga të cilat vetëm 3 sigurojnë një vend për Kupën e Botës.

Ish-deputeti i Partisë Demokratike, Lefter Maliqi, ka reaguar ashpër ndaj kundërshtarëve të tij politikë, duke i cilësuar si të paaftë, të cilët, sipas tij, përpiqen të përfitojnë padrejtësisht përmes intrigave dhe servilizmit.

Përmes një mesazhi në rrjete sociale, Maliqi thekson se “i drejti zhytet, por nuk mbytet”, ndërsa shton se “të paaftët kërkojnë me çdo kusht të mbysin të aftin me servilizma, miqësi, intriga dhe joshje” Më tej ai i paralajmëron se çdo përfitim i padrejtë, do të marrë ndëshkimin e merituar.

Reagimi i Maliqit

I drejti zhytet por nuk mbytet! 💪 Të paaftët kërkojnë me çdo kusht të mbysin të aftin. Të paaftët me servilizma, miqësi, intriga dhe joshje përfitojnë padrejtësisht mbi të aftët dhe nuk ndalen duke e luftuar me çdo skemë e ligësi të aftët.

Por megjithëse të paaftët kanë pushtet të pamerituar me djersën e mundin e të aftit, është e sigurt që s’do ja dalin! Nga hundët do ju dalë çdo pabesi, intrigë, çdo përfitim i padrejtë dhe keqpërdorim. Çdo gjë i lihet Zotit! Lër të përpiqen me djallëzitë e tyre dhe me zemërligësitë, se do ju vij dita e ndëshkimit dhe turpërimit. Nuk u shuaka kjo farë e keqe në shoqëri, politikë e kudo!

Dragan Stojkoviç pësoi turpërimin më të madh të karrierës së tij sportive të shtunën në darkë, kur tifozët e detyruan të jepte dorëheqjen si trajner i Serbisë gjatë ndeshjes ndaj Shqipërisë.

Koret kundër tij bënë që “Piksi” të çohej në këmbë, të ngrinte duart lart e përshëndetej me turmën, duke lënë zëvendësin që të drejtonte ekipin në minutat e fundit. Ai konfirmoi dorëheqjen pak minuta pas sfidës dhe braktisi ekipin e Serbisë para se të udhëtonte drejt Andorrës për ndeshjen e radhës.

Ky veprim që është mirëpritur nga tifozët serbë, por që nuk ka kaluar pa kritika. Dhe një nga njerëzit që e ka kritikuar gjithmonë, ish-futbollisti Rade Bogdanoviç, ka lëshuar “bombën” e radhës duke zbuluar një shumë marramendëse që Stojkoviç ka fituar në vitet e tij në drejtimin e Serbisë.

“Mbërritja e tij solli një ringjallje që zgjati pak. Askush i gjallë në këtë tokë nuk do të lejonte atë të merrte një rrogë prej 11 milionë eurosh nga Federata për 4 vite e gjysmë pa arritur rezultate. Ai ishte shumë me fat që disa njerëz mendonin se mund ta bënte një gjë të tillë, tani kemi përpara një kapitull të ri. Ne kemi një trajner i cili nuk pranonte kritika, por që duhet të kuptojë se rroga e të cilit ishte sa e 70 kirurgëve më të mirë. Kjo është arsyeja pse ai duhet të jetë i hapur edhe ndaj kritikave”, tha Bogdanoviç, i cili e ka sulmuar gjithmonë publikisht Stojkoviç.

Në mediat serbe shpjegohet se Stojkoviç kishte një rrogë fikse prej 1,4 milionë eurosh në vit, por me bonuse të rëndësishme që mendohet se kanë çuar në shifrën marramendëse të 11 milionë eurove të fituara nga ai në këto vite në drejtim.

Në Samitin për paqe në Egjipt, Presidenti amerikan, Donald Trump, nënshkroi diten e sotme një dokument me Egjiptin, Turqinë dhe Katarin, për marrëveshjen e armëpushimit në Gaza.

Sipas mediave të huaja, në këtë Samit po marrin pjesë mbi 20 udhëheqës nga shtetet më të fuqishme të botës.

Në Egjipt, Trump nisi fjalimin duke treguar se çfarë dokumenti po nënshkruajnë sëbashku me liderët e shteteve të sipër-përmendura.

“Ne do të nënshkruajmë një dokument që do të shpalosë detaje të shumë rregullave dhe gjëra të tjera. Është dokument shumë gjithëpërfshirës”, tha mes të tjerash Trump.

Ndërkaq, duke e nënshkruar dokumentin ai tha: “U deshën 3.000 vjet të arrinim në këtë pikë. A mund ta besoni? Do të respektohet”.

“Të gjithë janë të lumtur”, tha Trump, duke thënë se ka bërë “marrëveshje të mëdha më parë”, por “kjo është si një anije kozmike”.

Ai tha gjithashtu se më parë kishte pasur parashikime se Lufta e Tretë Botërore do të fillonte në Lindjen e Mesme, duke shtuar se “kjo nuk do të ndodhë”.

Ndeshja me Jordaninë nesër mbrëma në “Air Albania” nuk do të jetë vetëm një test miqësor për Kombëtaren kuqezi.

Kështu u shpreh në konferencën për media tekniku Silvinjo duke nënvizuar se çdo ndeshje luhet për t’u fituar.

“Nuk besoj në miqësore, në çdo ndeshje futet për ta fituar ndeshjen. Jemi duke punuar shumë. Nesër do kemi që në mëngjes, njëmbëdhjetëshen që do të kemi në fushë. Do kemi hapësirë për të gjithë”, u shpreh braziliani.

Më tej Silvinjo zbuloi për gazetarët edhe mesazhin më surprizues që mori pasi mposhti Serbinë në Leskovc.

“Kam marrë shumë komplimente dhe shumë urime. Dhjetë ditë më parë kam pasur bisedë telefonike me Roberto Mançinin, ka qenë edhe Zabaleta e stafi aty. Pas ndeshjes ai më ka shkruar: Bravo Silvio ke bërë shumë mirë në këtë ndeshje dhe për mua mendimi i tij do të thotë shumë”, zbuloi ai.

Një aksident tragjik ka ndodhur në Massachusetts të SHBA-ve, kur një aeroplan i vogël u rrëzua dhe shpërtheu në flakë në autostradën I-95.

Raportohet se dy personat që ndodheshin në bord kanë ndërruar jetë, teksa një shofer që po kalonte në autostradë ka mbetur i plagosur rëndë.

Aeroplani po shkonte jashtë kontrollit drejt autostradës pranë qytetit të Dartmouth, rreth orës 08:15, duke i detyruar shoferët të frenonin në panik, ose të përpiqeshin të largoheshin nga rruga e tij.

“Po shkonim në rrugë dhe papritmas të gjithë frenuan me forcë. Të gjithë filluam të devijonim majtas dhe djathtas”, tha një shofer.

Fotot dhe videot nga vendi i ngjarjes tregojnë mbeturina që digjen të shpërndara nëpër autostradë, me makina të palëvizura dhe autoritetet që kërkojnë zonën. Policia e mbylli plotësisht pjesën e autostradës pranë Dartmouth, për të lejuar largimin e mbeturinave dhe kryerjen e një autopsie.

Shkaku i tragjedisë nuk është përcaktuar ende, por autoritetet besojnë se avioni po shkonte drejt Aeroportit Rajonal të Neë Bedford aty pranë. Piloti, sipas informacionit fillestar, nuk kishte paraqitur një plan zyrtar fluturimi ose një listë pasagjerësh. Rasti po hetohet nga autoritetet federale në Shtetet e Bashkuara.

VIDEO

Në redaksinë e emisionit investigativ “Fiks Fare” ka mbërritur një ankesë nga disa nxënës të gjimnazit “Rifat Manjani” në Durrës, të cilët akuzojnë mësuesin e tyre të anglishtes se paraqitej i dehur në orët e mësimit.

Sipas nxënësve, profesori mbante erë alkooli, i bullizonte dhe u bënte presion, duke i kërcënuar se do t’i linte në lëndë. Ata pohuan gjithashtu se orët e tij zhvilloheshin në mënyrë jo serioze dhe shoqëroheshin me sjellje të papërshtatshme.

Në redaksi është dërguar edhe një video e xhiruar nga vetë nxënësit, ku profesori shihet duke konsumuar raki dhe birrë para fillimit të procesit mësimor. Për të verifikuar denoncimin, ekipi i “Fiks Fare” u vendos në lokalin pranë shkollës, ku sipas nxënësve, ai ndalet çdo mëngjes.

Në mëngjes rreth orës 08:20, kamerat e emisionit e regjistruan profesorin teksa mbërriti në lokal së bashku me bashkëshorten dhe vajzën. Kamarieri i serviri një gotë raki, por profesori e refuzoi sapo vuri re praninë e stafit të “Fiks Fare”.

Kur u pyet nga gazetarët pse e refuzoi pijen, ai u përgjigj me arrogancë: “Nuk do t’ju marr juve leje për asgjë.” Pasi gazetarët i treguan videon e xhiruar ku ai shihej që para fillimit të mësimit konsumonte alkool, mësuesi u justifikua “Jam njeri dhe ndonjëherë mund të konsumoj ndonjë gotë, por jo gjatë orarit të mësimit. Ajo video është filmuar një të diel.”

or gjatë xhirimeve gazetarët e Fiksit kapin edhe shkelje të tjera të profesorit. Ai në ambientet e shkollës pi duhan , plus që dhe me nxënësit komunikon me duhan në dorë. Veprim ky që bie ndesh me rregulloren e institucioneve arsimore. Edhe për këtë gjë kur u pyet nga gazetarët profesori Shkëlzen Suma tha se nuk ka thyer asnjë rregull dhe duhani mund të pihet në ambientet e jashtme të shkollës.

Edhe pse nxënësit nuk pranuan të flasin publikisht për shkak të frikës nga ndëshkimet, një prej tyre, deklaroi në një lidhje telefonike se profesori i shantazhon dhe i tall, duke shtuar se performanca e tij në mësim është shumë e dobët.

Fiks Fare iu drejtua në lidhje me profesorin edhe drejtorit të gjimnazit “ Rifat Manjani” z. Arjan Kaja. Drejtori u shpreh se nuk ka çi duhet se çfarë bën. I pyetur nëse e konsideron problematike konsumimin e alkoolit të profesorit Suma para mësimit drejtori e dënoi si veprim, por që nuk ishte në dijeni të një fakti të tillë.

Fiks Fare u interesua pranë Drejtorisë Rajonale të Arsimit Parauniversitar Durrës, e cila reagoi menjëherë duke ngritur një grup pune për të verifikuar ankesat e nxënësve dhe prindërve. Pas këtij hetimi administrativ u konstatuan shkelje të rënda të etikës në punë nga ana e mësuesit Suma. Në bazë të ligjit për Arsimin Parauniversitar si dhe kodit të etikës ndaj mësuesit Shkëlzen Suma u morë masa disiplinore “ Largim nga Puna” .

Një rast i rëndë është denoncuar në zonën e Mirditës dhe vjen në emisionin “Stop”, ku babai i një vajze 14-vjeçare ka bërë kallëzim penal ndaj një 25-vjeçari me inicialet K.L., kushëri i dytë i vajzës, për një lidhje të ndaluar me karakter intim.

Gazetari: Sa ke kuptuar, a vinte shpesh në shtëpi ai?

Babai i 14-vjeçares: Vinte një herë në 4-5 ditë…

Gazetari: Vinte çdo 4-5 ditë?

Babai i 14-vjeçares: Po, vinte pasdite…

Gazetari: Pasdite, kur nuk ishit ju?

Babai i 14-vjeçares: Vinte pasdite, vinte direkt, apostafat nga Mamurrasi.

E mitura është me probleme të shëndetit mendor dhe lidhja është sinjalizuar fillimisht nga mësuesja ndihmëse dhe drejtori i shkollës.

Gazetari: Cfarë probleme ka vajza?

Drejtori i shkollës: Ka probleme të shëndetit mendor.

Gazetari: Si u identifikua këtu? Ti, a mësuesja kujdestare?

Drejtori i shkollës: Thjesht u konstatuan mesazhet, se duke qënë mësuesja ndihmëse, është marrë në mënyrë specifike dhe fantastike me vajzën, kjo ka 1 vit e gjysëm. Ne jemi marrë thjesht me specifikën e mesazheve dhe të kam thërritur menjëherë me të pesta. I kemi dhënë një rëndësi të veçantë, sidomos mësuesja ndihmëse, sepse ajo është garantuesja e gjithë proçesit …

Gazetari: Po vajza, çfarë ka konkretisht? Nuk shprehet dot?

Drejtori i shkollës: Jo, jo, shprehet, po ka prapambetje të shëndetit mendor, por jo të nivelit të lartë, të theksuar…Kushtet janë krijuar në familje tek shtëpia, thjesht kontakti i mezasheve tek shkolla se tek shkolla nuk ka shanse, s’ka guximin.

Në kontaktin e drejtpërdrejtë me të akuzuarin K.L., ky i fundit, fillimisht mohoi akuzat, por më pas pranoi se kishte pasur kontakte me vajzën, përfshirë puthje në shtëpinë e saj. Por ai mohon të ketë pasur marrëdhënie seksuale. Rasti është denoncuar nga familja e vajzës në gusht 2024.

Gazetari: Ka qenë e vërtetë kjo marrëdhënie, çfarë ka ndodhur?

25-vjeçari K.L: Jo, për Zotin! Nuk kam pasur marrëdhënie jo!

Gazetari: Thjesht mesazhe keni shkëmbyer?

25-vjeçari K.L: Po pasha Zotin, po kam shkëmbyer, po pa ditur gjë me kë kam shkëmbyer.

Gazetari: Po këtu te shtëpia nuk ke ardhur kur ka qenë vetëm?

25-vjeçari K.L: A do me të thënë të drejtën? Kam shkuar edhe i takon, si të biesh viktimë e dikujt.

Gazetari: Ti je thirrur edhe në Prokurorinë e Lezhës?

25-vjeçari K.L: Jo në Lezhë jo, por jam thirrur në komisariat.

Gazetari: Çfarë ka qenë, ka qenë një lidhje a si e kupton ti?

25-vjeçari K.L: S’e di, është gjë e kotë.

Gazetari: Po ti nuk e dije që ishte kushërira kur flisje, nuk kishte foto ajo? Ku flisnit, në Facebook a në Instagram?

25-vjeçari K.L: Jo më ka shkruar në WhatsApp. I kam shkuar tek shtëpia aty.

Gazetari: Te shtëpia keni biseduar a çfarë?

25-vjeçari K.L: Jo, jo! Vetëm kena biseduar dhe kam ikur mbrapa unë.

Gazetari: Po aty s’e kuptove që ishte kushërira që flisje?

25-vjeçari K.L: E kuptova, po ishte tepër vonë ta kuptoje. Po deshi Zoti, që nuk pata ndonjë gjë më të thellë me të.

Gazetari: Krahas që keni lidhjen kushërinj që jeni, ajo është edhe me probleme, është edhe minorene.

25-vjeçari K.L: Po ka të bëjë më shumë se janë njerëz të afërm edhe nuk e …ajo është më problem.

Gazetari: Çfarë ka ndodhur atë ditë, mund të na e thuash?

25-vjeçari K.L: Vetëm thjesht e kam puthur.

Sipas Kodit Penal, marrëdhëniet me persona nën 14 vjeç, përbëjnë vepër penale që parashikon deri në 7 vite burg. Megjithatë, policia e zonës ka referuar një nen tjetër të Kodit duke e lënë të dyshuarin të hetohet në gjendje të lirë.

Shefi i komisariatit: Informacion referimi, procesverbal intervistimi, deklarim, vendim ekspertimi mjeko-ligjor, procesverbal sekuestrimi, procesverbal këqyrje telefoni, procesverbal të pamjeve filmike, vendim ekspertimi kompjuterik, ka shkuar dhe telefoni atje edhe vonon. Informacion për të miturën viktimë, raport-shërbimi, shkresë përcjellëse IML-së, të gjitha … E ka bërë, e ka qarë.

Avokati Arben Llangozi ka kritikuar organet hetimore për mungesë veprimi në mbrojtje të të miturës. Për më tepër, Prokuroria e Lezhës ende nuk ka kryer akt-ekspertimin mjeko-ligjor për të vërtetuar nëse ka pasur deflorim të së miturës, ndonëse akti është përpiluar më shumë se një vit e gjysmë më parë./Emisioni “Stop”

Dashi
Ese lidhja juaj ne çift ka qene e mire gjithë këto kohe, edhe sot do ja kaloni për mrekulli me partnerin, ndërsa nëse situata ka qene e turbullt, do vazhdoje te mbizotërojë tensioni. Beqaret ka shume gjasa qe jo vetëm te kenë njohje, por te fillojnë seriozisht një lidhje. Ne planin financiar do jeni shume te zotet dhe do realizoni investime te rëndësishme.

Demi
Te gjitha ëndrrat me te bukura te dashurisë do ju plotësohen gjate kësaj dite. Do kaloni çaste te mrekullueshme me partnerin dhe do iu duket sikur jeni mbi re. Beqaret do kenë pafund takime interesante, por ende nuk do ndihen gati te fillojnë një lidhje. Financat do jene ne gjendje te qëndrueshme. Nuk do ketë rrezik po u krye edhe ndonjë shpenzim me shume.

Binjaket
Dite shume e qete dhe aspak problematike kjo e sotmja për te dashuruarit. Marrëdhënia ne çift do jete e qëndrueshme. Filloni te reflektoni paksa mbi te ardhmen. Beqareve do ju ndryshoje e ardhmja vetëm ne pak sekonda. Një person i veçante do ju beje një propozim mbresëlënës. Ne planin financiar nuk duhet te bëni çmenduri me shpenzimet sepse do keni humbje te mëdha.

Gaforrja
Beqaret qe nuk kane pasur një lidhje te qëndrueshme ka rrezik t’i japin fund gjate kësaj dite ne mënyrë paqësore. Ata qe kane pasur një lidhje serioze do vazhdojnë ta ruajnë bashkëpunimin. Beqaret edhe vete do surprizohet kur një mik i vjetër t’iu propozoje për një lidhje. Ne fakt ai ka kohe qe ju dashuron dhe dëshiron t’iu beje te lumtur. Financat do jene delikate.

Luani
Çdo gjë do shkoje ashtu si ju e kishit menduar sot ne jetën ne çift. Merkuri do ju beje edhe me te dashur dhe me te duruar gjithashtu. Beqaret nga ana tjetër do kenë një dite te veçante dhe te mbushur me njohje interesante. Shfrytëzoni çdo minute. Perspektivat materiale janë te mira, megjithatë nuk duhet te mendoni vetëm për te tashmen, hiqni edhe disa para mënjanë.

Virgjeresha
Te gjithë planetët do bëhen bashke gjate kësaj dite dhe do ju sigurojnë një jete sentimentale te qëndrueshme dhe mjaft pozitive. Do kaloni çaste fantastike te cilat nuk keni për t’i harruar gjate. Beqaret me mire ta lënë veten te lire dhe te bëjnë atë qe do ju thotë zemra. Sektori i financave nuk do ketë ndryshime te mëdha. Gjendja do jete si disa dite me pare.

Peshorja
Dite plot ngjyra dhe plot emocione te veçanta. Si ju ashtu edhe partneri do i dini pikat e dobëta te njeri-tjetrit dhe do mundoheni ne çdo moment te ndiheni sa me mire. Beqaret duhet te maten mire para se te pranojnë ftesën e dikujt sepse mund te zhgënjehen me vone. Ne planin financiar do jeni shume te kujdesshëm dhe do e dini mire sa para te shpenzoni qe gjendja mos tronditet.

Akrepi
Do keni shume besim tek ai qe keni krah sot dhe do i kërkoni fale për gabimet qe keni bere kohet e fundit me sjelljen. Ai do jete me humor te mire dhe çdo gjë do shkoje për mrekulli. Beqaret, edhe pse do duan shume, nuk do mund te fillojnë dot një histori dashurie. Sektori i financave do jete i favorshëm edhe për te kryer ndonjë investim me tepër.

Shigjetari
Do keni debate te zjarrta gjate kësaj dite ne jetën tuaj ne çift. Asgjë nuk ka për te shkuar ashtu si e kishit menduar kështu qe bëni kujdes. Beqaret do kenë një dite si gjithë te tjerat. Askush nga personat qe do ju shfaqet para syve nuk do ua mbushe mendjen për te filluar një lidhje. Financat nuk do jene delikate, por mund te bëhen nëse ju shpenzoni kuturu.

Bricjapi
Mos bëni gabim te flirtoni me persona te tjerë sot juve qe jeni ne një lidhje sepse do shkatërroni gjithçka qe keni dertuar deri me sot dhe do pendoheni shpejt. Beqaret nuk duhet te nxitohen te marrin vendime sepse ka kohe për gjithçka. Me mire qëndroni vete edhe sot. Ne planin financiar do ju duhet patjetër ndihma e specialisteve për ta rregulluar situatën.

Ujori
te dashuruarit do kenë një dite te zakonshme dhe pa momente te veçanta. Merrini gjerat si t’iu vijnë. Beqaret do realizojnë një takim te papritur, por qe mund te shndërrohet ne diçka te jashtëzakonshme. As vete nuk e kishin menduar se gjerat mund te ndryshonin kaq shpejt. Financat do i menaxhoni me se miri. Gjendja do jete akoma me e mire sesa e kishit menduar.

Peshqit
Dite aspak e qete kjo e sotmja për ata qe janë ne një lidhje. Partneri do ju kërkojë gjera te pamundura dhe kjo mund t’iu beje te ndiheni keq. Beqaret do joshin pa fund kudo qe te shkojnë, por te paket do jene ata qe do mund te krijojnë një lidhje. Me paratë do jeni te kujdesshëm dhe kjo do beje qe gjendja financiare te mos ketë probleme.

Një ngjarje e rende është regjistruar ne Tiranë ku sipas burime një përson me profil biznesmen është dhunuar nga disa persona.

Sherri ka ndodhur me rrugën e njohur si ish Frigoriferi ne Tirane.

Mësohët se ai ndodhet ne Spitalin e Traumes ku po merr mjekim.