Category: Lajme

Aktori i njohur i humorit, Bes Kallaku, i është bashkuar dhimbjes së miqve dhe kolegëve, duke ndarë me ndjekësit një kujtim të veçantë me të ndjerin Shpat Kasapi.

Në një video të publikuar së fundmi, e cila duket se i përket arkivave të tyre personale, Besi dhe Shpati shfaqen në momente gëzimi, duke qeshur dhe duke u përqafuar me njëri-tjetrin.

Krahas pamjeve që tregojnë raportin e ngushtë mes tyre, aktori ka vendosur mbishkrimin e ndjerë: “E mor Shpat vëllai”, të shoqëruar me një ikonë loti, duke shprehur kështu trishtimin e thellë për këtë humbje të parakohshme.

Kjo video rikthen edhe një herë imazhin e Shpatit plot jetë dhe buzëqeshje, ashtu siç miqtë e tij kanë zgjedhur ta kujtojnë.

Video Player

Shtetet e Bashkuara të Amerikës duket se i ka dhënë një tjetër goditje të rëndë politike dhe diplomatike kryeministrit Edi Rama, duke e lënë sërish jashtë dyerve të një eventi të nivelit të lartë dhe duke ngrirë edhe më tej raportet mes tyre. Në një mbrëmje që u shndërrua në skenë të tensioneve të heshtura diplomatike, Dhoma Amerikane e Tregtisë (AmCham) i hapi dyert Presidentit Bajram Begaj, ndërsa kryeministrit Rama dhe qeverisë së tij jo.

Në fotot zyrtare të shpërndara në rrjetet sociale nga ambasada e SHBA në Tiranë, mungesa totale e përfaqësuesve të qeverisë ra në sy si një “shuplakë” e ftohtë politike.

Ceremonia e 25-vjetorit të AmCham u kthye në arenën, ku SHBA dërgoi një mesazh që nuk kishte nevojë për përkthyes: korrupsioni po dëmton seriozisht marrëdhëniet dhe klimën e biznesit.

E Ngarkuara me Punë e ambasadës së Shteteve të Bashkuara në Tiranë, Nancy VanHorn, foli me tone të drejtpërdrejta, duke theksuar se Shqipëria vijon të ngecë në transparencë, konkurrencë të ndershme dhe luftë ndaj abuzimit me pushtetin.

Në sallë, fjala “korrupsion” kumbonte më fort se muzika e ceremonisë, ndërsa të pranishmit lexonin mes rreshtave një paralajmërim të qartë ndaj qeverisë shqiptare. Sipas saj, tregu shqiptar rrezikon të mbetet terren i mbyllur për investitorët seriozë amerikanë, nëse rregullat nuk bëhen të barabarta për të gjithë, dhe jo vetëm për oligarkët e privilegjuar.

Prapaskenat
Por kjo nuk ishte thjesht një deklaratë, ishte kapitulli i radhës i ftohjes së ndjeshme në marrëdhëniet Rama-SHBA. Që nga zgjedhjet parlamentare të 11 majit, sinjalet nga Uashingtoni kanë qenë të zymta për kryeministrin: urimet e Departamenti Amerikan të Shtetit (DASH) iu drejtuan vetëm popullit, jo qeverisë.

4 Korriku (Festa e Pavarësisë së SHBA në Tiranë në vitin 2025) kaloi pa ftesë për Ramën, ndërsa vizita e anijes së ushtrisë amerikane në bregdetin e Shqipëri u zhvillua pa praninë e tij. Edhe urimet festive (festat e 28-29 nëntorit) nga ambasada, Departamenti i Shtetit, Presidenti Donald Trump kanë shkuar drejt presidentit Begaj dhe qytetarëve, duke konsoliduar idenë e një distance të theksuar diplomatike.

E gjithë panorama e këtij viti politik krijon ndjesinë e një “akulli diplomatik” që po zgjerohet mes SHBA dhe Kryeministrit Rama. Ndërkohë, në eventin e AmCham, Presidenti Begaj u shfaq si i vetmi përfaqësues i lartë i shtetit, duke marrë vëmendjen dhe nderimet që dikur ndaheshin mes institucioneve.

Mes dritave të festës dhe buzëqeshjeve diplomatike, u lexua qartë një nëntekst i fortë se, partneriteti strategjik SHBA-Shqipëri qëndron, por jo domosdoshmërisht me të njëjtët aktorë në qendër të skenës. Pra me këto sinjale të njëpasnjëshme, raportet mes SHBA dhe kryeministrit Rama duket se janë ftohur edhe më tej, duke krijuar një distancë që tashmë është e pamundur të maskohet.

Më poshtë po pasqyrojmë fjalën e plotë të të Ngarkuarës me Punë të SHBA në Tiranë, Nancy VanHorn në 25-vjetorin e themelimit të Dhomës Amerikane të Tregtisë.

Ja fjala e plotë e diplomates amerikane, Nancy VanHorn
“Zoti President, Grant, Neritan, anëtarë të Dhomës Amerikane, të ftuar të nderuar, pjesëtarë të trupit diplomatik dhe miq – mirëmbrëma. Është nder të jem me ju sonte për të festuar 25-vjetorin e themelimit të Dhomës Amerikane të Tregtisë në Shqipëri. Dhe ndërsa festojmë këtu sonte, më kujtohet diçka që ka thënë Presidenti Trump: “Më pëlqen të mendoj gjerë. Nëse doni të mendoni, është më mirë të mendoni ide të mëdha.”

Dhe mendoj se kjo ndjenjë përmbledh në mënyrë të përsosur frymën e ambicies dhe të inovacionit që nxit bizneset amerikane dhe partneritetet e tyre në të gjithë botën. Duke folur për idetë e mëdha, 25 vjet më parë AmCham u themelua me një vizion të guximshëm – siç e përmendi Grant – për të shërbyer si një urë lidhëse mes komuniteteve të biznesit amerikan dhe atij shqiptar, dhe për të nxitur një mjedis që u mundëson kompanive të konkurrojnë ndershëm dhe të lulëzojnë.

Sot, Dhoma Amerikane përfaqëson më shumë se 250 kompani – mendoj se dëgjova 276, e jashtëzakonshme – dhe është bërë një nga zërat më të respektuar në peizazhin e biznesit në Shqipëri, duke mbështetur transparencë, përgjegjshmërinë dhe praktikat e ndershme të biznesit. Sepse kjo është edhe diçka tjetër për të cilën Presidenti Trump ka qenë shumë i qartë: Atij i pëlqejnë marrëveshjet e ndershme.

Shqipëria vazhdon të punojë drejt një mjedisi më të përmirësuar biznesi, por ende mbeten disa sfida të rëndësishme. Garantimi i konkurrencës së ndershme, duke përfshirë luftën kundër korrupsionit, dhe rritja e transparencës rregullatore janë thelbësore për të çliruar potencialin e plotë ekonomik të Shqipërisë.

Krijimi i një “fushë loje të barabartë” mund të sigurojë që bizneset amerikane të veprojnë dhe të kenë sukses këtu, si dhe të tërheqë më shumë investime amerikane. Udhëheqja e Dhomës Amerikane mbetet tepër e rëndësishme për çuarjen përpara të këtyre reformave dhe forcimin e zërit të komunitetit të biznesit.

Gjatë vitit të kaluar, siç dëgjuam në video mesazh, kemi parë disa arritje të vërteta që dëshmojnë ndikimin e mbështetjes së Dhomës Amerikane. Për shembull, sistemi tatimor është bërë më i drejtë dhe më i balancuar falë ndryshimeve të rregulloreve të TVSH-së për shërbimet.

Ndërsa rregullimi i Vendimit të Këshillit të Ministrave për tarifat e projekteve të energjisë është një hap tjetër i madh përpara, duke hapur rrugën për më shumë investime dhe më shumë inovacion në sektorin e energjisë në Shqipëri.

Këto janë vetëm disa shembuj të progresit domethënës që Dhoma Amerikane nxit çdo ditë. Ambasada e Shteteve të Bashkuara është krenare që është partnere me ju në këto përpjekje.

Faleminderit për përkushtimin tuaj ndaj mirëqenies sonë të përbashkët dhe gëzuar për 25 vitet e ardhshme dhe më tej”, deklaroi këtë të mërkurë (dy ditë më parë) e Ngarkuara me Punë e HBA në Tiranë, Nancy VanHorn në 25-vjetorin e themelimit të Dhomës Amerikane të Tregtisë.

Një numër i madh nxënësish dhe stafi janë duke munguar në një numër të madh shkollash në Mbretërinë e Bashkuar për shkak të shpërthimeve të gripit dhe viruseve të tjera, duke mbyllur shumë prej tyre përkohësisht. Drejtuesit e shkollave pohojnë se situata po ngjason me periudhën e pandemisë Covid-19.

Një nga rastet më të prekura është St Martin’s në Caerphilly, Uellsi, ku më shumë se 250 nxënës dhe mësues u sëmurën, duke u rikthyer te mësimi online. Simptomat përfshijnë të vjella, diarre, temperaturë të lartë, kollë dhe lodhje, me një periudhë rikuperimi prej rreth shtatë ditësh.

Daily Mail raporton se në County Londonderry, 170 nxënës munguan në një ditë për shkak të sëmundjeve të ndryshme. Shkollat britanike po përballen me një grip të veçantë, i njohur si H3N2 “supergripi”, që po përhapet më shpejt dhe shkakton simptoma më të rënda. Londra ka trefishuar numrin e pacientëve të shtruar me grip krahasuar me vitin e kaluar, shkruan A2 CNN.

Autoritetet shëndetësore po rekomandojnë përdorimin e maskave për të reduktuar përhapjen e virusit, ndërsa NHS paralajmëron për një valë të madhe infeksionesh dhe shtim të ndjeshëm të numrit të të shtruarve në spital.

Gjithashtu, rreth 100 pasagjerë dhe anëtarë ekuipazhi të një anijeje janë prekur nga norovirusi gjatë një udhëtimi nëpër botë. Kjo situatë po shkakton shqetësim të madh në Britani, ku autoritetet paralajmërojnë qytetarët të jenë të kujdesshëm dhe të qëndrojnë në shtëpi nëse shfaqin simptoma. (A2 Televizion)

Nga Adriatik Doçi

Krerët e politikës shqiptare, përfaqësues të Lëvizjes së Dhjetorit dhe të shoqërisë civile, kanë përkujtuar sot 8 dhjetorin e vitit 1990, Ditën Kombëtare të Rinisë. 8 dhjetori ’90 shënon vendosjen e pluralizmit në Shqipëri, tronditjen deri në shkërmoqje të regjimit komunist dhe startimin e një tranzicioni të pambarimtë. 34 vite më parë, një grup studentësh e pedagogësh të Universiteteve të Tiranës, banorë të qytetit “Studenti”, u bënë iniciatorë e protagonistë të kthesës së madhe historike: protestave paqësore që sollën pluralizimin, rënien e komunizmit dhe lindjen e demokracisë.

Për 34 vite me radhë, Sali Berisha ka ushqyer një retorikë të egër, por tërësisht të rreme, ndaj regjimit komunist dhe Enver Hoxhës, një strategji kjo që e ndihmoj për të dalë në krye të Partisë Demokratike dhe kontrolluar këtë parti të paktën deri në shtator të këtij viti, kur ‘biri i tij politik’ Lulzim Basha vendosi ta përjashtonte me kërkesë të Perëndimit.

Disa fotografi ku Berisha shfaqej mes anëtarëve të Byrosë Politike, në krah të Enver Hoxhës, tek oxhaku i Nexhmije Hoxhës dhe në varkë me fëmijët e ish-diktatorit, ia hoqën Sali Berishës maskën e anti-komunistit. Qindra dëshmi, prova dhe fakte të tjera, me kalimin e viteve, nxorën në pah figurën e Berishës si i besuar i regjimit dhe Ramiz Alisë.

Megjithatë në Shqipëri ka ende njerëz dhe militantë të verbër që besojnë se Sali Berisha është një anti-komunist dhe se rrëzoi regjimin. Sot po sjellim në vëmendje 13 dëshmi të protagonistëve të zhvillimeve historike të dhjetorit 1990, të cilët bashkohen në një pikë: Sali Berisha ishte një i besuar i Ramiz Alisë, Nexhmije Hoxhës dhe Byrosë Politike, për të kontrolluar Partinë Demokratike,  Lëvizjen e Dhjetorit dhe të përndjekurit politikë.

1. Ramiz Alia: E çova Saliun tek studentët 

Ish-presidenti Ramiz Alia, një vit para se të ndërronte jetë në tetor të vitit 2011, pasi publikoi një libër me kujtime, duke u ndaluar edhe tek roli i Berishës Berishë në Lëvizjen e Dhjetorit ’90. Alia tregoi lidhjet e ngushta të Berishës me Byronë Politike dhe dashurinë e tij për Enverin. Ramiz Alia rrëfen se si e futi në lojë Berishën për të mbajtur nën kontroll lëvizjen. “Sali Berisha ka qenë anëtar i Partisë së Punës së Shqipërisë, sekretar i organizatës së partisë në Fakultetin e Mjekësisë të Universitetit dhe i Spitalit të Tiranës, bile një nga më fanatikët, i cili kudo fliste vetëm me citate të E. Hoxhës…. Ishte diku rreth orës 18. 00, 19. 00 ose aty rrotull, kur S. Berisha erdhi tek unë, në shtëpi. Hymë drejt e në temë. Saliu më tha se do të shkonte dhe do të bisedonte me studentët, “megjithëse atje nuk kishte studentë të tij (të mjekësisë)”, prandaj nuk njihte të tjerët. E vura në dijeni se, midis organizatorëve të manifestimit, siç më thanë kur takova përfaqësinë e tyre, ishin 2-3 studentë nga Tropoja, kështu që një pikë kontakti mund të gjendej, duke pasur parasysh se edhe vetë Saliu ishte nga Tropoja. Iku. Bashkë me të, me studentët i vazhdonin bisedimet edhe ish-Ministri i Arsimit S. Gjinushi dhe ish-Sekretari i Parë i BRPSH-së L. Bashkurti. Diku nga mesnata, Berisha u kthye përsëri tek unë. Ishte mjaft i shqetësuar (të paktën këtë përshtypje më la) dhe i lodhur”, shkruan Alia.

Ndërkaq, gjatë diskutimeve në mbledhjet sekrete që Ramiz Alia zhvillonte me Byronë Politike në vitet 1990-1991, del në pah qartë se Ramiz Alia e instruktonte Berishën që të kritikonte regjimin në gazetat e vetë regjimit, duke e siguruar se nuk do të internohej. Këto shkrime me natyrë kritike, që kalonin në duart e Ramizit dhe Nexhmijes, Berisha i paraqiti më vonë si ‘provë’ e luftës së tij kundër regjimit komunist.

Në mbledhjen me dyer të mbyllura të dhjetorit 1990, Ramiz Aliaj shprehet “Nuk është fjala më për person. Nuk është kritikë kjo. Dhe ky është qëllimi kur bëhet fjalë për fyerje poshtëruese. Kuptoni? Këta ia thashë edhe Sali Berishës; Po ti në artikullin që shkrove, ti e kritikove Enver Hoxhën mbarë e prapë. Të thirri, prokurori për këtë? Jo, më tha. Po atëherë çfarë më thua për dekret, për çfarë më ankohesh, i thashë. Sepse prokurori nuk e pa të arsyeshme që të të thërrasë. Ti nuk kishe fyerje dhe ofeza në shkrim. Por, unë me ty nuk jam hiç dakord për ato që ke shkruar”.

2. Berisha në ‘90: Mirënjohja e madhe shkon për shoku Ramiz Alia

Një tjetër provë për raportet mes Berishës dhe regjimit është fjalimi i tij në vitin 1990, ku i thur lavde Ramiz Alisë para mijëra qytetarëve që kundërshtonin regjimin. Berisha e konsideron Ramiz Alinë udhëheqësin e demokratizimin e Shqipërisë, me të njëjtën mençuri dhe guxim që ka udhëhequr ushtrinë në betejat çlirimtare, gjatë Luftës së Dytë Botërore. “Në këtë mes, mirënjohja jonë e madhe shkon, së pari, tek presidenti shoku Ramiz Alia, i cili me një mençuri dhe guxim që udhëhoqi njësitë e mëdha të ushtrisë sonë në betejat çlirimtare, udhëhoqi vendin tonë në betejat e reja për demokratizimin e Shqipërisë”, shprehet Berisha.

3. Guro Zeneli: Ja pse Ramizi zgjodhi Berishën për planin e tij

Ish-shefi i kabinetit të Ramiz Alisë, Guro Zeneli, njeriu më i besuar dhe bashkëpunëtori më i ngushtë i i tij, rrëfen se Ramiz Alia zgjodhi Berishën për të kontrolluar ndryshimin e sistemit pa dhunë. “Berisha u caktua se ishte nga Tropoja, ndërsa Xhelili se ishte nga veriu. Këta të dy i caktuan, pasi mendohej se, duke qenë nga veriu, mund të ishin më të besueshëm për studentët. Ideja ishte që të qetësoheshin dhe jo të revoltoheshin. Pra, ideja e Ramizit ishte që studentët ta bënin demonstratën, por të mos kishte revoltime, përplasje dhe konflikte. Por, situata ishte delikate, pasi Xhelili dha urdhrin që të mbahej me forcë protesta. Të shtypej lëvizja. Ramizi nuk e donte këtë gjë. Ramizi kishte plane të tjera. Ramizi e kishte ndjerë më parë erën e ndryshimit që kur i erdhi një letër nga Gorbaçovi, si bashkëstudentë që kishin qenë dikur. Unë e kam atë letrën. E kam lexuar. Në letër, Gorbaçovi, shkruante që sistemi dështoi, të merren masa dhe të bëhej kthesa. Dhe Xhelilin e kishte marrë pranë vetes Ramizi, sepse kishte Byronë Politike, por kjo e fundit ishte e mbaruar (pleq të tërë). Xhelili ishte i ashpër. Është natyra e tij. Mehmet Shehu, përshembull, ishte njeri shumë i zoti, por shumë i ashpër”.

4. Aleksandër Meksi: Kur u rrëzua busti, Berisha u ‘zhduk’

Aleksandër Meksi, ish-kryeministri i Shqipërisë më 1992-1997 dhe njëri ndër themeluesit e PD-së, protagonist i ngjarjeve të viteve ‘90, ka pohuar se Sali Berisha nuk ishte as në shesh dhe as tek studentët kur u rrëzua busti i Enver Hoxhës në vitin 1991. “Kanë qenë tek sheshi së pakut Ben Imami dhe Gon Çika, të cilët u integruan në krye të turmës e sigurisht dhe të tjerë. Këtë e them pasi ishim bashkë të tre, na thirrën turmat, ndërkohë që unë ika sipër te studentët dhe ata vijuan me turmën. (Po Berisha?) Jo. Tek studentët kam qenë vetëm unë atë ditë”, ka pohuar Meksi në një intervistë për Shqiptarja.com, të dhënë në 18 shkurt 2014.

5. Robert Papa: Berisha në makinën e Sigurimit në ’91

Gazetari Robert Papa, dëshmitar i zhvillimeve historike në vitet 1990-1991, ka theksuar se ditën e rrëzimit të bustit të Enver Hoxhës, në 20 shkurt 1991, Berisha është parë në një makinë të Sigurimit të Shtetit. “Berisha nuk ka qenë në shesh për rrëzimin e bustit, madje është parë një FIAT i dyshimtë duke kaluar në kohën kur po shkulej statuja. Pse nuk doli nga FIATI? Pse nuk iu bashkua popullit, por në fakt ka shkuar te zyra e Ramiz Alisë. Shkoi se kishte frikë? Shkoi se e thirri Alia? Apo e çuan të raportojë? Nuk e di! Ai ishte aktiv dhe futej kudo. Berisha ka qenë me Pashkon te Piramida përballë Insitutit 6, afër SHQUPI-t. Aty ka kaluar një makinë e TVSH, dhe Berisha e ka ndalur makinën duke i thënë shoferit: Do më çosh te shoku Ramiz. Shoferi ka bërë një shkelje, ka hipur në makinë te ura e këmbësorëve dhe ka shkuar nga pas Presidencës”.

6. Versioni i Kurt Kolës, ish i përndjekur

“Berisha nuk ka se si të dalë kundër komunistëve, të cilët shkatërruan Shqipërinë. Ishte i sinqertët. Berisha, po të ishte antikomunist, puna e parë që duhet të bënte kur ishte president, duhet të ngrinte një Gjykatë Speciale për të dënuar diktatorin Enver Hoxhadhe regjimin totalitar, i cili pushkatoi mbi 6 mijë shqiptarë dhe burgosi 30 mijë të tjerë. Por, Berisha ishte i besuar i Ramiz Alisë dhe i Byrosë Politike. Ishte lojë e tyre. Po të ishte i djathtë, duhet të kishte dënuar diktatorin për genocid, do të dënonte krimet masive, do t’u kthente pronën pronarëve, do t’u jepte të drejtat të burgosurve dhe të internuarve politikë etj. Nëse do t’i bënte këto, nuk do të ishte një i vendosur dhe njeri i Ramizit. Por, nuk i bëri”.

7. Ilir Demalia: U zbatua Katovica

Ilir Demalia, organizator i shpërthimit të ambasadave, protagonist i lëvizjes për demokrati në vitit ’90, duke iu referua rolit të Berishës, ka pohuar se “Xhelil Gjoni me Ramiz Aline, e C/O luajtën të gjitha levat, mënyrat, njerëzit e tyre, për të shpëtuar kokat e tyre dhe gjakun e familjeve të tyre. Këtë e arritën, jo vetëm për faktin se ishin përgatitur për këtë duke përgatitur njerëzit e tyre, të infiltruar në situatat që do i dilnin jashtë kontrollit siç bënë me studentët dhe ngjarje të tjera më parë, që nga Janari 90-ës deri më dhjetor 1990. Gjoni dhe gjithë kasta komunistëve me ndihmën e atyre që kanë përdorur në zbatimin e Katovicës, shpëtuan gjakun e tyre dhe morën fuqinë ekonomike dhe politike dhe sot, janë më të fuqishëm se dje”.

8. Xhaferr Peçi: Ramizi i besoi Berishës zbatimin e një plani

Xhaferr Peçin, ish-komandant i Gardës së Republikës, njeriu kyç që mbronte jetën e Enver Hoxhës, ka theksuar se Ramiz Alisë i besoi Sali Berishës zbatimin e planit të Katovicës, që konsistonte në ndryshimin e sistemit, por kontrollin nga komunistët. “Sali Berisha hyri në lojë, pasi iu besua zbatimi i marrëveshjes së “Katovicës”. Saliu për këtë do të mbahet mend, pasi shtetin e ndërtuan Zogu dhe Enver”.

9. Xhelil Gjoni: Themeluesit e PD-së konsultoheshin me ne

Ish-sekretar i Parë i Komitetit të Partisë së Punës për Tiranën, Xhelil Gjoni, ka rrëfyer se si themeluesit e PD-së konsultoheshin me përfaqësuesit e lartë të PPSH. “Sali Berisha më ka ardhur në zyrë kur unë isha sekretar i Parë i Partisë së Tiranës bashkë me Besnik Mustafajn kur studentët ishin në protestë… Imami dhe Pashko janë takuar shpesh me mua gjatë kohës që krijohej PD dhe pas krijimit. Të gjitha mësimet që u kemi dhënë i kanë zbatuar një më një. Vetëm se na dilnin jashtë loje kur takonin elementë si Azem Hajdari, që shpërthenin kot. Ai u përkiste elementëve agresivë që krijonin situata tensioni. Një gjë dua të them: kalim më paqësor i pushtetit që është bërë në Shqipëri nuk e gjen në asnjë nga vendet ish-komuniste. Dhe kjo është meritë e Partisë së Punës dhe e njerëzve që e drejtonin atë në atë kohë.

10. Shenasi Rama: Berisha ishte njeriu i sistemit

Shenasi Rama, pjesë e Lëvizjes së Dhjetorit, protagonist i ngjarjeve që sollën përmbysjen e regjimit, ka rrëfyer se Sali Berisha ishte njeriu i sistemit komunist dhe se ishte kudnër rënies së bustit.  “Saliu ishte njeriu i sistemit. Ai e din e që unë di më shumë se shumë të tjerë, sepse gjithmonë kam ditur më shumë se shumë të tjerë, mirëpo, në atë pikë, puna ishte që duhej krijuar ekuilibër. Me Azemin që u turr të mblidhte hajnat e gangsterët, me këta që u turrën të fusnin të gjithë të përdorurit, duhej krijuar ekuilibër, dhe këtë ne e krijuam duke ftuar e inkurajuar, duke iu lëshuar vendin e duke i ngritur të persekutuarit e të lëçiturit. Kjo krijoi shumë pakënaqësi, mirëpo, kjo krijoi edhe ekuilibra të reja në politikën shqiptare. Saliu ishte njeriu që duhej. Vetë Z. Xhelil Gjoni e kishte zgjedhur dhe rekomanduar si për botim tek ZP ashtu edhe për avancim. Dhe duke e parë gjendjen, edhe ne e mbështetëm. Unë e di saktë e pa ekuivoke se Ramiz Alia kishte ndërmend dikë tjetër, mirëpo unë e disa të tjerë zgjodhëm Saliun dhe me 11 Dhjetor u vendos që ky do të ishte pala tjetër. Me një fjalë, ky ishte Makbethi i sistemit dhe unë mendoj se ka qenë zgjidhja më e mirë. Edhe sot, të njëjtën zgjidhje do të kisha bërë siç mendoj se edhe të tjerët do të kishin bërë të njëjtën zgjidhje…. Jo, jo. Saliu ka qenë kundër deri në momentin e fundit, si kundër heqjes së emrit, ashtu edhe kundër heqjes së statujës së Enver Hoxhës, sepse ai kishte një detyrë për të kryer dhe deri aty e kishte lejen. Asnjëherë nuk ka folur kundër Enver Hoxhës, edhe pse kalonte përditë para statujës së tij. Ai e dinte se nga kjo mund t’i ikte koka. Dhe Saliu nuk ishte aq trim, sa të luante me kokën e vet”.

11. Liljana Hoxha: Berisha në shtëpinë tonë

Liljana Hoxha, gruaja e djalit të Enver Hoxhës, ka pohuar se Berisha shkonte në shtëpinë e tyre për ditëlindje, siç edhe vërtetohet nga fotot. “Në vitet 1990, menjëherë pas pluralizmit me parlamentin e parë kur kryetar ka qenë Skënder Gjinushi, PS nëpërmjet elementëve të caktuar kishte fotografi të Sali Berishës në shtëpinë tonë, në ditëlindjen tonë dhe donin ta emetonin atë. Atë ja kisha dhënë unë për kuriozitet një miku. Kur kam marrë vesh se kanë dashur ta emetojnë e kam kundërshtuar, s’e kam lejuar dhe i kam thënë që këto s’janë metodat e mia, nuk të lejoj ta emetosh. Siç nuk do të desha të kishte dalë kjo që ka dalë nga forca të tjera të cilat mbajnë çdo gjë nën dorë, si e si ta vënë kundërshtarin në pozitë të vështirë, siç do të më kishin vënë mua në pozitë të vështirë po të kisha ngecur diku. Por s’kam ngecur dhe s’kanë çfarë bëjnë dhe u ngelet kjo foto për të më luftuar edhe mua përveç Sali Berishës”.

12. Skënder Gjinushi: Porositë e Ramizit për Berishën

Skënder Gjinushi ishte ministër i Arsimit në dhjetorin ’90 dhe pjesë e zhvillimeve në prapaskenë. “Është bërë një takim në komitetin e Partisë së Tiranës të dielën, ku ne kemi takuar Xhelil Gjonin. Na është thënë që të shkojmë e të takojmë studentët sëbashku me Sali Berishën. Që kishte shkuar në Komitetin e Partisë para nesh dhe priste në zyrën e Robert Kolit. Jemi nisur që të shkojmë bashkarisht… U tha se e kërkon Ramiz Alia, ka qënë në zyrën e tij, dhe tha ndër të tjera që në orën 11.00 është lënë takim me studentët dhe e ka lënë doktor Berisha takimin. Ramizi na tha që të shkohet bashkë me Berishën e Lisienin dhe ti takojmë. Pra Ramizi na e tha që është lënë takimi me studentët. Normal që pyeta Ramizin se ku ta gjeja Berishën, që e njihja vetëm si imazh e kisha marrë një përshëndetje prej tij kështu me “korrespondencë” prej tij për diskutimin në Kuvend. Ramiz Alia na tha se është këtu te zyra e Xhelilit, ka dy orë që pret. Por donim të dinim çfarë do thonim zyrtarisht. Nënvizova i kisha takuar të shtunën studentët, ishte rrëmujë, natën, biseda me ta ishte e paorganizuar, aty kam njohur për herë të parë dhe Azem Hajdarin që ishte me një megafon në dorë, që kishin kërkesa ekonomike e politike. Ramizi, me njëfarë qesendie na tha që ti takonim dhe njëherë, ti dëgjonim e t’ju thonim dhe pluralizmin që e kisha thënë unë. Ishte një formë ngacmimi. Ndërkohë kishte mbërritur Sali Berisha në zyrë. Kam pyetur sërish se çfarë qëndrimi do mbajmë, kush është mendimi për pluralizmin. Ramizi tha: të shohim, se siç e ka thënë doktori, si e the ti shoku Sali? Berisha u përtyp, si ata nxënësit e kapur në faj dhe rrinte kokulur s’po përgjigjej. U përgjigja unë duke thënë se doktori në takimin me intelektualët tha që masat e marra kohët e fundit janë më të avancuara se sa psikologjia shoqërore, pra po avancohej më shpejt”.

13. Hamdi Jupe: Berisha tha se vendi nuk ishte gati për pluralizëm

Hamdi Jupe, ish gazetar në gazetën “Zëri i Popullit”, ka treguar debatin mes Ramiz Alisë dhe Ismail Kadaresë në takimin e 10 dhjetorit 1990, si dhe diskutimin e Sali Berishës, i cili asokohe ishte i mendimit se populli shqiptar ende nuk ishte gati për pluralizëm politik. “Doktor Sali Berisha ndërhyn: Unë, në radhë të parë, i përmbahem një shprehjeje: Never say never!. Kurrë mos thuaj kurrë. Unë jam i bindur se në stadin aktual ky popull nuk është i përgatitur edhe po t’ia japësh (pluralizmin partiak – H.J.). Jam për pluralizmin e mendimit”. Ai, pra, tregohet i “kujdesshëm”: edhe “kurrë mos thuaj kurrë”, edhe “ky popull nuk është i përgatitur”. Por ai hedh në sallë një “popël” të padëgjuar: ” ‘Zëri i popullit’ të jetë organ i partisë, jo i Komitetit Qendror”, siç ka qenë për 48 vjet”.

Policia Rrugore po vijon monitorimin e akseve kryesore në Tiranë dhe në qarqe, me qëllim rritjen e sigurisë rrugore për qytetarët.

Gjatë një kontrolli të kryer në Unazën Lindore, përmes mjeteve inteligjente të matjes së shpejtësisë, u regjistruan raste ekstreme, me automjete që lëviznin deri në 244 km/h. Autoritetet e konsiderojnë këtë një rrezik serioz për jetën e drejtuesve dhe përdoruesve të tjerë të rrugës.

Në njoftimin zyrtar, Policia e Shtetit thekson:

“STOP SHPEJTËSISË! Shpejtësia vret jetën!”
Njësia Operacionale e Drejtorisë së Policisë Rrugore, në bashkëpunim me Policinë Rrugore të Tiranës dhe sektorët e policisë në qarqe, vijon monitorimin e akseve rrugore me mjete inteligjente shpejtësimatëse.
Në Unazën Lindore, ku kufiri i lejuar është 80 km/h, Poliscani ka regjistruar shpejtësi deri në 244 km/h – një rrezik ekstrem për jetën e drejtuesit dhe të përdoruesve të tjerë të rrugës. Respektoni rregullat e qarkullimit për të rritur sigurinë në rrugë.”

Policia apelon edhe një herë për kujdes dhe përgjegjësi, duke theksuar se kontrollet do të vijojnë pa ndërprerje.

Belind Këlliçi komunikonte me zyrtarë të lartë të Ministrisë së Infrastrukturës dhe Energjisë që drejtohej nga Belinda Balluku, teksa dyshohet për të organizuar protestat anti qeveri për prishjen e Teatrit Kombëtar. Report Tv ka zbuluar ekskluzivisht mesazhe mes Këlliçit dhe Arbër Avramit, për 6 vite administrator i ‘Albgaz’, majin e vitit 2020, kur vartësi i Balluku i kërkonte deputetit të Berishës sjelljen e protestuesve.

Ishte maji i vitit 2020 dhe kryetari i atëhershëm i Forumit Rinor të Partisë Demokratike, Belind Këlliçi ishte një prej më aktivëve në protestat që bëheshin për Teatrin Kombëtar Më 17 maj godinat e Teatrit Kombëtar u shembën për t’i hapur rrugë ndërtimit të teatrit të ri, ndërsa protestat të fokusuara kundër Bashkisë së Tiranës dhe me akuza të forta ndaj kryebashkiakut Erion Veliaj vijuan edhe disa ditë më vonë.

Belind Këlliçi më 17 maj shoqërohet për në komisariat ndërsa pretendonte në atë kohë se ishte dhunuar edhe nga policia e shtetit. 5 vite e gjysmë më vonë, Report Tv ka zbuluar ekskluzivisht dokumente, që mund të vërtetojnë psenë e ‘devotshmërisë së pashoqe’ të Belind Këlliçit në protestat, kundër Ramës dhe Veliajt, në atë kohë.

Këto komunikime i përkasin datave 19 maj dhe 21 maj 2020. Janë siguruar nga screenshot të zbuluara në telefonat e drejtorëve nën varësi të Ministrisë së Infrastrukturës dhe Energjisë, të sekuestruar në kuadër të hetimeve ndaj ministres Belinda Balluku dhe disa vartësve të saj.

Mesazhet në këto dy screenshot shkëmbehen mes Belind Këlliçit dhe një personazhi tjetër Arbër Avramit. Në atë kohë Avrami ishte vartës i Belinda Ballukut pasi prej vitesh drejtoi kompaninë shtetërore të gazit, “Albgaz”, në varësi të Ministrisë së Energjisë. Arbër Avrami u riemërua edhe dy herë të tjera ngas Balluku në atë pozicion me mandat 3-vjeçar, 6 prill 2021 dhe më 15 prill 2024, për t’u larguar më pas shtatorin e 2024-s. Avrami konsiderohet si një prej njerëzve më të afërt të Belinda Balluku, ndërsa është raportuar kjo fotoja nga mediat më herët teksa shihet vetë kreu i “Albgaz” që shoqëron ministren teksa kryen blerje në dyqane luksoze në Athinë.

Të rikthehemi te mesazhet. Belind Këlliçi me këtë numër telefoni që përfundon me 011, që Report Tv e ka verifikuar që e posedon deputeti i PD, i shkruante Arbër Avramit 19 majin e vitit 2021: “Bëhem dhe unë të enjten. Si të doni”. Zyrtari i lartë, vartës i Ballukut i shkruante po atë ditë vetëm pak minuta më pas“mund të marrësh dhe ca protestues të enjten dhe të na bashkoheni”

Komunikimi vijon të enjten, pikërisht më 21 maj 2020. Nga komunikimi mes tyre duket se protesta është shtyrë. Arbër Avrami i shkruan Belind Këlliçit: “Atëherë nesër, nëse janë dakord të tjerët, të bëhen mbylljet totale”. Gatishmëria e Këlliçit ndaj drejtorit Avramit është 100%: Unë si të doni, sot e nesër.

Pra kreu i FRPD në atë kohë, një prej zyrtarëve më të lartë të opozitës, Belind Kellici, shprehet se është i gatshëm të marrë pjesë “sot e nesër”, duke lënë të hapur datën sipas nevojës së grupit.

Fakti është që më 22 maj 2020, të nesërmen e këtij komunikimi u organizua protesta e radhës kundër prishjes së Teatrit, e organizuar zyrtarisht nga Aleanca për Mbrojtjen e Teatrit. Nën kamuflimin e ‘Aleancës për Mbrojtjen e Teatrit’ u organizuan më pas edhe për vitet në vijim dhjetëra protesta para Bashkisë së Tiranës, me në krye Belind Këlliçin, që kërkonte arrestimin e kryebashkiakut Erion Veliaj.

Vetëm një muaj më parë, ishte vetë Sali Berisha që artikuloi publikisht se Belind Këlliçi u ndihmua nga zv. kryeministrja Belinda Balluku në protestat kundër Erion Veliajt para Bashkisë së Tiranës.

Deklarata e Berishës u bë nga selia blu, ku zv.kryeministren Balluku të pandehur për tunelin e Llogarasë, e quajti si hajduten më të madhe në histori, por tha se ndaj saj nuk do të bëjë protesta dhe flet për një luftë tjetër të brendshme, këtë radhë në kampin rozë.

Një detaj shumë i rëndësishëm për marrëdhënien mes Belind Këlliçit dhe vartësit të Belinda Ballukut, është fakti se Arbër Avrami kishte për një periudhë të gjatë kohe këshilltar të posaçëm vëllain e deputetit të Berishës, Reshard Këlliçi. Vëllai i Belind Këlliçit punoi në institucionin në varësi të Ballukut me një pagë prej 1.9 milionë lekësh të rinj.

Akuzat që protestat e Këlliçit para bashkisë janë financuar nga Balluku janë artikuluar edhe herë të tjera, madje edhe nga ish-zv.kryeministri Arben Ahmetaj në intervistat dhënë tek televizioni i familjes Berisha. Por është hera e parë që dalin fakte që lidhen stafin e Belinda Ballukut edhe me protestat e Teatrit, ndërkohë që në shënjestër të opozitës nuk ishte vetëm Erion Veliaj, por edhe Kryeministri, i cili sapo e kishte emëruar Belinda Ballukun ministre dhe pas dy vitesh i besoi rolin e zv.kryeministres së vendit.

Habit 28-vjeçarja me deklaratën: S’kam pasur ndonjëherë të dashur e as kam puthur por dua të kem një fëmijë.

28-vjeçarja ka thënë se s’ka pasur fare të dashur dhe se nuk ka put hur fare.

Mirëpo ajo ka vendosur që të bëhet nënë.mm.

Ajo thotë: “Unë gjithmonë kam dashur fëmijë dhe nuk mund ta shoh veten duke mos i pasur.

Kjo është arsyeja pse unë doja të ng rija vezët e mia tani, ndërsa ato janë ende të reja dhe të shëndetshme.

Ajo është në një histori dashurie tashmë me Curtis Pritchard. 

Kur jemi të dashuruar, shpesh nuk vërejmë disa shenja që realisht janë shumë të rëndësishme për të kuptuar gjendjen e një çifti.

Shpesh mendojmë se po jetojmë një histori të mrekullueshme dashurie, por në realitet ne kemi një person që nuk na do dhe nuk dëshiron të jetë me ne, shkruan ShkodraNews. Ne shohim anët pozitive edhe kur në realitet ato janë vetëm negative.

Kur bëhet fjalë për dashuri, ne jemi shumë të mirë në kapjen e shenjave të diçkaje që nuk shkon tek çiftet e tjera. Kur është fjala për marrëdhëniet tona, nuk duam t’i shikojmë ato sinjale.

Ka disa qëndrime që mund të vërejmë tek partneri për të kuptuar nëse ai me të vërtetë na do e të tjera që tregojnë se ai nuk na do më, shkruan ShkodraNews. Ja cilat janë shenjat që tregojnë se partneri nuk na dashuron më:

Është i vrazhdë për ju: Nëse është me miqtë dhe me ju sillet ndryshe, deri në atë pikë sa nuk e njihni, nuk ju do më.

Gjithmonë ju fajëson: Kur përpiqeni t’ja bëni atë të qartë, ai zemërohet dhe përpiqet të ju fajësojë për çdo problem.

Biseda të padobishme: Jo interesante, banale, të kota. Dhe këto nuk flasin për të ardhmen. Të paktën, jo për të ardhmen tuaj së bashku.

Dashuria nuk është më e njëjtë si më parë: Natyrisht, e dimë se ndjenja zhvillohet, por rritet, bëhet diçka tjetër, nuk zhduket.

Ai është gjithmonë në botën e tij dhe ju nuk jeni pjesë e kësaj bote, ai kurrë nuk është i vëmendshëm ndaj jush dhe nevojave tuaja.

Ai kurrë nuk ju përfshin në planet e tij: Ai gjithmonë përdor fjalën unë dhe kurrë nuk thotë “Ne”. Ai nuk ka plane për ju së bashku.

Ai gjithmonë preferon të jetë diku tjetër: Ju jeni gjithmonë opsioni i tij i fundit, sepse ai preferon të jetë ..

Unë që po ju shkruaj jam një nënë me dy fëmijë nga një zonë afër Korçës.

Jam martuar para tetë vjetësh me një djalë që jetonte vetëm 40 minuta larg nga zona ku jetoja unë me familjen time.

Për këtë djalin ndërhyri xhaxhai im.Pretendenti, që më pas u bë burri im, jetonte prej disa vitesh në Greqi, bashkë me vëllain e tij.

Prindërit e mi jetonin në Itali dhe unë jetoja bashkë me gjyshen, por kur u fejova, ata erdhën e ndenjën disa muaj derisa u martova unë, pastaj ikën përsëri te vëllai im sepse jetonin me atë.

Gjatë kohës që isha e fejuar, i fejuari im vinte shpesh nga Greqia dhe më trajtonte mirë, por unë nuk isha shumë e entuziazmuar prej kësaj fejese,

e kisha marrë më tepër si diçka që duhej ta bëja sa për sy e faqe, sepse më kishte kaluar koha për t’u martuar.

Të paktën kështu e mendonin prindërit dhe fisi im, sepse unë as që e kisha ndërmend të martohesha.

Djali ishte simpatik e tërheqës dhe kjo gjë më pëlqente, edhe pse në mendjen time nuk ishte e rëndësishme që ai të ishte patjetër i bukur, por ime më,

më thoshte gjithmonë që burri duhet të ketë patjetër autoritet dhe të jetë i pashëm, që të ketë lezet kur të hyjë në derë…

Një emigrant shqiptar që jeton në Itali është refuzuar nga vajza që i kishin premtuar të merrte për nuse. Motivin dhe historinë e tij, ka rrëfyer ai. “Erdha nga Italia për t’u fejuar me vajzën që më kishte pikasur gjyshja, por gjithë mundi më shkoi kot.

Jam 34 vjeç dhe kam shumë vite që punoj e jetoj në shtetin italian. Jam nga Bahçallëku. Kam pasur disa lidhje atje, por asgjë serioze sa me shku deri nē fejesë.

Nuk është se të huajat s’janë të ndershme, sepse kam shokë shkodranë që kanë marrë alamet vajzash italiane, por unë se kam pas risk.

Gjithësesi, para 7 muajsh më thonë prindërit e nana në Skype që më kanë gjet një vajzë shkodrane të kullume, qeshur e të respektume.

Që se ka prek kush me dorë, e as në kafe se kanē pa me kënd. Më nisen emrin në Facebook, e nga fotot më ngjiti direkt. Më pranoi ftesën, edhe me lejen e familjes së saj nisem me fol. Ishte e zgjuar dhe më bënte dhe për të qeshur.Shikovid

Мë bëri shumë përshtypje sepse që në fillim mē tha që do njihemi, nuk do fejohemi veç sepse thanë familjet. Por unë se mora seriozisht këtë fjalë të sajen.Folëm 5 muaj.

Ditë e natë. Unë ja shpreha ndjenjat, kurse ajo më thoshte do t’i them afër. Erdhi momenti me ardh dhe u takuam. Atë natë prisja që të rrija vetëm me të.

E çova në Velipojë tek hoteli ma i mirë e duke darkuar më thotë: Nuk do të fejohemi sepse mua më doli shkolla në Tiranē.

Ajo është 20 vjeçe, por shkolla këtë vit i doli. Dakord i thashë mund të vish ta bësh në Itali. Jo tha dua në Tiranë, e kam ëndërr të studioj e të mos iki nga vendi im. Mē ra si bombë. Ju përkushtova tepër e unë s’jam fëmijë.

Në Itali punoj në një firmë që merret me shtrim pllakash. Ndoshta më ka dashur me shkollë. Familja e saj mbeti shumë keq e na kërkuan falje. Prej asaj nate se kam parë e as kemi folur më.

Ka nis shkollën në Tiranë, por mua më ka mbetur mendja tek ajo. S’di pse sepse unë as nuk e putha.Tani më thotë familja për një tjetër vajzë, por e kam mendjen veç tek ajo dhe s’po di çfarë të bëj…”, shkruaj ai.