Category: Lajme

Ndonëse kanë patur mosmarrëveshje dhe debate të forta me njëra-tjetrën, Egla dhe Julia janë bërë bashkë mesditën e sotme në shtëpinë e “Big Brother Vip” përmes rrëfimeve nga e kaluara, atëherë kur ishin të reja në fushën e aktrimit por punën e bënin me pasion pavarësisht rrethanave të pakëndshme. Pa përmendur emra të përveçëm, Julia tregoi se është ngacmuar në ambientet e punës por nuk ka folur.

Të njëjtën situatë rrëfeu edhe Egla por ndryshe nga kolegia e saj, nuk heshti. Ajo tha se Saimir Kodra e ka ngacmuar seksualisht para shumë vitesh, ndërsa sot ai del në ekran me zë dhe figurë dhe ndoshta të njëjtën gjë bën edhe me gra e vajza të tjera.

“A të ka kërkuar ndonjëherë favor seksual shefi? Ishte pyetja që iu drejtua banorëve, ndërsa Egla tregoi historinë e saj kur sapo kishte mbaruar akademinë, që sipas saj punëdhënësi që ajo shkoi për të kërkuar punë ka qenë shumë i drejtpërdrejtë në këtë aspekt.

“Po kërkoja punë nëpër Tiranë dhe shkoj te piramida që ishte ‘Top Albania Radio’ dhe punonte një person që sot e shfaq fytyrën e vet në një televizion tjetër bashkë me një kolegun tim. Në kërkesën time për punën ai tha “po varet”, ka qenë shumë i drejtpërdrejtë. Kam ikur nga sytë-këmbët e tij sepse isha shumë e vogël, sapo kisha mbaruar akademinë. Këta mesa duket mjafton që të jesh femër dhe e provojnë.”- tregoi aktorja.

“Po moj, Kodra ka qenë, ai që bën atë gjënë programin. Se nuk e kam fare problem, ai ka qenë. Zero, se kam fare problem ta them. Duhet me dalë me emra të përveçëm se ndryshe je duke bërë “ham, ham” kot”, tha Egla.

Egla: Puna nuk mbaron, do të marrin në punë tjetër nuk do jesh ti e dëmtuara se nuk ke bërë asgjë të keqe. I the një derri mu hiq qafe, e the me vend dhe në vendin e duhur. Unë po në piramidë në atë kohë, ishte një zotëri tjetër që kishte një radio s’po ja them emrin se nuk ekziston më. Unë hyra atjë dhe punova, po në radio si zonjë. Më ka trajtuar me një rrogë fantastike në atë periudhë nuk e di si ta merrja. Isha “Happy”, paguaja qeranë, haja ndonjë darkë jashtë. Por duhet të them gjërat vijnë.

Julia: Kur them na iku jeta them, na iku kjo pjesa e ngacmimeve për hir të moshës jemi shumë të lira nga kjo pjesë. Nuk do kemi më nga këto, nuk mendoj.

Egla: Nuk është kaq e vogël historia është më e gjerë

Julia: Unë, zëri im do ngrihet jo vetëm për këtë çështje por për shumë e shumë çështje të tjerë dhe ke le të flasin dhe të diskutojnë.

Egla: Nuk duhet të dalin më me zë dhe figurë në ekran, ma kanë bërë mua, ja kanë bërë shumë të tjerave pas meje, ndoshta e bën akoma dhe ti del në ekran me emër.

Julia: Mund të dalin me emër por kjo ngelet në dëshirën tënde në këtë pikë. Për fenomenin kemi një detyrim moral, qytetar që të flasim. Pastaj për emra të përveçëm secili ka përgjegjësinë të bëjë atë që do.

Egla: Po moj, Kodra ka qenë, ai që bën atë gjënë programin. Se nuk e kam fare problem, ai ka qenë. Zero, se kam fare problem ta them. Duhet me dalë me emra të përveçëm se ndryshe je duke bërë “ham, ham” kot.

Komuniteti Shqiptar në Greqi, ka publikuar në rrjete sociale një vendim që sipas tyre, ndalon emigrantët shqiptarë të hyjnë apo dalin nga territori grek pa leje qëndrimin.

Ky vendim pritet të zbatohet pas datës 30 Mars 2024. Para kësaj date, emigrantët duhet të jenë kthyer në Greqi, ose ndryshe nuk do t’ju lejohet hyrja.

Regullorja e re thuhet në njoftim se është shpërndarë në të gjitha pikat kufitare.

Njoftimi:

Të gjithë emigrantët që jetojnë në Greqi dhe janë në pritje të lejes së qëndrimit, mund të udhëtojnë drejt vendeve të tyre vetëm me leje qëndrimi. Nëse jeni në pritje të lejes së qëndrimit dhe keni në duar vërtetimin, nuk mund të udhëtoni as drejt vendit tuaj, pas datës 30 mars 2024. Mos bëni gabimin të udhëtoni, sepse nuk do të lejohet hyrja. E njëjta gjë vlen edhe për të gjithë ata që ndodhen jashtë Greqisë sot. Duhet të jenë kthyer deri në datën 30 mars, ndryshe nuk do lejohet hyrja e tyre.

Kështu thotë rregullorja e re që është dërguar në të gjitha pikat kufitare. Nga policia e aerodromit më thanë që presin ndryshime, por nuk e dimë a do ketë ndryshime dhe si do funksionojnë ato. Për momentin bëni kujdes”.

Ky vendim vjen në vijim të ftohjes së marrëdhënieve mes Shqipërisë dhe Greqisë, për shkak të burgosjes së Fredi Belerit dhe moslejimin e tij si kryebashkiak i zgjedhur i Himarës.

Beleri është dënuar gjithashtu nga GJKKO, me mbi dy vjet burg nën akuzën e korrupsionit në zgjedhje.

Ndërkohë më 19 Mars, pritet të mbahet edhe një seancë gjyqësore për këtë çështje në Gjykatën e Apelit.

https://www.facebook.com/Komuniteti.Shqiptar.Gr?ref=embed_post

Vajza e Ledionës ka dhënë një intervistë ekskluzive për “Fun Club” në Top Channel, ku ka treguar emocionet e saj pas takimit që bërë në shtëpinë e Big Brother.

Ajo u shpreh se e kishte marrë malli shumë për të ëmën, teksa tha se në këtë kohë që Lediona është futur në shtëpi, për të kujdesen gjyshërit (prindërit e Ledionës), shoqes e saj dhe koleget.

“Më kishte marrë malli shumë, kisha kohë që e prisja. Me mamin kam të përbashkët karakterin, fytyrën, të gjitha. Më kanë qëndruar shoqet e mamit, gjyshërit, koleget”, tha ajo.

E pyetur për momentin më të vështirë që ka përjetuar gjatë kësaj periudhe kur Lediona nuk ka qenë pranë saj, ajo u ndal tek deklaratat dhe mesazhet që babai i saj bëri për të ëmën.

Vajza e Lediojnes tregoi se më parë fliste me të atin, por pas kësaj ndodhie, nuk ka më asnjë komunikim, por vetëm me gjyshërit, (prindërit e babait)

“Situata më babanë me ato sms. Flisja, tani nuk flas më, vetëm me nënë dhe gjyshin nga babi. Nuk më ka uruar as për ditëlindje, as për asgjë. Më ka mërzit”, tha Mihaela.

Dy të vdekur dhe një i plagosur rëndë. Ky është bilanci i një aksidenti tragjik rrugor i regjistruar përgjatë rrugës, Casilina, mes Colleferro dhe Anagni mbrëmjen e së shtunës. Dy të rinj me origjinë shqiptare humbën jetën si dhe personi i tretë mbeti i plagosur rëndë.

Nga informacionet fillestare ishte një aksident nga shpejtësia. Të tre, pak pas orës 22:00, po udhëtonin me një BMW të zezë në drejtim të Colleferro, kur shoferi humbi kontrollin e makinës. Prej aty ka ndodhur përplasja, ku vetura është përmbysur, duke e nxjerrë të plagosurin nga kabina e pasagjerëve.

Pasi ka përfunduar jashtë rrugës, makina ka marrë flakë, ku dy viktimat kanë ngecur brenda. Shkak i aksidentit dyshohet të jetë shpejtësia e lartë.

Përveç karabinierëve nga Colleferro, në vendngjarje kanë ndërhyrë edhe zjarrfikësit dhe ambulancat të cilat nuk kanë mundur të bëjnë gjë tjetër veçse konfirmojnë vdekjen e të dyve. I plagosuri u transportua me kodin e kuq në Colleferro.

Trupat u dërguan në morgun e Poliklinikës Tor Vergata ku u identifikuan falë edhe gjurmëve të gishtërinjve. Sipas asaj që bëri me dije policia, në bagazhin e makinës u gjetën mjete për vjedhje si dhe vetë mjeti rezultonte i vjedhur. Tre të rinjtë janë të dënuar më parë për krime pronësie.

Përtej debateve gjatë ‘Prime’ të së shtunës pati dhe momente plot humor, ku një ndër to ishte dhe aktorja Julia Iliriani.

E pyetur nga Ledjoni se çfarë kishte, Julia shprehet se:

“Asgjë mor Ledjon asgjë, po mendoja kur do vijnë ata 40 e sipër që të flirtojmë dhe ne, që të dalim në ‘Prime’ se vdiqëm”

Krahas saj doli dhe Egla e cila i kërkoi moderatorit ta mendonin një herë si ide

Ledjoni ju përgjigj duke thënë se do ta mendonin pasi ishte një sugjerim interesant.

Ndërkohë që banorët kanë shpërthyer në të qeshura.

Një 53-vjeçar me inicialet T. V., në Librazhd, është shpallur në kërkim pasi ditën e djeshme, në ambientet e një lokali, ka goditur me grushte për motive të dobëta.

Po ashtu, një 37-vjeçar me inicialet S. M., banues në Elbasan, është arrestuar në flagrancë pasi u kap duke drejtuar automjetin, në gjendje të dehur.

Ndërsa 32-vjeçari me inicialet K. M., banues në fshatin Shushicë, u arrestua pasi ka ushtruar dhunë ndaj prindërve të tij dhe ka dëmtuar orenditë shtëpiake, ndërkohë që ishte me masë sigurie “Arrest në shtëpi”, të caktuar nga Gjykata e Elbasanit, për veprat penale “Shkatërrimi i pronës” dhe “Prodhimi dhe shitja e narkotikëve”.

Njoftimi i policisë:

DVP Elbasan/Vihen në pranga 2 shtetas dhe vijon puna për kapjen e 1 tjetri, për vepra penale të ndryshme. Specialistët e Sektorit të Policisë Rrugore arrestuan në flagrancë shtetasin S. M., 37 vjeç, banues në Elbasan, pasi në rrugën “Thoma Kalefi”, u kap nga shërbimet e Policisë, duke drejtuar automjetin, në gjendje të dehur.

Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin K. M., 32 vjeç, banues në fshatin Shushicë, pasi ka ushtruar dhunë ndaj prindërve të tij dhe ka dëmtuar orenditë shtëpiake, ndërkohë që ishte me masë sigurie “Arrest në shtëpi”, të caktuar nga Gjykata e Elbasanit, për veprat penale “Shkatërrimi i pronës” dhe “Prodhimi dhe shitja e narkotikëve”.

Specialistët për Hetimin e Krimeve të Komisariatit të Policisë Librazhd referuan materialet në Prokurori dhe po punojnë për kapjen e shtetasit T. V., 53 vjeç, pasi ditën e djeshme, në ambientet e një lokali, ka goditur me grushte kamarieren e këtij lokali, për motive të dobëta. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Ledjona Xheladinaj, gazetarja e cila është pjesë e Big Brother VIP 3 ka treguar historinë e jetës së saj dhe vështirësitë që ka kaluar pas divorcit me ish bashkëshortin.

Në linjën e jetës së saj, ajo rrëfen se arsyeja e ndarjes së tyre ka qenë tradhtia që ka patur nga i shoqi dhe më tej i është dashur që të paguajë kredinë e shtëpisë dhe paratë borxh që ai kishte marrë.

Ajo thotë se vëllai është pika e dobët, ndërsa për babain shprehet se akoma i ka duart e vrara nga puna.

“Në 1994 ne kemi vendosur të zhvendosemi në qytetin e Korçës. Mamaja kujdesej për ne, babi punonte gjatë gjithë kohës, nëse i sheh duart e tij janë akoma të vrara nga puna. Vëllai është pika ime e dobët. Motrat, sic janë motrat për njëra tjetrën dhe të katërta ne për vëllain. Babai ka probleme me alkoolin, gjithmonë që takohemi bashkë, nuk flasim por vetëm qajmë.

Kur shkoja në shkollë më jepte 200 ose 300 lekë të vjetra për të blerë diçka në pushimin e madh.

Në moshën 17 vjeçare dashurohem për herë të parë me babin e vajzës time. I kishte të gjitha, dashuri, respekt, pak dhunë. Të dy kemi qenë të vegjël, nuk e kuptonim çfarë ishte e mira dhe e keqja.

Në moshën 21 vjeçare vjen në jetë njeriu më i bukur në botë, Mikaela. Për 2 vite të dy bashkë mundoheshim ta shpëtonim këtë martesë për hatër të vajzës. Në fillim ai kujdesej shumë për vajzën. Pasi krijoi një lidhje me dikë tjetër çdo gjë ndryshoi.

Gjithmonë kam vendosur të mos flas që vajza të jetë e lumtur. E gjithë ngarkesa ka rënë sipër meje. Më duhej të paguaja kredinë e shtëpisë, një borxh të ish bashkëshortit dhe shtëpinë.

Dhimbjen nuk e ndaja me asnjë njeri duke i shkaktuar vetes ankth. Kurrë nuk qaja në sy të vajzës, nuk kam bërë kurrë vetëm një punë. Nuk do t’i mungojë asgjë derisa unë të kem frymë.

Mesazhi që më mungon është ‘o ma u ktheva nga shkolla çfarë ke bërë për të ngrënë?’. Nëse do diçka nuk thotë kurrë, e dua por më thotë ‘ma e ke marrë rrogën?’. Kur kam ikur nga shtëpia mbaj mend lotët e saj ku më thoshte ‘ik mami, por do më kujtosh”, tregon mes lotësh Ledjona.

Ditën e diel moti do të jetë i paqëndrueshëm si rezultat i periferisë së një qendre të ulët presioni me origjinë verilindore.

Moti do të jetë më intervale kthjellimesh si dhe alternime vranësirash të cilat do të pasohen me reshje shiu me intensitet të ulët dhe shtrëngata afatshkurtra lokale në pjesën më të madhe të vendit nga orët e mesditës deri në orët e pasdites.

Era do të fryjë e lehtë me drejtim juglindje-veriperëndim me shpejtësi 1-5m/sek, ndërsa përgjatë vijës bregdetare e lugina fiton shpejtësi 7-11m/sek shoqëruar me valëzim në dete të forcës 1-2 ballë.

Makina shpërthen në flakë nga plumbat

Publikohen pamjet e atentatit të së martës së shkuar në fshatin Grudë e Re në Shkodër, ku mbetën të plagosur Gjon Nika dhe kunati i tij 28-vjeçar Gjergj Ndërshtiqaj, ky i fundit student në Akademinë e Sigurisë. Pamjet janë regjistruar nga një kamër sigurie dhe në to shfaqet makina me të cilën udhëtonin Nika dhe Ndërshtiqaj, e cila bie pre e një breshërie armësh.

Siç edhe shihet 30-vjeçari Nikaj dhe 28-vjeçari Ndërshtiqaj arrijnë të dalin prej saj, teksa njëri largohet me vrap, ndërsa tjetri fshihet pas pjesës së përparme të makinës.

Por nga breshëria e plumbave makina shpërthen në flakë, ndërsa personi që fshihej prej saj arrin të largohet në momentet e fundit, por duke mbetur i plagosur.

Pas atentatit edhe autorët në përpjekje për të humbur gjurmët dogjën automjetin e tyre tip Renault, shumë pranë vendit të ngjarjes.

Nga hetimet e deritanishme policia dyshon se në atentat morën pjesë 4 persona, por vetëm 3 prej tyre kanë hapur zjarr me kallashnikov.

Në dëshminë e tyre para hetuesve dy të plagosurit kanë deklaruar se dëgjuan të shtënat sapo zbritën nga makina dhe se për shkak të errësirës nuk kanë arritur të shohin se cilët ishin autorët. Ata kanë mohuar të kenë konflikte me persona të tjerë duke mos ndihmuar në zbardhjen e motiveve të ngjarjes.

Rozana Radi prej kohësh nuk është më pjesë e tregut muzikor me projekte të reja. Megjithatë, jeta e saj ka marrë një tjetër drejtim, që prej nisjes së këtij edicioni të Big Brother Vip, këngëtarja tashmë edhe prezantuese, komenton “Live” në platformat e rrjeteve sociale ndodhitë në shtëpinë më të famshme në Shqipëri.

Bashkë me Anaid Kalotin, Aulona Mustën dhe Sonila Meçon kanë dhënë mendimet e tyre për “Prime” e sotëm. Ajo çka i ka tërhequr vëmendjen Rozanës ka qenë sjellja e opinionistes Ori Nebijaj e cila u është “sulur” banorëve për lojën e ulët që po bëjnë në BBV.

“Na qitën sytë. Po ajo(Ori Nebijaj) e ka humbur fare me banorët. Si mund te flasë ashtu. Ajo nuk është banore, por opinioniste. Po përdor një fjalor që nuk i shkon opinionistit,” tha këngëtarja.

Më pas ka ndërhyrë edhe gazetarja Sonila Meço, e cila është përpjekur të justifikojë tensionin e Orit.

“Ke shumë të drejtë, por tani aty është tensionuar shumë dhe të gjithë kanë humbur logjikën përfshire dhe Orin,” tha gazetarja.