Lajme Flesh

Ish-kryebashkiaku i Përmetit, një figurë e njohur dhe e respektuar e komunitetit përmetar, Spartak Kondi ka ndërruar këtë të mërkurë.

Kondi i cili drejtoi një nga bashkitë e jugut të vendit për një mandat katër vjeçar ka mbyllur sytë përgjithmonë duke lënë pas dhimbje te familjarët, por dhe ata përmetarë dhe kolegë që ai njohu, i takoi, ndau hallet dhe punët e qytetit.

Kontributi i Kondit në drejtimin e qytetit, përkushtimi dhe puna e palodhur në shërbim të interesit publik do të mbeten të gdhendura në kujtesën e qytetarëve.

Në nderim të jetës dhe veprës së tij, në katin e parë të Bashkisë Përmet është vendosur libri i përshtypjeve, ku qytetarët kanë mundësinë të lënë një mendim, kujtim apo mesazh nderimi.

“LAMTUMIRË SPARTAK KONDI!

Me mirënjohje dhe respekt të thellë shprehim ngushëllimet tona më të sinqerta për ndarjen nga jeta të ish-Kryebashkiakut të Përmetit në vitet 1996–2000 dhe qytetarit tonë Spartak Kondi.

Kontributi, përkushtimi dhe puna e tij në shërbim të qytetit dhe komunitetit do të mbeten një vlerë e çmuar dhe e paharruar. Në nder të figurës së tij, në katin e parë të Bashkisë Përmet do të jetë i vendosur libri i përshtypjeve, ku qytetarët që dëshirojnë mund të shprehin një mendim, një kujtim apo një mesazh nderimi. I shprehim ngushëllimet më të sinqerta familjes, të afërmve dhe gjithë qytetarëve. U prehtë në paqe! Lamtumirë Kryetar”, thuhet në njoftimin e bërë nga Bashkia e Përmetit.

Parlamenti Europian votoi të mërkurën me shumicë dërrmuese për të hedhur poshtë përpjekjet e shteteve anëtare të BE-së për të dobësuar të drejtat e kompensimit të pasagjerëve ajrorë, duke ruajtur pragun e vonesës prej tre orësh që ka mbrojtur udhëtarët që nga viti 2004.

Eurodeputetët miratuan qëndrimin e tyre me 632 vota pro, 15 kundër dhe nëntë abstenime, duke kundërshtuar propozimet e Këshillit që do të kishin ulur të drejtat e kompensimit dhe do të kishin rritur pragun e vonesës në katër deri në gjashtë orë në varësi të distancës së fluturimit.

Parlamenti dëshiron të mbajë nivelet e kompensimit midis 300 dhe 600 eurove bazuar në distancën e fluturimit, ndërsa Këshilli propozoi uljen e maksimumit në 500 euro.

Vota mbështeti gjithashtu ruajtjen e të drejtave të pasagjerëve për rimbursim, ridrejtim dhe kompensim për anulimet dhe mohimin e hipjes në bord.

Rregullat e projektligjit do të kërkonin që linjat ajrore të dërgonin formularë kompensimi të para-plotësuar tek pasagjerët brenda 48 orëve nga anulimet ose vonesat, duke u dhënë udhëtarëve një vit për të paraqitur kërkesa. Qëndrimi i Këshillit do të kërkonte formularë të para-plotësuar vetëm pas anulimeve, jo vonesave.

Eurodeputetët gjithashtu duan të heqin tarifat shtesë për korrigjimin e gabimeve në emrat e pasagjerëve ose regjistrimin në fluturime, dhe të garantojnë bagazhe kabine falas, duke përfshirë një send personal dhe një bagazh të vogël dore me dimensione maksimale 100 cm dhe shtatë kilogramë.

Parlamenti mbështeti mbajtjen e detyrimit të linjave ajrore për të ofruar pije freskuese çdo dy orë pas orarit të nisjes, vakte pas tre orësh dhe akomodim gjatë natës për maksimumi tre netë gjatë vonesave të gjata. Kufiri prej tre netësh do t’u ofronte linjave ajrore parashikueshmëri më të madhe të kostos, sipas eurodeputetëve.

Qeveria e Edi Ramës vijon ashpërsimin e Kodit Penal, duke parashikuar burgosje edhe për shkelje administrative.

Sot, në Komisionin e Ligjeve, ministri i Drejtësisë, Besfort Lamallari, ka prezantuar propozimet e qeverisë, ku përfshihet në Kodin Penal dënimi me burgosje për parkimet dyshe, zënien e hapësirave publike, si dhe ashpërsimi i dënimeve për ndërtimet pa leje.

Pr/ligji ndërhyn në një fenoment të prëditshëm por me pasoja për sigurinë publike. Parkimi në resht të dytë. Duke e trajtuar si vepër penale në rastet kur kjo pengon seriozisht qarkullimin dhe lëvizjen e mjeteve të emergjencës.

Në propozimet për ndryshim në Kod është përfshirë edhe dekriminalizimi i shpifjes për gazetarët.

Pas paralajmërimeve për ndryshime në Kodin Penal, ku shumë shkelje administrative do të dënohen me burg, drafti i qeverisë ka mbërritur në Komisionin e Ligjeve, ku janë miratuar ndryshimet e kërkuara nga Këshilli i Ministrave.

Që nga shtesat pa leje e deri te parkimet dyshe, që më parë dënoheshin me gjobë, tashmë me këto ndryshime ligjore do të konsiderohen vepra penale dhe do të dënohen me burg. Ministri i Drejtësisë, Besfort Lamallari, ishte në Komisionin e Ligjeve, ku u miratuan ndryshimet.

Ndryshimet parashikojnë edhe dekriminalizimin e shpifjes për gazetarët.

NASA i është përgjigjur zyrtarisht një teorie që u bë virale në internet, e cila pretendonte se Toka do të humbiste gravitetin e saj për shtatë sekonda në vitin 2026, duke shkaktuar miliona vdekje.

Sipas kësaj teorie, fenomeni do të ndodhte më 12 gusht dhe agjencia hapësinore amerikane thuhet se ka zbatuar një program të supozuar të quajtur “Project Anchor”, për t’u marrë me pasojat.

Teoria fliste për objekte dhe njerëz që shemben gjatë “kthimit” të gravitetit, me referenca për deri në 40 milionë vdekje nga rëniet, ndërsa pretendonte se NASA po shpenzon dhjetëra miliarda dollarë për të parandaluar katastrofën.

Mohim kategorik nga NASA

Një zëdhënës i NASA-s, duke folur për faqen e internetit të verifikimit të fakteve Snopes, i mohoi kategorikisht pretendimet, duke sqaruar se Toka nuk do ta humbasë gravitetin e saj më 12 gusht 2026 ose në ndonjë datë tjetër.

Siç shpjegoi ai, graviteti i Tokës përcaktohet nga masa e saj totale. Që graviteti të “zhduket”, i gjithë sistemi i Tokës – bërthama, manteli, korja, oqeanet, rezervat e ujit dhe atmosfera – do të duhej të humbnin masivisht materie, e cila nuk shoqërohet me ndonjë fenomen natyror të njohur.

Çfarë do të ndodhë realisht më 12 gusht?

Data e cituar në postime nuk lidhet me ndonjë anomali gravitacionale.

Përkundrazi, një eklips total diellor është planifikuar për 12 gusht 2026, një fenomen që nuk ka ndonjë efekt të pazakontë në gravitetin e Tokës.

NASA na kujton se, ndërsa tërheqja gravitacionale e Diellit dhe Hënës ndikon në baticë, ajo nuk e ndryshon tërheqjen gravitacionale të përgjithshme të planetit. Këto fenomene kuptohen plotësisht nga shkenca dhe mund të parashikohen me saktësi dekada më parë.

Udhëzime për eklipsin

Lidhur me eklipsin e ardhshëm, NASA thekson se vëzhgimi i Diellit pa mbrojtje të veçantë është i rrezikshëm për sytë.

Kërkohen syze të posaçme për eklipsin, ndërsa vëzhgimi i drejtpërdrejtë pa mbrojtje lejohet vetëm për disa sekonda , kur Hëna e mbulon plotësisht Diellin. Sapo të rishfaqet edhe një pjesë e vogël e diskut diellor, mbrojtja duhet të përdoret përsëri menjëherë.

NASA dhe shkencëtarët në përgjithësi theksojnë se pretendimi i “shtatë sekondave të mungesës së peshës “nuk ka asnjë bazë shkencore dhe është pjesë e një liste të gjatë teorish konspirative online që shfrytëzojnë injorancën rreth parimeve themelore të fizikës.

Pesëmbëdhjetë vite pas zhdukjes që la pa gjumë mbarë opinionin publik, një dëshmi e re dhe tronditëse premton të hedhë dritë mbi fatin e Bleona Matës.

Vajza, e cila u zhduk në moshën 6-vjeçare nga fshati Zapot i Kukësit ndërsa kulloste bagëtinë, dyshohet se është gjallë dhe ndodhet në Bashkimin Evropian.

Sipas informacioneve të bëra publike nga gazetarja Nexhmije Beqiri në Report TV, një shtetas ka rrëfyer skemën e frikshme të rrëmbimit që ka ndodhur brenda “gjirit të fshatit”.

Statusi i plote i Nexhi Beqiri:

Sot, 15 vjet pas ” zhdukjes” së Bleona Matës: sipas informacioneve më të fundit, e thënë nga një shtetas, Bleona Mata, vajza 6 vjeçare e rrëmbyer në Zapot të Kukësit, është rrëmbyer nga një fshatar po nga ai fshat i Kukësit, dhe është sjellë në fshatin Llakatun të Vlorës , tek vajza e tij që nuk kishte fëmijë. Pas 3 muaj, kjo familje bashkë me Bleonën ikin në Greqi, dhe vitet e fundit gjenden në Gjermani. Bleona Mata jeton.🥲🥲🥲🥲🙏🙏🙏🙏🙏

Gjashtëmbëdhjetë vite pas zhdukjes misterioze të vogëlushes Bleona Matës, një dëshmi e re ka mbërritur në redaksinë e emisionit “Pa Gjurmë” në Report Tv, duke ngritur dyshime serioze mbi vendndodhjen dhe lëvizjet e saj pas humbjes më 22 maj 2010, nga mali Pikëllim, në zonën e fshatit Zapod, Kukës.

Dëshmitari në një bisedë të gjatë telefonike me gazetaren e emisionit Odeta Dume, ka ndarë një sërë informacionesh dhe detajesh që lidhen me rrethanat e asaj kohe, lëvizje të dyshimta dhe elementë që, sipas tij, mund të hapin pista të reja hetimi për fatin e Bleonës.

“Unë kam informacion për Bleona Matën. Vajzën e kanë sjellë njerëz të afërt të familjes… e kanë sjellë në Llakatund dhe nga Llakatundi për tre muaj e kanë mbajtur në fshatin Picar të Vlorës”, thotë ajo.

Sipas rrëfimit të tij, vajza është marrë nga një çift, i cili dyshohet se e ka mbajtur të izoluar. Dëshmitari shton se pasi rasti u bë mediatik në programin “Njerëz të Humbur” të atij viti, vogëlushja e dyshuar si Bleona Matë është larguar nga fshati.

“E kam parë Bleonën me sytë e mi, e kemi parë dhe në televizor. Unë dyshoj se nga frika ata e dërguan në Greqi, pasi ajo familje kishte jetuar edhe më parë në atë shtet”, vijon ajo.

Edhe pse këto pretendime mbeten të paverifikuara zyrtarisht, dëshmia përbën një rrëfim të drejtpërdrejtë nga një banor i zonës dhe ndez një dritë jeshile për verifikime të mëtejshme.

Zhdukja e Bleona Matës mbetet një nga rastet më të mediatizuara dhe më të dhimbshme në Shqipëri gjatë dekadës së fundit. Një vajzë vetëm 6 vjeçe u zhduk më 22 maj 2010, ndërsa gjurmët e saj të fundit u humbën në malin Pikëllim, në zonën e Kukësit.

Emisioni “Pa Gjurmë” do të vijojë verifikimin e çdo informacioni të ri dhe ndjekjen e kësaj piste, me shpresën për të hedhur dritë mbi një nga rastet më të pazbardhura të zhdukjes së një fëmije në Shqipëri.

Kushdo që ka informacion për Bleona Matën, ftohet të kontaktojë stafin e emisionit “Pa Gjurmë”, edhe në mënyrë anonime, në numrin: +355 69 99 55 698

E drejtpërdrejtë dhe me deklarata të pastra u drejtohet Monika Kryemadhi banorëve të Big Brother VIP, ndërsa qëndron në rolin e opinionistes.

Në një intervistë për ‘Ftesë në 5’ ajo thotë se gjithnjë ka qenë ‘pa filtra’ kur vjen puna për të thënë opinionin e saj.

“Unë dhe kur kam qenë e martuar, nuk kam pasur filtra për deklaratat. Nuk kam mentalitet që çfarë do më thonë. Tani nuk e ashtu fare (qesh)”, tha Kryemadhi.

E ndërsa pyetet nga Bieta Sulo nëse beson ende te dashuria pas divorcit, Kryemadhi e ka përgjigjen e prerë.

“Besoj te dashuria, është kryesore, ngroh shpirtin”, por ajo thotë ndër reshta se është ende e dashuruar me Metën, ose të paktën se ai është dashuria e saj e parë dhe e fundit.

“Nuk mendoj se jam në fazë për të dashuruar sepse unë e kam dashurinë time, sepse dashuria ime me ish bashkëshortin ka kaluar në shumë sfida, dhe edhe kur vjen një moment që mbaron dashuria, nuk do të thotë që mbaron dashura nga ana tjetër.

Nuk është më prioriteti im një dashuri tjetër. Për fatin tim të mirë ose të keq, Meta ka qenë dashuria e parë dhe e fundit mund ta them. E para mendoj se e gjithë jeta ime politike ka filluar me Metën në krahë, politika na bashkoi dhe prapë politika na ndau.

Nuk e kam menduar si një marrëdhënie që ishte në kurriz të politikës, e kam dashur ndoshta më shumë se sa më ka dashur ai, dhe kur ndodh kështu je akoma e ngopur për të parë nga një dashuri tjetër”, rrëfeu ajo./Top Channel

Krusita është banorja më e re që iu bashkua shtëpisë së “Big Brother Vip”, mbrëmjen e djeshme.

Megjithatë, ajo që tërhoqi vëmendjen e të gjithëve, ishte një tërheqje dhe afrimitet mes saj dhe Kristit.

Për këtë, në emisionin “Breaking”, në Top News, ka folur sot mikesha e këngëtares, e cila tha se ajo është single.

Ajo shton se me Kristin ka parë një afrimitet dhe nuk e mohon që mes tyre të ketë diçka.

“Përshëndetje, jam Semi mikesha Krusites! Nëse do të ketë një romancë mes të dyve pse jo. Siç tha dhe Krusita, ‘jam e hapur nëse do më pëlqejë dikush’. Ajo është single dhe Kristi është shumë djalë i mirë. Pashë dhe unë dje një afrimitet mes tyre, mbase shoqëror nuk e di. Por di që janë bere shumë viralë të dy bashkë”- tha ajo.

Një incident ka ndodhur mbasditen e sotme në Fier, ku një person rreth 50 vjeç ka rënë nga kati i tretë i një pallati në lagjen Apolonia.

Burri, A.D., 50 vjeç, banor i Fierit, me profesion arsimtar, në rrethana të paqarta ka rënë nga lartësia e katit të tretë të pallatit dhe si pasojë ka përfunduar në tarracën e një verande të katit të dytë.

Burri ka mbetur i varur në pjesën e jashtme të ndërtesës. Situata ka qenë disi e rrezikshme dhe ka zgjatur disa minuta, duke shkaktuar ankth te banorët e zonës.

Ndërkohë në vendin e ngjarjes kanë mbërritur ambulanca, policia dhe shërbimi zjarrfikës, të cilët kanë bërë të mundur zbritjen e të dëmtuarit dhe transportimin e tij drejt Spitalit Rajonal Fier.

Noa.al mëson se, 50-vjeçari, mësues i gjuhës angleze, ndodhet nën kujdesin e mjekëve.

Në një komunikatë për media, policia tha se ngjarja ndodhi rreth orës 17:50, në lagjen “Apollonia”, Fier, duke pohuar se shtetasi A. D., 55 vjeç, dyshohet së është vetëhedhur nga kati i tretë i pallatit ku banonte.

Aktualisht ky shtetas ndodhet në spital për ndihmë mjekësore, jashtë rrezikut për jetën.

Grupi hetimor vijon të jetë në vendngjarje dhe po punon për sqarimin e rrethanave të rastit.ndërsa policia po punon për zbardhjen e plotë të ngjarjes.

Moti i keq që ka përfshirë Greqinë ka shënuar dy viktima.

Viktima e parë është një roje bregdetare i cili u mbyt në tentativë për të lidhur dhe siguruar motoskafin e shërbimit në zonën Astros të Peloponezit.

Viktima e dytë është një grua e cila u gjet e vdekur në zonën Glifadha të Athinës. Dëshmitarë okularë thanë se viktima u godit nga një makinë që ishte rrëmbyer prej ujit të shirave të shumta që ranë gjatë mbrëmjes të së mërkurës.

Më herët stuhia goditi gjithë vendin ndërsa dëme janë shënuar në ishullin e Gavdos në jug të Kretës si dhe në shumë zona të Peloponezit, Atikës dhe Evias.

Meteorologët paralajmëruan shtrëngata shiu dhe reshje dëbore në zonat malore, ndërsa reshjet e dendura të shiut do të vazhdojnë deri paraditen e së enjtes, më pas pritet pakësimi i tyre.

Mbrojtja civile u kërkoi banorëve të zonave në rrezik të mos dalin nga banesat e tyre nëse nuk kanë një shkak serioz ndërsa gjithë mekanizmi shtetëror është vënë në alarm.

Pamjet janë marrë nga qendra e Athinës ku reshjet e dendura kanë përmbytur rrugë dhe kryqëzime si dhe nga zona e Patrës ku era e fortë ka pezulluar kalimin lundrimin nga dhe drejt porteve të Jonit dhe drejt Italisë./Top Channel