Category: Lajme

Kryeministrja italiane, Giorgia Meloni, ka vendosur të nxjerrë në ankand dhuratat e marra nga liderë të huaj gjatë vizitave zyrtare jashtë vendit.

Ndër dhuratat që do të shiten është edhe shalli, që i dhuroi kryeministri shqiptar Edi Rama për ditëlindjen e 48-të të saj. Ligji ndalon që presidentja të mbajë për vete dhuratat me vlerë mbi 300 euro, ndaj ato do të dalin në shitje për publikun.

Vlera totale e dhuratave arrin rreth 800 mijë euro, sipas La Repubblica-s. Objekte të ndryshme do të menaxhohen nga shtëpia e ankandeve Bertolami Fine Art në Romë. Deri tani nuk është publikuar lista e plotë e dhuratave që do të dalin në ankand, por ato janë mbi 270 sende dhe ruhen në një dhomë të Palazzo Chigi, raporton La Repubblica.

Dhurata e parë daton nga G20 në Bali në 2022 dhe ishte një veshje tradicionale e grave të Kerala, dhuratë nga presidenti indian Narendra Modi. Midis dhuratave të tjera, është një statujë prej pëlhure nga deputeti Michele Emiliano. Ankandi përfshin gjithashtu dy byzylykë metalikë, katër piktura, një pjatë metalike, një varëse, unazë dhe vathë.

Ka edhe këpucë ‘pitoni blu’ nga një stiliste saudite, vazo, bizhuteri dhe një shkrim në valixhe të kuqe. Dhuratat përfshijnë gjithashtu tapete nga Libia dhe vendet e tjera arabe, një komplet çaji prej porcelani nga Viktor Orban dhe një ciotolë qeramike nga Joe Biden.

Kostumi tradicional i dhuruar nga ish-kryeministri rumun Marcel Ciolacu është gjithashtu pjesë e ankandit.

Galeria fotografike (

1 / 3

)

E veshur me paruke dhe maskim, 10 postblloqe ushtarake dhe një skaf prej druri – Detajet që e bëjnë arratisjen si një film Hollivudi

María Corina Machado nisi arratisjen e saj dramatike të hënën pasdite, e veshur me paruke dhe maskim, duke u larguar nga periferia e Caracas-it, ku kishte jetuar e fshehur për më shumë se një vit.

Qëllimi: të mbërrinte në Norvegji deri të mërkurën për të marrë çmimin Nobel për Paqen – një nga aktet politike më të guximshme të një udhëheqëseje opozitare në historinë moderne të Venezuelës.

Operacioni sekret, i përgatitur për rreth dy muaj, përfshinte një itinerar tepër të rrezikshëm: nga Caracasi në një fshat bregdetar peshkatarësh, nga aty me një skaf druri përmes Karaibeve, e më pas një fluturim privat drejt Oslos.

10 orë përmes postblloqeve ushtarake

Sipas një personi të afërt me operacionin, Machado udhëtoi për rreth 10 orë, duke kaluar 10 postblloqe ushtarake, çdo herë duke rrezikuar kapjen. Ajo mbërriti në bregdet rreth mesnatës, ku pushoi për pak orë para se të nisej drejt etapës më të rrezikshme: kalimit të detit.

Të martën në orën 05:00, Machado dhe dy bashkëpunëtorët e saj hipën në një skaf të thjeshtë prej druri, duke luftuar me erërat e forta dhe detin e trazuar në drejtim të Curaçao-s.

Rreziku nuk vinte vetëm nga autoritetet venezuelase. Në tre muajt e fundit, Ushtria amerikane kishte bombarduar mbi 20 mjete të ngjashme detare në Karaibe, duke vrarë më shumë se 80 persona që i akuzonte për trafik droge. Për këtë arsye, rrjeti venezuelas që po e ndihmonte Machado-n u koordinua me Ushtrinë amerikane.

“Ne njoftuam saktësisht zonën nga ku do të nisej, që të mos shpërthenin skafin”, tha personi i përfshirë në plan.

Ndërhyrja amerikane dhe prania ushtarake në rajon

Burime të ndryshme thanë se administrata Trump ishte në dijeni të operacionit, megjithëse niveli i përfshirjes së SHBA-ve mbetet i paqartë. Në të njëjtën kohë që skafi po lundronte drejt Curaçao-s, dy avionë amerikanë F-18 u futën në Gjirin e Venezuelës, duke bërë rreth 40 minuta manovra rreth itinerarit të mundshëm detar.

SHBA-të kanë vendosur në rajon edhe aeroplanmbajtësen USS Gerald Ford, të ngarkuar me dhjetëra avionë luftarakë – pjesë e një grumbullimi ushtarak që ka tensionuar më tej marrëdhëniet me Caracas-in.

Pushim në Curaçao dhe fluturimi final drejt Oslos

Machado mbërriti në Curaçao rreth orës 15:00 të së martës, e rraskapitur nga udhëtimi. Ajo qëndroi një natë në hotel dhe të mërkurën në mëngjes hipi në një avion privat drejt Oslos, siguruar nga një bashkëpunëtor në Miami.

Para ngritjes, ajo regjistroi një mesazh audio, duke falënderuar “aq shumë njerëz… [që] rrezikuan jetët e tyre” për t’i mundësuar arratisjen.

Udhëtimi i saj u mbajt aq sekret, saqë vetë Instituti Nobel nuk e dinte nëse Machado do të mbërrinte në Norvegji në kohë. Gjatë ceremonisë, kryetari i Komitetit Nobel, Jørgen Watne Frydnes, tha se ajo kishte kaluar “një udhëtim në kushte rreziku ekstrem”.

Çmimin e mori vajza e saj, Ana Corina Sosa, e cila deklaroi para të pranishmëve: “Ajo do të kthehet në Venezuelë shumë shpejt”.

Pas Oslos: Europë, SHBA dhe një betejë e re politike

Machado pritet të pushojë disa ditë në kryeqytetin norvegjez. Ka jetuar në izolim total, me pak ushqim dhe pa kontakt fizik me njerëzit për gati 16 muaj.

Pas një jave, ajo synon të nisë një tur evropian për të kërkuar mbështetje për kauzën venezuelase dhe më pas të udhëtojë drejt Washington-it, sipas bashkëpunëtorëve të saj.

Ndërkohë, në Oslo, ndërsa të ftuarit uleshin për darkën zyrtare me pesë pjata të shërbyera me servisin special të Nobelit, detajet e arratisjes së saj po qarkullonin mes diplomatëve dhe zyrtarëve të SHBA-ve dhe Venezuelës.

Në ndërtesën historike të Grand Hotel, Machado u shfaq më pas para mbështetësve, nga ballkoni – një moment simbolik, pas një udhëtimi që sfidoi regjimin venezuelas dhe përforcoi statusin e saj si figurë qendrore të opozitës.

Reagimi i regjimit Maduro

Në Caracas, zyrtarët shpërthyen në akuza. Zëvendëspresidentja Delcy Rodríguez e cilësoi arratisjen si “shfaqje të dështuar” dhe akuzoi Machadon për bashkëpunim me SHBA-të në “grabitjen e pasurive të Venezuelës”.

Prokurori i përgjithshëm, Tarek William Saab, ka paralajmëruar se udhëheqësja opozitare do të konsiderohet “e arratisur” nëse nuk kthehet, duke lënë të hapur mundësinë që Machado të mos lejohet më të hyjë në vendin e saj.

A do ta dëmtojë apo forcojë opozitën largimi i saj?

Edhe pse largimi nga vendi mbart rrezikun e izolimit politik – siç ka ndodhur me udhëheqës të tjerë venezuelas në mërgim – figura të opozitës besojnë se Machado do të jetë edhe më e fuqishme nga jashtë, e aftë të lobojë, të mobilizojë mbështetës ndërkombëtarë dhe të shtyjë për më shumë presion ekonomik e diplomatik ndaj Maduros.

Ajo e ka përkrahur publikisht ndërtimin ushtarak amerikan në rajon dhe ka deklaruar: “Maduro e nisi këtë luftë, dhe Presidenti Trump po e përfundon”.

Dashi

Do keni vështirësi dhe probleme gjate kësaj dite ne jetën tuaj ne çift. Si ju ashtu edhe partneri do kërkoni qe gjerat te bëhen sipas mënyrës suaj dhe nuk do bini dakord për asgjë. Beqaret do ndihen mire edhe ashtu si janë prandaj nuk do e kërkojnë me ngulm dashurinë. Financat mund te kenë ndonjë përmirësim te vogël, megjithatë ende nuk është koha për te bere investime te mëdha.

Demi

Nëse jeni ne një lidhje do bënit mire te hiqnit disa nga zakonet tuaja te vjetra dhe te mendoni te provoni eksperienca te reja me partnerin. Do iu duket sikur keni rilindur. Beqaret do jene te pakontrollueshëm dhe do bëjnë gjithçka si ta mendojnë për momentin. Ne planin financiar do keni një përmirësim te ndjeshëm te situatës dhe do ndiheni me te qete.

Binjaket

Do iu ndryshoje shpesh humori gjate kësaj dite dhe mund te keni mosmarrëveshje te shumta me partnerin. Me mire qëndroni pak larg sesa ta acaroni edhe me tepër situatën. As për beqaret nuk është dita e duhur për te filluar histori dashurie. Prisni edhe pak kohe. Me shpenzimet duhet te tregoheni ende te matur. Po e kaluat limitin do keni probleme serioze.

Gaforrja

Ka shume gjasa qe rutina ta pushtoje jetën tuaj sentimentale sot. Secili prej jush do beje ato qe bën çdo dite dhe nuk do përjetoni asnjë emocion te veçante. Beqaret do njihen me disa persona, por nuk duhet te nxitohen te krijojnë menjëherë një lidhje. Njihuni me mire me ta. Ne planin financiar do keni me shume fat sesa e kishit menduar. Përfitoni për te hequr disa para mënjanë.

Luani

Ata qe janë ne një lidhje duhet t’i kushtoje me shume rëndësi dhe vëmendje personit qe kane ne krahë. Dite me shume fat kjo e sotmja për ata qe janë beqare. Mundësitë për te njohur persona interesante do jene te mrekullueshme kështu qe bëjini sytë katër dhe zgjidhni personin me te përshtatshëm. Financat do vijnë duke u përmirësuar.

Virgjeresha

Shprehini me tepër ato qe ndjeni gjate kësaj dite nëse doni qe atmosfera ne çift te ngrohet me shume. Mos kini as frike te filloni një lidhje me serioze. Beqaret do jene shume te pavendosur edhe pse do kenë njohje te reja me shumice. Ne planin financiar do kryeni transaksione shume te rëndësishme sepse situata do jete goxha e qëndrueshme.

Peshorja

Pas një periudhe jo shume te mire për jetën sentimentale te çifteve, sot do filloni t’i mendoni më me qartësi gjerat dhe situata do përmirësohet ndjeshëm. Beqaret do jene ne humor shume te mire dhe nuk do e humbin asnjë mundësi qe do iu jepet për te dale neper takime. Financat do jene gjate gjithë kohës te mbrojtura. Mund te shpenzoni edhe pak me tepër për ndonjë gjë te nevojshme.

Akrepi

Jeta ne çift do jete gjithë kohës e mbrojtur sot. Askush dhe asgjë nuk mund ta prishe harmoninë qe mbizotëron ndërmjet jush. Përgatituni edhe për ndonjë surprize drithëruese ne mbrëmje. Beqaret do kenë vetëm dëshira për aventura kalimtare asgjë me tepër sesa aq. Mundësitë nuk do mungojnë. Me financat jo çdo gjë do shkoje ashtu si duhet. Kujdes!

Shigjetari

Gjithçka do ece me se miri gjate kësaj dite ne jetën tuaj ne çift. Do kuptoheni edhe me një vështrim te vetëm me atë qe keni ne krah dhe nuk do keni as mosmarrëveshjen me te vogël. Beqaret do pëlqejnë jashtë mase një person për te cilin para disa vitesh e kane injoruar. Bota është me rrota! Saturni do ndikoje negativisht ne planin financiar dhe do keni disa probleme ne këtë sektor.
Bricjapi

Ka rrezik qe te keni probleme serioze gjate kësaj dite ne jetën tuaj ne çift. Një gënjeshtër qe i keni thënë partnerit para disa kohesh do dale ne drite dhe ai do inatoset shume për këtë fakt. Beqaret pa pritur e pa kujtuar mund te fillojnë një histori dashurie te bukur e mjaft pasionante. Financat do jene te mira megjithatë shpenzimet duhet te vazhdoni t’i kryeni me kujdes.

Ujori

Do jeni shume euforike dhe te gëzuar gjate kësaj dite ne krahët e atij qe dashuroni. Ai do ua beje qejfin gjithë kohesh de do iu përgatisë surpriza te njëpasnjëshme. Beqaret do bëjnë për vete shume persona dhe ne fund do jene ata vete qe do bëjnë zgjedhjen me te mire. Ne planin financiar do iu duhet te bëni disa shpenzime te nevojshme dhe situata do jete e paqëndrueshme.

Peshqit

ΟμιPas një periudhe jo shume te mire për jetën tuaj ne çift sot çdo gjë do marre një tjetër drejtim. Do tregoheni me te hapur me partnerin dhe do bëni zgjedhjen qe është me e mire për te dy. Beqaret do argëtohen pa fund nen praninë e miqtë dhe shoqërisë se tyre, por asnjë me tepër sesa kaq. Ne planin financiar situata do jete goxha e qëndrueshme.

Pasi Komisioni Evropian publikoi raportin e tij vjetor të zgjerimit më 4 nëntor, duke dhënë vlerësime të detajuara për shtetet aspiruese për anëtarësim në Bashkimin Evropian – për Kosovën, Shqipërinë, Bosnje e Hercegovinën, Maqedoninë e Veriut, Malin e Zi, Serbinë, Turqinë, Ukrainën dhe Gjeorgjinë – tani u takon 27 shteteve anëtare të bllokut që të shprehin qëndrimin e tyre duke miratuar të ashtuquajturat konkluzione të zgjerimit më 16 dhjetor.

Meqenëse ky dokument duhet të miratohet në mënyrë unanime, ai shpesh është më pak kritik sesa ai i KE-së – dhe shumë më i shkurtër. Një draft i avancuar, të cilin e ka parë Radio Evropa e Lirë, duket se ndjek logjikën e konkluzioneve të KE-së: Shqipëria, Moldavia, Mali i Zi dhe Ukraina konsiderohen si shtetet që kanë bërë më së shumti përparim dhe BE-ja po shikon të anëtarësojë të paktën edhe një shtet para fundit të dekadës. Sinjali më i dukshëm në dokument lidhet me Malin e Zi dhe përparimin e tij drejt anëtarësimit.

Siç pritej, dy pikat kyç janë të vendosura në kllapa, që do të thotë se vendet anëtare të BE-së ende nuk janë pajtuar për to. Njëra nga to thekson se shteti “ka avancuar më shumë në negociatat e anëtarësimit dhe se 12 kapitujt negociues tani janë mbyllur përkohësisht”. Numri 12 vazhdon të jetë në kllapa. Kjo për faktin se Podgorica deri më tani ka arritur të mbyllë shtatë nga 33 kapitujt e politikave që duhet t’i mbyllë për t’iu bashkuar bllokut. Megjithatë, në Bruksel ka ende shpresë që deri në pushimet e Krishtlindjes do të përmbyllen edhe deri pesë kapituj të tjerë, edhe pse diplomatët me të cilët bisedoi Radio Evropa e Lirë sugjeruan se numri përfundimtar mund të jetë më i vogël.

Sinjali i dytë në dokument është se ky shtet i vogël i Ballkanit Perëndimor po afrohet gjithnjë e më shumë që të bëhet së shpejti shteti i 28-të anëtarë. Një tjetër fjali e vendosura në kllapa thekson se “Këshilli vendos që Grupi ad hoc i Punës për hartimin e traktatit të anëtarësimit me Malin e Zi do të themelohet më 2025”. Këshilli, ku shtetet anëtare të BE-së mblidhen për takim në Bruksel, është i mbushur me grupe të ndryshme pune, në të cilat diplomatët trajtojnë çështje të ndryshme politike që nga fazat e hershme.

Fakti që një grup i ngarkuar me hartimin e traktatit për anëtarësim me Malin e Zi është gati të themelohet është shenjë se gjërat po bëhen serioze. Hartimi i këtyre traktateve vjen menjëherë pas mbylljes të të gjithë kapitujve negociues dhe përfaqëson aktin e fundit politik para anëtarësimit. Por, nuk është gjithçka inkurajuese për Malin e Zi. Edhe disa “detyra shtëpie” se çfarë duhet të bëjë për të përfunduar “pjesën përmbyllëse” të rrugës drejt Brukselit ende nuk janë përcaktuar qartë. Teksti thotë se Mali i Zi duhet të përmirësojë kapacitetin e tij administrativ dhe legjislacionin zgjedhor, veçmas sa i përket përshtatjes me standardet e BE-së për financimin e partive politike dhe fushatave zgjedhore.

Çështja madhore, megjithatë, është korrupsioni, me dokumentin që paralajmëron se “numri i dënimeve të formës së prerë në rastet e korrupsionit të nivelit të lartë mbetet i ulët”. Ai po ashtu thekson “nevojën që Mali i Zi të përmirësojë rezultatet e tij në lidhje me hetimet dhe ndjekjet penale në rastet e korrupsionit të nivelit të lartë dhe krimit të organizuar, duke siguruar dënime të formës së prerë, masa ndëshkuese, sekuestrim dhe konfiskim të pasurive”. Nuk është befasi që lufta kundër korrupsionit është motivi kryesor për të gjitha vendet që kanë përparuar në procesin e integrimit. Në tekst nuk përmendet drejtpërdrejt skandali i fundit ukrainas që e detyroi të japë dorëheqje në fund të nëntorit Andriy Yermak, krahu i djathtë dhe shefi i stafit i presidentit ukrainas, Volodymyr Zelensky.

Megjithatë, puna e Byrosë Kombëtare Kundër Korrupsionit e Ukrainës dhe Zyrës së Prokurorit të Specializuar Kundër Korrupsionit, që ndihmoi në rrëzimin e Yermakut është përshëndetur: Këshilli vlerëson pozitivisht rezultatet e arritura nga agjencitë më 2025, përfshirë një numër të konsiderueshëm hetimesh, veçmas në rastet e korrupsionit të nivelit të lartë. Dokumenti inkurajon fuqishëm Ukrainën që të vazhdojë përpjekjet për të “përmirësuar edhe më shumë rezultatet dhe kapacitetet në këtë fushë”. Raporti për zgjerim po ashtu paralajmëron politikanët ukrainas që të mos tentojnë të minojnë këto dy institucione, diçka që Zelensky tentoi ta bënte gjatë verës para se të tërhiqej nga vendimi për shkak të zemërimit të publikut. Dokumenti thotë se Brukseli se “do të mbetemi vigjilent për këtë çështje dhe nënvizojmë nevojën për t’u siguruar që në të ardhmen të mos ketë asnjë ndërhyrje ligjore ose politike për të ndikuar në punën e këtyre institucioneve”.

Për Moldavinë, teksti është pozitiv për luftën kundër pastrimit të parave dhe përpjekjeve për atë që njihet si “deoligarkizëm”. Megjithatë, as Moldavia e as Ukraina nuk do të avancojnë në rrugën e tyre drejt anëtarësimit në BE gjatë këtij viti. Hungaria e ka bërë të qartë se nuk do t’i japë dritën jeshile hapjes së ndonjë kapitulli me Kievin dhe Moldavia ende po tenton që të ndahet nga Ukraina në rrugën drejt bllokut. Në vend të kësaj, shumica e kryeqyteteve të BE-së kanë pranuar që të presin derisa të mbahen zgjedhjet parlamentare në prill në Hungari për të parë nëse do të ketë ndonjë ndryshim qëndrimi nga Budapesti. Teksti ofron pak sa i përket asaj se çfarë do të ndodhë me Kievin dhe Kishinjevin, teksa aty thuhet vetëm se Këshilli pret me padurim hapjen e kapitujve të parë për dy shtetet kandidate “sapo të plotësohen kushtet”.

Për Shqipërinë, e cila së voni arriti të hapë të gjithë 33 kapitujt brenda 13 muajsh (një kohë rekord për një shtet kandidat në BE), nuk ka asnjë indikacion se kur do të nis mbyllja e dosjeve, proces që është më i vështirë. Teksa lufta kundër korrupsionit është po ashtu një kusht kyç për Shqipërinë, dokumenti thekson nevojën për përmirësimin e peizazhit mediatik në vend, duke rritur transparencën e pronësisë së mediave, duke siguruar dekriminalizimin e shpifjes dhe duke forcuar shoqërinë civile në përgjithësi.

Për vendet e tjera aspiruese, teksti është kryesisht i përzier, përveç Gjeorgjisë, e cila është kritikuar ashpër për “kthim prapa të demokracisë” gjatë viteve të fundit. Ndërsa nuk e quan vendin “kandidat vetëm me emër” siç bëri Komisioni Evropian në raportin e tij, Këshilli thotë se “veprimet e autoriteteve gjeorgjiane nuk përmbushin pritjet e BE-së nga një shtet kandidat” dhe se “procesi i anëtarësimit të Gjeorgjisë në BE është bllokuar derisa autoritetet të tregojnë angazhim për të ndryshuar qëndrimin dhe për t’u rikthyer në rrugën e anëtarësimit në BE”.

Një ngjarje e pazakontë ka ndodhur së fundi pranë ambienteve të një berberhaneje që ndodhet mbrapa godinës së Ministrisë së Arsimit në Tiranë.

Në pamjet që JOQ ka siguruar, duket se si dy të rinj kalojnë pranë dyqanit dhe njëri prej tyre prish dritat e dekorit, ndërsa tjetri thyen vazon e luleve duke i rënë me shkelm.

Pronari i biznesit i bën thirrje të rinjve të kthehen dhe të paguajnë dëmin që kanë bërë, dhe ky incident të zgjidhet me mirëkuptim.

Në mesazhin e dërguar ai shkruan: Të lutem, mbrapa Ministrisë së Arsimit te berberhonja “HM Berbershok” dy vetë kanë prishur dritat dhe vazot pa pikë lidhje, thjeshtë dua të vinë dhe të paguajnë dëmin. Të lutem në qoftë se e postoni do më bënit shumë nder.

Ndihmoni Fatbardhën duke telefonuar në: 069 89 79 551

Fatbardha Kasmi një zonjë 65-vjeçe jeton në Durrës, në lagjen Egnatia, në një pallat që brenda pak ditësh do të shembet. Ajo nuk ka familje të sajën, nuk është e martuar dhe gjithë jetën ia ka kushtuar vëllait të saj të sëmurë, për të cilin kujdeset ditë e natë.

Kur e takuam, Fatbardha na doli përpara e tronditur, e shqetësuar, me një hall që e rëndon më shumë se çdo barrë fizike, pronarja i ka kërkuar të lirojë shtëpinë, pasi godina do të shembet. Të gjithë fqinjët janë larguar tashmë… vetëm ajo dhe vëllai i saj i sëmurë kanë mbetur brenda, sepse nuk kanë se ku të shkojnë.

Prej javësh, Fatbardha endet nëpër Durrës në kërkim të një strehimi, por qiratë janë të papërballueshme. Ajo nuk ka pension. Jeta e saj mbahet vetëm mbi një punë në të zezë që mezi i sjell disa para, duke larë shkallët e një pallati. Qiranë e shtëpisë ku jeton sot, 70 mijë lekë të vjetra, e paguan me pensionin e të vëllait. Edhe ujin ia kanë prerë, sepse nuk kishte mundësi ta paguante.

Gjithë çfarë kërkon kjo grua e lodhur nga jeta, por ende e fortë nga zemra, është një strehë e sigurt, një shtëpi e thjeshtë me qira të arsyeshme, një vend ku të mund të jetojë me dinjitet dhe të kujdeset për vëllain e saj.

Nëse mund ta ndihmoni Fatbardhën, qoftë me strehim, qoftë me mbështetje, telefononi në: 069 89 79 551. Për të, çdo telefonatë është një shpresë.

Gazetarja e njohur investigative Klodiana Lala ka reaguar pas sulmeve publike të kryeministrit Edi Rama ndaj disa vendimeve të gjyqësorit. Përmes një postimi në rrjetet sociale, ajo theksoi se përplasja nuk është një debat i përgjithshëm institucional, por një konflikt i drejtpërdrejtë mes kryeministrit dhe gjyqtarit Engert Pëllumbi, i cili ka dhënë disa vendime që, sipas Lalës, “nuk i kanë pëlqyer politikës”.

Lala e përshkruan gjyqtarin Pëllumbi si një figurë profesionale që ka marrë vendime të bazuara në ligj dhe prova, pavarësisht presioneve apo pritshmërive politike.

“I thyen dhëmbët me vendime”

Në reagimin e saj, gazetarja shkruan:

“Më pëlqen shumë përplasja mes Edi Ramës dhe Engert Pëllumbit, se ky i fundit i thyen dhëmbët me vendime 🙂
Nënkuptoj vendime të bazuara që s’i pëlqejnë politikës!”

Deklarata e Lalës u interpretua si një mbrojtje e pavarësisë së gjyqësorit, duke vënë në dukje se vendimet e pakëndshme për politikën janë pikërisht tregues i funksionimit të drejtë të sistemit.

Rama vijon sulmet publike ndaj gjyqtarëve

Më herët gjatë ditës, kryeministri Edi Rama publikoi disa status në rrjetet sociale, ku kritikonte gjyqtarë të caktuar për vendimet e marra në çështje të bujshme. Ai i akuzoi ata për “shkelje të përgjegjësive” dhe për “veprime që minojnë besimin publik”.

Këto deklarata kanë rikthyer debatin për balancën mes pushteteve, interpretimin e rolit të qeverisë në raport me drejtësinë dhe respektimin e pavarësisë së gjyqësorit.

Konteksti i debatit

Engert Pëllumbi është cilësuar shpesh si një nga gjyqtarët që ka marrë vendime të forta dhe të argumentuara, disa prej të cilave kanë prekur interesa politike ose ekonomike ku më e bujshmja ka qënë firmosja e arrestimit të Erion Veliaj. Për këtë arsye, emri i tij është bërë objekt i komenteve të shumta, si në qarqet politike ashtu edhe në opinionin publik.

Reagimi i Lalës vjen në një kohë kur tensionet mes ekzekutivit dhe drejtësisë janë rritur ndjeshëm, ndërsa çështja e pavarësisë së gjyqtarëve është një ndër temat më të diskutuara në vend.

Pritet reagim i mëtejshëm

Nuk dihet nëse do të ketë një përgjigje nga kryeministri ndaj komenteve të Lalës, ndërsa pritet që debati të vazhdojë, sidomos nëse qeveria vijon publikimin e deklaratave kritike për drejtësinë.

Në sallën plot me politikanë, artistë dhe fytyra të njohura të Tiranës, 10 vjetori i fondacionit “Fundjavë Ndryshe” u shndërrua në skenën perfekte për një histori afërsie politike. Edi Rama në skenë, Arbër Hajdari pranë tij, shikime mirënjohjeje, fjalime për shpresën dhe disiplinën. Kryeministri e quajti fondacionin “një palestër shprese dhe trajner disipline”, ndërsa vetë Arbri dukej si nxënësi i preferuar, i vendosur në krah të “shefit”. Por çfarë fshihet pas këtyre syve të dashuruar me pushtetin, cilat interesa, cilat prona, cilat afera?

Publikut i tregohet fytyra e butë e fondacionit, video me familje në nevojë, fëmijë që marrin ndihma, histori prekëse. Por në prapaskenë, përmes vendimeve të Këshillit të Ministrave, i njëjti shtet që i mbush xhepat e oligarkëve i ka servirur Arbër Hajdarit tre prona gjigante publike me tarifën simbolike “Shqipëria 1 euro”.

Më 13 mars 2019, qeveria miratoi kontratën e qirasë 1 euro për një truall dhe objekt në Brar të Tiranës me sipërfaqe totale 43 169 metra katrorë.

Më 29 korrik 2020, një tjetër vendim lejon shembjen e katër objekteve që ndodhen po në Brar, në mënyrë që e gjithë zona t’i kalojë në administrim fondacionit “Fundjavë Ndryshe”.

Më 17 prill 2024, kur një ish repart ushtarak, depo nr. 5011 në Brar, me 16 214 metra katrorë truall dhe 3 138 metra katrorë ndërtime, i jepet sërish Arbër Hajdarit për 20 vjet, sërish në kuadër të programit “Shqipëria 1 euro”.

Së fundmi, qeveria i ka dorëzuar edhe disa dhjetëra hektarë tokë në fshatin Ferraj, që gojët e liga thonë se janë toka pronarësh që komunistët ia kanë marrë me reformën agrare

Nëse sheh vetëm ekranet, Arbër Hajdari shfaqet si “djali i mirë” që bën sevap. Por nëse ndjek hallkat e familjes dhe të interesave, del një tablo shumë më e ndërlikuar. Babai i tij, Shkëlqim Hajdari, është ish kryetar i Prokurorisë së Apelit, ish anëtar i Këshillit të Prokurorisë, sot Inspektor i Përgjithshëm i Republikës, në një post të lartë të dhënë nga Edi Rama. Jo vetëm kaq, por i angazhuar edhe në fushata elektorale dhe i pranishëm publikisht sa herë duhet mbrojtur kryeministri në tema delikate.

Kur shpërtheu debati për marrëveshjen e ardhshme detare me Greqinë, Shkëlqim Hajdari u hodh në mbrojtje të Ramës duke thënë se ai nuk tradhton interesat kombëtare dhe duke e veshur kreun e qeverisë me kostumin e patriotit që “nuk do t’i zhgënjente paraardhësit e tij nga Vunoi”. Nuk ishte as ekspert i së drejtës detare, as negociator, por ishte njeriu i duhur për t’i bërë jehonë kryeministrit në media dhe rrjete sociale. Babai mbron shefin, shefi firmos vendimet që i japin të birit prona shtetërore me 1 euro. Rrethi mbyllet bukur.

Por familja Hajdari nuk ndalet këtu. Nga ana tjetër qëndron vjehrri i Arbër Hajdarit, biznesmeni nga Kosova, Blerim Devolli. Bashkë me vëllain e tij, Shkëlqimin, ai kontrollon “Devolli Group”, një nga grupet më të fuqishme të biznesit në Kosovë dhe rajon, me interesa në ushqim, pije, telekom, media e më tej. Pra, kur Arbri shfaqet në skenë pranë Ramës, është edhe hallkë familjare që lidh kryeministrin me oligarkët e Kosovës, ndërkohë që të dy palët kanë përfituar nga shteti shqiptar.

Një nga shembujt më të qartë për mënyrën si pushteti në Tiranë i shtron rrugën Devollëve është historia e akcizës së birrës. Që prej 1 janarit 2023, akciza për birrën shqiptare u dyfishua, duke e trajtuar si produkt të importit. Shoqatat e prodhuesve vendas paralajmëruan falimentime, ulje prodhimi me rreth 7 për qind dhe theksuan se niveli i akcizës në Shqipëri është katër herë mbi minimumin që rekomandon direktiva evropiane.

Megjithatë, ligji u miratua me kartonat e mazhorancës. Rezultati i prekshëm në treg ishte favorizimi i birrës “Peja”, produkt i Devolli Group, e cila tashmë paguan të njëjtën akcizë me birrat shqiptare, duke iu hequr këtyre të fundit avantazhin e deritanishëm. Një ligj që prodhuesit vendas e quajnë klientelist, por që në praktikë përkthehet në fitime për vjehrrin e Arbër Hajdarit dhe shtrirje më të fortë në tregun shqiptar.

Devollët nuk mjaftohen me mallra dhe akciza. Ata kanë hyrë thellë edhe në media.

Televizioni “ABC News” ndryshoi pronar, ndryshoi fytyrë dhe linjë editoriale. Pas ardhjes së Devollëve në prapaskenë, u larguan një sërë gazetarësh dhe emisionesh kritike, programe si “Log”, formate investigative dhe autorë që nuk përputheshin me vijën e re të ekranit.

Raporti i Departamentit të Shtetit në vitin 2023 vuri në dukje se pas ndryshimit të pronësisë, programe të drejtuara nga gazetarë kritikë ndaj qeverisë u mbyllën dhe ata u larguan nga stacioni. Sot “ABC News” është një nga zërat më të butë me qeverinë, ndërsa në krye të kanalit qëndrojnë figura të afërta me pushtetin. Në këtë histori futet edhe Baton Haxhiu, mik i vjetër i Ramës, i cili shfaqet si njeri i marketingut pranë kompanive të Devollëve, duke i bërë edhe më të dukshme fijet mes politikës, biznesit dhe ekranit.

Skemat nuk ndalen tek birra dhe televizioni.

“Kosmonte Foods”, kompani e lidhur me orbitën e Devollëve, është kapur nga Kontrolli i Lartë i Shtetit duke futur në Shqipëri 45 tonë yndyrë vegjetale që shitej si gjalp. Sipas KLSH, certifikata e produktit nuk ishte e përkthyer në shqip, procedurat ligjore nuk ishin respektuar dhe, në vend që sasia të ndalohej dhe asgjësohej, Autoriteti Kombëtar i Ushqimit lejoi ri-etiketimin dhe daljen e tij në treg.

Pra, në një vend ku biznese të vogla mbyllen për një etiketë të gabuar, një kompani e lidhur me “investitorë strategjikë” ka luksin të luajë me shëndetin e konsumatorit dhe të dalë nga situata me një letër të re mbi ambalazh.

Në mes të kësaj torte shumëkatshe me shtet, oligarkë, media dhe ligje të qepura me porosi, qëndron Arbër Hajdari, djalë i një zyrtari të lartë të emëruar nga Rama dhe dhëndër i një oligarku që përfiton ligje, tokë, koncesione dhe ekrane. Në sipërfaqe, ai shfaqet si fytyra humanitare e pushtetit, njeriu që shpërndan pako ushqimesh dhe thirrje për solidaritet. Në prapaskenë, fondacioni i tij përfiton prona shtetërore, ndërsa rrjeti familjar e lidh ngushtë me një qeveri që ka zgjedhur të favorizojë Devollët në birrë, në miell, në media…

Shikimi i “dashurisë” i Hajdarit drejtuar Ramës gjatë eventit, është fotografia e një aleance ku mirënjohja, dhuratat shtetërore dhe interesat e mëdha ekonomike pleksen në të njëjtën kornizë.

Në një intervistë për emisionin Intervista e Ditës në DritareTV, avokati Idajet Beqiri bëri deklarata të forta lidhur me pasurinë e ish-kryeministrit Sali Berisha dhe arsyet e vërteta pas betejës së tij me SPAK-un.

Beqiri pretendoi se pasuria e Berishës është kolosale, duke përmendur shifra deri në 14 miliardë dollarë, dhe argumentoi se kjo fuqi financiare është arsyeja kryesore pse ai është shpallur ‘non-grata’ nga Shtetet e Bashkuara të Amerikës dhe Britania e Madhe.

Sipas avokatit, partnerët ndërkombëtarë kanë informacion të detajuar mbi burimet e këtyre financave dhe rrezikun që ato paraqesin jo vetëm për demokracinë në Shqipëri, por edhe për stabilitetin rajonal.

Beqiri argumentoi se sulmet e Berishës ndaj Altin Dumanit dhe prokurorëve të tjerë të SPAK nuk janë politike, por personale dhe të diktuara nga paniku. Avokati theksoi se Berisha po përdor çdo mjet, përfshirë mediat dhe militantët e tij, për të intimiduar drejtësinë, por se kjo strategji tashmë ka dështuar pasi dosjet janë të kopsitura me prova të pakundërshtueshme./dritare.net

Pas një vale komentesh dhe spekulimesh në rrjet, Armina Mevlani ka vendosur të flasë hapur mbi komentet e vazhdueshme që ka marrë për një shtatzëni të mundshme. Ndryshimet në pamjen e saj fizike janë interpretuar nga ndjekësit si shenjë e një pritjeje të ëmbël, por Armina ka vendosur të qartësojë gjithçka me qetësi dhe maturi:

“Nuk jam shtatzënë. Kam disa probleme shëndetësore që më shkaktojnë fryrje dhe ndryshime në peshë.”

Ajo foli edhe për mënyrën se si portalet dhe rrjetet sociale i trajtojnë trupat e grave:

“Mënyra se si komentohet është e tmerrshme. Edhe sikur të isha, nuk do e ndaja publikisht menjëherë. Por këto reagime të bëjnë të pyesësh veten nëse duhet të flasësh apo jo.”

“Vjen një moshë kur nuk të intereson më çfarë thonë të tjerët. Më ecin gjërat ters kur flitet shumë, prandaj shpesh preferoj të hesht.”

“Unë jam një vajzë që kam vuajtur nga PCOS,” u shpreh ajo gjatë ‘Gpca dhe Gra’, duke shtuar se kjo ka qenë një sfidë e vazhdueshme për shëndetin dhe mirëqenien e saj.

Ajo zbuloi se ka menduar seriozisht të ndërmarrë një hap të rëndësishëm: ngrirjen e vezëve.

“E kam menduar që të ngrij vezët. Mendoj se për të gjitha vajzat që e kanë këtë vështirësi, duhet ta bëjnë si procedurë.”

Armina i është bashkuar kështu një grupi në rritje të vajzave dhe grave publike që flasin hapur për sfidat e trupit të tyre.