Category: Lajme

Nga Giorgio Liuzzo – La Sicilia

Sot në Palermo, në selinë e Asamblesë Rajonale të Siçilisë , u mbajt një seancë dëgjimore delikate nga Komisioni Parlamentar Antimafia , i udhëhequr nga Presidenti Antonello Cracolici.

Folësi kryesor ishte gazetari investigativ Giuseppe Bascietto , me origjinë nga Vittoria , i cili u thirr për të raportuar mbi zhvillimet e fundit në krimin e organizuar në Siçili. Një pjesë e seancës ishte e klasifikuar, një shenjë e rëndësisë dhe ndjeshmërisë së temave të diskutuara.

Bascietto shpjegoi se takimi, i cili zgjati gati dy orë , u përqendrua kryesisht në aktivitetet e krimit të organizuar shqiptar dhe degëzimet e tij në Siçili.

“Ne në thelb folëm për krimin e organizuar shqiptar , aleancat e tij me figurat dhe klanet lokale: në Gela me familjet Paolello dhe Rinzivillo , në Catania me klanet Cappello , Arena dhe Nizza nga lagjja Librino , të cilët u bashkuan me Cappellos , duke lënë pas Santapaolas . Në Sirakuzë, është klani Bottaro , ndërsa zona e Avola , Pachino dhe Rosolini është nën kontrollin e klaneve Aparo , Trigila dhe Crapula , me referenca edhe për klanin Nardo .”

Sipas Bascietto-s, situata aktuale është shumë shqetësuese sepse “këto organizata të reja po e ndajnë Siçilinë në dysh , duke vepruar pa pëlqimin e Cosa Nostra-s së Palermos dhe duke ia kaluar kokën. Kjo po krijon një sërë problemesh dhe tensionesh në rajon”.

Gazetari theksoi se si aftësia e shqiptarëve për të krijuar aleanca ka qenë thelbësore për depërtimin e tyre në Siçilinë juglindore , historikisht e konsideruar si “barku i butë” i rajonit , një zonë që gjatë viteve të Stidda-s i kishte shpallur luftë Cosa Nostra-s së Palermos .

Bascietto shpjegoi se si, sipas mendimit të tij, Siçilia juglindore po transformohet në “portin e ri të Gioia Tauro” , duke u bërë një qendër nervore për trafikun ndërkombëtar të drogës .

“Droga mbërrijnë, klasifikohen në fshat dhe më pas fshihen në fikëset e zjarrit , speca ose në fundet e modifikuara të kamionëve, për t’u shpërndarë më pas në të gjithë Evropën . Logjistika është e thjeshtë: fillon nga Catania , ngjitesh drejt Kalabrisë ku ndodhet mbulesa e familjeve historike ‘Ndrangheta’, si Coluccia ‘ndrina dhe ‘ ndrina e Gioiosa Ionica dhe Marina di Gioiosa Ionica . Nga atje vazhdon për në Lecce dhe ende në zonën e Brindisit, ku vepron klani Buccorella , i lidhur me ‘ndrinat kalabreze të Coluccia , ato të Gioiosa Ionica dhe Marina di Gioiosa Ionica dhe të ashtuquajturat “puorcu” të Vittorias ; Nga Lecce mallrat ndërrojnë shoferë në çdo kryqëzim, derisa të arrijnë në Gjermani , ku shpërndahen më tej për të arritur në të gjithë kontinentin.”

Deklaratat e tij kanë tërhequr vëmendjen e Komisionit , duke nxjerrë në pah kompleksitetin dhe rrezikun e aleancave të reja kriminale që po ripërcaktojnë gjeografinë e mafies siciliane .

” Vetëm hetimet e ardhshme do të jenë në gjendje të sqarojnë se deri në çfarë mase këto organizata po veprojnë pa pëlqimin e mafies së vjetër”, nënvizoi gazetari, duke bërë thirrje për vigjilencë të lartë dhe promovimin e një bashkëpunimi gjithnjë e më të ngushtë midis zbatimit të ligjit dhe institucioneve .

29 Janar 2026

Kanë kaluar 20 ditë nga zhdukja e Jurgen Karajt, 30 vjeç, i cili dyshohet se është marrë nga ujërat e përroit të Darsit, në territorin e Bashkisë Klos. Pavarësisht kërkimeve intensive të zhvilluara deri më tani, autoritetet nuk kanë arritur ende në asnjë rezultat konkret për gjetjen e tij.

Që prej ditës së parë, në operacionin e kërkimit janë angazhuar forca të shumta, përfshirë Forcat e Armatosura, efektivë të forcave “Shqiponja”, shërbimet zjarrfikëse të Matit dhe Klosit, punonjës të Bashkisë Klos, si dhe banorë të zonës dhe familjarë të të riut të zhdukur.

Për shkak të vështirësisë së terrenit dhe mungesës së rezultateve, kërkimet pritet të intensifikohen ndjeshëm, pasi sot do t’i bashkohet operacionit edhe një ekip i specializuar nga Kosova, i fokusuar në kërkime nënujore.

Me urdhër të Presidentes së Republikës së Kosovës, Vjosa Osmani, mbrëmjen e djeshme është autorizuar dislokimi i një njësie të posaçme të Forcës së Sigurisë së Kosovës (FSK), e cila do të angazhohet në zonën e Klosit për të ndihmuar në zbardhjen e fatit të 30-vjeçarit.

Burime bëjnë me dije se ky vendim është marrë pas një procesi të ngushtë bashkërendimi institucional mes autoriteteve të dy vendeve. Gazetari Enver Doçi raporton se Presidentja Osmani ka ndjekur nga afër koordinimin për dërgimin e ekipit të specializuar drejt Shqipërisë.

Në kuadër të operacionit pritet të përdoren pajisje teknologjike të avancuara, përfshirë:

Skaner për ujëra EDGE TECH 5201,

Dron nënujor DEEP Trekker DTG 3 ROV, me qëllim kontrollin e zonave të vështira dhe të paarritshme më parë.

Autoritetet shpresojnë se përdorimi i këtyre mjeteve do të ndihmojë në përparimin e kërkimeve dhe në dhënien e një përgjigjeje për familjen e të riut, e cila prej javësh po pret me ankth zbardhjen e fatit të tij.

Transferohet drejt spitalit të Traumës në Tiranë, kalimtari i lënduar trë ditë më parë në “përleshjen” mes babit dhe të bijës. Sipas familjarëve të tij, Onard Memlika, është në gjendje të rëndë dhe ndodhet aktualisht në reanimacionin e spitalit të Traumës, shkruan A2 CNN.

I riu mbeti i plagosur pasi ndërhyri në sherrin mes 56-vjeçarit Mikel Ndoj dhe vajzës së tij 24-vjeçare, e cila po ashtu mbeti e plagosur. Ai ishte vetëm një kalimtar i rastësishëm që u përpoq të shuante sherrin, por fatkeqësisht mbeti vetë i plagosur.

Në njoftimin zyrtar, policia e Durrësit bëri të ditur të hënën, se të dy të plagosurit ishin në spitalin rajonal, jashtë rrezikut për jetën, por duket se me kalimin e ditëve gjendja e 35-vjeçarit është përkeqësuar. (A2 Televizion)

I akuzuar për vrasjen e bashkëshortes së tij Liridona Ademaj dy vjet më parë, i pandehuri Naim Murseli ka rrëfyer versionin e tij në seancën e sotme në Gjykatë, duke u betuar edhe për fëmijët se nuk ishte prezent në momentin e krimit.

Ai ka thënë se nuk ka bërë asnjë marrëveshje për të vrarë bashkëshorten e tij Liridona Ademaj.

“Nuk kishte asnjë marrëveshje për të vrarë Liridonën”, ka thënë ai.

Gjithashtu, sipas raportimeve të medias kosovare, ai ka theksuar se në momentin e vrasjes ai dhe fëmijët nuk ishin në makinë.

“Ju betohem në dy fëmijët e mi që nuk kam qenë në makinë kur është vra Liridona Ademaj, as unë as fëmijët, kam qenë së paku 20 metra larg”, tha ai.

Më tej Murseli shprehu pafajësinë e tij, duke mohuar konfliktet në çift.

“Me Liridonën jemi fejuar në vitin 2010 dhe jemi martuar më 11 dhjetor 2011, që i bie kam pasë 12 vite martesë me Liridonën dhe si rezultat i asaj martese kemi dy fëmijë, dhe marrëdhënia ime me Liridonën ka qenë shumë e mirë, e lumtur. Liridona ka qenë një grua e mrekullueshme, një nënë e përkushtuar dhe një bashkëshorte e devotshme. Ne kemi jetuar në Suedi ku Liridona pas 3 vitesh qëndrim, është bërë edhe shtetase suedeze, pra si pasojë e martesës sonë”, ka thënë ai.

Sipas aktakuzës, vrasja dyshohet të ketë qenë e planifikuar. Prokuroria tha se ekzistonte marrëveshje që krimi të kryhej nga Granit Plava në këmbim të 30 mijë eurove, ndërsa arma dyshohet se ishte siguruar nga Naim Murseli përmes Kushtrim Kokallës.

Gjatë procesit gjyqësor, organi i akuzës ka paraqitur prova materiale dhe pamje filmike nga momentet para dhe gjatë ngjarjes, të cilat janë përfshirë në dosjen e rastit.

Sipas hetuesve, krimi ka ndodhur në kohën e 7 minutave dhe ka qenë i organizuar nga vetë bashkëshorti i të ndjerës.

Ish-futbollisti dhe trajneri i portierëve Diego Ruspantini ka ndërruar jetë papritur në moshën 46-vjeçare, duke tronditur familjen, miqtë dhe komunitetin sportiv në Itali. Ngjarja e rëndë ka ndodhur në Porto Recanati, në rajonin Marche, ku ai jetonte me familjen e tij.

Ruspantini kishte darkuar me bashkëshorten dhe dy fëmijët e tij, para se të shkonte të pushonte duke u shprehur se nuk ndihej mirë. Më vonë gjatë natës, ai u gjet pa ndjenja në dhomën e gjumit dhe ekipet e emergjencës konstatuan se kishte ndërruar jetë.

Autoritetet kanë bërë me dije se vdekja është cilësuar si natyrale dhe e shkaktuar nga një sëmundje e papritur, megjithatë prokuroria e Maceratës ka urdhëruar analiza shtesë për të sqaruar plotësisht shkaqet, çka ka sjellë edhe shtyrjen e ceremonisë mortore.

Diego Ruspantini ishte një emër i njohur në futbollin amator italian. Ai e nisi karrierën e tij si portier në fund të viteve ’90 dhe ka luajtur në disa kategori të futbollit italian, nga Serie D deri në kampionatet rajonale. Pas përfundimit të karrierës si lojtar, ai u përkushtua si trajner portierësh dhe themeloi një akademi sportive për të rinjtë.

Ish-deputeti Petro Koçi është rreshtuar kundër Partisë Socialiste lidhur me zvarritjen për mbledhjen e Këshillit të Imunitetit dhe Mandateve për të shqyrtuar kërkesën e SPAK për hapjen rrugë të arrestimit të zv/kryeministres Belinda Balluku.

Në një status në rrjete sociale, Koçi shkruan se e vetja arsye që justifikon hapësirën kohore nga ardhja e kërkesës së SPAK në Kuvend dhe seancës për shqyrtim, është afati që iu nevojitet anëtarëve të Këshillit për të shqyrtuar argumentet e Prokurorisë së Posaçme.

Referuar arsyetimit të PS-së, të cilët e kanë bërë të qartë që nuk ka mbledhje të Këshillit të Mandateve pa u shprehur më parë Gjykata Kushtetuese për pezullimin e Ballukut nga detyra, ish-deputeti e cilëson si justifikim.

Koçi shkruan se cili do qoftë vendimi i GJK-së, nuk do ka asnjë efekt çështjen hetimore të nisur tashmë për Belinda Ballukun. Ish-deputeti socialist e mbyll postimin e tij duke thënë se një dorëheqje e dhënë nga ana e Ballukut, që në fillim të kësaj çështje, do të ishte lehtësi dhe përkundrazi, nuk do të dëmtonte as qeverinë.

Postimi i Petro Koçit:

Kuvendi i Shqiperise si perfaqesues i sovranit nuk ka asnje justifikim ne zvarritjen e shqyrtimit te kerkeses se SPAK per te dhene lejen parlamentare per mase sigurie ndaj nje ministri apo deputeti.

E vetmja arsye qe justifikon hapesiren kohore mes dates se mberritjes se kerkeses dhe dates se shqyrtimit ne seance plenare eshte koha e pershtatshme ne dispozicion te anetareve te Komisionit te Mandateve dhe Imuniteteve per te shqyrtuar dosjen me argumentat e prokurorise se posaçme.

Ndersa arsyetimi i shtyrjes se shqyrtimit te ceshtjes ne ate Komision me faktin se Gjykata Kushtetuese akoma nuk eshte shprehur ne menyre perfundimtare per ankimimin perkates te Kryeministrit nuk qendron sepse GJK tashme duke mare shkas nga rasti Balluku do percaktoje nje norme kushtetuese e cila do legjitimoje ose jo fuqine ligjore te GJKKO per te pezulluar ne te ardhmen nje minister nga detyra. Cilido te jete vendimi dyopsionesh i GJK nuk ka efekt mbi ndjekjen penale.

E them kete sepse SPAK e ka kapercyer pozicionin paraprak te kerkeses per pezullim dhe ka ardhur te kerkesa me e ndjekur ne praktiken e deritanishme per leje te dhenies se mases se sigurimit me arrest qe une besoj si arrest ne shtepi.

Ne fakt ne do te kishim nje situate me te lehtesuar nese do kishim nje reagim me doreheqje qysh me fillimin e ndjekjes penale.

Ne praktiken perendimore doreheqja jepet edhe nese ndjekja penale fillon edhe per ceshtje qe nuk kane lidhje me funksionin.

Gjykoj qe keto zvarritje sjellin vetem deme per qeverine, maxhorancen tone dhe per vete te interesuarit e nga ana tjeter i japin jete nje kufome politike qe mallkon atdheun e vet edhe ne foltore nderkombetare

Mbrëmjen e djeshme Selin ka patur një debat të fortë me Rogertin, i cili i është drejtuar banores duke i thënë se ka “sugar daddy”, si dhe e ka pyetur se kush i ka blerë rrobat.

Gjithashtu Rogerti i ka përmendur Selin edhe një teze që ajo ka në Londër, ku sipas banorit, ajo dhe gruaja e tij janë shoqe.

Lidhur me akuzat e rënda që ka bërë Rogerti ndaj Selin, ka reaguar familja e balerinës. Sipas tyre, këto deklarata të banorit kanë prekur drejtpërdrejt nderin, dinjitetin dhe integritetin e saj si grua dhe profesioniste.

Familja shton se përdorimi i fjalës “sugar daddy” është shpifje e pastë dhe cenon rëndë figurën e saj morale.

Familja kërkon që të merren masat a duhura për Rogertin, që sipas tyre, ai ka vënë në dyshim dhe integritetin e saj profesional, duke sulmuar aftësinë e saj si balerinë.

“Selin ka hyrë në këtë eksperiencë me dinjitet, korrektësi dhe respekt për rregullat. Presim që i njëjti standard të ruhet dhe ndaj saj”, e mbyll deklaratën familja e banores së “Big Brother VIP 5”.

Postimi i plotë i familjes së Selin:

‼️REAGIM‼️

Si familje e Selines, ndjejme detyrimin moral dhe njerezor te reagojme publikisht lidhur me situaten e rende dhe te papranueshme qe ka ndodhur gjate oreve te fundit ne shtepi.

Duke nisur qe pas Prime te mbremshem, nje banor tjeter ka nisur nje seri akuzash, denigrimesh dhe shpifjesh te vazhdueshme ndaj Selines, duke e cuar debatin ne nje nivel te agravuar dhe thellesisht fyes. Keto deklarata kane prekur drejtperdrejt nderin, dinjitetin dhe integritetin e saj si grua dhe si profesioniste.

Jane hedhur akuza te renda dhe te paverteta, perfshire insinuata per “sugar daddy”, qe perbejne shpifje te pastra dhe cenojne rende figuren e saj morale. Po ashtu eshte vene ne dyshim integriteti i saj profesional, duke u sulmuar aftesia e saj si balerine, gje qe eshte jo vetem fyese, por edhe totalisht e pabazuar, duke qene se karriera dhe puna e saj flasin vete prej vitesh.

Me tej, jane hedhur akuza te paverteta ndaj produksionit, duke pretenduar se Selin ka pasur telefon gjate karantines ne hotel dhe se ka shkelur rregulloren e programit. Keto jane deklarata shume te renda, qe jo vetem demtojne imazhin e Selin, por vene ne diskutim edhe seriozitetin dhe korrektesine e produksionit.

Si familje, jemi te lenduar dhe te indinjuar nga kjo situate. Askush nuk ka te drejte te ngreje shpifje, te ul integritetin e nje vajze dhe te perdore fjale qe demtojne rende personalitetin dhe reputacionin e saj, per arsye loje apo strategjie.

Kerkojme nga produksioni qe kjo situate te trajtohet me seriozitetin maksimal dhe te merren masat perkatese sipas rregullores, per te ndalur gjuhen e denigrimit, shpifjet dhe sulmet personale qe tejkalojne cdo kufi te lojes dhe respektit njerezor.

Selin ka hyre ne kete eksperience me dinjitet, korrektesi dhe respekt per rregullat. Presim qe i njejti standard te ruhet edhe ndaj saj.

Me respekt,

Familja.

Ish-partneria e Safet Bajrit, Eria Ago ka kërkuar lirinë në Gjykatën e Lartë.

Kërkesa vjen pasi më herët ndaj saj Gjykata e Posaçme e Apelit zbuti masën e sigurisë nga ‘arrest në burg’ në ‘arrest shtëpie’.

Prej muajsh, Eria Ago mbahej në paraburgim në Pojskë, pasi dyshohej se ndihmoi Bajrin per tu larguar në vrasjen e Fatbardh Licit.

Ago ka mohuar akuzat e ngritura ndaj saj, duke thënë se nuk ka dijeni në lidhje me ngjarjen e ndodhur më 10 gusht 2018 në Shkodër, ku u vra Fatbardh Lici.

Sipas saj ditën kur ka ndodhur vrasja e Fatbardh Licit, ka qenë në Tiranë dhe pretendon se nuk e ka përdorur asnjëherë makinën e Astmer Bilalit.

Mirëpo, sipas dosjes së SPAK rezulton e kundërta. Eria Ago akuzohet se ka transportuar nga Shkodra në Tiranë, Astmer Bilalin.

Më 10 gusht të vitit 2018, Eria ka qenë në timonin e mjetit dhe ka ndihmuar në arratisjen e Astmer Bilalit, duke e sjellë nga Shkodra në Tiranë.

Ndihmoi Safet Bajrin në vrasjen e Fatbardh Licit, Eria Ago kërkon lirinë!

Në shtëpinë e Big Brother VIP Albania 5, ka ndodhur një moment mjaft tensionues.

Rogerti ka prekur një temë shumë të ndjeshme për DJ Gimbo, duke përmendur tragjedinë familjare të mikut të tij të ngushtë, këngëtarit Gjesti, i cili humbi vëllain e tij kohët e fundit.

Kur Rogerti është duke diskutuar për ngjarjen, DJ Gimbo ka ndërprerë menjëherë, duke i thënë qartë se nuk dëshiron që kjo temë të diskutohet, sidomos përpara kamerave të spektaklit.

Ai është shprehur se preferon të mos hapë këtë bisedë dhe ka kërkuar që të mos diskutohet rreth kësaj tragjedie brenda BBV.

Ky moment është komentuar gjerësisht nga shikuesit dhe ka ndezur debat në rrjetet sociale, teksa ka bërë që disa nga fansat të mendojnë për kufijtë e respektit ndaj jetës private edhe brenda një reality show-je.

VIDEO

Gazetari Elton Tozaj i cili vetëm 1 muaj më parë u rrah barbarisht, ka treguar së fundmi se është kërcënuar përsëri.

Me anë të një reagimi në ‘InstaStorty’ ai ka shkruar se nuk mund t’ja mbyllin gojën kërcënimet apo dhuna.

“Mund të më intimidoni rrihni ose kërcënoni, por kurrë nuk do mbyllni gojën e një gazetari të lirë të një vend të lirë“, shkruan ai.

Një detaj i bërë i ditur përsëri në rrjetet e tij sociale është se këtë herë gazetarit i është lyer shtëpia me benzinë nga persona të paidentifikuar.

Sipas Tozajt,i cili foli disa ditë më parë në emisionin “Me zemër të hapur”, sulmi i më 26 dhjetor 2025,erdhi pas publikimit të disa materialeve filmike që, sipas tij, provonin lidhje të rrezikshme mes personazheve të njohur të ekranit dhe individëve të botës së krimit.

Ai rrëfeu se mbrëmjen e ngjarjes ishte takuar me dy persona që i njihte, pa e ditur se takimi do të përfundonte në një akt dhune ekstreme. Nga momenti i sulmit, gazetari thotë se nuk mban mend asgjë, pasi ka humbur ndjenjat nga goditjet e forta.

“Misioni i gazetarit është të thotë të vërtetën, unë bëj showbizin, në dukje e lehtë. Por showbiz në Shqipëri është çdo gjë. Çdo gjë që unë bëj e ka një qëllim. Shpresoj shumë që ata që përdorin showbiz për tu pasuruar, të hetohen.”

Ai ka treguar se arsyeja pse nuk e denoncoi menjëherë sulmin lidhet me një precedent të krijuar vite më parë, ku sipas tij u kërcënua nga drejtori i Përgjithshëm i Policisë i asaj kohe.

Tozaj ka theksuar se ndaj tij nuk ekziston asnjë çështje penale për shkrimet që ka publikuar gjatë karrierës.

“Nëse ndjehesh i kërcënuar nga deklarata, më hidh në gjyq dhe secili merr atë që i takon, por nuk ka asnjë proces ndaj meje,” tha ai ndërsa shtoi se:“Këtë herë mendova ta ndjek në rrugë ligjore, por ndodhi që në Drejtorinë e Përgjithshme dhe më pas në atë të Tiranës, një nga njerëzit e personit që kam denoncuar punonte aty. Ky person ka kaluar pesë gardhe policie. A është i mbrojtur prej tyre? Ai është personi më i kërkuar për momentin, dhe unë pyes: pse nuk e kapin?”

Ai foli gjithashtu për reagimin e miqve dhe kolegëve pas dhunës ku shtoi se ka marrë mbështetjen e kolegëve dhe jo vetëm:

“Pas incidentit më telefonuan miqtë e mi gazetar, pothuajse të gjithë personazhet e showbizz-it. Më kanë bërë përshtypje dy kolege që nuk më kanë kontaktuar fare. Më vjen shumë keq, sepse, larg qoftë, nëse do t’u kishte ndodhur atyre, unë do t’u isha gjendur publikisht, duke i mbështetur me një story siç bëhen zakonisht në raste të tilla, madje do të isha aty edhe fizikisht.” tha Tozaj.

Statusi-i-gazetarit