Category: Lajme

Një gardiane në Angli është burgosur pasi u kap duke kryer marrëdhënie seksual me një të burgosur ndërsa kamera e trupit që ajo mbante gjatë shërbimit kishe qenë duke regjistruar.

Sipas The Sun, i burgosuri rezulton të jetë shtetas shqiptar, i identifikuar si Erion Nakdi, 42 vjeç, i dënuar për trafikim droge.

Rebecca Pinckard, 46 vjeçe, kishte pranuar më parë fajësinë për sjellje të pahijshme në një zyrë publike në HMP Highpoint, Stradishall.

Incidenti u zbulua kur pamjet e regjistruara nga kamera e saj e trupit treguan çiftin në një dollap dyqani duke kryer marrëdhënie intime.

Gjykata dëgjoi gjithashtu se Pinckard kishte qenë më parë paralajmëruar për një afërsi të tepërt me të burgosurit, duke u dhënë atyre torta dhe ëmbëlsira.

Pinckard u burgos për 32 javë, ndërkohë, Nakidi, i cili pranoi posedimin e një telefoni celular në burg, u dënua me 10 muaj shtesë burgim përveç dënimit ekzistues, duke qenë se më parë kishte marrë mbi 16 vjet për shitje droge të klasit A./Top Channel

Vizita në spital e të paraburgosurit, Altin Ndoci, ishte planifikuar qysh në datën 13 Janar 2026, nga doktoresha e burgut të Durrësit Ylfete Sema.

Vizita është kryer me qëllim ekzaminimin e tij shëndetësor nga një mjek kirurg, që shërben pranë spitalit rajonal të Durrësit, institucion ky që ka nënshkruar një marrëveshje bashkëpunimi me Drejtorinë e Përgjithshme të Burgjeve.

Mjekja e burgut që dha rekomandimin për konsultë, as nuk e kishte vizituar 38-vjeçarin, por ishte bazuar vetëm në fjalët e kryeinfermierit të IEVP-së, Aulon Çuku, i cili i kishte thënë se Altin Ndoci kishte probleme.

Por pikërisht ditën e planifikimit të vizitës shëndetësore, ai është larguar nga ambientet e spitalit, duke mos u gjendur nga policia ende dhe sot.

Sipas dosjes së prokurorisë së Durrësit, të siguruar nga gazetari Elton Qyno, mjeku kirurg që shërben pranë spitalit të Durrësit, nuk ka mundur ta vizitojë pacientin e paraburgosur pasi siç ka deklaruar ai, ishte në një tjetër operacion me një pacient civil të planifikuar më parë.

“…unë kam marrë kontakt shumë pak. Kam urdhëruar infermierinë e spitalit ti bëjnë një qetësues me qëllim ndalimin e dhimbjeve të pretenduara nga i paraburgosuri dhe më pas kam vijuar për të kryer ndërhyrjen kirurgjikale me një pacient tjetër. I kam thënë që duhet të presin diku 2 orë pasi do të vonohesha…”, ka deklaruar mjeku kirurg gjatë fazës kur është marrë në pyetje në prokurorinë e Durrësit.

Gjatë kohës së pritjes në ambientet e spitalit, Altin Hajri mësohet se ka shkuar në tualet rreth 4 herë. Sipas dyshimeve të policisë së Durrësit, ai ka komunikuar me bashkëpunëtorët e tij të jashtëm përmes dritares së tualetit, duke koordinuar veprimet që duhet të kryenin.

Një fakt i tillë nuk është vënë re nga asnjë punonjësit e policisë së burgjeve që e shoqëronin. Kur gjithçka ishte përsosur nga jashtë, Altin Ndoci, sërish ka kërkuar të shkojë për herë të katërt në tualet.

Policët e kanë shoqëruar aty dhe pasi ka dalë nga banjat e spitalit, Altin Ndoci, ka qëlluar me grushta në gjoks dy punonjësit e policisë së burgjeve, të cilët janë rrëzuar në dyshemenë e korridorit të spitalit.

Pas kësaj Altin Ndoci, vrapon me shpejtësi duke dalë në oborrin e spitalit dhe futet në makinën tip “Audi” ngjyrë të zezë, duke u larguar me shpejtësi për të mos u kapur ende dhe sot.

Në dosjen e prokurorisë së Durrësit nënvizohet fakti se kryeinfermieri Çuku, përgatiti gjithçka dhe ia çoi urdhrin shefit të komanduar të policisë së Burgut, Dezdemon Pazaj.

“…por më parë, ia dërgoi edhe vetë drejtorit të burgut, Indrit Cërloj, i cili e miratoi pa vonesa lejen pa faktuar nëse mjekja i kishte bërë vizitë, dhe pa mbikëqyrur rregullat e shoqërimit…”- thotë prokuroria e Durrësit.

Altin Ndoci akuzohet nga SPAK si një nga njerëzit që konsiderohen si krahu i armatosur i organizatës kriminale të “Çopjave” në Elbasan, i dyshuar për vrasje, por komisioni i vlerësimit në burg, me firmë të drejtorit të shkarkuar dhe arrestuar tashmë, kishte gjykuar se 38-vjeçari nuk paraqiste rrezikshmëri për u arratisur (vlerësim ky i 4 dhjetorit të vitit 2025).

Pavarësisht kësaj Altin Ndoci, është një i paraburgosur që mori pafajësi në Gjykatën e Posaçme, për 4 vrasje si ajo e vëllezërve Besmir dhe Viktor Haxhiaj dhe vrasjen e Dorjan Shkozës dhe Angjelo Avdisë.

Aktualisht Ndoci, po gjykohet për 5 vrasje të tjera në SPAK dhe disa akuza shtesë që lidhen me aktivitetin e tij kriminal./ Syri.net

12 persona janë arrestuar deri më tani.

Detaje të reja janë zbardhur nga operacioni i SPAK në bashkëpunim me autoritetet italiane, të cilët goditën një grup që mashtronin qytetarët e BE përmes call centerave dhe u zhvatën dhjetëra miliona euro.

Mësohet se janë shpallur në kërkim 3 vëllezër nga Tropoja, Agim, Alfred dhe Arjan Prekaj, të cilët dyshohet se janë organizatorët e kësaj veprimtarie kriminale.

Nga kontrollet, të paktën 12 persona janë arrestuar deri më tani.

Aksioni i Byrosë Kombëtare të Hetimit, policisë dhe autoriteteve italiane ka nisur prej ditës së djeshme. Mbrëmë oficerët e policisë dhe të BKH-së, përfshirë kreun Joni Keta, zbarkuan në disa kulla luksoze në Tiranë.

Gjatë kontrolleve u sekuestruan kompjuterë dhe portofole kriptomonedhash, të cilat dyshohet se lidhen me mashtrimin e qytetarëve të BE. Hetimet në Shqipëri po ndiqen nga prokurori i SPAK, Ened Nakuci dhe një prokuror i huaj.

Mësohet se ky grup përdorte një skemë të mirë menduar për të humbur gjurmët, duke ndërruar herë pas herë ambientet me qira ku ushtronte aktivitetin e paligjshëm.

Hetimet kanë pasur si indicie edhe një investigim të bërë nga emisioni italian “Le Lene”, ekipi i të cilëve ishte dje në Tiranë gjatë aksionit.

Ekipi kishte infiltruar një person, i punësuar si operator në një call center që ndodhej në katin e 13 të kullës ‘4Ever Green Tauer’, pranë Gjykatës së Lartë në qendër të Tiranës. Por kur zbarkoi BKH dhe policia, aktiviteti i paligjshëm ishte zhdukur.

Sipas investigimit italian, i përfshirë në këtë rrjet është edhe një polici italian i cili rekrutonte të rinj në Itali të cilët më pas dërgoheshin për të punuar si operatorë në call centerat mashtruese në Tiranë, dhe disa shtete të tjera.

Skema bazohet në telefonata që përmes një investimi fillestar 250 euro, premtohen fitime të lehta dhe platforma dixhitale që simulojnë investime në situata të cilat në fakt nuk ekzistojnë.

Një situatë e rëndë është regjistruar këtë të shtunë në fshatin Spatharë, në Njësinë Administrative Qendër, të bashkisë së Librazhdit, ku janë shënuar rrëshqitje masive të tokës që kanë shkaktuar dëme të konsiderueshme në zonë.

Sipas të dhënave paraprake nga terreni, rrëshqitjet e para janë vënë re rreth orës 14:30, ndërsa pas rreth një ore fenomeni është riaktivizuar, duke zhvendosur sipërfaqe të mëdha toke.

Në orët e vona të pasdites, rrëshqitja është përshkallëzuar edhe më tej, duke përfshirë një bllok të madh banimi, ku janë dëmtuar lehtë dhjetëra shtëpi dhe shtatë të tjera rëndë.

Mësohet se rrëshqitjet kanë prekur më së shumti Lagjen Hoxha, si dhe të gjithë zonën ku dikur ndodhej depo e furnizimit me ujë të qytetit të Librazhdit, duke rritur rrezikun për banorët dhe infrastrukturën përreth.

Ky nuk është rasti i parë që fshati Spatharë i Librazhdit përballet me fenomene të tilla, pasi edhe vite më parë janë regjistruar rrëshqitje masive, çka e bën zonën të njohur për problematikat gjeologjike.

Autoritetet vendore janë informuar për rrëshqitjet masive dhe dëmet e shkaktuara dhe janë në ndjekje të situatës, ndërsa pritet një vlerësim i plotë i dëmeve dhe marrja e masave për garantimin e sigurisë së banorëve.

Një video shqetësuese po qarkullon në rrjetet sociale nga shtëpia e “Big Brother VIP Kosova”, pas një përplasjeje të fortë mes Limit dhe Albës.

Pamjet janë publikuar në rrjetet sociale dhe nuk janë transmetuar në asnjë Prime apo në kanalet zyrtare të spektaklit. Videoja tregon një moment mjaft të tensionuar, i cili ka ngjallur reagime dhe shqetësim të madh te ndjekësit.

Sipas pamjeve, gjithçka nis nga një deklaratë fyese e Limit ndaj Albës, ku ai përdor fjalor denigrues, duke u shprehur: “Ajo është çik më kurvë se ty”.

Kjo deklaratë shkakton reagimin e menjëhershëm të Albës, e cila shpërthen në lot dhe dëgjohet duke bërtitur, ndërsa disa prej banorëve të tjerë ndërhyjnë për të qetësuar situatën.

E tensionuar dhe me lot Alba i drejtohet Limit me tone të ashpra duke i kërkuar shpjegime për fjalët e tij, ndërsa e quan atë “të poshtër”.

VIDEO

Pas deklaratave të forta të kryeministrit Edi Rama drejtuar Radio Televizionit Shqiptar (RTSH) duke arritur deri në opsionin e mbylles së shërbimit për shkak se e konsideron si “institucion të dështuar”, duket se bashkëshortja e tij Linda Rama “nuk ka të njëjtin mendim”.

Kjo pasi këtë të dielë ajo është e ftuar në një prej programeve të Radio Televizionit Shqiptar “Aromë Gruaje”.

Lajmi është bërë i ditur nga vetë RTSH përmes një postimi në rrjetet sociale ku shkruhet: “Të dielën, në Radio Televizionin Shqiptar, një rrëfim i veçantë dhe intim i aktivistes, pedagoges, bashkëshortes, gruas… përtej veprimtarisë së përditshme!

Linda Rama… rikthimi pas 3 dekadash në median publike! Kujtimet dhe besimi i thellë në misionin e jetës, në një portret të sinqertë e njerëzor!”

Kujtojmë se deklarata e kryeministrit Rama e dhënë gjatë mbledhjes së Grupit Parlamentar të PS-së ka nxitur jo pak debate e diskutime mes artistësh e politikanësh opozitarë.

Komanda Ajrore e NATO-s deklaroi se avionët italianë Eurofighter Typhoon me bazë në Estoni, u ngritën në qiell dhe kapën avionin rus BE-200, ndërsa ai po i afrohej hapësirës ajrore të Detit Baltik.

“Dje në orën 11:30, avionët Eurofighter Typhoon të vendosur në Amari, Estoni u ngritën në ajër për të kapur një avion rus BE-200 që po i afrohej Detit Baltik.

Në vitin 2025, mbi 500 fluturime janë ekzekutuar në të gjithë hapësirën ajrore të NATO-s.

Policia Ajrore dhe aktivitetet e përforcuara të Vigjilencës sigurojnë sigurinë e Aleatëve 24/7”, thuhej në njoftim.

https://x.com/NATO_AIRCOM/status/2012222526965813264?ref_src=twsrc%5Etfw%7Ctwcamp%5Etweetembed%7Ctwterm%5E2012222526965813264%7Ctwgr%5E230a82d085112d21c9871b938ba04501e8173a52%7Ctwcon%5Es1_c10&ref_url=https%3A%2F%2Facnevulgaristreatments.com%2F2026%2F01%2F17%2Fpo-i-afrohej-hapesires-ajrore-te-detit-baltik-komanda-ajrore-e-nato-s-italia-kap-avionin-rus-be-200%2F

Greqia është tronditur nga vrasja e kryetarit 51-vjeçar të komunitetit Lithovouni, Kostas Alexandris.

Mediat greke shkruajnë se hetimet e Policisë po zbulojnë se gjithçka ndodhi për një motiv erotik.

Sipas protothema.gr, nga provat dhe deklaratat e deritanishme duket se autori dyshohet se ka pasur mosmarrëveshje personale me viktimën, të cilat ndoshta lidhen me një grua.

Në të njëjtën kohë, autoritetet policore duken të kujdesshme ndaj akuzave të të dyshuarit, i cili përpiqet ta justifikojë aktin e tij duke folur për frikë dhe vetëmbrojtje.

“Ai po më bënte me shenjë nga brenda makinës dhe unë u frikësova”, tha autori i vrasjes brutale të 51-vjeçarit në Aitoloakarnania.

Autori 45-vjeçar pretendon se në kohën e incidentit, e pa viktimën duke e drejtuar nga brenda makinës së tij, gjë që e bëri të trembej dhe të godiste i pari.

Megjithatë, ky version nuk e ka bindur policinë që po heton çështjen, e cila aktualisht po shqyrton të gjitha faktet e çështjes.

Po ashtu, 45-vjeçari, i tha policisë se ishte një krim pasioni, pasi midis tyre kishte një rivalitet romantik.

Konkretisht, gruaja e viktimës kishte zhvilluar një lidhje jashtëmartesore me autorin e krimit dhe ishte larguar nga shtëpia e saj, duke jetuar në Patra, derisa më në fund vendosi të “pajtohej” me bashkëshortin e saj dhe të kthehej tek ai.

Parashikimet që Paolo Fox publikon ekskluzivisht në Radio Lattemiele u tregojnë pasionantëve të astrologjisë se si yjet do të ndikojnë në ecurinë e ditës së tyre.

Siç këshillon vetë Paolo Fox, horoskopi duhet lexuar duke u përshtatur me karakterin dhe rrethanat personale të secilit dhe nuk duhet konsideruar si një orakull absolut.

Dashi (21 mars – 19 prill)

Sipas Paolo Fox, hapet një e diel e qetë, pothuajse çliruese, që shënon fillimin e një faze dukshëm më pozitive krahasuar me javët e kaluara. Dashi rikthen ndjesinë e stabilitetit dhe, nëse dikush është përpjekur ta vërë në provë, tani ka forcën t’i përgjigjet siç di: drejtpërdrejt, me vendosmëri, por gjithmonë me atë klasën e lindur që e dallon. Dëshira për të folur dhe për të sqaruar është e fortë, sidomos pas një periudhe kur është ndier i tërhequr nga rrjedha e ngjarjeve pa mundur të shprehë mendimin e tij. Orët e fundit nuk kanë qenë të lehta, me pak nervozizëm edhe në ndjenja, por tani energjia ndryshon: nis një etapë e re me grintë, pasion dhe besim të ripërtërirë në çdo fushë të jetës.

Demi (20 prill – 20 maj)

Për Demin është koha të ndalet pak dhe të vendosë rregull, sidomos në çështjet praktike dhe financiare. Diçka duhet rishikuar, veçanërisht nëse ka pasur tensione me ortakë apo bashkëpunëtorë, ose nëse është planifikuar një shpenzim i rëndësishëm. Ditët në vijim nuk do të jenë shumë të thjeshta dhe do të kërkojnë kujdes të madh në fjalë, sepse mes së hënës dhe së martës ekziston rreziku për të thënë më shumë seç duhet. Gjysma e dytë e janarit vë në provë durimin, por nuk është momenti për të hequr dorë: shkurti do të sjellë një ndryshim të vërtetë ritmi, me zgjidhje konkrete dhe mundësi të reja që hapin rrugën për një rifillim real.

Binjakët (21 maj – 21 qershor)

Qielli i Binjakëve mban aromë emocionesh dhe mundësish, por pyetja kryesore është një: a janë vërtet gati të lëshohen? Ky është një nga momentet më të mira për të dashuruar, për të guxuar, për të thyer skema të vjetra dhe për të parë përpara pa pendesa. Paolo Fox thekson se e shkuara nuk mjafton më; nevojitet diçka e re, stimuluese, ndryshe. Kurioziteti – aleati i madh i kësaj shenje – shtyn drejt horizonteve të papritura, edhe larg atyre që deri dje dukeshin të sigurta. Shumë po mendojnë për një ndryshim rrënjësor në jetë: besimi tek intuita dhe mendja e hapur mund të jetë çelësi për të ndërtuar diçka vërtet surprizuese.

Gaforrja (22 qershor – 22 korrik)

Tensioni nuk është zhdukur plotësisht, por ajri fillon të bëhet më i lehtë. Pas dy ditësh të vështira me Hënën kundër, Gaforrja mund të marrë frymë më lirshëm: më e keqja ka kaluar. Venusi nuk është më armiqësor dhe së shpejti edhe Marsi do të ndalë së krijuari përplasje, duke hapur rrugën për marrëdhënie më të qeta dhe stimuluese. Pikërisht nga sot, lidhjet me të tjerët – në çdo fushë – mund të marrin hov të ri. Gjysma e dytë e muajit premton zhvillime pozitive: diçka po lëviz, diçka po ndryshon. Është momenti i duhur për të lënë pas lodhjet e fillimit të janarit dhe për të parë përpara me besim dhe vendosmëri.

Luani (23 korrik – 23 gusht)

Nuk është një e diel për të ulëritur me forcë, dhe Luani e ndien menjëherë. Energjia vjen dhe ikën, humori luhatet dhe ajo pasion që zakonisht ndez çdo betejë duket sikur ka marrë një pushim të shkurtër. Javët në vijim do të kërkojnë më shumë qëndrueshmëri sesa vrull, sepse angazhimet nuk do të mungojnë dhe durimi do të vihet në provë. Kujdes që nervozizmi të mos shndërrohet në fjalë të ashpra: të shfryhesh me njerëz që nuk kanë faj do të ishte vetëm benzinë mbi zjarr. Forca e vërtetë tani është vetëkontrolli. Dhe Luani, kur do, di ta sundojë edhe veten.

Virgjëresha (24 gusht – 22 shtator)

Sipas horoskopit të Paolo Fox, në prapaskenë Virgjëresha po përgatit diçka të rëndësishme. Ende nuk është koha për rezultate spektakolare, por çdo zgjedhje e bërë tani do të ketë peshë vendimtare në muajt që vijnë. Mendja është më e lirë, shqetësimet më pak shtypëse, por megjithatë ka nga ata që përpiqen të kufizojnë autonominë: këtu lind nevoja për të mbrojtur hapësirat personale me vendosmëri dhe qartësi. Sa më shumë t’i afrohemi fundit të shkurtit, aq më e dukshme do të bëhet se ka nisur një fazë e re, pjellore dhe madje revolucionare. Disa tensione mbeten, sidomos me Binjakët: më mirë të vëzhgosh para se të reagosh.

Peshorja (23 shtator – 22 tetor)

Pas një fillimi muaji të paqartë, sikur mendja të kishte mbetur pezull, Peshorja nis gradualisht ta shohë më qartë rrugën përpara. Që nga e hëna, qielli fton për të planifikuar, për të shkruar, për të vendosur dhe për të vënë rregull në mendime dhe projekte. Ankthi nuk zhduket menjëherë, por pushon së bllokuari veprimin. Yjet shpërblejnë idetë e ndërtuara mirë dhe edhe ndjenjat mund të gjejnë një drejtim të ri. Është një periudhë intensive, herë pas here e lodhshme, por në fund Peshorja do ta zbulojë veten më të fortë, më të përqendruar dhe sërish protagoniste.

Akrepi (23 tetor – 21 nëntor)

Atmosfera është e tensionuar dhe Akrepi e ndien në lëkurë që para se të shqiptohen fjalët. Dy javët e ardhshme do ta vënë përballë përballjeve delikate, takimeve me konkurrencë të fortë ose personave të gatshëm për të krijuar pengesa. Nervozizmi është real, por ka afat: marsi do të sjellë sqarime dhe kthesa. Ndërkohë, duhet të forcohet ajo që lëkundet, të riparohen çarjet dhe të mos lejohet që zemërimi të drejtojë zgjedhjet. Me qetësi, strategji dhe besim në aftësitë personale, kjo fazë mund të shndërrohet në një provë të kaluar me mjeshtëri.

Shigjetari (22 nëntor – 21 dhjetor)

Qielli nis t’i buzëqeshë Shigjetarit dhe shenjat e para ndihen që këtë të diel. Venusi ndez një tranzit të çmuar, ndërsa Hëna premton një rritje emocionale në ditët në vijim. Entuziazmi, megjithatë, duhet dozuar: dëshira për të vrapuar është e madhe, por të detyrosh kohën do të ishte gabim. Mundësitë duhet të lihen të dalin vetë, të dallohen dhe më pas të shfrytëzohen në momentin e duhur. Merkuri në kundërshti i bën emocionet më të sinqerta, herë-herë befasuese, por edhe autentike: është momenti ideal për t’i dhënë hapësirë dashurisë dhe marrëdhënieve të vërteta. Një këshillë e vetme: nëse ka diçka për t’u sqaruar, më mirë prit edhe një ditë para se të flasësh.

Bricjapi (22 dhjetor – 19 janar)

Sipas Paolo Fox, Bricjapi lëviz nën një qiell që e vendos në qendër të vëmendjes, me një forcë që ndihet më shumë se zakonisht. Tensioni i grumbulluar gjatë javëve të fundit nis të shkrihet, megjithatë vëmendja duhet të mbetet e lartë në planin ekonomik, sidomos nëse ka kredi, hua apo shpenzime të rëndësishme për t’u menaxhuar. Yjet forcojnë gjykimin dhe vendosmërinë, cilësi që shenja i ka natyrshëm, dhe ndihmojnë për të kuptuar një gjë thelbësore: nëse pranë është personi i duhur, lidhja ia vlen të mbrohet dhe të ushqehet. Është momenti ideal për të organizuar diçka të thjeshtë, por të veçantë, për ta jetuar së bashku, larg stresit.

Ujori (20 janar – 19 shkurt)

Ujori hyn në një fazë të lëvizshme, pothuajse elektrike, ku gjithçka mund të ndryshojë brenda pak kohe. Mes së hënës dhe së martës emocionet mund të shpërthejnë, duke sjellë vendime drastike, por të nevojshme. Kjo është një periudhë prerjesh të qarta, mbylljesh dhe zgjedhjesh përfundimtare: nëse një person nuk bind më ose një marrëveshje nuk kënaq, ndarja vjen pa shumë rrotullime fjalësh. Ndonjëherë shenja pëlqen ta sfidojë fatin, duke lënë që yjet të bëjnë pjesën tjetër. Dhe në fakt, Venusi në shenjë e shtron rrugën në dashuri: kush kërkon një njohje të re, qoftë serioze apo të lehtë, duhet të dalë, të lëvizë dhe të ekspozohet. Mundësitë nuk trokasin në derë, ato krijohen.

Peshqit (20 shkurt – 20 mars)

Sipas Paolo Fox, Peshqit ndiejnë se diçka e madhe po afrohet dhe nuk është thjesht një ndjesi. Yjet premtojnë një rezultat të rëndësishëm brenda marsit, me një periudhë veçanërisht të favorshme që nis nga shkurti, kur Venusi do të hyjë në shenjë duke sjellë ëmbëlsi, fat dhe mundësi të reja. Lodhitë e fillimit të dhjetorit duken të largëta, pothuajse të harruara, dhe tani mendja është e kthyer nga e ardhmja, projektet dhe ndërtimi i gjërave të reja. Mes së mërkurës dhe së enjtes, Hëna do të ndihmojë në planifikimin e ngjarjeve dhe vendimeve fituese: është momenti i duhur për të qenë krijues, për të përgatitur rikthimin dhe për të besuar plotësisht në atë që po vjen.

Kreu i Partisë Demokaratike, Sali Berisha ka zhvilluar atë që ai e quan “Foltore” në Laprakë. Një nga momentet që ka tërhequr më shumë vëmendje ka qënë “dashuria” e madhe e një simpatizant të PD kundrejt Berishës.

Teksa ka marrë fajalin ai është shprehur se Berisha sipas tij është i vetmi të cilit ai i beson që mund “ti dali përballë, kësaj të lige, këtyre kriminelëve, që po i pinë gjakun shqiptarëve”

Teksa në fund të fjalës ka thënë: “Të dua shumë Sali Berisha, të dua më shumë se babain tim.”Kjo gjë ka shkaktuar duartokritje në sallë.

Fjala e Plotë e simpatizantit të Partisë Demokratike:

“Ky është një njeri që është i vetmi njeri që mund ti dali përballë, kësaj të lige, këtyre kriminelëve, që po i pinë gjakun shqiptarëve. Nuk ia kam besën dhe nuk ia kam besimin dhe shpresën askujt më shumë se sa ti. Të dua shumë Sali Berisha, të dua më shumë se babain tim.”

VIDEO