Category: Lajme

Aktorja Egla Ceno është shpallur lideri i shtëpisë së BBV mbrëmjen e së martës pas një televotimi ku siguroi më shumë vota nga publiku.

Pasi iu komunikua “verdikti” vendimi aktorja reagoi duke thënë “Yes, yes, po e kërkoja që me zgjedhjen e Erjolës. E doja, faleminderit shumë”.

Si lidere e shtëpisë Egla Cenos iu dha avantazhi për të dërguar në televotim kokë më kokë dy banorë, ku njëri prej tyre do të shkojë direkt në finale.

“Vëllai i madh ka vendosur që ti si lidere e shtëpisë trë dërgosh në televotim pa përfshirë veten dy banorë të cilët do t’i përballësh për të shkuar në finale. Ai që ka më shumë vota shkon në finale, tjetri do të jetë në nominim të vazhdueshëm derisa publiku të vendosë ta mbajë në lojë ose jo. Do të jetë në nominim deri në gjysmë finale”, i tha moderatori Ledion Liço.

Dhe zgjedhja e aktores ishte për të dërguar çiftin e vetëm në BBV, Heidin dhe Romeon.

“Unë e kam shumë të lehtë, konsideruar situtatën ku jemi dhe mendoj se është e drejtë kështu, dua të di se çfarë do të vendosë publiku, Heidin dhe Romeon. Të ndahet shapi nga sheqeri”, tha ajo.

Media greke i ka kushtuar një artikull ngritjes në detyrë të zëvendëskryeministres, Belinda Ballukut dhe bashkëpunëtorëve të saj, siç është rasti i Evis Berberit, që ndodhet pas hekurave për shpërdorim detyre.

Newsbombë.gr shkruan për arrestimin e Berberit, krahut të djathtë të ministres së Infrastrukturës, Balluku.

Po ashtu shtrohen një seri me pyetje se pse ende nuk zbatohet vendimi i gjykatës franceze që shteti shqiptar t’i paguaj 50 milionë euro kompanisë greke “Actor”.

ARTIKULLI
Emri Belinda Balluku mund të mos jetë shumë i njohur për ju, por në Shqipëri do të thotë shumë. Emri i ministres së Infrastrukturës dhe zv/kryeministres Edi Rama përbën një çarje në ngërçin e Shqipërisë. Më 13 mars, SPAK, Gjykata kundër Korrupsionit, arrestoi Evis Berberin, kreun e Autoritetit Rrugor Shqiptar dhe një nga bashkëpunëtorët më të besuar të ministres së Infrastrukturës dhe Energjisë dhe zv/kryeministres, Belinda Balluku. Akuza kishte të bënte me projektet e ndërtimit dhe konkurset luksoze, të cilat po fitoheshin nga të zgjedhurit e Edi Ramës. Sipas mediave shqiptare, pas një bastisjeje të policisë, SPAK, Gjykata Kundër Korrupsionit, arrestoi Evis Berberin, kreun e Autoritetit Rrugor Shqiptar.

Policia e arrestoi atë së bashku me dy shokë biznesi (Valter Begaj dhe Ervis Lamajn), ndërsa në banesën e tij u sekuestruan shuma të mëdha parash dhe piktura me vlerë qindra mijëra euro. Evis Berberi ishte krahu i djathtë i ministrit Balluku dhe ishte ai që u fotografua pranë saj në të gjitha inspektimet dhe inaugurimet e projekteve të mëdha rrugore. Sipas SPAK, Valter Begaj, pronar i kompanisë NET – GROUP, ka fituar 6 tenderë publikë, paratë nga të cilat i ka transferuar nëpërmjet transaksioneve tek kompania DAAM. Përfitimi duket se shkon në 2.7 milionë euro.

NET-GROUP fitoi këto gara, paratë u transferuan përmes transaksioneve në kompaninë DAAM. Këto veprime kanë ngritur dyshime për veprimtari pastrimi parash. Hetimi i SPAK raportohet se ka nisur javët e fundit, me fokus shitjen e DAAM. DAAM është blerë nga Berberi me një çmim shumë të ulët, është shitur shumëfish, ndërsa pronësia dhe menaxhimi ndryshon disa herë mes biznesmenëve. Ka dyshime për një transferim të rremë për të shmangur konfliktin e interesit pasi Berberi ishte vendosur të emërohej këshilltar në Ministrinë e Infrastrukturës dhe Energjisë. I gjithë skandali i mësipërm ka shkaktuar lëkundje ‘tektonike’ në skenën politike të Shqipërisë.
Shumë pikëpyetje ngre ngritja e bukuroshes dhe zv/kryeministres Belinda Balluku, e cila para karrierës së saj të re punonte në Greqi si ndihmëse shtëpiake. Praktikisht, një ndihmëse shtëpiake u bë numri dy i qeverisë shqiptare dhe ministre e Infrastrukturës dhe për këtë arsye komandon punët publike të vendit fqinj.

HISTORIA
Ka një proces gjyqësor që kompania e ndërtimit ‘Actor’ ka fituar nga një gjykatë franceze, ndaj shtetit shqiptar, në shumën 50 milionë euro, për të cilën Ministria e Drejtësisë dhe e Jashtme nuk kanë dhënë dritën jeshile për ta ekzekutuar. Dhe diku këtu është përfshirë Balluku, ku krahu i saj i djathtë u arrestua për pastrim parash, ndërkohë që ajo u kishte kërkuar shefave (të vjetërit e kompanisë së ndërtimit) të shpejtonin ndërtimin e projektit. Por kur punimet u bënë, Balluku nuk i pagoi shumat.

Me fjalë të tjera, kompania ‘Actor’ bëri punën, shkoi në gjyq, fitoi 50 milionë euro dhe e zgjedhura e Edi Ramës ‘fishkëllen’ indiferente. Por ja ku nisin ‘pyetjet’ e nxehta:

-Kush dhe pse nuk i jep dritën jeshile zotit Exarchou të kompanisë ‘Actor’ për të ekzekutuar?
-Çfarë lojërash luhen në sfondin diplomatik që pengojnë pagesën e shumave ndaj një kompanie greke që ka fituar ligjërisht?
-Kë mbulon shteti shqiptar?
-Çfarë di Athina për këto raste dhe çfarë do të bëjë? A do të vazhdojë ‘të fërshëllejë’ indiferente?

(BalkanWeb)

Moderatorja Kiara Tito dhe këngëtari Luiz Ejlli janë bërë prindër për herë të parë ditën e djeshme (30 prill).

Prezantuesja ka mirëpritur në jetë vogëlushen, të cilën e kanë quajtur Luna Mari Ejlli.

Pas lindjes së vajzë, çifti zbuluan lajmin në Instagram duke publikuar një foto teksa mbajnë duart e të porsalindurës.

Ndërkohë ditën e sotme, Kiara Tito ka publikuar një imazh të këngëtarin duke mbajtur në krahë Luna Mari në sallën e lindjes.

Edhe pas tërmeteve shkatërrimtare që prekën vendin më shumë se një vit më parë, Turqia është goditur vazhdimisht nga lëkundje të tokës, duke ngjallur vazhdimisht frikë mes qytetarëve, sidomos në disa zona ku edhe toka “ende nuk ka gjetur qetësi”.

Prej kohësh, ekspertë dhe gjeologë të ndryshëm kanë ngritur paralajmërime për lëkundje të herëpashershme, ndërsa nuk kanë përjashtuar lëkundje të tjera apokaliptike, si ai 7.7 ballë i shkallës rihter që shkaktoi qindra viktima.

Paralajmërimin e radhës, për të disatën herë, e ka dhënë pedagogu i Universitetit Teknik të Stabollit dhe gjeologu Prof. Dr.Naci Görür, i cili ka ngritur alarmin për qytetin e Manisa. Duke u shprehur se qyteti është ndërtuar mbi linjat e thyerjes aktive, ai tha se këto thyerje të gjalla kanë potencial të prodhojnë tërmete me magnitudë 7 e lart dhe për këtë arsye duhet të rritet rezistenca ndaj tërmeteve në qytet.

Sipas mediave turke, Görür, i cili mori pjesë në një panel, vuri në dukje se linjat e thyerjes në Manisa përhapen drejt skajeve të maleve, shpateve dhe brendësisë së fushave dhe deklaroi se qyteti ka tipare të tokës “Horst and Graben”.

“Ju jetoni në një strukturë tektonike dhe tërmetet do të ndodhin patjetër në këtë strukturë tektonike. Nëse nuk ndodh sot, do të ndodhë nesër, nëse nuk ndodh nesër, do të ndodhë të nesërmen. Prandaj, nuk ka kuptim të flasim nëse do të ketë”, tha Görür

Görür vuri në dukje se tërmetet duhet të merren seriozisht duke marrë mësime nga historia. Duke theksuar se tërmetet nuk mund të parandalohen, por efektet e tyre mund të zvogëlohen, Görür tha:

“Ju jeni pronarët e pronave të Manisa, njerëzit e gjallë, pronarët e këtij vendi. Përdorni vullnetin tuaj, mbroni pronën tuaj. Mos u bëni kurrë njësh me politikën. Por kushdo që të vijë, ta bëjë Manisa një qytet elastik. Tërmeti është pulsi i botës. Nëse nuk ka tërmet, bota vdes. Tërmeti tregon se bota është gjallë. Por nëse ulemi në krahët e tërmetit dhe nuk marrim masat e nevojshme, ai do të na vrasë.”

Ilir Osmani, një qytetar nga Elbasani, humbi jetën para disa ditësh në Pejë të Kosovës, pasi u përplas për vdekje nga një automjet.

Ngjarja që fillimisht u dyshua si aksidentale, rezulton se është vrasje e qëllimshme.

Emisioni “Uniko” ka sjellë prova dhe dëshmi lidhur me këtë ngjarje. Shoferi i makinës që përplasi për vdekje Ilir Osmani është Serxhio Osmani 23 vjeç nga Elbasani, nipi i Donika Jonuzit. Donika Jonuzi ishte bashkëjetuesja e Ilir Osmanit.

BASHKËJETESA E ÇIFTIT DHE FËMIJA I ADOPTUAR

Ilir Osmani dhe Donika Jonuzi nga Elbasani bashkëjetonin prej 10 vitesh. Ata nuk ishin të celebruar zyrtarisht me dokumente, por bashkëjetonin me njëri-tjetrin në shtëpinë e nënës së Ilir Osmanit në Elbasan.

4 vite më parë, ata adoptuan një fëmijë. Fëmija, që për baba biologjik kishte vëllain e Donika Jonuzit, u adoptua që në ditën e lindjes nga Donika dhe bashkëjetuesi i saj Iliri. Procesi i birësimit u bë sipas ligjit, por djali, Denisi që sot është 4 vjeç, nuk u regjistrua zyrtarisht me prindër Ilirin dhe Donikën për shkak se çifti nuk ishte celebruar me dokumente, por thjesht bashkëjetonin. Në fakt, Donika Jonuzi rezulton të jetë e martuar në Francë me një shtetas francez më të madh në moshë se ajo. Nga divorci me të, pret që të përfitojë gjysmën e pasurisë së një prone.

LYPJA, NGA ELBASANI NË PEJË TË KOSOVËS

Problemet mes çiftit nisën vitin e fundit. Donika Jonuzi shkonte shpesh në Pejë të Kosovës, aty ku lypte. Familjarët e të ndjerit Ilir Osmani thonë se Donika nuk ishte në gjendje të vështirë ekonomike. Ajo madje kishte dhe makinë. Por, Donika shkonte për të lypur në Pejë për shkak se fitonte shumë. Kurse Iliri punonte me tregti në Elbasan.

DYSHIME PËR PËRDORIMIN E DJALIT NË LYPJE

Disa ditë më parë, Ilir Osmani kishte shkuar në Pejë për të takuar Donikën që ishte aty bashkë me djalin 4-vjeçar, Denisin. Ilir kishte krijuar shumë afërsi me djalin e birësuar, dhe siç tregojnë familjarët, edhe Denisi e kërkonte shumë babain birësues.

Iliri Osmani dyshonte se bashkëjetuesja e tij Donika mund ta shfrytëzonte djalin e mitur për lypje në Pejë. Për këtë arsye kishte shkuar që ta merrte. Në Pejë ai ndodhej bashkë me të ëmën e tij. Kjo e fundit u largua prej andej dhe u kthye në Elbasan 2 ditë para se Iliri të përplasej për vdekje nga makina.

VRASJA E PARAMENDUAR ME MAKINË

Ilir Osmani u përplas për vdekje në Pejë nga një makinë Volkswagen Golf 5 që drejtohej nga 23-vjeçari Serxhio Jonuzi, nipi i Donika Jonuzit. Fillimisht u dyshua për aksident, por Prokuroria dhe Policia e Pejës, duke analizuar kamerat e sigurisë dhe dëshmitë e dëshmitarëve okularë, rezulton se makina ka ndryshuar korsi dhe është futur mbi trotuar duke përplasur për vdekje Ilir Osmanin. Në momentin e përplasjes, sipas hetuesve rezulton që shoferi ka shtuar shpejtësinë dhe nuk ka shenja frenimi. Pra, kemi të bëjmë me vrasje të paramenduar. Serxhio Jonuzi është arrestuar nga autoritetet e Pejës në Kosovë.

DYSHIMET PËR ORGANIZIMIN E VRASJES NGA DONIKA JONUZI

Kur Ilir Osmani ndodhej në Pejë së bashku me nënën e tij, Donika Jonuzi i tha të ëmës së bashkëjetuesit që të kthehej në Elbasan se për dy ditë do të kthehej dhe Iliri. Dhe në fakt ashtu ndodhi. Por Iliri u kthye i vdekur. Familjarët e Ilirit thonë se Donika është “peshku i madh dhe organizatorja” e vrasjes së Ilir Osmanit. Sipas tyre, por edhe sipas dyshimeve të grupit hetimor të Prokurorisë së Pejës, Donika kishte porositur nipin e saj që të përplaste me makinë Ilir Osmanin për të mbajtur e vetme Denisin 4-vjeçar me qëllim që ta shfrytëzonte për lypje në Pejë.

Kjo për shkak se Iliri ishte kundër dhe nuk donte që djalin ta nxirrte për lypje. Nga ana tjetër, Donika e konsideronte si biznes lypjen në Pejë dhe përfitonte shuma të konsiderueshme. Kjo duket edhe në jetën e dyfishtë që bënte Donika Jonuzi, ku në fotot ajo duket një njeri tërësisht ndryshe me veshje të tjera dhe makinë./TVKLAN

Ahmed Alhashimi, është një 41 vjeçar nga Iraku, i cili tentoi të kalonte me gomone nga kanali La Mansh, për të shkuar drejt Mbretërisë së Bashkuar.

Ai ka treguar historinë tragjike të jetës së tij, pasi gomonia më të cilën po udhëtonin së bashku me vajzën e tij 7-vjeçare u fundos.

Fatkeqësisht, vajza nuk ia doli të shpëtonte.

Në një rrëfim prekës, 41-vjeçari thotë se i është dorëzuar pikëllimit dhe fajit që nuk do t’i largohet kurrë nga ndërgjegjja, pasi nuk mundi të shpëtonte të voglën e tij.

“Nuk di çfarë t’u them, vajza ime po ulëriste “Babi më ndihmo”. Ajo po kërkonte ndihmën time por unë nuk munda ta shpëtoja. Nuk do tia fal kurrë vetes. Nuk mund të bëja asgjë tjetër, me ishin mbyllur të gjitha dyert në jetë.

Ishte aty vetëm pak metra larg meje dhe nuk munda ta ndihmoj. Kur ato nxorën personat që humbën jetën nga deti nuk doja ta besoja kurrsesi. Po lutesha me gjithë zemër që ajo të ishte gjallë, por më pas pashë Sarën, vogëlushen time të pajetë”, tha Ahmed Alhashimi.

Mbrëmë në Prime e ”Big Brother Albania Vip 3”, Meritoni u suprizua nga një takim shumë emocional nga e dashura e tij, Ilnisa Agolli, po ashtu ish-konkurente në këtë edicion. Shumë puthje dhe lot mes çiftit. Ky takim është komentuar edhe në emisionin ”Shqipëria Live”, ku gazetarja Neda Balluku foli për një shtatzani të dyshuar të Ilnisës.

”Vetëm mua mu duk Ilnisa si shtatzënë? Vetëm mua më dha një ndjesi sikur është shtatzënë”,-tha Balluku. Edhe Olta Sheta, e cila ka qenë në Big Brother vite më parë, tha të njëjtën gjë, që Ilnisa i dha ndjesinë sikur është shtatzënë. ”Mbeti pa fjalë gjatë takimit, dhe nuk ndodh që Ilnisa të mos ketë fjalë”. Gazetaret folën edhe duke u bazuar tek veshja e Ilnisës, që i tregonte një bark si shtatzënë.

Ilnisa dhe Meritoni dy ishin të prekur thellësisht nga takimi, ka qenë Ilnisa ajo që ka emocionuar më shumë publikun. Vargjet e saj dhe dedikimi i ndjerë për Meritonin kanë dhuruar një moment të paharrueshëm dhe kanë treguar thellësinë e ndjenjave të tyre.

Ky rikthim i Ilnisës në ”Big Brother Albania Vip 3” jo vetëm që ka rikonfirmuar lidhjen emocionale mes të dyve, por edhe ka dëshmuar se ndjenjat e krijuara brenda shtëpisë më së shumti vazhdojnë të jetojnë edhe jashtë saj.

Minuta e 38 në “Allianz Arena”. Në duelin mes Bayern Munich dhe Real Madrid për gjysmëfinalen e Champions League regjia u ndal te tifozët në stadium. Mes tyre ishin edhe tifozët shqiptarë.

Një nga tifozet në stadium mbante flamurin kuqezi, teksa foto e saj ka bërë xhiron në media.

Shpejt u zbulua që vajza quhet Azra Jashari dhe është shqiptare nga Maqedonia e Veriut.

Krah saj është i fejuari dhe mikja Rina Halili.

Heidi Baci ka qenë pjesë e Grande Fratello në Itali. Ajo bëri bujë të madhe gjatë asaj kohe për shkak që krijoi një lidhje me aktorin Massimiliano Varrese, me të cilin kishte një diferencë të madhe në moshë, gjë që nuk i pëlqeu prindërve të saj dhe me këtë rast e larguan nga ai format.

Mes historisë së re të dashurisë me Romeo Veshajn, bukuroshja shpesh është komentuar edhe për lidhjen me Varresen.
K
a pasur aludime se artisti italian do të hyjë në Big Brother për t’u përballur me Heidin.

Mbi të gjitha, mbrëmjen e djeshme (e martë), ai ka bërë një postim të dyshimtë duke shkruar në InstaStory italisht dhe shqip.

“Faleminderit sinqerisht të gjithë njerëzve që më shkruajnë me shumë dashuri nga Shqipëria”, ka thënë ai. Sidoqoftë, pritet të shihet në vazhdim se si do të rrjedhë kjo ngjarje.

Deputetja greke dhe hartuesja e raportit për anëtarësimin e Kosovës në Këshillin e Europës, Dora Bakoyannis i ka kujtuar Presidentit të Serbisë Aleksandër Vuçiç marrëveshjen e nënshkruar për çështjen e kufijve me ish-presidentin Hashim Thaçi.

Nëpërmjet një interviste për të përjavshmen serbe “Radar”, Bakoyannis tha se negociatat për korigjimin e kufijve në vitin 2018, presupozonin ekzistencën e dy shteteve.

“Në vitin 2018, në Forumin Europian Alpbach në Austri, presidenti Vuçiç pranoi publikisht se kishte negociuar ‘korrigjimet e kufijve’ mes Serbisë dhe Kosovës, me ish-presidentin e Kosovës, Hashim Thaçi. Pavarësisht se negociatat për kufijtë presupozojnë ekzistencën e dy shteteve (nëse jo, atëherë me kë po negocioni?), të cilën unë e kundërshtoj, këtë e konsiderova si një akt trimërie nga ana e presidentit Vuçiç, jo një akt të tradhtisë”, shkruan ajo.

Kur Asambleja Parlamentare e Këshillit të Europës e emëroi si Raportuese për kërkesën e Komitetit të Ministrave për opinionin e Asamblesë për aplikimin e Kosovës, Bakoyannis thotë se “të gjithë ishin në dijeni të lidhjeve të mia të veçanta me Serbinë dhe popullin serb”.

“Jo vetëm sepse përfaqësoj një shtet anëtar që nuk e njeh pavarësinë e Kosovës, por edhe për shkak të punës sime për Integrimin Europian të Serbisë”, shton ajo.

Ajo shkruan se Serbia i përket Europës, por thekson se në vitet e fundit, perspektiva e integrimit europian të Serbisë është larguar.

“Në të njëjtën kohë, për të gjithë ne që ëndërrojmë për një Serbi të begatë europiane, lidhjet gjithnjë e më të ngushta me Rusinë dhe Kinën, incidentet e fundit të joliberalizmit dhe rastet e përsëritura të retorikës anti-BE në diskursin politik shkaktojnë shqetësim të madh”, shkruan Bakoyannis.

Ish-kryediplomatja greke shkruan se raporti i saj iu kushtua vetëm të drejtave të njeriut dhe nevojës për t’i sjellë edhe 2 milionë evropianë të tjerë nën ombrellën demokratike të KiE.

“Kjo e fundit është veçanërisht e rëndësishme për komunitetin serb në rajon, të cilit, për dekada, i është hequr e drejta për t’i ndjekur penalisht autoritetet e Prishtinës për shkelje të të drejtave të njeriut, para një Gjykate të njohur ndërkombëtarisht”, shkruan ajo.

Bakoyannis përmendi se si asaj i ishin dashur 300 ditë nga misioni në Prishtinë, Mitrovicën e Veriut dhe në Bruksel, një ekip avokatësh të specializuar dhe dhjetëra takime me qeveritë, ambasadorë, kryetarët serbë, përfaqësues të Kishës Ortodokse Serbe, organizata joqeveritare vendore e ndërkombëtare për ta përpiluar atë raport.

Aty, ajo përmend edhe se i ka kërkuar Qeverisë së Kosovës zbatimin e vendimit të Gjykatës Kushtetuese për tokat te Manastiri i Deçanit.

“Asnjë anëtari kandidat nuk i është kërkuar ndonjëherë të ndërmarrë kaq shumë reforma para se të sillet për diskutim mbi anëtarësimin e tij në Organizatë. Kjo është ndoshta arsyeja pse 83% e Kuvendit votuan pro Raportit”, shkruan Bakoyannis.

Deputetja greke thotë se “Asambleja Parlamentare nuk do të mbante asnjë qëndrim për shtetësinë” e Kosovës.

“Në fakt, gjatë fjalës sime në seancë plenare, nënvizova se ‘nëse do të kisha qenë e detyruar nga Komiteti i Ministrave të shpreh mendimin tim për shtetësinë, nuk do ta kisha marrë kurrë Raportin dhe do të rreshtohesha me pozicionin e vendit tim’, duke mohuar çdo konsideratë për anëtarësimin e Kosovës në Organizatë. Sidoqoftë, kjo e fundit nuk u kërkua kurrë. Njohja ose mosnjohja e shtetësisë është dhe do të mbetet prerogativë e shteteve”, shton Bakoyannis.

Përkundër kësaj, ajo thotë se u sulmua personalisht nga lidershipi i Serbisë, duke e cilësuar si tradhëtare deh se kërkon që të minojë marrëdhëniet dypalëshe midis vendeve

“Më cilësuan si një tradhtare të paturpshme që minon marrëdhëniet dypalëshe të vendeve tona. Asgjë nuk mund të jetë më larg nga realiteti. Mirënjohja publike e përpjekjeve të mia nga At Savva, igumeni i Manastirit të Deçanit, shërben si një dëshmi modeste për këtë. Për më tepër, duhet përmendur se lidershipi i vendit nuk ka qenë gjithmonë kaq i brendshëm”, shkruan Bakoyannis

Bakoyannis thotë se Serbia nuk ka alternativë të qëndrueshme ndaj BE-së dhe përqafimit të institucioneve liberale demokratike, nëse dëshiron të ketë të ardhme të begatë.

“Sipas parashikimeve aktuale, deri në vitin 2050, Serbia pritet ta humbasë pothuajse një të katërtën e popullsisë së saj, pasi të rinjtë dhe të aftët emigrojnë në kërkim të punës”, shkruan ajo, duke u shprehur e zhgënjyer nga “sulmet personale”.