Author: admin

Dashi

Dite mjaft e qëndrueshme kjo e sotmja për ata qe janë ne një lidhje. Gjithçka do ju ece si e kishit programuar, kështu qe nuk do keni as shqetësimin me te vogël. Beqaret do gjenden përballe një zgjedhjeje te vështirë për te cilët duhet te mendohen gjate. Ne planin financiar influenca e yjeve do jete e madhe. Tregohuni te matur ne mënyrë qe financat te përmirësohen.

Demi

Do përballeni me zhgënjime te mëdha gjate kësaj dite juve qe jeni ne një lidhje dhe here pas here do vuani mjaft. Partneri nuk do kujdeset si me pare. As beqaret nuk do kenë fat ne dashuri dhe do vazhdojnë te mbeten te vetmuar. Ne planin financiar gjerat do ecin mire. Mos harroni gjithsesi se keni edhe disa borxhe për te lare kështu qe shpenzoni me maturi.

Binjaket

Dite mjaft e tensionuar kjo e sotmja për te gjithë ata qe janë ne një lidhje. Nuk do ndiheni aspak mire pranë personit qe dashuroni. Beqaret do i refuzojnë te gjitha ftesat qe do ju bëhen dhe do mbeten serish vetëm. Edhe për financat do jete dite goxha e vështirë kjo e sotmja. Vetëm me kujdes dhe maturi mund t’ia dilni ta përmirësoni situatën.

Gaforrja

Sot do filloje një etape e re dhe shume e bukur ne jetën tuaj sentimentale. Do merreni vesh për gjithçka me atë qe keni ne krah dhe gjerat do iu ecin sipas parashikimeve. Do përjetoni kënaqësi dhe kjo është me e rëndësishmja. Beqaret do kenë një nga ditët me te veçanta dhe te mbushur me takime. Ne pune mos u nxitoni te hidhni hapa te pamenduara.

Luani

Marrëdhënia ne çift do jete shume e mire gjate kësaj dite. Për çdo gjë do flisni hapur me partnerin dhe nuk do ju mbetet asnjë brenge. Beqaret do jene plot angazhime dhe nuk do e kenë mendjen tek krijimi i një lidhjeje. Kjo do jete diçka e parëndësishme për momentin. Ne planin financiar duhet te mësoni te ruani ekuilibrin. Po shpenzuar shuma marramendëse do keni probleme serioze.

Virgjeresha

Do jeni shume përtacë gjate kësaj dite dhe nuk do e ndryshoni aspak rutinën e jetës suaj ne çift. Kjo mund te sjelle probleme dhe mërzitje te madhe. Beqaret nuk do jene ende gati te ndryshojnë statusin dhe do vazhdojnë te mbeten si kane qene. Financat do i menaxhoni me shume përkujdes prandaj gjendja sa do vije e do behet me e mire.

Peshorja

Atmosfera për ata qe janë ne një lidhje do ngrohet se tepërmi gjate kësaj dite dhe do ndiheni si ne ëndërr pranë personit qe dashuroni. Çdo çast do jete plot ngjyra. Beqaret do kenë një dite te favorshme dhe plot njohje te reja. Duke reflektuar mire mund te bëni edhe zgjedhje. Financat do fillojnë dalëngadalë te përmirësohen. Do mendoni edhe për te ardhmen.

Akrepi

Dite shume e zakonshme dhe pa asgjë te veçante kjo e sotmja për te dashuruarit. Merrini gjerat si t’iu vijnë dhe bëni atë qe do ju thotë zemra për momentin. Beqaret nuk duhet te kërkojnë gjera te pamundura dhe te palejueshme sepse do vuajnë tej mase. Ne planin financiar mos prisni qe problemet t’iu zgjidhen sa hap e mbyll sytë, prisni disa kohe.

Shigjetari

Dite e mbushur me çaste te lumtura kjo e sotmja për te dashuruarit. Partneri do mendoje si t’iu beje te ndiheni si ne përrallë, kështu qe edhe ju duhet t’ia shpërbleni me dashurinë tuaj. Beqaret duhet te pranojnë te takohen me persona te rinj sepse vetëm ne këtë mënyrë mund te njohin partnerin ideal. Ne planin financiar priten vështirësi goxha te mëdha.

Bricjapi

Mos u tregoni te paduruar gjate kësaj dite ju qe jeni ne një lidhje dhe mos hidhni asnjë hap për te cilin shume shpejt te pendoheni. Beqaret do e kërkojnë gjithë ditën princin e kaltër, por do e gjejnë vetëm atëherë kur do dorëzohen. Jeta është plot surpriza. Gjendja e te ardhurave do jete aq e mire saqë do kryeni edhe ndonjë investim me tepër.

Ujori

Jeta juaj ne çift ka rrezik te jete e paqëndrueshme gjate gjithë kësaj dite. Nuk do merreni vesh si duhet me partnerin dhe situata mund te ndërlikohet me shume nga sa e keni menduar. Beqaret do kërkojnë gjera te pamundura dhe nuk do ju plotësohen dëshirat. Buxheti do jete i mire nëse tregoheni te kujdesshëm me shpenzimet dhe nuk jepni hua.

Peshqit

Dite e mrekullueshme dhe e mbushur me momente fantastike kjo e sotmja për te dashuruarit. Shfrytëzoni çdo sekonde sikur te ishte e fundit. Beqaret do kenë te papritura te këndshme te cilat mund t’ua ndryshojnë idenë qe kishin për jetën ne vazhdimësi. Financat sado qe te mundoheni sot nuk do arrini t’i mbani te qëndrueshme. Do përballeni me pasojat e gabimeve qe keni bere.

Në Pikën e Kalimit Kufitar Rinas është finalizuar operacioni policor i koduar “Siguria”, në kuadër të të cilit u godit një rast i tentativës për trafikim të armëve të zjarrit nga Shqipëria drejt Italisë.

Gjatë kontrolleve të intensifikuara, bazuar në analizën e riskut dhe informacionet e inteligjencës policore, shërbimet e Policisë Kufitare Rinas, në bashkëpunim me strukturat e sigurisë së aeroportit, kapën në flagrancë në dalje të Shqipërisë shtetasin shqiptar Halil Hysaj, 30 vjeç, rezident në Itali.

Nga kontrolli i kryer me skaner në bagazhet e tij, u gjet dhe u sekuestrua një armë zjarri pistoletë së bashku me municion luftarak, të cilat u morën në cilësinë e provës materiale.

Policia bën me dije se shërbimet e Policisë Kufitare në Rinas vijojnë punën intensive për garantimin e lëvizjes së lirë të shtetasve dhe zbatimin rigoroz të procedurave kufitare, me fokus parandalimin dhe goditjen e çdo veprimtarie të paligjshme.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, për veprën penale “Trafikimi i armëve dhe i municionit”.

Një “influencer” periferik shpik origjinën greke të Enver Hoxhës, në një përpjekje për të zbehur debatet mbi Çamërinë, Himarën dhe rrënjët shqiptare në Greqi…

Pretendimi i shpërndarë në rrjet nga një figurë pa peshë mediatike në Greqi, se Enver Hoxha ka lindur në Korinth me emër grek, nuk është një rast banal. Ai shfaqet në një moment kur raportimet investigative shqiptare mbi Çamërinë dhe identitetin e Himarës kanë tronditur qarqe nacionaliste greke. Narrativa absurde funksionon si bombë tymuese digjitale, për të relativizuar historinë dhe për të krijuar konfuzion mbi rrënjët shqiptare. Talljet e vetë banorëve vendas e rrëzojnë tezën, por përdorimi i saj tregon një strategji të njohur: kur faktet nuk ndalen dot, provohet manipulimi simbolik i figurave historike.

Restas Blasis, të paktën kështu prezantohet në rrjetet sociale, është një emër që nuk ka lidhje me mediat mainstream në Greqi. Ai prezantohet si një influencer social, por përmbajtja që sjell duket se fsheh diçka më shumë.

Athina, përkatësisht aparatet e saj, duket se janë tronditur nga konsistenca e medias shqiptare, veçanërisht nga gazetari Marin Mema, për raportimet e tij mbi identitetin shqiptar, kryesisht atë të popullsisë çame, si edhe nga “bomba” e kësaj jave mbi të vërtetat gjenetike të Himarës.

Për t’iu përgjigjur një teme që ka qenë popullore, me ndjekje shumë të madhe dhe që ka sjellë tronditje në mjediset “vorioepirote”, aparati i Megali Idhesë ka hedhur një bombë tymuese.

Blasis ka publikuar një video në rrjet, ku tregon një shtëpi në një fshat të Korinthit dhe pretendon se kjo është shtëpia ku ka lindur diktatori i Shqipërisë, Enver Hoxha, i cili, sipas tij, emrin e vërtetë e kishte Aleksandër Mavromaqis.

Influenceri tregon edhe një pllakë në një rrap aty pranë, si për të sugjeruar se ekziston një referencë historike, por tabela në fakt tregon vetëm se rrapi është monument natyror.

Ironia e kësaj bombe tymuese janë reagimet, të cilat nuk janë të pakta. Kryesisht janë komente nga grekë, madje edhe nga banorë të zonës ku i referohet influenceri.

“E vërtetë”, thotë njëri, “aty kemi edhe varrin e të parëve të Donald Trump-it”. Një tjetër thotë se është e vërtetë që Enveri ka qenë nga Korinthi, pasi babai i tij tallej me kushërinjtë dhe u thoshte se “ti je vjehrri i Hoxhës”.

Pronari i shtëpisë, që identifikohet me emrin Iro Papanikolau, thotë se Aleksandri, të cilit i referohet influenceri si Enver Hoxha, ka qenë vëllai i gjyshes së saj, Katerina. Ndërsa shtëpia ka qenë në pronësi të dajës së tyre, Leonidha. “Ajo shtëpi është e jona tani, por ne ruajmë gjithmonë gëzimin e fëmijërisë”, shprehet ajo.

Tallja vijon në komente, por herë pas here ka edhe reagime që përpiqen të mbrojnë tezën e influencerit, të cilave më pas banorë të zonës u përgjigjen me sarkazëm.

Megjithatë, e gjithë kjo nuk duket si një tezë e hedhur rastësisht. Përkundrazi, ngjan sikur kemi të bëjmë me një betejë digjitale që synon t’i kundërvihet ndërgjegjes shqiptare për të vërtetën e rrënjëve, kryesisht për popullsinë e dëbuar me dhunë nga Greqia dhe për atë që Athina e quan “Vorio Epir”.

Në shikim të parë, duket si një idiotësi, nga ato që prodhohen shpesh nga mitomanë ballkanikë, të cilët nuk mungojnë. Por kjo nuk ngjan me një fantazi bio-mitomane të zakonshme, që zakonisht janë argëtuese për shkak të hiperbolës së theksuar.

E sforcuar deri në absurditet, kjo narrativë ngjan më shumë me një manovër tipike shërbimesh, ku hidhet një gur në një lumë të kontrolluar dhe më pas lihet që të turbullohet nga qindra “të mençur”, pa u zbardhur kurrë.

Nuk është aspak çudi që nga ky “influencer”, apo nga të tjerë të ngjashëm, në ditët dhe javët që vijnë të shfaqen edhe “xhevahire” të tjera mbi “grekët që qeverisën Shqipërinë”.

Metafora ka një objektiv të qartë. Synon t’i kundërvihet historiografisë që Athina nuk e ndalon më dot, ku faktet po dalin përditë nga arkivat dhe tregojnë se Greqinë moderne e themeluan, e drejtuan dhe e ndërtuan shqiptarët që jetonin në ato treva.

Metafora me Enver Hoxhën duket e mirëmenduar, pasi në të kaluarën janë bërë tentativa të ngjashme edhe me Gjergj Kastriotin Skënderbeun, të quajtur Jorgo. Por duket se e dinë mirë që me heroin kombëtar shqiptarët nuk pranojnë të luhet. Dhe ndoshta kundërpërgjigjet mund të mos jenë shumë “ortodokse”, siç thonë latinët./Pamfleti

SHIKO VIDEON

Eksperti i sigurisë dhe marrëdhënieve ndërkombëtare, Ilir Kulla, ka komentuar vizitën e kryeministrit Edi Rama në Izrael dhe reagimet që ajo ka ngjallur në Turqi.

Në një intervistë për emisionin “Të Pashoq”, në kanalin në YouTube të Pamfletit, Kulla tha se pavarësisht deklaratave të forta të Ramës në Knesset dhe reagimeve që kanë ardhur nga Ankaraja, nuk bëhet fjalë për një përplasje reale mes kryeministrit shqiptar dhe presidentit turk Rexhep Taip Erdogan.

Ai theksoi se Rama historikisht ka ditur t’i menaxhojë marrëdhëniet personale dhe publike në mënyrë të tillë që të ruajë gjithmonë një hap rezervë në raportet ndërkombëtare.

Kulla nënvizoi se edhe çështje të ndjeshme, si një zhvendosje e mundshme e ambasadës shqiptare në Jerusalem, nuk do të sillnin pasoja reale në marrëdhëniet me Ankaranë, duke kujtuar se Kosova e ka bërë një hap të tillë dhe vijon të ketë marrëdhënie shumë të mira me Turqinë.

Sipas Kullës, reagimet e ekzagjeruara ndaj vizitës së Ramës janë pjesë e një strategjie të mirëmenaxhuar komunikimi politik, ku rrjetet sociale luajnë rol kyç. Ai shtoi se kryeministri përdor me mjeshtëri perceptimin publik për të paraqitur veten si faktor balancues mes Lindjes dhe Perëndimit.

Pjesë nga intervista:

-Tani, kjo vizitë e Ramës në Izrael, padyshim, sikurse pritej, edhe për faktin e deklaratave të forta që bëri në Knesset, ka ngjallur reagime të forta nga nga Ankaraja, nga Turqia. A është kjo fillimi i një përplasje të madhe mes kryeministrit Rama dhe, në thonjëza, mentorit të tij Erdogan në Turqi? Apo jo?

Ilir Kulla: Po jo. Këtu më nxori një argument në raport me atë që thesh. Gjithmonë Rama në mënyrën se si ka luajtur marrëdhëniet publike, ka lënë, mendoj se në këto marrëdhëniet e veta personale që i krijon me njerëzit, si ato që ka pasur me Erdoganin, ka gjithmonë diçka më tepër, ka nga një më mbrapa në mendje e të tjerë. Dhe për këtë ka luajtur me me këta, jo me biznesmenë aty e të tjerë. Të kujtohet që kur u krijua Air Albania si një gjë shumë e madhe e të tjerë. Dhe pastaj…

-Falimentoi, po.

Ilir Kulla: Jo. Jo falimentoi, e falimentuan këta. Mbi, nuk e di sa udhëtime shtetërore janë bërë që s’janë paguar kurrë kostot e të tjerë. Po, e rrjedhshme është që s’ekziston më. Pra, çështja është që dhe me Turqinë, ne realisht, konkretisht, përveç ndihmës që na ka dhënë Turqia në raport me tërmetin, ëh me rindërtimin, këto që kemi me NATO-n, bashkëpunimi ushtarak e të tjerë e të tjerë, me shëndetësinë në kohën e COVID-it, megjithëse shumica e njerëzve kanë shkuar me paratë e veta që të jemi të qartë. Konkretisht me Turqinë, në këto 13, 14 vjet, çfarë kemi bërë realisht? Po çohesh në Turqi-Serbinë, ti e sheh që Turqia dhe Serbia, pavarësisht se nuk janë kaq të afërta me njëra-tjetrën, po nga pikëpamja e biznesit, e zhvillimit e të tjerë, kanë shkëlqyer. Ne e konceptuam dhe njëherë marrëdhënien me Turqinë, hajde të marrim njërin se s’po ja përmend emrin, se kam muhabet me të, një biznesmen nga Vlora, po e fusim aksioner, po e fusim me këtë. Jo hajde të shkojmë, jo bëjmë shou, bëjmë pushime, jo bëjmë takim, bëjmë shou. Konkretisht, pas 13, 14, 14 vjetësh, çfarë kemi me Turqinë? Shumë pak gjëra kemi me Turqinë. Kemi Çalikun, po Çaliku ka ardhur në kohë të Fatos Nanos, nuk ka ardhur as në kohë të Berishës, as as në kohë të Ramës. Bizneset e Çalikut janë në Shqipëri ato që janë më të rëndësishmet, grupi Çalik. Kemi bankën, po dhe ajo atëherë ka ardhur. Madje në këtë moment që flasim mbase s’kemi as Turkish Airlines sepse ja hoqën fluturimet Turkish se do t’i jepnin ekskluzivitetin kësaj, ëh Air Albania-s.

-Jo tani Turkish Airlines e ka marrë në dorë se…

Ilir Kulla: Jo jo, po do fillojë, do rifillojë fluturimin se deri tani ka qenë pa fluturim fare. Domethënë, nuk është se kemi ndonjë gjë të madhe me Turqinë. Kemi pasur vetëm shou. Turqia ka hedhur para këtu për jo rindërtimin, këto gjërat që the, po gjithë kjo ka qenë shou.

– Në momente kyçe elektorale ka kontribuar.

Ilir Kulla: Jo xhanëm, e pra, e pra, e, është shfrytëzuar politikisht edhe është imagjinuar politikisht dhe ka luajtur, madje ka luajtur në një mënyrë as kështu, as ashtu, se i ka thënë që ja unë do t’i sulmoj gylenistët, do i pastroj gylenistët, po pastaj gjithë gylenistëve u dha shtetësinë dhe i ka punësuar si këshilltarë. *noise* Këtë ta thotë një njeri që Erdoganin e ka takuar disa herë. Herën e fundit unë me Erdoganin, e me dikë tjetër që s’duhet t’i përmend ata dy zotërinjtë e tjerë. Kemi ndenjur tre orë e gjysmë në tavolinë në Sarajevë para shtatë vjetësh. Duke biseduar pikërisht këto gjërat me Shqipërinë. Pra, pas 13 vjetësh çfarë kemi ne me Turqinë? Shumë pak gjëra. Pra, edhe me Turqinë është luajtur me imazh. Pra, le ta shohim kështu. A shqetësohen turqit po të lëvizim ne ambasadën në Jeruzalem? Do bëjnë disa deklarata e të tjera. Po de facto, Kosova e çoi ambasadën në Jeruzalem, po marrëdhëniet e Kosovës me Turqinë janë të shkëlqyera. Nuk është se i prish ndonjë punë. Kështu që, as mos ta shohim menjëherë kështu sikur dikush këtu është i rëndësishëm të tregojë që dikush në Turqi u nxeh për shkak të vizitës në Jeruzalem dhe prandaj ne jemi kaq të rëndësishëm se ndryshe na vjen Turqia. A mos jemi në kuadër të këtij manipulimi sërish? Dhe sidomos sot në kohën e rrjeteve sociale, kjo gjë është shumë e thjeshtë për liderët. Pse është e lider, për liderët shumë e thjeshtë kjo gjë? Shiko, deri dje, kur nuk kishte rrjete sociale, kur nuk kishte këtë lloj komunikimi publik, të qeverisje një vend si Shqipëria ishte problem, sepse ki parasysh, çdo qark donte të vetin, çdo katund donte të vetin, partitë politike, Fatos Nano i shkretë kishte aty brenda KPD-në e kryesinë e i çanin kokën ministrat, të gjithë ata, jepte të gjithëve llogari atyre. Ky sot as as i takon më, domethënë, ja ka deleguar Taulant Ballës grupin parlamentar. Dhe e vetmja mënyrë që komunikon ky me njerëzit janë rrjetet sociale. Pra, kush të thotë ty dhe mua që nuk është pikërisht interes i këtij zotërisë sot, për problemet që ka, në mënyrë të jashtëzakonshme, sepse është një një aktor i jashtëzakonshëm për këtë pjesë, që i intereson pikërisht që t’i thotë edhe dikujt në Perëndim, e shikon që m’u mërzitën myslimanët? Kështu që mos më lëshoni se unë ja, unë jam ai që po luaj, që po bëj ekuilibër. Aq më tepër që ka një opozitë budallaqe këtu që nuk e kuptojnë. Bie direkt në këtë gracë. Kështu që nuk e si pashë ndonjë gjë të veçantë nga Turqia. Pashë nja 20 veta që ishin mbledhur këtu, Mexhlisi, një organizatë këtu në qendër të Tiranës, edhe ata i kishin nxjerrë pikërisht në rrjetet sociale të Edi Ramës, edhe në këto mediat pro-qeverisë, që të thonin, ja shihe, e shikon si na janë nxehur këta? Po nuk është se pashë që nuk zu gjumi njeri në Stamboll apo, ku di unë, Hakan Fidani i shkretë, që e njeh Shqipërinë që kur ka qenë kreu i TIKA-s, kur unë kam qenë kryetar i kulteve para 21 vjetësh, ai ka qenë kreu i TIKA-s e pastaj drejtor i shërbimit sekret pra e njeh në detaj. Nuk e zu gjumi se bëri Rama vizitë në në në Jeruzalem. Sepse kanë halle të tjera. Ki parasysh, kanë Iranin në kufi. Turqia gjithë këto ditë është shprehur, mos sulmoni Iranin, mos, mos zgjerojmë konfliktin, mos zgjerojmë luftën e të tjerë. Është, ka kaq shumë halle bota, domethënë, Ukraina e të tjerë e të tjerë, saqë të mendosh që një vizitë periferike e një vendi shumë periferik, në një kohë që s’prodhon asnjë lajm ndërkombëtarisht, sepse lajm ndërkombëtarisht do të ishte për shembull zhvendosja e ambasadës në në Jeruzalem. Besoj që më shumë kjo shkon në llogjikën që i intereson dikujt këtu të tregojë që kemi një lajm dhe duhet të ta them. Është i jashtëzakonshëm. Administrimi i menaxhimit publik të lëvizjeve të tij është i jashtëzakonshëm.

Në emisionin  “Now” me Erla Mëhillin këtë të mërkurë janë publikuar disa dokumente ku paraqitet sesi hebrenjtë në Shqipëri konvertoheshin në myslimanë dhe në besime të tjera fetare. Në dokumentin e vitit 1940 paraqitet shkrimi i cili tregon sesi një çift hebre ka vendosur të konvertohet në myslimanë.

“Sipas njoftimit të bërë nga kryenyftia e zonës Tiranë, vërtetojmë se zoti Sikfrid dhe zonja e tij me nënshtetësi shqiptare të regjistruar në zyrën civile në Shkodër me vullnetin e tyre të lirë kanë pranuar të përqafojnë fenë islamë duke kryer formalitete të nevojshme fetare kështu quhen pjesëtarë të këtij komunitetit të besimit mysliman dhe me emrat e rinjë qe i kanë pëlqyer,” theksohet në letër.

Historiania, Nevila Nika u shpreh se këto konvertime i përkasin periudhës së luftës teksa theksoi se kjo bëhej që hebrenjtë të mos identifikoheshin nga pushtuesit në vendin tonë.

“Certifikatat e konvertimit janë hapur diçka që e cila vinte për shtat familjeve hebreje për të mos u identifikuar nga pushtuesit. Si ky dokument ke edhe te komuniteti katolik, ortodoks. Ka shumë si këto. Natyrisht kanë bërë edhe falsifikime”, tha ajo ndër të tjera.

Banorja e Big Brother VIP Kosova 4, Elijona Binakaj, ka bërë një rrëfim shumë prekës në dhomën e rrëfimit, duke prekur zemrat e publikut me historinë e saj personale.

Teksa po festonte ditëlindjen e saj të 19-të brenda shtëpisë më të madhe në vend, Elijona u shfaq e vetmuar dhe e emocionuar, duke shpërthyer në lot gjatë rrëfimit të saj.

“Zakonisht për çdo ditëlindje mërzitem, por kur mërzitem e kam të paktën babin ose familjen që ma heqin pak mërzinë. Tani jam krejt vet dhe mosha që do ta mbush po më mundon, sepse motra ime kur i ka pasur 19 vjet ka ndërruar jetë dhe tani unë arrita në moshën e saj. Nuk po më duket fer të jetoj në të… nuk e di”, u shpreh ajo mes lotësh.

Në vazhdim, Elijona shtoi se kjo ditëlindje shënon një tjetër moment të vështirë në jetën e saj pa njerëzit më të dashur.

“Janë bërë katër ditëlindje, tani po bëhet e pesta që e festoj pa nënën dhe motrën”, tha ajo duke qarë.

Historia e Elijona Binakajt konsiderohet si një nga më të dhimbshmet. Nëna dhe motra e saj kishin humbur jetën në një aksident tragjik me autobus në Kroaci, teksa po udhëtonin nga Gjermania drejt Kosovës për vizitë.

Rrëfimi i saj i sinqertë dhe i ndjerë ka ngjallur reagime të shumta nga publiku, i cili ka shprehur mbështetje dhe empati për Elijonën, duke e vlerësuar guximin e saj për të ndarë një histori kaq të dhimbshme në një moment kaq të ndjeshëm.

Belinda Balluku me fletë arresti vazhdon emërimet e pjesëtarëve të bandës, përzë Gazhelin nga “Doganat” dhe emëron besnikun e saj.

Pavarësisht se ndodhet nën hetim të thelluar nga SPAK për disa procedura tenderuese dhe përmendet në një seri dosjesh hetimore që përfshijnë shkelje të rënda ligjore, Belinda Balluku vazhdon të sillet si e paprekshme nga ligji, duke ndërhyrë drejtpërdrejt në emërime dhe shkarkime në institucionet më të rëndësishme të shtetit.

Sipas burimeve konfidenciale, dyshohet se me kërkesë të drejtpërdrejtë të saj është larguar nga detyra pas afro gjashtë vitesh në krye të Doganave Gent Gazheli, një nga drejtuesit më jetëgjatë të këtij institucioni, për t’i hapur rrugën emërimit të një figure besnike të Ballukut.

Në vend të Gazhelit është emëruar Besmir Beja, i konsideruar si njeri i afërt dhe i besuar i ministres, i cili deri më tani ka mbajtur postin e Sekretarit të Përgjithshëm në Ministrinë e Financave. Ky veprim shihet si pjesë e një skeme më të gjerë spastrimesh dhe ripozicionimesh, ku Balluku po konsolidon kontrollin e saj mbi strukturat kyçe fiskale dhe financiare të shtetit, në një kohë kur ndaj saj rëndojnë dyshime serioze penale.

Gazheli, i cili drejtoi Doganat që prej vitit 2020, është “sistemuar” nga qeveria në postin e zëvendësministrit të Mjedisit, një lëvizje që në qarqet politike interpretohet si largim i butë për të shmangur përplasjet dhe për të mos lënë gjurmë rezistence ndaj urdhrave të Ballukut.

Sa shumë paska tredhur Balluku!

Kjo vendimmarrje vjen në një klimë ku, sipas analizës së gazetarit Basir Çollaku, Balluku ka ndërtuar një rrjet të gjerë ndikimi dhe frike, që shkon shumë përtej ministrisë që ajo drejton. Në analizën e tij, Çollaku ngre pikëpyetje të forta mbi arsyen pse, pavarësisht statusit të saj penal dhe fakteve të bëra publike, ajo jo vetëm nuk shkarkohet apo arrestohet, por vijon të ushtrojë pushtet absolut.

“Kur mediatikisht shpërtheu një copëz bisede referuar se ishte bërë mes Ramës dhe Ballukut, në takimin maratonë të tij me të akuzuarën, pas marrjes së saj të pandehur, se ajo nuk ishte si Veliaj, nuk mund të shkarkohej, as të arrestohej, se po të bënin vaki këto, ajo do ta merrte me vete palloshin e gjatë, spekulimet për pavërtetësi zhurmuan pafund. Po sot?! Pyetja është, sa shumë politikanë, gjithë-kuvendarë, pozitarë, grinjarë, prokurorë, gjyqtarë, biznesmenë, kushtetues e mediatikë paska tredhur Balluku? Burra dhe gra pa kokërr dallimi.

Majtas dhe jo vetëm, pa kokërr dyshimi. Rama kryeson listën e kapjes. Pafuqia e tij, lidhet me fakte e prova, ku ai përmendet, porosit, vepron, kërkon ndere e merr vendime, të cilat formalisht i ekzekuton zëvendësja në hetim. Njëherësh tani edhe publikisht, Rama kryeson aksionin kanosës publikisht ndaj Prokurorisë dhe Gjykatës së Posaçme si dhe asaj Kushtetuese. Këtu del tredhëria si model. Po kapërcehen dy muaj me akrobaci politike dhe burokratike.

Pasi telendisi Kushtetuesen ata u harkuan nga trysnia e Ramës ditën dhe hijet e lëvizjeve të Ballukut natën, për të hequr pezullimin nga detyra, masë e vendosur nga Gjykata e Posaçme. Fitili u ndez. Kjo shërbeu si masë bllokuese ndaj hetimit, për të shkuar në vendimmarrje të tjera. E pandehura po lejohej në zyrë. Nuk munguan veprimet. Tendera të tjerë shpërthyen. Dhjetëra milionë të tjerë euro. Në prag firme janë disa premtime për kontrata qindra milionë euro.

Pa këllqe profesionalo-morale, Kushtetuesja kërkoi kohë mendimtarësh. Fundja vetë vulos e firmos. Kuvendi, shumica rilindase nuk lejonte shqyrtimin e kërkesës së SPAK, për heqje imuniteti dhe arrest të zëvendëses së Ramës. Çështje të palidhura. Peleshi i bindet shefit. Do presim Kushtetuesen. Duket se 28 janari u la si datë, me një bindje se me 22 janar, Gjykata Supreme do të kishte pjekur mendimin e saj të vyer juridik.

Por sërish ata duan kohë. Nuk dinë se çfarë të bëjnë. Aq sa kohë do shef Rama, aq sa do shefe Balluku. Këtej struken nga Rama andej mbahen shënime nga Ambasada. Prokuroria zbulon intimidimin e dëshmitarëve nga zv/kryeministrja. Kjo mund të kishte shërbyer edhe si flagrancë. Prishja e provave ekspozohet radikalisht. Amerikanë dhe evropianë në krah të prokurorisë i kërkojnë Kryeministrit të mos i bëjë presion drejtësisë e mos mbrojë ministren e pandehur.

Asgjë. Ai nuk e rruan për askënd. Po sa paska tredhur Balluku, kur shihet se për të “Neroni” i qeverisë do të djegë gjithçka? Çfarë ka në ato 16 mijë faqe dërguar në Kuvend? Sa ka më rëndë në mijëra faqe të tjera, me prova shumë më të rënda në prokurori? Pyetjet publike janë shqeto: Përveç Ramës, sa ministra, ish-ministra, deputetë, gazetarë, operatorë mediatikë janë kapur për institucionesh? Kjo nuk është një mesele synetllëqesh. Jo jo. Shkon më larg bisturia. Sa biznesmenë të cilët janë aktorë të rëndë ekonomikë dhe elektoralë janë rrotull e brenda dosjes, ku gjezdisin duart e Ballukut e sms-të e Ramës?

Sa diplomatë e ambasadorë të heshtur, kanë ndonjë mjaltosje gjëkundi nga tendera ndërkombëtarë, të fituar ballukisht? Sa shërbime sekrete lindore, duan zëvendësen e Ramës aty ku është? Sa banda dhe grupe kriminale, organizata të trafikut të kokainës, me investime strategjike miliona euro, duan Ballukun si garanci firmëtare aty në atë karrige? Sa narko-terroristë janë në këtë lojë?

Sa Sinaloa dhe Ndranghteta janë në krah të narko-qeverisë me Ramën dhe zëvendësen në tryezat e tyre? Kjo është një përballje e drejtëpërdrejtë e Edi Ramës në anën narcos, me SPAK dhe mbështetësit e tyre USA-BE. Deri tani Rama i ka mundur. Paligjshmërisht sigurisht. Ky dështim, nëse vazhdon kështu, bën qesharak investimin më të madh në drejtësi, Prokurorinë dhe Gjykatën e Posaçme. Të tjerat janë dokrra hini…!”, shkruan Çollaku.

Në këtë kuadër, vijimi i emërimeve, tenderëve dhe kontratave me vlera dhjetëra e qindra milionë euro, ndërkohë që ndaj Ballukut rëndojnë akuza dhe dosje voluminoze në SPAK, shihet si tentativë e hapur për të bllokuar hetimet, për të intimiduar dëshmitarë dhe për të shkatërruar prova.

Pranvera dhe Marjani, një çift i njohur në rrjetet sociale, kanë tërhequr vëmendjen e publikut me lidhjen e tyre, e cila sfidon normat tradicionale.

Ajo që filloi si një histori dashurie, tani është bërë një temë debati për shkak të besimeve të ndryshme fetare mes tyre.Çifti ka ndarë me ndjekësit e tyre momente të përditshme, duke krijuar një lidhje të ngushtë me ata. Megjithatë, Pranvera ka vendosur të reagojë ndaj komenteve negative që kanë ardhur për jetën e saj private dhe martesën me Marjanin, duke theksuar rëndësinë e respektit dhe tolerancës.

Një ndjekës i saj e kritikoi publikisht, duke e quajtur lidhjen e tyre si “imoralitet” për shkak të feve të ndryshme. Pranvera, e cila është myslimane, e mori këtë mesazh si një thirrje për të shpjeguar se feja është një çështje personale dhe se çdo individ ka të drejtën të zgjedhë për veten e tij.

Mesazhi që nxiti reagimin: “Feja është personale”

Reagimi i Pranverës ishte i qartë dhe i drejtpërdrejtë. Ajo theksoi se besimi është një çështje individuale dhe se nuk ka nevojë për të bërë zhurmë për të. “Feja është shumë personale dhe as nuk është nevoja me e bërtitë, se e ke veç për vete e për askënd tjetër,” shprehet ajo, duke inkurajuar ndjekësit të jenë më të hapur dhe të respektojnë zgjedhjet e të tjerëve.

Harmonia në familje: “Mbi të gjitha kemi dashninë”

Pranvera e sqaroi se, pavarësisht dallimeve fetare, ajo dhe Marjani kanë ndërtuar një marrëdhënie të fortë mbi respektin dhe dashurinë. Ajo nënvizoi se në shtëpinë e tyre mbizotëron një atmosferë harmonike, ku secili respekton besimin e tjetrit. “Unë dhe burri im respektojmë fetë e njëri-tjetrit sepse mbi të gjitha kemi dashninë,” tha ajo.

Mesazhi për fund: Besimi nuk përdoret për përfitime

Në përfundim, Pranvera shprehu krenarinë për imazhin që ata si çift përcjellin, duke përfshirë edhe fëmijën e tyre. Ajo theksoi se asnjëherë nuk e kanë përdorur fenë për përfitime personale, duke besuar se para Zotit, çdo individ gjykohet sipas pastërtisë së shpirtit të tij. Kjo qasje e saj është një thirrje për tolerancë dhe mirëkuptim në një shoqëri që shpesh është e ndarë nga paragjykime.

Kryetari i Partisë Demokratike, Sali Berisha, denoncoi zgjedhjet e 11 majit gjatë një fjalimi në Asamblenë Parlamentare të Këshillit të Europës.

Por lideri i opozitës u ndërpre nga drejtuesja e seancës, e cila i fiku mikrofonin, ndërkohë që ishte duke u zhvilluar një debat për temën “zgjedhjet në kohë krizash”.

Berisha e nisi fjalimin e tij duke iu referuar kësaj teme dhe ndërhyrjes së Rusisë në proceset zgjedhore, por më pas kaloi në situatën në Shqipëri, ku tha se 28 deputetë kanë hyrë në Parlament me mbështetjen e krimit.

Drejtuesja e seancës: Fjalën e ka zoti Sali Berisha

Sali Berisha: Mendoj se çështja e zgjedhjeve, si në krizë ashtu edhe jashtë krizës, pyetja më themelore është kjo: a ka zgjedhje apo ka një farsë zgjedhore? Zgjedhjet i shërbejnë shtetit të së drejtës, ndërsa farsa zgjedhore ka efektin e kundërt. Unë dënoj fuqishëm ndërhyrjen ruse në zgjedhjet e vendeve të tjera, por jam këtu gjithashtu për të denoncuar dy faktorë të tjerë madhorë që mund t’i shkatërrojnë zgjedhjet. Njëri prej tyre është shteti–parti ose partia–shtet, ashtu siç u tha këtu nga vëzhguesit se në Shqipëri zgjedhjet u zhvilluan në klimën e një shteti partiak. Problemi i dytë madhor është narkoshteti.

Narkoshteti është një gjendje në të cilën droga dhe krimi shndërrohen në vota, dhe votat më pas shndërrohen në krime. 28 deputetë që kanë hyrë në parlament janë mbështetur nga kartelët më të fuqishëm të drogës. Pas kësaj, ata kanë marrë 450 leje për hotele, motele, ndërtesa dhe resorte turistike. Më pas, mandatet e tyre janë përdorur për të bllokuar të gjithë prokurorinë. Prokuroria kërkon të arrestojë dhe t’i heqë imunitetin zëvendëskryeministres. Edi Rama, kryeministri që quhet Ramaduro, e ka bllokuar iniciativën e prokurorisë dhe nuk po e lejon. Pse? Sepse në çdo tre rreshta të këtij dosjeje është emri i tij. E njëjta gjë po ndodh edhe me AKSHI, Agjencinë Kombëtare të Teknologjisë.

Drejtuesja e seancës: Faleminderit shumë.

(Berisha vijon të flasë pa mikrofon)

Drejtuesja e seancës: Mikrofoni gjithashtu është i fikur, nuk ka më përkthim. Faleminderit shumë. Para se të kalojmë te zoti Laszlo Veche, sepse ai kishte një listë tjetër, por tani mund ta marrë dhe ai është gati. Ju lutem, e keni fjalën.

Top Channel

Avokati Idajet Beqiri ka lëshuar një deklaratë të bujshme sa i përket rastit të zhdukjes së Bleona Matës.

I ftuar në “Ftesë në 5” në Top Channel, ai u shpreh se babai i vajzës mund të ketë lidhje në zhdukjen e saj, kjo pasi është treguar prej vitesh shumë indiferent për këtë çështje.

“Fjalët e mia shkojnë edhe për të atin. S’ka treguar kurrë interes për këtë. Për fat të keq, ai është pjesë e lojës. Këtë ju a them unë me bindje. Hetimet do vazhdojnë dhe jam i bindur se shumë shpejtë do shkojmë te foleja e grerëzave. Problemi është që babai del keq shumë në këtë lojë”, u shpreh avokati.

Ai gjithashtu shtoi se Bleona Matës ka disa opsione pse ajo nuk ka bërë ende asnjë reagim pas 15 vitesh, duke hequr çdo mundësi që ajo të ketë ndërruar jetë.

“Për mua është gjallë. Por çdo gjë ndodh në këtë vend. Ne kemi parë edhe filma. Dikush thotë që pse nuk del vajza të flasë diku. Tani është 21 vjeçe. Si nuk i dërgon fjalë nënës së vetë. Në atë moshë që ka qenë, trysnia që është shtuar mbi të, frika që ka përjetuar, kanë bërë që një pjesë e kujtesës t’i eliminohet. Nga ana tjetër, mos të harrojmë që përdorin dhe medikamente të ndryshme që ta heqin kujtesën. Kjo është një enigmë  në kuptimin e parë të fjalës. Nuk ka shpjegim të mos reagonte. Duhet të reagonte patjetër.

Në aspektin e harresës ekstreme. Që ajo nuk di që Bukuria është nëna e saj. Nuk flas për probleme që mund të lidhen me frustimin e saj.

Në Greqi, ku mendohet se ka jetuar, thuajse 1/3 e asaj popullsie janë shqiptarë. Edhe Gjermani e njëjta gjë. Mendohet se ka shkuar nga Greqia në Gjermani.

SPAK-u do i shkojë deri në fund. Çdo version është hedhur. Janë edhe ato mendjet e prishura që e kanë ngrënë arinjtë ose ndonjë kafshë e egër, por do ishte gjetur diçka. Të gjitha janë përralla. Këto më bëjnë të besoj që vajza jeton”, shtoi ai.