Category: Lajme

DASHI

Nëse doni që gjërat t’iu shkojnë mirë sot, mundohuni të mos kërkoni të kontrollon gjithçka dhe të ngulmoni të dalë e juaja. Dielli do jetë shumë i favorshëm për jetën sentimentale të ju çifteve. Ai do e mbrojë atë dhe do shtojë komunikimin. Saturni nga ana tjetër do favorizojë dashuriçkat e beqarëve. Do njiheni me një person interesant me të cilin mund të krijoni një lidhje shumë të bukur. Në punë duhet të jeni më të vëmendshëm dhe striktë. Merrni guximin të provoni gjëra të reja dhe nuk do dilni të humbur. Kujdes me financat. Hëna do iu nxitë të shpenzoni pa kufij dhe ky mund të jetë fillimi i rrënimit tuaj.

DEMI

Ditë negative do jetë kjo e sotmja. Keqkuptimet do jenë të shumta në çdo fushë. Nën ndikimin jo shumë të mirë të Plutonit, jeta juaj në çift do hyjë në një periudhe tensioni. Bëni çmos ta rregulloni sa më shpejt situatën duke dialoguar sa më qetë. Mos i lini keqkuptimet t’ua prishin atë që keni ndërtuar deri tani. Ju beqarët do keni një takim mjaft të veçante dhe duhet të përfitoni sa më shumë. Në punë do jeni shumë kureshtarë dhe do provoni edhe fusha të tjera që më parë nuk keni tentuar asnjëherë. Sipas Horoskopit vip, financat do të përmirësohen ndjeshëm. Sot do blini të gjitha ato që keni menduar prej kohesh.

BINJAKËT

Sot do jeni shumë të përkushtuar për të realizuar sa më mirë disa projekte profesionale dhe mund të lini disi pas dorë fushat e tjera, Nëse keni një lidhje mjafton që t’ia shpjegoni situatën partnerit dhe ai me siguri do dijë të jetë i kuptueshëm. Po e shpërfillët me arsyen se nuk ka çfarë i duhet, do bëni gabimin më të madh. Ju beqarët, sipas Horoskopit vip, do keni shumë dëshirë të takoni dashurinë e madhe, por nuk do keni kohë ta kërkoni. Në punë do ndodhin ndryshime shumë të rëndësishme dhe kjo falë përpjekjeve dhe mençurisë që do tregoni. Financat edhe sot do mbahen goxha mirë.

GAFORRJA

Sot do ndiheni të pasigurt dhe të shqetësuar për gjithçka. Bëni të pamundurën për të menduar disi më pozitivisht dhe keni për ta parë që më mirë do ju ecin gjërat. Horoskopi i së nesërmes i kërkon Gaforres që të jetë veçanërisht i kujdesshëm: mos i nxitoni gjërat, çdo gjë ka kohën e vet. Me shumë mundësi, nuk do të jeni në gjendje të zgjidhni çështjet e diskutueshme dhe të mbyllni borxhet Nëse keni një lidhje sot do gjeni ngrohtësinë e ëndërruar në krahët e partnerit dhe do e kuptoni se sa shumë e doni dhe ju do. Ju beqarët ende nuk do arrini të gjeni personin që do ju përshtatet në çdo pikë dhe do keni frikë të tentoni të hidhni hapa. Në punë do hezitoni të hidhni hapa sepse nuk d jeni shumë të bindur. Dëgjojini me kujdes sugjerimet e kolegëve ë vjetër. Financat nuk do kenë ndryshim nga një ditë më parë.

LUANI

Mërkuri do e bëjë edhe më dinamike ditën e sotme. Do keni edhe më shumë dëshirë për të jetuar. Horoskopi i së nesërmes i rekomandon Luanit të mos refuzojë ndihmën e njerëzve të dashur: këshillat miqësore janë gjithmonë të mirëpritura. Jini të përgatitur për kompromise; pafajësia jote nuk është aq e padiskutueshme sa duket. Nëse keni një lidhje keni për të pasur plot momente pasiononte dhe emocionuese. Zemra do ngrihet peshë dhe do ndiheni më mirë se kurrë më parë. Nëse ende jeni beqarë do realizoni takime vetëm për vetëm me disa persona që dikur i keni pasur shokë klase. Ja që ndonjëherë jetës nuk i dihet. Në punë nuk do e keni asgjë të lehtë sot, por nuk do ndaleni derisa të arrini të përfundoni çdo detyrë të dhënë. Për të mbajtur buxhetin të qëndrueshëm duhet patjetër të ulni shpenzimet.

VIRGJËRESHA

Kjo do jetë ditë kryesisht e favorshme. Nëse jeni në një lidhje do flisni për disa tema delikate me partnerin tuaj. Ai do iu kuptojë dhe do iu mbështesë në gjithçka. Edhe nëse keni pasur probleme do mund të vendosni paqen. Nëse jeni beqarë do keni takime shumë të veçanta me persona që ia vlen të krijoni një lidhje. Në punë shpesh do ju mungojë besimi tek vetja, Horoskopi i së nesërmes i këshillon Virgjëreshës që të lidhen në mënyrë të arsyeshme me detyrat e tyre: mos e humbni kohën e punës kot. Mundohuni të eliminoni çdo surprizë që mund të degradojë cilësinë e punës. Por në fund, me pak mundim do arrini rezultatet e shumëpritura. Mbështetja e të afërmve do jetë e vyer. Fati do iu buzëqeshë në planin financiar dhe gjendja do përmirësohet ndjeshëm.

PESHORJA

Sot nuk do jeni shumë të sinqertë me ata që ju rrethojnë dhe kjo do ju krijojë probleme të njëpasnjëshme. Horoskopi i së nesërmes i këshillon Peshoret të vënë në praktikë aftësitë e tyre diplomatike. Ndoshta keni një bisedë serioze me një partner ose lindin probleme shtëpiake – qëndroni të qetë. Nëse keni një lidhje dëgjojini me kujdes ato që do ju thotë partneri dhe mos e gënjeni për gjëra të rëndësishme. Mbajini edhe premtimet që keni bërë nëse nuk doni debate. Nëse jeni beqarë falë Venusit do lidhni kontakte të reja dhe dikush do ju pëlqejë jashtëzakonisht. Sipas Horoskopit vip, në punë nuk do ju pëlqejë shumë puna në grup, por ja që vetëm ashtu mund të arrini sa më parë rezultatet e planifikuara. Me shpenzimet do jeni të pamatur dhe gjithë kohës do shpenzoni pa bërë llogari.

AKREPI

Sot bëni atë që do mendoni më të logjikshme dhe mos e ktheni kokën pas. Nëse jeni në një lidhje dita do jetë premtuese. Shfrytëzojeni çdo moment kur të jeni pranë atij që dashuroni. Nëse jeni beqarë do ndesheni me dikë interesant në dukje, por pa e njohur mirë nuk duhet të hidhni hapa serioze. Në punë, projektet e reja do duken goxha të ndërlikuara dhe nuk do dini çfarë të bëni. Falë shpjegimit të disa kolegëve besnikë do arrini të zgjidhni çdo gjë. Në planin financiar do keni vështirësi, por duke vënë në pune logjikën do arrini të ndalni problemet e mëtejshme.

SHIGJETARI

Sot do jeni me humor shumë të mirë dhe askush e asgjë nuk do ju pengojë të bëni ato që dëshironi. Horoskopi i së nesërmes i premton Shigjetarit blerje të suksesshme dhe investim fitimprurës. Nëse nuk i kuptoni mekanizmat e tregut të aksioneve, merreni me punët tokësore, për shembull, bëni pazar në kërkim të gjërave të lira, por me cilësi të lartë. Nëse keni një lidhje mund t’i dërgoni mesazhe të koduara, por mjaft seksuale atij që keni në krah. Pasioni në disa momente do jetë i papërmbajtshëm. Edhe për ju beqarët do favorizohen takimet interesante kështu që duhet të përfitoni sa më shumë nëse doni të ndryshoni statusin. Në punë të gjitha përpjekjet e bëra do kompensohen. Mund t’iu ofrohet një pozicion i ri më i favorshëm dhe një shpërblim i majmë me të cilin do zgjidhni problemet financiare.

BRICJAPI

Sot me shumë mundësi do dilni nga monotonia dhe do filloni ta programoni më ndryshe jetën. Horoskopi i së nesërmes i këshillon Bricjapët të harrojnë të gjitha shqetësimet dhe problemet. Tani është koha për të filluar zbatimin e planeve të planifikuara prej kohësh, veçanërisht nëse ato kanë të bëjnë me marrëdhëniet me njerëzit e dashur. Nëse jeni në një lidhje sqarojini fillimisht disa keqkuptime që keni pasur që të mund të dashuroheni të qetë. Po patët besim te plotë tek njëri-tjetri do mund ta çoni marrëdhënien edhe më tej. Ju beqarët nuk do ndiheni ende gati për të ndryshuar statusin tuaj kështu që do preferoni t’i refuzoni disa ftesa që do ju bëhen. Sipas Horoskopit, në punë gjërat do fillojnë të normalizohen goxha. Do jeni shumë më aktivë dhe do tentoni edhe gjëra që dikur i mendonit si të pamundura. Me financat nuk do keni vështirësi, megjithatë pak vigjilencë nuk do ju bënte keq.

UJORI

Sot do jeni shumë të vendosur të mbroni territorin tuaj dhe për këtë gjë mund të bëni edhe sakrifica. Për ju të dashuruarit era do fryjë në favorin tuaj. Do dini mirë si ta organizoni ditën dhe do kaloni momente fantastike pranë të dashurit të zemrës. Ju beqarët nuk duhet gjithmonë të krahasoni një person që do iu joshe me partnerët e shoqeve tuaja sepse as ju nuk jeni si ato. Afrohuni me personin që do ju tërheqë më shumë me shikim të parë. Në punë do jeni më të vëmendshëm dhe nuk do ju dalë asnjë e papritur e pakëndshme. Paratë do mbeten të mira falë këshillave të vyera të familjarëve.

PESHQIT

Sot nuk do jeni aspak ne humor dhe nuk do i duroni dot ata që do ju kundërshtojë ose që do mburren pa të drejtë. Horoskopi i së nesërmes këshillon Peshqit të ndjekin diktatet e zërit të tij të brendshëm – kjo do të ndihmojë në shmangien e problemeve të rëndësishme. Ju të dashuruarit do flisni shumë hapur me partnerin për çdo gjë. Kjo do ju ndihmojë të sqaroheni për gjithçka dhe t’i kuptoni më mirë ndjenjat e njëri-tjetrit. Nëse lidhja juaj është vërtet e fortë nga kjo ditë do nxiten edhe marrje vendimesh të mëdha. Ju beqarët nuk do bindeni nga askush që do ju vërtitet sot dhe do preferoni më mirë të qëndroni vetëm. Në punë do keni kundërshtime të shumta për projektet që po realizoni. Mos e lëshoni veten, por tregojuni atyre personave që gabohen. Në planin financiar do keni reflekse shumë të mira dhe do dini ta menaxhoni situatën në të mirën tuaj. 

Një tërmet me magnitudë 4 është regjistruar sot në orën 17:17 në rajonin Marche të Italisë.

Tërmeti me epiqendër 3 kilometra nga Montelparo, në provincën e Fermos ra në një thellësi prej 21.6 kilometrash.

Tërmeti është ndjerë dukshëm në komunat fqinje, deri në Macerata, Civitanova Marche, por edhe Ascoli Piceno dhe San Benedetto del Tronto.

I ftuar në emisionin “Rudina” këtë të martë, në Tv Klan, është gazetari i njohur dhe i dashur për publikun, Blendi Fevziu.

Ai ka publikuar librin e tij të fundit “Takimet e mia me…”, ku pasqyrohen portretet e 39 personazheve, që kanë dominuar jo vetëm në Shqipëri, por edhe në vende të tjera.

Gjatë emisionit, Fevziu flet për një nga personazhet që ka përfshirë në libër e që shquhet për bamirësinë e saj, Nënë Terezën.

Gazetari rrëfen historin se si është ndeshur për herë të parë me filantropen e njohur dhe ne u sugjerojmë që ta lexoni të gjithë, pasi është me të vërtetë interesante.

Sot Fevziu arrin të qeshë me këtë histori, por për atë që ka bërë Nënë Tereza, ai e ka mbajtur inat për 2 vjet.

Blendi Fevziu: Ka personazhe që i kam pasur të vogla ose ka personazhe të cilët ti i ke njohur në rrethana të çuditshme. Nuk e di, unë ta kam treguar historinë me Nënë Terezën, që është një nga mënyrat si e kam njohur dhe momentet e para kam qenë i nervozuar me të.

Rudina Magjistari: Jo, këtë s’e mbaj mend.

Blendi Fevziu: Nuk e di historinë?!

Rudina Magjistari: Është e rrëfyer këtu apo jo?

Blendi Fevziu: Është e rrëfyer në libër. Unë e kam takuar dy herë Nënë Terezën. Një herë nuk e kam takuar, jemi ndeshur. Herën e dytë i kam shkuar për intervistë, kur Papa Gjon Pali, në Prill 1993, erdhi në Tiranë dhe banonte në një shtëpi ngjitur me shtëpinë e Gramoz Pashkos në atë kohë, rrugën Budi. Shkova atje, me shumë insistime, hyra. I thashë që kërkoja një intervistë, nuk fliste shqip. Më tha, jo tha, nuk jap intervista për këtë gjë. Kjo që po vjen është një mrekulli, por po më fliste me gjithë pritje. Por unë kisha një histori të mëparshme, atë që nuk më kishte dalë akoma inati edhe pas 2 vjetësh. Domethënë, në vitin 1991 Armand Shkullaku dhe unë, bëmë udhëtimin tonë të parë jashtë Shqipërie. Duhet ta kemi parasysh, duhet të vendosemi në kontekstin që një i ri ta kuptojë sot. Ishte hera e parë që dilnim nga Shqipëria, dilnim nga një vend gati në uri. Dhe avioni që hipëm ishte një Avianova, avioni i vjetër që operonte për Alitalian, një herë në javë të shtunave. Na dhanë ushqimin. Ushqimi ishte një paketim plastik, ku ishte futur shumë bukur në një plastikë, si ato që ti merr në çdo kioskë. Një sanduiç, një copë çokollate e vogël dhe një mini lëng portokalli, me gjithë pipën e saj në ambalazh. Dhe ato ishin të gjitha në një kuti. Ne i morëm dhe i konsumuam. Ajo kënaqësia ime që pashë bukë të bardhë, mortadella, domethënë gjëra të jashtme. Tani në kthim i them Shkullakut, shiko i them: ‘Mirë ne hëngrëm 2 javë gjëra të jashtme dhe u kënaqëm, tani t’i çojmë ndonjë gjë time mëje dhe tim ati, që të shikojnë si është ushqimi jashtë. Kështu që ushqimin e avionit unë nuk po e ha, por po e marr me vete.’ Thotë Shkullaku: ‘Mesa pashë unë ishte njëri aty kur erdhëm, që hëngri një ushqim dhe i kërkoi dhe një tjetër stjuardesës. I dha 2.’ Po mirë i thashë unë, po e fsheh njërin dhe po i kërkoj dhe një të dytë. E bëmë llogari që do merrnim nga dy. Hipëm në avion, unë dhe Shkullaku ishim tek 5-sa, e mbaj mend si tani, tek 2-shi ishte ulur Nënë Tereza, vinte dhe ajo nga Roma në Tiranë.

Rudina Magjistari: Shiko, shiko.

Blendi Fevziu: Shiko, Nënë Tereza ka qenë shumë prezente në Shqipëri se tani duket si diçka e rrallë.

Rudina Magjistari: Tani është e shenjtë, jo e rrallë, tani është e shenjtë.

Blendi Fevziu: Edhe ishte ulur Nënë Tereza tek 2-shi. Sa erdhi stjuardesa që të shpërndante paketat, Nënë Tereza u çua, hapi një thes kaf nga këto që kemi sot për plehrat, po të madh fare, u afrua dhe tha: ‘Dio ti benedica, questi sono per i poveri’ (Zoti të bekoftë, këto janë për të vafërit!).

Na i mori ato dhe i futi në thes. Jo vetëm që ma mori dhe mua e Shkullakut e të gjithëve, por shkoi tek stjuardesa i mori dhe çfarë i kishin tepruar asaj edhe nja 8 racione të tjera. I mori në thes. I thashë unë Shkullakut: ‘Po më poveri (të varfër) se ne të dy këtu nuk ka’. Na e mori ushqimin, kështu që unë ika në shtëpi dhe nuk i çova gjë familjes, pasi i kisha lajmëruar që do u çoja bukë të bardhë. Moj nuk më dilte inati për nja 2 vjet. Se njeriu ka dhe disa projektime në kokë, kur mendon që do shkoja në shtëpi me ato dy plastikat, një mami një babi dhe nuk çova dot asgjë. Nuk e di kush e hëngri ushqimin tim në atë kohë në Shqipëri. /tvklan.al

Bas Dost thotë mjaft. Sulmuesi i njohur është tërhequr nga futbolli në moshën 34 vjeçare.

Ky vendim është marrë për arsye shëndetësore. Në fakt, Dost pësoi një atak kardiak gjatë zhvillimit të takimit NEC-AZ Alkmaar dhe arriti të shpëtojë pas një pune vërtetë të jashtëzakonshme të stafit mjekësor, me këta të fundit që në kohë rekord stabilizuan gjendjen e lojtarit.

“Jam i lumtur që jam kthyer në shtëpi dhe do të shërohem tani. Dua të falënderoj të gjithë ata që më kanë mbështetur gjatë kësaj periudhe,” tha Bas Dost.

Bas Dost ka nisur karrierën te Heracles dhe Heerencven, përpara se të transferohej te Wolfsburg dhe gjigandët e Sporting.

https://streamable.com/e/8fj407

(J.S/BalkanWeb)

Altin Rraklli është i bindur që trajnerit Silvinjo i duhet dhënë të drejtë në çdo zgjedhje që bën, pasi po tregon ndeshje pas ndeshje se po vepron në mënyrën e duhur. Ish-sulmuesi i njohur i Kombëtares shqiptare, ka argumentuar se pse vendimet e brazilianit nuk duhen kontestuar, sido që të duken ato nga jashtë.

Në intervistën e tij për “Sport News” në ”News 24”, në bashkëbisedimin me moderatoren Trevisa Tufa, ai është ndalur te ajo që trajneri po i jep Kombëtares, sa afër janë kuqezinjtë me një rekord historik dhe se është situata e sulmit të mbipopulluar ku nuk ka dhënë ende kontributin e tij Armando Broja.

Altin, në bisedën e fundit, ishim live nga Praga. Jo vetëm ishit i bindur që nuk humbnim përballë Çekisë, por gjetët dhe rezultatin në kokë, 1-1. Tani jemi sy e veshë për të dëgjuar parashikimin e radhës. Si del sfida me Moldavinë?

Ashtu rastisi, pasi unë nuk shquhem për gjetje të rezultateve. Unë, duke u nisur nga përformanca e skuadrës, jam besimplotë. Do jetë ndeshja më e vështirë, ndoshta më e vështirë se Çekia. Moldavia është një ekip kompakt në mbrojtje, shumë e vështirë t’i shënosh. Po them 0-1 ose 0-2, nuk pësojmë gola atje.

Askush nuk bën llogari, as Silvinjo e as lojtarët nuk futen në fushë për “X”. Do na mjaftonte dhe një barazim. Çfarë tregon ky detaj?

Është në rregull ajo që thotë trajneri, nuk mund të bësh llogari. 90 minuta janë shumë dhe mund të pësosh gol. Siç sulmove në Çeki, bëj të njëjtën gjë edhe këtë herë. Në momentin që ti shënon, loja do jetë më e rrjedhshme. Trajneri ka të drejtë.

Rraklli, po të shohësh listën e lojtarëve kemi tetë sulmues, reparti me më shumë lojtarë. A ka ndryshuar tashmë filozofia e Kombëtares? A jemi tashmë në një realitet të ri?

Nuk ka ndodhur ndonjë që në listë të ketë më shumë sulmues se mesfushorë. Silvinjo e ka bërë diçka të tillë. Merita i takon atij. Kemi sulmues me tipare mesfushori. Asani në rastin konkret, ai kthehet mbrapa shumë. Broja? Janë situata të brendshme. Në aspektin e përgjithshëm, një lojtar i tillë nuk duhet të lihet jashtë. Uroj të jetë siç thonë. Një përjashtim përfundimtar nuk do ishte e drejtë dhe nuk do ishte diçka e zgjuar. Nëse do isha trajner, do e kisha grumbulluar.

Në sytë e një ish lojtari, që e di se si funksionon dhoma e zhveshjes. është vendim teknik, apo nuk preferon të prishë harmoninë në dhomat e zhveshjes? Nga ana tjetër, si ndikon kjo te një lojtar si Broja që futet në fushë kundër Mançester Siti dhe fiton menjëherë penallti. Ndërkohë, trajneri i Kombëtares e kursen…

Janë probleme të brendshme. Nëse Broja ka kërkuar të luajë me patjetër, vendimi i trajnerit është normal pasi askush nuk mund të vendosë kushte. Ndeshjet e bëra deri më tani janë zhvilluar pa Brojën. Nëse janë probleme që kanë të bëjnë me dëmtimin, apo diçka tjetër, nuk e dimë. Duhet të besojmë atë që thotë trajneri.

Sa të vështirë do ta ketë Silvinjo të përpilojë listën për në “Euro2024”? Jo vetëm Broja, por mungoi edhe Marvin Çuni, ndërkohë ka dhe tetë sulmues të tjerë, dikë është i detyruar të lërë jashtë…

Na duhet një pikë akoma. Një lojtar për shembull që ka kontribuar në shumë minuta gjatë kualifikueseve, normal që do grumbullohet.

Dua të ndalem edhe te një detaj tjetër. Silvinjo nuk ndryshon kurrë në lidhje me qendrën e sulmit. I beson verbërisht Çikalleshit, por Çika është i vetmi sulmues që nuk ka shënuar asnjë gol në këto kualifikuese. Pse insiston Silvinjo në këtë pikë, çfarë sheh ai? A duhet të provojë diçka ndryshe në këto dy sfida të fundit?

Silvinjo është trajner i ri, nuk i njihte emrat. I çmontoi lojtarët, duke u marrë më të mirën dhe duke parë te ata, atë që mund të bëjnë në fushë. Çikalleshi është një lojtar që rrezikon, por bën mirë edhe kur kthehet mbrapa. Nuk ka shënuar, por ka punuar shumë. Me këto rezultate, trajneri ka të drejtë me lëvizjet e bëra.

Në këto 6 ndeshje besoj e kemi krijuar të gjithë një ide shumë të qartë mbi këtë ekip. Në këndvështrimin tënd, ku mund të përmirësohemi akoma më shumë. Çfarë mund të bëjmë më mirë?

Nuk e di, duke u nisur nga ndeshjet e fundit, ka ardhur në maksimumin e vet. Çdo gjë ka funksionuar në mënyrë perfekte. Nuk pësojmë dhe nuk lejmë hapësira, kjo është baza.

Kthehemi pak te sfidat me Moldavinë, çfarë ndeshje pret? Është një rival që na sjell fat, por nuk kanë humbur kurrë në shtëpinë e tyre.

Ndeshja më e vështirë, u duhet patjetër fitorja. Ata do lenë hapësira mbrapa, pa diskutim. Nuk e di nëse do jetë gati Moldavia të përballojë presionin. Ne nuk e kemi presionin e madh.

E nisëm me parashikim e mbyllim me parashikim, me sa pikë e mbyllim këto kualifikuese? Jemi në kuotën e 13 pikëve.

Do thyejmë rekord, e mbyllim me 19 pikë.

Një fermë e madhe kanabisi u shkatërrua pasi policia britanike, e cila gjeti një hyrje sekrete nga dera fqinje pas një frigoriferi.

Dy të rinj shqiptarë po kujdeseshin për fabrikën e drogës, ku njëri prej tyre tha se ishin vendosur aty nga kontrabandistët.

Sipas mediave britanike operacioni u zhvillua në Alnwick , Northumberland, ndërsa raportohet se disa dhoma ishin konvertuar për të rritur qindra bimë kanabisi.

Personat e arrestuar janë Klajdi Shehu 23 vjeç dhe Klajdi Miraka 33 vjeç, ky i fundit ndodhej i fshehur në papafingon e banesës.

Ndërkohë Klajdi Shehu mohoi përfshirjen në prodhimin e kanabisit.

Te dy shqiptaret u deklaruan fajtorë për prodhimin e kanabisit dhe secili u burgos për gjashtë muaj nga gjykatësi Stephen Earl.

Avokati mbrojtjes i Mirakës u shpreh se ai “vuan nga apnea e gjumit e cila kërkon oksigjen kur fle. Ai nuk e ka marrë atë trajtim në paraburgim, pavarësisht kërkesave të shumta. Ai e di se do të kthehet në Shqipëri ku do të ketë mjekimet e tij”.

Ndërkohë avokati i Shehut tha: “Ai erdhi nga Shqipëria duke kërkuar të punojë në mënyrë legjitime. Ai është thellësisht i penduar që ra në veprimtari kriminale dhe e zhgënjeu nënën e tij. Ai dëshiron të kthehet në shtëpi për ta mbështetur atë.”

Një ngjarje tragjike ka ndodhur sot në Itali, me pasojë vdekjen e një 26-vjeçareje shqiptare.

Ngjarja ka ndodhur në Pieve di Soligo, ku 26-vjeçarja, Anila Grishaj,  ka qenë duke punuar në një kompani që merrej me prodhimin dhe tregtimin e ushqimeve të ngrira.

Sipas mediave italiane, vajzës shqiptare i ka ngecur koka në një prej makinerive. Edhe pse kanë ndërhyrë për ta ndihmuar, goditja ka qenë fatale.

Pritjes i erdhi fundi! Sipas Zëri.ai, Ledion Liço do të prezantojë edicionin e tretë të “Big Brother Vip Albania”.

Siç u përfol, këtë vit reality-show i famshëm nuk do i besohet prezantueses Arbana Osmani.

Moderatorja thuhet se ka ndërprerë ‘negociatat’ për shkak të një ‘ngërçi’ me administratorët e televizionit, që mendohet se ka lidhje me kompesimin financiar.

Vendin e saj këtë vit do ta zërë Ledion Liço i angazhuar së fundmi si producent në “Top Channel”. Liço është përgatitur për rikthimin në ekran, kjo edhe falë projekteve të fundit si “A live night” apo filmi “Në kuadër të dashurisë”.

Përpos kësaj, Ledioni ka prezantuar më parë sezonin e tetë të “Big Brother”.

Dafina Zeqiri mbetet një nga këngëtaret më të përfolura të vitit 2023.

Koncertet e saj shumë të frekuentuara nga publiku, ku këngëtarja nuk ngurron të elektrizojë skenën me performacat e saj.

Kështu edhe në një koncert të fundit ajo i ka habitur të gjithë me veprimin e saj. Dafina iu është afruar disa fansave dhe i ka lejuar që t’i prekin të pasmet.

Video është bërë virale në rrjetet sociale.

Video Player

Një djalë i ri ka humbur jetën këtë të hënë në Skënderaj të Kosovës. I riu i identifikuar si Betim Spahiu, që ka humbur jetën në rrethana ende të paqarta, është vëllai i kryesues së Kuvendit Komunal, Adelina Spahiu.

Lajmin e ka dhënë kryetari i komunës, Fadil Nura, përmes një postimi në rrjete sociale.

“Thellësisht i prekur nga lajmi i zi për vdekjen e bashkëqytetarit tonë, Betim Spahiu! Në këto momente të rënda, bashkëndjejmë dhembje me kryesuesen e Kuvendit, Adelina Spahiu, për vdekjen e vëllait, familjen e ngushtë e të gjerë dhe të gjithë të tjerët!

Në emër të Komunës së Skenderajt, shpreh ngushëllimet më të sinqerta! Lamtumirë, Betim!” shkruan ai.

https://web.facebook.com/fadilnuraks/posts/932021971829644?ref=embed_post