Lajme Flesh

Barcelona raportohet se i ka vënë sytë mesfushorit shqiptar Kristjan Asllani.

Sipas “MarkaNews”, Barcelona kishte dërguar scout-ët e vetë gjatë ndeshjes së djeshme mes Ukrainës dhe Shqipërisë që u mbajt në Pragë.

Ndonëse nuk janë të konfirmuara këto raportime, kujtojmë se Asllani është një mesfushor tepër i vlerësuar, aktualisht pjesë e ekipit të Interit dhe vetëm 22-vjeç.

Më herët ai është përfolur edhe për një lëvizje të mundshme te Aston Villa.

Top Channel, një nga televizonet më të ndjekura në Shqipëri, këtë vit sjell një risi të madhe që pritet të ndryshojë rrënjësisht mënyrën se si shikuesit shqiptarë përjetojnë televizionin. Për herë të parë në historinë e televizioneve shqiptare, Top Channel do të prezantojë dy timeslote të primetime, njëri në orën 21:00 dhe tjetri në orën 22:00. Ky zhvillim i rëndësishëm është një hap i guximshëm që synon të maksimizojë shikueshmërinë dhe të ofrojë më shumë përmbajtje të cilësisë së lartë për publikun.

Primetime, që tradicionalisht është konsideruar si periudha më e vlefshme dhe me audiencën më të gjerë në televizion, zakonisht fillon në orën 20:00 dhe zgjat deri rreth orës 22:30. Gjatë kësaj periudhe, televizioni transmeton programet më të ndjekura, duke përfshirë seriale, filma, emisione informuese dhe argëtuese, si dhe reality show-t që tërheqin audiencën e madhe. Përmes kësaj lëvizjeje inovative, Top Channel ka vendosur të thyejë traditën, duke krijuar dy kulme shikueshmërie, që do të shërbejnë si bazë për të mbajtur të angazhuar audiencën në dy orare të ndryshme gjatë mbrëmjes, raporton Info Media Albania.

Ky është një hap i parë në historinë e televizionit shqiptar, i cili pritet të ketë një ndikim të madh në industrinë e medias. Timesloti i parë në orën 21:00 do të përmbajë programacion që përkon me interesat e shikuesve tradicionalë të primetime-it, duke përfshirë reality show-t, siç është pritur “The Circle”, si dhe seriale dramatike apo komedi që kanë gjithmonë një bazë të gjerë shikuesish. Ndërkohë, timesloti i dytë, në 22:00, do të ofrojë përmbajtje më ekskluzive, duke përfshirë emisione informuese, talk show-e të natës dhe dokumentarë që shënjestrojnë audiencën e cila kërkon përmbajtje më të thelluar dhe specifike.

Pse ky ndryshim është kaq i rëndësishëm?

Përveç faktit që është një risi në industrinë televizive shqiptare, prezantimi i dy timesloteve të primetime nga Top Channel shërben si një përgjigje ndaj ndryshimeve në sjelljet e shikuesve. Me rritjen e shikimit në platforma online dhe televizionin me kërkesë (on-demand), audiencat po bëhen gjithnjë e më të fragmentuara dhe kanë nevoja të ndryshme për përmbajtje televizive në orare të ndryshme. Kjo risi lejon Top Channel të mbulojë një spektër më të gjerë të preferencave të audiencës, duke u siguruar që ata të kenë diçka për t’u ndjekur në çdo moment të mbrëmjes.

Programet që pritet të mbushin dy timeslotet do të jenë ndër më të mirat në treg. Timesloti i parë në orën 21:00 do të përqendrohet në shfaqjet kryesore të sezonit, të cilat përfshijnë reality show-t me ndjekje të madhe si “Big Brother VIP”, apo seriale ekskluzive me produksion të lartë që gjithmonë mbajnë publikun të ngjitur para ekranit. Ndërkohë, ora 22:00 do të jetë dedikuar programacionit më të specializuar, që do të përfshijë talk show-e, emisione politike dhe të natës, si dhe dokumentarë të prodhuar nga stafi i Top Channel.

Ky model është i frymëzuar nga televizionet ndërkombëtare si BBC dhe NBC, të cilat prej kohësh kanë zbatuar dy nivele të primetime për të ndarë programacionin kryesor nga përmbajtja më specifike dhe më e thellë. Kjo risi jo vetëm që do të ndikojë pozitivisht te shikueshmëria e Top Channel, por do të ndikojë edhe në rritjen e reklamuesve, të cilët do të përfitojnë nga një kohë më e gjerë për të vendosur reklamat e tyre në kulmin e audiencës.

Një përvojë më e pasur për shikuesit

Me prezantimin e dy timesloteve të primetime, shikuesit do të kenë mundësi të zgjedhin më shumë përmbajtje dhe të shohin programe të ndryshme gjatë mbrëmjes, pa humbur asnjë nga momentet kryesore. Ky vendim i Top Channel pritet të rrisë konkurrencën midis televizioneve të tjera shqiptare, duke inkurajuar edhe inovacione të reja në përmbajtje dhe programacion.

Me nisjen e këtij modeli të ri, Top Channel po përforcon edhe një herë rolin e tij si lider i inovacionit në industrinë mediatike shqiptare. Të gjithë ata që janë fansa të programacioneve më të ndjekura si serialet, reality show-t dhe talk show-t, tani do të kenë dy orare kulminante për t’i ndjekur në ekranin e Top Channel.

“Ne duam marrëdhëniet më të mira të mundshme me të gjithë fqinjët tanë dhe mes këtyre fqinjëve është edhe Shqipëria”, kështu tha kryeministri grek Kyriakos Mitsotakis në një konferencë për shtyp në kuadër të Panairit Ndërkombëtar në Selanik.

Mitsotakis theksoi se mes dy vendeve ka patur një periudhë të vështirë diplomatike, dhe tha se çështja e pronave të minoritarëve grekë në Shqipëri, sipas tij, do të jetë parakusht për rrugëtimin e Shqipërisë drejt BE-së.

Në pjesën që lidhet me diplomacinë, duke iu përgjigjur pyetjes së një gazetari për Shqipërinë, veçanërisht pas rastit të Fredi Bellerit, Mitsotakis vuri në dukje se kanë kaluar një periudhë të vështirë në planin dypalësh, theksoi se duan marrëdhënie të mira, por ato “kalojnë duke respektuar të drejtat e minoritetit grek në Shqipëri”.

Ai shtoi se çështja e të drejtave pronësore është ende aktuale dhe “është një parakusht i domosdoshëm që vendi të ecë përpara në rrugën evropiane”.

Dashi

Dashuria: Ende pasiguri në disa histori dashurie, ndjenjat kthehen si një vorbull dhe ju ndiheni të lëkundër nga ngjarjet. Shikoni brenda vetes para se të merrni ndonjë vendim. Zemrat e vetmuara mund të jenë të zhgënjyera nga një mik/e që mendonte se ishte i/e besuar.

Puna: Ka kaq shumë mundësi për të filluar bashkëpunime të reja, për të kërkuar ato më të mirat për të ardhmen.

Demi

Dashuria: Situata e favorshme në dashuri, yjet ndihmojnë për të shuar çdo polemikë apo konflikt me të dashurin/ën, vetëm në këtë mënyrë mund të kaloni një ditë të qetë. Edhe për beqarët, yjet janë në favor dhe priten shumë lajme të mira.

Puna: Do të jetë e nevojshme të reflektoheni për disa investime që doni të bëni, sot ju do të keni kohë për të bërë gjithçka me qetësi.

Binjakët

Dashuria: Një ditë me telashe për shumë Binjakë. Një marrëdhënie sentimentale mund të shkatërrohet për shkak të indiferencës dhe mungesës së dialogut. Historitë që nuk kanë të ardhme duhet të ndërpriten. Edhe për beqarët yjet parashikojnë ndryshime.

Puna: Ju keni kapërcyer pengesat që ju dukeshin të pamundura dhe kjo ju bën të shihni gjërat pozitivisht.

Gaforrja

Dashuria: Edhe pse disa dallime e kanë karakterizuar marrëdhëniet tuaj në çift, kjo është dita për të hedhur gjithçka pas krahëve. Ju vetëm duhet të falni dashuri dhe kjo do ju bëjë më të bashkuar se kurrë! Beqarët do të duhet të lënë mënjanë pasiguritë dhe dyshimet nëse duan të hyjnë në zemrën e një personi.

Puna: Rezultatet e shkëlqyera të arritura nga profesioni juaj ju ka vënë në një humor të mirë. Gëzojeni këtë ditë të bukur.

Luani

Dashuria: Përveç disa keqkuptimeve të vogla, dita sot do të jetë e shkëlqyer dhe do të jeni të gatshëm për të ofruar diçka më shumë për të dashurin/ën. Kohë shumë e mirë edhe për beqarët, shumë do të gjejnë shpirtin binjak.

Puna: Një ditë ideale për të marrë në konsideratë atë që keni mbjellë, për momentin duket se gjithçka po shkon mirë.

Virgjëresha

Dashuria: ditë e rëndësishme për ata që janë në pritje të lajmeve, shans i mirë për ata që kanë diçka për të zgjidhur me partnerët dhe duan qartësi. Shanse të shkëlqyera edhe për beqarët, takime të reja dhe interesante, yjet premtojnë një të hënë me surpriza të mëdha!

Puna: Qetësia është zakonisht një nga cilësitë tuaja, por sot ju do të gjeni veten duke reflektuar në disa çështje që nuk po gjeni zgjidhje.

Peshorja

Dashuria: Hëna ju ndjek ju në dashuri dhe sot do të keni momente vërtet të paharrueshme. Yjet ende shpallin surpriza të tjera, të cilat së shpejti do të shfaqen para jush. Nëse jeni vetëm, do të keni shumë mundësi për të takuar njerëz me të cilët do të ndjeheni mirë.

Puna: Përpjekjet që vendosni në çdo fazë të projektit tuaj kanë sjellë rezultate të mira dhe mund të jeni krenarë për këtë.

Akrepi

Dashuria: Peshorja gjendet në sferën sentimentale dhe ju ndihmon për të menaxhuar ditën tuaj dhe të shihni shumë gjëra nga një pikë më optimiste. Surpriza të reja për zemrat e vetmuara, ata që do të duan të kenë një histori më parë duhet të mbyllin raportet me të shkuarën.

Puna: Gjatë javës keni qenë shumë e zënë me punë, sot është koha për pushim dhe relaksim, përfitoni nga kjo.

Shigjetari

Dashuria: Ditë pozitive për ju Shigjetar. Rrugë të hapura për ju që dëshironi të udhëtoni dhe të kaloni moment qetësie dhe relaksi me partnerin/en. Të entuziazmuar dhe kënaqur, beqarët po përgatiten të përjetojnë emocione të reja përpara festave.

Puna: Sot do të keni mundësi të shkëlqyeshme për të ndërmarrë rrugë të reja dhe më prestigjioze të karrierës.

Bricjapi

Dashuria: Marrëdhënia në çift paraqitet e qetë, dialogu dhe mirëkuptimi me të dashurin/ën nuk mund të shkojë më mirë, është padyshim një nga ditët tuaja më të mira. Beqarët do të jenë në gjendje të krijojnë njohje të reja dhe të mendojnë edhe për më tepër!

Puna: Yjet vazhdojnë t’ju mbështesin ju dhe mund të takoni njerëz që do të hapin dyert për punët tuaja.

Ujori

Dashuria: Ujorët do të jenë pak të trishtuar dhe madje mund të fyejnë gjysmën tjetër me fjalime të përsëritura. Merrni një vendim, mos hezitoni! Sot beqarët mund të zhgënjehen nga dikush nga i cili ata prisnin shumë më tepër.

Puna: Sot keni nevojë të reflektoni gjatë për të vazhduar me shpejtësi të plotë aktivitetin e punës që ju pret.

Peshqit

Dashuria: Yjet këshillojnë që të gjeni kohën për t’ja kushtuar personit tuaj të zemrës pasi kohët e fundit e keni lënë disi pas dore. Planetet ju mbështesin në zgjedhjen tuaj. Beqarët do të vazhdojnë të krijojnë njohje pa fund dhe mund të krijojnë edhe lidhje.

Puna: Ju keni pasur mundësi që jeni ende duke i marrë parasysh, mos i humbisni ato që mund të jenë pozitive.

6 shkolla të ciklit fillor dhe 18 klasa në të gjithë sistemin arsimor parauniversitar në qarkun e Korçës janë mbyllur si pasojë e mungesës së nxënësve.

Shkollat e fshatrave Kodras në Kolonjë, Kapshticë në Devoll si dhe Mjaltas, Desmirë, Zvarisht dhe Osojë në Bashkinë e Maliqit nuk do të hapin dyert këtë fillim viti shkollor.

Ulja e lindshmërisë por edhe emigrcioni masiv i viteve të fundit janë reflektuar në numër të pamjaftueshëm nxënësish për të mbajtur hapur klasat kryesisht në shkollat e fshatrave të bashkisë Maliq dhe disa në Korçë.

Sipas kreut të Sindikatës së Pavarur të Arsimit në Korçë Leonard Trebicka efektet e uljes së numrit të popullsisë prej disa vitesh ndjehen në sistemin arsimor por aktualisht Shqipëria ka humbur thuajse 1/3 e nxënësve.

Shifrat janë shumë të ulëta,të paktën ju i keni shifrat zyrtare por po them që në gjithë Shqipërinë pothuaj mungojnë 30% e nxënësve,pra 1/3 më pak. Është një shifër shumë alarmante dhe e pritshme pasi kjo gjë nuk ka ndodhur sot, ka vite dhe vite, pasojat janë sot por do të jenë edhe në vitet pasardhëse, akoma më shumë do të ndihet mungesa e nxënësve.

Të gjithë ata që janë larguar nga Shqipëria, i të rinjve sidomos të cilët pas disa vitesh lindin fëmijët jashtë shtetit, jo këtu. Kjo rënie e numrit të lindjeve në Shqipëri padiskutim në shifra shumë të mëdha dhe emigracioni i pjesës tjetër ka bërë që shkollat shqiptare të vuajnë mungesën e nxënësve në gjithë territorin e vendit.

Klasat e para janë ato që e ndiejnë më shumë,madje ka filluar prej dy vitesh që po e ndiejnë klasat e para dhe duke u rritur brez pas brezi klasat e para shkojnë të 5- at e kështu me radhë, në gjimnaz dhe pas ca vitesh do të ndihet numri i rënies së nxënësve edhe në shkollat 9 vjeçare dhe në gjimnazet e qytetit, por tani për momentin ndihen në ciklin e ulët, madje kemi edhe shkolla të mbyllura në qytetin e Korçës sidomos në zonat rurale të cilat kanë largim masiv të popullatës së tyre.

Kemi informacione që në disa fshatra janë mbyllur shkollat dhe kanë kaluar në shkolla vartëse. Kemi arritur që të paktën që nga muaji qershor të mos ketë largim të mësuesve nga puna, kjo është e rëndësishme për ne si sindikatë. Në Korçë të paktën nuk ka shkollë me dy turne, ka në qarkun e Korçës por janë shumë pak”, deklaroi Leonard Trebicka-kryetari i sindikatës se pavarur te arsimit Korçë.

Ulja e numrit të nxënësve vihet re edhe tek regjistrimet në klasë të parë. Sipas informacionit zyrtar nga drejtoria arsimore për këtë vit shkollor janë regjistruar ne klasën e parë 1302 nxënës nga 1698 që u regjistruan vitin e kaluar. Ndërsa në klasën e 10 janë regjistruar 502 nxënës më pak.

Kombëtarja shqiptare e futbollit fitoi të shtunën 1-2 kundër Ukrainës në udhëtim, me ndeshjen e cila ishte e vlefshme për Grupin B1 të Ligës së Kombeve.

Tri pikët kanë bërë që edhe trajneri Sylvinho të vendosë rekord në stolin e kuqezinjve. Braziliani ka regjistruar 8 fitore, 4 barazime e 5 humbje në stolin e Shqipërisë në 17 duele të drejtuara.

Kësisoj, ai është unik pasi rezulton se ka një përqindje fitoresh me Shqipërinë prej 47%, një vlerë relativisht e lartë duke llogaritur se askush me më shumë se 5 ndeshje të drejtuara në stolin e kuqezinjve, nuk ka një mesatare që i afrohet.

De Biasi mban vendin e dytë me 38.89% të ndeshjeve me fitore dhe Mehdin Zhega të tretin me 38.46%. Këto shifra të Sylvinhos bëhen edhe më shumë domethënëse, duke llogaritur se 5 nga fitoret janë në ndeshje zyrtare.

Arritja e numrit 8 të fitoreve në stolin kuqezi, e ka bashkuar Sylvinhon me të ndjerin Josiph Kuzhe, i cili kishte arritur po këtë numër në pankinën e Shqipërisë gjatë drejtimit të tij në 24 ndeshje të zhvilluara.

Përpara Sylvinhos ka vetëm 3 trajnerë, me objektivin e radhës që është shifra e 10 sukseseve të Hans Peter Brigel. Pak më të shkëputur janë Edy Reja me 14 fitore dhe De Biasi me 21 të tilla.

Ish-trajneri i kombëtares së Ukrainës ka shpërthyer ndaj verdhebluve pas humbjes 2-1 përballë Shqipërisë në Pragë, ndehsje e vlefshme për National league.

Jozsef Szabo i ka cilësuar “qumështorë” disa prej lojtarëve të Ukrainës, duke thënë se ata me atë paraqitje nuk do të mund të transferohen në skuadra të mëdha.

Sipas tij edhe ndaj Çekisë nuk pret asgjë të re, pasi çekët kanë një skuadër edhe më të fortë se Shqipëria.

Jozsef Szabo, ish-trajner i Ukrainës

“Më vjen turp dhe me dhembi shumë humbja e Ukrainës! Nuk kam fjetur gjithë natën për shkak të tyre! Vija para dhe mbrapa gjysmën e natës, i shqetësuar. Këtë nuk e prisja. Do u bëj thirrje gazetarëve dhe eskpertëve tanë që të mos lavdërojnë futbollistët tanë dhe t’i bëjnë yje. Shaparenko nuk është te Real Madrid, Vanat nuk është te Barcelona. Ata janë ende duke pirë qumësht gjiri, ata nuk dinë të luajnë futboll. Dje Tsigankov deshi të ndalte një top të lartë, por sfera i iku disa metra larg. Dhe ky është një lojtar i cili luan në La Liga, çfarë mund të themi për të tjerët? Nuk e kuptoj çfarë lloj futbolli është ky. Asnjë gjuajtje në portë në pjesën e parë, asnjë pasim para apo agresivitet. Çfarë do të ndodhë më pas? Pavarësisht sa e trishtë mund të duket, ky është niveli i lojtarëve tanë, Shqipëria dukej e shkëlqyer në krahasim me ne. Unë nuk do të kritikoj Rebrov, pasi nuk e di se si është procesi stërvitor në ekipin kombëtar aktualisht. Por unë mund të them vetëm se lojtarët tanë e treguan se ishin ende “qumështorë”. Do të jetë e vështirë për ta që të transferohen në Europë. Nuk pres asgjë të mirë as ndaj Çekisë, që ka një skuadër më të mirë se Shqipëria. Nuk mund ta harroj ndeshjen me Shqipërinë, ndaj j nuk do ta shoh atë me Çekinë, jam i nervozuar mjaftueshëm. Mendoj se Rebrov do të ndryshojë gjysmën e ekipit”, u shpreh ish-trajneri.

Këtë javë parashikimi i yjeve për secilën shenjë vjen në formën e klasifikimit:

12. DASHI

Nëse thjesht thamë se kjo është ajo kohë e vitit kur pothuajse na mungojnë të dielat e qeta dhe me ngrohtësi, tashmë duket sikur po përgatiteni për letargji pa lënë asnjë numër telefoni. Kështu shkon, pasi të qenit vetëm duket si e vetmja mënyrë për të mos kryer “vrasje” vullnetare.

11. BRICJAPI

Paketa juaj fillestare e dashamirësisë minimale, shoqërueshmërisë bazë dhe durimit për mbijetesë, është padyshim e shteruar. Dhe për të qenë i sinqertë, edhe ju ndiheni të rraskapitur. Ju thjesht nuk mund ta përballoni kombinimin e Marsit dhe Venusit kundër jush së bashku dhe tani që keni Merkurin në favor, mund të shpjegoni se sa shumë ju acarojnë të tjerët, por me një formulë matematikore.

10. SHIGJETARI

Zemra më në fund duket se rreh në ritëm, por janë neuronet që kanë ndalur. Për fat ju pëlqen shumë kjo histori e braktisjes së vetes për dashurinë, përkëdheljet, kënaqësitë e vogla pa pretendime. Edhe si një eksperiencë jashtë zakonit. Fikeni trurin tuaj (i cili gjithsesi duket se nuk po funksionon) dhe ndiqni zemrën tuaj.

9. PESHQIT

Ndërsa të gjithë rreth jush duket se zgjohen me ide të shkëlqyera, ju nuk e merrni as anën e mikserit të dushit për të marrë ujë të nxehtë në provën e parë. Kjo shkon kështu për shkak të Mërkurit i cili është i kundërt. Dhe gjërat përkeqësohen nëse mendoni se falë Marsit nuk keni ndërmend ta pranoni. Do të jetë një javë me krisje.

8. DEMI

Çuditërisht për ju, këtë herë përgatitja për vjeshtën nuk do të thotë të hiqni pluhurin nga receta e gështenjës dhe të rezervoni strehën e tartufit, por të regjistroheni në të gjitha kurset që ditari juaj mund të trajtojë. Midis trurit dhe muskujve nuk dini çfarë të stërvitni më parë.

7. GAFORRJA

Ndihesh mirë si mësuesja me lapsin kuq e blu, por kur është gati të tregojë me gisht fjalorin dhe sintaksën e miqve dhe të afërmve. Prandaj nuk kërkohet. Për t’ju bërë të lumtur do të jetë shumë e vështirë, sepse keni ankesa dhe mërzitje këtë javë.

6. PESHORJA

Për ju, është kjo stinë e re që ju lodh, në ndryshim nga ata që ndjejnë ardhjen e pranverës. Ndihesh aq energjik sanjë gjethe ahu e zverdhur, e gatshme të braktisë fushën dhe pemën. Për fat të mirë, nuk do zgjasë shumë.

5. LUANI

Edhe ti je qetësuar: bashkë me temperaturat e motit janë qetësuar edhe dëshirat dhe orekset. Tani ju ndjeni një fllad të lehtë në zemrën dhe një fllad të këndshëm në trurin tuaj. Jo e ekzagjeruar, por shumë, shumë e vlerësuar.

4. BINJAKËT

Nëse do të bënin një radiografi në zemrën tënde, do të gjenin ndërtime të paligjshme hotelesh me pesë yje në të cilat strehon të gjitha ndjenjat e dashurisë, të pasionit, të dëshirës për t’u ndjerë mirë me gjysmën tënde më të mirë dhe për të parë buzëqeshjen të shfaqet rreth teje.

3. UJORI

Ju keni marrë gjilpërat tuaja të thurjes për të bërë me dashuri shalle dhe kapele me grep për ata që doni. Kjo është mënyra juaj për të bërë të qartë se keni ndërmend të na ngrohni zemrat, por edhe fytin gjatë gjithë dimrit. Do të thoja që ky sezon i ri nis me synimet tuaja më të mira sentimentale.

2. AKREPI

Me siguri nuk hiqni dorë dhe tashmë po organizoni fundjavë romantike në gjethet dhe javët e pasionuara të skive në të cilat keni ndërmend ta shihni “borën” vetëm nga poshtë jorganit. Pastaj, për hir të mirësisë, energjia është atje, por ju preferoni ta shpenzoni atë në gjënë që bëni më mirë: seksin.

1. VIRJGËRESHA

Sa bukur me medaljen dhe buqetën e luleve! E meritoni pas kësaj vere. Tashmë gjithçka është aq e qartë sikur të kishit në dorë hartën e fshatit turistik, atë që e kuptojnë edhe fëmijët. A jeni vërtet gati për të ndërtuar udhëtimin vjetor më mirë se një zejtar me kalldrëm?

Mund të duket e habitshme por linja ajrore e njohur EgyptAir së fundmi nëpërmjet një njoftimi ka bërë të ditur se i ka dhuruar një biletë udhëtimi falas për gjatë gjithë jetës një foshnjeje të porsalindur që erdhi në jetë në bordin e një prej avionëve të saj gjatë një fluturimi.

Ngjarja e jashtëzakonshme ndodhi gjatë fluturimit MS887, i drejtuar nga një Boeing 737-800, i cili ishte në rrugë nga Aeroporti Ndërkombëtar i Kajros në Aeroportin Ndërkombëtar Douala në Kamerun.

Një pasagjere nga Kameruni filloi lindjen në mes të fluturimit dhe me ndihmën e ekuipazhit të kabinës së EgyptAir, solli në jetë me sukses fëmijën e saj në një lartësi prej 10 km.

Pas lindjes së suksesshme, ekuipazhi i kabinës dha ndihmën e parë të shpejtë si për nënën ashtu edhe për të porsalindurin e saj. Duke marrë parasysh nevojën për kujdes të mëtejshëm mjekësor, fluturimi bëri një ulje urgjente në Aeroportin Ndërkombëtar Kufra në Libinë jugore. EgyptAir u koordinua me autoritetet libiane për të siguruar transferimin e sigurt të nënës dhe fëmijës në Spitalin Kufra për kujdes të vazhdueshëm.

Pas konfirmimit se shëndeti i nënës dhe fëmijës së saj ishte mirë, fluturimi i EgyptAir rifilloi udhëtimin e tij drejt Aeroportit Ndërkombëtar të Douala, duke përfunduar misionin e tij me të gjithë pasagjerët në bord.

Gjesti i EgyptAir për të ofruar një biletë udhëtimi të përjetshëm për të porsalindurin është vlerësuar gjerësisht si një gjest bujar dhe simbolik, duke festuar një jetë që filloi në qiell.

Pas fitores ndaj Çekisë, Gjeorgjia do tentojë të përsërisë veten edhe ndaj Shqipërisë, në ndeshjen e Nations League që luhet pas disa ditësh. Para takimit, dha mendimin e tij trajneri francez i gjeorgjianëve, Sagnol.

“Kemi bërë një rrugë të gjatë deri këtu. Gjithçka nuk është e dukshme nga jashtë, unë kam besuar gjithmonë te kjo skuadër. Lojtarët luajtën në Europian dhe e kuptuan rëndësinë e punës së ekipit, ishte e rëndësishme mënyra se si ktheheshim pas Europianit dhe ajo që pashë më kënaqi.

Ne nuk luajtëm lojë ofensive në minutat e parë, por pastaj u kërkova lojtarëve të sulmit që të qëndronin më përpara dhe të krijonin hapësira. Kiteishvili është një nga lojtarët më të nënvlerësuar në futbollin europian, ai mund të luajë në klubet më të mëdha. Ai e luan rolin e tij në mënyrë perfekte dhe jam i lumtur që e kam në skuadër.

Sigurisht, pritshmëria dhe ambiciet tona janë rritur. Sot ia dolëm shumë mirë, por do të ketë edhe dështime. Gjëja kryesore është se si do të luajmë. Nga dita e nesërme do të punojmë për një objektiv të ri, duhet të luajmë ndaj Shqipërisë”, – tha ai.