Category: Lajme

Ditë zie në futbollin francez, për shkak se ka ndërruar jetë një sportist në moshë mjaft të re. Mbrojtësi Valentin Poreye, i lindur në vitin 2003 dhe i cili kaloi kohë me ekipin e të rinjve të Lille, ka mbyllur sytë përgjithmonë në moshën 20-vjeçare.

Sipas asaj që shkruajnë mediat, ai vdiq të dielën e kaluar për arsye të paqarta. Ish-skuadra e tij ka bërë një postim në rrjetet sociale, ku i ka shprehur ngushëllime familjes.

“Lille mësoi me pikëllim për vdekjen e ish-lojtarit të saj, Valentin Poreye, në moshën 20-vjeçare. Valentin ishte një mbrojtës i ri që luajti për ekipin U16 midis 2018 dhe 2020” – Shkruan klubi.

https://twitter.com/losclive?ref_src=twsrc%5Etfw%7Ctwcamp%5Etweetembed%7Ctwterm%5E1724822434975453671%7Ctwgr%5Ed1c8e504e7f80520988656e53ad7fb4f3dbb93bb%7Ctwcon%5Es1_&ref_url=https%3A%2F%2Fwww.balkanweb.com%2Ffutbolli-francez-ne-zi-ndahet-nga-jeta-lojtari-20-vjecar%2F

Dashi

Sot do të përfshiheni nga një frymë e fortë e pasionit. Në fushën sentimentale ju do të jeni euforik dhe shumë aktivë! Beqarët do të përjetojnë një kthim të papritur që do t’i lënë ata të destabilizuar. Bëni çmos për të shmangur çdo grindje. Të moderosh entuziazmin me një lajm që sapo ka mbërritur, mund të hasni ndonjë pengesë. Jepini peshën e duhur detajeve në punë.

Demi

E enjtja është e favorshme për të rikthyer në nivelin që duhet një marrëdhënie që është duke rënë. Mundohuni të thelloni themelet për të ardhmen tuaj me personin që keni në krah. Beqarët do të priren për të idealizuar një person i cili ndoshta nuk ka cilësitë që ata besojnë. Jeni të begatë në punë, edhe pse jeni ende në pritje të një konfirmimi. Mos u kushtëzoni nga opinionet e të tjerëve.

Binjakët

Ju do të ndjeni nevojën për të ndryshuar dhe sqaruar brenda jush. Do të jeni të prirur për ndryshime në humor dhe nëse keni një partner/e do të duhet të shpjegoni se çfarë po ndodh me ju. Shumë beqarë do të ndjejnë një tërheqje të fortë për diçka të ndaluar, dhe kjo do ju falë plot energji! Yjet ju ftojnë të merrni shtigje të reja për të pasur më shumë suksese në punë. Jini të gatshëm të shfrytëzoni mundësitë në lëvizje.

Gaforrja

Është koha për të punuar me marrëdhënien në çift dhe për të identifikuar dobësitë. Fokusoni vëmendjen tuaj në të gjitha ato gjëra që ju kanë shpëtuar me kalimin e kohës. Një goditje e vogël e fatit sot do të favorizojë beqarët me njohje të reja. Klima në punë është e qetë dhe ju do të jeni në gjendje të bëni punën tuaj në harmoni me kolegët. Ju nuk mund të kërkoni diçka më shumë.

Luani

Eshtë e panevojshme të provosh që të bësh gjithçka të përshtatshme si ju doni në marrëdhënien tuaj në çift. Nëse keni zgjedhur një person me të gjitha gabimet e tij, mos u qani tani. Beqarët sot do të përjetojnë momente nostalgjie! Disa pasiguri të bezdisshme do ta frenojnë punën tuaj. Për fat të mirë, Urani gjithmonë rezervon surpriza të këndshme për ju.

Virgjëresha

Sfera sentimentale, në të kaluarën mjaft kaotike dhe e pasigurt, vazhdon të stabilizohet për të lindurit e kësaj shensje. Kush ka ndërmend të formalizojë një bashkim mund ta bëjë këtë. Beqarët do të duhet të jetë më pak polemik dhe më pak të ngurtë me njohjet e reja. Fitimet në sektorin profesional rezervojnë mundësi të reja, por kini kujdes që të mos e teproni. Vendosni prioritetet.

Peshorja

Çiftet e konsoliduara mirë sot do të jetojnë një ditë të qetë. Venusi ndihmon ata që po kultivojnë një projekt të dashurisë për të realizuar ëndrrat e tyre. Beqarët do të vlerësohet shumë për mënyrën se si ata do të lejojnë “viktimat” të bien në këmbët e tyre. Mos humbisni veten në një mijë supozime, veçanërisht nëse kërkoni një punë të re. Vlerësoni çdo propozim.

Akrepi

Hëna në shenjën tuaj premton një ditë relaksuese, gjë thelbësore nuk është të mendosh për të gjitha problemet menjëherë. Venusi nuk mund të presë për të vënë konfuzionin në zemrën tuaj. Beqarët sot do të jenë joshës, të aftë dhe do të bëjnë një masakër të zemrave. Kush kërkon një punë, nuk duhet të heqë dorë dhe të provojë përsëri. Neptuni i favorshëm ndihmon në kthimin e faqes.

Shigjetari

Lumturia sot do të jetë miku juaj më i mirë. Ju do të keni një mijë angazhime në kalendar dhe pak kohë për t’i kushtuar të dashurit/ës tuaj që duket mjaft i/e mërzitur nga kjo situatë. Urani ndez dhe sjell dashuri në zemrat e vetmuara që janë në kërkim të një lidhjeje! Pjesa e parë e ditës do ju përballë me disa sfida, por më pas ju do të gëzoni suksese personale dhe financiare.

Bricjapi

Në dashuri mos u ndalni te disa fjalë dhe nëse dikush dëshiron të luajë me ndjenjat tuaja, ndoshta ai/ajo nuk e kupton atë që ju jeni duke bërë. Jepini një drejtim të duhur marrëdhënies suaj në çift. Beqarët do të jenë në gjendje të përfitojnë nga takimet që do bëjnë për të takuar një person interesant. Dita shpall perspektivat e mira për ndarjen e një projekti profesional.

Ujori

Ju nuk i besoni partnerit/es fare dhe ndoshta bëni mirë, diçka ju tregon se pas dhuratave të tij/saj dhe buzëqeshjes ka diçka tjetër! Kontrolloni në lidhje me këtë! Beqarët do jenë të hapur ndaj ftesave për takime, ka të ngjarë të takoni njerëz të rinj. Do të jeni në qendër të vëmendjes së eprorëve, me punën tuaj keni rritur besueshmërinë dhe simpatinë e tyre.

Peshqit

Ditë e tensionuar dhe grindje me partnerin/en parashikohen sot për të lindurit e kësaj shenje. Për fat të mirë mbrëmja do të kthehet në normalitet dhe ju do të jeni në gjendje të realizoni synimet tuaja në çift. Beqarët do të jenë më të hapur dhe të prirur për t’u dhënë besim atyre që kanë një tërheqje të madhe ndaj tyre. Projektet për punë do të shumëfishohen dhe gjithashtu me përpjekjet tuaja do arrini t’i zbatoni ato.

Një banesë është përfshirë nga flakët në Belgjikë, dhe si pasojë kanë humbur jetën shtatë anëtarë të një familje.

Mediat e huaja shkruajnë se zjarri ka ardhur si pasojë e një incidenti dhe në ato momemente familja po flinte.

“Fëmijët, katër vajza nga mosha 5 deri në 14 vjeç, të gjithë ndiqnin shkollën dhe prindërit e tyre ishin të përfshirë në mënyrë aktive në jetën shoqërore të komunitetit. Jam i shkatërruar, kaq shumë të vdekur nga zjarri, nuk kam parë diçka të tillë për 30 vjet”, tha kryebashkiaku Eric Dozon. Kjo tragjedi e ka zhytur në zi këtë qytet që ndodhet midis Namurit dhe Lièges.

Zjarri dyshohet se ka nisur aty ku ndodhej një divan dhe tymi toksik i lëshuar nga djegia e divanit rezultoi fatal për familjen, tha një zëdhënëse e zyrës së prokurorit të Liege. Sipas saj, zjarri mund të jetë shkaktuar nga një qark i shkurtër, nga një qiri ose një cigare e ndezur.

Zjarrfikësit shkuan me shpejtësi në vendngjarje, por nuk mundën të hynin në shtëpinë, e cila tashmë ishte përfshirë nga flakët.

“Kur mbërritëm, fasada ishte kthyer tashmë në një mur zjarri, flakët po e përfshinin ndërtesën nga kati përdhes në katin e dytë”, shpjegoi drejtuesi i tyre, Christoph Zando. Sipas Zando, shtëpia nuk kishte detektorë tymi.

Familjarët e 26-vjeçarit shqiptar, Anselam Senaj, i cili u vra me thikë në Britaninë e Madhe bëjnë me dije se janë mbledhur paratë për të sjellë në Shqipëri trupin e tij.

Ditën e sotme u njoftua hapja e një Go Fund Me, që shqiptarët të kontribuonin sadopak pasi shuma për të sjellë trupin e të riut në vendlindje ishte mbi 10 mijë paund.

Kjo shumë është mbledhur, njoftojnë familjarët, dhe do kryhen të gjithë procedurat e nevojshme që trupi i të riut të prehet në Malësi e Madhe, vendlindjen e tij.

Një punonjës i policisë është përfshirë në një aksident rrugor në Sarandë.

Sipas pamjeve filmike, aksidenti ka ndodhur në rrugën “Skënderbeu”, e njohur edhe rruga e pestë e qytetit, ku mjeti tip “Ford” me targa “AA 460 HU” është përmbysur në mes të rrugës.

Makina është në pronësi të punonjësit të Policisë Kufitare të Borshit, Durim Pashollari.

Forcat e policisë dhe ato të Agjencisë së Mbikëqyrjes Policore kanë mbërritur në vendngjarje dhe po hetojnë për zbardhjen e rrethanave të aksidentit.

Një skandal rrezikon të përfshijë araburgimin e Vlorës.

Përgjegjësja e çështjeve Shoqërore ka kallëzuar zv/drejtorin e institucionit Gentian Manellari duke u shprehur se ai i ka kërkuar 10.000 euro që të qëndronte në pozicionin që ishte.

Në kallëzimin e saj, Fjona Cenodemaj, është shprehur se në datën 10 të këtij muaji, kanë qenë në një lokal në afërsi të fshatit Nartë ku ka qenë dhe në shoqërinë e farmacistit të institucionit Dritan Fejza dhe në një moment sipas saj i kallëzuari i ka thënë ”më jep mua 10.000 euro që të qëndrosh aty ku je”.

Sipas saj nuk i kishte kushtuar shumë vëmendje kësaj kërkese, por 3 ditë më pas i është komunikuar zbritja në detyrë, nga drejtuese në specialiste, ndërkohë që i është përgjigjur në mbledhjen ku ishte i pranishëm dhe drejtori i Institucionit Edi Leka, se paska qenë e vërtetë kërkesa se duhet të paguante për të qëndruar në vendin e punës.

Ajo është shprehur se ndihet në presion dhe trysni ndërsa ka insistuar që të merren kamerat e lokalit P… që është në afërsi të Nartës si dhe të pyetet dëshmitari i cili është farmacisti i institucionit. Sipas burimeve, farmacisti është marrë në pyetje, por nuk dihet çfarë ka deklaruar.

Presidenti turk Tajip Erdogan e ka cilësuar Izraelin një “shtet terrorist”

Presidenti turk përsërit qëndrimin e tij se Hamasi nuk është organizatë terroriste

Presidenti turk Tajip Erdogan e ka cilësuar Izraelin një “shtet terrorist” që kryen krime lufte dhe po shkel ligjin ndërkombëtar në Gaza. Duke folur para ligjvënësve në mbledhjen javore parlamentare të partisë së tij AK, theksoi se se në Gaza po bëhet genocid.

“Ne po përballemi me një gjenocid. Prandaj, tani, qindra, mijëra avokatë po e çojnë këtë në Gjykatën Ndërkombëtare të Drejtësisë në Hagë.

Dhe për shkak se Izraeli po kryen një gjenocid të tillë, ne do të bëjmë një përpjekje për të ndërmarrë të gjithë hapat e nevojshëm në lidhje me gjenocidin dhe për të bërë njoftimin e nevojshëm”, tha ai.

Erdogan i bëri thirrje gjithashtu kryeministrit izraelit Benjamin Netanyahu të tregojë nëse Izraeli ka bomba bërthamore apo jo.

“Unë po i bëj thirrje Netanyahut nga këtu: a keni një bombë atomike apo jo? Thuaje nëse guxon. Por ai nuk mundet. Izrael!

Ti ke një bombë atomike, një bombë bërthamore dhe ju po kërcënoni me këtë. Ne i dimë këto. Dhe fundi juaj tani po vjen. Pa marrë parasysh nëse posedoni një bombë bërthamore, zotëroni çfarëdo që zotëroni, por ju jeni të rrënuar”, tha Erdogan.

Izraeli nuk e pranon publikisht se ka armë bërthamore edhe pse Federata e Shkencëtarëve Amerikanë vlerëson se Izraeli ka rreth 90 të tilla.

Rastet e futbollistëve me probleme në zemër janë shtuar ndjeshëm në vitet e fundit. Pas ngjarjes tragjike në ndeshjen mes Egnatias dhe Partizanit ku Raphael Dëamena ndërroi jetë pasi pësoi arrest kardiak në fushën e lojës, vjen një tjetër lajm i hidhur për një lojtar.

Ish-portieri i Zimbabve, George Chigova, i quajtur “Zikeeper”, ka ndërruar jetë tragjikisht në moshën 32-vjeçare. Pasi pësoi një atak në zemër në korrik, duke ndërprerë karrierën e tij futbollistike, ai së fundmi iu rikthye futbollit, por duket se jo për gjatë.

Sipas asaj që shkruajnë mediat, Chigova është gjetur i pajetë në shtëpinë e tij në Afrikën e Jugut dhe besohet se gjithçka ardhur pas një sulmi në zemër.

Lojtari në fjalë ka luajtur për skuadra të ndryshme si Dynamos, Polokëane City dhe SuperSport United. Portieri, i cili luajti në 30 ndeshje për Zimbabve, përfshirë edhe Kupën e Kombeve Afrikane, lë pas një hisori të vërtetë suksesi në komunitetin e futbollit në Afrikë.

Nuk është më një tabu por është një fakt. Prirjen për t’u orientuar drejt kirurgjisë plastike nuk e kanë vetëm gratë por dhe burrat. Trendi i të dukurit perfekt, pa rrudha në fytyrë, pa ngarkesa dhjamore në trup ka përfshirë edhe meshkujt shqiptarë, me prirjen më të madhe tek ata që shfaqen edhe në median vizive.

Kjo temë u diskutua ditën e sotme në emisionin “Në shtëpinë tonë” në Top Channel, ku i ftuar ishte mjeku estetist, Panajot Papa.

I pyetur ‘a duket se ndërhyrjet estetike ose ndërhyrjet kirurgjikale estetike nuk janë më një privilegj vetëm i femrave, duket se meshkujt janë shtuar pafund tashmë?’, Papa u përgjigj:

“Ne mund të themi që kirurgjia plastike ndahet në dy degë, që është mjekësia estetike dhe kirurgjia plastike e operacioneve. Po të shkojmë të marrim të dhëna në Amerikë, ku kemi të dhëna, mund të themi që trajtimet estetike janë shumë herë më lart se kirurgjia në vetvete. E sigurisht po të shkojmë të shohim anën e pacientëve meshkuj, gjëja e parë që shikojmë është që rreth 1.5 milionë amerikanë kanë bërë trajtimin e botoksit. Domethënë në një popullsi që është rreth 300-330 milionë, është një popullsi shumë e theksuar mund të themi. E po të shohim trendin kemi një rritje shumë të lartë. Kirurgjia plastike ose mjekësia estetike është një nga gjërat më të bukura në momentin që bëhet bukur. Në momentin që ti ose pacienti jashtë, ose miqtë e tu të shikojnë dhe të thonë ‘ti ke bërë diçka’, automatikisht aty nuk është suksesi. Suksesi është harmonia dhe harmonia ka të bëjë te fakti që nëse e bën punën tamam në një mjek dhe tjetri nuk arrin të kuptojë se çfarë ke bërë, aty suksesi është më i madh”,

Ndërsa duke folur për në Shqipëri, ai u shpreh se meshkujt kërkojnë ndërhyrje estetike.

“Në Shqipëri nuk është më tabu. Në momentin që miqtë vërejnë që t’i ke bërë ndërhyrje, atëherë trajtimi estetik nuk është bërë mirë. Kompanitë po zgjerojnë trendin duke bërë ndërhyrje dhe për 24 orë, kjo do të thotë që t’i mund ta bësh botoks në mëngjes që të japë efekt në mbrëmje”, tha Papa.

Ky i fundit madje tregoi edhe një rast kur ka shkuar një djalë dhe i ka kërkuar që t’i bëjë buzët si të reperit të njohur, Noizy.

“Më ka ndodhur që më ka ardhur një çun i shoqëruar me dy vajza edhe më thoshte i dua buzët si një këngëtar mashkull. Donte të frynte buzët. Ai këngëtari mund t’i ketë vetë se ia ka dhënë mami dhe babi. I donte si Noizy”, tha kirurgu estetik.

Doktori sugjeron që duhet të kenë kujdes me mënyrën dhe vendin ku zgjidhet për të bërë ndërhyrje.

“Një pacient përballë një mjeku e ka ndarë mendjen. Por mjeku duhet ti thotë që cila është më e mirë për të. Botoksi dhe ndërhyrjet pa kulturën e duhur është një dëm kolosal për veten”, tha mjeku.

Mbrëmjen e të martës së 14 Nëntorit, humbi jetën si pasojë e një aksidenti në punë 26-vjeçarja shqiptare Anila Grishaj.

Fillimisht u raportua se diçka duhet të kishte shkuar gabim me makinerinë, e cila aksidentalisht i zuri kokën punëtores së re.

Megjithatë, Prokuroria, pas inspektimit nga Komisioni Hetimor në Treviso, ka nisur hetimet për mundësinë e vrasjes nga pakujdesia, shkruan LaRepubblica.

Aksidenti, thuhet nga burimet hetimore, mund të jetë shkaktuar nga një gabim njerëzor.

Sipas tyre, mekanizmi që shkaktoi traumën fatale është aktivizuar pa dashje nga një koleg i viktimës.

26-vjeçarja shqiptare ishte në një pozicion të rrezikshëm, por me besimin se pajisja ishte çaktivizuar.

Megjithatë, në kuadër të hetimeve, makineria në fjalë është sekuestruar.

Mëngjesin e sotëm, sindikatat organizuan një protestë jashtë uzinës, punonjësit e së cilës nuk kanë asnjë anëtar në sindikatë. Megjithatë, synimi i shoqatave është të kërkojnë një takim për të trajtuar më me kujdes çështjen e sigurisë në punë.