Lajme Flesh

Vanessa Ballan, e goditur me thikë për vdekje të martën dhe Nicola Scapinello u takuan dhe ranë në dashuri kur ishin 15 vjeç. Dita e takimit ishte aq e rëndësishme për të, sa e vendosi në biografinë e saj në Instagram: “16.11.2012, Nicola”, e ndjekur nga data e lindjes së djalit të saj në 2019. Vanessa do të mbushte 27 vjeç më 4 janar, Nicola ishte shumë e dashuruar me të. Pushime së bashku, mbrëmje disko në Vanilla, koncerte, darka me miqtë dhe pastaj një familje.

Fillimi i kalvarit të Vanessa Ballan

Shumë i ri, por tashmë i rritur menjëherë. Pas diplomimit nga Carlo Rosselli, ajo u punësua si asistente shitjesh në një supermarket. Vitet kalojnë; shtëpia, fëmija, familja që zë rrënjë. Dhe më pas mbërrin Bujar Fandaj, 41 vjeç, tashmë i arrestuar me akuzën e vrasjes së rëndë dhe i dërguar në burg. Ai jeton në Altivole, bën dërgesa në supermarketin ku punon Vanessa, e sheh atë dhe fillon ta bie në dashuro. Ajo u lidh me të për pak kohë, por një vit më parë vendos ta lërë. Por ai nuk donte ta dinte dhe këtu fillon sprova e Vanesës, e cila është ajo e të gjitha grave që e gjejnë veten përballë burrave që nuk e pranojnë dëshirën e tyre për të vazhduar lidhjen.

Përndjekja dhe kërcënimet

Më pas ai fillon ta persekutojë, ta shantazhojë dhe ta kërcënojë me vdekje. “Nëse nuk kthehesh me mua do të të vras”, “nëse nuk kthehesh do t’i tregoj burrit tënd videot që kemi bërë bashkë”. Sipas ligjit quhen përndjekje dhe “porno hakmarrëse”, për Vanessën është një makth. Sepse Nicola nuk dinte asgjë për atë histori dhe ajo ishte e tmerruar se ajo marrëdhënie kalimtare mund të prishte përgjithmonë historinë e gjatë të dashurisë me djalin që takoi si adoleshente. Kështu, ajo denoncon të dashurën e tij. Emri i Bujar Fandajt është vënë bardhë e zi në komisariat më 26 tetor.

Të nesërmen, efektivët shkojnë në shtëpinë e kosovarit, bëjnë kontroll dhe i konfiskojnë telefonin. Lajmi i krimit mbërrin në tavolinën e prokurorisë së Trevisos, prokurori priste printimet dhe transkriptet e mesazheve sepse Vanessa kishte fshirë gjithçka me frikën se mos zbulohej. Për këtë arsye ndaj këtij burri nuk ishte caktuar asnjë masë sigurie. Duket se pas kontrollit është qetësuar, të paktën kështu ka dëgjuar policia.

Ndërkohë Vanessa kishte paraqitur letrat dhe vërtetimet për të shkuar në pushim të lehonisë në punë. Puna e saj konsiderohet e rrezikshme, në kontakt të ngushtë me shumë njerëz, prandaj mundi të kishte leje të parakohshme lehonie.

Në këtë mënyrë ajo u përpoq të kujdesej për veten dhe fëmijën që mbante, por edhe t’i shpëtonte kontrollit të tij. “Ai vinte këtu herë pas here – thotë një koleg nga Eurospin – ai ishte një klient i vështirë, ai u përpoq t’i afrohej asaj”. “Është një dhimbje e madhe për ne – thotë drejtori i dyqanit Alberto Pompeo – Unë ende i kam certifikatat e pushimit këtu në tavolinën time, kam vështrimin e qartë dhe të qetë të Vanessës para syve të mi, nuk mund ta besoj se ajo nuk është më këtu”. Familja është e dëshpëruar: “Tre javë më parë na tha “do të jemi 4 veta” – thotë një teze – ne qamë nga gëzimi, nuk mund ta besoj që e lënduan”, shkruan Corriere.

Tërbimi

Por në vend të kësaj, atë e vranë dhe të gjithë sytë ishin tek i vetmi person që e kishte kërcënuar me vdekje: Bujar Fandaj. Lajmi për shtatzëninë dhe largimin nga puna, i vetmi vend ku mund t’i afrohej Vanessës pa rrezikuar të zbulohej nga Nicola, me siguri e kishte bërë të tërbohej. Nuk duronte dot që dashuria për Nikollën, djalin e parëlindur dhe foshnjën rrugës, ishin më të forta se ai. Askush nuk i dinte sekretet e Vanesës, të afërmit e mbërritur dje para shtëpisë së saj folën për një “grabitje”. Nikolla ishte në komisariat gjatë gjithë pasdites. Ai nuk është i dyshuari, por fjalët e tij janë të rëndësishme: mund të jetë se ai dinte shumë më tepër sesa donte, me dhimbje, të pranonte.

Ana Oxa në një intervistë për “Domenica In” përballë Mara Venier foli për veten dhe u ndal në etapa të ndryshme të karrierës së saj.

“Jam në mal, në natyrë të vërtetë, e rrethuar me maja e pemë”.

Ndryshim drastik?

“Nuk është drastik, natyrën e kam gjithmonë pranë, jetesa në qytet është bërë e rëndë, të jetosh në natyrë është shumë më e pëlqyeshme për mua, natyra ka diçka të veçantë, nuk ke nevojë të thuash kush je, çfarë bën, natyra e di, dhe ti je i lirë ta perceptosh këtë heshtje që flet.”

Ajo nuk la pa përmendur faktin se është shqiptare.

“Askush nuk e di që kam lindur në një familje në Bari, babai im është shqiptar, pasi në kohën kur ishte Konventa e Gjenevës, unë nuk mund të isha italiane. Isha dhe jam shqiptare dhe është një gjë e rëndësishme, sepse jeta intensive që kisha ishte e një të huaji në Itali”, ka thënë këngëtarja.

Një foto e shqiptarit Bujar Fandaj e tregon atë teksa pi duhan dhe shikon drejt kamerës:

“Sytë nuk gabojnë kurrë, sytë nuk gënjejnë kurrë, sytë nuk bëjnë gabime gramatikore, sytë kanë diksion perfekt”, thuhet në audion e riprodhuar nga monologu i një aktori. “Sa shumë flasin sytë? Dhe na thonë nëse je njeri i mirë apo i keq, sytë janë pasqyra e shpirtit, do të shtoja se janë shikimi i zemrës. Babai im më tha, kur shikon njerëzit në fytyrë, mos e ul kurrë shikimin, sepse nëse ul shikimin do të thotë se ke ndërgjegje në faj”.

Ka një dhunë në rritje që nga fundi i tetorit në profilin e TikTok-ut të Bujar Fandajt, i dyshuari kryesor për vrasjen e Vanessa Ballan. E reja, e cila do të kishte mbushur 27 vjeç më 4 janar, nënë e një fëmije 4 vjeç dhe në pritje të fëmijës së dytë, e kishte denoncuar për ndjekje që 26 tetorin e kaluar: ajo u vra mëngjesin e së martës 19 dhjetor në shtëpinë e saj. Sulmuesi e goditi atë të paktën 7 herë. Bashkëshorti i saj, Nicola Scapinello, e gjeti të pajetë rreth orës 12.30.
Bujar Fandaj, 41 vjeç, me origjinë kosovare, i cili në të kaluarën dyshohet se ka pasur një flirt të shkurtër me të renë, poston në TikTok imazhe të tij të shoqëruara me muzikë dhe fraza kërcënuese krejt në delir.

Bujari në videot e tij nuk flet me fjalët e tij, por ai riprodhon audio nga të tjerët, monologë të dekontekstualizuara që tingëllojnë si aludime për mëri të paspecifikuara personale. “Kurrë mos më vendosni në pozitën e një njeriu të pashpirt, sepse dita që të bëhem një për ty ka mbaruar ”, është audio që ai publikon më 8 nëntor 2023. Dhe po atë ditë shton një tjetër përmbajtje: “Dëgjo ti mund të bësh me. mua gjithçka për sa kohë të lejoj, por ka një gjë që nuk duhet të bësh: mos më nënvlerëso kurrë .”

Janë postime drejtuar një personi të paidentifikuar, që në disa raste duket se i referohen pikërisht Vanesës. “Ti flet për respekt dhe pastaj as nuk e di se kujt i përket. Fjala respekt përfshin shumë gjëra: koherencë, besnikëri, sinqeritet ndaj të tjerëve. Po ti, ku i ke fshehur të gjitha këto? ”, është mesazhi i 11 nëntorit. Dhe përsëri: “Të kam dashur thellësisht me një sinqeritet që mendova se ishte i përbashkët. Unë isha gati të bëja për çdo gjë për ty, të ngjitesha male dhe të kaloja oqeanet, por ti zgjodhe ta tradhtosh këtë besim”.

Monologu delirant është një kreshendo. Dhe më 12 nëntor thuajse bëhet kërcënim: “Durimi im është i paçmuar, por nuk duhet të ekzagjerojmë. Unë jam shumë bujar, jam shumë i disponueshëm, ju që mendoni se më keni në dorë, ju shoh dhe ju njoh.”

Deri më 16 nëntor, ai publikon një foto të një dore, të tijën, me një datë të gdhendur në grusht: 16 nëntor 2021 (ndoshta një datë e lidhur me një marrëdhënie?), dhe një mesazh të gjatë, shumë të gjatë të recituar nga një zë në frëngjisht që thotë: “Mbaroi, do të lë vetëm. Nuk do t’ju mbush më me mesazhe, nuk do të humbas më kohë me dikë që nuk më do në jetën e tij. Nëse do të më kishit dashur vërtet, gjërat do të kishin shkuar ndryshe. Unë nuk do të vazhdoj të torturoj shpirtin tim për të kuptuar pse silleni në këtë mënyrë. Çfarë kam bërë për të merituar një përbuzje të tillë? Çfarë u bë me gjithçka që më tregove? A ishin fjalë të sinqerta apo fjalë boshe që të më joshin, të më manipulonin, të më jepnin shpresë të rreme? Zemra ime të besoi, por arsyeja më thotë se nuk ke qenë kurrë e sinqertë me mua. Veprimet nuk pasuan kurrë fjalët. Ju luajtët me ndjenjat e mia dhe nuk u interesuat për mua. Ti je ajo që e nisi këtë histori por unë jam ai që e mbyll. Mund të kishe qenë dikush shumë i rëndësishëm në jetën time, por ishe thjesht një ndalesë e parëndësishme që do ta harroj shpejt. Nuk të uroj më të keqen apo më të mirën, nuk të uroj asgjë. Të heq qafe, kthej faqen. Bëj çfarë të duash me jetën tënde”. Që nga ai moment postimet bëhen edhe më delir

Një çift nga Pakistani të akuzuar se vranë ‘për çështje nderi’ vajzën e tyre kur refuzoi martesën me mblesëri, janë burgosur përjetë sot në Itali.

Trupi i 18-vjeçares Saman Abbas u zhvarros në nëntor 2022 në një fermë të braktisur ku punonte babai i saj në Itali, ku trupi i adoleshentes së ndjerë u gjet me qafë të thyer.

Kjo ndodhi një vit pasi ajo ishte parë për herë të fundit në kamerat e sigurisë duke ecur në fushë me prindërit e saj.

Gjykata në Reggio Emilia vendosi se prindërit e viktimës kishin urdhëruar vrasjen, që ishte ekzekutuar nga xhaxhai i saj.

Prokurorët italianë thanë se e ndjera ishte vrarë nga familjarët më 1 maj 2021, ndërsa autorët disa ditë më vonë ishin larguar nga Milano drejt Pakistanit.

Prindërit e saj Shabbar Abbas e Nazia Shaheen, u dënuan me burgim të përjetshëm ndërsa xhaxhai i saj, Danish Hasnain, u dënua 14-vjet pasi pranoi marrëveshjen e denoncimit të fakteve. Dy kushërinj të viktimës u shpallën të pafajshëm dhe u liruan.

Babai i Abbas u ekstradua në gusht nga Pakistani dhe deklaronte se ishte i pafajshëm, ndërsa gruaja e tij është dënuar në mungesë teksa besohet se është ende në Pakistan.

Gjyqi vjen pas një hetimi të profilit të lartë në Itali në lidhje me vrasjen e emigrantëve dhe vajzave që rebelohen ndaj familjeve të tyre për martesat e fiksuara prej familjarëve.

Abbas kishte ardhur që kur ishte adoleshente nga Pakistani në qytezën rurale të Novellara, në Emilia-Romagna.

Ajo shpejt u mësua me zakonet perëndimore duke mbajtur makiazh dhe kishte një të dashur, me të cilin postonte foto nga qendra e rajonit, Bologna.

Prokurorët italianë thanë se një foto ku ajo puthte të dashurin, kishte nxitur prindërit të realizonin martesën me mblesëri në Pakistan.

Abbas kishte denoncuar prindërit e saj në polici dhe shërbimet sociale e kishin vendosur në një qendër të grave të abuzuara.

Por pas një vizite në familjen e saj në 2021 për të marrë pasaportën, vajza u zhduk dhe familjarët ishin larguar për në Pakistan.

Vëllai i saj i vogël tha në polici se kishte dëgjuar prindërit të flisnin për vrasjen e motrës që duhet të kryhej nga xhaxhai.

Vrasja është kryer natën e 1 majit 2021 kur pamjet e kamerave tregonin pesë njerëz me lopata e kova që dilnin dhe ktheheshin nga shtëpia e familjes.

Ndërsa mbrëmjen e 29 prillit kamerat e sigurisë kishin kapur tre burra që besohet se ishin Hasnain, Nomanulhaq e Ijaz duke punuar në dukje në fushën e fermës, rreth orës 7.30 të mbrëmjes.

Treshja mbanin dy lopata, një kovë, një qese blu e një hekur.

Një ditë më vonë Saman i kishte thënë të dashurit të saj se kishte dëgjuar padashje një bisedë në shtëpi, sipas së cilës të afërmit po përgatisnin vrasjen e saj.

I dashuri i Saman ka thënë për mediat se vajza kishte dëgjuar xhaxhanë e saj të thoshte se vrasja është ‘e vetmja zgjidhje’ për vajzat që nuk i binden kodeve pakistaneze të nderit.

Policia thotë se në të tjera pamje të kamerave të sigurisë (të cilat nuk janë publikuar) shihen prindërit Shabbar e Nazia që ecin me bijën e tyre drejt fushave prapa fermës së tyre rreth mesnatës së 1 majit, shkruan DailyMail.

Çifti kthehet 13 minuta më vonë teksa babai Shabbar mbante çantën e shpinës që më herët e mbante Saman.

Policia beson se prindërit e kishin çuar vajzën fatkeqe Saman për ta dorëzuar te xhaxhai e kushërinjtë që prisnin në fushë, të cilët e kanë vrarë dhe varrosur diku në tokën e fermës.

Kur policia erdhi në shtëpi për të kontrolluar për Saman më 5 maj, ata gjetën aty Hasnain dhe vëllanë 16 vjeçar të Saman, të cilët thanë se familja kishte shkuar në Pakistan për të vizituar një të afërm të sëmurë, shkruan e përditshmja Corriere .

Këto vërtetime jepen kundrejt shumave 90 apo 100 mijë lekë dhe përdoren për t’u pajisur me pasaportë Bullgare

Fiks Fare vërtetoi mbrëmjen e sotme me zë e figurë se sa e lehtë është të blesh një vërtetim të origjinës bullgare në Ostren të Bulqizës, nuk ka rëndësi se çfarë origjine ke.

Kundrejt 100 mijë lekëve Fiksi bleu dy të tilla të firmosura dhe vulosura nga administratori i Ostrenit, Luan Mjeshtri.

Vërtetimet u morën duke dorëzuar fotokopje certifikatash, të një banori të Patosit, me gjyshër nga Njësia Administrative Trebisht dhe të dytin për një banorë të Stërblevës, me gjyshër po nga Stërbleva e Librazhdit. Origjina e dy familjeve nuk kishte asnjë lidhje me Njësinë Administrative Ostren.

Këto vërtetime jepen kundrejt shumave 90 apo 100 mijë lekë dhe përdoren për t’u pajisur me pasaportë Bullgare.

Fiksi solli bisedat e para me punonjësinë e Njësisë Administrative Ostren i cili kërkoi 85 mijë lekë për dokumentin, duke përcaktuar se 50 mijë lekë bën vërtetimi dhe 35 noterizimi, madje tek administratori e firmos punonjësi ndaj nuk ka nevojë të shkohet vetë. Paratë punonjësi i merr në zyrën e shtetit dhe vërtetimin e jep për dy orë të firmosur dhe vulosur nga administratori.

Vërtetimi i parë u mor sikur qytetari i lindur në Patos të Fierit i përkiste pakicës bullgare, prindërit e personit që e morën ishin nga Celebia e Trebishtit, një njësi administrative që s’ka lidhje me Ostrenin.

Vërtetimi i dytë u ble tek Sekretari i Përgjithshëm i Bashkisë, Fitim Balla, një vërtetim i cili u mor për një banorë të Librazhdit. Prindërit e këtij të fundit kishin lindur në Stërblevë, njësi administrative që nuk ka lidhje me Ostrenin.

Balla e solli vërtetimin në Tiranë dhe për të kërkoi 100 mijë lekë, sipas tij 50 mijë lekë kushtonte vërtetimi dhe 50 mijë lekë ishin shpenzime të tjera. Të dyja vërtetimet e blera nga Fiksi, mbajnë ligje të ndryshme nga njëri tjetri edhe pse janë me vulën dhe firmën e administratorit, Luan Mjeshtri.

Në vërtetimin e parë citohet ligji për gjendjen civile, i cili i jep të drejtë të nënshkruaj dokumente me të dhënat personale vetëm punonjësi i gjendjes civile, ndërkohë në të dytin citohet ligji i vetëqeverisjes vendore, që nuk i jep asnjë kompetencë një administratori të firmosë e vulosë për banorë të njësive të tjera administrative. Për më tepër në asnjë ligj nuk thuhet se një administrator mund të lëshojë vërtetime origjine.

“Janë 10 sfida vjdekjeprurëse sot të listuara nga shumë organe, e involvojnë fëmijën që të garojë”

Duke qenë hapësira të mirëmenduara për të thithur sa më shumë audiencë dhe përdorues, rrjetet sociale apo platformat e lojërave shpesh nuk kanë shumë parime. Mjafton vetëm që të gjenerojnë trafik, reklama dhe logjikisht para.

Por le të flasim më konkretisht për sfidat dhe lojërat që konsiderohen me rrezik për shëndetin mendor dhe fizik të fëmijëve dhe adoleshentëve.

“Ka kërkime shkencore në lidhje me sfidat jo vtm të tik tokut por edhe disa aplikacione të tjera, janë sfida të cilat janë vdekjeprurëse, janë 10 sfida vjdekjeprurëse sot të listuara nga shumë organe, e involvojnë fëmijën që të garojë. Të ketë adrenalinë, të jetë krenar, por kosto fëmija nuk e di. Mund të jetë edhe jeta”– u shpreh profesori i kriminologjisë, Ervin Karamuço.

Lista është e gjatë dhe pothuajse çdo vit përditësohet prej sfidave dhe lojërave të reja të cilat futen në treg.

“Dhe fillojmë me atë që quhet Blackout Challenge, shikoni çfarë i ftojnë këta fëmijët të bëjnë, provokojnë një mbytje, ti nuk do mbytesh por në një moment të caktuar ti do fillosh ëndrra shumë të bukura me ngjyra, një realitet komplet tjetër, i çon fëmijët si nëpër përralla, të mbërrijnë deri aty, të sfidojnë edhe jetën e tyre, vetëm për të parë me kurreshtje çfarë ka. ajo kurreshtje është vrastare”– u shpreh profesori i kriminologjisë, Ervin Karamuço.

https://www.facebook.com/insidestory.tch?ref=embed_video

Pak javë më parë, PISA, studimi më i madh ndërkombëtar në botë për arsimin e 15-vjeçarëve dhe njohuritë e tyre në lexim, matematikë dhe shkencë publikoi rezultatet e testit për vitin 2022.

Sipas këtij testi, Shqipëria renditej ndër vendet e fundit me rezultatet më të dobëta në lexim, matematikë dhe shkencë dhe krahasuar me vitin 2018 rënia ishte drastike e alarmante.

Por, po kaq alarmant është edhe përkushtimi i nxënësve në procesin mësimor e atë të dijes. Në redaksinë tonë së fundmi ka mbërritur një video që tregon më së miri arsyen pse Shqipëria renditet e fundit në testin PISA.

Në këtë video duket qartë se si dy nxënës, duke qenë në klasë, madje edhe me mësuesen prezente, hyjnë LIVE në rrjetin social TikTok dhe bëjnë ndeshje.

Të pashqetësuar nga prania e saj apo fakti se janë në shkollë, ata ‘kalojnë kohën’ në video LIVE në këtë rrjet social.

Ndërkohë nuk mund të lihet pa përmendur mjerimi dhe kushtet skandaloze të klasës, ku tavolinat janë bosh dhe të thyera.

Mesazhi i qytetares:

Isha duke pare ne tik tok dhe me del rastesisht live i nje nxenesi i cili duket qarte se cfare po ben. A mendoni se kjo eshte e drejte duke mare parasysh qe telefonat neper shkolla nuk lejohen? Bankat bosh Te thyera, nxenesi me shpine.

https://www.facebook.com/profile.php?id=100076266980211&ref=embed_video

Juristi i njohur, Romeo Kara ka komentuar zhvi­llimet e fundit politike. Në një reagim për gazetën “SOT”, zoti Kara paralajmëron se shumë shpejt SPAK pritet të çojë pas hekurave Sali Berishën, Ilir Metën, Monika Kryemadhin dhe të gjithë bashkëpunëtorët e tyre më të ngushtë të përfshirë nga afera. Sipas tij kjo frikë dhe tmerr ka bërë që Berisha të aktivizojë planin që di të bëjë më mirë, atë të protestave. Sipas tij çdo skenar i ish-kryeministrit do të dështojë pasi koha që kontro­llonte drejtësinë ka perënduar. Juristi thotë se politikani i parë që guxon të ndërmarrë një hap të tillë, gjë që rithekson faktin se ai e sheh qartë fundin e tij. “Situata e Berishës tashmë është si një kronikë e paralajmëruar dhe e paracaktuar gjithashtu.

Me siguri atij do t’i hiqet imuniteti dhe SPAK-u do t’i kërkojë GJKKO-së nje nga masat e arrestit. Rrugë tjetër ligji procedural nuk njeh. Deri më tani Berisha ia ka arritur që të shpërfillë ligjin dhe këtë qasje si person që qëndron mbi ligjin ai ia ka imponuar fillimisht pasuesve te tij dhe më pas të gjithë vendit për pothuaj 30 vite. Berisha duke qenë mbi ligjin ka qenë vetë ligji mbi ligj, gjë që jo vetëm ka rrënuar barazinë përpara ligjit, por edhe ka qenë shkaku kryesor i sundimit të tij. Statusi i tij i deritanishëm si person mbi ligjin, shpreh qartë nënshtrimin ndaj tij të një vendi të tërë. Pra, çuarja e tij përpara ligjit si të barabartë me ne, është jo vetëm kthimin e dinjitetit të ligjit dhe rendit juridik, por edhe fillimi i rrëzimit të sundimit të tij. Pikërisht këtë fillim të funksionimit të ligjit në koncept nuk ka dashur dhe nuk pranon Berisha. Ai e ka të pamundur që t’i nënshtrohet ligjit dhe ndëshkimit të tij. Ai sheh në këtë përballje ligjore agonie e tij dhe të pushtetit të tij, prandaj po stis protesta në emër të mosbindjes civile në funksion të destabilizimit politik të vendit si e vetmja shpresë për shpëtim. Ai e ka të pamundur të bëjë të tijin çdo ligj natyror dhe të gjejë paqen me vetveten. Krizën e tij do tentojë ta shndërrojë në krizë mosbindjeje, por edhe aty është totalisht i dështuar pa filluar mirë, jo vetëm sepse nuk ka pasuesit e duhur, por edhe sepse askush në arenën ndërkombëtare nuk do ta pranojë një mosbindje ndaj drejtësisë në emër të mosbindjes civile. Ai është politikani i parë që guxon të ndërmarrë njëhap të tillë, gjë që rithekson faktin se ai e sheh qartë fundin e tij”, deklaroi juristi Kara.

Tërheqja e Ilir Metës

Më tej avokati Romeo Kara ka treguar gjithashtu se frika nga prangat e drejtësisë është arsyeja që ka detyruar Metën të braktisë Berishën në planin e tij për të t’i shpëtuar SPAK me kartën e trazirave dhe kaosit. Kjo tërheqje sipas tij është taktikë nga Meta pasi ai e di shumë mirë që Berisha do të dështojë nga kjo lëvizje. Meta prej kohësh i është bashkangjitur Berishës në fatin e tij edhe pse nuk ka statusin e tij si person mbi ligjin. “Ka qenë Berisha dikur që iu imponua me pushtetin e tij Gjykatës së Lartë për të shpallur të pafajshëm Metën, por sot ajo kohë ka perënduar, prandaj Meta si hesapxhi profesionist po bën një tërheqje taktike prej tij, gjë që përforcon idenë se Berisha do të jete i pasuksesshëm në tentativat e tij për mosbindje ndaj drejtësisë. Ilir Meta kurrë nuk i bashkëngjitet me dëshirë humbësit, në këtë rast Berishës. Duke marrë parasysh që shumë shpejt do të kemi një komunikim akuze ndaj tij, gruas dhe bashkëpunëtorëve të tij për një sërë veprash penale tashmë nën hetim, mendoj se tani Meta ka vetëm një garë reale me Berishën, atë se kush do të shkojë i pari në bangën e të akuzuarve. Për të mos i mbetur hatri asnjërit prej tyre do të sugjeroja që t’i arrestonin të dy në një ditë. Ky arrestim do të ishte plotësisht në “nderin” e tyre të rrufjanit politik. Haber më të mire për shqiptarët në këtë prag fundviti nuk do të kishte. Kjo gjë do t’i shërbente realisht edhe shëndetit të Metës tashmë të tretur nga tmerri pafund prej përballjes me drejtësinë. Tashmë ai e meriton sot më shumë se kurrë fundin e shumëpritur me tmerr”, nënvizoi juristi Romeo Kara për gazetën “SOT”.

Detaje të reja janë zbardhur lidhur me plagosjen e një shtetasi shqiptari mbrëmjen e djeshme në Selanik. Ngjarja ndodhi në afërsi të “Kafe Elinikon” në rrugën “Sintagmatarxi Frizi”. Marius Telah, 30 vjeç nga Korça ka mbërritur aty me një automjet tip “Daihatsi Terios” së bashku me vëllanë e tij Klaudio Telah dhe të dashurën e tij, shtetasen greke A. B.

Ai ka zbritur nga mjeti dhe është përballur me një shtetas shqiptar, i cili ishte bashkë me babanë e tij dhe një person tjetër.

Shqiptari i dyshuar ka nxjerrë një armë zjarri dhe ja ka drejtuar 30 vjeçarit Telah, ndërkohë që ky i fundit ka tentuar t’ja marrë nga dora.

Të dy personat janë goditur me njërin-tjetrin dhe në një moment, i dyshuari ka goditur me qytën e armës në kokë 30 vjeçarin dhe më pas ka shtënë ndaj tij duke e plagosur në kofshën e këmbës së majtë.

Shoku i tij më pas e ka goditur Telahin me shkelma në trup dhe të dy janë larguar me vrap nga vendi i ngjarjes. Brenda mjetit të të plagosurit, policia greke gjeti dhe sekuestroi 1 gëzhojë, 1 plumb, 1 krehër dhe 4 fishekë.

Partnerja e Ergys Dashit ka treguar për herë të parë imazhin e djalit të tyre në rrjetet sociale.

Ajo ka treguar se djalit i ka vendosur emrin e të atit, Ergys, i cili u ekzekutua me 20 plumba në Ekudor më 23 Janar të 2022.

Pak kohë më parë ish-konkurrentja e “Love Island Albania” Xhoana Kurti ka deklaruar se është bërë nënë një muaj pasi i fejuari i saj kishte humbur jetën.

“Kur ex-i vdiq unë isha 9 muajshe shtatzënë. Jam mami i një djali. Ai tani është një vjeç e gjysmë. Isha vetëm 21 vjeç. Do doja ta shikoja fëmijën tim me të atin, bebi do të rritet me mua”, tha ajo gjatë spektaklit.

Emri i Ergys Dashit ka dalë në pah edhe gjatë zbërthimit të aplikacionit në Sky ECC, ku u vërtetuan lidhjet e viktimës me trafikun e kokainës.

Ai u ekzekutua me 20 plumba mbrëmjen e 23 Janarit brenda një restoranti në veri të Guayaquil në Ekuador. Viktima ishte ulur në një restorant, ku dy persona njëri prej tyre me një buqetë me lule në dorë u futën brenda lokalit dhe qëlluan për vdekje.

Gjithashtu në këtë atentat mbeti e plagosur dhe Angie Romero, 26 vjeçe, e cila ndodhej e ulur fare pranë tavolinës që qëndronte viktima.

Dashi në vitin 2014 është arrestuar nga policia për kultivim droge, si pjesë e një operacioni që çoi prapa hekurave 32 persona.