Author: admin

Një personazh publik, Elton Tozaj, ish banor i Big Brother Albania, ka mashtruar disa biznese, duke u hequr si punonjës i brendshëm i televizionit Top Channel.

Eltoni nuk ka qenë asnjëherë i punësuar në Top Channel, por pavarësisht kësaj, ai ka arritur që të zhvasë disa biznese, dy prej të cilave të dokumentuara nga emisioni investigativ Fiks Fare.

Duke shfrytëzuar daljet e tij si analist i ngjarjeve që ndodhin në shtëpinë më të famshme të shqiptarëve, Big Brother Vip, ky gazetar premton reklamim të bizneseve në spektaklin e Top Channel. Madje, kërkon pagesa në emër të stafit të Top Channel dhe aparate celulari.

Rasti i parë, është në qytetin e Korçës, në një dyqan që shet telefona celularë, ku Eltoni i ka marrë pronarit 3 telefona “Iphone 17 Pro Max”, vlera e të cilëve ka qenë rreth 5.200 euro. Ai është hequr si punonjës i Top Channel, teksa ka përmendur edhe emrat e pronarëve dhe drejtuesve të televizionit.

Skema që ka përdorur është një rast tipik mashtrimi, pasi Eltoni është njohur me pronarin e biznesit në një hotel në qytetin e Korçës. Më pas, në marrëdhënie besimi, Eltoni i ka shkruar pronarit se do “3 telefona Iphone 17 Pro Max”, ku 1 e donte për vete dhe 2 për drejtuesit e Top Channel. Më pas, dyqani ka nisur një korrier në adresën që Eltoni i ka dhënë në qytetin e Tiranës. Këtë ngjarje, pronari e ka denoncuar në Policinë e Korçës, ku dhe prokuroria e atij qyteti ka nisur një procedim penal.

Fiksi bisedoi me punonjësit e dyqanit në Korçë, ku ata tregojnë se Eltoni u mori 3 aparate. Sipas tyre, pronari ka bërë një bisedë me Eltonin. Ai i shkruan se nesër është në Korçë dhe “kam dhe 3 pagesa për të sjellë”. Biseda vijon se nuk ja ka ndryshuar çmimin, “aq sa e kam marrë unë, i kam thënë”.

Në të gjithë komunikimin, Eltoni përmend emrat e pronarëve dhe drejtuesve të televizionit. Ai i shkruan se “e kam dhuratë nga puna pas 16 vitesh në televizion, u kujtuan më në fund”. Ai i premton pronarit të dyqanit se do t’i dërgojë pagesën që do bëjë puna, pra punëdhënësi Top Channel!

Në një ditë tjetër, Eltoni i kërkon me ngulm telefonat, duke u justifikuar se më pas do të futet në disa emisione të Top Channel, madje edhe në “Big Brother Selection”. “Kallëzime i kanë bërë 100 veta atij. Ai i mori të ëmën T… dhe i tha thuaj djalit se do t’i bëj denoncim. Do t’i bëj edhe unë mbas teje i tha, hajde vemi të dy i tha e ëma. Në një numër telefoni që”, i thotë punonjësi gazetarit.

Ndërkohë, rasti i dytë, i dokumentuar nga Fiks Fare, ka ndodhur në qytetin e Kavajës, në një restorant. Pronarët e restorantit e kanë takuar disa muaj më parë Eltonin, i cili u ka premtuar se, kundrejt një pagese prej 200 eurosh, ata do të shtronin një darkë për banorët e Big Brother Vip Albania 5. Edhe në këtë rast, Eltoni u ka premtuar se, me njohjet që ka me produksionin e Big Brother, por edhe me drejtuesit e Top Channel, do të mundësonte këtë “reklamë”.

“Unë e kuptova atë si tip në fillim. Po thashë tani, se ndonjëherë të rren ajo qejfi me dalë. Se medemek, është lirë dhe mos ka ndonjë njohje, e kupton. Në një moment thashë, pata hyrë, pata lexuar se edhe rob jemi nuk është se jemi pa dalë. Më tha do bësh një pagesë kështu te 200 mijë lekëshi. Javën e parë më tha do dalësh. Kaloi java e parë, jo kështu e ashtu. I thashë sonte në darkë dua lekët se s’bën. Më solli një video në darkë dhe më tha kam bërë aksident”, thotë pronari i restorantit.

Eltoni u ka dërguar një video, ku duket i gjakosur dhe me shenja të rënda në kokë dhe trup. Është e njëjta pamje, që gazetari e denoncoi disa javë më parë në polici, por edhe mediatikisht. Ai i thotë pronarëve të restorantit, që po kërkonin kthimin e shumës së paguar, se “do të lidhen nesër këta të shtëpisë me ty, të lutem”.

“Do i shtroja unë darkën. Biles më ka marrë dhe menu, po s’më dukej serioz. Unë i thashë jam i bindur që kjo është mashtrim. Isha shumë i bindur që ishte mashtrim. Të rren ajo hajde mo se inshallah, se medemek hë mo se inshallah”, pohon ai, teksa shton se ka lexuar në internet se Elton Tozaj ka qenë i proceduar disa herë.

Fiks Fare bëri një kërkim të thjeshtë në internet, të njëjtin që ka bërë edhe biznesi në Kavajë, ku rezulton se ky personazh, Elton Tozaj, ka qenë i proceduar disa herë nga drejtësia. Madje, ai është ndaluar edhe nga policia në vitin 2007, i akuzuar për mashtrim. Ai akuzohej se u kishte marrë disa pronarëve të taksive para, duke u hequr si punonjës i Bashkisë së Tiranës.

Në raste të tjera, sipas raportimeve mediatike, Eltoni hiqej edhe si këshilltar i ministrave të ndryshëm. Një tjetër procedim penal është hapur në vitin 2024 në Korçë, ku prokuroria e atij qyteti kërkoi edhe masë shtrënguese. Akuza ishte për mashtrim.

Fiksi e takon Eltonin në Tiranë, duke e pyetur se “është hequr si punonjës i Top Channel”. Ai thotë se ka qenë i atashuar, i ftuar disa herë në emisionet. Më tej thotë se me zotërinë (rastin e Korçës) ka pasur një problem pasi s’ka marrë kuponin tatimor. Ai thotë se s’ka marrë faturën e shitjes dhe në momentin që ka marrë këtë faturë, ka bërë edhe pagesën.

***

Përballja mes Fiks Fare dhe Elton Tozajt!

Gazetari: I ke bërë pagesat?

Tozaj: Po i kam mbaruar.

Në çfarë date i ke kryer pagesat?

Dua t’a shoh, duhet të ketë një 2-3 ditë besoj. Sepse kemi qenë në Policinë e Korçës dhe kemi bërë një marrëveshje.

Pa u bërë kjo marrëveshje ju jeni hequr si punonjës i brendshëm i Top Channel?

Jo në asnjë rast.

I drejtuesve të Top Channel, i drejtuesve të Big Brother?

E kam deklaruar edhe në polici që jo, kam thënë që jam i atashuar. Kam qenë i ftuar herë pas here.

I atashuar çfarë do të thotë?

Sa herë që ka pasur emisioni i ftuar …

I ftuar?

Po, si opinionist për Big Brother dhe për emisione të tjera. Të gjitha programacionet që ka pasur Top-i. Top News më tepër, Top Channel.

Të kemi parë dhe ne, por ajo më problematike dhe që na vuri në lëvizje ishte pikërisht komunikimi jot me biznesin në fjalë, në rrjete sociale, ku i përmendje edhe drejtuesit e Top Channel? Që këtë telefon e do X drejtues?

Këtë gjë e kam sqaruar edhe në polici, ka qenë diçka e imja me të tjerë. S’ka lidhje fare, personat në fjalë nuk kanë lidhje fare, 0. E kam deklaruar edhe në polici këtë gjë.

I ke kryer pagesat te ky biznes?

Absolutisht.

Telefonat i keni marrë ju?

Telefonat i kam marrë unë dhe për çudi ato telefona më janë vjedhur, e kemi denoncuar edhe në polici këtë gjë.

Të janë vjedhur të 3 telefonat?!

Ka qenë një gjë që nuk na kanë rakorduar.

Në të ardhmen s’besoj se mund t’a bësh këtë gabim?!

S’ishte gabim, unë doja faturën.

Jo ti i shkruaje që këtë telefon e do X, këtë telefon e do …, këtë telefon e do …?

Jo, i doja unë për dikë. Nuk ka lidhje fare me … dhe …. që 0. Unë e kam deklaruar edhe në polici që s’kanë lidhje fare. Dhe për më tepër si me … apo me …, nuk kam komunikim. Mund të kem thjeshtë një përshëndetje me …, kurse me … nuk e njoh fare.

Në biznese të tjera ke shkuar dhe je prezantuar si punonjës i Top Channel?

Jo!

S’ke pasur më raste të tjera?

Jo, jo …

Një biznes në Kavajë, na është drejtuar sërish për të njëjtën problematikë.

Ça ka!

Është një restorant në periferi të qytetit të Kavajës dhe Ju i keni premtuar që ky biznes do të shtrojë një darkë, një drekë në Big Brother!

I kam thënë do të lidh me marketingun për të bërë atë që ke për të bërë që të shtrosh atë.

Biznesi në fjalë ka bërë një pagesë në shumën e 200 eurove? I ke kthyer shumën?

Absolutisht siç m’i dha atëherë për t’a bërë atë punë ia ktheva mbrapsht, na se nuk bëhet.

Ke përmendur edhe emra të tjera, autorësh në këtë rast?

Ku janë këta autorë.

Te biseda që ke bërë me restoratin!

Unë atje kam qenë për qejfin tim duke ngrënë

Dhe i keni marrë 200 euro.

Jo, jo më ka thënë urdhëro. Ok i thashë do merrem unë. Ia ktheva, i thashë vëlla i dashur…

Kur ia ke kthyer?

Ufff, që kur më ka ndodhur rasti që pata atë problemin me…. ka mbi 1 muaj. Prandaj s‘po e kuptoj pse po më pyesni prapë për këtë gjë.

Na u drejtuan këto biznese ndaj. Dhe, të hiqesh dikush që nuk je, është mashtrim. Të hiqesh për një pozicion që nuk e ke prapë quhet mashtrim.

Më vjen keq që ma thua këtë gjënë, unë kam qenë i ftuar. Dhe këtë kam thënë unë kam njohje që i kemi koleg, i kemi shok e i kemi miq. Do ta pyes dhe do ta bëj si nder. S’u bë, kalofsh mirë.

Ndërkohë që keni marrë edhe shuma monetare?

Ku janë këto shuma monetare.

Biznesi në Kavajë ua ka nisur me bankë.

M’i ka kaluar mua personalisht. Po unë s’jam kam mbajtur.

Që do të shtronit një drekë. Pas 4-5 muajsh?

Jo Zotëri, ça gjatë verës. Ia kam marrë në nëntor. Unë kam edhe faturat në shtëpi.

***

RASTI I PARË, mashtrimi në dyqanin e celularëve në Korçë. Bisedë mes gazetarit të Fiks Fare punonjësve të dyqanit

Gazetari – Ka përdorur emrin e Top Channel?

Punonjësja – Po.

Gazetari – Pse erdhi vetë këtu ai?

Punonjësja – Jo, në Instagram se i kam parë vetë mesazhet.

Gazetari – Ka shkruar në Instagram?

Punonjësja – Po. I dua për … dhe për … Biles T… ma tregoi mua, po qeshnim!

Gazetari – Dhe sa mori, sa telefona mori?

Punonjësja – Ka marrë 2 apo 3?

Punonjësi – 3!

Punonjësja – 3, 17 Pro Max. Domethënë 5000 euro.

Gazetari – Ju kanë marrë juve këtu?

Punonjësja – Po.

Gazetari – Po çfarë ju premtoi?

Punonjësja – Do t’na jepte lekët.

Gazetari – Do ju jepte lekët apo do ju bënte reklamë?

Punonjësja – Jo, jo do t’na jepte lekët. Ne i shitëm telefonin. Po pastaj se çfarë ndodh.

Gazetari – Ju ia çuat me postë telefonat?

Punonjësja – Po.

Gazetari – Nuk erdhi fizikisht këtu ai?

Punonjësja – Nuk vinte dot dhe pas 2 ditësh do vinte se është edhe hoteli dhe në hotel ka edhe muzikë live. Ai do vinte te hoteli. Dhe tha do të vij dhe do të jap lekët.

Gazetari – Po fizikisht s’ka ardhur këtu ai, thjeshtë ka përdorur këtë …

Punonjësi – Instagramin.

Gazetari – Instagramin.

Punonjësja – Po, ka qenë edhe më përpara këtu.

Gazetari – 3 telefona sa bëjnë?

Punonjësi – 5.200 euro!

Punonjësja – 5.200 euro.

Gazetari – Në emër të kujt e keni prerë faturën ju? Keni prerë faturë?

Punonjësi – Ai furnitori na e ka prerë me faturë tamam neve.

Punonjësja – Në emër të kujt?

Gazetari – Në emër të N… Blerësi ishte Eltoni.

Punonjësi – Po.

Gazetari – Ju dha ndonjë dokument ai.

Punonjësi – Na dha…

Punonjësja – Shiko si ndodhi, marrim telefonat ne, furnitorët tanë.

Gazetari – Po.

Punonjësja – Dhe ne tani morëm telefonat dhe ia dërguam në Tiranë. Në Tiranë ia dhamë me kështu.

Punonjësi – Me korrier, me makinë.

Punonjësja – Kishte vajtur i kishte marrë ai. I dhamë njëherë 1 dhe pastaj i dhamë dhe 2. Dhe tha se këta i dua për …. dhe … Një e donte gjasmë për vete.

Gazetari – Po mirë, ai vetëm në Instagram shkroi?

Punonjësi – Whatsapp.

Punonjësja – Instagram.

Punonjësi – I ka T… të gjitha.

Gazetari – I ka bisedat T…?

Punonjësja – Po dhe me zë madje!

Gazetari – Dhe me zë?

Punonjësja – Po, po, po.

Gazetari – Ka bërë kallëzim penal T…?

Punonjësja – Më duket se ka bërë, me atë po merreshe!

Gazetari – Ai s’ka ardhur këtu që të kemi kamerat e sigurisë që të ketë ardhur fizikisht këtu?

Punonjësja – Jo, jo, jo.

Punonjësi – Kallëzime i kanë bërë 100 veta atij. Ai i mori të ëmën T… dhe i tha thuaj djalit se do t’i bëj denoncim. Do t’i bëj edhe unë mbas teje i tha, hajde vemi të dy i tha e ëma. Në një numër telefoni që …

Gazetari – Kush ia dha numrin e telefonit?

Punonjësi – Po ai vetë e merrte T… nga e ëma!

Gazetari – Ka “voice”?

Punonjësi – Ka.

Gazetari – I pranon ai që i ka marrë, mos nuk e pranon?

Punonjësi – I pranon, i pranon.

Punonjësja – Jo e pranon.

Gazetari – Faturën që e keni prerë ju?

Punonjësi – Faturën e kanë ku u bë denoncimi aty në Drejtorinë e Policisë, ku bëhet. Ai s’ka 1 a 2 o burrë i dheut, ju e dini shumë mirë.

Gazetari – E di, e di ne na kanë marrë shumë në emër të Top-it.

Punonjësi – Ai vazhdon dhe del në televizion tashti, ç’është ky muhabet. Ia kam lekët i thotë ai, do t’ia jap unë ç’ke ti.

Gazetari – 3 telefona, Iphone?

Punonjësja – 17 Pro Max.

Punonjësi – Ai i ka marrë që kur ishte 1.800 euro 1.

Gazetari – Dhe në total sa ishte?

Punonjësi – 5.150 euro. 100 euro fitonim ne po t’i merrte ai.

Gazetari – Ju e çuat edhe me …?

Punonjësi – Motorist.

Gazetari – Motoristi në Tiranë, me postë?! Mos ia ke adresën?

Punonjësja – Unë e di që i ka marrë në shtëpi.

Punonjësi – Unë vetëm i kam çuar njëherë numrin atij motoristit, merre këtë numër dhe pastaj flisni vetë.

Gazetari – Po lekët do t’ia merrte ky motoristi?

Punonjësi – Do t’ia jepte T…

Gazetari – Ku e ka njohur T…?

Punonjësi – Në V… E… Në Hotelin e T… Ai që kur tha do t’ia japim … dhe …., aty më dogji mua thashë bo bo!

Gazetari – Po mirë, për çfarë do t’ia jepte? Do t’i bënte reklamë tek Big Brother në Top Channel?

Punonjësi – Jo, jo hiç.

Punonjësja – I kërkojnë ata, duan t’i blejnë. Po ata mund t’i blinin në Tiranë shumë mirë! Pse do t’i blinin këtu.

Gazetari – Në Korçë, po pra! Pikërisht në Korçë.

Punonjësja – Kjo s’na erdhi mirë.

Punonjësi – Po ja ishte ky mblesatari.

***

RASTI I DYTË, restoranti në Kavajë. Bisedë mes gazetarëve të Fiks Fare dhe pronarit të biznesit!

Pronari – Unë e kuptova atë si tip në fillim. Po thashë tani, se ndonjëherë të rren ajo qejfi me dalë. Se medemek, është lirë dhe mos ka ndonjë njohje, e kupton. Në një moment thashë, pata hyrë, pata lexuar se edhe rob jemi nuk është se jemi pa dalë …

Gazetari – E njihje më përpara këtë?

Pronari – Ky vinte te lokali, s’e kam pas njohur fare, 0. U prezantua një ditë, jam filani qysh tek.

Gazetari – Çfarë ju premtoi ky juve?

Pronari – Ky erdhi dhe na tha doni të shkoni atje, të çoni darkë te Big Brother? Për Zotin i thashë që kam një llaf, po kushton dhe tani s’e kam terezinë. O vëlla i thashë, unë e di që kushton. Në telefon më tha do bësh një pagesë kështu te 200 euro.

Gazetari – Sa të mori?

Pronari – 200 euro.

Gazetari – 200 të vjetra apo të reja?

Pronari – Të vjetra, jo mo nuk rrëshqisja unë. Javën e parë më tha do dalësh. Kaloi java e parë, jo kështu e ashtu. Mbrëmë më duket se i dërgova mesazh. I thashë sonte në darkë dua lekët se s’bën. Më solli një video në darkë dhe më tha kam bërë aksident.

Gazetari – Premtoi që lokali jot do të shtrojë një darkë?

Pronari – Do i shtroja unë darkën. Biles më ka marrë dhe menu, po s’më dukej serioz. Unë i thashë jam i bindur që kjo është mashtrim. Isha shumë i bindur që ishte mashtrim. Të rren ajo hajde mo se inshallah, se medemek hë mo se inshallah.

Gazetari – Domethënë ai tha 200 mijë lekë bën e gjithë darka, apo 200 mijë lekë ishte paradhënie?

Pronari – 200 mijë lekë do të paguaja një tip kontrate me TOP-in.

Gazetari – Do të bëje kontratë?

Pronari – Kontratë garancie.

Gazetari – Po të solli gjë kontratë?

Pronari – Jo nuk më solli.

Gazetari – As një dokument, asnjë gjë?

Pronari – Më solli një faturë 200 mijë lekëshe kështu.

Gazetari – Ça fature?

Pronari – Që ke paguar, ma çoi te Whatsappi nga ato që fshihen për 24 orë. S’i kushtova rëndësi, e kupton apo jo.

Gazetari – Ta solli ty faturën?

Pronari – Po. E kam pasur në Whatsappi po tani s’e kam fare. As atë mandatin që i kam çuar lekët me … s’e kam.

Gazetari – E ke atë mandatin?

Pronari – Jo pra s’e kam!

Gazetari – Kur ia dhe lekët?

Pronari – Para gushtit.

Gazetari – A para gushtit. S’ia ke dhënë tani?

Pronari – Lekët kanë nja 1 muaj e gjysëm, 2 muaj. 2 muaj po.

Gazetari – Para se të fillonte Big-u?

Pronari – Para se të fillonte Big-u.

Gazetari – Po tani të kërkoj më lekë të tjera?

Pronari – Jo, jo s’më kërkoi. Unë e kontrollova që kishte precedentë penalë, ishte për mashtrime.

Të enjten e 29 janarit 2026, kryeministrit të Shqipërisë Edi Rama i shkoi një SMS në telefonin celular: “COELA doli me qëndrim zyrtar, më vjen keq”. Miku që e informonte e kishte paralajmëruar më herët atë se atje tej në Berlin, qeveria gjermane ishte tepër e shqetësuar mbi mbrojtjen arbitrare që Rama po i bënte Belinda Ballukut.

COELA është një grup pune e ministrave për Evropën të shteteve anëtare të BE-së. Ky grup shqyrton ecurinë e shteteve që synojnë anëtarësim, si Shqipëria.

Përfaqësimi në COELA është në nivel ministror, zakonisht ministrat për Evropën ose ministrat e Jashtëm të vendeve anëtare të BE-së.

Një burim i nivelit të lartë në BE, informoi Hashtag.al mbi atë çfarë ka ndodhur:

“E gjithë iniciativa për ndëshkimin e Shqipërisë në COELA është e nxitur nga qeveria gjermane, ata janë seriozisht të shqetësuar mbi mënyrën si Edi Rama po sulmon drejtësinë dhe po shkërrmoq institucionet për mbrojtjen e ministres Balluku. Kjo iniciativë e gjermanëve është mbështetur fuqimisht nga qeveria e Austrisë, Belgjikës, Holandës etj, ndërsa qeveria italiane, franceze dhe greke mbajtën një qëndrim më neutral në takim. Por nuk ka asnjë rëndësi kjo për sa kohë që dhe një shtet si Bullgaria mund të vendosë veton kundër Shqipërisë, e për më tepër Gjermania është lokomotiva e BE-së”, tha burimi.

Ndërsa i njëjti burim i nivelit të lartë më pas shtoi:

“Në mbledhjen e COELA është vendosur që nëse Rama do mbrojë imunitetin e Ballukut, BE-ja do dalë me vendimin e paprecedentë për të zhbërë gjithë procesin e anëtarësimit të Shqipërisë. I bie që do jetë ndëshkim ekzemplar, i ashpër, i pari në llojin e vet. Kryeministri juaj e di shumë mirë këtë gjë siç unë po e them”, – saktësoi burimi.

Hashtag.al kontaktoi sot zyrtarisht dhe zyrën e Delegacionit të BE-së në Tiranë duke u drejtuar vetëm një pyetje: Si e komentonin ata qëndrimin e ministrave të Jashtëm të Gjermanisë, Austrisë dhe Holandës?

Nga zyra për shtypin e këtij Delegacioni na erdhi sqarimi se ambasadori i BE-së në Tiranë zoti Gonzato, e kishte të pamundur ta procesonte me shpejtësi këtë pyetje pasi ai ndodhej në disa takime pune.

Balluku, Rama dhe 3 akrobatët

Në pranverën e vitit 2020, në kulmin e pandemisë, ministren e Energjisë Belinda Balluku e ftoi në një ishull në Greqi një shtetas izraelito-amerikan, ai quhet Ron Yeffet.

Atje në ishullin grek ishte ndërtuar një resort vilash luksoze ndërsa Yeffet i tha Ballukut se disa prej vilave ishin të tijat, përfshirë dhe vilën ku do qëndronte ajo.

Balluku shkoi. Të nesërmen në mëngjes ndërsa ishte me një tas kafeje në dorë, në oborrin e vilës, Balluku e cila e flet rrjedhshëm gjuhën greke, nisi të bisedonte me kopshtarin grek. E ndër të tjera e pyeti atë dhe për mikun izraelito-amerikan që e kishte ftuar, e pyeti se sa vila posedonte miku i saj i ri.

Kopshtari grek i nguli sytë i habitur Ballukut dhe i tha se zoti Yeffet nuk posedon asnjë vilë dhe se i kishte marrë vilat me qira veç për atë fundjavë.

Balluku e kuptoi se ishte mashtruar dhe manipuluar, ajo vuri në dijeni dhe Edi Ramën duke i këmbëngulur se Yeffet ishte një mashtrues ordiner, por Rama i bëri të ditur asaj se Yeffetin do e mbante pranë. Zoti Yeffet është një ndër tre akrobatët e preferuar të kryeministrit Rama.

Fillimisht Rama i dha atij (nëpërmjet Ballukut) akses në importin e naftës por aty zoti Yeffet dështoi më sukses dhe u mbeti borxh miliona euro disa partnerëve shqiptarë.

Më pas zoti Yeffet synoi që të kapte tregun e shpërndarjes elektronike (bankomat) të fondeve të pagave e pensioneve, rrugën ja shtroi sërish Balluku nëpërmjet kontrollit që ka mbi ministrinë e Financave, por dhe këtë punë zoti Yeffet nuk e çoi dot deri në fund. Dukej e komplikuar. Nuk kishte pare të shpejta as aty.

Së fundmi zoti Yeffet i ka vënë syrin koncensionarit të Delvina Gas, ku së bashku me Ballukun ai kurdisi arrestimin e paligjshëm të ish-pronarit të këtij koncensionari, Sokol Meqemeja.

Në paketën aksionare të Delvina Gas është dhe një shtetas ukrainas me 15% të aksioneve, ai quhet Sergey Probylov. Ai rezulton në aleancë me Ballukun dhe Yeffet për të zhvatur këtë koncension.

Mirëpo biznesmeni Meqemeja veproi shpejt, ai shiti aksionet mazhoritare te një kompani holandeze me lidhje domethënëse në Ëashington, ndërsa trekëndëshi Balluku-Yeffet-Probylov rezulton të jetë në vëmendjen e shërbimeve partnere dhe ata janë informuar nga një burim ukrainas në detaje mbi rolin e Ballukut, Yeffet dhe Probylov në këtë histori. Roli i tyre është i dokumentuar nga partnerët e huaj. Duket se zotit Yeffet i pëlqen të flasë në emër të kryeministrit Rama kur thur plane të paligjshme me ukrainasit. Kjo çështje mund t’i kthehet zotit Rama në një skandal më të madh se vet Balluku.

Akrobati i dytë është Ergys Agasi. Ai ka një ngjashmëri të fortë me zotin Yeffet pasi të dyve u pëlqejnë autokolonat me automjete luksoze dhe ekspozimi special me truproja nga garda dhe policia. Ndonëse këta dy akrobatë mbështeten nga kryeministri për të mbyllur punët e padukshme, bën çudi fakti se të dy ata bëjnë ç’është e mundur të bien sa më shumë në sy dhe të jenë sa më ekstravagantë.

Si rregull do duhej të mbanin profil të ulët, apo jo?

Filmimet dhe dokumentet që prokuroria speciale i ka sekuestruar Ergys Agasit kanë hapur një spirale që e ka përkeqësuar shumë më tepër situatën e Edi Ramës si kryeministër dhe si kryefamiljar.

Akrobati i tretë është amerikan, pjesë e administratës Trump madje. Ai quhet Richard Grenell. Zoti Grenell përveçse një mbështetës në hije I Belinda Ballukut, ka mbrojtur në mënyrë të hapur dhe projektin korruptiv të anijeve Energjitike të Vlorës, ku rezultoi se ishin të implikuara dhe biznese iraniane të sanksionuara në SHBA.

Së fundmi zoti Grenell solli në Shqipëri vajzën e Presidentit Trump, Ivankën, ndërsa bashkëshorti I saj Jared Kushner ka interesa në projekte turistike në gjirin e Vlorës.

Mirëpo shërbimet që zoti Grenell po i bën Ramës, duket se justifikojnë plotësisht leverdinë e tij personale, por ato mund të jenë duke ekspozuar në skandal ndërkombëtar të bijën e Trump dhe dhëndrin e tij.

Një pjesë e projektit përfshin zonën e Zvërnecit, ku pronar tokash është një personazh shqiptar i lakuar dhe në mediat ndërkombëtare, quhet Artur Shehu.

Shtyrja e mëtejshme e projektit mund të shërbejë në prag zgjedhjeve “mid-term” në SHBA si një fabulë dhe skandal mediatik për kundërshtarët politikë të Trump, sepse kjo fabulë lidh të bijën e Trump dhe dhëndrin e tij me një trafikant të dyshuar dhe gangster shqiptar. Do ishte një histori mbreslënëse mediatike në SHBA.

I gjithë ky risk sepse zoti Grenell ka shumë qejf të fitojë favore të shpejta nga Edi Rama por edhe sepse Edi Rama ka një nevojë akute për të patur akrobatin e vet edhe në Ëashington.

Në përfundim, ndërsa Edi Rama duket se po ecën në një fushë të minuar ku detonimin e kanë bërë Balluku dhe tre akrobatët e tij, I gjendur në një stuhi skandalesh dhe në një presion të fortë së fundmi nga Bashkimi Evropian, ai në mënyrë të pashpjegueshme ka vendosur të mbrojë Ballukun.

Është sekret thuajse i hapur se Edi Ramës i është dhënë garanci se ai nuk do cenohet nga dosja Balluku, e megjithatë Rama nuk po e lëshon atë.

Në këto kushte lind një pyetje logjike:

Çfarë turpi më të madh i di zonja Balluku Edi Ramës, që e bën atë t’i duken si turpe më të vogla të gjitha këto stuhi që ai po kalon sot?/Hashtag.al

“Ferma VIP”, pritet të nisë shume shpejt!

Sipas burimeve ekskluzive për Iconstyle, reality show do të nisë në muajin mars. Projekti vjen me një formulë ndryshe, surpriza të forta dhe emra shumë të njohur të ekranit.

Burime pranë produksionit bëjnë me dije se moderimi i reality show-t do t’i besohet Arbana Osmanit, një nga figurat më të dashura dhe më të suksesshme të televizionit shqiptar. Rikthimi i saj në një format të tillë, pas atij të Big Brother VIP Albania, pritet të sjellë edhe më shumë interes dhe pritshmëri të larta nga publiku.

Por jo vetëm moderimi do të jetë risi. Edhe regjia do të jetë tërësisht e re, nën drejtimin e Eduart Grishajt, i njohur për stilin e tij unik dhe qasjen kreative në projekte televizive dhe kinematografike. Ky kombinim pritet t’i japë “Ferma VIP” një frymë moderne dhe dinamike, larg klisheve të zakonshme të reality show-ve.

Sa i përket kastit, burimet tregojnë se emra shumë të njohur të showbiz-it shqiptar do të jenë pjesë e këtij formati. Sipas zërave që qarkullojnë, Luiz Ejlli është emri më i përfolur për rolin kyç brenda reality show-t, atij të kryeplakut. Megjithatë, deri më tani asgjë nuk është konfirmuar zyrtarisht, duke e lënë këtë detaj të hapur për surpriza të mëdha.

Nuk dihet nëse “Mirëmbrëma Yje” e Arbanës do vijojë krahas FermaVIP, apo do mbyllë sezonin e saj!Ora news

Bashkëshortja e Mirit, Rabea, ka folur për herë të parë publikisht lidhur me situatat e krijuara në “Big Brother VIP Albania”, duke iu përgjigjur drejtpërdrejt deklaratave të forta të babait të Selin dhe duke sqaruar raportin e shumëdiskutuar mes banorëve.

Në një intervistë për “Top Albania Radio”, Rabea u pyet rreth komenteve të babait të Selin, i cili e kishte cilësuar Mirin si “pervers” pas dinamikave të krijuara në shtëpi.

Ajo mbrojti partnerin e saj, duke theksuar se ajo që po ndodh brenda është thjesht lojë dhe se përgjegjësia nuk bie vetëm mbi njërin person.

“Më duhet të them unë e kam parë intervistën atë ditë kur doli. Edhe momentin e parë ishte kështu si i shokuar. Nga një anë e kuptoj merakun e babait për një vajzë. Por ky meraku nuk të jep të drejtë të gjykosh një person që ti nuk e njeh, që nuk ka bërë asnjëgjë ilegale, thjesht ka bërë një lojë. Më ka nevrikosur njëçik që ka folur kështu. Ti si baba nuk mund t’i japesh gjithë fajin Mirit për atë situatën atje brenda, shiko njëçik edhe gocën tënde. Ajo ka marrë disa këshilla nga jashtë, por nuk do ta kuptojë. Duhet të shikosh njëçik vajzën tënde se e ke edukuar ti, jo Miri,” u shpreh ajo.

Lidhur me natyrën e marrëdhënies Miri-Selin, Rabea ishte e prerë, duke e cilësuar atë si strategji të pastër loje pa asnjë ndjenjë reale.

“E shof si marrëdhënie [loje]. Thjesht miqësore që është lindur nga një detyrim pas Prime të parë. E kanë pranuar këtë sfidë dhe pastaj nisi loja e tyre. Nuk ka absolutisht ndjenja mes tyre. Secili përfiton nga kjo situatë. Nëse ka dyshime, ato ushqehen nga Selini dhe jo Miri.”

Gjatë intervistës u prek edhe momenti delikat kur vajza e Mirit, gjatë vizitës në shtëpi, përmendi emrin e Selin si të preferuarën e saj, një detaj që Rabea sqaroi se ishte tërësisht spontan.

“Nuk e kemi diskutuar më përpara se nuk e kisha menduar se ai pyet ashtu por ajo ka dhënë përgjigjen e saj që kishte në zemër. Vajza më tha më mbrapa se donte të thoshte Stelin por edhe Selin. Si vajzë e pafajshme tha atë që kishte në zemër. Vajza ka qarë shumë kur doli.”

Për të mbyllur diskutimin me nota humori, e pyetur se kë do të zgjidhte ajo vetë nëse Miri do t’ia bënte të njëjtën pyetje, Rabea u përgjigj: “Unë do t’i kisha thënë përveç teje më pëlqen Boli (arushi).”

Pamje të rënda dhe të papranueshme janë publikuar ditën e sotme në rrjetet sociale, ku protagonist është Miri dhe gjuha e përdorur ndaj Kristi Lamajt.

Debati mes dy banorëve është shoqëruar me tensione, por situata ka eskaluar në momentin kur Miri është larguar nga biseda.

Në videon që po bën xhiron e rrjetit, Miri dëgjohet qartë teksa murmurit me zë të ulët frazën fyese: “Të q*fsha robt”, duke ofenduar familjen e banorit tjetër.

Menjëherë pas publikimit të këtyre pamjeve, reagimi i ndjekësve ka qenë i ashpër, të cilët kanë kërkuar masa të menjëhershme nga “Vëllai i Madh”, duke përfshirë zarfin e zi ose skualifikimin e tij nga gara për thyerje të kodit etik.

VIDEO

Bashkëshortja e Mirit, Rabea, ka reaguar me tone të forta lidhur me incidentin e rëndë mes Rogertit dhe Stenaldos, duke sjellë një këndvështrim të bazuar në standardet evropiane.

Debati ku Rogerti iu drejtua Stenaldos, i cili është i verbër, me frazën “Ty të ka mallkuar Zoti”, ka shkaktuar reagime të shumta, e për këtë Rabea ka bërë një krahasim të drejtpërdrejtë me realitetin në Gjermani.

Ajo u shpreh se ndonëse Rogerti hyri për të krijuar dinamikë, gjuha e përdorur është e patolerueshme në një shoqëri gjithëpërfshirëse.

Sipas saj, nëse një situatë e tillë do të transmetohej në Gjermani, pasojat ligjore dhe shoqërore do të ishin të rënda jo vetëm për banorin, por edhe për vetë televizionin.

Në fund, ajo i bëri thirrje produksionit që të marrë vendimin e duhur për të mos legjitimuar diskriminimin ndaj personave me aftësi të kufizuara.

“Për Rogertin… Ai hyri dhe ka shkuar atje për të zgjuar njëçik banorët, sepse me thënë të drejtën ishin pak në gjumë. Por në vij nga një shtet shumë inkluziv dhe nuk ka shans të flasësh ashtu siç flet Rogerti aty brenda, veçanërisht me Stenaldon. Nëse kjo do të kishte ndodhur në Gjermani, jo vetëm Rogerti do të kishte patur probleme por edhe produksioni dhe do kishte hyrë edhe politika se nuk tolerohet në Gjermani. Unë shpresoj që ju shqiptarët të merrni vendimin e duhur që kjo sjellje atje brenda ndaj një personi me aftësi të kufizuara nuk tolerohet” tha ajo.

Në analizat e kryera për bukët integrale, rezulton se njëra prej mostrave nuk ka nivelin e duhur të fibrave. Rezultati tregon nivelin prej vetëm 0,82 % ose më pak se 1 gram për 100 gram produkti. Pra, thënë më shkurt, rezultati është shumë afër zeros që tregon se buka është totalisht mashtrim. Edhe pse nuk ka një kuotë zyrtare të përcaktuar, ekspertët gjykojnë se niveli minimal i fibrave duhet të jetë 6 %, ose 6 gram për 100 gram produkt që konsiderohet edhe standardi i Bashkimit Evropian.

“Ne nuk jemi në gjendje, kemi dështuar për të verifikuar nëse kjo, përveç pjesëve të standardeve që nuk thuhet pra nëse kjo buka çfarë sasie të miellit integral duhet të ketë, pra sa është përqindja që kjo të quhet një bukë integrale apo buke e zezë ne nuk i kemi këto”, u shpreh Ana Vuksani, pedagoge UBT.

“Pamë që një bukë integrale kishte një nivel shumë të ulët të fibrave, ajo nuk është bukë integrale. Këtu je duke abuzuar me cilësinë. Nëse dieta dhe njerëzit kërkojnë bukë integrale ti duhet ti ofrosh një buke integrale”, u shpreh Ilir Pecnikaj, kimist.

“Nuk arrij ta kuptoj se si mund të abuzohet me cilësinë, sepse me cilësinë është vetë direkt prodhuesi që abuzon me cilësinë, pra e di në mënyrë të shkëlqyer që është duke abuzuar. Pse duhet të më bësh një produkt me cilësi shumë të ulët dhe të ma shesësh si një produkt me cilësi të lartë. Këtu është problemi, unë shkoj për të blerë një bukë integrale dhe ju më ofroni një bukë masive ose e prodhuar me një miell i cili lejohet të prodhohet vetëm në punishten e ëmbëlsirave dhe ma shet për bukë integrale“, u shpreh Ilir Pecnikaj, kimist.

Rasti konkret përbën tregues se në bukë është përdorur ngjyrues dhe ajo nuk është natyrale. Me pak fjalë, qytetarët mashtrohen dhe konsumojnë një bukë me ngjyrues si bukë integrale. Në këtë rast, konsumatori jo vetëm nuk blen një bukë që ka përfitime shëndetësore, por përkundrazi mund të ketë pasoja në shëndet.

“Nuk ka një përqindje të caktuar të ngjyruesve që duhet përdorur te buka dhe aditivët janë nga përgjegjësit kryesor për shkaktimin e kancerit në organizmin e njeriut. Ky është një falsifikim, është një mashtrim që i bëhet së pari konsumatorit duke i marrë nga xhepi paratë për një produkt që nuk është produkte që blen dhe kjo në fakt në bazë të ndryshimeve të kodit penal në 2019 përbën vepër penale”, u shpreh Ana Vuksani, pedagoge UBT.

Kur një bukë integrale përmban vetëm 0.82 gram fibra, ajo është qartësisht nën nivelin minimal prej 3 gram/100 g që aplikon si normë BE. Duket se kontrolli nuk ka funksionuar apo diçka ka çeduar duke shkaktuar pasoja te konsumatori. Sipas analizave të industrisë në BE, bukët integrale të tregut zakonisht përmbajnë mbi 6–7 gram fibra.

“Për hir të vërtetës ne jemi të gjithë këtu dhe nuk kemi dëgjuar një operator biznesi të penalizohet sepse ka mashtruar haptazi konsumatorin“, u shpreh Ana Vuksani, pedagoge UBT.

Së pari, fibrat nuk janë vetëm një numër në etiketë, por tregojnë strukturën ushqimore të bukës sa pjesë të kokrrës së drithit mbeten në produkt dhe sa mbështesin shëndetin e tretjes, kontrollin e sheqerit, ndjesinë e ngopjes dhe përfitime të tjera metabolike që shoqërojnë dietat e pasura me drithëra integrale.

“Aditivët që janë përgjegjësit kryesorë për shkaktimin e kancerit siç është ngjyruesi tek buka e zezë sot në Shqipëri ne nuk kemi kapacitete laboratorike për të evidentuar faktin nëse kjo bukë, integrale apo e zezë është si pasojë e grurit cilësor të përdorur apo si rezultat i përdorimit të ngjyruesve për përmirësuesve artificial”, u shpreh Ana Vuksani, pedagoge UBT.

“Patjetër që përdoren ngjyrues për ta bërë bukën të duket si ato bukët që hanim atëherë që ishin me krunde me hime, por ato në fakt janë ngjyrues nuk kanë asnjë vlerë të shtuar përsa u përket fibrave të cilat do të sillte një grurë i cili nuk është bluar aq mirë, aq imët nuk është situr aq mirë ai është… shumica e tyre janë bërë me shtesa vetëm sa i japin atë ngjyrën, fibrat tregojnë që nuk janë në lartësinë e duhur”, u shpreh Sokol Abazi, kimist.

Eftuar në “Big Brother Radio” ishte bashkëshortja e Mirit, Rabea Shahini në një intervistë ekskluzive për Top Albania Radio. Si e priti Rabea hyrjen e Mirit në “Big Brother Vip”?

Unë thashë pa asnjë dyshim futu në “BBV”. Ai e ndjek shumë “BBV”. Ka pasur shumë dëshirë, e ftuan dhe i thashë të shkojë. Mirin e shoh shumë të fortë, nëse s’do ishte aty, shtëpia do ishte në gjumë. Mateo zgjohet në mëngjes dhe fle në darkë me Mirin, edhe Artani, por ka disa banorë që e kanë fiksim dhe jo gjithmonë në anën pozitive. Pa atë nuk do kishte energji aty.

E pyetur për akuzat e Mateos dhe debatet që ata kanë patur, Rabea tha si më poshtë.

Mua më duket sikur Mateo ka shumë fiksim me Mirin sepse e shikon atë si një lojtar të fortë. Miri ka një intelekt shumë të lartë, akuzat e Mateos janë të pabazuara. Pas të shtunës, ai ka përdorur këtë raportin e tij me vajzën, nuk duhet përdorur, kjo është një lojë shumë e dobët./TAR

E ftuar në emisionin “Shqipëria Live” vetëm pak orë pas eliminimit, Stelina ka hedhur poshtë në mënyrë kategorike deklaratat e Keijsit lidhur me besnikërinë e këngëtarit Miri.

Debati e ka zanafillën brenda shtëpisë së “Big Brother VIP 5”, ku Keijsi pretendoi se Miri blinte lule për gra të tjera, duke theksuar se këtë informacion e kishte mësuar nga vetë Stelina, një qëndrim që ai e mban edhe pas daljes nga shtëpia.

Gjatë intervistës, ish-banorja e cilësoi këtë histori si një “sajesë të madhe” dhe theksoi korrektesën e këngëtarit ndaj familjes.

Për të vërtetuar se akuzat nuk kanë ndikuar në realitetin e tyre familjar, Stelina zbuloi se bashkëshortja e Mirit kishte vizituar biznesin e saj pikërisht ditën e sotme.

“Unë Mirin e njoh si një njeri shumë korrekt, një njeri që e respekton familjen e vet. Përpara se të hyja këtu pata një telefonatë ku bashkëshortja e tij ishte te dyqani im. Kështu që nëse do ishte e tillë, patjetër që nuk do vinte aty. Ishte motra te dyqani se unë po bëhesha gati të vija këtu. Unë e di që Miri është shumë korrekt me familjen e tij. Nëse të tjetër e njohin për një gjë tjetër, unë nuk kam asgjë për të shtuar. Është një shpifje shumë e madhe”, u shpreh ajo.

Me këtë deklaratë, Stelina mbylli diskutimet mbi këtë temë, duke konfirmuar se marrëdhëniet mes palëve të përfshira jashtë shtëpisë mbeten të pandryshuara.

Fshati Gryksh i Madh i Peqinit është zhytur në zi pas tragjedisë së rëndë që goditi një familje nga ky komunitet, e cila humbi jetën në Itali. Lajmi i hidhur ka tronditur banorët, ndërsa dhimbja ndihet në çdo shtëpi e në çdo rrugicë të fshatit.

Fqinjët rrëfejnë mes lotësh se familja ishte emigruese prej rreth tre vitesh në Itali. Më herët kishin qenë në Greqi për punë sezonale, gjithmonë në kërkim të një jete më të mirë. “Këto janë plagët e emigrimit. I nisëm fëmijët me duart tona dhe tani na kthehen me arkivol,” shprehen ata, duke theksuar sakrificat e panumërta dhe rrugëtimin e vështirë larg atdheut.

Sipas tyre, kujtimet janë ende të freskëta. Ata ishin parë për festën e ndërrimit të viteve, kishin ndarë urime, buzëqeshje dhe shpresa për të ardhmen. Sot, ato kujtime janë kthyer në plagë të hapura.

Tragjedia e rëndë ka tronditur njëkohësisht Italinë dhe Shqipërinë. Në zonën e Luccas, katër anëtarë të familjes shqiptare — Arti Kola, Jonida Kola, Hajdar Kola dhe Xhesika Kola — humbën jetën si pasojë e rrjedhjes së gazit nga kaldaja. Ata u gjetën pa shenja jete në momentin kur karabinierët hynë me forcë në banesë

Ngjarja ka prekur thellë edhe autoritetet lokale italiane. Kryetari i bashkisë së Porcarit, Leonardo Fornaciari, shprehu publikisht dhimbjen dhe solidaritetin e komunitetit: “Jemi të gjithë të shokuar dhe të pikëlluar nga kjo ngjarje tragjike. Komuniteti ynë bashkohet me të afërmit dhe miqtë në një përqafim simbolik për këtë humbje të rëndë. U prehshin në paqe, të gjithë së bashku.”

Ai rikujtoi gjithashtu një fatkeqësi të ngjashme që ndodhi 34 vite më parë, po në këtë bashki, kur familja italiane Malanca humbi katër anëtarë të saj për shkak të monoksidit të karbonit nga një defekt i kaldajës. Sot, në atë zonë ndodhet një park publik që mban emrin e tyre — një kujtesë e përhershme e dhimbjes dhe nevojës për siguri.

Nga Grykshi i Madh në Peqin e deri në Porcari të Italisë, dhimbja është e përbashkët. Një tragjedi që bashkon dy komunitete, dy vende dhe lë pas një mesazh të hidhur për sakrificat e emigracionit dhe jetët e pafajshme të humbura shumë herët.