Category: Lajme

Në tregun e këmbimi valutor sot një dollar amerikan do blihet me 96.2 lekë dhe do shitet me 97.2 lekë.

Euro do blihet me 103.8 lekë dhe do shitet me 104.4 lekë, ndërsa franga zvicerane do blihet me 109.8 lekë dhe do shitet me 110.8 lekë.

Ndërkohë paundi britanik në tregun shqiptar do blihet me 121.1 lekë dhe do shitet me 122.1 lekë.

Një 41-vjeçare nga fshati Bilçë i ka dhënë fund jetës duke pirë fostoksinë.

Ngjarja ka ndodhur mbrëmjen e djeshme, ku vetë viktima Shpresa Kreku, pasi ka pirë fostoksinën, ka marrë vëllanë në telefon dhe i ka thënë “nuk mundem më vëlla, amanet fëmijët”.

Pas kësaj vëllai ka mbërritur menjëherë në banesën e motrës dhe e ka gjetur në gjendje kritike.

Ai e ka dërguar fillimisht në Spitalin Rajonal Berat dhe më pas është transportuar drejt Spitalit të Traumës në Tiranë, ku gjeti vdekjen 15-minuta pas mbërritjes.

Mësohet se gruaja kishte pirë 3 kokrra fostoksinë, pas një debati në telefon me bashkëshortin e saj, Çlirim Kreku, i cili prej një viti jeton në Senalik të Greqisë.

Ende është mister shkaku i vetëhelmimit të nënës së dy fëmijëve, ndërkohë që në lajmërimin e vdekjes nuk përmendet emri i bashkëshortit, vetëm prindërit, vëllai dhe fëmijët.

Burime brenda familjes pohojnë se 41-vjeçarja ka kërkuar në momentet e fundit të jetës ta varrosnin në fshatin Banaj, pranë familjes së saj.

Policia ka dhënë detaje në lidhje me ngjarjen e raportuar pak më parë, ku një i moshuar i moshës rreth 80-vjeç, u paraqit në spitalin e Korçës me dëmtime në trup.

Policia njofton se dyshohet se i moshuari është konfliktuar me ndonjë shtetas që e ka patur në banesë.

Grupi hetimor, në drejtimin e Prokurorisë, po punon për zbardhjen e rrethanave të dëmtimit të shtetasit dhe identifikimin e autorit të dyshuar pjesëmarrës në banesën e të dëmtuarit.

Korçë/Informacion paraprak

Më datë 08.02.2024, rreth orës 07:05, spitali i Korçës ka njoftuar sallën operative të DVP Korçë se ka shkuar për ndihmë mjekësore shtetasi G. T., rreth 81 vjeç, banues në lagjen nr. 15, Korçë.

Menjëherë në banesën e 81-vjeçarit ka shkuar grupi hetimor, i cili ka konstatuar se as dera e banesës dhe as dritaret e saj, nuk janë të dëmtuara. Nga këqyrja e banesës, si dhe nga sendet dhe provat e gjetura dyshohet se 81-vjeçari mund të jetë konfliktuar me ndonjë shtetas që e ka patur në banesë.

Grupi hetimor, në drejtimin e Prokurorisë, po punon për zbardhjen e rrethanave të dëmtimit të shtetasit dhe identifikimin e autorit të dyshuar pjesëmarrës në banesën e të dëmtuarit.

Për këtë ngjarje pas sqarimit të të gjitha rrethanave të mekanizmit dhe motiveve do të kemi një njoftim të plotë.

Një i moshuar rreth 80 vjeç banues në lagjen nr 15 në Korçë. Është paraqitur në spitalin e Korçës me dëmtime në trup dyshohet me sende të forta.

Gazetarja Lorena Kodra raporton se mbetet e paqartë mënyra se si mund të jetë dëmtuar i moshuari pasi sipas policisë e cila ka shkuar në banesën e të moshuarit nuk ka konstatuar asgjë të dyshimtë.

Banesa ka qenë e mbyllur, dera nuk ka qenë e dëmtuar as pajisjet brenda saj.

Policia ndërkohë po punon për të zbardhur rrethanat e kësaj ngjarje.

Dashi

Do të jetë një atmosferë mjaft entuziaste sa i takon dashurisë, ku do të gjeni shumë arsye për të qenë të lumtur. Ata që janë vetëm do të jenë me fat, ku do të favorizohet kërkimi i shpirtit binjak. Në punë gjithçka shkon më së miri, ku priten të ardhura në rritje.

Demi

Kjo ditë do të jetë disi e komplikuar, ku në dashuri duhet të jeni më të ëmbël dhe të përshtateni me personin tuaj të zemrës. Bëni mirë të angazhoheni më shumë. Për ata që janë vetëm dita nuk do të jetë shumë e favorshme, megjithatë mos u dorëzoni!

Në punë do të jeni gjithnjë e më shumë bashkëpunues, gjë që do ju lejojë të krijoni një përshtypje të mirë.

Binjakët

Pritet një e enjte mjaft e frytshme, sidomos sa i takon fushës së ndjenjave. Ata që janë vetëm, do të argëtohen pa fund, duke hedhur bazat për një raport jetëgjatë. Sa i takon punës, duhet të përqendroheni në mundësitë e reja, të cilat premtojnë shumë.

Gaforrja

Kjo ditë do të jetë e thjeshtë, e gjallë dhe e organizuar më së miri. Parashikohet që në dashuri të jeni diskret dhe mjaft të favorizuar, ku do të shprehni më së miri fjalët dhe gjestet. Ata që janë vetëm, do të kenë një ditë të mbushur me intriga. Ndërsa sa i takon punës, duhet të shmangni çdo frikë që keni për të ardhmen, duke treguar vendosmërinë tuaj.

Luani

Kjo ditë mund të quhet e shkëlqyer, sidomos sa i takon dashurisë, ku do të merrni kënaqësinë më të madhe. Gjatë kësaj të enjteje asnjë vështirësi nuk do mund t’iu pengojë që të kaloni një ditë të bukur dhe një mbrëmje të paharrueshme me partnerin. Për ata që janë vetëm po afron momenti i kthesës në drejtimin e duhur. Ndërsa në punë, nëse keni qëllime të nivelit të lartë apo angazhime të rëndësishme, pritet të ndodhin ndryshime drastike, por të domosdoshme.

Virgjëresha

Parashikohet një ditë mjaft e kënaqshme, e qetë dhe më se normale. Nuk do të mungojnë momentet intime dhe të mrekullueshme nën shoqërinë e partnerit/es. Ata që janë vetëm do të bëjnë një ndryshim radikal në jetën e tyre. Sa i takon punës, pas një periudhe të vështirë, do të vijnë ndryshime pozitive, ndonëse të lehta. Më në fund do të gjeni harmoninë me kolegët tuaj.

Peshorja

Kjo e enjte do të jetë mjaft pozitive për të lindurit e kësaj shenje, ku dashuria dhe jeta sentimentale do të gjallërohet. Kjo do të jetë një periudhë e shoqëruar me debate të vazhdueshme. Hapni zemrën pa u fshehu pas batutave ironike apo gënjeshtrave të vogla. Ata që janë vetëm, duhet të heqin dorë nga ajo që i shqetëson në mënyrë që të jenë të qetë. Shmangni tensionet e mundshme, sidomos në punë.

Akrepi

Nuk do të nisë aspak pozitivisht kjo ditë mesjave. Në dashuri, ekzistojnë mundësitë që të rinisni një lidhje të ndërprerë. Duket se dikush do të testojë durimin tuaj! Në punë, dita do të jetë e favorshme për shkëmbimin e informacioneve. Komunikimi do të jetë i shfrenuar dhe shpesh i tensionuar.

Shigjetari

Kjo e enjte do të jetë mjaft pozitive dhe e ekuilibruar. Do e përballoni ditën në mënyrën më të mirë të mundshme, pa lënë që t’iu shpëtojë asnjë mundësi. Sa i takon punës, do të nisë një cikël i ri, i cili do të sjellë ndryshime të rëndësishme dhe mjaft të frytshme.

Bricjapi

Kjo do të jetë një ditë mjaft pozitive, ndonëse në disa momente mund të jetë nën ritmin e duhur. Gjithsesi duke vlerësuar parashikimet e ditës, do të dini shumë mirë si të menaxhoni çdo situatë. Për ata që janë vetëm, dita do të mësojë si të vlerësoni më mirë ndjenjat. Në punë konkurrenca do të jetë shpëtimi juaj, ku do të spikasni ndaj të tjerëve.

Ujori

Do të jetë një ditë aspak efikase, sidomos sa u takon raporteve ndërpersonale. Në fushën e ndjenjave, mund të ketë momente nervozizmi dhe debati. Do të jetë një ditë gjatë së cilës do të jeni të përhumbur. Për ata që janë vetëm këshillohet që ti zgjidhin problemet si të rritur, pa bërë gabime. Sakaq në punë, kjo e enjte premton përmirësime të ndjeshme.

Peshqit

Kjo ditë do të jetë e mbushur me ulje-ngritje të vazhdueshme. Sipas horoskopit të ditës, fusha e ndjenjave pritet të ketë luhatje, ku parashikohet të bëni edhe ndonjë gabim. Megjithatë do e kaloni pa problem çdo situatë të vështirë. Ata që janë vetëm, do e kalojnë ditën duke reflektuar për të dalë nga kjo situatë. Ndërsa në sferën profesionale do të dini të justifikoni vendimet dhe zgjedhjet e ditëve të fundit, duke dalë më së miri në pah.

Një grua është plagosur me armë zjarri pak ditë më parë në Athinë.

Mediat greke raportojnë se gruaja është bashkëshortja e një anëtari të bandës shqiptare “Luanët”, që merren me trafikun e drogës, qenieve njerëzore dhe mbrojtjes së dyqaneve kryesisht në Sepolia dhe Gazi.

Historia e gruas nisi të zbardhej dy ditë më parë kur gruaja u dërgua nga familjarët në spital me një plagë të rëndë në bark të shkaktuar nga një armë zjarri. Policia është njoftuar nga spitali dhe efektivët e saj po kryejnë hetimet për zbardhjen e ngjarjes. Gruaja ende nuk është në gjendje të dëshmojë dhe nuk dihen rrethanat e plagosjes së saj.

Autoritetet kanë kryer disa kontrolle në shtëpitë që dyshohet se kanë lidhje me bandën me qëllim mbledhjen e provave që mund të hedhin dritë mbi plagosjen e gruas. Sipas mediave të gjitha mundësitë janë të hapura, madje edhe ajo e tentativës për vetëvrasje.

Bashkëshorti i gruas së plagosur dyshohet se është i lidhur me të shtënat që kanë ndodhur në Lenorman pak ditë më parë mes një grupi shqiptarësh.

Vlen të thuhet se anëtarët e bandës kriminale ‘Luanët’ u përfshinë në vrasjen e 39-vjeçarit shqiptar Pëllumb Islami në Nea Joni. Anëtarët e bandës kanë qenë të punësuar në trafikun e drogës, trafikut të qenieve njerëzore dhe mbrojtjes së dyqaneve, kryesisht në Sepolia dhe Gazi, ndërsa ishin shtrirë edhe në Zakynthos.

Pak ditë më parë mediat greke publikuan pamjet e Elis Salajt, 35-vjeçarit nga Fieri, i cili akuzohet për vrasjen e 39-vjeçarit. Videoja është postuar në rrjetet sociale dhe tregon Salajn duke u shfaqur pa shqetësuar pranë një grupi personash. Sipas mediave greke, policia ka konfirmuar se vrasja e datës 21 shkurt është kryer pikërisht nga Salaj në Nea Ionia të Athinës. Megjithatë, Salaj, i cili është pjesë e grupit kriminal të vetëquajtur “Luanët”, vazhdon të qarkullojë lirshëm.

Një 16-vjeçar është goditur nga motra e tij një vit më e madhe pasi bënte shumë zhurmë ndërkohë që luante ‘PlayStation’.

Ngjarja e rëndë ndodhi në provincën e Agrigentos në Itali mëngjesin e së premtes por vetën ditën e sotme u bë publik rasti nga policia.

Vajza ka debatuar disa herë me të vëllanë pasi ajo donte të studionte ndërsa ai vazhdoi të luante duke bërë zhurmë me PlayStation.

Adoleshenti, i cili është goditur mes zemrës dhe mushkërive, është në gjendje të rëndë i shtruar në repartin e kujdesit intensiv të spitalit San Giovanni di Dio në Agrigento.

Spektakli i “Big Brother” ka qenë një ndër emisionet më të ndjekura nga shqiptarët prej vitesh. Para dy ditësh Top Channel publikoi disa statistika të shikueshmërisë së “BBV3”, ku sipas tyre ky edicion po ndiqet më shumë se “BBV2”. Faqja zyrtare e Top Channel shkruan:

Big Brother Vip 2 rezulton se 22 ditë BBV3 është parë në YouTube 9 milionë orë, ndërsa BBV2 4.3 milionë orë.

Por me sa duket shifrat e audiencës nuk janë vërtetë ato që publikohen nga organizatorët e emisioneve të tilla. Eksperti i sigurisë së informacionit Besmir Semanaj ka marrë në analizë grafike lajmet e përhapura së fundmi se Big Brother këtë vit “ka thyer çdo rekord audience televizive”.

“Sot lexova një lajm zyrtar në faqen e Top Channel, ku thuhej se shikueshmëria e këtij viti ka kaluar me dyfish vitin e kaluar. Duke qenë se jam skeptik mbi lajmet pa shifra, mendova të bëj disa verifikime.

Top Channel e shoh si një medium serioz dhe kam qenë i ftuar shumë herë në studiot e tyre. Më kënaqësi lexova lajmin, por u zhgënjeva kur verifikova shifrat.

Në kërkimet në Google dhe në YouTube, dy nga treguesit më të rëndësishëm për ndjekjen dhe vlerësimin e një programi janë në shifrat e 25% krahasuar me vitin e kaluar dhe me një tendencë në rënie.

Fatkeqësisht për Top Channel, ende nuk kanë kaluar as BBV1, kurse BBV2 e shikojnë me dylbi aktualisht.

Besoj se këto statistika janë të dobishme për Top Channel për të kuptuar realitetin. Nëse çdo lajm e bëjnë si këtë Zot na ruaj”.

Shqiptari Selamet Mehmetaj, që ndodhet në burg për drejtimin e një bande droge miliona paundshe, ka tërhequr vëmendjen e mediave britanike me postimet e tij nga burgu.

I riu shqiptar që e quan veten ‘djalli’ ka postuar imazhe të tij në rrjetet sociale duke treguar se ka futur celular kontrabandë në burg. Ai poston gjithashtu edhe foto e video ku reklamon makinat e tij, talllet me policinë dhe poston video duke bërë rap.

Edhe pse në burg, Mehmetaj vazhdon të postojë dhe reklamojë trupin me muskuj nën shoqërinë e të burgosurve të tjerë. Në një foto ai shkruan: ‘Jeta funit mo nona’.

Pavarësisht se është burgosur, Mehmetaj është rikthyer tani në platformë dhe duket se është grumbulluar që kur u dërgua në burg – duke postuar imazhe të tij duke përkulur muskujt. Madje Mehmetaj duket se është rikthyer në biznes pasi ka reklamuar një makinë për shitje në llogarinë e tij disa ditë më parë.

Në vitin 2021, Mehmetaj ra pre e një investigimi nga ‘DailyMail’ pasi përshkroi në mënyrë rrëqethëse sesi rrëmbeu dhe preu gishtat e një rivali pas hetimit për bandën e tij të drogës. Shqiptari drejtonte dy fabrika kanabisi të fshehura në shtëpitë periferike të Londrës veriore, me personel nga emigrantë të paligjshëm. Nga atje ai shpërndante drogë me vlerë miliona paund në vit në të gjithë Mbretërinë e Bashkuar së bashku me vëllain e tij të vogël Dior, i cili ishte vetë një azilkërkues. Mehmetaj, i cili njihet edhe si Memzo, kishte përdorur më parë llogarinë për t’u mburrur për stilin e jetës së tij luksose.

30-vjeçari Mehmetaj është dënuar me katër vite e gjysmë burg në gusht të vitit 2023 për drejtimin e një bande droge prej shumë milionë paundësh të pajisur me emigrantë të paligjshëm.

Drejtuesit e burgjeve do të nisin një hetim për Mehmetajn pasi u njoftuan nga MailOnline për celularin e tij brenda qelie dhe fotot për rrjete sociale.

Emisioni ‘Në shënjestër’, trajtoi këtë të mërkurë, atentatin e ndodhur më 8 qershor 2022, pranë fshatit Nikël në Fushë-Krujë, ndaj Marklen Hakës, i cili kishte rënë edhe më parë pre e sulmeve të ngjashme me armë, ku kishte mbetur i plagosur rëndë.

Gjatë emisionit u fol edhe për rolin e dy mikeshave që e nxorën në kafe, para se ai të ishte pre e atentatit.

Dokumentari, pjesa e dytë:

Që nga atentati i fundit ndaj tij në qershor të vitit 2022, thuhet se Marklen Haka nuk është bërë më fare i gjallë jashtë mureve të fortifikatës së tij, në fshatin Nikël të Fushë-Krujës, njohur si VIP-i i krimit. Ai mendohet se kalon një jetë gati prej eremiti, të vetmuar brenda vilës së tij, ku gojët rreth e rrotull thonë se jeton bashkë me babain e tij të moshuar, në një historik të vrazhdë dhe gjakësor ku familja e madhe Haka është përfshirë.

Historia e hakmarrjes nuk duket të ketë lënë pa prekur as Marklen Hakan. Emri i tij fillimisht nis të lakohet për herë të parë në vitin 2011, kur ai akuzohet për vrasjen në qendër të kryeqytetit, në zonën e ish-Bllokut, të biznesmenit, Nadien Zeneli.

Ngjarja ndodhi mbrëmjen e 13 qershorit të këtij viti në një nga baret më të frekuentuara të zonës, ku mbetën të plagosur rëndë shtetasit Taf Mandri dhe Bledar Miha. Marklen Haka u akuzua për këtë ngjarje, por nuk u dënua kurrë, edhe pse për të u ngritën dy akuza të rënda, të cilat më pas u rrëzuan. Në atë kohë, sipas prokurorisë, ai kreu krimin si një formë hakmarrje ndaj biznesmenit 32 vjeçar nga Bulqiza, për vrasjen e vëllait të tij, Roland Haka.

Sipas prokurorisë familja Haka dyshonte se vrasës i djalit të tyre në vitin 2004, ishte Nadien Zeneli.

Prokuroria e Tiranës/ 2011: Vrasja e shtetasit Nadien Zeneli dyshohet të jetë bërë për motive gjakmarrje, pasi viktima dyshohej nga familja e shtetasit Marklen Haka si autor i vrasjes së shtetasit Roland Lutfi Haka, ngjarje kjo e ndodhur në vitin 2004 në Krujë.

Por, ashtu siç u bë e ditur, Marklen Haka ia doli të rrëzojë pretendimet e Prokurorisë së Tiranës dhe tia dalë të mos vuajë asnjë ditë dënim për këtë ngjarje. Një nga vajzat dëshmitare e pranishme në atë moment në skenën e krimit identifikoi atë si vrasësin që qëlloi mbi biznesmenin dhe dy personat e tjerë që mbetën të plagosur. Ngjarja mbeti edhe më tej pa autor.

Kronikë/2011: Roland Haka, vëllai i Marklen Hakës, u vra mbrëmjen e datës 10 qershor 2004 teksa po darkonte me disa miq të tij në një lokal në Fushë-Krujë. Pasi dikush e telefonoi, ai u ngrit nga tavolina për të dalë më pas në pjesën e parkingut të lokalit. Në këtë moment, persona të paidentifikuar e qëlluan me breshëri automatike duke e lënë të vdekur në vend. Familja e Roland Hakës pati dyshime se ishte biznesmeni i kromit Nadien Zeneli ai që i kishte telefonuar Roland Hakës për ta nxjerrë në pritë. Zeneli kishte njohje të mëparshme me Roland Hakën për shkak se ai ishte i martuar me një vajzë nga fisi Haka.
Në vitin 2004 Marklen Haka, ishte vetëm 13 vjeç.

Por kjo ngjarje ishte vetëm fillimi i një sërë episodesh dramatike dhe tragjike që do të përndiqnin Marklen Hakën në jetën e tij. Ngjarje të tilla do të shoqëroheshin në vazhdim me humbje të tjera të rënda brenda familjes së tij, por edhe me prita të armatosura ku këtë herë shënjestër do të ishte ai vetë. Atentati i parë ndodhi në derën e banesës së tij në fshatin Zezë të Fushë-Krujës, natën e 21 shtatorit 2019, ku një togë qitësish qëlluan pa mëshirë ndaj pjesëtarëve të familjes Haka.

Në këtë ngjarje, Marklen Haka mbeti i plagosur rëndë dhe u transportua në Spitalin e Traumës në kryeqytet. Ndërsa atje, ai u prit me dy makina luksoze, njëri prej tyre identifikohet si Valter Bami, vëllai i Durim Bamit, një personazh i fortë në Nikël. Por, ajo që bëri edhe më të rëndë atentatin ndaj Marklen Hakës ishte humbja e jetës së hallës së tij, Shpresa Basha. Ajo u qëllua në derën e banesës dhe humbi jetën si pasojë e plumbave në Spitalin e Traumës, vetëm pak minuta pasi kishte mbërritur aty.

Raporti policor: Më datë 21 shtator 2019, është njoftuar salla operative se në fshatin Zezë, Nikël, janë plagosur Marklen Haka dhe halla e tij Shpresa Basha, e cila më vonë nga plagët e marra ka gjetur vdekjen në spital. Banesa e Marklen Hakës është një banesë dykatëshe, e rrethuar me mure dhe me portë metalike dy kanatëshe, ndërsa ajo njëkanatëshe ndodhet në drejtim të krahut jugor. Në sheshin përpara portës, që të nxjerr në rrugën e asfaltuar që lidh fshatin Nikël me lagjen Zezë, gjithashtu dhe një shesh që ndodhet në anën perëndimore të asfaltit janë gjetur gjithsej 85 gëzhoja model 56 kalibri 7.62 mm.

Ishte e qartë edhe nga furia e plumbave të derdhur, ashpërsia me të cilën autorët kundërvepruan ndaj Marklen Hakës. Atë mbrëmje, sipas dosjes hetimore, Marklen Haka mbërriti në banesën e tij rreth orës 21:00. Por kur dukej se gjithçka po shkonte normalisht, kushëriri i tij e njoftoi për disa lëvizje të dyshimta rreth banesave të tyre, lëvizje të cilat ishin konstatuar edhe një natë para krimit.

Siç rezulton nga hetimi, mënjëherë pasi dëgjuan zhurmat që vinin nga lumi, kushëriri dhe nipi i Marklen Hakës dolën me elektrikë në duar për të kontrolluar perimetrin e zonës përreth. Në këtë moment, Markleni dhe halla e tij, Shpresa Basha, doli jashtë. Por, 3 persona të armatosur filluan të hapin zjarr drejt tyre.

Marklen Haka: Më datë 21 shtator 2019, kam shkuar rreth orës 21.00 në shtëpi, ku kishin ardhur për vizitë motra ime dhe halla Shpresa Basha. Kemi qëndruar të gjithë së bashku për darkë, aty ishte dhe djali i xhaxhait tim Egustian Haka. Gusti doli për të parë ndeshjen Inter-Milan. Ai është kthyer rreth orës 23.00, dhe ka parkuar automjetin para shtëpisë time.
Erdhi tek unë dhe më tha se tek skarpati e lumit, kishte dëgjuar zhurmë. Më ka thënë hajde të dalim të shikojmë njëherë. I kam thënë Gustit dhe nipit Ervis Basha të marrin nga një elektrik dhe të kontrollonim skarpatin e lumit. Të dy kemi dalë nga banesa duke kontrolluar, ndërsa unë me hallën Shpresën kemi dalë tek porta kryesore. I kam thënë Shpresës të kthehet në shtëpi, por ajo nuk më dëgjoi. Pasi kam bërë 4-5 hapa nga porta kryesore, kam dëgjuar breshëri automatiku, teksa po qëllohej drejt meje. Kam ndjerë që u plagosa te krahu i djathtë.

Ndërsa mendohet se plumbat dhe atentatet ndaj Marklen Hakës do të ndaleshin këtu, vetëm disa vite më pas, ai pësoi një herë të dytë ekspozimin ndaj një prite të armatosur. Kjo ndodhi tri vite më vonë, në muajin qershor të vitit 2023, në hyrje të fshatit Nikël, vetëm pak çaste pasi kishte dalë nga strofka e tij. Përpara këtij episodi të radhës të dhunshëm, Marklen Haka ishte arrestuar bashkë me pjesëtarë të tjerë të familjes, gjatë një kontrolli të befasishëm të policisë. Gjatë kontrollit, u zbulua se ai mbante një armë zjarri pa leje dhe u arrestua ndërsa tentoi të fshihej pas një divani.

Dosja Hetimore: Nga aktet e përfshira në fashikullin e gjykimit të kësaj çështje, ka rezultuar se më datë 6 Janar 2022, rreth orës 19.00 në fshatin Nikël, Bashkia Krujë, më konkretisht tek Kalçeto e shtetasit Ylli Çangu, nga ana e shërbimeve të Drejtorisë Vendore të Policisë Durrës, është bërë kontroll dhe janë kapur në flagrancë disa shtetas.
Midis shtetasve të ndaluar është edhe Marklen Lutfi (Aliu) Haka.
Nga aktet, rezulton se ky shtetas pasi është kapur në flagrancë, sapo ka parë shërbimet e policisë është larguar me vrap dhe është kapur në katin e dytë të objektit, brenda një dhome të lokalit të fshehur mbas një divani.
Nga kontrolli i ushtruar, pranë tij është gjetur një kuti me ngjyrë të verdhë me mbishkrimin OZKURSAN 922 Cal. 9 mm P.A.K, brenda së cilës ndodheshin 44 fishekë me ngjyrë gri, si dhe një telefon i markës ‘Iphone me këllëf ngjyrë kafe’, të cilat janë sekuestruar në cilësinë e provës material dhe u kryen vendimet përkatëse.

Sipas policisë bashkë me Marklen Hakën në momentin e arrestimit u ndaluan edhe disa persona të tjerë, miq dhe shokë të tij, edhe këta, disa të armatosur. Vetë Marklen Haka i tha policisë se ai nuk kishte lidhje me armën që iu gjet në momentin e ndalimit.

Dosja Hetimore: Nga ana e policisë gjyqësore u pyet në cilësinë e personit ndaj të cilit zhvillohen hetimet edhe shtetasi Marklen Haka.
Gjatë marrjes në pyetje ai deklaroi se më datë 6 Janar 2022, ai ka dalë pasdite te lokali i YIli Çangut dhe ka qëndruar në kafe, te tavolinat brenda lokalit, ku kishte dhe persona të tjerë.
Ai po kështu deklaroi se është ulur i vetëm në tavolinë, ku rreth orës 17.30 ka ardhur policia për kontroll. Marklen Haka, tha se nuk e ka kundërshtuar policinë dhe se gjatë kontrollit nuk i është gjetur asgjë e paligjshme. Dhe se fishekët nuk janë të tijat. Pasi ato nuk i janë gjetur atij, por në ambientet e lokalit ku po pinte kafe, në katin e dytë dhe se ai nuk e di se të kujt mund të jenë.

Sikurse kishte mundur tia hidhte më herët drejtësisë, Marklen Haka mundi edhe këtë herë në këtë episod t’i shpëtonte qelisë. Ai u la në masën e arrestit shtëpiak, aty ku duhet të ishte edhe ditën kur la banesën e tij dhe doli për kafe, duke rënë më pas pre e atentatit më qershor 2022.

Dosja Hetimore: Prokuroria i është drejtuar gjykatës me kërkesë me objekt vlerësimin e ligjshëm të arrestit në flagrancë të kryer nga policia gjyqësore dhe caktimin ndaj personave nën hetim Zenel Haka dhe Gazmir Haka të masës së sigurimit personal ‘arrest në burg’ dhe ‘arrest në shtëpi’ ndaj shtetasit Marklen Haka.

Megjithatë Marklen Haka nuk duket të ketë qenë thjesht një objektiv hakmarrje ndaj familjarëve të tij të përfshirë në kohë të ndryshme në ngjarje të rënda kriminale. Policisë dhe prokurorisë gjithmonë kanë pasur dyshimet e tyre se ai vetë është i implikuar në ngjarje të ndryshme, të cilat më pas e kanë përndjekur si hije dhe kanë sjellë për pasojë edhe nevojën e kundërshtarëve për eliminimin e tij fizik.

Bardhok Pllanaj, i konsideruar si kumbari i drogës veri të vendit, ishte i lidhur me grupin të fortëve të Niklës. Ai u ekzekutua më 4 prill 2021 në lagjen Dobraç të Shkodrës nga një togë e vogël qitësish, kur sapo kishte lënë bashkëshorten e tij në banesë, ndërsa sapo ishte kthyer nga një vizitë në spital te nëna e tij e sëmurë dhe po merrte rrugën për në Malësinë e Madhe. Edhe pse krimi mbeti pa autor, prokuroria në atë kohë mori në përgjim shumë personazhe të njohur të krimit, midis tyre edhe të fshatit Nikël në Fushë-Krujë. Një ndër këto personazhe që u vendos në përgjim ishte edhe Marklen Haka.

Dosja Hetimore Me qëllim përftmin e të dhënave me vlerë janë marrë dhe dërguar në përgjim disa numra telefoni të cilët janë lidhje e viktimës.
Nga përgjimi i të cilëve mendohet se mund të përfitohen biseda me interes për hetimin.
Përkatësisht janë përgjuar bisedat e Marklen Hakas, Kujtim Markut, Orlando Pllanaj, Eugers, Elhad dhe Erol Hyseni, Gëzim Cafit, Dorjan Dulit dhe Mehdi Ivzikut.
Por paralelisht me përgjimin ambiental të këtyre personave, grupi hetues mori në pyetje edhe dëshmitarë në vendngjarje, të cilët mund të jepnin detaje të rëndësishme mbi atë çfarë mund të kishin parë.

Pra, siç shikohet, Marklen Haka ishte një ndër personat që kishte lidhje me kumbarin e vrarë të drogës, Bardhok Pllanaj. Ndërkohë që Bardhok Pllanaj ishte në hetim edhe për episodin e dështuar të transportit të drogës nëpërmjet Lagunës së Vilunit, ku bashkëpunoi me Indrit Rrajën, një personazh tjetër i krimit me banim në fshatin Nikël të Fushë-Krujës, dhe kishte edhe lidhje miqësore me Marklen Hakën. Indrit Rraja, i cili shoqëroi Marklen Hakën drejt Spitalit të Traumës në Tiranë pas atentatit në shtator të vitit 2019, ishte ndër personat e parë që shërbyen si urë lidhëse midis një grupi prodhuesish narkotikësh nga Vlora dhe atyre italian, në Operacionin e Lagunës së Vilunit.

Pllanaj, thuhej se ishte ndërlidhësi i tonelatave me drogë që po bëheshin gati të niseshin drejt Italisë, përmes dijenisë dhe territorit të të fortëve të Fushë-Krujës, për të cilën Marklen Haka ruante miqësi të konsoliduar me Indrit Rrajën. Megjithatë, nuk është bërë e qartë roli i Marklen Hakës në këtë marrëdhënie të Rrajës me Bardhok Pllanaj ose me trafikun e drogës. Ndërkohë, dihet se Marklen Haka ruante miqësi edhe me vëllezërit Durim dhe Valter Bami.

Fërkimet midis Marklen Hakës dhe Bamëve nga ana tjetër nisën pas atentatit, kur Marklen Haka dyshoi se ai ishte tradhëtuar nga brenda grupit të tij. Përplasjet filluan pas ekzekutimit të Aleksandër Ndokës në Lezhë, vëllait të ish-deputetit socialist Arben Ndoka, në dhjetor të vitit 2017. Marklen Haka ishte një nga personat e dyshuar për këtë ngjarje, që shërbeu si prelud për pakënaqësinë e tij me vëllezërit Bami. Miqësia mes tyre u prish më vonë dhe tani ata janë armiq të përbetuar.

Gjithashtu, duket se Marklen Haka u kthye në armik edhe me Gentjan Bejtjen, një tjetër eskponent i krimit në Fushë-Krujë. Gentjan Bejtja ishte i pranishëm në një lokal në Fushë-Krujë në shkurt të vitit 2013, kur u rrëmbye Enver Stafuka. Një atentat në korrik të vitit 2023, në fshatin Larushk të Fushë-Krujës, ndaj makinës me të cilën udhëtonin fëmijët e Gentjan Bejtjes, tregoi përplasjet e forta brenda grupit të ‘Të fortëve’ të Niklës, ku Ramazan Sino, kunati i tij, u vra. Gentjan Bejtja kishte shkëputur marrëdhëniet me Bamët dhe edhe me Marklen Hakën, duke refuzuar ballafaqimin me ta në varrimin e mikut të tij të vrarë, biznesmenit Iljas Çali. Ai është thirrur për të dhënë dëshmi në polici dhe dyshohet se është një nga organizatorët e atentatit ndaj Marklen Hakës, duke ndarë një urrejtje të gjatë me të.