Category: Lajme

Kursi i këmbimit të Euros me Lekun, e ka nisur javën me rënie të mëtejshme dhe ka prekur nivelin më të ulët të vitit 2024. Sipas kursit zyrtar të këmbimit të Bankës së Shqipërisë, Euro u këmbye të hënën me 102.26 lekë, niveli më i ulët që nga 11 dhjetori i vitit të kaluar.

Në muajin e fundit, kursi i këmbimit Euro-Lek ka pësuar rënie me afërsisht 1.6%, ndërsa krahasuar me të njëjtën periudhë të një viti më parë rënia e kursit ka arritur në 9.4%.

Rënia e kursit të Euros, po reflektohet edhe në kursin e valutave të tjera kryesore.

Dollari Amerikan, ra sot në vlerën e 94.44 lekëve dhe po i afrohet përsëri nivelit më të ulët vjetor, që e ka regjistruar më datë 21 mars (në vlerën 94.16 lekë). Me bazë vjetore, kursi i këmbimit Dollar-Lek paraqitet në rënie me 8.7%.

Edhe Paundi Britanik, ra në vlerën e 119.25 lekëve, shumë afër nivelit minimal vjetor, që ishte regjistruar më datë 3 janar.

Me hyrjen e tremujorit të dytë, ekspertët mendojnë se tashmë kursi i këmbimit valutor po shfaq efektet e ndikimit në rritje të turizmit.

Një tendencë e ngjashme u vërejt edhe vitin e kaluar, afërsisht në të njëjtën periudhë. Po të kemi parasysh dinamikën sezonale të turizmit, është e pritshme që ky efekt të forcohet gjatë muajve në vazhdim. E njëjta gjë ndodhi edhe gjatë vitit 2023.

Deficiti i llogarisë korrente preku vlerën më të ulët historike për vitin 2023, në vlerën e 191 milionë eurove, me rënie 78% krahasuar me vitin 2022.

Shërbimet dhe në veçanti turizmi dhanë efektin kryesor. Llogaria e jashtme në shërbime vitin e kaluar ishte pozitive në vlerën e 3.4 miliardë eurove, në rritje me 43% krahasuar me një vit më parë.

Më shumë se gjysma e suficitit në shërbime erdhi nga turizmi. Statistikat treguan se të ardhurat neto në zërin e udhëtimeve të Bilancit të Pagesave kishin vlerën e 1.84 miliardë eurove, në rritje me 72% krahasuar me vitin 2022.

Për më tepër, vlera rekord e investimeve të huaja direkte, prej gati 1.5 miliardë eurosh (ku një pjesë e madhe janë investime në pasuri të paluajtshme), e ka tejkaluar me më shumë se shtatë herë vlerën e deficitit të llogarisë korrente.

Kjo tregon se flukset valutore hyrëse në ekonomi, kanë qenë më të mëdha se ato dalëse, që e ka ulur kursin e këmbimit të Euros në nivelet më të ulëta historike.

Mbështetur në tendencën e hyrjeve të shtetasve të huaj dhe pritshmëritë e operatorëve turistikë, gjasat janë që gjendja e bilancit të pagesave të vijojë përmirësimin edhe gjatë vitit 2024.

Në këto kushte, nuk është e papritur që raportet e kursit të këmbimit po vazhdojnë të anojnë në favor të Lekut./MONITOR

Gjatë natës, jën tërmet me magnitudë 4.1 Rihter, ka tronditur Greqinë.

Epiqendra e tërmetit, është regjistruar në një distancë prej 3 kilometrash në perëndim të Amfilochisë, ose 246 kilometra nga Athina.

Mediat vendase në Greqi, bëjnë me dije se thellësia e tërmetit ishte 13.1 kilometra. Për fat të mirë, nuk ka raportime për dëme materiale.

Greqia është një vend me aktivitet të lartë sizmik dhe tërmete të tilla janë të shpeshta në vendin fqinj

Këngëtarja e njohur dhe shumë e dashur për publikun Xhensila Myrtezaj, feston sot ditën e lindjes.

Xhensila feston sot ditëlindjen e 30-të.

Këngëtarja urimet e para për ditëlidnje, i ka marrë nga fansat e saj në rrjete sociale, të cilët kanë publikuar në “Instagram” fjalë të bukura për të.

Kohët e fundit, Xhensila Murtezaj, ka qenë kryefjalë e mediave rozë për shkak të ndarjes së saj nga aktori Bes Kallaku, i cili konfimroi divorcin me Xhensilën 2 javë më parë.

Ilir Meta ka hipur sërish majë paraleles, me të cilën u bë viral në rrjetet sociale.

“”Faleminderit” Bashkisë së Tiranës që ndjek aktivitetet e mia sportive dhe që më në fund u kujtua ta lyejë me bojë të bardhë kuadratin e hekurit tek kodrat e kryeqytetit!

Një përshëndetje edhe për të gjithë ata që herën e parë menduan se isha ngjitur këtu me helicopter”, shkruan Meta.

SHIKO VIDEON KËTU

Dashi

Kjo është një ditë gjatë së cilës do të jeni tejet emotiv, arsye për të cilën duhet të shmangni çdo situatë të tensionuar. Parashikohet një e martë mjaft e frytshme për të mbyllur disa negociata, të shtyra në kohë. Këshillohet që të mos tregoheni të nxituar.

Demi

Parashikohet një ditë e cila do ju gjejë mjaft pozitiv dhe të palodhur në vendin tuaj të punës. Për këtë arsye mos u druani të nisni projekte të reja, të cilat do të rezultojnë mjaft të frytshme. Në dashuri, mos u tregoni grindavec.

Binjakët

Mundohuni që t’u jepni fund atyre konflikteve që zgjasin prej shumë kohësh dhe që ju tensionojnë. Kjo është periudha më e mirë për të bërë paqe, me persona me të cilët keni kohë pa folur.

Gaforrja

Do të jeni të detyruar që të merrni vendime të rëndësishme në një kohë shumë të shkurtër dhe kjo gjë do ju fusë në krizë. Megjithatë mos u dekurajoni, por besojini intuitës suaj, e cila do ju lejojë që të arrini objektivat që i keni vendosur vetes. Raporti në çift do të jetë harmonik.

Luani

Kjo e martë do të jetë e rëndësishme për të rigjetur ekuilibrin dhe stabilitetin emocional. Këshillohet që të reflektoni dhe kjo gjë do ju lejojë që të analizoni me më shumë kujdes, të gjitha situatat, të cilat së fundmi ju kanë vendosur në siklet. Në dashuri këshillohet të jeni më aktiv, në mënyrë që të bëni për vete një person që pëlqeni.

Virgjëresha

Disa ndryshime të minutës së fundit do ju përballin me vështirësi, megjithatë mos lejoni që ankthi t’iu bllokojë, për shkak se do të keni mënyrë për t’u përmirësuar. Në familje dhe në raport me parnterin/en, mos u tregoni shumë kokëfortë.

Peshorja

Nga pikëpamja sentimentale kjo është një javë me shumë fat. Pritet të ketë takime të reja dhe interesante. Mundohuni vetëm që të tregoheni më të përfshirë në vendin tuaj të punës.

Akrepi

Zgjuarsia dhe kreativiteti juaj do ju vijnë në ndihmë, për të zgjidhur disa keqkuptime të vogla në vendin tuaj të punës. Kjo ditë është mjaft e favorshme, për të marrë në dorë karrierën tuaj. Dashuria parashikohet mjaft e favorshme.

Shigjetari

Do ju duhet të sforcoheni për t’u shfaqur më të qetë dhe reflektues, sidomos nëse në vendin e punës po jetoni një situatë të tensionuar. Shmangni konfliktet dhe mos e reflektoni tensionin në raportin në çift. Nëse jeni të pavendosur mes dy lidhjeve, ndiqni zemrën tuaj.

Bricjapi

Kjo ditë do ju lejojë që të prisni mundësitë që do shfaqen para jush, duke përmirësuar jetën personale dhe atë profesionale. Në vendin e punës parashikohen eksperienca të reja. Dashuria do të jetë mjaft e favorizuar.

Ujori

Do të keni mundësi që të lidheni më shumë me një person që e njihni fare pak dhe do të zbuloni se keni shumë gjëra të përbashkëta. Bashkëpunimet e reja do të rezultojnë mjaft të frytshme për karrierën tuaj profesionale. Kjo ditë favorizon takimet.

Peshqit

Gjatë kësaj dite do të shijoni rezultate të mëdha, sidomos nga pikëpamja profesionale, ku do të rifuteni plotësisht në lojë. Megjithatë në dashuri dhe në familje do të jeni disi të ftohtë dhe të shkëputur. Përfitoni për të kaluar më shumë kohë cilësore së bashku.

Gazetarja Klodiana Lala ka folur për hetimet e SPAK që kanë tronditur Bashkinë e Tiranës, duke çuar deri tani në pranga tre drejtorë dhe me masa sigurie gjashtë të tjerë. E ftuar në emisionin “Të Paekspozuarit” në MCN TV, Lala tha se kryebashkiaku Veliaj është në listën e personave që do të thirren për t’u pyetur dhe se roli i tij është duke u hetuar në dosjen 5D, por edhe në çështjen e inceneratorit të Tiranës, ky dy zyrtarë të bashkisë, Taulant Tushe dhe Namik Simixhiu janë në pranga.

“Zoti Veliaj është në listën e personave që do të pyeten. Deri tani nuk ka fletëthirrje zyrtare. Prokuroria po vijon me zbërthimin e telefonave. Po verifikohen edhe tenderat që dyshohet se jnë zhvilluar në institucionet e tjera. Veliaj është listuar si person që do të merret në pyetje si person në dijeni, më pas do të varet nga SPAK. A është nën hetim? Është nën hetim roli i tij, për të parë nëse ka qenë autoritet kontraktor, që në disa raste rezulton se ka qenë Bashkia Tiranë. Por edhe për të parë kontaktet. Gjatë kontrolleve në kompaninë 5D, mes drejtuesve ka kontakte edhe me zotin Veliaj që do të shihen nëse hyjnë në kategorinë e veprave penale. Hetime të tjera në bashki, dimë se Veliaj po hetohet në kuadër të inceneratorit. Taulant Tushe është në arrest me burg. Në kuadër të këtij hetimi është ushtruar kontroll në banesat e disa zyrtarëve shumë të lartë, janë marrë telefona dhe materiale. Taulant Tusha ka masë sigurie edhe për dosjen 5D, bashkë me Qaton dhe Mollën. Prokuroria është fokusuar fillimisht te tenderat në Bashki dhe në ndërmarrjet në varësi. Tani po sekuestron praktika të tenderave në qytete të tjera, Durrës, Shkodër, etj, ku 5D ka garuar për të fituar tendera”, tha Lala.

Lala shpjegoi edhe skemën e përdorur nga drejtorët për ngritijen e një kompanie që do të përvetësonte paratë publike, duke nisur fillimisht me një elektriçist dhe një bukëpjekës dhe më pas me Nestor Muhametllarin, sot i arrestuar nga SPAK.

“Do e them skemën me fjalë të thjeshta. Në 2016, një elektricist krijon kompani që e quan Igor Elektrik. Kjo kompani, pa mbushur as një muaj, fiton tenderin e parë. Këtë e merr te Ujësjellësi, ku Molla dhe Qato kanë patur funksione të rëndësishme në Bashki. Këtë kompani e shet në vitin 2017 edhe pse kishte xhiro të konsiderueshme, Muhamet Petritit, bukëpjekës. Muhamet Petriti rezultonte administrator, por nuk ishte as i regjistruar dhe siguruar, por sigurohej te furra e bukës së bashkëshortes. Një vit më vonë, Muhamet Petriti, vjehrri i vëllait të Qatos, e merr kompaninë 100%. Më pas kompania shitet 75 lekë të re, më pak se një kafe turke. Në 2021 shitet për 10 mijë euro te Nestor Muhametllari, ndërkohë që fitimin e kishte 2 milionë euro.

Nestor Muhametllari dhe Muhamet Petritit, që duhet të ishin pronarë, nuk kishin as numrin e njëri-tjetrit. Muhametllari kishte numrat e telefonit të Qatos dhe Mollës, por jo kontakt me pronarin e kompanisë. Pra ishin brenda një kompanie fiktive dhe ndodhte që zyrtarët e bashkisë, i shpallnin procedurat dhe ishte vetë kompania private dhe njerëzit e dërguar prej tyre, ndërhynin në user dhe bënin skualifikimin e të tjerëve. Të gjithë punonjësit e dinin kush ishin pronarët e vërtetë të kompanisë. Po të shohësh përgjimet, thonë e ka shtetit vetë. Një punonjëse thotë unë ika nga puna që të mos dilja në fushatë, këta më thoshin dil në fushatë. Në zgjedhje vendore, punonjësit e 5D merreshin me listë dhe nxirreshin në fushatë. Jo vetëm që e dinin kush ishin pronarët por heshtnin. Një nga punonjëset thotë plasi sherri këtu dhe thotë kam vajtur në shtëpi dhe po fle me Xanax. Gjykata e Posaçme në pikën 88 të vendimit, i lë detyrë SPAK-ut të hetojë kreun e autoritetit kontraktor, por nuk e përcakton a është Bashkia apo shtetasi Veliaj. Po ta lexosh me kujdes, kupton që gjykata ka lënë detyrë të hetohet direkt Erion Veliaj. Të gjithë procedurat e fundit tenderuese, autoriteti kontraktor ishte Bashkia e Tiranës”, tha Lala.

Në aplikacionin Telegram ekziston një grup me mijëra anëtarë të cilët publikojnë foto dhe video nudo të vajzave.

Rasti është denoncuar nga emisioni “Fiks Fare”.

Përveç fotografive, publikohen edhe video, ku shihen duke kryer akte seksuale, ndërsa poshtë tyre vazhdojnë komentet bullizuese dhe shantazhuese. Pas mbylljes së grupit “Albkings”, me ndërhyrjen e autoriteteve të Kosovës ku u arrestuan 2 të rinj të cilët e administronin është krijuar grupi “Shqipet 87” i cili me shpejtësi numëron aktualisht rreth 24.600 ndjekës të cilët me adresa fallco apo jo, denigrojnë vajza, gra e të mitur.

Madje marrëzia shkon edhe përtej ku shpërndajnë informacione mbi to, si numra telefonash dhe adresa të vajzave , por jo vetëm aq, pre e këtij rrjeti kanë rënë edhe të miturit. Grupi shërben edhe për gjëra të tjera ilegale. Pra për këta përdorues të këtij grupi në Telegram mosha, masa apo kufinjtë nuk kanë limite.

Gazetarët e Fiksit treguan se sa me lehtësi mund të bëhesh pjesë e këtij rrjeti, dhe në adresën tënde të vijnë qindra mesazhe .

Në grupin “Shqipet87” ka me mijëra anëtarë online në çdo sekond. Ky aplikacion është në dhjetëshen e programeve më të shkarkuara në botë. Nga të dhënat në mars të këtij viti aplikacioni ka mbi 900 milion përdorues aktive.

Eksperti i IT, Tomi Kallanxhi tha për Fiksin se këto grupe janë më të lehta për t’u hapur se për t’u mbyllur, sepse Telegram është një platformë që nuk përgjigjet. “Autoritet shqiptare mund të merren me anëtarët e grupit, ata mund të identifikohen dhe të përgjigjen para ligjit” thotë Kallanxhi.

Ndërkohë Altin Hazizi, drejtor i “Qendrës për të drejtat e fëmijëve në Shqipëri” thotë se ky problem është ngritur edhe në Komisionin e Sigurisë në Kuvend, por Telegram është një platformë që nuk përgjigjet, pasi është një aplikacion i hapur në Rusi dhe më vonë për shkak të luftës është shpërngulur në Dubai.

“Na janë adresuar raste ekstreme të dhunës seksuale me të mitur në këto grupe, ndaj shteti duhet ta mbylli këtë rrjet për aq kohë sa aplikacioni nuk ofron siguri dhe nuk përgjigjet” thotë Hazizi.

Ai e vë theksin edhe tek përgjegjësia e prindërve , të cilët nuk duhet t’i publikojnë fotot e fëmijëve në rrjete të pasigurta, pasi ato bëhen pre e pedofilave.

Për mbylljen e këtyre grupeve, Telegrami nuk u përgjigjet autoriteteve tona shtetërore. Por jo vetëm autoriteteve tona, ndaj shumë shtete e kanë bllokuar si aplikacion për të ruajtur privatësinë e shtetasve të tyre./albeu.com

Duket se debatet mes Eglës dhe Meritonit nuk kanë fund, edhe pas rikthimit të tyre në shtëpi pas skualifikimit.

Ditën e sotme, teksa ishin duke marrë rreze dielli në pishinë, ata kanë ironizuar njëri-tjetrin, e nga ana tjetër Meritoni e ka paralajmëruar aktoren se do e bëjë të paguajë për çdo moment të vështirë që kaluan ai dhe Ilnisa.

Pjesë nga biseda:

Meritoni: O teta Eglantina

Egla: Po vazhdon prapë me teta ti? Vazhdo…(Qesh)

Meritoni: Po ti po vazhdon me ‘stalker’? Shpifse! Shpif pra shpif, sepse do të mbash përgjegjësi për të gjitha këto!

Egla: Edhe për ‘stalker’ e vendosi publiku!

Meritoni: Por shpifjet e tua do vazhdojnë edhe jashtë. Janë edhe jashtë, do i shijosh, do i përjetosh, do i ndjesh… Çdo dhimbje që ne kemi përjetuar do e ndjesh!

SHIKO VIDEON KËTU

Fation Kuqari, ish-konkurrent i formatit ‘BBV3’, së fundmi ka qenë i ftuar në një lidhje telefonike për ‘Live From Tirana’ ku ka folur lidhur me eksperiencën e tij në formatin më të ndjekur në Shqipëri.

I pyetur se si ka qenë eksperienca e ‘Big-ut’ për të Fationi është shprehur: ‘Njeriun ku ta hedhësh, mësohet. Ajo java e parë ishte pak e sikletshme, pa telefon, por mësoheshe dhe kalon bukur.

Njeriu nuk ka moshë për t’u rritur, për të mësuar disa gjëra që nuk i njihje nga vetja. Kur je me familjen e gjen gjuhën, por të bashkëjetosh me disa njerëz që nuk i njeh, është shumë e çuditshme.’

E teksa u përfol për një romancë që mund të lindte mes Fationit dhe Rikes, ish-banori i ka ‘shuar’ aludimet:

‘Nuk e gjetëm gjuhën. Në gjërat që kërkoja unë, nuk përshtatej si gjë.’

Gjatë momentit të daljes nga shtëpia të Fationit, vumë re që Rikja u përlot shumë por çfarë mendon Fationi për ‘trishtimin’ e Rikes?👇🏻

‘Por lotët 5 minuta janë…’- ka thënë ai.

Ilnisa Agolli la shtëpinë e Big Brother të shtunën, si banorja më pak e votuar midis Meritonit dhe Eglës.

Por pak orë para se të dilte, në mediat rozë u përhap video nga një moment intim mes saj dhe Meritonit. Çifti ishin mbuluar me çarçaf dhe fshehur mes dy krevateve, teksa lëvizjet i bënë shumë të mendojnë se ata u përfshinë në marrëdhënie intime.

Lidhur me këtë, ka reaguar aktorja Ema Andrea, e cila përmes një postimi në Instagram tregon ligjin që dënon deri në burg kryerjen e marrëdhënieve seksuale në publik.

Ilnisa nuk ka reaguar për këtë, as kur gazetari Ronaldo Sharka i tha se ajo arriti të thyejë “tabu” duke kryer marrëdhënie brenda shtëpisë me një djalë 10 vjet më të ri se ajo. Ilnisa as nuk e mohoi dhe as nuk e pohoi.

Mirëpo në mbrojtje të saj ka dalë i vëllai, i cili i përgjigjet Ema Andreas duke i thënë ta lexojë mirë kodin penal, pasi nuk është ashtu siç e interpreton ajo.

“Meqë aktorëve po i duket vetja juristë ta lexojnë mirë kodin penal”, shkruan vëllai i Ilnisës në Instagram.