Category: Lajme

Në tregun e këmbimit valutor shqiptar një dollar amerikan blihet me 99.5 lekë dhe shitet me 100.6 lekë.

Ndërkohë monedha evropiane euro blihet me 105.2 lekë dhe shitet me 105.9 lekë,

ndërsa franga zvicerane sot do blihet me 110.5 lekë dhe do shitet me 111.7 lekë.

Paundi britanik do blihet me 120.2 lekë dhe do shitet me 121.4 lekë.

Një grua dyshohet se është vetë hedhur nga një furgon pasagjerësh që po qarkullonte në aksin e rrugës kombëtare Peqin-Elbasan dhe për pasojë ka gjetur vdekjen.

Ngjarja ka ndodhur rreth orës 08:45 në vendin e quajtur Papër. Viktima është identifikuar si Merushe Gjuzi 55 vjeçe nga Rrogozhina.

Ndërkaq policia ka mbërritur në vendin e ngjarjes dhe po dokumenton prova dhe dëshmi për të zbardhur shkaqet që çuan në këtë ngjarje të pazakontë.

Viktima, njihej prej vitesh si shitëse ambulante e misrave të pjekur.
(BalkanWeb)

Dashi

Dite e tensionuar kjo e sotmja për te gjithë ata qe janë ne një lidhje. Do jeni ndërmjet ambicies profesionale dhe dëshirës për t’i kushtuar kohe familjes suaj. Mos e lini pas dore partnerin sepse situata mund te ndërlikohet shume. Beqaret duhet t’i marrin gjerat si t’iu vijnë. Financat duan një riorganizim tërësor. Vetëm kështu mund te arrini atë qe dëshironi.

Demi

Nëse nuk doni qe jeta juaj ne çift te marre një kthese te gabuar, duhet te mundoheni te largoni rutinën sa me pare dhe t’i shprehni me shume ato qe ndjeni. Beqaret nuk duhet te fiksohen pas te ardhurave te personave qe do takojnë, por pas zemrës se tyre. Financat do jene problematike kështu qe shmangni çdo shpenzim te tepruar.

Binjaket

Do mërziteni mjaft me diçka qe do iu thotë partneri sot dhe nuk do dëshironi fare te qëndroni pranë tij. Mundohuni ta kaloni kohen me miqtë dhe jo te mbylleni ne vetvete. Beqaret do fillojnë aventura te këndshme dhe mjaft emocionues, por për dashurinë e madhe duhet te presin ende. Financat do fillojnë te përmirësohen pak nga pak. Do ndiheni me mire për këtë fakt.

Gaforrja

Do jeni te paarsyeshëm dhe ta pakontrollueshëm gjate kësaj dite ne jetën tuaj ne çift . Kjo do krijoje disa mos marrëveshje me partnerin te cilat do iu mërzitin tej mase. Jeta sentimentale për pjesën me te madhe te beqareve do shkoje me se miri. Ne planin financiar nuk duhet te jepni hua sepse as situata juaj nuk është dhe aq e qëndrueshme. Kujdesuni me tepër për veten.

Luani

Perspektivat janë te mira për jetën sentimentale te çifteve. Do kuptoheni me se miri me atë qe keni ne krah dhe do bëni gjithçka ne bashkëpunim me njeri-tjetrin. Beqaret do bëjnë mire te qëndrojnë edhe sot vetëm. Nuk ka ardhur ende koha për te filluar lidhje serioze dhe disa persona do kërkojnë t’iu lëndojnë. Fati do jete me ju ne planin financiar. Shfrytëzojeni ditën!

Virgjeresha

Asnjë problem nuk pritet gjate kësaj dite ne jetën tuaj ne çift kështu qe përfitoni për te folur mbi diçka qe nuk keni mundur deri me tani. Ai qe keni ne krah do iu dëgjojë me shume kujdes. Beqaret do marrin një propozim te mrekullueshëm dhe mjaft te veçante nga një person qe e njohin prej kohesh. Ne planin financiar shpenzoni aq sa ua mban xhepi, mos e teproni.

Peshorja

Çiftet duhet ta lënë veten te lire dhe te hidhen me sy mbyllur ne detin e pasionit dhe emocioneve. Çdo gjë do shkoje për mrekulli sot. Nëse zemra juaj është ende e lire, mund te keni edhe dashuri me shikim te pare gjate kësaj dite. Lërjani çdo gjë kohës dhe momentit. Situata financiare do jete e qëndrueshme dhe aspak problematike, qetësohuni.

Akrepi

Dite plot ngjyra kjo e sotmja për ata qe janë ne një lidhje. Do kuptoheni mjaft mire me atë qe keni ne krah dhe do i sqaroni te gjitha mosmarrëveshjet qe keni pasur. Beqaret nuk do kërkojnë me ngulm dashurinë, por ne fakt do iu jepet një mundësi e mire për t’u njohur me dike. Ne planin financiar duhet te vazhdoni te tregoheni te matur dhe te kujdesshëm.

Shigjetari

Pozicionimi i mire i Venusit do e ngrohe mjaft klimën ne jetën tuaj ne çift sot. Çdo gjë do e bëni ne bashkëpunim me njeri-tjetrin dhe nuk do mbani aspak mëri. Për beqaret çdo gjë do ndryshoje rrënjësisht. Përgatituni për te papritura te këndshme. Financat do jene te mira për aq kohe sa ju t’i menaxhoni me maturi te ardhurat qe keni. Po e kaluat limitin do keni vështirësi.

Bricjapi

Ne planin sentimental, Merkuri do ketë ndikim shume te madh. Do jeni me te sigurte për dashurinë qe ndjeni ndaj partnerin dhe do ia shprehni atij me tepër ndjenjat. Beqaret do njihen me persona qe nuk kane te njëjtin tip, por qe ka diçka qe do i tërheqë jashtë mase. Financat nuk do ketë asnjë problem. Shpenzoni pak me tepër për gjere te domosdoshme.

Ujori

Mjedisi yjor do ketë ndikim shume te madh ne jetën tuaj sentimentale. Kujdes me çdo gjë qe do thoni apo me çdo veprim qe do bëni nëse nuk doni te keni probleme. Beqaret nga ana tjetër do kenë një dite me te këndshme dhe te mbushur me propozime. Financat do jene te mira për ata qe kane pasur kujdes me shpenzimet, ndërsa për ata qe e kane tepruar do ketë vështirësi.

Peshqit

Mosmarrëveshjet ne çift do jene te shumta gjate kësaj dite dhe nuk do ndiheni aspak mire. Mos vazhdoni me tepër me kokëfortësinë tuaj sepse do keni probleme akoma me serioze. Beqaret do jene te bindur për atë qe duan te bëjnë dhe se ke duan te joshin. Ne planin financiar do jeni kampione te shpenzimeve dhe kjo mund te sjelle probleme.

Në Peru, policia ka goditur fort narko-trafikun, teksa ka ‘shpartalluar’ organizatën kriminale të njohur si “Rolls Royce”. Bëhet e ditur se janë sekuestruar 114 pako me kokainë, që arrinin vlerën e mbi 10 milionë dollarëve amerikanë.

Ndërkohë që mësohet se drejtuesi i organizatës, i identifikuar si Nicola Berishaj, alias “Baba”, është një shtetas malazez. Për të dyshohet se vepronte si emisar i trafikantëve shqiptarë të drogës.

Theksojmë se në bazë të informacionit të autoriteteve peruane, mafia shqiptare shqiptare është një nga më të fuqishmet në Evropën Juglindore.

Sipas agjentëve të antidrogës, organizata kriminale ishte gati të eksportonte drogën përmes portit Chalaco. Nga hetimi u zbulua gjithashtu se Nicola Berishaj, alias “Baba”, hiqej si pastor në një kishë ungjillore për të mos ngjallur dyshime.

Pak ditë më parë, JOQ ALBANIA ishte e vetmja media që publikoi protestën e punonjësve të fabrikës së “Birra Tirana”. Disa punëtorë protestonin për rroga të prapambetura dhe për mungesën e siguracioneve.

Ata shpreheshin se aksioneri kryesor, Irfan Hysenbelliu nuk i kishte paguar, madje kishte edhe punonjës që ishin shkarkuar pa të drejtë.

Menjëherë pas publikimit të lajmit, në redaksinë tonë mbërriti i njëjti shqetësim, por këtë herë në lidhje me një biznes tjetër të Irfan Hysenbelliut. Një ish-punonjëse e “Prestige Resort”, vendi ku hanin dhe pinin qeveritarët, është shprehur se ka dy muaj pa marrë rrogën.

Ajo tregon se atje ka punuar bashkë me nënë e saj dhe që të dyja nuk kanë marrë rrogat. Më pas janë larguar nga puna dhe i gjithë stafi në resort është i ri.

Thënë shkurt, nënë e bijë i kanë humbur shpresat për të marrë rrogat e prapambetura.

Është disi e çuditshme në fakt, që punonjës të pronarit Irfan Hysenbelliu nuk paguhen, ndërkohë që djali i tij, bën jetë luksoze dhe e publikon atë në rrjete sociale tërë karshillëk.

Një emigrant është arrestuar pasi shtirej se pësonte atak kardiak për të shmangur pagesën e faturave në të paktën 20 restorante në Spanjë.

50-vjeçari, me origjinë nga Lituania, do të kalojë 42 ditë pas hekurave pasi nuk ka paguar disa fatura falë skemave të tij teatrale.

Mënyra e tij e aktrimit ishte identike në pothuajse çdo restorant që ai shkonte, shumica e tyre me vendndodhje në Costa Blanca.

“Ai porosiste gjithmonë të zakonshmet, disa gota uiski “White Label” dhe një sallatë ruse, pjatë që “duket se i pëlqen shumë”, tha një pronar restoranti. Ishte e luajtur shumë mirë, ai bëri sikur i ra të fikët dhe ra në dysheme”, tha menaxheri i El Buen Comer.

Një punëtor në Sale&Pepe tha: “Të gjithë kemi marrë një paralajmërim dhe foton e tij. Na thanë të jemi të kujdesshëm dhe të mos i shërbejmë asgjë.”

Për shkak se çdo mos-pagesë ishte një shumë e vogël parash, ajo çfarë ky klient ka bërë konsiderohen thjesht si ‘krime të vogla’.

Megjithatë, pronarët e restoranteve tani po planifikojnë të paraqesin një ankesë të përbashkët që mund ta çojë në burg deri në dy vjet.

Një avokat nga firma prestigjioze Navarra Sancho tha: “Ai ka përfituar nga sistemi ligjor, me gjoba kaq të vogla të papaguara është e vështirë të arrihet një dënim më i gjatë në burg”.

Një qytetar shqiptarë me pagë mesatare 674 euro paguan për ushqimet bazë pothuajse të njëjtat çmime me një qytetar italian që merr mesatarisht 1400 euro.

1 litër vaj 4.8 euro në Itali, blihet në Shqipëri për 3.01 euro. Për një 1 kg mish 10 euro në Itali, ne paguajmë në vendin tonë 10.43 euro. E njëjta ecuri vijon edhe për produktet e tjera si makarona, qumështi apo e veza. Vetëm në blerjen e bukës paguajmë 3 euro më pak se italianët.

Por përse inflacioni në Eurozonë është në rënie dhe në Shqipëri qytetarët vijojnë të paguajnë më shtrenjtë është një pyetje që na mundon të gjithëve dhe njohësit e tregut e kanë një përgjigje

Grupi i ushqimeve është kategoria kryesore që ndikon në rritjen e inflacionit në vend. Në Europë inflacioni, sidomos tek ky grupim vijon të bjerë me zbutjen e efekteve të luftës, por në Shqipëri kjo nuk po ndodh. Ekspertët thonë se abuzimi me produktet e importit vijon të mbetet i lartë.

Për të përballuar çmimet e larta qeveria Meloni në Itali vendosi të ulë çmimet me 10%, duke përllogaritur kështu një kursim deri në 150 euro në muaj për qytetarët italianë. Por sipas ekspertëve kjo është një masë që në Shqipëri nuk do të jepte efekt, nëse nuk kontrollohen siç duhet çmimet e produkteve të importuara.

Marrëdhënia mes një babai shqiptar dhe vajzës së tij po diskutohet masivisht në Itali dhe në Shqipëri.

Heidi Baci, shqiptarja që u bë pjesë e “Grande Fratello” (Big Brother italian) ka lënë në mes garën pas takimit që zhvilloi gjatë spektaklit me babain e saj.

Brenda shtëpisë ajo u njoh me një 47-vjeçar, Massimiliano Varrese dhe filloi të krijonte raport intim me të, por kjo nuk i ka pëlqyer aspak babait të saj, për të cilin tha se partneri është më i madh se ai dhe për më tepër e keqtrajton.

“Mami është e sëmurë, ai është plak dhe të keqtrajton. Eja me mua.Unë nuk të njoh më dhe nuk të shoh më siç ishe më parë. Ti më dukesh si një person tjetër. Nuk ke mundur të krijosh një mur me një person që të vuri nën presion”, tha Genti, babai i Heidit.

Sot në “Shqipëria Live” ka qënë i ftuar miku i Massimiliano, i cili ka folur më tepër për lajmet që qarkullojnë në mediat italiane.

Ai është shprehur sipas mediave italiane, Massimiliano pritet që ta hedhë në gjyq babain e Heidit, për prishje të imazhit, pasi disa herë gjatë spektaklit ai përmendi faktin se Massimiliano ishte shumë i madh për Heidin, madje më i madh se vet ai si edhe lidhur me faktin se ai e keqtrajtonte.

Një aksident i rëndë është regjistruar mbrëmjen e djeshme në Modena të Italisë ku fatkeqësisht ka humbur jetën një 38-vjeçar shqiptar.

Mësohet se viktima është Saimir Gjoka. Sipas mediave italiane makina ku po udhëtonte Gjoka është përplasur me një tjetër makinë duke dalë nga rruga.

Pas përplasjes shqiptari ka humbur jetën në vend. Nga ky aksident është plagosur edhe shoferi i mjetit tjetër një 55-vjeçar i cili ka marrë plagë të lehta.

Për të nxjerrë trupin e pajetë nga makina është dashur ndërhyrja e zjarrfikësve.

Policia rrugore ka nisur hetimet pasi në makinën e viktimës janë gjetur mallra të dyshimte dhe një çantë plot me para.

Policia është në kërkim të pasagjerit tjetër të mjetit, i cili është arratisur pas përplasjes.

Shqipëria po kalon një periudhë të artë, teksa Kombëtarja më në fund po bind me lojë dhe rezultat. Ekipi i drejtuar nga Sylvinho është shumë pranë kualifikimit në Euro 2024, teksa në dy ndeshjet e fundit kualifikuese mjafton një pikë.

Optimizmi është i madh, entuziazmi gjithashtu, ndërsa tashmë nuk na mbetet gjë tjetër veçse të presim për të parë çfarë emocionesh do na dhurojë skuadra. Një kualifikim në Europian, do të ishte i dyti në histori, pas atij të vitit 2016.

Legjenda e Shqipërisë, Lorik Cana u shpreh mjaft i kënaqur për paraqitjet e Shqipërisë, në një intervistë të dhënë për News 24.

A ka sekret suksesi trajneri Sylvinho?

Na bërë pak komunistë, pasi the me yllin në ball (Qesh). Kombëtarja është e përbërë nga yje. Po shkëlqejnë më shumë. kur kemi patur arritjen e parë historike, pritshmëritë janë shumë të vështira. Gjithmonë është e vështirë për të bërë diçka historike, më pas e vështirë është që të përsërisësh suksesin. Këta djem po përgjigjen mirë, po hapin një kapitull të ri. Po e bëjnë me gola nga një dimension tjetër. Nuk është rastësi, pasi po ndodh shpesh.

Besoj se do ia dalim. I kemi të gjitha mundësitë që të mbyllim kapitullin e kualifikimit që në ndeshjen tjetër.

Çfarë ka kjo Kombëtare më shumë?

Duhet ta shikojmë në aspektin e periudhës. Çdo kapitull, çdo edicion ndryshon. Gjëja më historike do mbetet kualifikimi i parë. Teknikisht pritshmëritë janë shumë të mëdha. Kjo e bën meritën e djemve akoma më të madhe. Ne kemi një përbërje me cilësi tjetër. Kemi një skuadër më të talentuar, kemi një skuadër që luan me vetëbesim të madh. Duke mos hequr asnjë presje, është e pamohueshme që merita është e kombëtares që është zgjedhur në grupin 3 të këtij shorti. Në të kaluarën, shorti ka qenë mjaft i vështirë. Duhet të dëshmosh që je i fortë, duhet të mos të ndalemi dhe të kapim vendin e parë.

Çfarë i ka munguar më parë kombëtares?

Po t’i shikosh numrat dhe rëndësinë e një lojtari si Asani, po të jap një shembull. Kur ti luan në një kompeticion, nis gjithçka me Moldavinë dhe vjen një gol në këndin e kundërt, është goli që bëri diferencën. Kur luan me Poloninë dhe është i ngjashëm. Kur luan me Çekinë dhe bën sërish një gol të jashtëzakonshëm, dihet kjo që lojtari ka një meritë të jashtëzakonshme. Fryma e grupit duket. Kjo kombëtare di të mbrohet dhe di të sulmojë.

Çfarë ndjesi të jep shiriti i kapitenit që ti e ke mbajtur me shumë krenar? Pse po ndryshojnë shumë kapitenët!

Elseidi po arrin një numër të madh ndeshjesh me kombëtaren. Ajo që më bën shumë të lumtur ka të bëjë me të mirën e Shqipërisë. Të gjithë ne përfitojmë. Kur shkon një ekip mirë, ne që kemi luajtur dikur, jemi shumë të lumtur.

Përshtypja

Ua thashë edhe në sy pas ndeshjes me Çekinë. Një lojtar që më bën përshtypje është Berat Gjimshiti. Ishte thellbësor në kualifikimin e Euro 2016. Ai bëri gol ndaj Armenisë. Në asnjë moment atë lojtar nuk e kemi parë të ankohet. Unë gëzohem për Berat Gjimshitin.

Çfarë po ndodh me Brojën, është e vërteta mungesa e harmonisë?

Unë Brojën nuk e kam patur mundësinë ta takoj. Jemi shqiptarë të gjithë. Ai djalosh në moshën që ka luan te Chelsea. Kemi një nga sulmuesit e Chelseat, kjo ka rëndësi. Gjithë ky sukses po bëhet pasi lojtarët po gjejnë një lidhje shpirtërore mes tyre. Nuk e shikoj një problem të madh. Duhet dikush që të ketë karakter të fortë.

Qëndrimi në distancë Rama-Kurti në stadium

Çfarë bëjnë ata në axhendën politike, nuk ka të bëjë fare me atë që ndodh në stadium. Rama është tifoz dhe ndjek kombëtaren. E njëjtja gjë vlen për Kurtin, ky i fundit e do po aq shumë kombëtaren. Prezenca e tyre nuk është për të dëshmuar diçka. Kemi lojtarë nga treva të ndryshme. Ata vijnë për dashurinë që kanë për kombëtaren.