Category: Lajme

Armando Broja erdhi me shumë bujë në grumbullimin e Kombëtares, madje me insistimin e trajnerit Silvinjo, i cili kishte shkuar ta takonte në Londër, bisedoi me të, e ftoi, por çuditërisht lojtari nuk ishte as në bankinë, ku zyrtarisht u tha se kishte një shqetësim muskulor, një dëmtim të lehtë, por që kthehet e stërvitet normalisht në Londër, duke lënë një shije të hidhur dhe ngritur dilema të forta për një mundësi përplasje mes tij dhe stafit të Kombëtares. 22-vjeçari u largua nga grumbullimi i kuqezinjve vetëm 2 ditë pasi erdhi. Ekzaminimet treguan se lëndimi nuk ishte serioz, diçka që konfirmohet dhe në këtë fundjavë, për shkak se futbollisti është bashkuar me grupin në seancën e fundit stërvitore të Çelsi. Broja do të jetë i gatshëm për sfidën e radhës që do të kenë blutë e Londrës, javën e ardhshme ndaj Arsenalit.

Dyshimet e një përplasje me Silvinjon

Broja vjen pas një dëmtimi që e ka mbajtur jashtë fushave të lojës për rreth 10 muaj e natyrisht frika e një tjetër dëmtimi është e madhe, por në të njëjtën kohë një situatë e tillë lë vend për teori të ndryshme. Broja nuk ishte në shkallët e “Air Albania” në ndeshjen me Çekinë, siç u pa Ardian Ismajli, i cili gjithashtu ishte i dëmtuar, por qëndroi pranë kuqezinjve. Fatmirësisht gjërat shkuan mirë për Shqipërinë, e cila në këto kualifikuese ka shkëlqyer në pot kuptimin e fjalës, pavarësisht mungesave apo dëmtimeve që kemi pasur në këtë rrugëtim, por interesimi i lartë për Brojën nga tifozët e opinioni publik dhe ai largim pas vetëm 2 ditësh grumbullim, nuk lë një shije dhe aq të mirë!

Stërvitja e Kombëtares

Ndërkohë që Broja ka lënë hapur debatin, pa marrë vetë pjesë në të, ekipi kombëtar ndërkohë kreu seancën e radhës stërvitore në ambientet e “Shtëpisë së Futbollit” në kryeqytet. Kuqezinjtë vijojnë përgatitjet intensive në prag të takimit miqësor ndaj Bullgarisë. Teksa seanca e së dielës nisi në një mënyrë ndryshe për përfaqësuesen. Pak para fillimit të stërvitjes, u zhvillua një takim mes ekipit kombëtar të meshkujve dhe të femrave, që drejtohet nga Armir Grima. Takimi u shoqërua nga atmosfera pozitive dhe të qeshurat. I pranishëm ishte dhe presidenti i FSHF-së, Armand Duka. Sa i takon grupit që do të jetë i gatshëm për ndeshjen e së martës, do të mungojnë Mirlind Daku dhe Keidi Bare. Sulmuesi i thirrur nga Frozinone, Marvin Cuni kreu seancën e parë stërvitore me ekipin kombëtar. Në miqësoren ndaj bullgarëve, Silvinjo pritet të bëjë disa ndryshime në formacion, në krahasim me përballjen e fituar 3-0 ndaj Republikës Çeke. Për teknikun brazilian do të jetë ndeshja e parë jozyrtare që do të zhvillojë me përfaqësuesen kuqezi. Nga grupi që ka aktualisht në dispozicion Silvinjo, askush nuk ka paraqitur probleme dhe të gjithë janë në kondicionin e duhur për t’u përballur me Bullgarinë. Menjëherë pas sfidës, lojtarët do të largohen dhe do të ribashkohen me klubet respektive, para se të rikthehen sërish në Nëntor për dy sfidat e mbetura të grupit E. Ndaj Moldavisë në transfertë (17) dhe Ishujve Faroe në shtëpi (20), duele ku mjafton një pikë. Shqipëria kuqezi e futbollit është kështu me një këmbë në Euro-2024.

Dashi

Mos harroni ti bëni here pas here komplimente partnerit tuaj sot sepse jo vetëm ai, por edhe ju do ndiheni me se miri. Ne përgjithësi dita do jete e këndshme. Beqaret qe ëndërrojnë te krijojnë një lidhje serioze do jene mjaft te privilegjuar. Edhe te ardhurat do fillojnë te përmirësohen dalëngadalë. Do jeni me te qete dhe do shpenzoni pa frike për gjerat me te nevojshme.

Demi

Do jeni me te gatshëm te bëni disa lëshime ndaj partnerit tuaj sot dhe marrëdhënia ne çift do filloje te përmirësohet. Edhe ai do kujdeset qe ju te ndiheni me se miri. Beqaret do kenë takime interesante, por zemra e tyre nuk do rrahe aq fort sa për te krijuar një lidhje. Ne planin financiar nuk do keni as problemin me te vogël. Numri juaj i fatit do jete 822.

Binjaket

Me mirëkuptim dhe tolerance do i kaloni te gjitha vështirësitë qe keni pasur ne jetën tuaj ne çift. Do tregoheni me largpamës dhe do dini te falni. Beqaret edhe pse do kenë shume mundësi për takime, do i refuzojnë ato me arsyen se nuk duan asnjë lloj angazhimi. Ne planin financiar mos u tregoni te pamatur sepse do keni probleme shume te mëdha.

Gaforrja

Saturni do ketë ndikim te drejtpërdrejte sot ne jetën tuaj sentimentale dhe duhet thënë se ai nuk është planeti ideal për te influencuar dashurinë. Kujdes me kritikat dhe shmangni sa te mundni kokëfortësinë. Beqaret do takohen me një person mjaft simpatik dhe pasionant. Mos e humbni këtë mundësi. Financat do jene delikate. Shpenzoni me maturi qe te mos keni me tepër vështirësi.

Luani

Ata qe janë ne një lidhje do kenë surpriza te njëpasnjëshme gjate kësaj dite. Gjithçka do shkoje ashtu si ata e kishin ëndërruar dhe entuziazmi do mbizotërojë gjithë kohës. Beqaret do kalojnë një dite normale dhe pa asgjë te veçante. Merkuri nga ana tjetër do iu ndihmoje te keni disa hyrje parash, por ju do i shpenzoni menjëherë ato. Kujdes sepse mund te keni probleme po vazhduat kështu.

Virgjeresha

Dite mjaft e qete dhe pa probleme kjo e sotmja për te dashuruarit. Do bashkëpunoni për gjithçka me partnerin dhe nuk do mbani mëri për te kaluarën. Beqaret do kenë një takim vendimtar i cili mund t’ua ndryshoje jetën qe kane bere deri me sot. Sektori i financave do jete mjaft i privilegjuar kështu qe ne këtë plan nuk do keni për çfarë te shqetësoheni.

Peshorja

Dite përgjithësisht harmonike dhe e këndshme kjo e sotmja për te dashuruarit. Do i zgjidhni me shume qetësi mosmarrëveshjet qe keni pasur dhe do bëni plane për te ardhmen. Beqaret nuk duhet te hezitojnë t’ua shprehin pëlqimin disa personave. Sektori i financave do jete i paqëndrueshëm. Kujdes sepse me gabimin me te vogël mund te krijoni probleme shume serioze.

Akrepi

Klima yjore do jete mjaft e mire për jetën sentimentale te çifteve. Pasioni do rindizet fuqishëm dhe emocionet do jene te papërshkrueshme. Beqaret do kenë takime romantike te cilat do i shtyjnë te marrin vendime me rëndësi. Financat nga ana tjetër nuk do jene aspak te privilegjuara. Kujdes me çdo shpenzim qe do kryeni sepse me vone nuk do dini çfarë te bëni.

Shigjetari

Ka shume mundësi qe sot te qëndroni me zor pranë partnerit tuaj. Nuk do jeni aspak ne humor sepse diçka qe ai ka bere kohet e fundit ju ka mërzitur tej mase. Do bënit mire te flisnit hapur me te. Beqaret nuk do tregohen te hapur dhe për këtë arsye mundësitë për takime do mundojnë. Financat do jene përgjithësisht te mira. Vazhdoni ta ruani këtë ekuilibër.

Bricjapi

Do bëni gjithçka sot qe ta përmirësoni jetën tuaj ne çift dhe do ia dilni mbanë. Si ju ashtu edhe partneri do kujdeseni për njeri tjetrin dhe nuk do i kurseni komplimentet. Beqaret do joshen mjaft nga disa persona, por do kenë druajtje t’i shprehin ndjenjat. Ne planin financiar mund te kryeni edhe investime meqë situata duket te jete goxha e qëndrueshme.

Ujori

Priten disa ndryshime te rëndësishme gjate kësaj dite ne jetën tuaj ne çift. Gjithçka do varet nga sjellja juaj kohet e fundit dhe me mire se kushdo ju e dini vete këtë. Beqaret do marrin propozime por thjesht për lidhje kalimtare, asgjë me tepër. Financat do jene me te mira se kohet e fundit. Mundohuni ta ruani sa me gjate ekuilibrin dhe te siguroni edhe te ardhmen.
Peshqit

Edhe vazhdimësia e kësaj dite do varet nga ju. Nëse nuk tregoheni tolerante dhe kërkoni te jeni ju shefi ne lidhjen qe keni do përballeni me debate te zjarrta. Beqaret do tërhiqen shume nga pamja e jashtme e disa personave, te cilët ne fakt nuk vlejnë aspak. Nëse keni probleme ne planin financiar, bëni çmos qe t’i zgjidhni ato sa me pare. Ju mundeni!

Një 18-vjeçar shqiptar është arratisur nga burgu i të miturve Beccaria në Milano pasditen e sotme.

Mediat italiane raportojnë se shqiptari është arratisur pasi është dërguar me urgjencë në spitalin San Carlo në Milano.

I riu u dërgua në spitalin e San Carlo sepse kishte gëlltitur një copë druri (nuk dihet nëse me dashje apo jo). Por sapo ka mbërritur në spital ai ka sulmuar një oficer burgu që ishte me të dhe më pas ka ikur.

Lajmi u bë i ditur nga Alfonso Greco, sekretar rajonal për sindikatën e policëve të burgjeve në Lombardi.

I burgosuri teksa priste të kontrollohej, goditi me grushte dhe shkelma një nga shoqëruesit dhe arriti të arratisej. Menjëherë u ngrit alarmi, por për momentin nuk u bë e mundur të kapej i arratisuri. Kushtet e punës së punonjësve të policisë së burgut Beccaria tani janë në kolaps. Turnet rraskapitëse dhe mungesa e burimeve në dispozicion po përshkruajnë gjendjen psikofizike të gjithë stafit.

Autoritetet italiane vijojnë kërkimet për gjetjen dhe kapjen e shqiptarit të arratisur.

Një 46-vjeçare moldave është arrestuar nga policia italiane nën akuzën se tentoi të vriste bashkëshortin e saj shqiptar me helm miu.
Sipas të dhënave paraprake, gruaja mësohet t’i ketë dhënë disa herë helm të fshehur në doza të vogla në ushqime burrit të saj 54-vjeçar, i cili ishte paraqitur në spital me dhimbje të forta.

Dyshimet e mjekëve i dhanë udhë hetimeve dhe tashmë gruaja u ndalua nga autoritetet dhe po mbahet me masë arresti në shtëpi, në pritje të procesit gjyqësor.

54-vjeçari ishte shtruar disa herë në spital që nga korriku i vitit 2022 dhe kishte të gjitha simptomat që ishte helmuar. Për këtë arsye, mjekët kryen disa testime dhe shuan dyshimet e tyre se ai kishte rënë në kontakt me helm miu.

Dy persona vdiqën të hënën në mbrëmje në Bruksel pas të shtëna me armë zjarri që ndodhën jo shumë larg Place Sainctelette, tha policia, duke konfirmuar informacionin e dhënë nga disa media.

Sipas informacioneve të para të njohura, të shtënat u qëlluan rreth orës 19:15 pranë Place Sainctelette, Bulevardit d’Ypres dhe Bulevardit du Ninième de ligne, pranë ndërtesave të Vlaams Woningsfonds (Fundi Flaman i Strehimit).

Në vendngjarje kanë mbërritur në masë të madhe shërbimet e emergjencës. Asnjë i dyshuar ende nuk është arrestuar.

Sipas informacioneve të Le Soir, policia po favorizon gjurmët e terroristëve.

Mësohet se operacionet janë duke u zhvilluar. Në disa video të postuara në rrjetet sociale, i dyshuari pretendon se i përket Shtetit Islamik. “Ne jetojmë për fenë tonë, ne vdesim për fenë tonë, faleminderit Zotit”, tha ai në njërën prej tyre.

Antoine Iseux, zëdhënës i qendrës kombëtare të krizave, i kontaktuar nga Le Soir rreth orës 21:00, pohon se institucioni ishte informuar drejtpërdrejt nga zona e policisë Bruksel-Ixelles.

“Ne po monitorojmë situatën. Për momentin, dosja është ende duke u ndjekur nga prokuroria publike e Brukselit,” shpjegon ai. Një analizë kërcënimi u kërkua nga Ocam, organi për analizën e kërcënimit.

Kryeministri, ministri i Brendshëm dhe i Drejtësisë janë aktualisht në qendrën e krizës për të monitoruar situatën.

Në imazhet e bëra nga një banor lokal, mund të shohim një burrë me një xhaketë portokalli fluoreshente dhe një helmetë të bardhë, një armë në dorë.

Duke zbritur nga një skuter, ai dyshohet se ka qëlluar disa herë në rrugë. Disa persona u strehuan në sallën e hyrjes së një ndërtese dhe sulmuesi i ndoqi për të qëlluar sërish në këtë sallë, veçanërisht në drejtim të një personi në tokë.

https://twitter.com/visegrad24?ref_src=twsrc%5Etfw%7Ctwcamp%5Etweetembed%7Ctwterm%5E1713992678440866172%7Ctwgr%5Eae9b3f638f9531421beb623d04b23720d8178c98%7Ctwcon%5Es1_&ref_url=https%3A%2F%2Fshqiperia-ime.com%2Fdalin-pamjet-tronditese-te-vrasjeve-ne-bruksel-zbardhen-detaje-te-reja-video%2F

Lajmi për zbulimin e trupit të pajetë të 18-vjeçarit Alvaro Prieto, i cili ishte zhdukur ditët e fundit, ka përhapur trishtim në futbollin spanjoll.

Lojtari që lunate në Korodoba, ishte zhdukur që nga e enjtja dhe trupi i tij u gjet mëngjesin e së hënës mes dy vagonave të një treni.

Sipas informacioneve, Prieto ishte nisur të mërkurën mbrëma për të shkuar në Sevilla, për të kaluar kohë me miqtë e tij.

Sipas policisë, vdekja e tij mund të ketë ardhur si pasojë ne një goditje elektrike teksa po lëvizte mes vagonëve të trenit./abcnews.al

https://twitter.com/elmundoes?ref_src=twsrc%5Etfw%7Ctwcamp%5Etweetembed%7Ctwterm%5E1713889281981264156%7Ctwgr%5E1ae02d3ed66ee07ffb330e5076e061ba3e2bd00c%7Ctwcon%5Es1_&ref_url=https%3A%2F%2Fshqiperia-ime.com%2Flajm-i-trishte-per-futbollin-gjendet-i-vdekur-lojtari-18-vjecar%2F

Nga Lutfi Dervishi

Habere të reja nga Kiko: Quo vadis Shqipëri?
Teksa po mbllaçiste bananen e fundit për vaktin e drekës, majmunit Kiko i bëri shumë përshtypje titulli me shkronja kapitale i një artikulli që i referohej burimit zyrtar të statistikave: INSTAT.

Vetëm gjatë mandatit të dytë të qeverisë aktuale numri i gjedhëve u ul me 200 mijë krerë, numri i të imtave me 800 mijë dhe ai i shpendëve me 1.5 milionë?! Ç’bëhet në këtë vend?! Mirë njerëzit që po ikin ditën, por edhe kafshët po na ikin natën? Në fillim Kiko fajësoi instinktin e gazetarëve që fokusohen vetëm të anët negative.
“Pse nuk i është dhënë me shumë hapësirë faktit që numri i gomerëve është rritur?”,- pyeti Kiko me një shprehje të stampuar mbi fytyrë thua se sapo kishte parë një elefant duke fluturuar.

Megjithatë, i mësuar që të mos bëjë si njerëzit të cilët nxitojnë të thonë fjalën e fundit qysh në fillim, Kiko ju drejtua Chat-GPT për të kuptuar më qartësisht se pse Shqipëria po vuan nga emigrimi i trefishtë: I njerëzve, i kafshëve dhe i shpendëve.

Kiko kërkoi 10 arsyet e dramës dhe brenda një minutës mori përgjigjen:
“Ka shumë arsye për “largimin e trurit” nga Shqipëria. Duhet kuptuar që në një ekonomi tregu, është raporti kërkesë ofertë që përcakton shumë gjëra:

Ja edhe 10 arsyet:

1. Çobanët po i merr Greqia; pavarësisht ngritjes së Akademisë së barinjve.
2. Mjekët dhe infermierët po i josh Gjermania;
3. Kuzhinierët po i gllabëron Italia;
4. Kamionistët i tërheq Franca.

5. Modelet i thith Dubai;
6. Kujdestarët e hashashit i kërkon Spanja;
7. Picierët po i fton Kroacia;

8. Kuksianët po i tundon Londra;
9. Korçarët kanë lindur për Amerikën;
10. Politikanët po i thërret SPAK-u;

Kiko kroi kafkën e vogël dhe pyeti Chat-GPT nëse kishte ndonjë kategori që nuk do të lëvizte nga vendi i shqiponjave, por kur lexoi përgjigjen u bë pishman për pyetjen.

“Gjithologët do të qëndrojnë, nuk ka asnjë tundim që i tund nga studiot televizive!”
“-O Zot!” -klithi Kiko, “a ka ku shkon më keq se kaq?”.

Në momentin që mendoi më të keqen Kiko mbylli gojën me të dy putrat dhe u lebetit nga ideja se një ditë ajo që mendoi mund të bëhej realitet:
“Po sikur NATO të marrë Edi Ramën ku do të mbytemi vallë pastaj?!”.

Dielli i qershorit i ra Kikos mbi krye: e përvëloi, por edhe e zgjoi nga mendimet egoiste.
“Shqipëria është e vogël, bota është e madhe! Nevoja ndërkombëtare për lider të vërtetë si ai duhet të kapërcejë nevojat tona banale lokale!

Njerëzimi ka nevojë për të, sot, nesër do të jetë vonë!”

E bujshme! “Lamtumirë” vulave në pasaporta, shumë shpejt rregulla të reja për të hyrë në zonën Shengen
Në zonën Shengen shumë shpejt udhhëtarët do t’iu thonë “lamtumirë” vulave në pasaportë pasi regjistrimi do të bëhet në mënyrë dixhitale.

Sistemi i ri i automatizuar i hyrjes/daljes (EES), që do të nisë më 1 nëntor 2023, do të regjistrojë vizitorët jo-BE në mënyrë dixhitale, duke hequr nevojën për pulla fizike në pasaporta. Në një deklaratë nga Departamenti i Migracionit dhe Çështjeve të Brendshme të Komisionit Evropian thuhet:

EES do të zëvendësojë sistemin aktual të vulosjes manuale të pasaportave, i cili kërkon shumë kohë, nuk ofron të dhëna të besueshme për kalimet kufitare dhe nuk lejon zbulimin sistematik të atyre që kanë kaluar qëndrimin.

Çfarë është sistemi i hyrjes/daljes nga BE (EES)?

EES do të jetë një sistem i automatizuar i teknologjisë së informacionit për regjistrimin e udhëtarëve nga vendet e treta që janë të përjashtuar nga viza ose kanë viza për qëndrim të shkurtër . Sa herë që një person kalon një kufi të jashtëm të BE-së, sistemi do të regjistrojë emrin e tij, llojin e dokumentit të udhëtimit, të dhënat biometrike (gjurmët e gishtërinjve dhe imazhet e fytyrës) dhe datën dhe vendin e hyrjes dhe daljes. Do të regjistrojë gjithashtu refuzimet e hyrjes.

Ka shrpresa se kontrollet e automatizuara të kontrollit kufitar dhe sistemet e vetë-shërbimit do të përmirësojnë sigurinë në BE dhe do të jenë më të shpejta për udhëtarët. Megjithatë, industria e linjave ajrore dhe vende të ndryshme kanë thënë se mungesa e përgatitjes mund të shkaktojë probleme kur të futet sistemi. Fillimisht kjo lloj procedure duhej të lansohej në vitin 2022, por u shty deri në maj 2023 dhe përsëri deri në nëntor.

Sipas sistemit të ri, udhëtarëve me akses pa viza në Zonën Shengen do t’u kërkohet të marrin autorizimin e udhëtimit në internet përmes Sistemit Evropian të Informacionit dhe Autorizimit të Udhëtimit (ETIAS). Kjo do të nisë në faza sapo EES të jetë funksionale.m ETIAS do të kushtojë vetëm 7 € për çdo aplikim.

Tarifat zbatohen për të rriturit nga mosha 18 deri në 70 vjeç. Të miturit dhe udhëtarët e moshuar (70+) nuk do të duhet të paguajnë asnjë tarifë. Menjëherë pasi të keni përfunduar pagesën, autorizimi ETIAS do të fillojë të përpunohet. Tarifa e vizës ETIAS mund të paguhet online nëpërmjet një karte krediti ose debiti të vlefshme.

Ju duhet të paguani vetëm për ETIAS kur plotësoni aplikacionin. Pasi ETIAS-i juaj të miratohet, ai do të jetë i vlefshëm për 3 vjet ose deri në fund të vlefshmërisë së dokumentit tuaj të udhëtimit. Prandaj, nuk do t’ju duhet të paguani asgjë brenda tre viteve të ardhshme nga pagesa juaj e parë.

Vulat e pasaportave janë ende të nevojshme përpara se të nisë zbatimi i regjistrimit në EES.

KOSOVE

Mozzik shpesh është në qendër të vëmendjes për projektet muzikore, e herë të tjera për historitë e dashurisë. Por këtë herë nuk është as njëra, as tjetra arsyeja që ai ka reaguar në rrjetet sociale.

Bëhet fjalë për një çështje delikate, si ajo e vjedhjes së shtëpisë së tij. Përmes një statusi në rrjetet sociale ai ka bërë të ditur se i kanë grabitur shtëpinë dhe konkretikisht kanë marrë 100 mijë euro kesh, bizhuteri me vlerë monetare më shumë se 100 mijë euro, 15-16 armë me leje, etj. Ai nuk lë pa falënderuar Policinë e Kosovës për gatishmërinë, duke theksuar edhe faktin se është tatimpagues i rregullt.

“Parmbrëmë paska qenë shtëpia ime epiqendra e hajnave ( hajduqëve). Dëmi ka qenë shumë i madh duke u bazuar që hajnat kan hyrë brenda dhe kan thyer kasafortën fillimisht dhe kan marrë 100k ( njëqindmijë euro cash ) para nga kursimet e mia qe i bëj besoj qe 6/7 vite .
Nuk paskan lënë orë , unaza , zingjira , ari pa marrë edhe këto që tejkalojnë shumat e lartëcekura .
Rreth 15/16 armë me leje të gjitha i kan vjedhë.
Dmth i kan vjedhur të gjitha armët në shtëpi ( me leje të gjitha)
Dhe kan vjedhur komplet sistemin e dvr ( camera)
Falenderoj Policinë e Kosovës për angazhimin dhe zhvillimin që po e bëjnë qe kjo veper penale të zbardhet .
Unë jam tatim paguesi më i madh nga gjithë artistat në trojet shqipëtare është e njoftuar Administrata Tatimore , Ministria e Financave ( nëse vec iu intereson mediave)
Na marrshin t’ligat po u dashtë me lyp bre nëse ju kan vytë se kurrë deri sot s’kom ditë me kthy dikan..sa kan vjedhë kta hajna unë në vjet i shpërndaj napër njerëz pasha të madhin Zot .
Shnet Paçi !”-shkruan reperi nga Kosova.

Tunele të panumërta kalojnë poshtë Gazës, të njohura për faktin se përdoren për kontrabandë mallrash nga Egjipti e për të ndërmarrë sulme në Izrael.

Por ekziston megjithatë edhe një rrjet i dytë nëntokësor, thotë CNN, të cilit forcat izraelite të mbrojtjes, IDF, i referohen si “metroja e Gazës”. Bëhet fjalë për një labirint të vërtetë kalimesh nëntokësore, disa prej të cilave mbërrijnë në disa kilometra nën tokë, që përdoren për të transportuar njerëz dhe mallra; për të ruajtur raketat dhe rezervat e municioneve; dhe për të strehuar qendrat e komandës dhe kontrollit të Hamasit, të gjitha këto larg “larg syve” të avionëve dhe dronëve të vëzhgimit të IDF-së.

Në 2021-shin, Hamasi mburrej se kishte ndërtuar poshtë Gazës tunele në gjatësi prej 500 kilometrash, edhe pse është e paqarte nëse shifra në fjalë është e vërtetë. Në qoftë kështu, tunelet nëntokësore të Hamasit do të ishin vetëm pothuajse sa gjysma e gjatësisë së sistemit të metrosë së qytetit të Nju Jorkut.

“Është një rrjet shumë i ndërlikuar dhe shumë i madh tunelesh në një pjesë mjaft të vogël territori”, thotë Daphne Richemond-Barak, një profesoreshë në Universitetin Reichman të Izraelit dhe eksperte e luftërave nëntokësore. Nuk dihet po kështu sesa i ka kushtuar ky rrjet tunelesh Hamasit që qeveris territorin e varfër bregdetar.

Megjithatë, shifra ka të ngjarë të jetë e rëndësishme, si për sa i përket fuqisë punëtore ashtu edhe kapitalit. Gaza ka qenë nën një bllokadë tokësore, detare dhe ajrore nga Izraeli, si dhe një bllokadë tokësore nga Egjipti, që nga viti 2007 dhe nuk besohet të ketë llojin e makinerive masive që përdoren zakonisht për të ndërtuar tunele thellë nën tokë. Kritikët e grupit thonë se në vend që t`i shpenzonte paratë për tunele, ai mund të kishte ndërtuar vendstrehime ku civilët të mbroheshin nga bombardimet.