Category: Lajme

Sulmuesi kuqezi shkon në katër rrjeta në nëntë takime të luajtura në kampionatin e Emirateve të Bashkuara Arabe..

Taulant Seferi shënoi golin e katërt në nëntë ndeshje në Ligën Profesioniste të Emirateve të Bashkuara Arabe.

Skuadra e tij, Banijas luajti kundër Al Xhaziras dhe ishte në disavantazh 3-0 në sfidën në shtëpi.

Në minutën e 75’, Seferi e çoi topin në rrjetë pas një goditje këndi.

Ky ishte goli i nderit për Banijas që e humbi takimin me rezultatin 4-1.

Një aksident i rëndë u shënua pasditen e kësaj të diele në fshatin Zues në Shkodër.

Mjeti i cili drejtohej nga 27-vjeçarja Erisa Gucija, humbi kontrollin duke u përplasur më pas me një shtyllë anash rrugës. Nga aksidenti mbetën të plagosura tre të rejat të cilat ndodheshin në mjet.

Teksa dy vajzat e tjera u nisën menjëherë drejt spitalit për të marrë ndihmën e nevojshme mjekësore, për 27-vjeçaren forcave të zjarrfikëseve dhe efektivëve të policisë iu deshën rreth tre orë përpjekje për ta nxjerrë të renë nga automjeti.

Si pasojë Erisa Gucija ka humbur shumë gjak dhe aktualisht ndodhet në spitalin rajonal të Shkodrës në rrezik për jetën.

Së fundmi, gazetari Artan Hoxha përmes një postimi në “Facebook”, u ka bërë thirrje të gjithë qytetarëve që ndodhen në zonën e Shkodrës, të cilët kanë grupin e gjakut “A NEGATIV” dhe “ZERO NEGATIV” të paraqiten në ambientet e spitalit dhe të dhurojnë gjak për Erisa Gucijan, pasi jeta e saj është në rrezik serioz dhe ka nevojë emergjente për gjak.

“URGJENTE !

Kerkohet gjak i grupit A NEGATIV dhe ZERO NEVATIV ne SPITALIN RAJONAL SHKODER.

Ndihma e shpejte mund te ndihmoje në shpetimin e vajzes ERISA GUCIJA 27 VJECE, jeta e se ciles eshte në rrezik serioz dhe ka nevoje emergjente per gjak.

Vajza eshte demtuar gjate aksidentit te rende qe ndodhi sot në Shkodër.

U deshen me shume se 3 ore perpjekje, per ta nxjerre trupin e vajzes nga brenda mjetit ku ishte bllokuar gjate aksidentit.

I behet apel çdo qytetari qe ndodhet në zonen e Shkodres dhe ka kete grup gjaku, te ndihmoje per te shpetuar jeten e nje vajze te re, e cila po lufton me vdekjen”, shkruan Hoxha në postimin e tij në “Facebook”.

https://web.facebook.com/artan.hoxha.900/posts/6793746827329594?ref=embed_post

Një aksident i tmerrshëm ka ndodhur mesditën e 1 Dhjetorit në Podgoricë, Mal të Zi.

Sipas mediave malazeze, Anton Frani Gjelaj 36-vjeç dhe i biri Kristiani 6-vjeç kanë humbur jetën pasi makina “Golf 4” me të cilën po udhëtonin ka rënë nga Ura e Shtrembër në lumin Moraça.

Një ekip zhytjeje u angazhua për të nxjerrë trupat e viktimave nga lumi.

Sipas të dhënave të para nga policia dhe në bazë të dëshmive të dëshmitarëve të tragjedisë, me shumë gjasa bëhet fjalë për vetëvrasje. Sipas deklaratave të dëshmitarëve, shoferi i “Golfit” është ngjitur ngadalë në trotuar me makinën e tij dhe më pas papritur ka përplasur mjetin dhe ka rënë në Moraça.

Policia ndaloi një dëshmitar i cili dyshohet se pa shoferin duke u ngjitur në trotuar me makinën e tij.

Ai tregon se si nisën dyshimet e para ndaj Naim Murselit

Vëllai i Liridona Ademajt, ka dhënë një intervistë të gjatë për mediat kosovare ku tregon në detaje gjithçka çfarë ndodhi në ngjarjen që ka tronditur Prishtinën dhe jo vetëm.

Ai tregon se si nisën dyshimet e para ndaj Naim Murselit, për shkak të disa sjelljeve të çuditshme të këtij të fundit.“Naimi ishte ulur në një hotel luksoz në Prishtinë, dhe kishte porositur duke ngrënë e duke pirë, sikur mos të kishte ndodhur gjë, e kjo na bëri përshtypje, po thamë hajt se ndoshta është i mërzitur e ta lëmë të qetë,” tha i vëllai.

“Megjithatë edhe në varrim u vonua shumë, me zor erdhi, më është dashur ta marr disa herë në telefon. Kush është ai që e lë gruan dhe ikën, ok ka marrë fëmijët, po dhe fëmijët me këtë grua i ke bërë, në të tilla raste i dilet plumbit para, prandaj kishim gjithnjë e më shumë dyshime.

Por dua ta falenderoj policinë e Kosovës, prokurorinë, hetuesit të gjithë. Presim dënim maksimal se s’ka zgjidhje tjetër, se ndryshe do e kryejmë punën vet. Burgim të përjetshëm madje,” tha i vëllai.

Mbrëmjen e 3 tetorit të këtij viti u dhunua me sende të forta gazetari dhe botuesi i një portali në vendin tonë. Pas 2 muajsh, është arrestuar njëri nga autorët që dhunoi Gjergj Zefin në Tiranë.

Bëhet e ditur se si rezultat, në bashkëpunim me shërbimet e DVP Elbasan, u kap dhe u ndalua shtetasi R. B., 31 vjeç, banues në Elbasan.

Në cilësinë e provës materiale u sekuestrua automjeti me të cilin dyshohet se 31-vjeçari është larguar nga vendi i ngjarjes, si dhe aparati i tij celular.

Ndërkohë që vijon puna për identifikimin dhe kapjen e personave të tjerë të përfshirë në këtë ngjarje.

“The Sun” ka shkruar se diva e muzikës “pop” Rita Ora ka nisur punën në realizimin e një dokumentari për kulturën e të rinjve në Kosovë.

“Jam në mes të xhirimeve të dokumentarit për kulturën e nëndheshme të të rinjve në Kosovë”, ka thënë Rita Ora.

Ishin duke ndërtuar një mur, punëtorët zbulojnë një predhë luftarake, zbardhen dyshimet e para
Në një intervistë për “The Sun” ajo ka deklaruar se 60% e popullsisë në Kosovë janë nën moshën 35-vjeç duke e bërë vendin super të ri.

Rita Ora duke treguar motivet e dokumentarit shprehet se në vendin e saj ka shumë zemërim dhe frustrim të panjohur te të rinjtë të cilën i shohim në historinë e Kosovës. Javën që kaloi Rita Ora ishte në Kosovë për të festuar ditëlindjen e saj. Në të njëjtën kohë shpenzoi disa ditë duke ndjekur xhirimet e dokumentarit.

Nënkryetari i Partisë së Lirisë, Petrit Vasili ka reaguar pas paralajmërimit të grosistëve të naftës se do të rritet çmimi i këtij produkti, duke thënë se OPEC ka vendosur të mos ulë prodhimin dhe për pasojë, nafta në tregun botëror ka pësuar ulje.

Po e rritën çmimin e naftes nga e hena, eshte prova se po na vjedhin!

Javën, qe lame pas, grosistet e naftes paralajmeruan se do te rrisnin çmimin e naftes.

Pra do te rritej edhe me shume se 199 leke litri, që eshte aktualisht ne treg dhe shkaku ishte gjoja nje krizë e shkurter cmimesh ne Bursat nderkombetare.

???? Mirepo nje zhvillim tejet pozitiv ka ndodhur sot: Opec plus ka vendosur te mos ule prodhimin e naftes dhe se cmimi i naftes aktualisht jo vetem qe nuk u rrit, por eshte ulur 4 usd per fuci.

Nese kete jave qe vjen, nafta do te rritet ne Shqiperi eshte e qarte, si drita e diellit, se kemi te bejme me vjedhje te hapur, vjedhje e realizuar ne bashkepunim me Qeverine.

Nese nga e hena do t’ju rritet qoftë edhe nje lek cmimi i naftes kjo do te thote se: po ju vjedhin!!!

PYETJA E MADHE, QE SHTROHET ESHTE:

??????????????????????????????

???? Perse nuk u ul çmimi i naftes ne Shqiperi gjate muajit te kaluar, kur ai kapi nivelet e paraluftes në Ukraine, por qendroi per jave te tera 199 leke, me nje çmim te fiksuar Kartel?

?? Te mos harrojme edhe se dollari eshte ne pikate dhe ai shkembehet me vetem 92.89 lek sipas Bankes se Shqiperise.

??????????????

?? Pergjigjen e kesaj pyetje ka detyre dhe duhet ta gjeje SPAK, i cili vidhet edhe ai njelloj si edhe qytetaret e thjeshte, sa here qe makinat e prokuroreve te tij furnizohen me nafte.

Gjykata caktoi masën e sigurisë arrest me burg për Naim Murselin dhe dy bashkëpunëtorët e tij

Detaje të reja janë zbardhur në lidhje me ngjarjen e rëndë të ndodhur në Prishtinë, ku Naim Murseli porositi vrasjen e gruas së tij, Lirdona Ademaj.

Ndërsa Gjykata caktoi masën e sigurisë arrest me burg për 3 autorët e krimit, Gjykata e Prishtinës deklaron në vendimin e saj se Naim Murseli i ka siguruar vetë armën e zjarrit të llojit pistoletë Granit Pllavës dhe të dy së bashku inskenuan grabitjen.

Në vendim thuhet se mbrëmjen e 29 nëntor rreth orës 20:25 minuta, në fshatin Bernicë, Komuna e Prishtinës, përpara automjetit të çiftit ka dalë Pllava me armë në dorë dhe i maskuar.

Sipas marrëveshjes paraprake, i pandehuri Naim Murseli me fëmijët kishin dalë nga makina dhe ishte larguar nga vendi i ngjarjes gjoja, ndërsa në makinë ka mbetur e 30-vjeçarja, e cila është qëlluar nga afër me një plumb në qafë, plagë e cila ka qenë vdekjeprurëse për të. E gjithë marrëveshja është bërë për një shumë prej 30 mijë eurosh.

Ndërkohë, ende nuk idhet arsyeja se përse Murseli vendosi t’i merrte jetën bashkëshortes së tij.

Vëllai i Liridona Ademaj-Murseli, Leondard Ademaj ka folur pas seancës dëgjimore që është mbajtur sot në Gjykatën Themelore në Prishtinë.

“Liridona u vra në mënyrën më mizore dhe makabre që mund të jetë. Ishte grua, motër dhe nanën e fuqishme dhe doli të jetë heroinë dhe për fëmijët e saj. Ne po e përmbajmë vetën sepse ajo nuk donte asnjëherë të na shihte në këtë gjendje”, tha vëllai i të ndjerës. Ai shtoi se në ditën tragjike i kërkuar motrës që të rrinte në shtëpinë e tyre, por ajo vendosi të shkonte me bashkëshortin.

“Pasi ka mrri në Prishtinë, ka folur me babin dhe e i ka kallxu që kanë mbërri por që po shkojnë me hangër darkë. Unë isha në punë dhe më telefonoi gruaja më tha që e kanë vrarë Liridonën, unë mendova që djalin e axhës sepse ai e ka emrin Liridon. Gjendja në shtëpi ka qenë shumë keq, prindërit kanë qenë të alivanosur. Nuk doja me besu që Liridona ka vdekë, kam shkuar në spital Gjakovë dhe kam kërkuar me ju jep qetësues prindërve dhe vazhduam rrugën për në Prishtinë”, ka deklaruar Leonard Ademaj. Ai shtoi se në momentin kur ka arritur në QKUK, policia më thanë që duhet me shku në stacionin policor në Dragodan, kur kam arritur aty Naimi ka qenë duke u intervistuar dhe fëmija.

“Dajë na kan dal përpara na kanë sulmu, na kan lyp paret unë nuk jau kom jep. Jemi kon kerr na ka marrë babi kemi ec rrugës, e kemi harru mamin në kerr”, tregon vëllai i së ndjerës se çfarë i thanë fëmijët. Leonardi theksoi se “nuk mundem me imagjinua në çfarë gjendje ka qenë motra ime kur e ka pa burrin tu ik nga vetura me dy fëmijët”. Ai shtoi se fëmijët nuk e kanë kuptuar ende se ju ka vdekur nëna.

“Nuk ka pasur ditë bese, ne besojmë në drejtësinë e Kosovës. Me fëmijët kemi pasur kontakt, ata janë mirë. Janë duke u përkujdesur prindërit e Naimit”, ka thënë Ademaj. Ademaj shtoi se “uroj që Liridona të jetë rasti i fundi që ka vdek dhe të mos vritet më asnjë grua”. Ai bëri të ditur se nuk i është lejuar hyrja sot në seancën dëgjimore.

“Nuk kom pas informacion që nuk bënë me qenë në seancë sot, e kemi bërë kërkesën për zhvarrosje. Rivarrimi me ndodh sa më shpejtë është më lehtë për neve si familjarë dhe me na u lehtësua dhimbja. Ende nuk kemi marrë përgjigje nga Prokuroria”, tha Ademaj. Vëllai i së ndjerës u shpreh se si familje dyshojnë që motivi i vrasjes të ketë qenë vetëm për shkak të parave.

Një shtetas shqiptar i burgosur në Greqi ka humbur jetën në ambientet e qelisë.

Mediat greke bëjnë me dije se 42-vjeçari, identiteti i të cilit ende nuk dihet, që vuante dënimin në burgun “Balkoura”, është transportuar pa shenja jete drejt spitalit të Trikallas.

Sipas të dhënave të para dyshohet se vdekja i ka ardhur për shkaqe patologjike, por do të jenë ekspertët mjeko ligjorë ata që do të thonë fjalën e fundit lidhur me këtë ngjarje.

.