Category: Lajme

Një apel për ndihmë ka mbërritur së fundmi në redaksinë tonë.

Fabiola Zeneli është një 20-vjeçare që ka nevojë për ndihmën e shqiptarëve pasi i duhet të kryejë një operacion në shtyllën kurrizore që të mund të ecë sërish. Që në lindje, mjekët konstatuan disa probleme në pjesën e legenit të saj dhe probleme me ecjen.

Familjarët e saj nuk u dorëzuan dhe i mundësuan asaj çdo operacion apo seancë mjekësore në Greqi që ajo të mund të ecte sërish. Por ku gjendja e tyre ekonomike u përkeqësua, ata hoqën dorë nga shumë trajtime dhe u zhvendosën sërish në Shqipëri.

Me kalimin e viteve dhe anashkalimin e seancave mjekësore për shkak të kushteve të vështira ekonomike gjendja e Fabiolës u përkeqësua. Një mjek specialist i dha shpresë familjes së saj duke iu treguar se si ajo mund të ecte sërish falë dy operacioneve me vlerë 22,800 euro.

Familjarët duke mos qenë në gjendje t’i përballojnë këto operacione dhe këtë shumë, i janë drejtuar redaksisë tonë dhe shqiptarëve për ndihmë. Ata kanë hapur një llogari bankare dhe një në GoFundMe, ku kushdo mund të kontribuojë që Fabiola të ecë sërish.

Linku GoFundMe

Apeli për ndihmë:

Fabiola Zeneli, lindur me 18/04/2003 Berat. Qe ne momentet e para te ardhjes ne jete doktorat diagnoztikuan probleme me pjesen e legenit ku proceduan me nje operacion qe prej 6 muajshe por ky i fundit rezultoj pa sukses. Familja e vajzes vendosen te emigronin drejt shtetit te Greqise ku pas shume vizitash dhe diagnozash, doktorat konstatuan qe problemi vinte nga deformimi i shtylles kurrizore dhe per pasoje vajza nuk mund te ecte. Ne moshen 6 vjecare u krye operimi i pare i cili zgjati 12 ore por perseri pa sukses.

Ne vazhdimesi u kryen edhe 13 operacione duke e cuar totalin ne 15 opercione per te bere te mundur drejtimin e shtylles kurrizore. Ne operacionin e parafundit Fabiola pati permiresime ku ne shtetin grek pas shume terapish intensive me shuma te kushtueshme, duhej te kryente dhe nje operacion te fundit perfundimtar per te bere te mundur qe vajza te ecte. Operacioni i fundit duke qene dhe nje nder me te rendet prej 10 oresh ne sallen e operimit, duhej te pasohej me terapi intensive. Kushtet ekonomike dhe pamundesia per te ndjekur trajtimet ben qe familja te kthehej ne Shqiperi ku gradualisht gjendja e vajzes filloj te rendohej.

Me kalimin e viteve vajza se bashku me familjaret po fillonin te humbisnin shpresat qe Fabiola do te mund te ecte, por deshira e prindrve qe vajza te mund te ecte ishte me e forte se cdo pengese qe mund ti sillte jeta. Pas shume vizitave te bera ne Shqiperi doktorat konstantuan qe me ane te nje operimi vajza ka shpresen qe te mund te ngrihet ne kembe dhe te eci. Sipas specialistit Kamil Kose, prej te cilit u krye nje prej konsultave te fundit rezultoj qe vajza duhet ti nenshtrohet ketij operimi me dy pjese. Ketu perfshihet pjesa e poshtme e trupit, drejtimi i legenit, gjunjet dhe gishterinjt qe do te pasohet dhe me drejtimin e shtylles kurrizore, ku kjo e fundit perben pjesen e dyte te operimit.

Per kryerjen e kesaj procedure mjekesore familjes i kerkohet nje shifer prej 22,800€ e cila mundeson kryerjen e pjeses se pare te operacionit. Kjo shifer eshte jashte mundesive finanziare te familjes ne fjale. Ne foto gjenden te dokumentuara vizitat mjekesore se bashku me faturat dhe grafite perkatese. Familja ne nevoje per ndihme ka hapur nje llogari bankare ne emer te vajzes ku i kerkon ndihme gjithekujt te kontriboj sado pak brenda mundesive te tyre financiare per te bere te mundur kryerjen e pjeses se pare te operimit dhe realizimin e deshires se Fabioles per te ecur. Lutemi te merrni ne konsiderate qe cdo ndihme e juaja sado e vogel, vlen shume per Fabiolen. Llogaria bankare gjendet si me poshte:

Fabiola Zeneli Banka: INTESA SANPAOLO BANK

IBAN: AL03208233840000095340838901

Ju falenderojme nga zemra. Ju faleminderitt shumm nga zemra per kete ndihme qe po me jepni

Anton Gjelaj dhe Kristian Gjelaj, babë e bir humbën jetën në një aksident tragjik mesditën e 1 Dhjetorit në Podgoricë, Mal të Zi.

Ata po udhëtonin me një mjet tip “Golf” kur papritur u përplasën në Urën e Shtrembër dhe ranë në lumin Moraça. Për nxjerrjen e trupave nga lumi është dashur ndërhyrja e një ekipi zhytjeje.

Babë e bir, njëri 37-vjeç dhe tjetri 6-vjeç janë përcjellë për në banesën e fundit në Malësi të Madhe.

Sipas të dhënave të para nga policia dhe në bazë të dëshmive të dëshmitarëve të tragjedisë, me shumë gjasa bëhet fjalë për vetëvrasje. Sipas deklaratave të dëshmitarëve, shoferi i “Golfit” është ngjitur ngadalë në trotuar me makinën e tij dhe më pas papritur ka përplasur mjetin dhe ka rënë në Moraça.

Policia ndaloi një dëshmitar i cili dyshohet se pa shoferin duke u ngjitur në trotuar me makinën e tij.

Një video e akademikes greke, Helene Glykatzi-Ahrweiler është bërë virale në rrjetet sociale. Videoja është përhapur gjerësisht, për shkak se Helene Glykatzi Ahrweiler, shprehet se në vitin 1831 në Athinë ekzistonin vetëm 8000 shtëpi, shumica prej tyre ishin shqiptare.

Kjo deklaratë e saj hapi jo pak debate në rrjete sociale, duke zgjuar kështu edhe reagime të shumta nga qytetarët grek në faqet e ndryshme në internet ku kjo video është publikuar.

“Greqia nuk ekzistonte, kështu që për të ngushëlluar veten, çfarë bënë ata? Pikërisht! 8000 shtëpi në Athinë në vitin 1831, gjysma e tyre pa çati. Dhe shumica prej tyre u përkisnin shqiptarëve. Fjalori i parë shqip – greqisht u krijua nga Botsaris (Gjeneral dhe hero i Luftës së Pavarësisë Greke). Botsaris krijoi fjalorin e parë shqip – greqisht sepse të gjithë ushtarët e tij ishin shqiptarë”, është shprehur akademikja.

Helene Glykatzi-Ahrweiler është sot 94 vjeçe. Akademikja greke që ia ka kushtuar një pjesë të jetës studimeve mbi Bizantin ka qenë gruaja e parë që ka drejtuar Universitetin e Sorbonës. Gjithashtu, ajo ka qenë edhe drejtuese në Universitetin e Europës dhe presidente e Bordit në Qendrën Kulturore Europiane në Delfi.

Dua Beqiri, 6 vjeçarja me prejardhje nga fshati Bilaç komuna e Bujanocit e ka përfaqësuar Kosovën duke i sjellur titullin Champion në garat ndërkombëtare te organizuara nga Brainobrain Academy, gara me abakus dhe aritmetikë mentale, në Dubai, më 25 nëntorë 2023.

Në garë, Kosovën e përfaqësuan 27 fëmijë nga mbi 30’000 pjesëmarrës nga e gjithë bota, gjithësej 45 shtete.

Koha e kufizuar për zgjidhjen e 40 detyrave ka qenë 3 min, por Duas i mjaftuan vetëm 2:52 min.

Mendjet gjeniale arrinë saktësinë dhe shpejtësinë e rezultateve për kohën e kufizuar, ishte e jashtëzakonshme krahasuar me fëmijët e kategorisë së saj në nivel botëror.

Një tërmet me magnitudë 5.1 ka tronditur turqit pranë Gjirit Gemlik të rrethit Mudanya të Bursës.

Afërsisht 3 minuta pas tërmetit që ndodhi rreth orës 10:42 të mëngjesit, një tjetër tërmet me magnitudë 4.5 ballë goditi vendin. Tërmeti është ndjerë jo vetëm në Bursa, por edhe në Stamboll, Kocaeli, Yalova, Balıkesir dhe qytetet përreth. Ndërkohë që tërmete të tjera, por me magnitudë më të ulët kanë ndodhur edhe më vonë.

Momenti i tërmetit u pasqyrua në kamerat e sigurisë të vendeve të punës dhe shtëpive dhe zgjati përafërsisht 10 sekonda. Në kamerat e sigurisë është kapur edhe momenti i “arratisjes” së qytetarëve nga dyqanet e tyre. Pasi ndërtesat krijuan çarje nga tërmetet e vazhdueshme, qytetarët që donin të largoheshin nga Mudanya krijuan trafik të rënduar në qendrën e rrethit.

Banorët e zonës thanë:

Kemi përjetuar një panik të madh, u drodh keq. Nuk ka dëme në pronën tonë. Ne vrapuam te fëmijët dhe familja ishte në panik. Njerëzit dolën në rrugë dhe kishte bllokime të trafikut. Qeveria dhe pushteti lokal duhet të marrin masa.

https://twitter.com/AlainTurk?ref_src=twsrc%5Etfw%7Ctwcamp%5Etweetembed%7Ctwterm%5E1731631959024205895%7Ctwgr%5Eef00ceef92da5b67cc4d5556a8e16d37d9e06891%7Ctwcon%5Es1_&ref_url=https%3A%2F%2Fjoq-albania.com%2Fartikull%2F1179907.html

Bruna Cavalli është 31-vjeçarja me origjinë shqiptare e cila vdiq të shtunën në mbrëmje pasi u përplas nga një makinë teksa po ecte buzë autostradës 16 në Rimini, Itali.

Mbrëmjen e së shtunës ajo ishte në shoqërinë e një mikeshe 21-vjeçare me kombësi indiane, e cila u plagos rëndë dhe u shtrua në spital në Cesena. Aksidenti ndodhi në orën 21:30 kur dy vajzat që ecnin përgjatë një rruge të ndriçuar keq u përplasën nga një Volkswagen Tiguan, i drejtuar nga një burrë.

Bruna vdiq menjëherë në vendngjarje, ndërsa shoqja e saj u dërgua në spitalin ‘Bufalini’ në Cesena pasi ka pësuar disa trauma. 21-vjeçarja me kombësi indiane do të intervistohet në orët në vijim nga efektivët e policisë rrugore , të cilët ndërhynë në vendngjarje mbrëmjen e së shtunës së bashku me punonjësit e shëndetësisë. Dëshmia e saj do të jetë thelbësore për të rindërtuar dinamikën dhe për të sqaruar rrethanat e aksidentit pasi në asfalt nuk ka shenja frenimi dhe rruga nuk është e ndriçuar mirë.

Familja e Brunës është shkatërruar. E lindur në Shqipëri, ajo u birësua si fëmijë nga një çift që jeton në një qytet pranë Rimini. Bruna kishte kohë që jetonte në Rimini. Ajo punoi për vite si kamariere në tavernën La Chiacchera. Pronari i saj i pikëlluar nga ngjarja thotë:

Një vajzë shumë e mirë. Mësuam për tragjedinë dje në mëngjes, ende e kemi të vështirë të besojmë se nuk do ta shohim më Brunën.

Ndërkohë kolegët thonë se Bruna ishte plot jetë, e sjellshme dhe e disponueshme për të gjithë.

Një moment rrënqethës është përjetuar gjatë ndeshjes mes Cordoba dhe Melilla. Mbrojtësi i Cordoba, Dragisa Gudelj, pësoi atakun e dytë në zemër brenda tetë muajve, por arriti të dilte sërish fitimtar.

Pak pas minutës së 25’ të ndeshjes, lojtari serb u rrëzua në fushë duke humbur ndjenjat. Megjithatë, pak sekondë më vonë, 26 vjeçari i ngrit në këmbë, dukshëm i trullosur.

Gjyqtari ndërpriti lojën dhe u kërkoi mjekëve që të futeshin në fushën e lojës për t’i dhënë ndihmën e parë futbollistit, i cili u shpëtua nga një defibrilator i implantueshëm që kishte vendosur tetë muaj më parë, duke ditur problemin që ka.

Marsin e kaluar, Gudelj humbi ndjenjat për herë të parë, sërish gjatë një ndeshjeje. Mjekët nxitun dhe e shpëtuan lojtarin serb, duke e mbajtur në jetë. Që atëherë, vëllai i sulmuesit të Sevilla ka jetuar me një defibrilator të implantueshëm që në thelb ishte arsyeja që dje nuk kishte rrezik më të madh për qendërmbrojtësin serb.

https://twitter.com/relevo?ref_src=twsrc%5Etfw%7Ctwcamp%5Etweetembed%7Ctwterm%5E1731291836168183809%7Ctwgr%5E90a5643c5182286ea5b9d84b71c218e6bc02b728%7Ctwcon%5Es2_&ref_url=https%3A%2F%2Fabcnews.al%2Fvideo-momente-te-frikshme-ne-spanje-lojtari-serb-peson-atak-kardiak%2F

https://twitter.com/IngenieroPlan?ref_src=twsrc%5Etfw%7Ctwcamp%5Etweetembed%7Ctwterm%5E1731291836168183809%7Ctwgr%5E90a5643c5182286ea5b9d84b71c218e6bc02b728%7Ctwcon%5Es1_&ref_url=https%3A%2F%2Fabcnews.al%2Fvideo-momente-te-frikshme-ne-spanje-lojtari-serb-peson-atak-kardiak%2F

Pretendimet e ish-bashkëshortit të motrës së Mbretëreshës Letizia, se dikur kishin një lidhje dhe se ai ishte gati të martohej me të para bashkëshortit aktual të Letizias, mbretit të Spanjës, Felipe, kanë shkaktuar bujë por edhe shqetësim në mediat spanjolle. Gjithçka filloi pas një postimi në Jaime del Burgo ‘s X që kishte një foto të Letitia-s rreth 15 vjet më parë pozon para një pasqyre. Në të njëjtin postim kishte si mbishkrim tekstin e mëposhtëm: “Dashuria ime. Unë kam vendosur shallin tuaj. Ai më mbron. Po numëroj orët derisa të takohemi sërish. Unë të dua. E jotja”.

Mirëpo, kur ky postim ra në sy nga mediat spanjolle, del Burgo e fshiu atë, ndërsa të njëjtën gjë bëri për të gjithë përmbajtjen e llogarisë së tij X.

Del Burgo shihet duke pretenduar se ishte gati të martohej me Letitia në vitin 2004, ndërsa ajo ishte ende gazetare. Sipas të njëjtave pretendime, del Burgo do t’i propozonte në darkë Letitia-s në hotelin Ritz në Madrid, por në atë datë mbretëresha e ardhshme e Spanjës dyshohet se i tha atij se kishte takuar një burrë (d.m.th. Felipe) që do t’i ndryshonte jetën.

Pretendimet e Del Burgo janë pritur me skepticizëm nga mediat spanjolle pasi ai ka kërcënuar më parë se do të zbulonte sekretet e supozuara të familjes mbretërore të Spanjës.

Spanjolli 53-vjeçar, i cili jeton në Zvicër me gruan e tij, avokaten me origjinë suedeze Lucia Diaz Lilleström, nuk është i panjohur për qarqet e biznesit spanjoll pasi duket se ka biznes në Marok, Afrikën e Jugut, Brazil, Meksikë, SHBA, Franca dhe Gjermania.

Një muaj më parë ai publikoi një libër me titull “Letitia dhe unë” në të cilin përpiqej të shpjegonte marrëdhëniet e tij me monarkinë spanjolle. Në këtë libër, 53-vjeçari pretendon se u takua me Mbretëreshën aktuale të Spanjës në vitin 2000, duke sugjeruar që pavarësisht martesës së saj me Felipe, ata vazhduan të dilnin bashkë.

Ai ishte në fakt dëshmitar në dasmën e Letitias me Felipen në vitin 2004, por menjëherë pas kësaj ai pati një lidhje me motrën e mbretëreshës aktuale të Spanjës, Thelma, me të cilën u martua në vitin 2012 para se të ndaheshin përfundimisht përgjithmonë në 2014.

Dardan Krivaça, i cili në muajin gusht u dënua me burgim të përjetshëm pasi përdhunoi dhe vrau një vajzë 18-vjeçare të quajtur Marigona Osmani, ka kërcënuar nga burgu motrën e të ndjerës.

Kjo është bërë me dije nga babai i dy motrave Muhabi Osmani, i cili ka rrëfyer se mesazhe të ndryshme, në rrjete sociale, nga profile në emër të Krivaqës, kanë kërcënuar familjes e tij. Ky i fundit është dënuar me burgim të përjetshëm për vrasjen e Marigonës, në vitin 2021 në Ferizaj.

“Kërcënime ka pasur ndaj bashkëshortes, me anë të SMS-ve. Ka thënë që: “Edhe këtë vajzën e madhën që e keni do t’ia bëj njësoj”. E kemi raportu në Polici, tani janë duke u marrë ata me këtë rast”, deklaron Osmani për mediet.

Ata shprehen se organet ligjzbatuese ende nuk e kanë gjetur se nga i ka ardhur ai mesazh.

“Rasti ka ndodhur para një viti. Nuk kemi të dhëna, jemi duke pritur, prokurori e ka marrë rastin, ende s’na ka kthyer përgjigje që kur ka ardhur ai mesazh dhe nga ka ardhur. Ai ka qenë në burg, SMS-i ka ardhë nga profili i tij në rrjete sociale në telefonin e bashkëshortes. Kur kemi shkuar në polici, ai i hetuesisë ka pyetur prokurorin që të na e bënte intervistën apo jo, paramendoje ti, tani prokurori tha merrini në pyetje. Duke e ditur rastin tonë”,shtoi Osmani.

Ka shumë tradita “të veçanta” që ekzistojnë në vendet skandinave, si Norvegjia. Një norvegjez i rrezikshëm ka vendosur një rekord të ri botëror në një sport ekstrem që është bërë modë në vendin e tij.

Bëhet fjalë për Ken Stornes i cili vendosi rekord në “zhytjen e vdekjes” duke u hedhur nga një lartësi prej 40.5 metrash në ujërat e ftohta të Stryn të Norvegjisë.

“Zhytja e vdekjes” u shpik në Norvegji dhe është një lloj zhytjeje ekstreme në të cilën personi që zhytet në ujë duhet të hidhet me bark. Diçka veçanërisht e dhimbshme.

Shikoni videon e rënies më të madhe të ‘zhytjes së vdekjes’

https://twitter.com/visegrad24?ref_src=twsrc%5Etfw%7Ctwcamp%5Etweetembed%7Ctwterm%5E1731585939904888849%7Ctwgr%5E4fbe76e1e6ec3386dcdb7842b0db68da9d6e2802%7Ctwcon%5Es1_&ref_url=https%3A%2F%2Fabcnews.al%2Fvideo-zhytja-e-vdekjes-tradita-e-frikshme-ne-norvegji-nga-40-metra-ne-ujerat-e-akullta%2F