Category: Lajme

Rovena dhe Mirela janë dy kunatat që përballen në “Shihemi në Gjyq” nga “E Diela Shqiptare” në Tv Klan për çështjen e një apartamenti në Vlorë.

Mirela ka blerë para disa vitesh dy apartamente në një pallat, njërin prej të cilëve ia ka kërkuar Rovena pasi shtëpia e saj ishte dëmtuar nga tërmeti. Rovena i ka ofruar edhe një pagesë prej 2 milionë Lekësh për qiranë.

Për 3 muaj, Mirela i ka thënë se apartamenti do të jetë gati por konflikti vijon prej një viti e gjysmë. Kur Rovena ka shkuar në këtë apartament sepse ka parë që kondicionerët ishin vendosur dhe mendoi se ishte gati, ka gjetur një banor aty që i ka thënë se shtëpia është e tij.

Ndaj ajo thotë se kunata e ka mashtruar dhe ia ka dhënë shtëpinë dikujt tjetër ndërkohë që ka marrë paratë. Replikat mes tyre bëhen aq të forta sa shkojnë deri në një përleshje që ndërpritet nga moderatori Ardit Gjebrea.

Rovena: Të pëlqeu leku ty? Të pëlqeu shumë?

Mirela: Dëgjo se s’plasa për lekët e tua, për atë 2 milionëshin.

Rovena: Plase, s’plase motër e dashur unë mezi e kam nxjerrë dhe nuk kam takat të punoj më.

Mirela: Moj e çmendur është futur abuziv.

Rovena: E çmendur je ti se ti punon me të çmendurit!

Mirela: E kam për nder që punoj me ata po harroji lekët se s’ke për t’i marrë!

Rovena: E dashur, 30 milionëshin këtu!

Mirela: Po s’ti dhashë lekët çfarë do më bësh?

Mirela: Provoje po s’të dogja si miu ty edhe…

Rovena: Vëllain tënd do djegësh.

Mirela: S’pyes më për nënën që më ka bërë moj!

Rovena: Vëllain tënd do djegësh!

Mirela: S’pyes për nënën që më ka bërë, do të të sjell policinë brenda e do të dal!

Rovena: Kë do djegësh ti? Vëllain tënd? Vëllain tënd do djegësh ti? Shtëpinë? Mua?

Mirela: S’pyes për nënën që më ka bërë kokën, moj merr vesh ti? Moj ndyrësirë! S’pyes për nënën! Përfiton nga djersa ime! Palaço!

Rovena: Unë nuk e gjej gjuhën me këtë lloj njeriu, unë nuk e gjej gjuhën!

Mirela: Moj merr vesh është futur abuziv?

Rovena: Nuk më intereson fare!

Janë të shumta denoncimet e qytetarëve lidhur me produktet ushqimore që blejnë në markete, dyqane apo njësi të ndryshme biznesi. Produkte ushqimore të skaduara, të pakontrolluar dhe shpesh me papastërti, janë këto disa shqetësime që qytetarët konstatojnë në shumë prej dyqaneve të mëdha me emër ashtu edhe nga ato më pak të dëgjuara.

Së fundmi një qytetar i Korçës, klient i EuroMarket denoncon marketin në fjalë për një produkt ushqimor që ka blerë. Denoncuesi shkruan se ka blerë miell në këtë market dhe ka parë që brenda saj ka insekte.

Siç shihet në brendësi vetë produkti është për faqe të zezë, duke rrezikuar shëndetin e klientit konsumator, teksa kjo vjen për një arsye të vetme, moskontrolli nga AKU i marketeve dhe kushteve ku mbahen produktet e konsumit.

Qytetari:

“Pershendetje. E kam blere mjellin ne nje nga supermarketet e korces Euromarket shiko ne cfare gjendje ishte plot me insekte brenda mu shpif ….mjer cfare po konsumojmë…”

Afera që çoi në arrestimin e dhëndrit të Sali Berishës, Jamarbër Malltezi si dhe në caktimin e masës ‘detyrim paraqitje’ për ish-kryeministrin si dhe ndërtuesin Fatmir Bektashi, ka të bëjë me privatizimin e kompleksit ‘Partizani’.

Ndërkohë janë zbardhur detaje të reja nga dosja e SPAK për çështjen në fjalë. Në dëshminë e tij, Isa Tare ish- drejtori i Klubit Partizani rrëfen se i kanë ofruar një apartament që të mos kundërshtonte privatizimin.

‘Në vitin 2005 kur e hoqën Isain nga puna e ka zëvendësuar Afrim Tole. Në kohën që ishte Isai drejtor, po bëheshin përpjekje që klubi Partizani t’i dorëzohej ish pronarëve dhe Isait i është afruar njëri nga këta ish pronarë, emri i të cilit nuk po i kujtohet që i ka ofruar t’i jepte një hyrje në ndërtesat që do të bëheshin në atë territor, por me kusht që Isai të shprehte dakordësinë e tij që ta merrnin atë pronë ish pronarët.

Pjesë e klubit Partizani ka qenë edhe pishina me vendndodhje në Laprakë, saktësisht tek parku i veturave i Ministrisë së Mbrojtjes.’- shkruhet në dosje.

8 punëtorë ngecën të varur në ajër pasi nje skelë u shemb në Sao Paulo në Brazil.

Punëtorët po ndërtonin një pallat në Sao Paulo, Brazil, në fillim të javës, në të cilën u raportua për një viktimë.

Siç shihet, punëtorët e ndërtimit mbesin të varur në kavo çeliku nga lartësia e një ndërtese zyrash, pas shembjes së skelës që i mbante.

Pas tmerrit, punëtorët u shpëtuan një vinç, një helikopter policie dhe disa mjete zjarrfikëse.

“Zhurma ishte e tmerrshme pas shembjes së skelës. E gjithë struktura ra poshtë, nga jashtë nuk shihej ku binin skelat e shembura sepse ishte brenda impjantit të ndërtimit”, tha njëri prej dëshmitareve.

https://vm.tiktok.com/ZMjqWM1Nc/

Dashi

Dite përgjithësisht e qete dhe pa probleme kjo e sotmja për te dashuruarit. Do silleni mire me atë qe keni ne krah dhe do ia vini ne pah gabimet qe mund te beje. Ai do iu kuptoje dhe do iu falënderoje. Beqaret do kenë mundësi pa fund për te takuar persona interesante. Ne planin financiar bëni mire te tregoheni te arsyeshëm dhe te organizuar. Vetëm kështu nuk do keni probleme.

Demi

Jeta sentimentale e te dashuruarve do jete me e animuar. Bashkëpunimi do mbizotërojë gjate gjithë kësaj dite. Beqaret do jene me fatlumet e kësaj dite. Ata do kenë takime mjaft interesante me persona qe ja vlen te krijosh lidhje afatgjate. Planetët do influencojnë negativisht ne planin financiar, kështu qe duhet te merrni masa strikte qe situata mos destabilizohet.

Binjaket

Nuk do e pranoni aspak qe partneri te mos tregohet i sinqerte me ju dhe kjo do krijoje debate te njëpasnjëshme ne çift. Dita nuk do ketë aspak qetësi. Beqaret do kenë shume fat. Pa pritur dhe ne një vend qe as nuk e kishin imagjinuar ndonjëherë do takojnë një person fantastik. Ne planin financiar duhet te vazhdoni te tregoheni vigjilente qe te shmangni problemet.

Gaforrja

Marrëdhënia juaj me personin qe keni ne krah do jete shume e mire sot. Do flisni lirshëm me te dhe do ua shprehni te gjitha ndjenjat. Edhe beqaret do kenë fat ne dashuri dhe do takojnë personin qe kane ëndërruar prej kohesh. Lëreni veten te lire dhe udhëhiquni nga ndjenjat. Financat do jene me te mire për shkak te përmbylljes me sukses te një projekti profesional.

Luani

Dite e mrekullueshme kjo e sotmja për ata qe janë ne një lidhje. As vete nuk e kishit menduar se parteri do mendonte aq shume për t’ua bere qejfin e për t’ua plotësuar dëshirat. Beqaret do kërkojnë me ngulm te krijojnë një familje, por nuk do jene me fat. Ne planin financiar do jeni me te privilegjuar. Nuk pritet as problemi me i vogël kështu qe rrini te qete.

Virgjeresha

Marrëdhënia ne çift nuk do jete ne momentin me te mire sot, megjithatë nuk priten as probleme shume te mëdha. Mundohuni te jeni te arsyeshëm dhe te mos kërkoni shume nga partneri. Beqaret do kenë një dite te zakonshme dhe pa te reja. Ne planin financiar mund te kryeni transaksionet e duhura tani qe është momenti me i përshtatshëm.

Peshorja

Ambienti ne çift do jete shume i ngrohte gjate kësaj dite. Do qëndroni me shume kohe pranë atij qe dashuroni dhe do flisni hapur për gjithçka. Beqaret me mire te mos iu besojnë te gjithë atyre qe do i propozojnë dhe te presin disa dite te tjera për te takuar personin e duhur. Problemet financiare do i zgjidhni një e nga një. Do jeni me te qete ne këtë sektor.

Akrepi

Tensioni ne çift do pakësohet sot dhe do jeni me te gatshëm te bëni tolerime. Edhe partneri nga ana tjetër do iu kërkojë falje për disa fjale qe iu ka thënë. Beqaret nuk do kenë aspak dëshire te krijojnë një lidhje serioze. Ata qe kërkojnë aventura do kenë shume fat. Sektori i financave do vazhdoje te mbetet i njëjtë kështu qe vazhdoni te tregoheni te kujdesshëm me shpenzimet.

Shigjetari

Perspektivat janë te mira për ata qe janë ne një lidhje. Komunikimi do filloje te përmirësohet dhe nuk do mbani me mëri për gjera te kota te se kaluarës. Beqaret nuk do jene me fat dhe do mbetës serish vete. Mire do jete te shoqëroheni me miqtë qe te mos e mbani mendjen tek dashuria. Financat do jene përgjithësisht te mire, por ju nuk do kënaqeni me aq.

Bricjapi

Duhet t’ia shprehni me shume ndjenjat partnerit tuaj sot ne mënyrë qe edhe ai te ndihet me mire. Mendoni t’i bëni edhe ndonjë surprize te këndshme ne mbrëmje për te rindezur pasionin. Beqaret do bëjnë për vete shume persona prandaj duhet te përgatiten për propozime te shumta. Financat nuk do ndikohen nga asnjë planet, kështu qe situata do mbetet e njëjtë.

Ujori

Shume nga ëndrrat tuaja te dikurshme do bëhen realitet gjate kësaj dite. Do jeni ne një mendje me partnerin dhe dita do jete shume harmonike. Beqaret nuk do e kuptojnë sa afër e kane princin e tyre te kaltër dhe do vazhdojnë ta kërkojnë atë neper vende te largëta. Financat do jene delikate, por nuk duhet te luani me lojëra fati sepse do humbni akoma me shume.

Peshqit

Do jeni me te disponueshem ndaj partnerit tuaj gjate kësaj dite dhe do ia plotësoni atij dëshirat. Ai nga ana tjetër ka menduar t’iu beje një propozim shume interesant dhe te veçante. Ata qe janë ende vetëm duhet te durojnë edhe disa dite. Shume shpejt jeta e tyre do ndryshoje rrënjësisht. Situata financiare do filloje te përmirësohet dalëngadalë.

Kreu i Partisë Demokratike Lulzim Basha ka reaguar në lidhje me akuzat e ngritura nga SPAK për ish-kryeministrin Sali Berisha.

“Sot është jetike t’i jepet fund pandëshkueshmërisë. Të korruptuarit duhet të japin llogari para drejtësisë e paratë që u kanë marrë shqiptarëve t’u kthehen mbrapsht.

Paratë që sot shkojnë në xhepat e pushtetarëve të kthehen në të mira për qytetarët”,-shkruan ai.

Postimi i plotë

Sot isha në Dibër ku pash nga afër shqetësimet e tregtarëve për rritjen e çmimeve dhe rënien e fuqisë blerëse të qytetarë që, me buxhetin e vogël në dispozicion, nuk arrijnë të plotësojnë të gjitha nevojat e tyre.

Ky është realiteti prej vitesh – thonë tregtarët. Kjo ka ndikuar në largimin masiv të rinisë duke pamundësuar edhe shfrytëzimin e sektorit të bujqësisë dhe blegtorisë në këtë zonë.

Ata përballen me vështirësi të shumta, që nga mungesa e mbështetjes për shtresat e varfëra, për sektorin e bujqësisë e blegtorisë, mungesa e tregut dhe vendeve të punës, çka ka sjellë dhe rënie të fuqisë blerëse.

Qytetarë të varfër, korrupsion i lartë. Ky është realitetit sot në Shqipëri që po detyron shqiptarët të largohen nga vendi.

Prandaj sot është jetike t’i jepet fund pandëshkueshmërisë. Të korruptuarit duhet të japin llogari para drejtësisë e paratë që u kanë marrë shqiptarëve t’u kthehen mbrapsht.

Paratë që sot shkojnë në xhepat e pushtetarëve të kthehen në të mira për qytetarët.

Ilir Kulla tha se Sali Berisha u braktis në ditën më të vështirë nga mbështetësit e tij.

Sipas tij, Berisha duhet ta priste që do të vinte kjo ditë në momentin që u detyrua të votonin me 140 vota reformën në drejtësi, por ai nuk e priste që do të braktisej në ditën më të vështirë të jetës kur po i sulmohen familjarët e tij.

“Dje e pashë të vrarë Berishën në daljen publike se për herë të parë pa që në një ditë të vështirë, ku priste të mbushur selinë e PD me mijëra vetë, por aty u mblodhën apo jo nja 50 vetë, edhe ata funksionarë të PD.

Është ajo ditë e vështirë që i është druajtur gjithmonë, t’i sulmojnë familjarët. Berisha e di që nuk shkon në burg, ai është 80 vjeç, nëse e godasin te familjarët që janë pika e dobët e tij, ai priste mbështetje”, tha Kulla në një intervistë për Euronews Albania.

Për javën që presim përpara vendi ynë do të ndikohet nga kushte atmosferike relativisht të paqëndrueshme edhe pse orët apo ditët me diell nuk do të mungojnë.

Në këtë mënyrë për ditën e Hënë dhe ditën e Martë moti parashikohet me kthjellime si dhe alternime vranësirash të cilat do të shoqërohen me reshje shiu të izoluara dhe të dobta kryesisht në relievet e larta malore.

Për ditën e Mërkurë dhe atë të Enjte moti parashikohet kryesisht i vranët edhe pse sic u përmend më lartë nuk do të mungojnë orët me diell (kthjellime). Nga orët e pasdites të ditës së Mërkurë deri në orët e mëngjesit të ditës së Enjte përgjatë ultësirës perëndimore priten reshje shiu me intensitet mesatar dhe të lartë. Lokalisht këto reshje do të jenë të rrëmbyeshme në formën e stuhive shoqëruar me shkarkesa elektrike dhe breshër. Në pjesët e tjera të vendit reshjet do të jenë me intensitet të ulët dhe mesatar.

Java mbyllet me ditën e Premte ndërsa moti parashikohet fillimisht me alternime kthjellimesh e vranësirash. Më pas mot i vranët e reshje shiu të herëpashershme. Reshjet në zonën e veriut dhe qendër do të jenë me intensitet hera-herës deri të lartë në formën e shtrëngatave apo rrebesheve.

Vlen për tu theksuar gjithashtu se pritet luhatje e ndjeshme e temperaturave herë në vlerat minimale dhe herë në ato të mesditës (si pasojë e ndryshimit drastik të masave ajrore por edhe elementit të erës). Duke iu referuar elementit të erës ajo pritet përsëri intensive dhe relativisht problematike nga dita e Mërkurë deri ditën e Premte pasdite. Për këto ditë era pritet të fryjë nga kuadrati i jugut dhe shpejtësi mesatare 3-12 m/s ndërsa përgjatë vijës bregdetare dhe lugina era fiton shpejtësi deri në 18-23 m/s duke bërë që dallgëzimi në dete të jetë i lartë.

Mbrëmjen e së shtunës u ekzekutua urdhër-arresti i GJKKO pas kërkesës së SPAK për arrestimin e Jamarbër Malltezit, si dhe masa detyrim paraqitjeje për ish-kryeministrin Sali berisha dhe biznesmenin Fatmir bektashi, të cilët akuzohen për tjetërsim të pronës së ish-Kompleksit PArtizani.

Pas ndalimit të Malltezit, po me vendim të GJKKO-së, këtij të fundit ju sekuestruar edhe disa pasuri, duke nisur nga llogaritë bankare te aksionet në disa kompani.

Pasuritë e vendosura nën sekuestro preventive:

16 pasuri të paluajtshme

6 llogari bankare (në euro, dollarë dhe lek)

45% e kuotave te kapitalit themeltar në shoqëritë “Homeplan” shpk

100 % e kuotave të ‘Magnet IMO” shpk

60% e kuotave Magnet Gym&Fit

“Mbështetur në kërkesën datë 15.10.2023 të Prokurorisë së Posaçme kundër Korrupsionit dhe Krimit të Organizuar Tiranë, Gjykata e Posaçme e Shkallës së Parë për Korrupsionin dhe Krimin e Organizuar Tiranë, me vendimin me nr. 410 datë 20.10.2023, ka vendosur masën e sigurimit pasuror “sekuestro preventive”, për 16 (gjashtëmbëdhjetë) pasuri të paluajtshme në pronësi të shtetasit J. M., 6 (gjashtë) llogari bankare (në euro, dollarë dhe lek) në emër të shtetasit J. M., si dhe kuotat e kapitalit themeltar në pronësi të shtetasit J. M. në shoqëritë “Homeplan” shpk (45% e kuotave), “Magnet IMO” shpk (100% e kuotave) dhe “Magnet Gym&Fit (60% e kuotave)”, thuhet në njoftimin e sotëm në SPAK.

Kujtojmë që Jamarbër Malltezi akuozhet për korrupsion pasiv, pasi gjatë kohës që ka patur vjehriin (Sali Berisha) në pozicionin e kryeministrit të Shqipërisë ka bërë të mundur tjetërsimin e pronave, si dhe akuzohet për pastrim parash në ndërtimin e kullave.

Gjithashtu Sali Berisha akuzohet se gjatë kohës që ka qenë kryeministër i Shqipërisë duke ndryshuar aktet ligjore dhe nënligjore ka mundësuar dhëndrin e tij (Jamarbër MAlltezi) për përfitin pronash.

Ndërsa Fatmir Bektashi (Ortaku i Malltezit), akuzohet për korrupsion aktiv dhe pastrim parash.

GJKKO caktoi masën e sigurisë “detyrim paraqitjeje” për ish-kryeministrin

Gjykata e Posaçme kundër Korrupsionit dhe Krimit të Organizuar caktoi ditën e djeshme masën e sigurisë “detyrim paraqitjeje” dhe “ndalim largimi nga shteti”, për ish-kryeministrin Sali Berisha, pasi e mori të pandehur në lidhje me dosjen hetimore për privatizimin e kompleksit “Partizani”.

Berisha akuzohet për veprën penale, ndërsa raportohet se ish-kryeministrit i është sekuestruar dhe pasaporta.

Por a rrezikon burg Berisha?

Akuza e ngritur nga prokuroria për ish-kryeministrin është e rëndë dhe është e njëjta që rëndon mbi dhëndrin e tij, Jamarbër Malltezi, i cili dje u arrestua në aeroportin e Rinasit. Megjithatë, në rastin e Berishës, mosha është një faktor që e ‘shpëton’ ish-kryeministrin nga burgu, nëse faktohen akuzat.

Për çdo person që ka mbushur 70 vjeç, vetëm për krime të rënda, si vrasje apo gjenocid vendoset masa e dënimit me burg dhe procedohet për ulje të kufirit moshor. Berisha është 78 vjeç, prandaj edhe nëse shpallet fajtor për përfshirjen në privatizimin e kompleksit “Partizani”, nuk do të burgoset.