Category: Lajme

Një ish-oficere tërheqëse policie është shkarkuar nga detyra pasi shefat e saj zbuluan një seri videosh në rrjetet sociale që ajo postonte gjatë kohës së detyrës.

Modelja spanjolle u shkarkua pasi kishte postuar në rrjetin TikTok nje video ku shihej e a.rmatosur duke shkuar për reagim, në një grabitje të vërtetë të armatosur.

Ajo shihej në pamje duke mbajtur armën e saj e duke buzëqeshur ku nxitonin me makinë drejt vendit të grabitjes.

Yolanda Moll më parë bënte foto gjysmë të veshura për revista meshkujsh, para se të provonte karrierën në forcat e rendit.

40-vjecarja nga Esparreguera, pranë Barcelonës, adhuron të jetë në qendër të vëmendjes dhe ka marrë pjesë në një program spanjoll njohjesh të reja ku konkuruesit duhet të dalin pa rroba.

Ajo poston gjithashtu video të pazakonta në rrjetet sociale që i kishin hapur edhe më parë telashe me punëdhënësit.

Por shakaja e fundit me pistoletë në dorë dhe video të tjera për të tërhequr vëmendjen, duke kënduar ‘hip-hop’ me uniformën e policisë, i dhanë goditjen finale.

Në videon problematike ajo shihej me pistoletën në dorë në makinën e policisë, duke ulëritur: “Pengmarrje në supermarketin Mercadona, nuk dua të v.des”.

Duke folur më vonë për pamjet Yolanda tha: “Ishte një video që e kisha filmuar për vete por një koleg më bindi ta postoj, nuk ishte diçka serioze.

Unë plotësova detyrën time dhe shkova në skenën e krimit.

Nuk u futa në supermarket me kameran e celularit ndezur. Çfarë bëra para saj, është puna ime”. 

Në aksidentin që u regjistruar mbrëmjen e sotme në Selitë është përfshirë eskorta e Gardës së Republikës, e cila shoqëronte familjarët e gjyqtares së Gjykatës së Posaçme, Irena Gjoka.

Pas aksidentit të ndodhur, që ndryshe nga sa e raportoi policia më një njoftim zyrtar ku thoshtë se një shtetas aksidentoi policinë, burime për media bëjnë të ditur të kundërtën.

Sipas dëshmive të punonjësve të gardës shoferi me automjetin si të policisë është prezantuar si polic nga Elbasani, po udhëtonte me shpejtësi të lartë.

“I bëmë me shenjë që të mos futej në grupin e eskortës, por ishte e pamundur”, – ka shpjeguar një nga punonjësit e Gardës së Republikës.

Bëhet me dije se policia ka nisur hetimet e thelluara pasi ka dyshime se aksidenti mund të ketë qenë i qëllimshëm.

Njoftimi zyrtar i policisë për aksidentin rreth orës 21:52.

Më datë 22.12.2023, në Selitë, janë përplasur (vetëm me dëme materiale) automjeti me drejtues shtetasin A. D., me automjetin e Policisë, me drejtues shtetasin I. H.

Si pasojë shtetasi I. H., ka humbur kontrollin mbi drejtimin e automjetit dhe automjeti ka dalë nga rruga.

Grupi hetimor ndodhet në vendngjarje dhe po punon për sqarimin e rrethanave të aksidentit.

Sot më 23 dhjetor 2023, dollari amerikan blihet me 93.4 lekë dhe shitet me 94.5 lekë. Euro blihet me 103 lekë dhe shitet 104 lekë.

Paundi blihet me 118.6 lekë, shitet me 119.7ekë. Franga këmbehet në blerje me 109.1 lekë, në shitje me 110.1 lekë.

Dollari kanadez sot në blerje këmbehet me 70.1 lekë dhe në shitje me 71.5 lekë.

Më poshtë po sjellim të dhënat e këmbimit valutor, për të gjitha monedhat e huaja.

Ai do të qëndrojë në spital për një afat të pacaktuar, përsa kohë mjekët e konsiderojnë person të rrezikshëm

Arion Kurtaj, një haker 18-vjeçar që vodhi videot e një loje të papublikuar të Grand Theft Auto (GTA), është dënuar me qëndrim të pacaktuar në një spital psikiatrik.

Arion Kurtaj, i cili është autik, ishte një anëtar kyç i bandës ndërkombëtare Lapsus$. Figura e Arionit mbetet enigmatike dhe dihen pak informacione për jetën dhe familjen. Spekulimet në internet thonë se është me origjinë shqiptare, megjithëse mungon konfirmimi zyrtar.

Sulmet e guximshme të Lapsus$ në 2021 dhe 2022 tronditën botën e sigurisë kibernetike. Sulmet ndaj gjigantëve të teknologjisë duke përfshirë Uber, Nvidia dhe Rockstar Games, u kanë kushtuar kompanive gati 10 milionë dollarë.

Gjykata njoftoi se aftësitë dhe dëshira e 18-vjeçarit për të kryer krime kibernetike nënkuptonin se ai mbetej një rrezik i lartë për publikun. Ai do të qëndrojë në spital për një afat të pacaktuar, përsa kohë mjekët e konsiderojnë person të rrezikshëm.

Sipas të dhënave, Kurtaj kishte qenë i dhunshëm gjatë qëndrimit në paraburgim dhe u përfshi në dhjetëra plagosje dhe dëmtime materiale. Mjekët e konsideruan rastin e tij si të papërshtatshëm për t’u gjykuar për shkak të autizmit të rëndë.

Pavarësisht se i konfiskuan laptopin, Kurtaj arriti të hakeronte Rockstar, kompaninë që prodhon GTA, duke përdorur një Amazon Firestick, televizorin e tij të hotelit dhe një telefon celular. Ai vodhi 90 klipe të Grand Theft Auto 6 të papublikuara dhe që priteshin me shumë interes nga publiku. Më pas, i publikoi videot në forumin TeaPotUberHacker.

Rockstar Games tha para gjykatës se vjedhja e materialeve u kushtoi 5 milionë dollarë plus mijëra orë punë të stafit. Nuk është e qartë se sa para ka fituar Lapsus$ nga krimet kibernetike.

Largimi i Jorgo Goros nga bashkia e Himarës po përshkruhet nga mediat greke si një fitore e Kyriakos Mitsotakis. Ato pretendojnë madje se presionet e kryeministrit grek e kanë nxitur shefin e ekzekutivit shqiptar, Edi Rama të bëjë lëshime. Duke analizuar postimin e Ramës, Protothema shkruan se kryeministri po nënkupton gjykata mund të lejojë betimin e Belerit si kryebashkiak i Himarës.

“CNN Greece” konsideron se gjykata shqiptare pohon se Jorgo Goro nuk mund të jetë në krye të bashkisë, ndërsa fakti që Rama e pranon këtë vendim, është sipas kësaj medie, një njohje de facto e Fredi Belerit si kryetar bashkie. “Burime kompetente theksojnë se arsyetimi i vendimit gjykatës shqiptare konfirmon se Fredi Beleris u zgjodh kryetar i Bashkisë së Himarës dhe se kandidati i mundur Goro nuk mund të vazhdojë të jetë kryetar bashkie.

Pranimi i arsyetimit të vendimit nga kryeministri shqiptar është një hap i rëndësishëm në procesin e kalimit të pushtetit në Bashkinë Himarës deri në përfundimin e procesit gjyqësor”, shkruan CNN. Protothema citon burime të bëjnë të njëjtin pohim. Ajo e interpreton këtë si një hap prapa të kryeministrit shqiptar me qëllim zbutjen e krizës diplomatike që ka shkaktuar kjo çështje mes dy vendeve.

Dashi

Yjet ju vënë në dispozicion shumë shigjeta në harkun tuaj të cilat do të dini si t’i përdorni. Jeta private do t’ju falë sot momente për të kujtuar. Beqarët duhet të bëjnë sytë katër nëse janë në kërkim të shpirtit binjak. Nuk duhet të humbasin mundësitë për takime! Me vullnetin dhe vendosmërinë tuaj në punë, mund të arrini qëllimet që keni vendosur.

Demi

Nëse keni kaluar një kohë të vështirë, mos u shqetësoni, sot ju do të shihni gjërat nga një këndvështrim më pozitiv. Jini të kujdesshëm në zgjedhjet tuaja sentimentale. Beqarët do të ndjehen veçanërisht tërheqës dhe do të jenë të vetëdijshëm për suksesin që do të arrijnë. Sot ju do të jeni më proaktiv në punë. Përfitoni nga mundësitë e mira.

Binjakët

Kjo ditë mund të sjellë shumë lajme në sferën sentimentale. Mos lejoni që ndikimet negative të dëmtojnë shpirtrat tuaj të mirë dhe qëllimet tuaja të mira në çift. Zemrat e vetmuara do të bënin mirë që të merrnin kohë për t’u argëtuar dhe për të filluar diçka ndryshe. Ditë ideale për të planifikuar ndryshimet e mundshme në të ardhmen në mjedisin e punës. Ju do të jeni krijues!

Gaforrja

Fillimi i ditës do t’ju bëjë të ndjeheni pak si të nënshtruar nga problemet, por do të filloni të ndjeheni mirë shpejt. Mos lejoni që dikush t’ju bëjë presion dhe t’ju shtyjë të merrni vendime të nxituara. Gjërat do të përmirësohen edhe për beqarët, gjëja e rëndësishme është të mos ngutemi. Jini të kujdesshëm për të shmangur ndonjë rrezik financiar, nuk është koha e duhur për të eksperimentuar me përvoja të reja, transmeton Noa.al.

Luani

Fillimi i kësaj fundjave mund të jetë e trazuar, por për shumë Luan është koha e duhur për të marrë në konsideratë jetën e tyre emocionale. Beqarët do të duhet të parandalojnë ndërhyrjet e jashtme që mund të ndikojë në zgjedhjet e tyre. Do të shfaqen mundësi të reja që do t’ju bëjnë optimistë dhe produktivë në punë, do jeni gati për të pranuar sfida të reja.

Virgjëresha

Më në fund e keni kuptuar se mënyra më e mirë për të zgjidhur çdo konflikt që mund të jetë krijuar me të dashurin/ën është që të flisni hapur me të dhe të sqaroheni. Sot, beqarët do të zbulojnë se ata janë thellësisht të tërhequr nga njohjet e reja, por do të preferojnë të presin. Do të jeni të mbushur me ide pozitive dhe të orientuara drejt përmirësimit të perspektivave financiare!

Peshorja

Do të jeni më emocional dhe më të ndjeshëm se zakonisht, është një kohë e mirë për të treguar personalitetin tuaj të vërtetë sot. Në çift, është koha të silleni lirshëm me partnerin/en. Do të jetë një fundjavë e zjarrtë për beqarët, por bëjnë mirë t’i kushtojnë rëndësi edhe detajeve. Do t’ju duhet më shumë siguri në punë, por yjet do ju mbrojnë nga gabimet.

Akrepi

Planetët janë të pozicionuar në mënyrë të favorshme. Ju mund të përqendroheni në jetën private dhe nevojat personale me një qetësi të thellë të brendshme dhe një ekuilibër të madh. Për beqarët mund të ketë shumë mundësi për të bërë miq të rinj, mos u tërhiqni! Duket sikur është koha e duhur për të marrë rezultatet që prisni, por nuk jeni duke kërkuar fitoren.

Shigjetari

Lumturia juaj sot do të rritet me praninë e partnerit/es dhe të dashurve tuaj. Ju do të përpiqeni t’i jepni hapësirën e duhur edhe familjarëve dhe në të njëjtën kohë të shijoni jetën tuaj private. Beqarët do t’i lejojë veten të argëtohen dhe të njohin persona të rinj. Një dritë jeshile për kreativitetin, planetët favorizojnë gjithçka që është e re. Ju do të jeni aktiv, por kujdes mos jini të nxituar.

Bricjapi

Më mirë të mos mbështetesh shumë në fjalët e të tjerëve, kushtojini vëmendje asaj që dëshironi më së shumti. Dashuria sot premton të jetë shumë interesante! Këtë fundjavë beqarët do të takojnë dikë të veçantë, me të cilin do të krijojnë një ndjenjë. Një ditë e mrekullueshme për t’i vënë qëllimet tuaja në linjë, përparësi është karriera juaj dhe së shpejti do të keni shumë kënaqësi.

Ujori

Ke lënë pas dore vetveten dhe duhet të kujdesesh. Nëse jeni në çift organizoni një udhëtim jashtë qytetit! Fundjavë pak e komplikuar për beqarët, ndonjëherë ju duhet të tërhiqeni për të shmangur keqkuptimet. Do të ballafaqoheni me mundësi të reja unike për të eksperimentuar me aktivitete të reja në punë dhe për të zgjeruar horizontet tuaja.

Peshqit

Çiftet do të jenë në gjendje të planifikojnë diçka të rëndësishme këtë fundjavë. Një pushim relaksues është zgjidhja më e mirë për të forcuar marrëdhënien! Beqarët nuk duhet të humbasin asnjë rast për t’u argëtuar dhe për të bërë takime interesante! Kohë e mirë për të ndjekur aktivitetet krijuese dhe projekte artistike, por jini të kujdesshëm për të qëndruar me këmbë në tokë.

Shqipëria ka fituar “Miss Earth 2023”. Vendi ynë përfaqësohet nga Drita Ziri. Kompeticioni i bukurisë u mbajt në Vietnam ku morëm pjesë 85 shtete.

Drita ishte më e votuara duke rrëmbyer kështu kurorën e më të bukurës. Drita u vlerësua shumë edhe për përgjigjen e saj ndaj pyetjeve që iu drejtuan konkurrenteve. Pas fitores, Drita krenare bëri dhe shqiponjën.

https://www.instagram.com/missearth/?utm_source=ig_embed&ig_rid=fbe6862a-1cba-47b5-aa8b-389220952988

Zbardhet dosja hetimore e Safet Gjicit dhe Alma Kaçit. Kjo e fundit ka deklaruar para prokurorëve se videon e kishte xhiruar për llogari të Fiks Fare, ku punonte si gazetare e padeklaruar. Edhe mamaja e Alma Kaçit ka konfirmuar punësimin e të bijës për llogari të Fiks Fare, duke pohuar se me pagesat që merrte i siguronte asaj mbijetesën.SYRI TV ka siguruar dosjen në ngarkim të Alma Kaçit dhe ish-kryebashkiakut të Kukësit Safet Gjici që akuzohen për korrupsion aktiv dhe pasiv të funksionarëve të lartë shtetërorë apo të të zgjedhurve vendor.

Konfirmohet zyrtarisht nga thëniet e saj dhe të të ëmës së moshuar, se Alma Kaçi punonte për emisionin investigative ‘Fiks Fare’ që transmetohet në ‘Top Channel’, dhe se videoregjistrimin ku kryente marrëdhënie seksuale në zyrë me Gjicin e kishte bërë për llogari të këtij emisioni.

Faktin se Alma Kaçi punonte për ‘Fiks Fare’ e përforcon edhe e ëma e saj e moshuar.

‘Ndër të tjera ajo tregon mbi punët e shumta që ka kryer gjatë këtyre viteve si shitëse ambulante, pensionin e pleqërisë që përfiton, të ardhurat nga bamirësia e shumë personave dhe xhamive në Durrës si dhe të ardhurat që i ka sjellë Alma Kaçi ç’do herë që është paguar nga emisioni investigativ ‘Fiks Fare’ për shërbimet që ka kryer’, thotë ajo në dëshminë e saj në polici.

Ish-kryebashkiaku i Kukësit Safet Gjici dhe Alma Kaçi dolën para Gjykatës të premten e 22 dhjetorit ku dhanë pretendimet e tyre dhe dëgjuan ato të akuzës. SPAK thotë se nga hetimet, rezultoi se në banesën e Kaçit u gjet një USB, që përmbante filmimin bruto të aktit seksual në zyrën e Bashkisë.

Në telefonin e saj, u gjetën biseda mes Kaçit dhe gazetarëve të emisionit ‘Fiks Fare’ ku flisnin për këtë filmim. Sipas SPAK, filmimi u bë me vullnet të plotë nga ana e Alma Kaçit, për ta dokumentuar.

Emigranti shqiptar, Andon Kumria, ka humbur jetën në një aksident tragjik në Itali të enjten më 21 Dhjetor në spitalin Papa Giovanni në Bergamo.

Pavarësisht përpjekjeve të mjekëve, i riu nuk ka mundur ta fitojë betejën për jetën.

Aksidenti ka ndodhur pak para orës 05:30 me orën lokale, ku janë përfshirë edhe tre persona të tjerë.

Pas aksidentit të ndodhur kanë mbërritur edhe dy autoambulanca, si dhe policia rrugore për të kryer hetimet ligjore.

Kumria kishte disa vite që punonte në një restorant si kuzhinier, në Bergamo, i cili po ashtu edhe jetonte në këtë qytet, raportojnë mediat italiane.

Vdekja e tij e parakohshme ka tronditur pa masë familjarët e tij dhe punonjësit në restorantin ku ai punonte.

Lamtumira e fundit do t’i jepet të shtunën e 23 Dhjetorit në Bergamo.

Për vdekjen e tij ka folur edhe pronari i restorantit ‘da Giò’ në via Nazionale në Seriate, Itali, ku i riu punonte. Giovanni ka shprehur ngushëllimet e tij për familjarët e viktimës.

Me lotësh pronari tha: ‘Ai ishte krahu im i djathtë, kuzhinieri më i mirë që kam pasur ndonjëherë në njëzet vjet biznes. Andon ishte një djalë shumë i mirë, plot jetë, i përkushtuar ndaj punës. Në këto dy vite nuk e kam dëgjuar kurrë të thotë ‘jo’. Ai ishte shumë i apasionuar pas gatimit, aq sa e kishte studiuar dhe madje kishte shkruar një libër. Ai ishte aq i mirë sa i shita një pjesë të aksioneve në një nga kompanitë e mia. Ai kishte një ëndërr, të shkonte në Amerikë. Ne donim të bënim një udhëtim dhe të shkonim së bashku. Edhe sikur të na ndante fati, ti do të mbetesh përgjithmonë i gdhendur në zemrën time. Shijoje udhëtimin tënd, miku im’.

Përsa i përket aksidentit ai u shpreh se informacioni i vetëm që kishte ishte se i riu kishte humbur jetën nga humbja e kontrollit të makinës.

‘Nuk e di dinamikën e aksidentit, e di që kishte mjegull dhe Andoni humbi kontrollin e makinës’, tha Giovanni.

Një incident i rëndë është shënuar në Kinë, në vitin 2019, por që është bërë sëfundmi publike për mediat.

DailyMail shkruan se një e moshuar rreth 82-vjeçe ishte duke kryer një ndërhyrje në sy, teksa gjatë operacionit ka lëvizur. Në videon e publikuar nga gjigandi britanik, shihet se mjeku e gjuan pacientin me grusht në fytyrë, në mënyrë që të mos lëvizte më.

Menjëherë pas publikimit të pamjeve, mjeku kirurg u shkarkua nga puna, ndërsa autoritetet kanë nisur hetimet për rastin në fjalë.

E moshuara, për shkak të sulmit pësoi mavjosje në ballë, ndërsa aktualisht ajo është e verbër nga njëri sy, sipas djalit të saj.

Për incidentin e shkaktuar, pacientja u dëmshpërblye nga menaxheri i spitalit me 500 juanë, ose ndryshe 55 paund./vizionplus.tv

https://streamable.com/e/5nfxoc?quality=highest