Category: Lajme

Grupi kriminal shqiptar “LIONS” me qendër në Athinë, prej disa kohësh është kthyer në epiqendër të dhjetra krimeve të ndodhura në shtetin fqinj, duke lënë pas edhe persona të vrarë. Grupi kriminal i përbërë nga shtetas shqiptarë, të cilët operojnë rreth klubit të njohur “Bellavita” në kryeqytetin grek, dyshohet se ka lidhje me njerëz të fuqishëm të botës së krimit brenda burgjeve greke, të akuzuar madje deri edhe për trafik kokaine nga Amerika Latine.

Në epiqendër të veprimtarisë së tyre dyshohet se është kontrolli i shpërndarjes së drogës, ruajtja e lokaleve të natës kundrejt pagesës si dhe vepra të tjera me qëllime përfitimi. Në këtë kuadër ky grup kriminal dyshohet se ka krijuar lidhje shumë të forta edhe me njerëz të policisë e organeve të drejtësisë greke pasi edhe pse janë akuzuar për krime të rënda, kanë arritur të fitojnë lirinë duke u bërë objekt edhe i shkrimeve në mediat greke.

I tillë është edhe rasti i shqiptarit Dhimitri Çiço, një 28 vjeçar rom nga fshati Rom i Fierit. Në organet greke të drejtësisë dhe në media ai njihet si Nektarios Karakalios, një person me rrezikshmëri të lartë shoqërore, i konsideruar si një ndër personat që nuk stepen të hapin zjarr në kuadër të veprimtarisë së “LIONS”. Ditën e djeshme ai është arrestuar sërish nga policia greke i dyshuar si autor i një vrasjeje, edhe pse në harkun kohor të të paktën 13 muajve të fundit është arrestuar disa herë për vrasje, tentativa vrasjeje e vepra të tjera më të lehta, por është liruar. Dhimitri Çiço alias Nektarios Karakalios është arrestuar nga policia greke si i dyshuar për vrasjen e shtetasit afgan Bahman Rasuli, 35 vjec, ngjarje e ndodhur në 8 mars 2024 në Athinë. Sipas policisë greke, ngjarja ka ndodhur pas një përplasjeje mes një grupi prej 7 shqiptarësh me 6 afganë. Çiço ka hapur zjarr ndaj afganëve fillimisht duke mos lënduar askënd dhe sapo këta te fundit i janë sulur grupit të shqiptarve, 28 vjecari shqiptar ka shtënë sërish duke vrarë Bahman Rasulin. Pas hetimit rreth 1 mujor të ngjarjes, policia greke ka arritur të identifikojë të 7 shqiptarët e përfshirë në ngjarje në role të ndryshme. Konkretisht ata janë Bledi Alushi, 19 vjeç nga fshati Rom i Fierit, Akil Topi, 36 vjec nga Elbasani, Spiro Alushi, 23 vjec, Thanas Alushi, 25 vjec, Skerdi Dragoti, 24 vjec dhe Anxhelo Cenkaj, 18 vjec. Të gjithë të dyshuarit janë arrestuar përvec shtetasit Akil Topi i cili vazhdon të jetë person në kërkim.

Precedentët e të dyshuarve

7 shqiptarët e dyshuar si pjesmarrës në përplasjen me afganët nuk janë emra të panjohur për policinë.

1. Dhimitri Çiço alias Nektarios Karakalios rezulton i arrestuar më parë se në bashkëpunim me anëtarët e grupit “LIONS” kanë vrarë në 21.02.2023 në Athinë, 40 vjecarin nga Delvina, Pëllumb Islami. Në 8 shkurt të këtij viti është arrestuar për tentativë vrasje ndaj bashkëshortes, pjesëmarrje në tentativë vrasje ndaj 6 personave në dy ngjarje të ndryshme dhe për goditjen me armë ndaj lokalit të një shqiptari. Gjithashtu ka precedentë për “armëmbajtje”, “vjedhje” e shumë vepra të tjera.
2. Bledi Alushi, është arrestuar në 8 shkurt bashke me Çiçon për pjesëmarrje në tentativë vrasje ndaj 6 personave në dy ngjarje të ndryshme dhe për goditjen me armë ndaj lokalit të një shqiptari. Gjithashtu ka precedentë për “organizatë kriminale, “armëmbajtje”, “grabitje”, “plagosje e rëndë”, “shpërthim eksplozivi në tentativë”, “zjarrvënie në tentëtivë” e shumë vepra të tjera.
3. Spiro Alushi ka precedentë për “grabitje”, “kanosje”, “plagosje e lehtë” e vepra të tjera.

5. Thanas Alushi ka precedentë për “plagosje të lehtë” e vepra të tjera.
6. Anxhelo Cenkaj ka precedentë për “grup kriminal për shpërndarje lëndësh narkotike” e vepra të tjera
7. Akil Topi ka precedentë për “grup kriminal për shpërndarje lëndësh narkotike”, “grabitje”, “rrëmbim të mituri” e vepra të tjera.
8. Skerdi Draguti ka precedent të lehtë.

Policia franceze ka arrestuar kryebashkiaken e një qyteti francez si pasojë e një hetimi paraprak për trafikim droge.

Jamilah Habsaoui u vendos nën pranga nga policia pasi i gjetën 70 kg të lëndë narkotike në shtëpi.

Ndërkohë nga ky operacion u arrestuan edhe 7 persona të tjerë përfshirë edhe 2 vëllezërit e saj. Përveç shtëpisë një kontroll u bë edhe në bashkinë e qytetit,vendin ku punonte 46 vjeçarja, shkruajnë mediat e huaja.

Jamilah Habsaoui u zgjodh si kryetare e qytetit me afro 6 000 banorë afërsisht 250 km në juglindje të Parisit në rajonin Bourgogne-Franche-Comte, që nga marsi vitit 2021. Njëkohësisht është edhe këshilltare rajonale.

Europol ka analizuar për herë të parë bandat më të rrezikshme në Europë dhe pjesë e tyre janë edhe shqiptarët.

Në analizën e Europol, thuhet se rrjetet kriminale të përbëra nga shtetas jo anëtarë të BE në të shumtën e rasteve vijnë nga Shqipëria, Bosnja, Kina, Gjeorgjia, Islanda, Nigeria, Serbia, Turqia, Mbretëria e Bashkuar dhe Ukraina, thekson Europol.

Grupet kriminale të shqiptarëve kryesisht janë të përqendruara në tregun e kokainës, heroinës e kanabisit kryesisht në Belgjikë, Francë, Gjermani, Itali, Holandë dhe Spanjë. Ndërkohë që jashtë vendeve të Bashkimit Europian, aktiviteti i tyre është i vendosur në Brazil, Kolumbi, Ekuador dhe në Shqipëri.

Ndër sukseset e Europol, është edhe shkatërrimi i një bande të madhe shqiptare në 25 maj 2023, që transportonte drogë me kontenierë në Belgjikë. Droga mbërritne në Gjermani me makina me sisteme të rafinuara të fshehjes dhe shpërndahej në Europë.

Për Europol, një element i rëndësishëm i bandave shqiptare, që i dallon ato nga disa të tjera, është se ato janë të organizuara si familje me hierarki, të përbëra kryesisht nga shtetas shqiptarë dhe shqiptarë me nënshtetësi të dyfishtë.

Në raport theksohet fakti se bandat nga Ballkani Perëndimor janë shumë brutale dhe arrijnë deri në ekzekutime profesioniste.

“Disa prej këtyre bandave janë të specializuara ose kanë pjesëmarrje të lartë tek dhuna ekstrene, rrëmbime dhe ekzekutime profesioniste, korrupsion, larje parash, tregti armësh dhe lëndësh shpërthyese, falsifikim dokumentesh”.

Nuk kishte si të mungonte dhe një ‘përplasje’ mes Eglës dhe Julit mbrëmjen e djeshme, të cilët janë parë të jenë pjesë e debateve ‘të ashpra’ me njëri-tjetrin që në fillim të formatit.

‘Ke vënë mend?’- është i drejtuar Juli-Eglës, duke pretenduar për një ndryshim në sjelljen e banores pasi kjo e fundit ishte ‘e dënuar’ për gati një javë në dhomën e ‘Torturës së Bardhë’.

E për këtë Egla i është përgjigjur kështu: Unë nuk kam vën mend. Çfarë domethënë ke vën mënd? E di i transformon gjërat ti? Je i ulët! Vazhdo merru me Romeon se s’je për mua!

Juli: S’është faji im që je ti kështu, në këtë gjëndje. S’kam çfarë të të bëjë. Nuk të shpëtoj dot!- ka thënë Juli e ndërsa Egla i ka kërkuar të largohet prej atje ku ai po qëndronte duke e lënë të qetë banoren.

VIDEO

https://www.instagram.com/reel/C5fC8cEIWBU/?utm_source=ig_embed&ig_rid=ce2b3b2d-6fb9-4b08-8b6b-fa0061ece3f3&ig_mid=EB088A08-C645-4AC8-8A6A-227835739B45

Një ngjarje e rëndë ka ndodhur në Rusi, ku shembja e një ure në Rusinë Perëndimore, ka shkaktuar një viktime dhe pesë të plagosur.

Siç duket edhe nga pamjet, ura që u shemb ra sipër shinave të trenit.

Mediat në Rusi, raportojnë se mes të plagosurve është edhe një vajzë e mitur, 14-vjeç.

Kamerat e sigurisë në vendngjarje filmuan momentin e shembjes së urës, teksa mbi të ndodheshin disa automjete.

Shembja e urës shkaktoi dëme edhe në rrjetin e furnizimit me gaz, duke lënë pa gaz 8000 familje në rajonin e Smolenskut.

Edhe pse shkaku i shembjes nuk është bërë i ditur ende, mediat ruse raportojnë se vjetërsia e urës ka më shumë gjasa të jetë bërë shkak i shembjes.

Момент падіння Панінського мосту у Вязьмі Смоленської області рф pic.twitter.com/g8a6jYiXCk

— Апостроф (@apostrophe_ua) April 8, 2024

Shefi i Politikës së Jashtme të BE, Josep Borrell, ka paralajmëruar se lufta në Evropë është në horizont.

“Evropa duhet të përgatitet për një luftë të mundshme. Një konflikt në shkallë të plotë në kontinentin përtej Ukrainës, nuk është më një fantazi”, ka paralajmëruar kryediplomati i BE-së.

Ai ka shtuar se Rusia kërcënon Evropën përmes luftës së saj të vazhdueshme në Ukrainë ashtu edhe sulmeve hibride ndaj vendeve anëtare të BE-së.

“Lufta sigurisht që po afrohet rreth nesh. Një luftë me intensitet të lartë, konvencionale në Evropë nuk është më një fantazi”, tha ai.

Shefi i politikës së jashtme të BE shtoi se Unioni ka nevojë për një mjet të ri financimi ndërqeveritar, i krahasueshëm ky me atë që u krijua gjatë krizës financiare në eurozonë.

Stanley Meyer kishte prezantuar automjetin e shpikur që punonte me ujë në vend të karburantit, por vdiq pasi tha disa fjalë mjaft të vrazhda.

Shpikësi Meyer pretendonte se motori i makinës së tij punonte vetëm me ujë dhe kishte emetime krejtësisht të pastra.

Mënyra sesi funksiononte kjo makinë ishin qelizat e karburantit që ndanin atomet e ujit në përbërësit e tyre.

Formula e ujit është H20 që do të thotë se përbëhet nga hidrogjeni e oksigjeni, nga të cilët si karburant mund të përdoret hidrogjeni.

Shpikësi pretendonte se motori i tij shpërbën atomin dhe digjte hidrogjenin për të krijuar energji, ndërsa si mbetje makina lëshonte oksigjen.

Pretendimet duken të mrekullueshme por masa globale e tregut të naftës ka investuar miliarda dollarë dhe pret fitime me shifra të njëjta.

Duke pasur parasysh këtë, besohet se dikush mund të mos ishte i interesuar që të dilte në shitje një makinë që gradualisht mund të zhdukte kërkesën për naftë.

Kështu që dhe fjalët e fundit të Meyer ishin aq të vrazhda saqë tërhoqën vëmendjen e gazetave kur ai vdiq në 1998.

Sipas vëllait të tij, shpikësi kishte dalë për të ngrënë drekë ne restorant me dy investitore, kur kapi papritur fytin e tij dhe ulëriti: “Më helmuan!”

Autopsia e vdekjes së Meyer kishte një raport toksikologjie ku thuhej se në trupin e tij nuk ishte gjetur “asnjë helm i njohur nga shkenca amerikane.”

Një grua është hedhur nga dritarja për t’i shpëtuar dhunës së ish-partnerit të saj.

Ngjarja e rëndë ka ndodhur në Patra të Greqisë, ku një 47-vjeçar është futur në shtëpinë e ish-partneres dhe ka nisur ta dhunojë me grushte.

Ajo ka dëshmuar se kur ai i është futur në shtëpi, ka qenë duke fjetur, dhe se për t’i shpëtuar dhunës, pasi i kishte bllokuar derën, ajo është hedhur nga dritarja.

“Ishte një vajzë e vogël aty, ajo më ndihmoi”, ka treguar gruaja. Gjykata ka vendosur sot që ta lerë të lirë atë, me kush që të mos i afrohet ish-partneres dhe shtëpisë së saj.

Zbulohet tempulli i lashtë në majën e një mali në Shqipëri. Çfarë ka ai të veçantë dhe a mund të ndryshojë këtë pjesë të historisë së shqiptarëve?

Lidhja me kultin e Zeusit dhe përse arkeologët nuk kishin shkuar më parë? Mos humbisni videon e plotë të dokumentarit të gazetarit Marin Mema.

Ndërtimi i Azotikut të Fierit nisi në nëntor 1965. Vepra u vu në shfrytëzim më 17 shkurt 1967. Aty janë prodhuar plehra kimike me bazë azoti. Prodhohej Nitrat – Amoni (NH4NO3) me përmbajtje të lëndës aktive 34-35 %.

Kapaciteti i prodhimit ishte 120 000 ton/vit. Janë prodhuar realisht 90-110 mijë ton në vit. Më pas u ndërtua linja e prodhimit të uresë me 46 % lëndë aktive me kapacitet 200 000 ton/vit. Kështu kapaciteti i prodhimit në vitin 1989 shkoi në 320 000 ton.

Paisjet e Azotikut u blenë me financim kinez, pas nënshkrimit të një marrëveshje të posaçme kredie të nënshkruar në vitin 1966.

Kredia kineze për Azotikun, ndryshe nga afro 30 vepra të tjera të mëdha industriale, nuk u lëvrua në makineri e pajisje e teknologji nga RP e Kinës, por në vlerë monetare, duke blerë teknologjinë dhe një pjesë të makinerive e pajisjeve nga “Monte Catini” – sot “Monte Edison” një nga firmat lider në industrinë kimike në Itali e në botë, si dhe një pjesë tjetër në Gjermani.

Për montimin e teknologjisë dhe vënien në shfrytëzim të veprës kanë punuar së bashku specialistë italianë, kinezë dhe shqiptarë. Vepra ndaloi së funksionuari pas rënies së komunizmit dhe në vitet e fundit u çmontua dhe u shit për skrap! (Adi Darsi)