Lajme Flesh

Janina dikur cilësohej si kryeqyteti i Shqipërisë. Ali Pasha i Janinës kishte në qytetin, sot pjesë e Greqisë, sarajet e tij, kështjellën dhe dhjetra fortifikime. Dhe qyteti banohej në pjesë të madhe nga shqiptarë.

Por duket se sot, këto kujtime të vjetra zgjohen teksa qyteti që grekët e quajnë si “kryeqyteti i Epirit”, ka parë një valë të madhe të turistëve shqiptarë.

Në fakt, sipas shifrave, shqiptarët mbajnë vendin e parë të turistëve të huaj që kanë vizituar Janinën, duke lënë pas edhe gjermanët.

Sipas INSETE, vendi në veri të Greqisë priti 1.7 milionë vizitorë në vitin 2023. Nga këta, 219,000 ishin nga Shqipëria, 80,000 nga Gjermania dhe 76,000 nga Mbretëria e Bashkuar.

Gjatë të njëjtit vit, të ardhurat turistike për Greqinë e Veriut arritën në 330 milionë euro, me 46 milionë nga vizitorët gjermanë, 42 milionë nga vizitorët shqiptarë dhe 41 milionë nga vizitorët britanikë.

Për dekada, vizitorët nga Shqipëria kanë qenë më të rëndësishmit si në numër ashtu edhe në shpenzime, pas vizitorëve grekë, për qytetin e Janinës. Arritjet e tyre janë të qëndrueshme, duke i bërë ata një burim jetik të ardhurash për ekonominë lokale, duke mbështetur hotelet, restorantet dhe sektorin e shitjes me pakicë.

Një pjesë e madhe e shqiptarëve kryesisht me banim në jug të vendit, e zgjedhin Janinën edhe për arsye shëndetësore. Në qytetin grek ka dy spitale të mëdha me mjekë të specializuar që ofrojnë shërbim të lartë.

Lidhjet e biznesit midis Janinës dhe Shqipërisë mbeten gjithashtu të forta. Shumë kompani në Janinë kanë bashkëpunime të gjata me bizneset shqiptare, me partneritete të reja që vazhdojnë të krijohen, duke përfituar të dyja palët.

“Big Brother VIP Albania” do të rikthehet së shpejti në ekran për edicionin e katërt, dhe pritshmëritë janë të larta.

Ky spektakël i njohur për grumbullimin e figurave publike në një shtëpi për më shumë se 100 ditë, tashmë është bërë një fenomen mediatik që tërheq vëmendjen e audiencës shqiptare dhe ndërkombëtare.

Në edicionin e këtij viti, përflitet se do të marrin pjesë një grup i përzgjedhur artistësh dhe personazhesh nga fusha të ndryshme, përfshirë artistë, këngëtarë dhe figura të njohura televizive.

Këtë sezon, një nga emrat më të përfolur si banor i BBV4 ka qenë Young Zerka — mirëpo ardhja në jetë e fëmijës së tij mund të ketë ndryshuar planet.

Sa i përket pjesmarrësve të tjerë, disa nga emrat e përfolur janë:

1. Devi & Dori (dyshja e Fiks Fare) si konkurrent i vetëm.

2. Visjan Ukcenaj

3. Cubi Metkaj

4. Enxhi Nasufi

5. Sara Hoxha

6. Kastro Zizo

7. Eugent Bushpepa

8. Bledi Beqiri

9. Ritvana Fetahu

10. Rinian Leka

Ndryshe nga sezonet e kaluara, këtë vit informacionet për sezonin e ri kanë qenë shumë të kufizuara, çka të bën të mendosh se surprizat do zbulohen vetëm pas nisjes së programit.

Emisioni investigativ dhe satirik, “Fiks Fare,” ka nisur sezonin e tij të ri me një ndryshim të madh në drejtimin e emisionit.

Aktori i njohur i humorit, Jul Deda, dhe prezantuesja Xhemi Shehu, janë vendosur në krye të programit, duke zëvendësuar dyshen që e kishte drejtuar më parë, Devi & Dori.

Ky ndryshim është bërë objekt i komenteve të shumta nga publiku, pasi puntata e parë e sezonit të ri u transmetua më 9 shtator. Përballë një sfide të madhe për të ruajtur frymën dhe stilin unik të “Fiks Fare,” Jul Deda dhe Xhemi Shehu kanë nisur rrugëtimin e tyre të ri si drejtues.

Ashtu siç pritej, komentet e publikut nuk kanë munguar. Shumë shikues e kanë ‘pëqafuar’ ndryshimin, duke vlerësuar karizmën e Julit dhe profesionalizmin e Xhemit.

Megjithatë, një pjesë e tyre nuk janë impresionuar nga performanca e re e dyshes. Komentet negative të publikut përfshijnë: “Jeni shumë dobët,” “Dori dhe Devi më mirë,” “Jeni shumë të vakët” dhe “Jeni fallco.”

Këto komente reflektojnë ndjesinë e një pjese të audiencës që nuk ka mundur të përshtatet menjëherë me formatin e ri të drejtimit dhe preferon dinamikën e mëparshme të emisionit.

Të tjerë kanë përmendur se Jul Deda dhe Xhemi Shehu, ndonëse figura të mirënjohura në ekran, nuk kanë arritur ende të gjejnë harmoninë e duhur për të tërhequr plotësisht shikuesit që janë mësuar me mënyrën e drejtimit të Devit & Dorit.

Megjithatë, duke marrë parasysh që ky është vetëm fillimi i sezonit, mbetet për t’u parë se si do të zhvillohet dinamika e ekipit të ri drejtues dhe nëse ata do të arrijnë të fitojnë mbi skeptikët në javët në vazhdim.

Këngëtarja e njohur shqiptare Beatrix Ramosaj, e cila ka bërë një emër të fortë në industrinë e muzikës dhe përfaqëson me krenari kulturën shqiptare në skenën ndërkombëtare, ka marrë vëmendjen e medieve dhe ndjekësve me postimin e saj të fundit në Instagram.

Në këtë postim, Beatrix shfaqet duke e mbajtur të veshur një veshje të ndezur të kuqe, një zgjedhje e cila ka tërhequr menjëherë vëmendjen dhe ka bërë jehonë në rrjetet sociale.

Veshja e saj e kuqe, e cila është e ngjashme me simbolikën e pasionit dhe energjisë, është e kombinuar me një stil të veçantë që nënvizon elegancën dhe sharm të saj

Në fotografitë e publikuara, Beatrix gjithashtu është duke mbajtur pranë saj qenushin e saj të dashur, i cili duket të jetë një shok i pandashëm për të.

Ky detaj i vogël, por shumë i rëndësishëm, shton një ndjesi të ngrohtë dhe të afërt në postimet e saj, duke theksuar lidhjen e veçantë që ka me kafshën e saj shtëpiake.

Postimet e Beatrix janë gjithmonë një ndodhi e mirëpritur për ndjekësit e saj, dhe kjo e fundit nuk është përjashtim. Veshja e saj e kuqe dhe prania e qenushit të saj kanë bërë që fansat të komentojnë dhe të ndajnë mendimet e tyre në lidhje me stilin dhe bukurinë e saj.

Këtë të mërkurë, një aksident i rëndë është shënuar në zonën e Selanikut në Greqi.

Një 46-vjeçar, i cili ishte në gjendje të dehur në timon, ka përplasur një çift, së bashku me fëmijën e tyre 2 vjeçar.

Çifti i bashkëshortëve është transportuar menjëherë në spital, ku mësohet se janë në intubim.

Gruaja, sipas mediave greke, ka qenë edhe 5 muajshe shtatëzënë.

Për ngjarjen e rëndë, policia ka vënë në pranga shoferin, i cili pritet që të dalë nesër para togave të zeza.

Humbja e Shqipërisë ndaj Gjeorgjisë me rezultatin minimal 0-1 ka sjellë tensione në shkallët e “Air Albania”.

Në golin e pësuar, portieri Thomas Strakosha mbeti i ‘ngrirë’ në vend duke mos patur mundësi veprimi.

Kjo nuk u ka pëlqyer disa tifozëve të cilët kanë nisur ofendimet ndaj gardianit kuqezi. Këto ofendime janë dëgjuar nga familjarët e Strakoshës të cilët ndodheshin në tribunën kryesore.

Vëllai i Thomas, Dimitris, ka shkuar të debatojë me tone të larta me tifozët në fjalë, por u desh ndërhyrja e oficerëve të sigurisë dhe babait, ish-portierit Foto Strakosha, për të mos agravuar më tej situatën.

Pamje të siguruara nga “News 24” pasqyrojnë ngjarjen e tensionuar në tribunën kryesore në “Air Albania” poshtë sektorit të gazetarëve.

Aktori i njohur, Albano Bogdo i ftuar në Quo Vadis në Vizion Plus me Pranvera Borakajn analizoi performancën e trajnerit të kombëtares në “Euro 2024”.

Ai u shpreh se Silvinjo është një trajner pa eksperiencë. Sipas Albanos në Europian nuk duhet të mungonte futbollisti Sokol Cikalleshi, teksa u shpreh se edhe golat fantastikë të Asanit janë si pasojë e ndihmës së madhe që i jep në fushë Cikalleshi.

“Në Amerikë ka 35 sporte të tjera më të rëndësishme se sa futbolli. Të gjithë futbollistët janë më të paguar se sa Ronaldo. Unë kam shumë njohuri nga futbolli. Silvinjo është një trajner idiot komplet, nuk ka fituar kurrë asgjë dhe nuk ka eksperiencë. Shkon në Europian dhe nuk thërret Sokol Cikalleshin. Golat që ka bërë Jasir Asani nga jashtë zonës merri shikoi dhe kanë ardhur si pasoje sepse Cikalleshi vrapon pa top dhe merr dy qëndër mbrojtësit me vete. Asani del bosh dhe godet portën. Broja ka luajtur a ska luajtur 5 ndeshje se ka qenë i dëmtuar ose 10 maksimumi”, tha Albano Bogdo.

Deputeti i PS, Eduard Shalsi, ka qenë i ftuar në një emision televiziv , ku ka debatuar me analistin Armand Shkullaku, për pushtetin e ushtruar nga socialistët në këto 11 vite.

Pjesë nga biseda:

Armand Shkullaku: Ti e the atë, që “ne do vjedhim por jo si këta”! Doli fjala jote…

Eduard Shalsi: E kam thënë dhe mund ta përsëris sa të duash. Unë nuk kam qenë naiv Shkullak që të mendoj se me ardhjen e PS në pushtet merr fund korrupsioni dhe vjedhja dhe ajo që kam thënë ka qenë një bindje e imja, që do të hapim një kapitull të ri. Ky kapitull është përmbysja e një sistemi dhe ngritja e një sistemi, që për herë të parë ndëshkon individë të paprekshëm. Imagjino një SPAK në vitin 2006, 2008 dhe 2010!

Armand Shkullaku: Larg qoftë!

Eduard Shalsi: Ju duket rastësi që SPAK ka mbështetje ndër shqiptarë?

Armand Shkullaku: Edi Rama dhe SPAK e kanë gjithnjë e më të madhe mbështetjen.

Eduard Shalsi: Vetë e ngritën sistemin dhe mos pretendoni që këtu të ndodhin procese që do ta bëjnë papritur, se përmendi Tela raportin e OSBE. Ka shembuj edhe në vende të zhvilluara. Ke rastin e SHBA në zgjedhjet e kaluara.

Armand Shkullaku: Po, po, në Australi skandal fare zgjedhjet.

Andi Tela: Gjithë administrata në funksion të votave, kemi vetëm një kandidat për kryetar bashkie të dënuar.

Eduard Shalsi: Ka disa indikatorë të pranuar botërisht që gjykojnë.

Vajza e Niko Peleshit Aleksia, u diplomua pak muaj më parë. Ajo ka mbaruar studimet në Barcelonë, në degën Digital Business, Design & Inovation.

Aleksia Peleshi, e cila është tashmë një personazh i njohur për publikun shqiptar, prej kohësh ishte zhdukur nga rrjetet sociale.

Postimi:

E diplomuar së fundmi dhe si çdo i sapodiplomuar tjetër, pyetja që kam marrë më shumë është “çfarë tani?”. “Cili është plani juaj?” “ku doni të punoni?” “ku doni të jetoni?” dhe asnjëherë nuk e kam përgjigjen për këtë. Dhe për habinë time, as shumica e miqve apo shokëve të mi të klasës. Më parë mendoja se e ardhmja jonë do të ishte e qartë deri tani. Disa e bëjnë, dhe kjo është mbresëlënëse. Por për ne të tjerët që po ndihemi pak të humbur tani, dua të them vetëm se është në rregull. Është në rregull të jesh i pavendosur. Është në rregull të mos kesh gjithçka bashkë. Është në rregull të mos kesh një plan. Ndonjëherë planet e Zotit lindin nga e papritura. Dhe ndërsa presim drejtimin e Tij, sapo të ndiejmë flakën e pasionit, duhet të kapim atë moment të përsosur. Gjërat më të mira vijnë shpesh kur përzieni besimin me veprimin. Besoni udhëtimit, por mos harroni – ju jeni ai që e drejtoni.

https://www.instagram.com/p/C_vpI4wsBJG/?igsh=ejJlejhic3BiY3c4

Stuhia “Atena” ka goditur zonën e Atikës në Athinë, ku reshjet e dendura të shiut kanë shkaktuar përmbytje të shumta.

Kanë mjaftuar pesëmbëdhjetë deri në njëzetë minuta shi, që disa lagje në kryeqytetin grek të përmbyten.

Mediat greke raportojnë se autoritetet po punojnë për të larguar ujin, pastruar rrugët nga pemët e rrëzuara, si edhe për të nxjerrë nga automjetet personat që kanë mbetur të bllokuar për shkak të përmbytjeve.

Stuhia “Atena” vjen pas një vale të nxehti, ndërsa raportohet se vera e vitit 2024 ka qenë ndër më të nxehtat që Greqia ka përjetuar deri tani.