Category: Lajme

Plot surpriza spektakli i djeshëm i ‘Big Brother Vip’. Prezantuesi Ledion Liço devijoi paksa rregullat e ‘Vëllait të Madh’, duke i dhënë një informacion nga jashtë njërit prej banorëve të shtëpisë, Romeo Veshaj.

Ledioni i komunikoi Romeos se shoku i tij, Elvis Myrta, i eliminuar nga shtëpia, tashmë është pjesë e stafit në emisionin “Më lër të flas” në Top Channel, një program të cilin e drejton Romeo dhe vëllai i tij Donaldi.

“Po e them këtë se mbase nuk e prezantoj unë vitin tjetër…”, tha Ledioni.

Pak minuta pas kësaj deklarate, Arbana Osmani, prezantuesja e dy edicioneve të mëparshme të ‘Big Brother VIP’, postoi në InstaStory një mesazh: “E di, e di :)”.

Ky postim është parë në rrjetet sociale si një thumb i hapur kundërdrejt Ledionit, i cili mori rolin e saj si prezantues për sezonin e tretë. Mirëpo kishte edhe komente që ngritën dyshimet se moderatorja mund të rikthehet në format, meqënëse emri i saj preferohet më shumë për drejtimin e ‘BBV’.

https://streamable.com/e/4itg61?quality=highest

Është arrestuar autori i vrasjes me thikë ditën e sotme në qytetin e Durrësit. 34-vjeçari Ilir Koçilja është kapur nga forcat e policisë pranë vendit të ngjarjes.

Ai qëlloi me thikë 47-vjeçari Halil Koka, i cili ndërroi jetë gjatë transportit me ambulancë për në spital.

Sherri ka nisur në lagjen 4 të qytetit të Durrësit, për parkimin e makinës, si dhe për një borxh, dhe ka përfunduar në mënyrë tragjike.

Autori me viktimën ishin fqinjë, dhe dikur kanë qenë shok qelie në burg, të arrestuar për armëmbajtje pa leje dhe drogë.

Autori, sipas fqinjëve, ishte me probleme mendore, madje kishte qëndruar i shtruar në Spitalin Psikiatrik të Elbasanit.

Prokuroria e Tiranës ka dorëzuar në gjykatën e Tiranës kërkesën për masën e sigurisë ndaj Altin Çokut i arrestuar disa ditë më parë, pas vetëvrasjes së 27-vjeçares nga Kamza.

Ai akuzohet për shkaktim vetëvrasjeje të së resë.

Gazetarja dhe moderatorja Evis Ahmeti është shprehur se familja e Sibela Abedinit, 27-vjeçares që dyshohet se u vetëvra pas publikimit të fotos intime me Altin Çokun, është e rrezikuar.

Ahmeti tha se flitet se pas Altin Çokut qëndojnë disa persona të tjerë, të cilët përbëjnë rrezik për famijen e Sibelës.

Po ashtu, Ahmeti tha se edhe nga ana e familjes së Sibelës, janë bërë thirrje për vetëgjyqësi dhe apeloi për shumë kujdes për këtë çështje.

“Një person është parë poshtë banesës. Ata e vënë gishtin te Altin Çoku dhe personat pas Altin Çokut. Madje sot në emision u bë thirrje edhe për ministrin Taulant Balla, për mbrojtje. Sepse Altin Çoku ka pas thonë njerëz që i mbrojnë krahët dhe mund t’i bëjë dëm kësaj familjeje.

Kemi të bëjmë me një shtresë shumë vunerabël. Sibela ishte rritur në një familje me prindër të divorcuar, pa figurën atërore, çfarë ka ndodhur brenda asaj familje.

Edhe nëna dhe vëllai i Sibëlës kanë thënë lijeni të lirë Altin Çokun, sepse do të merremi vetë me të”, tha Ahmeti.

Sot, më 14 shkurt 2024, dollari amerikan blihet me 96 lekë dhe shitet me 97.3 lekë.

Euro, blihet me 103.5 lekë dhe shitet 104.2 lekë.

Franga zvicerane, këmbehet në blerje me 108.6 lekë, ndërsa në shitje me 109.6 lekë.

Paundi britanik, blihet me 121.2 lekë dhe shitet me 122 lekë.

Dollari kanadez, sot në blerje këmbehet me 71.1 lekë, ndërsa në shitje me 72.1 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Një ngjarje e rëndë ka ndodhur në Itali, ku një 13-vjeçar shqiptar është gjetur i pajetë në dhomën e tij të gjumit.

Ngjarja ka ndodhur në Traversetolo, në provincën e Parmës.

Ka qenë motra e saj 17-vjeçare që ka bërë zbulimin tragjik para orës 8 të mëngjesit të sotëm, raportojnë mediet italiane.

Familja thirri menjëherë ndihmë por nuk mund të bëhej asgjë për të riun.

Automjeti mjekësor dhe ambulanca e Kryqit Blu ndërhynë në vendngjarje, në një shtëpi në via Cantini, në qendër të qytetit.

Hetimet i janë besuar policisë.

Vdekja mund të jetë shkaktuar nga një arrest kardiak që e ka goditur trembëdhjetë vjeçarin në gjumë. Autopsia do të sqarojë shkakun e vdekjes.

Gjykata e Athinës ka vendosur të lërë në paraburgim Florian Zanin, njohur si Hayate në rrjetet sociale, deri në përfundimin e hetimeve për akuzat e poshtërimit, dhunës dhe shfrytëzimit të personave të me aftësi të kufizuar.

Sipas mediave të huaja, Zani akuzohet për veprimtari të shfrytëzimit të personave me aftësi të kufizuara dhe vajzave në rrjetet sociale, duke kryer veprime të poshtërimit dhe dhunës ndaj tyre.

Avokatët e Zanit kanë mbrojtur veprimtarinë e tij, duke pretenduar se gjithçka ka qenë në kuadër të shakave.Ndërsa miqtë e tij kanë dëshmuar në mbështetje të tij përkatësisht për të mbrojtur veprimtarinë e tij si shaka, viktimat e pretenduar të akuzave nuk janë lejuar të jenë të pranishëm në gjykatë për t’u shprehur për shkak të ndjeshmërisë së rastit.

Çështja ka shkaktuar reagim të ashpër nga organizatat në mbrojtje të personave me aftësi të kufizuara, duke kërkuar drejtësi për viktimat e pretenduara. Gjykata vazhdon hetimet për të vërtetuar të gjitha akuzat dhe të gjejë një vendim të drejtë për të gjithë palët.

Dashi

Do i kaloni te gjitha vështirësitë qe keni pasur ne çift dhe do e mendoni me më tepër optimizëm te ardhmen. Do jeni gjate gjithë kohës te buzëqeshur sot. Beqaret do arrijnë te bëjnë për vete cilindo person qe do pëlqejnë dhe kjo do i lumturoje pa mase. Mos merrni asnjë hua për te stabilizuar buxhetin sepse kjo do iu krijonte me tepër probleme. Gjeni një zgjidhje tjetër.

Demi

Kujdesuni me tepër sot pe rate qe keni ne krah sepse po e late pas dore marrëdhënia ne çift do jete problematike. Shprehini edhe me tepër ato qe ndjeni. Për beqaret jo çdo gjë do shkoje mire, por nuk do mërziten edhe ashtu si janë. Miqtë do i ftojnë te dalin e te argëtohen. Ne planin financiar duhet te tregoheni shume te kujdesshëm dhe te mos shpenzoni kuturu.
Binjaket

Jeta juaj ne çift do jete mjaft e animuar gjate kësaj dite dhe do ndiheni për mrekulli ne krahët e atij qe dashuroni. Gjithçka do e bëni ne bashkëpunim me njeri-tjetrin. Për beqaret do ketë surpriza pa fund. Përgatituni shpirtërisht për ndryshime rrënjësore. Situata financiare do ndërlikohet se tepërmi nëse ju shpenzoni kuturu dhe nuk mendoni aspak për te ardhmen.
Gaforrja

Jeta ne çift do jete shume e thjeshte dhe aspak problematike gjate kësaj dite. Merrini gjerat si t’iu vijnë dhe dashurohuni ashtu si ta ndjeni. Takimet do jene te shumta për beqaret, por asnjeri prej tyre nuk do jete ne lartësinë e duhur sa për te filluar një lidhje te qëndrueshme. Bëhuni me te duruar. Financat do jene shume delikate. Kujdes me shpenzimet marramendëse.

Luani

Partneri juaj do ridashurohet me ju sot duke pare sjelljesh, por edhe sharmin e finesën qe do keni. Mbrëmja do jete e nxehte dhe mjaft emocionuese. Beqaret do kenë takime impresionuese nga te cilat mund te fillojnë histori dashurie afatgjata. Shfrytëzojeni çdo mundësi! Financat nuk do jene aq te mbrojtura sa me pare, kështu qe shpenzoni me maturi.

Virgjeresha

Fale mbështetjes se Venusit jeta juaj ne çift do kaloje një faze mjaft euforike sot. Do flisni hapur me partnerin tuaj dhe do bashkëpunoni për gjithçka me te. Beqaret do ndihen mire edhe me statusin qe kane, prandaj nuk do kërkojnë me ngulm te fillojnë një histori dashurie. Financat do jene goxha problematike dhe kjo do iu shqetësojë pa mase. Beni kujdes!
Peshorja

Do jeni shume te qarte për atë qe doni sot dhe do flisni pa druajte me partnerin. Ne këtë mënyrë do arrini t’iu jepni zgjidhje edhe disa pengjeve te se shkuarës. Beqaret do kenë disa takime, por vetëm njeri do i emocionoje se tepërmi. Njihuni mire me atë person para se te hidhni hapa me tej. Buxhetin do e menaxhoni me se miri dhe nuk do keni asnjë problem.

Akrepi

Klima ne jetën tuaj ne çift do jete shume e ngrohte gjate kësaj dite. Partneri do iu surprizoje ne çdo moment dhe do iu beje te ndiheni me se miri. Shfrytëzojeni çdo sekonde pranë tij. Beqaret do fillojnë aventura te reja, por afatshkurtra. Ne planin financiar mos u tregoni aspak impulsive nëse nuk doni te keni probleme serioze. Ky sektor nuk do jete ne gjendjen me te mire te mundshme.

Shigjetari

Rutina do e pushtoje gjate gjithë kohës jetën tuaj ne çift sot dhe nuk pritet asgjë interesante. Edhe humori do iu ndryshoje shpesh çka do beje qe te acaroheni me gjene me te vogël. Beqaret nuk duhet t’iu besojnë aspak personave qe do i joshin sot sepse do përballen me zhgënjime. Financat fatmirësisht do jene te mbrojtura dhe aspak problematike.

Bricjapi

Do e vuani mjaft lënien pas dore nga partneri juaj sot dhe ne një moment mund te mendoni te shihni dike tjetër. Kujdes, mos u nxitoni sepse gjerat mund te ndryshojnë shume shpejt. Beqaret nuk do jene shume me fat as sot dhe do mbeten serish me te njëjtin status. Financat duhen pasur me tepër ne vëmendje dhe duhen menaxhuar me maturi.

Ujori

Nëse jeni ne një lidhje duhet te tregoheni me te moderuar gjate kësaj dite. Nëse doni te jeni paksa me te pavarur nga ai qe keni ne krah flisni me te para se te merrni vendime. Beqaret do jene gati te bëjnë edhe sakrifica vetëm e vetëm për te gjetur princin e tyre te kaltër. Financat do jene te paqëndrueshme prandaj nuk ehte koha për investime marramendëse.

Peshqit

Dite e mbushur me momente te lumtura kjo e sotmja për te dashuruarit. Do filloni te bëni edhe plane për te ardhmen ne çift dhe do qëndroni me afër atij qe dashuroni. Beqaret do jene me te qarte pe rate qe duan dhe do bëjnë çmos ta gjejnë personin ideal. Financat nuk do jene te këqija, megjithatë duhen shmangur shpenzimet e ekzagjeruara.

Mediat greke kanë publikuar sot vendimin e Gjykatës greke për lirimin e dy anëtarëve të grupit kriminal shqiptar “Lions” të akuzuar në Greqi për shumë krime të rënda, përfshirë vrasje. Bledi Alushi, 19 vjeç nga Fieri dhe Nektarios Karkalios, 24 vjeç nga Greqia u arrestuan në 8 shkurt për disa ngjarje kriminale përfshirë tentativa vrasje. Për Alushin u ngritën akuzat “grup kriminal”, “vrasje e mbetur në tentativë në bashkëpunim dhe veçmas”, “armëmbajtje pa leje dhe përdorim arme” dhe “përvetësim pasurie në bashkëpunim” ndërsa ndaj Karakalios akuza “vrasje e mbetur në tentativë”. Gjatë kontrolleve atyre iu sekuestruan edhe 2 pistoleta e municion si dhe sasi eurosh.

Por Gjykata në Greqi i ka liruar të dy nën masën “detyrim paraqitje”. Sipas “Zougla”, shqiptari dhe greku janë pjesë e grupit kriminal “Lions” në Greqi, të përbërë nga shqiptarë ndërkohë që Nektarios Karakalios ka qenë më parë i arrestuar si i dyshuar për përfshirje në vrasjen e Pëllumb Islamit nga Delvina, por ishte liruar sërish nga Gjykata. Madje dhe pas lirimit, sërish ishte arrestuar në dhjetor 2023 me armë dhe sërish ishte liruar.

Avokati i tyre, Janis Glykas, tha për “Zougla”: “Kjo është një dosje në të cilën autoritetet policore u përpoqën të bashkonin prova të shpërndara inkriminuese dhe çështje të tjera penale në pritje për t’u caktuar përgjegjësi penale klientëve të mi. Fillimi i përfshirjes së hetuar të klientëve të mi ishte tentativa e vrasjes ndaj gruas së një prej të pandehurve, e cila më pas tentoi ta inkriminonte. Pas kërkimit të faljes së tyre, klientët bindën për mospërfshirjen e tyre në akuzat e ngarkuara dhe u liruan”

Episodet për të cilat u arrestuan

Episodi 1

Më datë 21.01.2024, në zonën e Kolonos, në bordin e një automjeti ndodheshin Spartak Lato, Dimitrios Lato, Maria Lato, Kristina Tsakiri dhe një fëmijë 1 vjeç. Në rrugën “Lenorman”, një grup prej 7 personash ndaluan mjetin në fjalë dhe sulmuan drejtuesin e mjetit Spartak Lako, me grushte dhe shkelma në mes të rrugës, ndërsa të paktën njëri prej tyre, i cili mbante një armë, e ka goditur me qytë në fytyrë. Gjatë sulmit, njëri prej autorëve, fillimisht i ka kanosur me pistoletë personat në mjet dhe më pas ka qëlluar në drejtim të tyre, me qëllim vrasjeje, por pa i kapur dot. Nga deklarimet e dëshmitarëve dhe nga analiza e pamjeve filmike, rezulton se autorët e sulmit të armatosur janë Bledi Alushi dhe Nektarios Karakalios dhe të paktën 5 persona ende të paidentifikuar.

Episodi 2

Rreth orës 16:00 të datës 05.02.2024, në spitalin “Evangjelismos” është paraqitur shtetasja me një plagë depërtuese me armë zjarri në bark. I pranishëm në spital ishte edhe bashkëshorti i saj, shtetasi Nektarios Karakalios, i cili deklaroi verbalisht në polici se gruaja e tij qëlloi veten me armë zjarri në shtëpinë e tyre. Nga hetimi i rrethanave të plagosjes rezultoi se autori i vrasjes në tentativë ndaj saj është Nektarios Karakalios. Në vendin e ngjarjes ndër të tjera u gjet 1 armë zjarri pistoletë dhe 1 karikator me kapacitet 30 fishekë pa gëzhoja.

Episodi 3 dhe 4

Në orën 14:30 të datës 22.07.2022 në zonën e “Axarnon”, shtetasit Kristos N. Loukas, 28 vjeç, Kristos P. Loukas, 28 vjeç, Spirido Loukas, 32 vjeç dhe dymbëdhjetë 12 persona ende të paidentifikuar, kanë shkuar në rrugën “Prespas nr. 67” në “Axarnon”, jashtë shtëpisë së Nikolaos Loutsa, 30 vjeç, duke mbajtur karabina, pistoleta dhe shkopinj druri. Ata kanë qëlluar me qëllim vrasjeje me pasojë plagosjen në këmbë të Loutsës.

Pas hetimeve u arrestua Kristos N. Loukas dhe u shpallën në kërkim dy të tjerët.

Gjithashtu, më datë 14.06.22 në orën 22:00 Qendra e Veprimit të Menjëhershëm u njoftua për të shtëna nga persona të panjohur në afërsi të kryqëzimit të rrugëve “Menelaou Ludemi” dhe “Prespas Axarnai”, ku ndodhet kampi i Romëve Aulizas. Në rrugën “Psatha a.a”. punonjësit e policisë së ekipit “DIAS” gjetën një gëzhojë arme zjarri të kalibrit -1- 9 mm, e cila u sekuestrua.

Sipas ekzaminimeve laboratorike – krahasuese dhe gjurmëve të mjeteve dhe Shënimi Informativ i datës 02.08.2024, ka rezultuar se gëzhoja e gjetur në vendin ku ka ndodhur vrasja në tentativë e Nikolaos Loutsa dhe gëzhoja e arma e zjarrit kanë dale nga pistoleta e markës “69278” ZASTAVA, e cila u sekuestrua në rrugën “Gemelou nr. 118” në “Nikea”, në të cilën Bledi Alushi dhe Nektarios Karakalios kishin fshehur një pjesë e armatimit të tyre. Për rrjedhojë, dy nga bashkëpunëtorët e panjohur të autorëve të identifikuar në atë kohë janë Bledi Alushi dhe Nektarios Karakalios.

Episodi 5

Rreth datës 08-09.01.2024, Bledi Alushi dhe Nektarios Karakalios kanë qëlluar me armë zjarri të paktën shtatë 7 herë në drejtim të Bar Restaurant VENUS” në pronësi të Pëllumb Hasanit nga Babica e Vlorës, në rrugët “Paraskevopoulou” dhe “Giannari” në Patisia, e cila ishte e mbyllur në atë kohë. Për pasojë janë shkaktuar dëme, pasi xhamat e barit janë thyer si nga ana në rrugën “Paraskevopoulou” ashtu edhe nga rruga “Giannari”. Nga dëshmitë e dëshmitarëve rezultoi se autorë të të shtënave janë Bledi Alushi dhe Nektarios Karakalios.

Policia dyshon se publikimi i disa fotove intime në rrjetet sociale, çoi drejt vetëvrasjes një 27-vjeçare në Kamëz. Blutë e kryeqytetit arrestuan 39-vjeçarin Altin Çoku, personazh të njohur të Tik-Tokut, i cili krijoi lidhje me nënën e një vajze të mitur, ndërsa një foto e tyre në momente intime mori dhënë në rrjetet sociale.

Avokati Gentjan Serjani, gjatë një interviste televizive, hodhi idenë që të mbyllet përkohësisht Tik-Tok.

“Referuar rasteve të fundit mendoj se duhet të ketë një lloj ndalimi i këtij aplikacioni duke parë se çfarë pasojash ka sjellë. Duke parë se cili është shteti, duke ju referuar rasteve të fundit të raportuara por edhe rasteve që nuk janë bërë publike mendoj se kanë nevojë për një lloj ndalimi të përkohshëm për këtë lloj aplikacioni. Është shkarkuar nga 300 milionë qytetarë evropianë. Ka platforma të tjera që mund të përdoren dhe që janë të sigurta. Kanë një lloj përgjigje më të shpejtë në kohë dhe efikase pasi ne duhet të mbrojmë dinjitetin e qytetarëve. Aktualisht kemi një vepër penale të parashikuar ndërhyrje të padrejta në jetën private. Është duke u rishikuar gjithë kori penal”,– tha avokati.

Nga ana tjetër, Ergest Nako, ekspert për sigurinë kibernetike thotë ky lloj aplikacioni, duhet të përdoret me kujdes.

“Rasti i Tik-Tok-ut, është rasti tipik ku të dyja palët janë problematike. Nuk duhet ta neglizhojmë si përdoren mediat digjitale. Përgjithësisht ka treguar se nuk është në nivelin duhur. Kjo paltformë duhet trajtuar në një mënyrë më të kujdesshme kundrejt kontentit”,– tha Nako.

Eksperti deklaroi se nëse qytetarët hasen me raste shantazhi, duhet të raportosh.

“Ka patur raste kur miq të mi më ka pyetur u kam thënë të njoftojnë policinë e shtetit. Është një trend në rritje që individët drejtohen të njerëzit e tyre të njohur. Nuk je ti që po bën gjë të gabuar, por është dikush tjetër që të kërcenon. Duhet të raportosh. Me zhvillimin e inteligjencës artificiale, do të shikojmë një keqpërdorim shumë të madh të kontetit të krijuar nga Inteligjenca artificiale“,- tha Nako.