Category: Lajme

Kambanat e alarmit kanë kohë që kanë rënë për shpopullimin e Shqipërisë, por tashmë ka ardhur koha për një lëvizje intelektuale patriotike e cila do nxjerrë në pah shkaktarët e vërtetë të kësaj drame shqiptare.

Aktivisti patriot Aulon Kalaja ka njoftuar fillimin e një lëvizje në të gjithë Shqipërinë kundër këtij plani ogurzi të gatuar në kuzhinat antishqiptare dhe i mbështetur nga një kryeministër shipfolës, që ka për qëllim të përzejë shqiptarët.

Në njoftimin e tij në Facebook, Kalaja thekson se kjo lëvizje do të fillojë ditën e nesërme në Lushnjë duke zhvilluar një tryezë diskutimi me qytetarët dhe do të shtrihet në të gjitha qytetet e Shqipërisë, me temë “Shqipëria kundër shpopullimit”.

‘Tragjedia më e madhe që po i ndodh atdheut tonë është braktisja e vendit. Nuk kemi të bëjmë me lëvizje të lirë, por me axhendë të shpopullimit të Shqipërisë. Kjo e vërtetë e madhe nuk i thuhet shqiptarëve, por manipulohet dhe zbukurohet nga politikanët dhe studiot televizve’, shkruan Kalaja.

Postimi i plotë:

Tragjedia më e madhe që po i ndodh atdheut tonë është braktisja e vendit. Nuk kemi të bëjmë me lëvizje të lirë, por me axhendë të shpopullimit të Shqipërisë. Kjo e vërtetë e madhe nuk i thuhet shqiptarëve, por manipulohet dhe zbukurohet nga politikanët dhe studiot televizve. Ky plan ogurzi i gatuar në kuzhinat antishqiptare dhe i mbështetur nga një kryeministër shipfolës, ka për qëllim të përzejë shqiptarët. Ikja nga dheu yt shkatërron familjen dhe shkatërrimi i familjes, shkatërron kombin. Ata duan që të jemi sa më pak, që të na blejnë votën dhe të na sundojnë duke na nxirë jetën dhe që ne të dorëzohemi dhe të ikim nga sytë këmbët.

Prandaj një grup intelektualësh që vendosin Shqipërinë para partisë, po organizohen dhe do zhvillojnë tryeza diskutimi me qytetarët në të gjitha qytetet e Shqipërisë me temën:

“Shqipëria kundër shpopullimit”.

Lëvizja e parë fillon në Lushnje, me 19 tetor, ora 18:00, tek “Eldon Park”.

Ne nuk marim fonde, nuk mbështetmi nga askush, i kërkojmë ndihmë vetëm atyre që janë si ne.

Takimet do jenë të hapura, mikrofoni do jetë i hapur dhe hapsira më e madhe është për qytetarët që tregojnë dramat e tyre në familje.

Kush dëshiron të bashkohet është i mirëpritur, pa dallim.

Me Zotin përpara dhe 🇦🇱.”shkruan ai.

Komisionet në sigurimin e makinave kushtojnë më lirë. Sipas Agjencisë së Mbikëqyrjes Financiare, ato janë ulur me 10%, pas ndryshimeve ligjore në vitin 2021.

Vendosja e një tavani për komisionet e ndërmjetësimit në sigurimet e detyrueshme motorike ka sjellë një ulje të ndjeshme të tyre me rreth 10 pikë përqindje. Pas hyrjes në fuqi të ligjit në vitin 2021, komisionet janë reduktuar, nga 27%, në mesatarisht 17%.

Në konferencën për zhvillimin e sektorit të sigurimeve, Drejtoresha Ekzekutive e AMF, Mimoza Kaçi, tha se sektori i transportit ka përjetuar ndryshime pozitive në skemën e sigurimit.

Tregu shqiptar i sigurimeve ka pasur nivele shumë të larta të komisioneve të ndërmjetësimit në raport me tregjet e tjera në Europë. Madje, në shumicën e rasteve shpenzimet e marrjes në sigurim tejkalonin shpenzimet neto për dëme të paguara.

Italia po vendos kontrolle kufitare në kufirin me Slloveninë dhe Sllovenia tani duhet të vendosë të njëjtën masë në kufijtë me Kroacinë dhe Hungarinë.

Kështu bëjnë të ditur mediat sllovene, duke iu referuar burimeve jozyrtare nga qeveria.

Sipas informacioneve jozyrtare, qeveria sllovene nesër do të vendosë që Sllovenia të vendosë kontrolle kufitare me Kroacinë dhe Hungarinë dhe për këtë do të informojë Komisionin Evropian.

Arsyet, siç u tha, janë parandalimi i terrorizmit dhe krimit të organizuar dhe ndryshimi i kushteve të sigurisë në Evropë dhe Lindjen e Mesme.

Sipas mediave sllovene, masat duhet të zgjasin të paktën dy muaj.

Siç bëhet e ditur më tej, Italia po prezanton të njëjtat masa për Slloveninë.

Ministri i Brendshëm italian Matteo Piantedosi ka njoftuar ministrin e Brendshëm slloven Boshtjan Poklukar për pezullimin e përkohshëm të Shengenit dhe vendosjen e kontrolleve kufitare.

Sipas deklaratave të tyre, ministrat e Sllovenisë dhe Italisë ranë dakord se rruga e Ballkanit Perëndimor, e cila monitorohet nga afër nga shërbimet e sigurisë sllovene dhe italiane, mund të jetë një korridor tërheqës për radikalizimin e mundshëm.

“Ministri Boshtjan Poklukar theksoi domosdoshmërinë e natyrës së përkohshme dhe proporcionalitetit të kësaj mase. Ai i bëri thirrje kolegut të tij italian Piantedosi që masat të jenë proporcionale dhe miqësore ndaj qytetarëve tanë që të mos prishen lidhjet kulturore, miqësore dhe familjare të njerëzve që jetojnë përgjatë kufirit”, shtoi MPB e Sllovenisë.

Të dy ministrat kanë rënë dakord që së shpejti të takohen drejtorët e policisë dhe të merren vesh se si do të zbatohet saktësisht masa dhe më pas masa të njëjta apo të ngjashme të zbatohen në kufirin e Sllovenisë dhe Kroacisë.

Ndërkohë shtojnë mediat rajonale, nga sot edhe Austria ka ndryshuar kontrollin dhe atë në kufirin me Çekinë. Ajo vendosi ta bëjë këtë pasi Gjermania vendosi kontrolle kufitare me Republikën Çeke, Poloninë dhe Zvicrën për shkak të migrimit të paligjshëm.

Vdekja e 3 vjeçarin Braian Spahiu pak ditë më parë në Tiranë, në klinikën e mjekut Roland Xhaxho, bëri që Prokuroria e Tiranës të hapë hetimet. Por, mediat kanë zbuluar një rast të mëparshëm, që tregon se mjeku Roland Xhaxho ka qenë edhe më parë në dyert e akuzës.

Bëhet fjalë për një rast të vjedhjes së shtëpisë së çiftit Xhaxho, nga pastruesja që ata kishin punësuar për t’u kujdesur për një familjare të moshuar dhe për të pastruar, një herë në javë.

Portali “WebLajm” ka publikuar një dokument që tregon se bashkëshortja dhe mjeku Roland Xhaxho kanë kallëzuar pastruesen e tyre me iniciale A.XH për grabitjen e rreth 50 milionë lekëve. Paratë kanë qenë shumica në valutë, 45.900 euro dhe 280.000 lekë (të reja).

Këto para sipas denoncimit të familjes së Roland Xhaxho dhe bashkëshortes së tij ishin kursime të nënës së gruas së doktorit, kursime të mbledhura në 30 vite pension dhe ata e kanë kostatuar vjedhjen vetëm pasi nëna (vjehrra e doktorit) kishte ndërruar jetë.

Pastruesja e cila është vënë nën akuzë rezulton se nuk ka vjedhur para vetëm në banesën e doktorit Roland Xhaho, por po ashtu dyshohet se ka vjedhur sende me vlerë edhe në banesën e vajzës së tij doktoreshës Ina Xhaxho.

Pas denoncimit të familjes Xhaxho, Policia dhe Prokuroria kanë hetuar ngjarjen dhe është bërë i mundur dënimi i pastrueses me 2 vite e 8 muaj burg.

EKSKLUZIVE/ Njihuni me Emin Cekanin!

Ky është taksisti 28-vjeçar i Blue Taxi i cili më 4 shtator ka ngacmuar seksualisht një turiste franceze e cila kishte ardhur për të vizituar Shqipërinë.

28-vjeçari ishte ofruar ta dërgonte turisten deri në Vlorë për 20€. Gjatë rrugës ai kishte nisur të bënte gjeste të turpshme ndaj saj, gjeste që fundosin imazhin e një vendi duke i nxirë fytyrën në botë Shqipërisë në çdo aspekt, jo vetëm atë turistik.

Rasti u denoncua nga një i afërm i turistes në JOQ Albania teksa në mesazhet zanore të rrëfimit të saj të bëra publike në median tonë ishin rrëqethëse.

E reja me zërin që i dridhej dhe e zhytur në lot, përshkruante situatën kur Cekani, baba i një djali të mitur, e kishte ngacmuar seksualisht.

28-vjeçari nga Librazhdi e kishte prekur turisten, me zinxhirin e pantallonave zbërthyer ishte masturbuar në sy të saj. Vajza e tmerruar kishte nisur të qante duke i thënë ta linte të zbriste.

Policia e Shtetit ka vepruar pas denoncimit të rastit në JOQ duke referuar materialet në Prokurori.

Ylli i Kombëtares kuqezi, Jasir Asani ka dhënë një intervistë për median e huaj “Cronache Di Spogliato”.

Ai ka folur për tifozerinë kuqezi, për golat, Silvinjon si dhe ofertat nga kampionatet e huaja.

“Jam i bindur nëse në Tiranë do të kishim “Camp Nou”, shqiptarët do ta mbushnim plot. Jemi të çmendur pas futbollit. Në Shqipëri po na japin një dashuri ekstreme, në rrugë po na quajnë heronj. Kam mesazhet në celular të mbushura, nga mesazhet në Instagram me raste humb dhe ato të familjarëve të mi.

Mendoja se Shqipëria nuk do të më thërriste kurrë më, por ja ku jam në moshën 28 vjeçare, në Shqipërinë më të fortë se kurrë. Silvinjo më ka ndryshuar jetën, më parë asnjë trajner i Kombëtares nuk kishte menduar për mua. Kam lindur në Shkup, kam marrë festë nga Kombëtarja maqedonase, por e kam refuzuar pasi jam ndjerë gjithmonë një shqiptar. Më kujtohet ende telefonata e parë me trajnerin, më ka telefonuar përpara një ndeshje, isha aq I lumtur saqë shënova 3 gola atë ndeshje.

Më kërkojnë në Gjermani, Itali, Arabi dhe Spanjë, në janar do të shkoj në një nga këto kampionatet. Si çdo shqiptar jam i fiksuar pas Serisë A, çdo shqiptar përveç ekipit për të cilin bën tifo në Shipëri ndjek edhe një skuadër të Serisë A. Goli ndaj Polonisë ishte i mrekullueshëm, duhet ta kem parë me mijëra herë. Në një moment mu afrua Shezni dhe më tha: Bravo, nuk e prisja që do të gjuaje nga aty”, deklaroi Asani.

Dy emigrantë ilegalë shqiptarë që u kapën gjatë tenativës për të vjedhur vilën luksoze prej 1.5 mln paundë të një futbollisti në Angli do të burgosen e më pas dëbohen nga vendi, teksa i kishin thënë policisë me ironi: “Shumë mirë bëtë që na kapët, sepse këtu është shumë ftohtë për të qëndruar”.

23 vjeçari Sebastiano Gjoni dhe 26 vjecari Skelidano Koliqi, u arrestuan pasi kishin hyrë në një shtëpi në zonën e vilave të futbollistëve në Cheshire, gjatë të ftohtit të janarit që shkoi.

Policia u sinjalizua për vjedhjen kur rezidentët që gjendeshin në shtëpi telefonuan në numrin e emergjencës 999 pasi dëgjuan zhurma në banesë rreth orës 21.00

Ata më pas kishin thërritur ‘Grabitësit, grabitësit’ dhe ishin mbyllur në një dhomë derisa pas 13 minutash erdhën oficerët dhe kapën të akuzuarit teksa hynin brenda shtëpisë.

Në gjykatë iu tha se Gjoni e Koliqi kishin hyrë ilegalisht në Britani me shpresë të gjenin punë por pasi u kapën nga policia 23-vjeçari kishte komentuar: “Bëtë mirë që na kapët. Është shumë ftohtë këtu, nuk kishim ku të rrinim.”

Me sa u kuptua Gjoni e Koliqi kishin ardhur aty nga baza e tyre 200 km larg në Harringay, në veri të Londrës, por nuk e kishin menduar se do të gjenin njerëz në shtëpi.

Policia zbuloi se Gjoni i cili fliste italisht, gjermanisht e anglisht, kishte kryer një tjetër vjedhje banese disa ditë më herët në një banesë aty pranë.

Në banesë ata kishin marrë një vlerë prej 1000 paundë në bizhuteri e sende luksi teksa nuk kishin gjetur pronarët në shtëpi.

Gjykata e Chester burgosi Gjoni me 28 muaj ndërsa dhe 18 muaj për Koliqi të cilët tani presin depërtimin në Shqipëri.

Prokurori Patrick Gartland, tha se viktimat e moshuara të grabitjes ishin mbyllur në dhomën e gjumit kur dëgjuan grabitësit dhe nisën të jepnin alarmin sa mundnin.

“Gjoni tha në polici se nuk donte të lëndonte njeri dhe ishte i kënaqur që u kapën pasi ishte shumë ftohtë atë natë dhe nuk kishin ku të shkonin”.

Koliqi tha se punonte në ndërtim kur gjente punë për rreth £50 – £60 paundë në ditë dhe se jeton ilegalisht në vend prej vitit 2018.

Duke dhënë dënimin gjykatësi Patrick Thompson tha: “Të zotët e shtëpisë u tmerruan nga të huajt që i hynë në shtëpi. Ju do të kryeni dënimin dhe me shumë gjasa më pas do të deportoheni ne Shqiperi”.

Gjatë orëve të para të mëngjesit të sotëm ka ndërruar jetë Qendresa Llapashtica Ismajli, 26 vjeçarja për të cilën familjarët kërkuan ndihmë për shërimin e saj jashtë Kosovës.

Lajmi u bë i ditur nga bashkëshorti i saj, Erduan Ismajli.

Nëna 26-vjeçare është diagonstikuar me leukemi, ka nevojë për ndihmë “Me pikëllim të thellë dhe zemër të thyer, të dashur familjarë, miq e dashamirë ju njoftojmë se me 17.10.2023 ndërroi jetë më e dashura jonë, Qendresa Llapshtica-Ismajli.

Varrimi bëhet me datë 19.10.2023 në Prishtinë tek varrezat e Dragodanit me namazin e drekes (13:00. Të pikëlluar familja Llapashtica dhe Ismajl”, thuhet në njoftim.

Qëndresa la pas dy vajza, njëra 2-vjeçe e tjetra 2 muajshe.

Ishte diagnostikuar me leukemi akute, shërimi i së cilës fatkeqësisht nuk ishte i mundur të bëhej në Kosovë.

Greqi- Dëshmia e një 25-vjeçareje bullgare, e cila denoncoi një bashkatdhetar 50-vjeçar për shfrytëzim seksual është e frikshme.

Në deklaratën e saj të paraqitur nga dimokratiki.gr, e reja bullgare përshkruan se 50-vjeçari, i cili ka një të kaluar të pasur në rastet e shfrytëzimit seksual të grave, e ka shitur për 20-30 euro te shumë burra, mes tyre pakistanezë.

Në fakt, 25-vjeçarja ka treguar në polici se 50-vjeçari e ka detyruar të abortojë kur ka mbetur shtatzënë nga një prej “klienteve”, ndërsa ka përshkruar se ai e ka mbajtur të mbyllur në banesën në Rrugën Orphanidou dhe nuk e lejonte të fliste me fqinjët.

Ajo deklaron se 50-vjeçari e ka futur në kurth. Pasi u bënë “miq” në internet, ai i premtoi se do t’ia kalonin bukur në Greqi dhe i ka paguar biletat e udhëtimit për në Rodos.

Bëhet e ditur se 50-vjeçari, ka qenë edhe më parë i skeduar nga policia e Rodosit.

Konkretisht më 5 gusht 2010 ai u shoqërua në komisariat për posedim të 5.7 gram kanabis dhe më 17 shkurt, 2012 për një rast përdhunimi dhe prostitucioni së bashku me një shtetas shqiptar 63-vjeçar.

“Big Brother Italia” po dhuron emocione dhe spektakël për shikuesit anë e mbanë globit.

Këtë vit si konkurrente në formatin e njohur është edhe një shqiptare. 25-vjeçarja Heidi Baci, u bë pjesë e këtij reality show-u që në nisje të tij.

Por çfarë ndodhi gjatë spektaklit të fundit? Heidi pati një surprizë nga babai i saj.

Gjatë takimit të shumëpritur me të atin, atmosfera u tensionua, pasi babai i konkurrentes përveç mallit për të bijën duket se kishte edhe një qëllim tjetër se pse kishte hyrë në shtëpi.

Ai mbajti një fjalim prekës që pati një ndikim të thellë tek vajza.

Në fjalën e tij, babai i Heidit foli për marrëdhënien që vajza e tij kishte filluar me Massimiliano Varrese konkurrent brenda shtëpisë, duke e bërë të kuptonte se as ai dhe as nëna e saj nuk janë të lumtur nga kjo lidhje.