Author: admin

Mediat pranë Erdoganit, transmetim Live dhe jehonë protestës dje kundër vizitës së Ramës në Izrael…

Vizita e Ramës në Izrael duket se nuk kapërdihet lehtë nga Recep Tayyip Erdogan. Presidenti turk e ka shpallur armik Netanyahun, ndërkohë Rama shkoi, i shtrëngoi dorën dhe i thuri elozhe. Kjo gjë ka shkaktuar irritim në Ankara, pasi edhe pse vetë institucionet nuk kanë reaguar, mjafton të shohësh mediat pranë Erdoganit për të kuptuar se sa i madh është ky irritim.

Dje, qarqet pro-turke në Tiranë zhvilluan një protestë kundër vizitës së Ramës në Izrael. Me flamuj të Palestinës dhe parulla nga më të ndryshmet, protestuesit shpreheshin se kryeministri nuk po flet në emër të popullit shqiptar, por për interesa personale dhe “për të shpëtuar lëkurën e vet nga drejtësia”.

Por teksa kjo protestë nuk u pasqyrua thuajse fare në mediat shqiptare, ka ndodhur krejt e kundërta në ato turke. Për më tepër, agjencia shtetërore e lajmeve “Anadolu”, e cila financohet nga presidenca turke, e ka transmetuar Live në rrjetet e saj sociale, si në Facebook ashtu edhe në Instagram. Po ashtu, është bërë lajm për të si te kjo agjenci, ashtu edhe te shumë media të tjera turke pranë Erdoganit.

Transmetimi i protestës

“Kryeministri shqiptar Rama, i cili ishte në një vizitë zyrtare në Izrael, deklaroi në fjalimin e tij në një seancë të posaçme të parlamentit izraelit më 26 janar se parlamenti izraelit ishte një ‘vend shumë i veçantë’ dhe se ndihej ‘nder i madh’ që ndodhej atje, dhe përdori fjalë lavdërimi për Netanyahun. Rama u bojkotua nga ligjvënësit arabë, ndërsa shumica e ligjvënësve izraelitë gjithashtu nuk morën pjesë në seancë. Rama, i cili nuk e ka kritikuar gjenocidin e Izraelit në Rripin e Gazës që nga tetori i vitit 2023, fajësoi Hamasin për shndërrimin e Gazës në një ‘burg të hapur’”, shkruan “Anadolu”, teksa u ka dhënë zë shumë prej personave që folën në protestë.

Ndërkohë, disa media të tjera kanë qenë akoma edhe më të ashpra, duke e quajtur Edi Ramën një sionist. “Kryeministri i Shqipërisë, Edi Rama, gjatë vizitës së tij në Izraelin gjenocidal, shprehu mbështetje për shtetin vrasës të Izraelit dhe udhëheqësin e tij. Ai donte t’i jepte botës një imazh se një shoqëri myslimane që jeton në Evropë, si Shqipëria, ‘mbështet Izraelin, i cili po kryen masakra në Gaza’”, shkruajnë mediat turke.

Ndërsa një tjetër shkruan se në Tiranë shpërthen zemërimi kundër Kryeministrit “pro-sionist”: “Tirana, kryeqyteti i Shqipërisë, u ngrit kundër kryeministrit Edi Rama, i cili mbështet gjenocidin e kryer nga Izraeli terrorist në Gaza. Mijëra njerëz, të mbledhur para ndërtesës së Parlamentit me thirrjen e organizatave të shoqërisë civile, protestuan fuqishëm kundër vizitës së Ramës në Izrael midis 25-27 janarit dhe takimit të tij me kriminelin e luftës Netanyahun”.

Pra, duket se raportet janë krisur. Rama duket se po sakrifikon miqësinë me Erdoganin për t’u afruar me Trump. Vizita në Izrael, më shumë se mbështetje për Netanyahun, ishte një lëvizje strategjike për të lënë përshtypje në Uashington. Por duket se Erdogan e ka “vath në vesh” këtë vizitë dhe nuk ka për ta harruar lehtë. /Pamfleti

VIDEO

Gazetari Denis Minga ka komentuar qëndrimin e Sali Berishës gjatë kohës që qëndron në opozitë.

Minga tha se Rama është e keqja më e mirë për vendin temka paralajmëroi se në rast se Berisha do të qëndrojë në opozitë, në 2029 opozita do të pësojë një humbje më të rëndë.

“Ne jetojmë në një sistem bipartiak; duam s’duam, ne dy parti janë sot. Të tjerat janë garnitura ose të PS-së, ose të PD-së. Pse është PD? Sepse me PD-në rritet arroganca e PS-së. PS nuk lëviz aty. PS nuk bie nga 48 përqind, kurse PD bie vetëm më poshtë. Edhe në zgjedhjet e fundit, me gjithë skandalet e qeverisë, bie në 500 mijë vota. Ne duhet të jemi të interesuar për PD. Berisha nuk e bën dot këtë mision. Ka pjesën më të madhe të 500 mijë votave. Berisha nuk kalon dot Bashën. Ai është mbret në opozitë. Është partneri kryesor i qeverisë. Bie balanca politike e vendit. Rama nga 83 mund të shkojë 93 vende. Sa më keq shkon PD-ja, aq më keq për vendin. Edhe në 2029, nëse shkon, do të humbë më keq”, tha Minga.

Shembja e një masivi shkëmbor për pak nuk u kthye në tragjedi për një familje e cila udhëtonte në rrugën turistike Pejë – Bogë.

Masivi shkëmbor goditi automjetin që ishte në lëvizje në momentin që po qarkullonte në drejtim të Pejës. Për fat të mirë, guri goditi kollonën mes derës së shoferit dhe derës së pasme, si dhe nuk mundi ta hidhte në humnerë.

Për pasojë ka mbetur i lënduar drejtuesi automjetit, ndërsa të tjerët nuk pësuan lëndime.

Rruga Pejë – Bogë është ndër rrugët turistike më të frekuentuara gjatë gjithë vitit. Por fluksin më të lartë e ka gjatë stinës së dimrit për shkak të bukurisë natyrore të “Grykës së Rugovës” nga prania e dëborës.

Kjo zonë frekuentohet shumë edhe nga shqiptarët e Shqipërisë, por rruga është në gjendjen më të degraduar të mundshme.

Si pasojë e mungesës së investimeve dhe mirëmbajtjes së vazhdueshme, kjo rrugë vë në rrezik jetën e udhëtarëve çdo ditë për shkak të shembjes së gurëve nga shpati i malit.

Megjithëse rruga është e një zone turistike që gjeneron miliona euro të ardhura në vit, infrastruktura rrugore lë për të dëshiruar.

Kryetari i Bashkisë së Shkodrës, Benet Beci, ka reaguar pas aksidentit tragjik të regjistruar pasditen e sotme ku aktori i mirënjohur i humorit shkodran, Nexho Shabani u përplas nga një automjet teksa ishte duke kaluar me biçikletën e tij.

Menjëherë Shabani u dërgua me urgjencë në spital, ndërkohë që së fundmi kryebashkiaku bën me dije se gjendja e tij shëndetësore është e rëndë.

Beci shkruan se aktori, shkodrani i mirë, njeriu popullor dhe ashtu si ai e quan “Nexhoja i tavolinave” në këto orë kritike për të ka nevojë për lutjet e të gjithë qytetarëve të Shkodrës, por jo vetëm.

“Sonte, Nexho Shabani, Nexhoja i tavolinave, njeriu popullor që sjell humorin tipik shkodran kudo ku ulet, ka nevojë për lutjet tona.

Pas një aksidenti të rëndë, gjendja e tij shëndetësore është e paqëndrueshme, ndërsa mjekët e Spitalit Rajonal të Shkodrës janë të angazhuar maksimalisht. Le t’i jemi pranë me mendim të mirë dhe shpresë”, shkruan Beci.

Kujtojmë se aksidenti i rëndë u regjistrua rreth orës 20:05, në sheshin “Demokracia”, ku automjeti me drejtues shtetasin N. Xh., përplasi aktorin e humorit, Nexho Shabanin, i cili po lëvizte me biçikletë.

“Rreth orës 20:05, në sheshin “Demokracia”, automjeti me drejtues shtetasin N. Xh., është përplasur me shtetasin N. Sh., i cili po lëvizte me biçikletë.

Si pasojë e aksidentit, është dëmtuar shtetasi N. Sh., i cili ndodhet në Spitalin Rajonal Shkodër, nën kujdesin e mjekëve”, njoftoi policia më herët.

Në dokumentet e publikuara së fundmi nga dosja Jeffrey Epstein, shfaqet edhe emri i ish-diktatorit shqiptar Enver Hoxha. Megjithatë, përmendja e tij nuk lidhet me ndonjë skandal, hetim apo raport për Shqipërinë, por me një dokument analitik financiar që gjendej në arkivin e Epstein. -informon dritare.net

Dokumenti në fjalë është një analizë e titulluar “Eye on the Market”, e përgatitur më 10 mars 2011 nga banka investuese J.P. Morgan. Ai është përfshirë në dosjen Epstein si material i sekuestruar, jo si provë penale apo dokument hetimor.

Çfarë përmban dokumenti

Analiza trajton zhvillime të mëdha ekonomike dhe gjeopolitike të asaj kohe, si:

kriza e borxhit në Europë

rreziqet politike në Lindjen e Mesme gjatë Pranverës Arabe

Në këtë kontekst, autori i analizës përdor shembuj historikë për të ilustruar se si regjime që duken të qëndrueshme mund të shemben papritur. Pikërisht këtu përmendet edhe Enver Hoxha, së bashku me Erich Honecker dhe Nicolae Ceaușescu, si figura politike që u zhdukën shpejt nga skena pas rënies së sistemeve që përfaqësonin-informon dritare.net

“But in my lifetime, I recall how quickly permanent fixtures of Enver Hoxha, Erich Honecker and Nicolae Ceaușescu disappeared.”

PËRKTHIMI NË SHQIP
“Por gjatë jetës sime, kujtoj sa shpejt u zhdukën figura që dukeshin të përhershme si Enver Hoxha, Erich Honecker dhe Nicolae Ceaușescu.”

Pse gjendet ky dokument në dosjen Epstein

Jeffrey Epstein njihej për interesin e tij ndaj analizave strategjike dhe raporteve të nivelit të lartë, të përdorura për orientim financiar dhe politik. Dokumente të tilla, të prodhuara nga banka apo institucione prestigjioze, gjendeshin në arkivin e tij personal dhe janë sot pjesë e dosjes vetëm sepse janë materiale të sekuestruara, jo sepse lidhen drejtpërdrejt me veprimtari kriminale.

Çfarë duhet sqaruar

Përmendja e Enver Hoxhës është thjesht referencë historike

Nuk ka lidhje me Shqipërinë në kuptim hetimor

Nuk ka asnjë raport, email apo akuzë që e lidh këtë figurë me Epstein

Dokumenti është analizë ekonomike, jo komunikim personal. Prania e emrit të Enver Hoxhës në dosjen Epstein duhet parë si pjesë e një materiali analitik të kohës, i përdorur për ilustrim historik në një kontekst ekonomik dhe gjeopolitik./dritare.net

Këtë javë qeveria mori vendimit për krijimin e kadastrës fiskale. Por çfarë do të thotë kjo për qytetarët?

Nga data 10 shkurt të gjitha bashkitë do të nisin të regjistrojnë rreth 2. 5 milionë pasuri të patundshme të shqiptarëve, duke hedhur të dhënat në një regjistër elektronik.

Ky proces do të shoqërohet edhe me të dhëna konkrete të pronës, mbi sipërfaqen, çmimet referencë të zonës, çmimin real të pronës, detyrimet e mundshme, përjashtimet nga taksat.

Të gjitha këto të dhëna do të kryqëzohen me agjenci shtetërore, si OSHEE, Ujësjellës-Kanalizime etj., për të evidentuar sa më qartë pronat në vend.

“Ky regjistër do të jetë digjital dhe çdo informacion për pronën do të jetë vetëm një klik larg. Pra jemi duke i lënë pas kërkimet për prona në mënyrë manuale, por tashmë do t’i kemi online të gjitha. Ky proces pune ka një qëllim, të zbatohet siç duhet taksa e pronës. Sot që flasim jo të gjitha pronat i nënshtrohet taksimit, pasi autoritete nuk kanë informacion. Madje në disa zona taksimi bëhet dhe aforfre pasi nuk ka të dhëna të mjaftueshme. Ndaj ky regjistër më të gjitha detajet e pronës, do të bëjë që askush të mos i shmanget dot taksimit”, tha Gjergji Begaj, ekspert pronash gjatë një interviste në Vizion Plus në emisionin “E-ZONE”.

Ky proces pune vjen në një kohë kur këtë muaj nis dhe procesi i rivlerësimit, ku mijëra qytetarë pritet të shfaqin interes për të sjellë pronën e tyre ose në vlerën e tregut ose në çmimin e ri të referencës.

Pasi të përfundojë ky proces, do të krijohet një ide më e qartë e vlerës së pronës në të gjithë vendin, çka do i hap rrugë taksimit mbi vlerën e tregut të pasurive të patundshme në vitin 2028.

Një autobus pasagjerësh doli nga rruga në provincën Antalya të Turqisë jugore, duke shkaktuar vdekjen e tetë personave dhe plagosjen e dhjetëra të tjerëve.

Aksidenti ndodhi të dielën në zonën Dosemealti, në veriperëndim të qendrës së qytetit të Antalyas. Pamjet e transmetuara nga televizioni shtetëror TRT tregojnë autobusin të përmbysur.

Guvernatori i provincës, Hulusi Sahin, bëri të ditur se 26 persona kanë mbetur të plagosur, disa prej tyre në gjendje kritike. Sipas agjencisë së lajmeve DHA, disa pasagjerë janë hedhur jashtë automjetit si pasojë e përplasjes.

Autobusi po udhëtonte gjatë natës nga Tekirdag, në veriperëndim të Turqisë, drejt Antalyas.

Autoritetet dyshojnë se kushtet e vështira atmosferike kanë ndikuar në aksident.

Prej disa kohësh, dedikimet e Bes Kallakut në rrjetet sociale kanë ngjallur kureshtje dhe spekulime në publik. Nga postimet e tij, ai linte të kuptonte se në jetën e tij kishte gjëra të reja.

Ashtu siç ishte parashikuar, pas lumturisë së aktorit të njohur fshihet dashuria. Gjatë një koncerti të mbajtur ditën e djeshme, Besi vendosi t’u japë fund pikëpyetjeve dhe komenteve të shumta nga ndjekësit.

Ai ka zbuluar publikisht personin të cilit i dedikohet tatuazhi i tij më i fundit. Përballë publikut, aktori ndau një moment tejet emocional, që u shndërrua menjëherë në një deklaratë dashurie.

“Jini falenderues Zotit në ditët tuaja më të mira dhe në ditët tuaja më të errëta. Unë gjithë jetën time kam bërë për të qeshur publikun, vetëm kam bërë për të qeshur dhe kishte vite që më kishte humbur buzëqeshja mua. Dhe meqë më keni pyetur aq shumë nëpër komente dhe nëpër mesazhe për tatuazhin që kam bërë, dua të falenderoj Zotin që më në fund më solli afër dikë që më solli edhe buzëqeshjen. Ejona, të dua!”, tha Kallaku.Pas këtij rrëfimi, mesazhi ishte më se i qartë. Ejona është emri që i ka rikthyer buzëqeshjen aktorit, duke e bërë atë të shfaqet më i lumtur se kurrë.

Prej janarit të vitit 2021, shefi i njohur i kuzhinës, Renato Mekolli, ishte zhdukur plotësisht nga vëmendja mediatike dhe rrjetet sociale.

Për 5 vite me radhë, heshtja e tij totale ngriti shumë pikëpyetje dhe spekulime. Por tashmë e vërteta është zbuluar.

Renato Mekolli është vendosur në Miami, Florida, ku ka marrë një nga rolet më prestigjioze në botën e kulinarisë.

Ish-drejtuesi i rreptë i “Hell’s Kitchen” tashmë mban postin e Shefit Ekzekutiv në një nga hotelet më luksoze në botë, The Ritz-Carlton Key Biscayne. Aty, ai drejton restorantin e ri të quajtur “Paralía”.

Ky restorant është pjesë e një investimi kolosal prej 100 milionë dollarësh në këtë resort dhe sjell shijet e rafinuara të kuzhinës greke dhe turke, duke mbajtur firmën e Mekollit.

Suksesi i tij nuk ka kaluar pa u vënë re nga elita mediatike. Gjigantë si Forbes dhe Miami New Times kanë shkruar me superlativa për punën e tij, duke e cilësuar si një arritje të jashtëzakonshme.

Rrjeti është ndezur nga teoritë konspirative pas një videoje të publikuar nga Niko Komani, ish-konkurrent i “Ferma VIP”.

Në llogarinë e tij në Facebook, Komani ka hedhur dyshime të forta se banori i “Big Brother VIP Albania”, Miri, posedon një telefon brenda shtëpisë, duke aluduar se mund t’ia ketë dhënë vajza gjatë surprizës së mbrëmshme.

Videoja është bërë menjëherë virale, duke grumbulluar rreth 1 milion shikime në pak orë.

Në videon e shpërndarë, Miri shfaqet i ulur në divanin rozë të dhomës së ndenjes. Në një moment, ai shihet duke mbajtur një objekt të zi në dorë (i cili ngjason shumë me një smartphone) dhe me lëvizje të shpejta e fsheh atë poshtë jastëkut të divanit, duke u siguruar që të mos duket.

Por, si qëndron e vërteta? Edhe pse objekti mbetet i paidentifikuar (mund të jetë çdo gjë personale), teoria se ai ia dha vajza nuk qëndron.

Burimet konfirmojnë se ky moment ka ndodhur më herët, përpara se vajza e tij të hynte në shtëpi për ta surprizuar.

Konkretisht, skena përkon me momentin kur vëllai i madh kërkoi që Rogerti dhe Selina të qëndronin vetëm në sallon, ndërsa banorët e tjerë duhet të largoheshin. Miri shihet që e merr objektin me vete dhe, kur rikthehet në sallon, e fut sërish me nxitim poshtë divanit.

VIDEO