Category: Lajme

Françeska Murati ishte një nga banoret më të përfolura në Big Brother Albania VIP 3, me “Miss London 2023” që krijoi shumë “armiq” brenda në lojë, mes tyre dhe Roza Lati e Erjola Doçi, me të cilat zgjodhi të dilte në nominim kokë më kokë disa javë përpara fundit të spektaklit.

Gjithsesi, pavarësisht përplasjeve të shumta që kanë pasur me njëra-tjetrën në shtëpinë më të famshme në Shqipëri, ish-banoret kanë lënë çdo gjë prapa, duke krijuar një miqësi mjaft të fortë menjëherë pas përfundimit të Big Brother.

Së fundmi, Françeska, Roza, Erjola dhe Rike kanë zgjedhur që një pjesë të këtyre pushimeve ta kalojnë nën shoqërinë e njëra-tjetrës.

Të katërta ato janë bërë bashkë dhe kanë zgjedhur jugun e Shqipërisë si destinacionin e tyre për këtë verë.

Gjithsesi, për Françeskën dhe Rozën këto nuk ishin pushimet e para së bashku, pasi të dyja ato duket se janë kthyer në mikesha të ngushta, të cilat kanë qëndruar shumë pranë njëra-tjetrës gjatë muajve të verës.

Aksi Thumanë-Kashar ka vetëm pak ditë që është hapur për qarkullim, ndërsa makinat janë parë të “fluturojnë” me shpejtësi të lartë.

Ndonëse ky aks ka një shpejtësi të lejuar prej 130 kilometra në orë, makinat janë kapur nga radari i policisë rrugore me shpejtësi shumë më të lartë se norma e lejuar.

Nga 160 km/h deri te një motor dhe një makinë që ecin me 210 dhe 2015 kilometra në orë, dhjetra mjete janë kapur nga radari.

Policia nuk ka dhënë detaje mbi numrin e gjobave të vendosura në këtë aks, ndërsa ka një mesazh sensibilizues për shoferët.

“Për të përmirësuar sigurinë në rrugët tona dhe për të reduktuar shpejtësinë e lartë, Policia e Trafikut ka instaluar radarë të shpejtësisë në aksin e ri rrugor, autostrada Thumanë-Kashar.

Këto radarë janë vendosur për të mbrojtur jetët e qytetarëve dhe për të siguruar një lëvizje më të sigurtë për të gjithë.

Mesazhi ynë për ju:
Respektoni kufijtë e shpejtësisë dhe kontribuoni në sigurinë e rrugëve tona. Çdo shkelje e shpejtësisë mund të ketë pasoja të rënda për ju dhe për të tjerët.

Bashkëpunimi juaj është thelbësor për një mjedis më të sigurtë rrugor. Faleminderit për mirëkuptimin”, njofton policia.

Kundërshtuan forcat e policisë, shoqërohen tre persona ne komisariatin Vlorës.

Policia e Vlorës ka ndaluar një mjet ne zonën pranë ujit të ftohtë për kontroll, ndërkohë që është kundërshtuar nga drejtuesi.

Në moment kanë zbritur nga makina dy persona të tjerë të afërm të drejtuesit dhe kanë shtyre forcat e policisë.

Është kërkuar përforcim të forcave shqiponja ku kanë shoqëruar të tre personat ne komisariat.

Ernest Muçi mund të bëjë shumë shpejt realitet ëndrrën e tij për të luajtur në kampionatin anglez të futbollit.

Mediat turke raportojnë se më në fund klubi i Besiktas ka marrë oferta zyrtare nga dy klube të Premier League, të cilat janë të gatshme të nënshkruajnë me futbollistin shqiptar.

Raportohet se oferta e parë që i ka ardhur klubit turk është nga një klub i cili ka ofruar 15 milionë euro për Muçin dhe një rrogë prej 3 milionë eurosh në sezon për vetë futbollistin për ta bindur.

Besiktas ishte gati të pranonte këtë ofertë, kur brenda ditës i ka ardhur edhe një tjetër, ajo e Aston Villës e cila kërkonte Muçin si “paketë” bashkë me Semih Kiliçsoj. Për Kiliçsoj, klubi anglez është gati të paguajë 30 milionë euro, ndërsa vlerëson Muçin 12 milionë euro.

Negociatat mes palëve vazhdojnë, por duket se Besiktas është shumë i interesuar për të shitur Muçin duke parë lëvizjet që ka bërë në merkato dhe planin që ka për të kthyer përsëri brazilianin Talisca në ekip.

Kampionati Europian U-19 për vajza që po zhvillohet në Lituani ka mbërritur në momenti kulminant, ku të mërkurën do të zbulohen dhe dy ekipet që do të shkojnë në finalen e madhe.

Angli–Spanjë dhe Holandë–Francë janë dy gjysmëfinalet e Kampionatit Europian U-19 për vajza, teksa UEFA ka përcaktuar edhe arbitrat e ndeshjes për dy superfida.

Drejtësi në takimin Holandë–Francë do të vendosë arbitrja shqiptare Emanuela Rusta. Asistentet e saj do të jenë Fie Bruun dhe Giulia Tempestilli. Në rolin e arbitres së katërt është emëruar Silvia Gasperotti, ndërsa Marta Frias Acedo do t’i vijë në ndihmë arbitres kryesor Emanuela Rusta nga dhoma e VAR-it.

Arbitrja shqiptare Emanuela Rusta ka gjykuar disa ndeshje në arenën evropiane ku vlen për t’u veçuar takimi SL Benfica W–Barcelona W, në UEFA Women’s Champions League si edhe ndeshja Zvicër–Hungari, e vlefshme për Kampionatin Europian për vajza.

Ndërsa të mërkurën për herë të parë do të vendosë drejtësi në një sfidë gjysmëfinale ku do të përcaktohet nëse Holanda apo Franca do të kalojë në finalen e madhe të Kampionatin Europian U-19 për vajza.

Gjysmëfinalja Holandë–Francë e vlefshme për Kampionatin Europian U-19 për vajza do të luhet të mërkurën më datë 24 korrik, në ora 17:00, në stadiumin “Darius & Girenas Stadium” në Lituani.

Ivana Knoll si gjithnjë qëndron në qendër të vëmendjes si një prej modeleve më seksi të “Instagram”-it.

Muza kroate, e cila njihet për postimet e saj të nxehta në rrjetet sociale, së fundmi ka menduar ‘i hedhë edhe më shumë “benzinë zjarrit”.

Ivana ka publikuar disa foto në bregdet, teksa shfaqet duke u mbështetur në shkëmbinj, ndërkohë që spikat me linjat e saj trupore.

Analisti Ben Andoni, i ftuar në një emision televiziv ku komentoi incidentin e rëndë në Këshillin e Bashkisë së Tiranës, ku pati një përplasje fizike mes Tedi Blushit dhe Halit Valterit.

Andoni theksoi se në këtë përplasje fizike u kaluan limitet. Sipas tij, politika jonë është e ashpër dhe tjetrin nuk e konsideron si kundërshtar, por si armik.

“U kaluan limitet në përplasjen në Bashkinë e Tiranës. Mendoj se ka një cak që duhet të ndalesh. Më vjen keq, që edhe gazetarët që kanë hyrë në politikë, duket se kanë dëshmuar një lloj force, sepse sa duket në politikën tonë duhet të tregosh forcën. Politika jonë nuk quan të tjerët kundërshtarë, por armiq. Në lidhje me Kongresin e PS, uroj që Rama mos ta kthejë në një shou personal. Shqipëria ka shumë probleme sot dhe politika duhet të adresojë problemet që kemi, që kanë të bëjnë me shëndetësinë, arsimin. Rama duhet të na paraqesë persona të tjerë, të cilët të kenë dellin e idealizmit. Qeveria nuk është më e besueshme, PS nuk është e besueshme. Mendoj se PS dhe PD janë arsyeja pse Shqipëria është katandisur në këtë gjendje. Shqipëria ka nevojë për alternativa politike të tjera. Nëse ulet pragu, do jenë shumë parti politike, që do të dalin në “sipërfaqe””, tha Andoni.

Duke folur për situatën kriminale në vend, Andoni deklaroi se është fatkeqësi që Shqipëria sot lëngon nga kriminaliteti tepër i lartë.

“Është e trishtë sesi Shqipëria po “pushtohet” nga krimi. Policia e Shtetit unë mendoj se duhet respektuar si institucion. Por, shumë policë, e tha dhe SPAK, kanë bashkëpunuar me krimin. Policia duhet ta kuptojë se janë shërbëtorë të publikut, por vendi ynë është zhytur në korrupsion. E keqja është se ne popullarizojmë shumë figura, që shpesh nuk janë shembuj”, deklaroi Andoni.

Bebe Rexha mbërriti e emocionuar mesditën e kësaj të marte në Kosovë. Artistja u prit përzemërsisht nga njerëzit e vendlindjes së saj, të cilët nuk ngurroi të ndalonte dhe t’i përshëndeste.

Madje ajo ka dhënë edhe një intervistë të shkurtër për gazetarët e Telegrafi pak pas mbërritjes, ku tregoi se po punon për të sjellë surpriza dhe performanca të paharrueshme. Bebe foli gjithashtu në gjuhën e nënës, gjuhën shqipe.

“Kam disa surpriza për të cilat jam shumë e emocionuar. Është shumë e rëndësishme për mua të bashkëpunoj me kulturën time”, tha ajo, duke shtuar se do të sjellë diçka unike për audiencën kosovare.

Vizita e Bebe Rexhës në Kosovë nuk përfundon me performancën e saj. Ajo planifikon të shkojë në qytetin e saj të origjinës, Dibër, për të marrë pjesë në një ceremoni familjare, duke shprehur dëshirën e saj për të kaluar kohë me familjen dhe për të njohur më mirë rrënjët e saj.

“Kushëriri im do të ketë një syneti. Kështu që unë do të shkoj në syneti, mendoj, për dy, tre ditë”, tha ajo duke buzëqeshur.

Këngëtarja me origjinë shqiptare e njohur në gjithë botën, është një nga artistët e ftuar specialë për të performuar në skenën e “Sunny Hill Festival” të këtij viti.

Gazeta Panorama
Menu Refresh Kthehu

“E kishte nxjerrë me fëmijët mes 4 rrugëve, e
E ëma e 27-vjeçares që tentoi të vetëmbytjen në Bunë me 4 fëmijët e mitur është përballur “Live” me dhëndrin e saj, Ajet Isufinë emisionin ‘Me zemër të Hapur” të moderatores Evis Ahmeti, ku kanë hedhur akuza ndaj njëri-tjetrit.

Ajet Isufi ka fajësuar vjehrrën e tij për aktin që ndërmorri e shoqja, duke e akuzuar si shkaktare.

Por, nëna e të resë pretendoi se Ajeti e kishte nxjerrë nga shtëpia 27-vjeçaren së bashku me katër fëmijët e mitur.

Debati LIVE:

“I kemi dërguar për të ngrënë, i kemi mbajtur me të gjitha të mirat. I dimë të gjitha gjërat e tij, tani e 8 vite. Ka ngacmuar shoqet e punës time, më ka thënë “a është Ajeti ky”. Edhe në 12 të natës kemi shkuar për problemet që ka pasur Ajeti, se na merrte goca në telefon. Jemi lodhur shumë me këtë muhabet, në 8 vite”, tha e ëma.

“Kam 8 vite që kërcënohem prej burrit tënd”, u shpreh Ajet Isufi.

“Kamerat i kemi të regjistruara. Vajza dhe fëmijët janë shumë të mirë. Kam shkuar ta marr në Tiranë, e ka lënë mes katër rrugëve. E ka nxjerrë nga shtëpia me 4 fëmijët. Atë natë i rashë vajzës në telefon dhe nuk dinte të tregonte se ku ishte. Më tha më ka nxjerrë jashtë me gjithë fëmijët, e ka strehuar komshia që i kishte dhënë me qira”, shtoi ajo.

“Mashtron”, u shpreh ai.

“Ai ishte larguar, ka pasur probleme edhe me pronarët e shtëpisë, kanë kapur vajzën dhe ia ka thënë. Unë i kam të gjitha fotot, dhunimin e vajzës që i ka bërë”, shprehet nëna e 27-vjeçares.

Zv/drejtori i policisë Shkodër, Ardrit Hasanbegaj ka qënë tërësisht në ndikimin e biznesmenit nga Velipoja, Pëllumb Gjoka, të cilin e informonte në mënyrë dinamike për çdo gjë.

Në bisedat e zhvilluara në aplikacionin “Sky”, Gjoka dhe Hasanbegaj kanë një komunikim të ngjeshur me njëri-tjetrin, duke sjellë ndërhyrje të vazhdueshme nga Gjoka tek drejtuesi i policisë.

Në muajin Shkurt 2021, agjentët e anti-drogës kanë kapur në Velipojë një person me disa fara kanabisi dhe Pëllumb Gjoka, ka ndërhyrë në mënyrë që Ardrit Hasanbegaj ta ndihmonte.

Por personi ishte arrestuar dhe se Hasanbegaj i thotë se nuk ishte në Shkodër, që ta thëriste atë djalin e arrestuar në zyrë dhe ta porosite që të mos fliste, pasi e hante në bashkëpunim pstaj.

Nisur nga kjo situatë Pëllumb Gjoka i ka kërkuar që të ndërhynte tek oficerët, por Hasanbegaj i thotë se nuk i thotë dotë atyre ekselentave të Lleshit, pasi njoftojnë direkt Ardi Veliun.

Sipas asaj që tregohet në materialin që ka parë gazetari i “Ora News”, Elton Qyno, del qartë se në 25 shkurt 2021, biznesmeni Pëllumb Gjoka, i shkruan në “Sky” zv/drejtorit të Policisë së Shkodrës Ardrit Hasanbegaj, se kanë kapur një djalë nga Velipoja me disa fara canabisi, pasi kishte filluar fushata e mbjelljes.

“…si je vëlla? Keni kap një djalë nga Velipoja me do fara. Shife nëse ke mundësi ndonjë ndihmë, se filloi fushata…”.
Ndërsa Hasanbegaj i përgjigjet si vijon: ”…mirë vëlla po, tani më thanë. Nuk kam çi bëj vëlla, është arrestuar po ishalla nuk nxjer emra të tjerë…”.

Dhe Pëllumbi që ia kthen:”…Ishalla…”. Më tej Hasanbegaj i shkruan se është duke pyetur për të mësuar situatën, pasi nuk është në policinë e Shkodrës, që ti thoshte të arrestuarit të mos fliste se e hante bashkëpunimin.

“…se po pysin, nuk jam aty që ti thoja mos folë se e ha bashkëpunimin. Ta merrja me vete të zyra ime…”-i thotë zv/drejtori Hasanbegaj. Ndërsa Pëllumbi ia kthen: ”…shif po pate ndonjë aty, se ai kalama është…”.

Kurse Hasanbegaj i shktuan se aty janë disa oficerë ekselenta të Lleshit, duke pasur parasysh ish-ministrin e Brendshëm Sandër Lleshi, që kishte vetëm 2 muaj që ishte larguar nga posti i ministrit, pas ngjarjes së 8 dhjetorit 2020, ku mbeti i vrarë Klodian Rrasha në Laprakë.

“…po ata aty, janë nga këta ekselentët e Lleshit, që njoftojnë direkt Ardi Veliun, po tu thuash…. Po ja do u them, lere se do pyes unë, mbase se kanë pyetur…”-i shkruan Hasanbegaj, biznesmenit Pëllumb Gjokës.

Pas 6 orëve nga zhvillimi i kësaj bisede, Pëllumb Gjoka sërisht i shkruan zv/drejtorit të policisë, Ardrit Hasanbegaj, duke e kujtuar si më poshtë vijon: ”…Vëlla foli gjë ai…se ata mendojnë që jeni ju…?”,duke nënkuptuar se njerëzit e personit të arrestuar dyshojnë se arrestimin e ka bërë zv/drejtori i Policisë Shkodër, Hasanbegaj.

Dhe Hasanbegaj ia kthen: “…jo jo nuk ka folë farë. Jo në dijeninë time. O vëlla ne nuk jemi, nuk di ça të them…S’kam shkuar janë në Tiranë…”.

Por Pëllumbi sërisht i shkruan: ”…as Tirana…?”.

Më tej Pëllumbi vijon duke i shkruar Hasanbegaj se: ”…Kusho, (e ka fjalën për Mir Brulin nga Velipoja i arrestuar së fundi tek dosja me 50 persona të arrestuar), po më thotë se i kanë ardhur letrat nga Mali i Zi…”. Me sa duket Mir Bruli ka pasur probleme me ligjin në Malin e Zi.

Dhe zv/drejtori i përgjigjet si më poshtë duke konfirmuar: ”…Po i kanë ardhur sotë, kur i paskan ardhur, unë kam qënë që të premten këndej…”.

Ndërkohë Pëllumbi vijon duke i shkruar se: ”…a mer ndonjë oficer nga Mali i Zi, në operacionin arrestimesh bashkë me ju këtu…? Shif nesër kur të shkosh…se ai më tha…”.

Kurse Hasanbegaj ia kthen:”…Po jo mo vëlla,ça lesh operacioni, veç po kanë ardhur këto dy ditë, po do mi kishin thënë. Mos ka ardhur në kufirin ai Malazezi?Se do mi kishin thënë…”.

Sërisht Pëllumbi i shkruan si më poshtë vijon:”…ok ok vëlla, shif nësër kur të shkosh…”.