Category: Lajme

Moderatorja Arbana Osmani, e cila kohët e fundit është shkëputur nga televizioni, si rrallë herë ka dhënë një intervistë duke shuar pikëpyetjet që ndjekësit kanë në lidhje me të, veçanërisht për drejtimin e Big Brother Vip 3.

Për këtë të fundit, Arbana Osmani tha se kishte ardhur koha që ajo të merrte një pushim dhe të kalonte më shumë kohë me familjen e saj dhe t’i përkushtohej bizneseve të saj.

“Vazhdimisht kur e di se gjërat mes meje dhe njerëzve të mi të afërt, për tematika të caktuara, janë krejt të qarta, nuk e ndjej të nevojshme të jap shpjegime publike, në të gjitha sferat. Kështu që nuk e ndjeva që unë në finalen e Big Brother duhet të thosha: Shiko se ky është edicioni im i fundit. Se unë jam një nga hallkat e programit. Njerëzit do ta ndjekin programin me ose pa mua, ç’rëndësi ka a do jem a s’do jem unë. Nuk e ndjej se duhet t`i jap gjithë këto kredite vetes për ta glorifikuar këtë personazhin tim dhe pozicionin tim. Shiko se unë po iki dhe po ju lë… Thashë, kur të fillojë Big Brother unë do bëj një urim nga zemra për ata të cilët do ta vazhdojnë programin edhe e mendova të mjaftueshme”- tha ajo në ”Zë me Mirën”, në një intervistë për podcastin e Mira Kazhanit, ‘Zë me Mirën’.

Pyetjes nëse ka kërkuar 600 mijë euro për “Big Brother Albania”, Arbana iu përgjigj duke thënë si vijon:

“Në qoftë se unë do të kisha vendosur paratë si një pikë vendimtare që ka të bëjë me vendimet e mia të rëndësishme, do kisha qenë o shumë, shumë e pasur o shumë, shumë e varfër. Paratë nuk janë kurrë në zemrën time. Puna ime bëhet me shumë zemër. Në çdo aspekt. Qoftë në biznes, qoftë në televizion, qoftë në çdo hapësirë. Nuk janë kurrë paratë ato që orientojnë një vendim. Janë shumë të rëndësishme dhe mendoj që gjithsecili nga ne duhet të kërkojë patjetër para nëse mendon se vlen, por kurrë duke qenë ato vendimtare për një zgjedhje të caktuar”, tha moderatorja.

Një çift i lumtur me 3 fëmijë kanë treguar se si zbuluan se janë kushërinj pas një testi AND-je.

Celina dhe Joseph Qionones nga Kolorado kanë qenë së bashku për 17 vjet dhe mësuan se kishin lidhje gjaku vetëm kur bashkëshortja vendosi të gërmonte në pemën e saj familjare.

Nëna e 3 fëmijëve u trondit kur mësoi se Jozefi përveç se bashkëshorti, ishte në fakt edhe kushëriri i saj i afërt. Celina bëri rrëfimin e saj të jetës përmes një vidoeje në TikTok ku zbuloi se çifti ishin më shumë sesa thjeshtë burrë dhe grua.

“U martova me burrin tim në vitin 2006 dhe ne kemi 3 fëmijë së bashku. Tani zbulojmë se jemi këshurinj”, thotë ajo.

Videoja u bë shumë shpejt virale, ndërkohë që shumë njerëz i kanë komentuar që çifti duhet të ndahet. Nga ana tjetër, Celina e përshkroi momentin kur zbuloi se ajo dhe bashkëshorti i saj ishin kushërinj si shkatërrues, por shtoi se dashuria është më e fortë se kurrë dhe ka injoruar komentet që sugjerojnë divorcin e çiftit.

“17 vjet me kushëririn tim. Jo, ne nuk e dinim derisa bëmë një test të ADN-së. Ai është ende dhe do të jetë gjithçka ime. Nuk do të lejoj që pak gjak të shkatërrojë atë që kemi krijuar, këtë familje të bukur”, thotë ajo./Marrë nga DailyMail

Gazetari Gerald Qerimi i ftuar këtë mesditë në një emision televiziv me Xhoi Malësia, ka komentuar lojën e banorëve të Big Brother, dhe ngjarjet që kanë tërhequr vëmendjen e publikut.

Ai u ndal te deklarata e bëra nga ish-partnerja e Meritonin, pasi ky i fundit tregoi historinë për të birin që kishte shumë vite pa e takuar.

“Ish-partnerja e tij nuk ka bërë asnjë deklaratë publike në rrjetet sociale. Janë rrjetet sociale që janë hapur në emër të saj duke përdorur emrin e saj. Kohët e fundit ajo ka hedhur vetëm një story ku shkruante se ‘e vërteta do dalë’, por jo ato deklarata që qarkullojnë sot, çarçafët e gjata,që ‘do ta shkatërroj Meritonin’, ato janë të pavërteta. Unë kam pasur komunikim me të për ta ftuar në emision, por nuk ka pranuar dhe nuk ka dashur që të përfshihet, pasi është edhe djali në mes”, u shpreh ai.

Mëngjesin e sotëm në ora 04:50 në rrugën magjistrale në Kërçovë ka ndodhur një aksident trafiku në mes të veturës “Peugeot” me targa të Kërçovës i drejtuar nga S.I.(19) nga Kërçova dhe automjetit “Volkswagen Golf” me targa të Kërçovës, i drejtuar nga K.E.(32) nga fshati Trapçin Dol i Kërçovës.

Nga lëndimet e marra ka ndërruar jetë në vendin e aksidentit shoferi K.E. dhe bashkudhëtari i tij A.S.(20) nga fshati Trapçin Dol, ndërsa shoferi S.I. iu nënshtrua lëndimeve të marra gjatë rrugës për në kompleksin klinik Nënë Tereza” në Shkup”, njoftojnë nga SPB Ohër.

Lëndime të rënda kanë marrë T.S. (19), V.P.(21) nga fshati Podvis i Kërçovës, P.K.(21) nga Kërçova dhe një i mitur nga Kërçova, të gjithë bashkudhëtarë në veturën “Peugeot”.

Në vendin e aksidentit, ekipet e prokurorit publik dhe policisë kanë kryer ekspertizë. Me urdhër të prokurorit publik trupat e të ndjerëve janë dorëzuar për autopsi.

Pas largimit nga Big Brother Vip Kosova në rrjet kanë nisur aludimet për projektet e ardhshme të moderatores Arbana Osmani.

E ftuar në podcast me Mira Kazhinin, ajo u pyet për lajmin e bujshëm që qarkulloi në rrjet se ajo bashkë me Luizin do të prezantojnë BBV Kosova.

Mira Kazhani: “Arbana Osmani do të prezantojë me Luiz Ejllin dhe Edi regjisor, Big Brother Vip Kosova, sezonin që vjen.”

Arbana Osmani: Unë po jetoj të tashmen. Sot jemi këtu, bashkë, ballë për ballë.

Kjo ishte një ndër pyetjet për të cilat moderatorja nuk ktheu një përgjigje konkrete, duke shtuar kështu dyshimet se është e vërteta, ndërsa gazetarët në Kosovë tashmë shprehen të bindur dhe e kanë konfirmuar këtë lajm.

Sa i përket marrëdhënies me Luiz Ejllin, ja si përgjigjet Arbana:

Mira Kazhani: “Arbana Osmani nuk flet me Luiz Ejllin.”

Arbana Osmani: “Çdo konkurrent që është bërë pjesë e Big Brother Vip në mënyrë të veçantë vajzat, sepse vajzat janë ato që janë linçuar më tepër dhe vazhdojnë linçohen më tepër në këtë vend, ka respektin tim maksimal për kontributin që ka dhënë në atë format. Për guximin dhe për gjithçka që ka bërë dhe i ka dhënë suksesin programit. Kjo është një absurditet. Luiz Ejlli i pari, por të gjithë, nga i pari tek i fundit, kanë respektin tim maksimal dhe vlerësimin tim maksimal për atë çfarë kanë bërë në Big Brother. Raporti im përgjithësisht me të gjithë konkurrentët, fillon dhe mbaron me fillimin dhe mbarimin e Big Brother. Kështu që nëse na takon jeta, unë jam shumë e lumtur që t`i jap një përqafim të gjithëve. Edhe të gjithë ma kanë këmbyer, kështu që ky është komenti im.”

Durimi i Sara Gjordenit kaq e pati. Një komentues e “akuzoi” se po përpiqet të kopjojë me Bardhin, çiftin e njohur Kiara-Luiz të cilët gjithashtu e nisën romancën në shtëpinë e “Big Brother Vip 2”

Sara ka degraduar në ofendime ndaj moderatores, në përgjigjen që i ka dhënë ku shprehet: “Hundën dhe buzët. Unë 3 exa Kiara 13. Ec qarkullo”

Kjo nuk është hera e parë që Sara përballet me komente të tilla, megjithatë me këtë përgjigje ish-banorja sapo shpalli “luftë” të hapur me moderatoren dhe jemi gjithë sy e veshë për reagimin e kësaj të fundit.

Akrepat e orës do të lëvizin përpara natën ndërmjet të shtunës 30 dhe të dielës 31 mars, ditë që këtë vit përkon me festën e Pashkëve. Ndryshimi i orës bëhet në orën 2 të mëngjesit të së dielës, kur hyn në fuqi ora e verës. Gjatë ndryshimit do të jemi në gjendje të shijojmë një orë më shumë dritë, por të humbasim gjashtëdhjetë minuta gjumë, gjë që mund të na mungojë në ditët e para.

Objektivi i kursimit të energjisë, do të sjellë disa shqetësime, të cilat janë të pashmangshme derisa të mësohemi me “orën e re”. Ora diellore do të rikthehet në fuqi në fundjavën e fundit të tetorit, kur natën ndërmjet të shtunës 26 dhe të dielës 27 tetor do të kthejmë orët pas, duke rikuperuar orën që na ishte hequr në fillim të verës. Kompjuterët dhe pajisjet e lidhura me internetin përditësohen automatikisht, ndërkohë që është e nevojshme të korrigjoni manualisht kohën e mbajtur nga orët analoge.

Objektivi i lëvizjes së orës është shfrytëzimi maksimal i disponueshmërisë së dritës natyrore, me pasojë uljen e faturave të energjisë në vend, duke filluar nga familjet.

Ndryshimi i orës shkakton disa shqetësime, të lidhura kryesisht me ndryshimin e ritmeve cirkadiane dhe humbjen e një ore gjumi gjatë natës ndërmjet së shtunës dhe të dielës. Megjithatë, duke qenë se sivjet ndryshimi i orës bëhet natën e Pashkëve, do të kemi edhe të hënën e Pashkëve, pra një ditë më shumë se zakonisht, për t’u mësuar me “orën kohore”. Ekspertët, si çdo vit, ofrojnë disa këshilla sjelljeje, të ngjashme me ato që përdoren për të përballuar shqetësimet e vogla që lidhen me ndryshimin e stinës.

Boksieri shqiptar Alban Bermeta, ka arritur një rezultat historik, duke u renditur mes 20 boksierëve më të mirë në botë në peshën e tij.

32 vjeçari nga Tirana, pas ndeshjes së fituar në Feti Borova kundër turkut Fati Kelles, sipas Boxrec faqes së specializuar të boksit në botë, renditet në vendin e 20-të për peshat e mesme.

Kjo renditje është më e suksesshmja për një boksier shqiptar, ndërsa vetë Bermeta pretendon të arrijë edhe më shumë.

Në muajt në vijim pritet që boksieri të ndeshet për titull kampion meqë tashmë është në listën e boksierëve më të fortë në botë.

45 persona kanë vdekur në Afrikën e Jugut pasi autobusi në të cilin ndodheshin ra rreth 50 metra nga një urë në një luginë, thonë autoritetet.

Një vajzë tetëvjeçare, e vetmja e mbijetuar, u dërgua në spital me plagë të rënda. Autobusi u përplas përmes një pengese dhe mori flakë kur përfundoi në tokë në provincën verilindore Limpopo. Pasagjerët ishin pelegrinët që udhëtonin nga kryeqyteti i Botsvanës Gaborone për një shërbim të Pashkëve në qytetin e Morias.

Automjeti humbi kontrollin dhe doli nga një urë në zonën malore Mmamatlakala midis Mokopane dhe Marken, rreth 300 km (190 milje) në veri të Johanesburgut, sipas transmetuesit publik të Afrikës së Jugut SABC. Operacionet e shpëtimit vazhduan vonë mbrëmjen e së enjtes, me disa nga të vrarët që thuhet se është e vështirë të arrihen të gjenden mes mbeturinave. Ministrja e Transportit Sindisiwe Chikunga, e cila shkoi në vendin e ngjarjes, shprehu “ngushëllimet e saj të përzemërta për familjet e prekura nga përplasja tragjike e autobusit”.

Ajo tha se qeveria e Afrikës së Jugut do të ndihmojë në gjetjen e trupave dhe do të zhvillojë një hetim të plotë për shkakun e rrëzimit. Afrika e Jugut ka një rekord të dobët të sigurisë rrugore. Në një mesazh të Pashkëve të lëshuar më herët gjatë ditës, Presidenti Cyril Ramaphosa u bëri thirrje qytetarëve që “të bëjnë çmos për ta bërë këtë një Pashkë të sigurt”. “Nuk duhet të jetë një kohë kur ne të rrimë duarkryq dhe të presim të shohim statistika për tragjedi apo lëndime në rrugët tona”, shtoi ai.

(BalkanWeb)

Në fillim dukej si një bekim për Fulham, me londinezët që bënë gjithçka për të siguruar shërbimet e tij, “luftuan” deri në minutat e fundit në merkaton e dimrit, por gjërat nuk shkruan si duhet. Armando Broja-Fulham lindi si një dashuri me shikim të parë, por po kaq shpejt po përfundon. Sipas prestigjiozes The Telegraph ka shumë pak gjasa që Broja të qëndrojë te Fulham edhe pas përfundimit të këtij sezoni.

Dy klubet, Chelsea dhe Fulham arritën një marrëveshje në bazën e 4 milionë paund për huazimin e sulmuesit shqiptar, kjo në varësi të minutave që Broja do të aktivizohej, por shpërthimi i pa pritur i Muniz ka bërë që minutat për “bomberin” kuqezi të ishin me pikatore. Në asnjë sfidë, Broja nuk ka zbritur në fushë si titullar, por është aktivizuar vetëm në 4 raste si zëvendësues. Qëndrimi më i gjatë në fushë ishte kundër Burnley, vetëm 16 minuta. Broja u aktivizua me përfaqësueses shqiptare në dy miqësoret e muajit mars, ndaj Kilit si zëvendësues, ndërsa ndaj Suedisë zbriti në fushë nga minuta e parë.

The Telegraph shton se palët, Chelsea dhe Fulham, nuk kanë asnjë obligim shtesë në kontratën që firmosën. Nuk ka thuajse asnjë shans që Fulham të futet në garë për të blerë kartonin e tij në verë, thjesht do tw paguajnë në arkat e Chelsea 4 milionë paund pasi nuk përmbushën kushtet në kontratë.

Është e qartë që drejtuesit e Chelsea-t do të bëjnë gjithçka që Broja të shitet gjatë verës, kjo për faktin se sulmuesi shqiptar është një prodhim i akademisë dhe çdo milionë që do të marrin nga shitja e tij është fitim i pastër, i domosdoshëm për të përmirësuar bilancet ekonomike. E qartë është gjithashtu se Chelsea vështirë se arrin në 50 milionë paund, aq sa kërkuan gjatë janarit për kartonin e tij.

(BalkanWeb)