Category: Lajme

Ashraf Abu Hakam, një burrë i ri nga provinca Aswan në Egjipt, humbi jetën papritur gjatë dasmës së tij më 25 shtator 2025, ndërsa po performonte një valle tradicionale së bashku me bashkëshorten. Teksa muzika dhe gëzimi mbushnin sallën, çasti i lumturisë u shndërrua në tmerr kur Hakam rrëzohet duke mbajtur dorën e nuses; përpjekjet e menjëhershme të të pranishmëve për ta ringjallur dolën të pamjaftueshme dhe ai u shpall i vdekur pa kaluar shumë kohë. Raportet lokale dhe mediat rajonale njoftojnë se shkaku i vdekjes ishte një ndalesë e papritur e zemrës — një atak kardiak — gjetje kjo që është cituar edhe nga mjekët që erdhën në vendngjarje.

Video të momentit, xhiruar nga të ftuarit, kanë qarkulluar gjerësisht në rrjetet sociale, duke shfaqur fillimisht momentin e gëzimit dhe sekondat e mëpasshme të trazimit kur Hakam bie në tokë. Klipet janë shpërndarë me shpejtësi, ndërsa përdoruesit e medias sociale reaguan me shok dhe ngushëllime; disa dëshmitarë në komente e përshkruan të ndjerin si një njeri “plot jetë” dhe “plot shpresa për të ardhmen”, duke theksuar se çifti kishte festuar edhe fejesën vetëm një ditë më parë. Përhapja e materialeve vizuale ka ndezur diskutime rreth privatësisë dhe respektit për familjen në një moment kaq të dhimbshëm.

Ngjarja ka lënë një hije të rëndë mbi komunitetin lokal të Aswanit, ku miq e familjarë kanë dalë publikisht për të shprehur tronditjen dhe dhembjen. Autoritetet lokale dhe stafi mjekësor u dorëzuan në vendngjarje dhe punuan për ringjallje, por pa sukses; mediat e mëdha ndërkombëtare raportuan për detajet e incidentit dhe për reagimet e menjëhershme. Nga ana e komunitetit online ka pasur edhe thirrje për kujdes ndaj shpërndarjes së materialeve të ndjeshme dhe për respektim të intimitetit të nuses dhe familjes në një kohë kur ata po përballen me humbjen e papritur.

Ngjarje të tilla rikujtojnë sa e brishtë është jeta dhe sa i papritur mund të jetë humbja, edhe kur festivitetet dhe shpresat mbështesin fillime të reja. Ndërsa shkaktohet dhimbje e madhe për familjen e Hakam, autoritetet dhe organizatorët vendore pritet të japin më shumë detaje zyrtare në vijim, përfshirë ndonjë njoftim për hetime mjeko-ligjore nëse do të jetë i nevojshëm. Për momentin, qyteti i Aswanit dhe rrjetet sociale vazhdojnë të ndajnë ngushëllime dhe kujtime për një natë që humbi brilancën e saj në një çast të hidhur.

(Redaktor: emrat dhe detajet janë përmendur sipas raporteve fillestare; do të përditësojmë artikullin sapo të dalin njoftime zyrtare shtesë.)

E lexova dokumentin strategjik të nënshkruar nga Presidenti Trump dhe kuptova menjëherë se nuk kemi të bëjmë me një tekst të zakonshëm të Shtëpisë së Bardhë. Nuk është manual diplomacie. Nuk është listë dëshirash. Është një zhvendosje historike.

Që në fillim, Trump e përshkruan ndryshimin me fjalët se administrata e tij ka sjellë një “turnaround in so short a time” (një kthesë të shpejtë) duke kthyer Amerikën nga “the brink of catastrophe” (të qenit një hap larg katastrofës) tek forca e saj e vjetër.

Kjo hyrje nuk është retorikë e zbrazët. Është ton i ri. Dokumenti vijon duke e bërë të qartë se Amerika e sotme nuk mund të përballojë më barrën e përhershme të ruajtjes së botës. Se vendi ka hyrë në epokë të re konkurence. Dhe se tani kërkohet seleksionim brutal i prioriteteve.

Në këtë rend të ri, Europa është goditja e parë. Teksti thotë se kontinenti është në rënie të thellë dhe se problemet e tij “are even deeper” (akoma më të thella) sesa stagnimi ekonomik. Dokumenti flet për “civilizational erasure” (shuarje të një civilizimi) dhe për një Europë që ka humbur vetëbesimin e saj historik.

Ky nuk është më kriticizëm i butë. Është aktakuzë. Dhe është i mbështetur nga një tjetër konstatim i fortë. Se Europa ka harruar peshën e vet reale përballë Rusisë. Dokumenti thotë se vendet europiane “enjoy a significant hard power advantage over Russia by almost every measure” (shfaqin një superioritet të dukshëm ushtarak ndaj Rusisë, në pothuajse çdo aspekt) por sërish trajtojnë Rusinë si rrezik ekzistencial.

Lexo gjithashtu:SHBA ‘braktis’ Ramën! Zbardhet mesazhi tronditës i Ambasadës për qeverinë

Kjo krijon, sipas ShBA-së, një politikë të gabuar të frikës që paralizon kontinentin. Ndaj strategjia e re kërkon një kthesë të menjëhershme. Aty thuhet se është “a core interest of the United States to negotiate an expeditious cessation of hostilities in Ukraine” (një interes parësor i SHBA-së që të negociojë sa më shpejt ndalimin e luftimeve në Ukrainë).

Kjo fjali e vetme mjafton për të kuptuar sa thellë ndryshon arkitektura e sigurisë së Europës. Amerika kërkon mbyllje të shpejtë të luftës. Jo fitore. Jo vazhdim të mbështetjes pa kufi. Dokumenti e shpjegon qartë arsyen. Lufta ka shkatërruar stabilitetin e ekonomive europiane. Ka krijuar rrezik përshkallëzimi. Dhe ka mbytur SHBA-në në detajet e një konflikti që nuk është pjesë e interesit të saj kryesor.

Ky është realizëm i ftohtë. Dokumenti e pranon se qeveritë europiane janë të mbërthyera nga “unrealistic expectations for the war” (pritshmëri joreale për luftën) dhe se rruga e tyre politike është bërë pengesë për qetësimin e kontinentit. Në këtë logjikë, mbyllja e luftës në Ukrainë bëhet nyja e madhe e ekuilibrit me Rusinë. Strategjia thotë se SHBA duhet të “reestablish strategic stability with Russia” (të restaurojnë ekuilibrin strategjik me Rusinë).

Kjo nuk është kthesë e vogël. Është rikthim tek realpolitika klasike. Amerika e pranon se nuk mund të përballet me Kinën, botën e energjisë, rikthimin e industrisë, pa siguruar më parë qetësi të detyruar me Rusinë. Dhe nuk mund ta bëjë këtë pa mbylljen e Ukrainës.

Brenda kësaj harte të re, Ballkani del si nyje e vogël, por gjithsesi e rëndësishme për t’u hequr nga axhenda. Dokumenti përmend Kosovën dhe Serbinë si konflikt që Presidenti Trump e ka shuar përmes diplomacisë së shpejtë, duke e përfshirë në listën e tetë marrëveshjeve të arritura brenda pak muajve. Teksti thotë se administrata ka arritur “peace between Kosovo and Serbia” (paqen midis Kosovës dhe Serbisë).

Lexo gjithashtu:Paratë dhe dashuria ecin bashkë këtë javë! Por Meri Shehu jep alarmin për datën më të vështirë

Ky pohim nuk është thjesht vetëlavdërim. Është shpjegimi i mënyrës sesi Washington-i e sheh rajonin. Ballkani nuk është teatri i vëmendjes strategjike. Nuk është pika ku përcaktohet fati i botës. Është dosje që duhet mbyllur. Jo diskutuar. Jo mbajtur pezull. Jo lënë të shpërthejë sërish.

Në këtë kuadër, Serbia rrit rolin e vet. Sepse është porta e ndikimit rus në kontinent. Dhe sepse mbyllja e lojës me Rusinë kërkon që frontet e vogla të mos krijojnë më tensione të panevojshme. Kosova në këtë logjikë duhet të kërkojë garanci të drejtpërdrejta nga ShBA-ja. Jo nga Europa e përshkruar në dokument. Aty ku thuhet qartë se Europa po humbet identitetin dhe stabilitetin e saj të brendshëm.

Në mënyrë të nënkuptuar, dokumenti e kritikon edhe idenë e zgjerimit të pafund të NATO-s duke paralajmëruar se “it is an open question whether certain NATO members will remain European in a few decades” (nuk dihet ende nëse disa vende të NATO-s do të ruajnë identitetin e tyre europian në pak dekada).

Kjo fjali është e rëndë. Dhe është paralajmërim i drejtpërdrejtë se aleanca nuk mund të vazhdojë të zgjerohet mekanikisht. Dhe se vendet që kërkojnë mbrojtje duhet të jenë vetë të qarta për stabilitetin dhe identitetin e tyre. Për Ballkanin kjo do të thotë se mbështetja amerikane nuk është më e marrë për të mirëqenë. Ajo është e kushtëzuar me stabilitet dhe me orientim të qartë.

Lexo gjithashtu:Trump trondit Lindjen e Mesme: Do t’ju sulmojnë nëse …

Në anën tjetër, dokumenti e kritikon BE-në për burokracinë e tepruar dhe përqafimin e një modeli që dobëson sovranitetet kombëtare. Thotë se Europa ka hyrë në një fazë ku ka humbur qartësinë politike dhe aftësinë për të bërë zgjedhje të forta. Në këtë terren, Ballkani shfaqet si zonë e pambrojtur, e lënë pezull, e papërfunduar. Prandaj SHBA zgjedh të vendosë rend të shpejtë.

Kjo është qasja e dokumentit. E ftohtë. E zhveshur. Pa iluzione. Dhe e bazuar në idenë se bota nuk mund të funksionojë më me idealizëm. Se paqja nuk vjen nga qëndrime të gjata morale. Vjen nga ekuilibri i detyruar.

Në këtë kontekst, çështja shqiptare duhet të mendohet me qetësi dhe me largpamje. Duhet të kuptojmë se bota po kalon në logjikën e sferave të influencës. Se fuqitë po rivendosin kufijtë e sigurisë. Dhe se Ballkani do të kërkohet të jetë i qetë. Jo i paparashikueshëm.

Dokumenti i Trump e bën të qartë se interesi amerikan është stabiliteti. Por e bën po aq të qartë se mënyra se si arrihet ky stabilitet ka ndryshuar. Se mjetet janë më të ashpra. Se kompromiset janë më të detyruara. Se diplomacia është më e drejtpërdrejtë.

Dhe ky është realiteti që duhet lexuar sot. Pa frikë dhe pa iluzione. Sepse vetëm duke e kuptuar këtë hartë të re mund të ndërtojmë një strategji të mençur për sigurinë dhe të ardhmen tonë në Ballkan./Albanian Post

Dashi

Gjate kësaj dite do ndiheni mjaft te lumtur pranë atij qe dashuroni. Ne krahët e tij do përjetoni kënaqësi pa fund dhe do ju duket vetja si një princeshe. Beqaret do realizojnë një takim vendimtar ne orët e mesditës. Mire do jete qe t’i merrni gjerat shtruar. Ne planin financiar planetët do krijojnë kushtet e duhura qe gjerat te ecin si duhet. Do kryeni shpenzimet e dëshiruara.

Demi

Jeta juaj ne çift do mbrohet gjithë kohës nga Venusi. Do ruani një marrëdhënie te ngrohte me atë qe keni ne krah dhe gjerat do ecin si i kishit menduar. Beqaret ka shume mundësi te dashurohen pas një personi diskret, por qe mbart ne vetvete mjaft vlera. Ne planin financiar do jeni mjaft te organizuar dhe gjendja nuk do ketë probleme aspak.

Binjaket

Nëse lidhja juaj ja ka dale me sukses te përballojë gjithë problemet disa ditëve me pare, edhe sot situata do vazhdoje te mbetet e qëndrueshme. Beqaret do kërkojnë me ngulm te bëjnë për vete dike, por ka mundësi te mos ja dalin mbanë. Ne planin financiar fati do jete me ju dhe çdo gjë do shkoje për mrekulli. Do i shlyeni edhe borxhet e marra kohe me pare.

Gaforrja

Sot do kaloni disa momente delikate me atë qe keni ne krah dhe do ndiheni keq. Gjithsesi mire është te mos nxitoheni te merrni vendime për te cilat do pendoheni shpejt. Beqaret do jene shume te shoqërueshëm dhe do takojnë persona vërtet mjaft te veçante. Shume shpejt do e ndryshojnë edhe statusin. Me paratë nuk do i keni punët aspak mire. Priten vështirësi.

Luani

Do duhet te bëni edhe pak me tepër durim sot ne jetën tuaj ne çift nëse doni qe gjerat te ecin si duhet. Kujdes edhe me kokëfortësinë. Beqaret me ne fund do e realizojnë takimin qe kane ëndërruar dhe do e shohin jetën me një sy tjetër. Me financat do merreni shume kohe, por serish nuk do arrini t’i përmirësoni aq sa duhet. Kënaquni ndonjëherë edhe me pak.

Virgjeresha

Do zgjoheni me humor te keq gjate kësaj dite dhe do keni mosmarrëveshje te shumta me partnerin. Asgjë qe do iu thotë apo qe do iu beje ai nuk do ju pëlqejë. Edhe beqaret nuk do ndihen gati për te hedhur hapa me tej, pavarësisht se mundësitë do ekzistojnë. Ne planin financiar nuk duhet te nxitoheni për t’i zgjidhur problemet sepse mund te gaboni rende.

Peshorja

Priten ndryshime shume te mëdha gjate kësaj dite ne jetën tuaj ne çift. Pas problemeve dhe hatërmbetjeve, do i shihni gjerat me një sy tjetër. Beqaret do kenë ndryshime shume te mëdha dhe te papritura ne jetën sentimentale. Financat nuk do jene aq te mira sa për te kryer investime te tejskajshme. Çdo hap duhet hedhur i mire menduar.

Akrepi

Do ndiheni si te huaj me partnerin tuaj gjate kësaj dite dhe asgjë nuk ka për te ecur si e kishit menduar. Ata qe kane pasur probleme serioze qe prej kohesh do mendojnë edhe për një ndarje. Beqaret do vazhdojnë te mbeten serish te vetmuar. Financat duhet t’i menaxhoni me shume kujdes dhe maturi ne mënyrë qe gjendja te mbetet e qëndrueshme.
Shigjetari

Dite shume e trazuar dhe e mbushur me probleme kjo e sotmja për ata qe janë ne një lidhje, Nuk do merreni vesh për asgjë me partnerin tuaj dhe debatet do jene shume te forta. Beqaret me ne fund do e bëjnë për vete dike qe do ua ndryshoje rrënjësisht jetën. Buxhetin nuk duhet ta lini shume pas dore sepse gjendja do ju përkeqësohet shpejt.
Bricjapi

Dite e shkëlqyer për ata qe janë ne një lidhje. Për gjithçka do bashkëpunoni me partnerin dhe marrëdhënia do jete e ngrohte. Beqaret do realizojnë disa takime mbresëlënëse te cilat do i mahnitin. Mire është qe te njiheni për pak kohe me ata persona para se te merrni vendime. Ne planin financiar do keni disa probleme te vogla te cilat mund te zgjidhen me pak maturi.

Ujori

Do ketë disa debate dhe mosmarrëveshje sot ne jetën tuaj ne çift, por asgjë e rende nuk pritet qe te ndodhe. Mos e lëshoni veten, por tregohuni optimiste. Beqaret do vazhdojnë te kërkojnë deri ne fund dashurinë, por pa shume fat. Merkuri do influencoje gjithë kohës financat. Do jeni shume me te kthjellet se me pare dhe gjendja do filloje te përmirësohet.

Peshqit

Mos kërkoni te dominoni mbi tjetrin gjate kësaj dite sepse kjo do jete e pamundur. Mire do jete te ruani ekuilibrin. Beqaret nuk do e kërkojnë me patjetër një person ne krah, por shume gjera do ju ndodhin si me magji. E rëndësishme është qe emocionet do jene goxha te fuqishme. Buxhetin do e riorganizoni dhe do ndiheni shume me te qete.

“Personi që do të trashëgonte Partinë Demokratike me bekimin e Sali Berishës është Belind Këlliçi”. Kështu u shpreh gazetarja Ambrozia Meta në studion e QUO VADIS në Vizion Plus.

Ajo tha se sheh Këlliçin si kryetar të ri të PD-së, ndërsa, sipas saj, Salianji nuk është një figurë shumë e pëlqyeshme tek demokratët.

“Nëse shoh dikë që mund të merrte partinë me bekimin e Sali Berishës, shoh Belind Këlliçin. Një shembull si ajo që ndodhi me Lulzim Bashën, nëse do të kishim një lloj trashëgimie të partisë. Salianji nuk është një figurë shumë e pëlqyer tek demokratët. Nuk më rezulton një njeri i pëlqyer. Salianji nuk ishte një filiz politik që lindi nga talent i madh për në politikë. Edhe Belindi nuk shihet si lider nga demokratët, por nëse Sali Berisha do t’ia linte dikujt partinë, përshtypja ime është që do t’ia linte Këlliçit”, tha Meta.

Greqia po përballet me një situatë të rënduar për shkak të motit të keq që ka përfshirë vendin. Stuhia e fuqishme “Byron”, e cila ka goditur vendin që prej ditës së djeshme, ka shakaktuar probleme në disa zona, duke përmbytur shtëpi, bllokuar banorë dhe duke kthyer rrugët në lumenj të vërtetë. Në shumë fshatra mbizotëron kaos, me baltë, gurë dhe mbeturina të grumbulluara nga reshjet e dendura.

Ekipet zjarrfikëse dhe forcat e emergjencës janë në gatishmëri të plotë, ndërsa autoritetet kanë lëshuar sinjalizime 112 pothuajse në gjithë territorin. Për të shmangur lëvizjet e panevojshme dhe për të mbrojtur nxënësit, disa rajone kanë vendosur mbylljen e shkollave.

Sipas shërbimit meteorologjik, shirat dhe stuhitë pritet të vazhdojnë deri në orët e mëngjesit të së shtunës, më 6 dhjetor 2025. Të gjitha strukturat shtetërore, nga Forcat e Armatosura, Policia, Mbrojtja Civile, shërbimet pyjore e deri te operatorët e energjisë dhe shërbimet shëndetësore, janë vendosur në alarm të shtuar.

Ministri i Krizave Klimatike dhe Mbrojtjes Civile, Yiannis Kefalogiannis, e përshkroi situatën si një “dy ditësh me mot intensiv”, duke bërë apel për kujdes maksimal. Në orën 12:00 pritet të mblidhet sërish Komiteti Shkencor i Vlerësimit të Rrezikut për të analizuar të dhënat e fundit.

Mbyllja e shkollave:

Me vendim të Guvernatorit të Atikës, Nikos Hardalias, të gjitha shkollat publike dhe private të arsimit parauniversitar në rajonin e Atikës do të qëndrojnë të mbyllura të premten, më 5 dhjetor. Ministria e Arsimit ka njoftuar se mësimi do të zhvillohet online në zonat e prekura. Shkolla të tjera në të paktën 11 bashki të Greqisë do të mbeten gjithashtu të mbyllura. Deri tani, bashkitë që kanë marrë vendim për mbyllje janë:

Bashkia Oreina Kalambaka

Bashkia Dion Olympus

Bashkia Katerini

Stuhia shtrihet 800 km

Sipas Parashikimit të Motit të Greqisë, fronti i stuhisë, pak para orës 8 të mëngjesit, shtrihej në një gjatësi prej 800 kilometrash. Specialistët paralajmërojnë për kujdes të madh në Dodekanezë, Egjeun Lindor, Thesalinë Lindore, Pieria, Evia, Sterea dhe Atikë, të paktën deri në orët e para të pasdites.

Stuhia “Byron” vijon të shkaktojë probleme të mëdha teksa kalon mbi vend, ndërsa autoritetet bëjnë thirrje që qytetarët të kufizojnë lëvizjet dhe të ndjekin udhëzimet e emergjencave.

Gazetari i njohur Blendi Fevziu, i ftuar në programin “Mirëmbrëma Yje” të Arbana Osmanit, është vendosur përballë pyetjeve personale duke zbuluar detaje nga jeta e tij bashkëshortore.

Gjatë intervistës, moderatorja i drejtoi pyetjen se cila ishte dhurata më e shtrenjtë që i kishte bërë gruas së tij ndonjëherë. Pas një momenti hezitimi, Fevziu dha një përgjigje të papritur që shkaktoi të qeshura.

Ai zbuloi se kjo dhuratë daton në vitin e largët 1998 dhe nuk bëhej fjalë për ndonjë blerje të re luksoze. “Puthja e parë. Ka qenë në 1998-ën… Ka qenë në makinën time,” u shpreh ai.

Ky moment i sinqertë dhe me nota humori zbuloi një anë tjetër të gazetarit, i cili e kaloi situatën me sportivitet përballë Arbanës.

Video Player

Greqia është paralizuar nga protestat e fermerëve të cilët kanë bllokuar akset kombëtare për vonesat me dhënien e subvencioneve të BE-së pas një skandali korrupsioni.

Përmes një njoftimi nga Policia kufitare bëhet me dije se edhe sot aksi Kakavijë-Janinë, në fshatin Kallpaq do të bllokohet duke filluar nga ora 17:00-20:00 (me orën shqiptare).

Policia kufitare e Kakavijës njofton qytetarët të marrin masa dhe të planifikojnë oraret e udhëtimit. Të vetme automjete që do të lejohen të kalojnë do të jenë vetëm ato që do të kenë emergjenca shëndetësore.

“Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, nga ora 18:00 deri në orën 21:00 (me orën greke), aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës”, njoftoi sot policia.

Fermerët grekë janë të vendosur të vazhdojnë dhe të intensifikojnë protestat e tyre nëse kërkesat nuk u plotësohen nga qeveria.

Këtë të premte vendi ynë parashikohet me mot të paqëndrueshëm me vranësira mesatare deri të dendura si dhe alternime kthjellimesh.

Sinoptikania e Meteoalb, Lajda Porja, në një lidhje me studion e lajmeve në “Ora News” u shpreh se sot do të kemi reshje shiu me intensitet të ulët në jug të territorit që në orët e para të mëngjesit, më pas reshjet parashikohen të prekin pjesën më të madhe të territorit.

Po ashtu, Porja u shpreh se pavarësisht reshjeve që do të jenë prezente gjatë gjithë fundjavës, do të ketë një stabilizim të situatës hidrike në veri, teksa sqaroi se reshjet nuk do të jenë me intensitet shqetësues.

Ndërkaq, Porja bëri me dije se javën e ardhshme vendi do të përfshihet nga një mot i ngrohtë.

“Do të jetë një mot që do të na duket më shumë si pranverë, sepse sidomos intervali nga ora 10:00 deri në 14:00 temperaturat do të ngjiten në 19 apo 20 gradë dhe kjo është një temperaturë shumë e lartë”, u shpreh sinoptikania Lajda Porja.

Gazetari dhe analisti i njohur Aleksandër Çipa i ka dedikuar disa vargje të ndjera poetit dhe mikut të rij të shtrenjtë, Arben Dukës, në ditën e lindjes. Ai mbylli sytë përgjithmonë në Dhjetor 2021, ndërsa pak javë më pas i ndërroi jetë dhe djali në SHBA.

“Sot është përvjetori i ditëlindjes së poetit që jetoi si një organizëm poetik Arben Duka. Në botën e amëshimtë ku gjendet, së bashku me birin e vet Denisin, nga ne të gjallët që e deshëm dhe e duam, pret jo më urime por shenja kujtese”, shkruan Çipa, teksa ndan vargjet e mëposhtme:

“O Arben që fjete kur lodhe gjithë dhimbjet,

Vetë e parathe: “ janë të gjata vdekjet”

Me gurë të Argjiros bën kalldrëm në zëmër,

Odria  aq e shtrenjtë, që ty t’u mbart ëndërr.

Tani në vendin tënd shtatore ngre vetmia,

E lashë sot një cigare dhe s’u shfaq Perëndia.

Në hap më ra një dorë mendimi rëndur lot,

Ti mërmërite Ben:” O bir s’të ktheva dot!”

Në vendin që e deshe o dukë i fjalës shqipe,

Dy shpirtra mori qielli, dy trupa vdiqe, vdekje.

Të ndarë si në baladë, syrgjin dy kontinente,

Nga qielli marrim shi, shpirtrat i mban për vete.”

Aleksandër Çipa publikon dhe një fotografi të poetit me të birin dhe shkruan “Në paharresë, ke vend të pakufizueshëm, poet e vëlla i shpirtit tim, Arben Duka!

Ai është autor i mbi pesëdhjetë vëllimeve poetike të botuara e të ribotuara deri në pesë herë, si dhe bashkautor në rreth tre mijë këngë të të gjitha zhanërve duke filluar qysh nga viti 1974. Arben Duka ka fituar dhjetëra çmime si autor dhe bashkautor në gjininë e këngës, ku spikasin shtatë çmime të para në Festivalet Kombëtare të këngës në Radiot Televizionin Shqiptar.

https://www.facebook.com/plugins/post.php?href=https%3A%2F%2Fwww.facebook.com%2Fpermalink.php%3Fstory_fbid%3Dpfbid0mdjmuhk1S8d5qvERKtCkMowwmZvQ8J5hrjEdxPTFwP3QwxYvU8b3aVfhMNobvCLcl%26id%3D100063641046425&show_text=true&width=500

Një lajm surprizë ka filluar të qarkullojë me shpejtësi në rrjetet sociale gjatë orëve të fundit, duke zgjuar kureshtje dhe diskutime të shumta mes ndjekësve të reality show-t më të ndjekur në vend. Bëhet fjalë për edicionin e ri të “Big Brother VIP Albania 5”, i cili pritet të nisë më 20 dhjetor, dhe që mesa duket, po përgatit disa lëvizje të pazakonta për publikun.

Sipas burimeve të ndryshme që kanë nisur të aludojnë në platforma të ndryshme online, këngëtari Joz Marku mund të jetë një nga opinionistët zyrtarë të këtij sezoni. Ky informacion nuk është konfirmuar nga produksioni, por thashethemet janë mjaft të forta dhe kanë ndezur menjëherë debatet për mënyrën se si pritet të ndryshojë dinamika e programit nëse ky emër bëhet realitet.

Megjithëse Jozi nuk ka eksperiencë të mëparshme në drejtimin apo komentimin e spektakleve televizive, ai ka një avantazh të rëndësishëm: e njeh formatin nga brenda, si ish-banor i edicionit të katërt të BBVIP. Edhe në atë sezon ai u shndërrua në një nga personazhet më të diskutuar, duke lënë pas momente që u rikthyen shpesh në rrjet. Përveç performancave të tij muzikore, publiku e kujton mirë edhe incidentin e bujshëm gjatë daljes së tij, kur pas një provokimi te dera, ai goditi me shpullë Gjestin, i cili më vonë u shpall fitues i edicionit.

Pikërisht kjo natyrë spontane dhe e drejtpërdrejtë e Jozit ka bërë që shumë ndjekës të mendojnë se si mund të shfaqet ai në rolin e opinionistit, një pozicion që kërkon jo vetëm analizë të situatave, por edhe përballje me konkurrentët dhe publikun.

Nëse ky lajm do të konfirmohet, rikthimi i tij në ekran pritet të jetë një nga zhvillimet më interesante të sezonit të ri. Deri atëherë, publiku mbetet në pritje të njoftimeve zyrtare dhe të zbulimit të plotë të surprizave që “Big Brother VIP Albania 5” do të sjellë këtë vit.