Category: Lajme

Sot, më 20 mars 2024, dollari amerikan blihet me 94.7 lekë dhe shitet me 95.6 lekë.

Euro blihet me 103 lekë dhe shitet 103.7 lekë.

Franga zvicerane këmbehet në blerje me 106.4 lekë, ndërsa në shitje me 107.3 lekë.

Paundi britanik blihet me 120.1 lekë dhe shitet me 121.1 lekë.

Dollari kanadez sot në blerje këmbehet me 69.5 lekë, ndërsa në shitje me 71 lekë.

Dashi

Ky është një moment i rëndësishëm për të mbyllur disa çështje të së kaluarës dhe për të nisur të mendoni në mënyrë aktive për të ardhmen tuaj profesionale. Mundohuni të jeni të përqendruar lidhur me propozimet e marra së fundmi dhe mendohuni mirë para se të bëni një zgjedhje. Në mbrëmje parashikohet një zgjim i fuqishëm ndjenjash.

Demi

Mundohuni të keni simpati edhe me armikun, sidomos nëse e keni domosdoshmëri bashkëpunimin me të. Në dashuri ky është një moment shumë i mirë për të harruar zhgënjimet e së kaluarës dhe për të gjetur shpirtin binjak.

Binjakët

Hijeshia juaj do të jetë maksimale dhe kjo gjë do ju lejojë që të bëni për vete persona të rinj, jo vetëm në fushën sentimentale, por edhe në atë profesionale. Mos u druani të riktheheni në lojë. Jini më të gatshëm dhe të lirshëm.

Gaforrja

Do të jeni shumë të shqetësuar edhe për gjëra jo shumë urgjente dhe të komplikuara. Ankthi së fundmi ju ka bërë shumë nervoz, ndaj kini kujdes në raportet ndërpersonale. Dëgjoni më shumë këshillat e personave që ju rrethojnë.

Luani

Kursejeni disi mendjemadhësinë, pasi nuk është kjo mënyra për të treguar besim në veten tuaj. Sjellja juaj do ju lejojë që të ecni në punë, por mundohuni që të mos i vini nën presion kolegët.

Virgjëresha

Kjo e mërkurë do të jetë mjaft e favorshme për të mbyllur me sukses një bashkëpunim mjaft stimulues. Edhe në dashuri do të ketë zhvillime të mëdha. Tregohuni të gatshëm të përballeni me ndryshime të shumta.

Peshorja

Mundohuni të silleni me më shumë diplomaci, sidomos nëse keni të bëni me kolegë shumë të ndjeshëm. Nga pikëpamja sentimentale, kjo javë do të jetë shumë intensive dhe e mbushur me takime.

Akrepi

Mundohuni që të mos e cenoni shëndetin tuaj, për shkak të sforcimeve të tepërta në vendin e punës. Në këtë moment do të jeni të dërrmuar dhe do të keni shumë nevojë për pushim. Gjatë kësaj dite mundohuni të shmangni konfliktet në dashuri.

Shigjetari

Këshillohet që të jeni më pak krenarë gjatë kësaj të mërkure dhe sidomos, bëni mirë të përuleni dhe të pranoni gabimet që keni bërë së fundmi. Në punë, do të ketë ngadalësi të ndjeshme.

Bricjapi

Në dashuri kjo është periudha më e favorshme për të zyrtarizuar një lidhje. Gjithsesi duhet të jeni të përgatitur për t’u përballur me disa pengesa të vogla në vendin tuaj të punës, sidomos sa u takon parave.

Ujori

Kjo ditë do ju favorizojë maksimalisht në çdo drejtim, por do ju duhet të bëni ndonjë sakrificë më shumë. Ky është momenti për t’u rikthyer në lojë dhe për të riparë disa bashkëpunime interesante. Në dashuri parashikohet një takim i rëndësishëm.

Peshqit

Nëse nuk ndiheni plotësisht të kënaqur me rezultatet e arritura deri më tani, do të gjeni gjithsesi mënyrën për të riparë projektet tuaja. Shmangni lodhjet e tepërta dhe veproni me maturi.

Një aksident i rëndë është shënuar ditën e sotme në Itali, ku ka humbur jetën një i ri shqiptar.

Mediat italiane bëjnë me dije se ka humbur jetën në një aksident Alfred Vocaj 21 vjeç. Shqiptari ka qenë duke lëvizur me motor, ku në një moment ka humbur kontrollin e motomjetit dhe ka përfunduar poshtë një makinë.

Shqiptari ka marrë plagë të rënda dhe për pasojë humbi jetën.

Vocaj motorin e kishte marrë një muaj më prë dhe e përdorte për të shkuar në punë.

Ai punonte si mekaniknë një punishte pranë qendrës tregtare Giotto në Padova.

21-vjeçari kishte mbaruar shkollën e natës për mekanik, ndërsa tashmë kishte gjetur një punë në profesionin e tij.

E ardhmja e ishullit të Sazanit dhe projekti i bërë publik nga kompania amerikane Affinity Partners, e sipërmarrësit amerikan Jared Kushner, ishte tema e diskutuar sot në një emision televiziv.

Luan Dervishaj, ekspert i sektorit të turizmit, u shpreh se duhet të kuptojmë se, “a është shprehje e interesit nga një grup investitorësh të cilët kanë të bashkëngjitur një kompani hotelerie apo ka ndonjë projekt konkret”.

“Kjo duhet të shikohet në progres kur të kryhet dhe si do të zhvillohet projekti në qofse do të ketë por strukturat e specializuara duhet t’i japin përgjigjet këtyre kategorive të shqetësimeve të shfaqura”, tha ai.

Duke vlerësuar interesin e kësaj kompanie, Dervishaj theksoi se, “lajmi është që ka interes serioze nga të dyja palët për investime të nivelit të luksit”.

Por sipas tij, duhet të kombinohet pjesa e luksit dhe me masivitetin dhe duhet parë që ccfarë duhet të ofrojmë më shumë nga rajoni.

Dervishaj ka shpjeguar dhe procesin nisur nga eksperienca ndërkombëtare se si nis procesi për një investim strategjik.

“Ajo që mund të shpjegoj është se procesi për investime në turizëm në destinacione të caktuara është i tillë; kemi Strategji turizmi kemi plan kombëtar të Turzimit. Meqenëse jemi në këtë destinacion duhet të jetë ose të ishte në një Plan Kombëtar të Turizmit dhe kur ka një interes për tu zhvilluar duhet të ketë një master-plan e pa lidhur me investimet” shtoi ai.

Pas kësaj, vazhdon Dervishaj, shteti që të dal në treg duke kërkuar investitor pasi ka bërë një studim fizibiliteti për të kuptuar interesin dhe objektivat e këtij distanconi turistik. Pas kësaj, qeveria nis komunikimin me investitorët. Ky është procesi dhe nga praktika ndërkombëtare.

I pyetur nga gazetari Nolian Lole për mundësinë e një investime 1 miliard euro për këtë projekt, Dervishaj u shpreh se, është pak e vështirë kjo shifër prej 1 mld euro sepse reale përsa i përketë turizmit mund të jetë një investim 50 deri 100 milion euro ndërsa pjesa tjetër zakonisht janë investime Real Estate, që janë apartamente, shtëpi dhe kategori tjetër që nuk futen në pjesën e turizmit”.

“Të gjitha këto investime janë pjesë e një tregu të pasurive të patundshme botërore që e shfrytëzon një periudhë kohe, e bllokon dhe e shet kur ti rritet vlera në treg. Ne ende nuk jemi në këtë treg. Në çfarëdo lloje faze të jetë ky projekt dhe, i shpejt apo i vonë derisa të fillojnë investimet. Nga eksperienca botërore investimet zgjasin nga 4 deri në 5 vite dhe fillimi i funksionimit jo përpara 2030”shpjegoi ai.

Por eksperti thekson se, tregu i luksit ka ca kërkesa zinxhir për të gjitha shërbimet. Nuk mjafton vetëm hotelet resort por duhet të gjitha shërbimet që dikush ti ketë përreth.

“Unë mendoj që dhe qeveria duhet të bëjë dhe një investim për Jahtet dhe infrastrukturë elektrike që mund të zgjidhet me panele diellore. Ndaj duhet të zgjedhim që do i dedikohet luksit dhe një pjesë ekskluzivë me një hapësire të dedikuar apo do jetë i shfrytëzueshëm për masën në pjesën hotelerie”.

Një 30-vjeçar shqiptar mbeti i vdekur në La Catena të Italisë, pasi makina me të cilën udhëtonte u përplas me një mjet tjetër.

Dhurim Shini, banues në Gaeta është përplasur me një makinë tjetër në të cilën udhëtonin dy vajza, të dyja të plagosura rëndë.

Përpjekjet e personelit për shpëtimin e djalit ishin të padobishme, pasi ai vdiq menjëherë në vendin e ngjarjes.

Në makinën tjetër po udhëtonin dy gra, shoferja 58-vjeçare dhe një pasagjere, të cilat u shpëtuan, por ndodhen në spital në gjendje të rëndë.

Sipas medias italiane, në vitin 2016 Shini u arrestua së bashku me dy djem të tjerë me akuzën e trafikut të drogës. Sipas hetimeve të policisë, i riu ishte bërë pikë referimi për të rinjtë e bashkisë Gaeta dhe Formia në kërkim të kokainës dhe hashashit.

Një lajm i hidhur vjen Gjermania, ku një mjeke shqiptare ka ndërruar jetë në moshë të re në Gjermani. Alketa Dano Stroni që prej disa kohësh jetonte në Gjermani ka ndërruar jetë në moshë të re, duke lënë pas dy fëmijët dhe bashkëshortin e saj.

Lajmin e trishtë e ka bërë me dije doktor Gramoz Hodaj, i cili në një postim të gjatë në rrjetet sociale tregon njohjen me Alketën kur shkoi në spital si praktikante.

Nga praktikante, Alketa do të bëhej një mjeke e zonja që më pas do të punonte për disa kohë në Urgjencën e Spitalit Universitar të Traumës.

“Ngaherë jam ndjerë krenar që kam patur në krah një kolege brilante me dije të pamatshme në mjekësi dhe jo vetëm… Do ngelesh ngaherë në memorjen time një kolege, e qeshur, e brishtë, e fortë, e bukur, e dashur, e butë, e ditur, e përkushtuar, e paqshme dhe thellësisht humane”, shkruan doktor Hodaj ndër të tjera.

Postimi i plotë:

Lamtumirë Dear Alketa…

Unë nuk di të hesht kur zemra dhe shpirti im flet brenda meje me fjalë të shimbshme.

Kështu më ndodhi edhe sot në mëngjes, kur mësova lajmin se Dr Alketa Stroni kishte ndërruar jetë në Gjermaninë e largët dhe të ftohtë.

Sot u shua edhe një tjetër yll nga qielli i elitës së historisë të spitalit tonë

Teksa po lexoja dedikimin e postuar në FB nga Tani miku im, dhe bashkëshorti i dashur i Alketës, lotët më tradhëtuan dhe trishtësia më kaploi në çdo skutë të shpirtit tim.

Vite më parë erdhën në urgjencën tonë dy mjeke të reja për të bërë praktikën mjekësore, Dr Alketa dhe Dr Irena.

Me përqasjen, energjinë, pozitivitetin, qytetarinë dhe përkushtimin që demostruan, lanë mbresa të thella mes stafit tonë.

Pasi mbaroi specializimin për mjekësi interne Dr Alketa punoi bashkë me mua, në Urgjencën e Spitalit Universitar të Traumës.

Ngaherë jam ndjerë krenar që kam patur në krah një kolege brilante me dije të pamatshme në mjekësi dhe jo vetëm.

Dear Alketa,

Jeta jote ishte mjaft e shkurtër, por e mbushur më shumë me vepra, se sa me ditë.

Ti jetove mes nesh duke bërë një jetë mes stuhive, përballjeve dhimbjeve, ëndrrave, dashurisë dhe shpresës.

Ti kurrë nuk e pranove humbjen dhe urrejtjen në shpirtin tënd.

Emri dhe vepra jote do shkëlqejnë mbi gjithë këto re që gjenden sot mbi ne.

Ti synove ngaherë të gjendeshe tek yjet dhe kurrë nuk shikoje pas.

Dhe sot ti po ngjitesh e paqshme mes yjeve duke na lënë pas mes dhimbjeve dhe trishtimit, por edhe me shkëlqimin tënd

Kufijtë që ndajnë jetën nga vdekja janë të paqartë dhe të mjegullt.

Do ngelesh ngaherë në memorjen time një kolege, e qeshur, e brishtë, e fortë, e bukur, e dashur, e butë, e ditur, e përkushtuar, e paqshme dhe thellësisht humane

Jeta është tejet e shkurtër. E nesërmja nuk ekziston për askënd…Lamtumirë.

Duke filluar nga sot, për 13 të marta kisha Katolike e Shën Antonit të Padovas dhe shpella e Shën Vlashit kthehen në një nga destinacionet kryesore të shume pelegrinëve nga besime fetare të ndryshme.

Të rinj, fëmijë e të moshuar zgjedhin ta bëjnë këtë rrugëtim në shenjë sakrifice në emër të besimit në Kishën e Laçit.

Mes ritualeve të ndryshme përgjatë një rruge disa kilometër duke adhuruar muret e shenjta të këtij vendi, aty ku besohet se ka ndaluar për të pushuar Shën Antoni, besimtarët i drejtohen kishës për të dëgjuar meshën e shenjtë.

Shtatorja e Shna Ndout, ikona e këtij vendi të shenjtë, është një ndalesë tjetër e besimtarëve ku luten apo lenë dhurata në shenjë adhurimi, për të vijuar duke marrë bekimin e priftit, ujin e bekuar e mes lutjesh i drejtohen shpellës së Shën Vlashit.

Teksa ndezin qirinjtë dhe bëjnë urimet e tyre, besimtarët përmendin një për një emrat e të dashurve duke përcjell lutje për to.

Top Channel/ Të martat e shenjta/ Nis sot pelegrinazhi në kishën e Shën Antonit të Padovës në Laç

Në Britaninë e Madhe ka nisur rishikimi gjyqësor i shpalljes non grata të ish-kryeministrit Sali Berisha, në atë që mediat vendase e quajnë rishikim historik të vendimit të sekretarit të Brendshëm, atëherë Priti Patel, e cila i ndaloj Berishës hyrjen në Britaninë e Madhe në vitin 2022, me pretendimin e përfshirjes në korrupsion dhe kriminalitet.

Mbretëria e Bashkuar ndoqi të njëjtat hapa si SHBA pasi e ndaluan hyrjen në vend në vitin 2021. Sali Berisha është lideri aktual i opozitës shqiptare i Partisë Demokratike, por shërbeu si kryeministër i vendit nga viti 2005 deri në vitin 2013 dhe më parë ishte president nga 1992 deri në 1997.

Ai u caktua në arrest shtëpiak në dhjetor, ndërkohë që ka një hetim në vazhdim për të për korrupsion të mundshëm. Në të njëjtën javë, Kuvendi i Shqipërisë votoi për heqjen e imunitetit ligjor Berishës.

Duke filluar nga kjo javë është sfida e parë ligjore e njohur ndaj një vendimi të Sekretarit të Brendshëm për përjashtimin e një lideri të opozitës të ‘një shteti të huaj mik’ nga MB, shkruajnë mediat britanike. Berisha pohon se akuzat për kriminalitet dhe korrupsion të ngritura ndaj tij janë të pavërteta. Duke filluar nga sot, në Komisionin Special të Apelimit të Emigracionit (SIAC) në Mbretërinë e Bashkuar, do të nisë shqyrtimi i kërkesës së ish-kryeministrit.

Berisha pretendon se kryeministri aktual i Shqipërisë, Edi Rama, kishte njohuri paraprake për urdhrin e përjashtimit, të cilin e kishte shpallur në Kuvendin e Shqipërisë, edhe para se ai vetë të ishte njoftuar për vendimin e Sekretarit të Brendshëm. Mbrojtja ligjore do ta përdorë këtë për të ngritur pyetje në lidhje me procesin e ndjekur në vendimmarrjen e ndalimit të tij nga MB.

Ekipi ligjor i Berishës përbëhet nga Fergus Randolph KC, i cili u udhëzua nga Kartik Mittal, partner në firmën ligjore me bazë në Londër Zaiëalla and Co. Seanca pritet të zgjasë katër ditë, deri të premten e kësaj jave. Duke komentuar rastin, avokati i tij, Mittal, tha: “Ky është një rast i jashtëzakonshëm ku një lider opozitar i një vendi tjetër evropian i është nënshtruar një urdhri përjashtimi në bazë të akuzave të thjeshta të nxjerra kryesisht nga burime të mediave të huaja për pavarësi të dyshimtë editoriale. Berisha nuk ka qenë kurrë i dënuar për ndonjë vepër penale në Shqipëri dhe mohon me forcë të jetë përfshirë në aktivitete kriminale korruptive”.

Ndërsa një zëdhënës i Zyrës së Brendshme tha: “Qeveria e Britanisë së Madhe ka si prioritet sigurinë e vendit tonë dhe e bën këtë edhe duke promovuar sigurinë, prosperitetin dhe shtetin ligjor në të gjithë botën. Britania e Madhe ka qenë një partnere e Shqipërisë duke e mbështetur në llogaridhënien dhe ndërmarrjen e veprimeve konkrete kundra kriminalitetit dhe korrupsionit”.
“Do të ishte e papërshtatshme të komentohej më tej ndërkohë që procedurat ligjore janë në vazhdim,” shtuan ata.

Liam Osmani është liruar të hënën me vendim të Gjykatës së Tiranës, e cila pranoi kërkesën e tij për rishikimin e vendimit penal të formës së prerë për shkak se procesi ishte bërë në mungesë të tij dhe pa dijeni të plotë të tij

Liam Osmani është liruar të hënën me vendim të Gjykatës së Tiranës, e cila pranoi kërkesën e tij për rishikimin e vendimit penal të formës së prerë për shkak se procesi ishte bërë në mungesë të tij dhe pa dijeni të plotë të tij.

Gjykata pranoi kërkesën për rishikim të vendimit, bëjnë me dije burime për Report Tv. Çështja do të filloj nga e para dhe do të shqyrtohet nga një tjetër gjyqtar.

Bashkë me shqyrtimin është vendosur edhe pezullimi i ekzekutimit të vendimit të parë dhe rrjedhimisht edhe lirimi i menjëhershëm nga burgu. Procesi do të nis nga fillimi me Liam Osmanin në gjendje të lirë, i cili do të ketë mundësi të paraqitet në seancat gjyqësore, të mbroj veten dhe të ketë dijeni të plotë për gjyqin.Pas daljes nga burgu, Liami pritet që të futet sërish në shtëpinë e BBV3, megjithëse ende nuk është konfirmuar zyrtarisht.

Kujtojmë se Liam Osmani, u arrestua me shumë bujë brenda shtëpisë së BBV. Liam Osmani rezultonte i dënuar në vitin 2022, pasi në vitin 2019 përmes mashtrimit ka përvetësuar 17 bileta turistike për në Gjermani në vlerë rreth 6 mijë euro, për të cilat nuk ka kryer pagesat përkatëse.

Ai hyri në territorin e Shqipërisë disa ditë përpara hyrjes në Big Brother dhe nuk u ndalua nga policia në Rinas. Liam Osmani deklaroi se ka qenë në dijeni të një denoncimi të bërë ndaj tij për mashtrim, por jo se ishte i dënuar.

Rike Roçi dhe Egla Ceno ishin në nominim këto ditë. Ato shkuan automatikisht në një nominim kokë më kokë pas sherrit që ndodhi mes tyre. Ky mund të quhet një nga nominimet më të forta të këtij Big Brotheri dhe këtë e vërteton edhe sondazhi që Xing publikoi të shtunën. Përqindja e votave ka ndryshuar herë pas here gjatë këtyre tre ditëve, por tani pak orë para spektaklit Egla ka marrë përqindjen më të madhe të votave duke rrezikuar kështu largimin.

Gjithsesi gjithçka mund të ndryshojë deri në mbremje. Mbetet të shihet!