Lajme Flesh

Dritan Zaimi ju predikonte fenë fëmijëve të arsimit fillor në shkollën Gustav Mayer në Tiranë, teksa vetë rezulton të jetë ‘nxënës’ i pastores së vetëshpallur Alketa Auer në Kishën Online Ndërkombëtare që funksionon si grupim fetar në internet i panjohur ligjërisht nga shteti shqiptar.

Nga hulumtimi i gazetares së Top Channel, Kristi Gongo, del në pah se mësuesi i anglishtes është njohur në vitet 90’ me pseudopastoren që pretendon se shëron shqiptarët në emër të Jezus Krishtit. Por së bashku janë ritakuar në vitin 2020, nga ku dyshohet se ka nisur rrugëtimi fetar, që fokusi i indoktrinimit në dukje ka qenë edhe fëmijët.

Materialet ekskluzive të Top Channel tregonin se fëmijët bënin detyra shtëpie për urdhërimet e perëndisë dhe vlerësoheshin me 10, ndërsa kishte edhe dëshmi prindërish që akuzonin 51-vjeçarin se predikonte fenë e “dëshmitarët e jehovait”.

Por postimet e profesorit në platformat sociale tregojnë se Zoti që beson Dritan Zaimi është Yahushua një rrymë mes krishtërimit dhe judaizmit, që e quajnë në formë hebraike Jezusin. Gjatë viteve në publikimet online profesori ka shkruar për alarm ndaj errësirës totale të botës, për vdekjen dhe për luftën ndaj njerëzve që nuk besojnë.

“Tani do të lëkunden themelet e çdokujt që rebelohet ndaj Zotit të gjallë dhe të vërtetë, Jezus Krisht. OSE DO TI NDËNSHTROHENI BIRIT, OSE DO TË SHKATËRROHENI. MOS VDIS PA PRANUAR YAHUSHUA HAMASHIASCH”, shkruhet në një nga postimet e profesorit në Facebook.

Përveç komunitetit virtual, ky grupim ka edhe një strehëz ku zhvillojnë takime me adresë pranë rrugës Aleksandri i Madh në Astir, ndërsa realizojnë edhe evente të mëdha me idenë e shërimit të të sëmurëve, apo edhe pagëzimeve të shumta, mes tyre edhe fëmijë. (TCH)

Operatori i Sistemit të Transmetimit njofton se përgjatë datave 9-11 shkurt, nga ora 08:00 deri në orën 17:00, do të ketë ndërprerje të energjisë elektrike në disa zona të rrethit të Beratit dhe Kuçovës, për shkak të disa punimeve në rrjet.

Konkretisht, në Berat do të ketë ndërprerje të energjisë elektrike në Syzez, Banaj, Gajde, Qamicë, Malas, Polizhan, Qamicë, Murrizë dhe Salcë e Poshtme.

Ndërsa në Kuçovë do të ketë ndërprerje të energjisë elektrike në Bozhok 1, Ferras 1, Ferras 2 dhe Fier Mimare.

Njoftimi i plotë:

Në kuadër të punimeve në Linjën 400 kV Fier – Elbasan – Bitola, ju njoftojmë se në datat 9 – 11 shkurt 2026 nga ora 08:00 deri në orën 17:00 do të stakohet dhe tokëzohet Linja 10 kV e Fiderit F2 në Nënstacionin Çiflik.

Gjatë kësaj periudhe kohore, do të ketë ndërprerje të energjisë elektrike në disa zona të rrethit Berat:

yzez, Banaj, Gajde, Qamicë, Malas, Polizhan, Qamicë, Murrizë, Salcë e Poshtme.

Gjithashtu, ju njoftojmë se, në datën 9 – 11 shkurt 2026 nga ora 08:00 deri në orën 17:00 do të stakohet dhe tokëzohet Linja 6 kV e Fiderit F11 të Nënstacionit Kuçovë.

Gjatë kësaj periudhe kohore, do të ketë ndërprerje të energjisë elektrike në disa zona të rrethit Kuçovë:

Bozhok 1, Ferras 1, Ferras 2, Fier Mimare/Shqiptarja

Një 25-vjeçar shqiptar është arrestuar në qytetin e Pylosit, në Greqi, pasi dyshohet se ka sulmuar një berber dhe i ka dëmtuar automjetin.

Sipas njoftimit të policisë greke, ngjarja ka ndodhur pasditen e 7 shkurtit.

Fillimisht, i riu kishte shkuar si klient në berberhane dhe ishte qethur nga pronari, një 51-vjeçar.

Më pas, për arsye ende të paqarta, ai është rikthyer në ambientet e berberhanes i pajisur me një shkop metalik të palosshëm.

Autoritetet bëjnë me dije se 25-vjeçari fillimisht ka ofenduar berberin dhe më pas e ka goditur me shkop, duke i shkaktuar lëndime trupore.

Po ashtu, ai dyshohet se ka dëmtuar edhe automjetin në pronësi të 51-vjeçarit.

Hyrja e Luiz Ejllit në shtëpinë e “Big Brother VIP Albania 5” ka nisur të japë efektet e para jo vetëm në dinamikat e banorëve, por edhe në zbardhjen e strategjive të fshehta që kanë mbetur enigmë për publikun.

Gjatë “Prime-t” të së shtunës, vëmendja u përqendrua te një bisedë me kode mes Mirit dhe Selinës.

Fraza kyçe “shtype butonin” apo “mos e shtyp butonin” u përdor disa herë mes tyre në lidhje me Gimbon, por pavarësisht insistimit të moderatorit Ledion Liço për një shpjegim, dyshja nuk e qartësoi kuptimin e vërtetë.

Por, vetëm 24 orë pas qëndrimit në shtëpi, Luiz Ejlli duket se e ka zgjidhur përfundimisht enigmën. Teksa qëndronte i vetëm në oborr duke analizuar situatat, fituesi i BBV2 ka bërë një deduksion logjik që shpjegon kontrollin e Mirit mbi lojën e Selinës.

“Domethënë, Miri, Selin… Miri i paska thënë Selinës ‘mos e shtyp butonin’. Që domethënë, sipas logjikës së tyre, Miri e ka në dorë Selinën dhe e kontrollon.

Dhe kur të dojë Miri, i thotë Selinës ‘shtype butonin’, dmth pranoje Gimbon,” ka arsyetuar Luizi me zë të lartë.

Ky zbërthim i skemës konfirmon dyshimet se afrimiteti apo distancimi i Selinës me Gimbon nuk është spontan, por një lëvizje e dirigjuar.

Një incident teknik gjatë transmetimit live nga shtëpia e “Big Brother VIP Kosova” ka nxjerrë zbuluar një përplasje të ashpër që po ndodhte prapa dyerve të mbyllura, duke shokuar jo vetëm publikun, por edhe vetë banorët.

Teksa Elijona, Londrimi dhe Klodi po qëndronin në ambientin e ndenjes (living), qetësia është thyer nga ulërima të forta që vinin nga dhoma e rrëfimit.

Ajo që është dëgjuar ka qenë zëri i producentes Olsa Muhameti, e cila po i bërtiste me tone mjaft të larta dhe agresive banores Dolce.

Të zënë ngushtë nga situata, banorët në sallon kanë mbetur fillimisht të shtangur. Më pas, ata kanë tentuar ta “kamuflojnë” situatën duke filluar të këndojnë dhe të flasin me zë të lartë, në përpjekje për të mbytur zhurmën e sherrit që po transmetohej.

Por, momenti kulminant ka qenë reagimi i Londrimit. Duke parë që debati po dëgjohej qartë, ai i është afruar mikrofonit të tij dhe i ka dhënë një paralajmërim stafit teknik:

“Vëllai i Madh, po dëgjohesh, po ule zërin.”

Kjo video po bën xhiron e rrjetit, duke ngritur diskutime të forta mbi presionin dhe mënyrën e komunikimit të produksionit me banorët brenda dhomës së rrëfimit.

VIDEO

Një aksident i rëndë rrugor ka ndodhur në aksin Prousos – Tornos në Euritania të Greqisë, ku një automjet për shkaqe që ende nuk janë të qarta, doli nga rruga dhe ra në një greminë me thellësi rreth 300 metra.

Menjëherë në vendngjarje u organizua një operacion i madh shpëtimi, me pjesëmarrjen e forcave të Zjarrfikësve, Policisë dhe shërbimit emergjent EKAB.

Sipas mediave greke, shoferi u nxorr nga automjeti pa ndjenja dhe u dorëzua menjëherë te shërbimi i emergjencës.

Aksidenti ndodhi rreth orës 17:00 të së dielës, jo shumë larg Manastirit të Shenjtë të Prousos.

Automjetin që po binte në greminë mësohet se e pa një shofer autobusi turistik nga parkingu i manastirit dhe njoftoi autoritetet.

Ushtria greke u trondit pak ditë më parë nga jë skandal, ku një kolonel i Forcave Ajore u arrestua për spiunazh, pasi u vërtetua se i shiste të dhëna sensitive nga NATO, Kinës.

Akuza me të cilën përballet ai mund të rezultojë në burgim deri në përjetësi. Oficeri grek kishte përvojë të gjerë në sistemet elektronike sekrete dhe ishte gjithashtu një vlerësues i rregullt i NATO-s, duke u siguruar kështu kinezëve të dhëna edhe më të ndjeshme të Aleancës.

Megjithatë, veprimi i tij mori fund kur mbërritën informacionet e para nga CIA. Oficeri i lartë u mor në pyetje nga dy drejtues të EYP-së, ku ai ra në një sërë kontradiktash dhe më në fund “u thye” .

Si u zbulua

Sipas STAR në tetor, CIA i dërgoi një sinjal Shërbimit Helenik të Sigurisë, sipas të cilit një oficer ushtarak në Greqi dyshohet se i kishte rrjedhur Kinës informacione të klasifikuara të NATO-s.

EYP njoftoi menjëherë Degën e 5-të të Shtabit të Përgjithshëm të Mbrojtjes Kombëtare Helene, pra kundërzbulimin . Që nga ai moment, filloi një hetim që i ngjan një skenari filmi.
Më në fund, ata arritën te i dyshuari nga provat. Sipas autoriteteve, vetëm Koloneli në fjalë mund të kishte qasje në këtë informacion, për shkak të pozicionit të tij si komandant i një njësie me radar dhe sisteme elektronike. Kështu, hetuesit fituan një fytyrë dhe automatikisht një pikë referimi: Gaforren .
Gjatë hetimit, u zbulua se Koloneli po përdorte dy telefona celularë . Njëri ishte sekret dhe, sipas informacioneve, i ishte dhënë nga kinezët. Oficerët arritën të zbulonin sinjalin e koduar që po dërgohej në Kinë.

Ekspertët thanë se skenari më i mundshëm është që ai të ketë fotografuar dokumente konfidenciale dhe, nëpërmjet një programi të posaçëm, t’i ketë konvertuar ato në kode QR në mënyrë që të mund të dërgoheshin pa u vënë re menjëherë. Megjithatë, në epokën e teknologjisë, asgjë nuk mbetet e fshehur.

Kryeministri Edi Rama do të udhëtojë drejt Uashingtonit për të marrë pjesë në mbledhjen e parë të Bordit të Paqes, mbledhje e cila është thirrur nga presidenti amerikan Donald Trump më 19 shkurt.

Kjo është mbledhja e parë e këtij Bordi që do të drejtohet nga Trump, ndërsa për Shqipërinë pritet formalizimi i marrëveshjes së munguar për t’u bërë pjesë këtij organizmi ndërkombëtar.  Marrëveshja pritej të firmosej në Davos, njëjtë si rasti i Kosovës, por kryeministri Rama tha se zgjodhi të priste në Shqipëri vajzën e Trump.

Një vit pa asnjë takim të nivelit të lartë, Rama në Uashington më 19 shkurt…

Bordi i sapokrijuar i Paqes për Gazën pritet të mbajë mbledhjen e parë më 19 shkurt në Uashington, një nismë e promovuar nga presidenti amerikan Donald Trump, e cila që në nisje ka ngjallur skepticizëm dhe refuzim nga një pjesë e konsiderueshme e shteteve kryesore dhe aktorëve ndërkombëtarë.

Në këtë takim pritet të jetë i pranishëm edhe kryeministri i Shqipërisë, Edi Rama. Ndryshe nga disa liderë të tjerë, Rama nuk ishte i pranishëm në Davos, ku u firmos krijimi i Bordit të Paqes si një platformë e re për ndërmjetësim konfliktesh. Megjithatë, ai duket se po synon ta përdorë pikërisht mbledhjen në Uashington për kapital politik.

Pjesëmarrja e Ramës në këtë forum vjen në një kontekst të veçantë marrëdhëniesh me administratën amerikane. Që nga ardhja në pushtet e Donald Trump, kryeministri shqiptar nuk ka zhvilluar një vizitë zyrtare në SHBA dhe nuk është pritur nga asnjë zyrtar i lartë i administratës së re, çka e ka vendosur Tiranën në një pozicion të ftohtë diplomatik krahasuar me periudha të mëparshme. Pra Rama ka 1 vit i izoluar dhe Bordi i Paqes do të përdoret si biletë për të bërë për vete administratën e Trump.

Padyshim, kjo lëvizje pritet të shoqërohet edhe me përpjekje për ta paraqitur pjesëmarrjen si një sukses diplomatik në politikën e brendshme, në një moment kur qeveria përballet me presion të shtuar nga skandalet dhe hetimet e SPAK.

Vetë Bordi i Paqes për Gazën ka lindur mes polemikash. Që në Davos, një numër i madh shtetesh kryesore evropiane dhe partnerësh ndërkombëtarë zgjodhën të mos i bashkohen nismës dhe të mos firmosin angazhimin, duke e lënë strukturën pa mbështetjen e aktorëve kyç të diplomacisë perëndimore.

Italia, Greqia, Franca dhe disa vende të tjera të Bashkimit Evropian nuk u bënë pjesë e Bordit, duke qëndruar jashtë një iniciative që funksionon jashtë mekanizmave tradicionalë të diplomacisë ndërkombëtare dhe pa rol të qartë të Kombeve të Bashkuara. Ky refuzim ka ndikuar drejtpërdrejt në perceptimin e Bordit si një forum me përfaqësim të kufizuar dhe legjitimitet të diskutueshëm.

Në veçanti, Franca dhe Italia, të cilat kanë rol aktiv në politikat e Lindjes së Mesme dhe janë pjesë e strukturave kryesore multilaterale, kanë zgjedhur të mos rreshtohen në një nismë të lidhur drejtpërdrejt me axhendën politike të Donald Trump. Edhe Greqia, ndonëse aleate e SHBA-së, ka ndjekur të njëjtën linjë përmbajtjeje.

Në axhendën e takimit të 19 shkurtit priten diskutime mbi konfliktin në Gaza, si dhe ide për angazhime politike dhe bashkëpunim rajonal. Megjithatë, mbetet për t’u parë nëse ky Bord do të ketë ndikim real në terren apo do të shërbejë më shumë si një platformë politike, ku disa liderë kërkojnë të forcojnë pozicionet e tyre ndërkombëtare dhe, më pas, t’i kapitalizojnë ato në skenën e brendshme. /Pamfleti

Hyrja e Luiz Ejllit në shtëpinë e “Big Brother VIP Albania 5” ka trazuar menjëherë ujërat, duke krijuar një klimë të rënduar psikologjike, veçanërisht për Rogertin, i cili është shfaqur tejet i revoltuar që në momentin e parë.

Pas përplasjeve verbale dhe ofendimeve të ashpra që shoqëruan mbërritjen e fituesit të BBV2, konflikti është zhvendosur edhe në hapësirën e dhomës së gjumit, duke mos lënë vend për qetësi as gjatë orëve të natës.

Teksa Luizi po pushonte në shtratin e tij, Rogerti është afruar te krevati dhe ka marrë valixhen e këngëtarit. Me një objekt në dorë, ai ka nisur ta godasë vazhdimisht dhe fort valixhen, duke krijuar një zhurmë të madhe në dhomë, me qëllimin e qartë për të provokuar dhe për të mos e lënë Luizin të flejë.

Megjithatë, pavarësisht zhurmës dhe presionit të hapur për ta nxjerrë nga vetja, Luizi ka zgjedhur të mos reagojë fare, duke vazhduar të qëndrojë i pashqetësuar ndaj këtij veprimi demonstrativ.

Video Player

Hyrja e Luiz Ejllit në “Big Brother VIP Albania 5” ka shkaktuar efektin e pritshëm: një “tërmet” të vërtetë emocional dhe debate të ashpra që në minutat e para.

Situata është tensionuar maksimalisht mes tij dhe Rogertit, ku nuk kanë munguar ofendimet e rënda personale dhe provokimet mbi jetën private, të cilat kanë trazuar jo vetëm shtëpinë, por edhe mbështetësit jashtë.

Ndërkohë që rrjeti po zien nga videot e përplasjes, një reagim surprizues ka ardhur nga bashkëshortja e tij, Kiara Tito.

Ndryshe nga sa pritej – ku zakonisht familjarët urojnë fitoren apo qëndrimin sa më të gjatë – Kiara ka bërë të kundërtën në postimin e fundit të Luizit në Instagram.

Ajo ka lënë një koment që tregon qartë pakënaqësinë e saj ndaj klimës toksike dhe ofendimeve që po ndodhin brenda shtëpisë:

“Uroj që të dalësh sa më shpejt nga ajo shtëpi,” ka shkruar moderatorja.