Category: Lajme

Shqiptari ndërroi jetë pasi ambulanca ku ai ndodhej u përplas me një mjet dhe shpërtheu në flakë

Një aksident i rëndë ka ndodhur mbrëmjen e djeshme në Itali, ku tragjikisht ka humbur jetën dhen jë mjek shqiptar, që punonte aty.

Sipas mediave të huaja, një autobus me fëmijë është përplasur me një ambulancë pranë Urbino dhe nga shpërthimi kanë humbur jetën 4 persona, mes të cilëve dhe Sokol Hoxha. Në lidhje me ngjarjen, ka folur miku dhe kolegu i shqiptarit, Simone Gussoni në Shqipëria LIVE”, i cili ka treguar se 40-vjeçari ka qenë duke bërë shërbimin e fundit, para se të mbyllte turnin, por fatkeqsisht, ndërroi jetë në aksident.

Ai e përshkroi shqiptarin si një njeri të shkëlqyer e miqësor, i cili punote shumë. Nga ana tjetër, ai dha dhe një detaj tjetër tragjik, teksa tha se Hoxha kishte vetëm pak muaj që ishte bërë baba për herë të parë.

“Ishte një person shujmë special i përkushtuar ndaj punës, ishte një person shumë familjar. Arrinte të krijonte marrëdhënie shoqërore dhe miqësi me kolegët. Njihja dhe familjen e tij dhe kishte pak kohë që ishte bërë baba. Kishte ardhur nga Shqipëria për t’u bërë mjek, për të studiuar fillimisht në Universitetin e Ankonës, e më pas për t’u bërë mjek. Ai po mbyllte turnin duke transportuar pacientin e fundit para se të ndodhte aksidenti. Po transportonte një pacient 80-vjeçar drejt spitalit.

Puna që ai bënte ishte shumë e vështirë, nuk ka fund ndonjëherë, punonte dhe mbi 30 orë. Familja e tij ishte e re, ai la një vajzë të vogël që kishte pak kohë që kishte lindur.”– tha mjeku Simone Gussoni.

Në tregun e këmbimit valutor sot një dollar amerikan do blihet me 92.7 lekë dhe do shitet me 94 lekë. Euro sot në tregun shqiptar të këmbimit valutor do blihet me 103.1 lekë dhe do shitet me 104.1 lekë.

Ndërkohë franga zvicerane do blihet me 109.2 lekë dhe do shitet me 110.9 lekë. Ndërsa paundi britanik do blihet me 118.4 lekë dhe do shitet me 119.6 lekë.

Më poshtë, po sjellim të dhënat e këmbimit valutor, për të gjitha monedhat e huaja:

Dashi

Euforia juaj e tepruar sot mund të shkaktojë diskutim në familje. Jini të moderuar dhe kushtojini më shumë kohë të dashurit/ës tuaj, dhe madje edhe fjalëve romantike! Beqarët nuk do të luftojnë për të përfituar komplimente. Një histori e re po vjen për ta. Puna e mirë, diskrecioni është gjithmonë shumë i mirëpritur, jini të kujdesshëm në atë që thoni.

Demi

Është një ditë e pasigurt dhe duhet të mendosh për sjelljen tënde. Venusi mbron sferën sentimentale dhe do t’ju ndihmojë të sqaroni një situatë. Beqarët do të jenë në gjendje për të hartuar disa strategji për të bërë për vete një person të veçantë. Nëse jeni duke kërkuar një profesion ju do të keni mundësi të mira për të gjetur rrugën e duhur.

Binjakët

Hëna në shenjën tuaj do t’ju japë shumë emocione, por edhe tensione në familje. Shprehni ndjenjat tuaja në mënyrë të qartë nëse doni të përfshini partnerin/en. Zemrat e vetmuara sot do të jenë në gjendje që me sharmin e tyre të tërheqin miq të rinj. Intuita juaj e fortë do ta bëjë biznesin të fluturojë lartë. Çdo projekt do të shkojë në drejtimin e duhur, kështu që këmbëngulni.

Gaforrja

Në dashuri sot mund të ketë keqkuptime, por përpiquni të mos e ekzagjeroni me iluzione të jashtëzakonshme. Jini pajtues për të marrë pëlqimin e partnerit/es. Beqarët do të bëjnë miq të rinj dhe do të zbulojnë se kanë një ndjenjë të madhe me një person. Mos u hutoni dhe përqendrohuni në përgjegjësitë tuaja në punë!

Luani

Sot ju do të keni mundësi për të bërë zgjedhje që mund të ndikojnë në jetën tuaj të dashurisë. Shikoni brenda vetes për të parë nëse keni atë që dëshironi. Beqarët do të bëjnë më mirë që të mos mashtrohen nga këshilla të papërshtatshme, ndiqni zemrën tuaj. Vazhdoni ngadalë në fazën e punës, por zbatoni objektivat e vendosura me këmbëngulje.

Virgjëresha

Sot ju do të reflektoni shumë në disa situata lidhur me sjelljen e të tjerëve. Do të keni Hënën në kundërshtim gjatë gjithë ditës dhe do ta bëni partnerin/en tuaj të heshtë. Beqarët do të jenë shumë simpatik dhe do takohen me njerëz të rinj të cilët do të jenë me vlerë. Sektori i punës po kalon ulje dhe ngritje. Nëse jeni të punësuar nga dikush ju me siguri do të jeni favoritë.

Peshorja

Venusi në opozitë do t’ju bëjë të shqetësuar, por nuk do t’ju ndalojë të jetoni me një intensitet të madh. Marrëveshja me të dashurin/ën është e lartë! Beqarët do të jenë më iniciativë dhe do të shoqërohen me një person që pëlqejnë. Situata juaj e punës është pozitive, kështu që nuk duhet të kesh frikë të kërkosh ndryshime.

Akrepi

Jini më të kujdesshëm në dashuri dhe kushtojini vëmendje tensioneve që mund të shkaktohen nga ndonjë keqkuptim. Relaksohuni dhe gjithçka do të funksionojë. Beqarët do të dëshirojnë të shijojnë edhe për pak kohë lirinë e tyre dhe do refuzojnë ftesat për takime. Ju jeni duke i kryer detyrat e ngarkuara me kujdes të madh në punë. Në horizont shihen ndryshime rrënjësore.

Shigjetari

Venusi do t’ju bëjë të përjetoni pasionin e munguar ndoshta në marrëdhënien tuaj në çift. Kthejeni vëmendjen tek personi i zemrës dhe përjetoni këtë moment romantik me gëzim. Sot beqarët do të jenë më të vendosur se kurrë për t’u përqendruar në dashuri. Mbështetja e disa njerëzve me ndikim do t’i japë rrugë projekteve tuaja. Mund të shikoni për të ardhmen me optimizëm.

Bricjapi

Ju ende do të jeni pak të hutuar dhe mendimet tuaja nuk do të jenë aq të rrjedhshme sa dëshironi. Me Mërkurin kundërshtar do të jetë e vështirë për të shprehur ndjenjat tuaja. Beqarët do të jenë në gjendje të bëjnë programe të reja. Polemikat në vendin e punës do t’ju bëjnë nervozë. Mos u dorëzoni në projektin që po ndiqni dhe shkoni përtej pengesave.

Ujori

Dashuria do t’ju japë një ditë tjetër emocionuese, pasioni është në krye dhe ju jeni me të vërtetë shumë të lumtur. Planetët janë padyshim në favorin tuaj dhe asgjë nuk mund ta heqë harmoninë me partnerin/en. Zemrat e vetmuara ende do të enden dhe do të kënaqen me disa flirtime. Ka ndryshime në punë që ju do t’i merrni me entuziazëm të madh.

Peshqit

Saturni kundër në shenjën tuaj do të krijojë probleme në çiftet e lëkundshme, ndërsa ata në çift të qëndrueshëm mund të mendojnë të martohen ose të jetojnë së bashku. Do të jeni në gjendje të pushtoni me forcën tuaj atë që dëshironi. Beqarët do të jenë në gjendje të jetojnë histori intriguese. Disa pasiguri në frontin e punës mund të kërcënojnë qetësinë tuaj. Vlerësoni çdo vendim.

Në studio Albën e akuzojnë se ajo mjaft tension seksual ndaj Endit dhe nuk është aspak e sinqertë

Puntata e sotme e Për’Puthen” ka nisur me debate të forta mes Albinës, Albës dhe Endit.

Në studio Albën e akuzojnë se ajo mjaft tension seksual ndaj Endit dhe nuk është aspak e sinqertë, ndërkohë që Alba shprehet: Unë këtu kam treguar që do jem vetvetja këtu dhe nuk mashtroj njrëz nëse do ekzistonte diçka me Endin.

Ndërkohë Albina i kthehet Albës se nuk ka aspak respekt për të dhe e konsideron thjesht si një parazit dhe jo si një kërcënim.

Alba: Ti merresh me mua jo unë me ty. Unë ndihem e ofenduar, kam dhënë pëlqim për Vedatin, dhe smund të ndjej diçka për Endin.

Albina: E ke pëlqimin të dhunshëm për Endin. Ti flet broçkulla.

Albina: Unë dyshoj që ka pasur marrëdhënie me Endin, po nuk tregon. Dhe gjatë gjithë kësaj kohë është në agresivitet, ndoshta ai nuk i nënshtrohet, kanë një marrëdhënie të konsoliduar jashtë kamerave.

Endi: S’ka shanse.

Alba: Nuk ka tension seksual sepse nuk do shprehja pëlqim për Vedatin.

Endi: Nuk është goce e keqe mendoj. Një ditë nuk i them mirëmëngjesi se mund të zihemi kot, më erdhi tek pasqyra dhe më tha s’thua dot mirëmëngjesi ti? Kur i fola më vonë i thashë, ik mos më fol më, është injoruese dhe ofenduese. Nuk kam simpati por për respekt i fola./ Top Channel

Një pilot është quajtur hero pasi arriti të mbante larg fushës ku luanin futbollistët, avionin, i cili u rrëzua dhe vrau pesë persona.

Viktimat janë piloti që shmangu fushën e futbollit dhe katër familjarë, mes tyre dhe një fëmijë 5-vjeçar.

Pesëvjeçari Jose Ricardo Nogueira Teles ishte së bashku me pilotin dhe pronarin e avionit 65-vjeçarin Delcides Menezes Tiago. Prindërit e Jose, Renata Garcia Nogueira, 39 vjeç dhe Edson da Silva Teles, 42 vjeç, gjithashtu vdiqën, së bashku me mbesën e tyre 17-vjeçare Eduarda Garcia da Silva. Incidenti ndodhi në Jaboticabal, në shtetin brazilian të Sao Paulos, rreth orës 9:00 të mëngjesit të së shtunës, 23 dhjetor. Një dëshmitar filmoi mbetjet e djegura të avionit pasi u rrëzua.

Mediat lokale raportuan se avioni shpërtheu pasi u rrëzua, ku banorët vendas thanë se dëgjuan motorin e avionit të bënte një zhurmë të tmerrshme dhe më pas doli jashtë funksionit, para se të rrëzohej. Pesë viktimat thuhet se ishin në bordin e avionit kur ai u rrëzua. Z. Tiago thuhet se ishte pronar i një biznesi optik dhe ishte një pilot i licencuar.

Reginaldo Ferreira një shitës lulesh tha për mediat lokale se piloti ishte përpjekur të ulte aeroplanin, por nuk ishte në gjendje ta bënte këtë.

“U përpoq disa herë të zbarkonte këtu afër, nuk pati sukses. Motori po dështonte. Erdhi, u përpoq të ulej në fushë, por mendoj ndryshoi mendje pasi njerëzit po luanin futboll. Ai u përpoq të largohej përsëri për t’u ulur diku tjetër, u ngjit lart, por nuk pati kohë dhe u rrëzua, më pas avioni shpërtheu”, u shpreh dëshmitari.

Raportohet se avioni ishte një RV-10 me një motor, i ndërtuar në vitin 2012. Shkaqet e aksidentit janë ende duke u hetuar, por mediat lokale thanë se avioni normalisht mund të mbante vetëm një pilot dhe tre pasagjerë dhe mund të kishte mbi kapacitet

Autoritetet spanjolle kanë shpëtuar një të ri të marrë peng nga një grup shqiptarësh në një shtëpi në Calp.

5 shqiptarët e arrestuar tanimë, i kërkuan 100,000 euro brenda dy ditësh 24-vjeçarit me origjinë afrikano-veriore dhe nënshtetësi spanjolle, ose do t’i jepnin fund jetës së tij.

Ka dyshime se motivi i rrëmbimit mund të ketë qenë një larje hesapesh për pazare droge. Shqiptarët kërkonin paratë për një pazar të dështuar në të cilin ishin mashtruar nga një person i tretë. Ata donin që 24-vjeçari i marrë peng prej dy ditësh t’u paguante paratë e humbura.

Operacioni nisi kur agjentët morën informacione për rrëmbimin e mundshëm të një personi, ku i kërkuan 100 mijë euro partneres së 24-vjeçarit para se të kalonin 48 orë për ta liruar ose do ta vrisnin. Nisur nga këto detaje, agjentët nisën hetimet për ngjarjen, duke verifikuar se partnerja e 24-vjeçarit kishte marrë një video-telefonatë nga shqiptarët si dëshmi se ata e kishin rrëmbyer. Me të gjitha informacionet e mbledhura, policët civilë verifikuan se vendi ku mbahej viktima ishte një shtëpi në Calp.

Nisur nga serioziteti i kërcënimeve, pasi koha e vendosur nga rrëmbyesit po arrinte kufirin, agjentët hynë në shtëpinë ku ndodhej i riu. Gjatë kontrollit në banesë, hetuesit kanë arritur të arrestojnë tre prej autorëve, së bashku me disa thika me të cilat kanë kërcënuar viktimën. Dy autorë të tjerë u arrestuan pak minuta më vonë pranë shtëpisë, të fshehur në një furgon.

Të arrestuarit, të cilët akuzohen për veprën penale të rrëmbimit të personit, u vunë në dispozicion të Gjykatës Hetimore numër 2 të Denisë.

Një ari i murrmë ka rënë në një çark të ngritur në pyjet e Mokrës në Korçë.

Banorët e zonës kanë parë ariun dhe menjëherë kanë njoftuar ADZM pasi ariu është kapur në çark nga persona që i gjuajnë këto kafshë të mbrojtura nga shteti.

Disa specialistë të Zonave të Mbrojtura si edhe veterinerë janë nisur drejt zonës, në pyjet e fshatit Çezmë për të bërë të mundur lirimin e ariut të murrmë. Ende nuk dihet gjendja e ariut, por specialistët thonë se ai mund të rezistojë për shumë ditë pa ushqim.

Ky rast i ariut të murrmë tregon se gjuetia e paligjshme vijon në pyjet shqiptare pasi edhe pak kohë më parë një shqiponjë u kap dhe u lidh me qëllim balsamosjen.

Një avion stërvitor i Forcave Ajrore greke është rrëzuar paraditen e sotme në Kalamata të Greqisë. Për pasojë, humbi jetën piloti i avionit, komandanti Epaminondas Kosteas 40 vjeç.

Ngjarja tragjike ndodhi para syve të bashkëshortes dhe dy fëmijëve të tij, të cilët po ndiqnin fluturimin stërvitor.

Shkaqet e rrëzimit të avionit janë ende të paqarta, teksa një hetim ka nisur për të hedhur dritë se çfarë ka shkuar keq.

Avioni luftarak u rrëzua 500 metra larg pistës së aeroportit

Toksikologia, Suela Xhufi ka deklaruar se pijet alkoolike të prodhuar anë mënyrë artizanale shpesh herë mund të jenë të rrezikshme.

Rreziku sipas saj vjen nga hedhja e metanolit, që artizanët mund ta hedhin për ta bërë verën apo rakinë më të fortë. Ajo tha se intonsikimi mund të jetë më i fortë dhe pacienti mund të shkojë deri në vdekje.

“Nëse alkooli bëhet në kushte artizanale, mund t’i hidhet metanol, e cila është një substancë toksike.

Personi arrin nivelet më të larta të etanolit në gjak, që është alkool i pastër në këtë rast dhe intoksikimi është më i rëndë dhe pacienti mund të shkojë në vdekje shumë më kollaj, nga përdorimi i tepërt i metanolit. Flas për produktet e bëra në mënyrë artizanale, si vera, rakia, ponçi”,-tha Suela Xhufi./Euronews

Një aksident i rëndë është shënuar në Itali pasditen e kësaj të mërkure. Një autobus me nxënës është përplasur me ambulancën brenda një tuneli.

Mediat italiane bëjnë me dije se të gjithë nxënësit që ndodheshin në autobus kanë arritur të shpëtojnë dhe të dalin jashtë pa lëndime. Ndërsa 4 persona që ndodheshin në ambulancë kanë ndërruar jetë.

Pas aksidentit, ambulanca shpërtheu në flakë dhe ky është shkaku i vdekjes së personelit dhe pacientit që ndodheshin në mjet.

Deri më tani nuk janë bërë ende të ditura shkaqet e aksidentit apo identiteti i viktimave, ndërsa rruga për momentin është bllokuar nga të dyja anët./vizionplus.tv