Category: Lajme

Një ngjarje e rëndë ka ndodhur në lagjen 18 para pak mintuash, ku një vajzë në moshë të re, rreth të 30-ve, është hedhur nga pallati dhe ka gjetur vdekjen e menjëhershme.

Forca të shumta policie kanë mbërritur në vendngjarje dhe po hetojnë mbi zbardhjen e rrethanave.

Operatori Denis Simaku sjell edhe pamjet e para nga vendngjarja, nga ky pallat siç shihet në video, i cili ndodhet përballë pranë fushës ku po ndërtohet parku Vala.

Efektivët e policisë po mbledhin të dhëna dhe dëshmi nga të pranishmit, për të hedhur dritë mbi zbardhjen e ngjarjes.

Video Player

Të martën Shqipëria do të ndeshjet në miqësore me Bullgarinë pas triumfit me Çekinë. Lista e Kombëtares ka pësuar ndryshime pas largimit të Keidi Bares dhe Mirlind Dakut. Trajneri Silvinjo ka vendosur të thërrasë për herë të parë në Kombëtare Marvin Çunin.

Sulmuesi shqiptar, i cili aktivizohet me skuadrën e Frosinones në kampionatin Italian do të bashkohet me kuqezinjtë ditën e sotme, ndërsa nesër do të zhvillojë edhe seancën e parë stërvitore në radhët e Kombëtares shqiptare.

Marvin Çuni ka qenë më parë pjesë e Kombëtares U-19, teksa numëron gjashtë paraqitje dhe dy gola, ndërsa tani do të ketë mundësinë të japë kontributin e tij edhe me Kombëtaren A.

Kuqezinjtë kanë nisur përgatitjet për ndeshjen miqësore ndaj Bullgarisë që do të luhet të martën në stadiumin ‘Air Albania’ në ora 18:00.

Kombëtarja shqiptare e futbollit është shumë pranë kualifikimit në Euro2024 që do të zhvillohet në Gjermani. Vetëm një pikë na ndan nga përsëritja e historisë.

Përpara janë edhe dy ndeshje me Moldavinë dhe Ishujt Faroe. Dhe sigurisht që suksesi nuk mund të mos shpërblehet. FSHF ka bërë gati premion.

FSHF pritet të akordojë një premio prej 4,5 milionë euro për këtë kualifikim. 3,5 milionë euro do të shpërndahen për lojtarët dhe 1 milion euro për Sylvinho-n dhe stafin e tij.

Jo vetëm lojtarët dhe stafi, edhe FSHF do të përfitojë një shumë të majme për kualifikimin në “Euro2024”, pasi UEFA shpërblen çdo ekip pjesëmarrës në këtë fazë me afro 9,25 milionë euro.

Dedektivja e tradhtive Shkënda Lili ka thënë gjithmonë në daljet e saj televizive se politikanët dhe biznesmenët janë ata që tradhtojnë më shumë.

Politikanët kur tradhtojnë në shumicën e rasteve zgjedhin ta bëjnë shkeljen e premtimit të kurorës me vajzat e famshme dhe më të bukura të ekranit.

E ftuar së fundmi në emisionin “Glamour”, dedektivja private Shkënda Lili duke iu përgjigjur interesimit të moderatores Ester Bylyku, theksoi se përveç politikanëve, janë edhe personat e përfshirë në shtresat e larta ekonomike.

“Politikanët dhe shtresa e lartë ekonomike tradhtojnë sigurisht me gocat e ekranit. Me ato gocat e bukura që e mbajnë veten se janë dikushi, dhe jo me një gocë të thjeshtë. Të paktën kjo mua më rezulton”, u shpreh dedektivja Shkënda Lili.

Dektivja zbuloi edhe një kuriozitet sa i përket arsyes se pse gratë e poltikanëve që edhe kur kapen në tradhti, nuk ndahen nga bashkëshortët e tyre.

“Në zyrën time janë të gjitha kategoritë që duan të bëjnë investigime, duke filluar nga njerëz të thjshtë dhe duke vazhduar tek këta që thatë ju (politikanët). Absolutisht që ka.Gruaja e një politikani nuk vjen për të ditur a e tradhton ai apo jo, se dua të ndahem nga ky person. Ajo kërkon të dijë për të mbuluar gjërat e saj, për pasuri e të tjerat, për t’i bërë “presion”, dhe jo për të shkuar në ndarje për të vuajtur”, u shpreh dedektivja Shkënda Lili.

Studion e “Zgjohu me MCN” e ka zbukuruar këtë mëngjes 7-vjeçari nga Kukësi Roan Ora i cili ka fituar zemrat e shqiptarëve me të folurën e tij të shkëlqyer të gjuhës angleze.

Ai ka treguar se e ka mësuar gjuhën që në moshën 2-vjeçare përmes Youtube kur e ëma i jepte telefonin për të parë. Roani ndër të tjera tregon se është i pasionuar edhe me kafshët dhe se kur të rritet dëshiron të bëhet në shkencëtar.

“E kam mësuar shumë mirë anglishten që kur isha i vogël 2 vjeç, kur mami më jepte telefonin për të parë dhe mendova se do ishte mirë të mësoja dhe diçka tjetër. E kam mësuar gjuhën angleze vetëm nga youtube, për Zotin vetëm nga aty më besoni.

E kam mësuar se çfarë flasin ata në youtube dhe i përsërisja pas tyre. Diçka tjetër më pëlqen shumë janë dhe kafshët, kryesisht dinozaurët të cilëve ua di të gjithëve emrat. Dëshiroj të jem një shkencëtar kur të rritem. Tani jam në klasë të dytë dhe lënda ime e preferuar është gjuha shqipe,”-tregoi Roani.

Pak ditë më parë, një video e opinionistit të njohur Arjan Konomi u bë virale në rrjet, pasi ai shfaqej me flokë të thinjur dhe komplet ndryshe në pamje fizike, duke i shqetësuar fansat për shëndetin e tij.

Megjithatë, ishte vetë Konomi ai i cili bëri me dije se ishte mirë me shëndet teksa ndodhej në një udhëtim shumë larg Shqipërisë.

Fansat u shqetësuan, por duket se miqtë e mikeshar e tij jo. Prandaj, opinionisti nuk i ka lënë pa përmendur. Në dyqanin e tij ka shkuar Luizi, i cili mesa duket e ka ‘vizituar’ opinionistin dhe ka kaluar qoftë edhe për një përshëndetje dhe kaq ka mjaftuar që Konomi të ‘ironizojë’, mikeshat e tij të cilat i quan ‘VIP-e’, duke thënë se Luizi erdhi ‘u interesua’, por ato asnjëherë.

Me kë i ka mbetur hatri? Olsa Muhametin? Arbanën…?

Duket e çuditshme por 3 të mitur kanë përfituar 30 mijë euro nga një skemë mashtrimi në rrjetet sociale. Ata kishin ngritur një rrjet profilesh false ku shtireshin si vajza dhe ofronin favore seksuale. Një takim që supozohej se do të zhvillohej në ambiente shtëpish private kushtonte 100 euro ora ose në rast se klientët kalonin gjithë natën do duhej të paguanin 200 euro.

Në një intervistë për emisionin “Good Morning Albanians” në Euronews Albania, psikologia Eriona Hoxha teksa foli për fenomenin në fjalë u ndal dhe tek pjesa e virgjërisë dhe mentaliteti shqiptar.

Ajo nënvizoi se në vendin tonë është e rëndësishme që në martesën e parë vajza të jetë e virgjër.

“Te ne e rëndësishme është të jetë e virgjër kur lidhet martesa, pastaj ne kemi vënë re se marrin një bashkëshort të të dytë të tretë dhe bëjnë me secilin fëmijë. Ato nuk e kanë problem nëse marrëdhëniet seksuale janë në moshë të hershme”-tha ajo.

Shqipëria mposhti Çekinë në “Air Albania”, me rezultatin 3-0 në ndeshjen e vlefshme për kualifikueset “EURO 2024”. Një fitore e madhe që ngriti peshë gjithë tifozët shqiptarë anë mbanë botës.

Një ndër pikat më të forta të Kombëtares kuqezi, padyshim është gardiani Etrit Berisha. Ai ka bërë një performancë të jashtëzakonshme duke mbajtur të paprekur katërkëndorin.

Pas përfundimit të duelit ai shpërtheu në lot dhe menjëherë ka përqafuar trajnerin Silvinjo.

Videoja tashmë po bën xhiron në rrjet, ku portieri shihet teksa qan si fëmijë në krahët e Silvinjos.

https://streamin.one/v/3ea2f5e5

Artisti ka treguar se është mbajtur nga policia greke nga mbrëmja e kaluar deri në orët e para të mëngjesit.

Mbrëmjen e kaluar, diçka e papritur ka ndodhur për këngëtarin e njohur shqiptar, Arian Agushi.Përmes një postimi të bërë në profilin e tij të Instagramit, artisti ka treguar se është mbajtur nga policia greke nga mbrëmja e kaluar deri në orët e para të mëngjesit, për shkak se dikush e ka spiunuar dhe si pasojë nuk ka mundur të jetë pjesë e koncerteve të tij.

Këngëtari ka teguar se shkak i ndalëses së tij janë bërë këngët e tij patriotike.

“Lajmërim për shqiptarët në Greqi“, nis postimin e tij këngëtari.

“Mbrëmë rreth orës 1:00 të mesnatës arrita në Athinë. Në kontrollin e pasaportave, u ndalova nga policia greke dhe më mbajtën të mbyllur deri në mëngjesin e sotëm. Arsyeja e vetme ishin këngët e mia dhe ma bënë të ndaluar hyrjen në atë vend”.

“Ju kërkoj falje të gjithë dashamirësve që do të ishin sonte edhe nesër prezent në koncertet e mia. Shpresoj të shihemi herë të tjera”.

“Kushdo që ka spiunuar, dua t’i them disa fjalë. Jemi burgosur historikisht, kemi vdekur nga rrahjet dhe torturat por emra nuk kemi nxjerrë. Dhe tani pa na rrahur askush, e nxjerrim njëri-tjetrin në gracka për fitime personale. Jam mësuar se kjo nuk është hera e parë. Nuk jam fajtor që jam shqiptar”, shkruan këngëtari në profilin e tij të Instagramit.

Ka arritur në mbi 100 numri i qytetarëve të helmuar në një restorant një ditë më parë, më 13 tetor, në Malishevë, ndërsa njëri prej tyre ka deklaruar për mediat se nga ushqimi që ka marrë janë paraqitur simptomat me vjellje menjëherë, asaj dhe personave të cilat kanë ngrënë bashkë.

Nder të tjera ajo është shprehur se “si e kemi ngrënë atë jemi helmuar, kemi vjellë, tri orë, nuk ka zgjatë më shumë. As bukë, as asgjë nuk kam ngrënë vetëm ujë”.

“Të mërkurën e kam ngrënë një doner në ora 19:00. Simptomat janë bërë në ora 23:00 të natës. Prej të mërkurës jam kështu, mbrëmë kam qenë më keq, ethe, temperaturë, vjellje, bark qitje… kështu. Vetëm aty jemi helmuar pronari im, një punëtor dhe një punëtore që kemi ngrënë, të tre dhe jemi helmuar. Nuk e di, vetëm doner, se çka ka pasur nuk e di. Si e kemi ngrënë atë jemi helmuar, kemi vjellë, tri orë, nuk ka zgjatë më shumë. As bukë, as asgjë nuk kam ngrënë vetëm ujë. Lokal që është midis rruge krejt pluhur bagerat. Ai nuk është lokal. Krejt pluhur në gojë e futim, nuk e di dje jam kanë më keq sot pak më mirë”, tha pacientja.

Ndërkohë, Drejtori i Klinikes Infektive, Arben Vishaj, konfirmoi për mediat kosovare se deri më tani janë shtruar në spital 12 persona me simptoma të helmimit nga ushqimi, të cilin e kanë marrë në lokalin në Malishevë.

“Për momentin në Klinikën Infektive gjithsej të hospitalizuar i kemi gjithsej 12 pacientë. Mosha e tyre është 8-vjeç deri në moshën 43-vjeçare. Mosha mesatare është 21-vjeçare. Dje kanë ardhur një gjithsej 11 pacientë, të cilat kanë manifestuar sëmundje në formë të vjelljes, heqjeve të barkut, dhembjeve të barkut, dhe në aspektin e anamnezës 6 deri në 72 orë më parë kanë konsumuar ushqim në një lokal dhe kanë ardhur në manifestime të tilla, të cilët kanë pasur indikacion që të hospitalizohen në Klinikën Infektive.

Pasojë e dehidrimit dhe ndryshimeve të vlerave të lehta është e mundur që ndonjëri të ketë manifestime të tilla, por në përgjithësi gjendja është stabile. Janë jashtë rrezikut për jetë dhe po bëjmë çmos që sa më parë të rikuperohen dhe të lëshohen. Në bazë të dhënave klinike bëhet fjalë për një salmanellozë, por rezultatet përfundimtare vijnë nga Instituti Kombëtar dhe me kohë do të informojmë”, tha Vishaj.

Ndërsa, zyrtari për informim në Agjencinë e Ushqimit dhe Veterinarisë (AUV), Lamir Thaçi tha se i janë përgjigjur rastit menjëherë dhe bashkë me policinë kanë filluar inspektimin te lokali ku janë shërbyer klientët në të cilin kanë hasur higjienë jo të duhur dhe mos dezinfektim, si dhe produkte pa origjinë.