22-vjeçarja shqiptare Paloma Zerellari, e cila ishte zhdukur që prej 12 dhjetorit, në Greqi, është gjetur.
Sipas mediave greke 22-vjeçarja ka kontaktuar me autoritetet dhe iu ka thënë se ndodhet jashtë Kretës. Vajza e re një ditë pas zhdukjes i kishte thënë shokut të saj se ishte larguar me një burrë, përmes një mesazhi që ajo i kishte dërguar.
Buzëqeshja e Fëmijës, organizata që kishte lëshuar alarmin për zhdukjen e saj, ka gjetur vendndodhjen e saj dhe deklaron se ajo ndodhet në Kullën Ilias.
“Aventura” e 22 vjeçares shqiptare ka përfunduar sot duke i dhënë fund ankthit të familjarëve që e kërkonin.