Lajme Flesh

Një ngjarje e rëndë ka ndodhur në Greqi, ku tre persona janë qëlluar me armë zjarri, ndërsa sipas mediave helene protagonist është një shtetas shqiptar.

Mediat kanë publikuar edhe një video të momentit, kur një person, që dyshohet se është shqiptar ka qëlluar me armë drejt tre personave.

“Autori që ka qëlluar dyshohet se është i njëjti me atë që ka vrarë një person në mars të 2023 në Nae Joni”, shkruajnë mediat në Athinë.

Detaje të reja janë zbuluar për plagosjen e Adriatik Kalemit alias Andrea Kalemit në një burg të Greqisë.

Mësohet se autori egjiptian ishte transferuar nga burgu i Domokos në burgun e Koridhalos, ndërsa në telefonin e tij ai kishte foton e Andrea Kalemit, për të cilin dyshohet se ishte paguar ta vriste.

Sapo ka parë foton ai e ka qëlluar me thikë.

Telefoni i egjiptianit u gjet i thyer më pas, ndërsa nuk dihet nëse e ka thyer vetë apo nga përleshja me të burgosurit e tjerë.

Mediat greke kanë zbardhur dëshminë e një prej të rinjve që ra pre e sulmit me armë nga dy persona, të cilët dyshohet se janë shqiptarë. Ngjarja ndodhi në Kretë, ndërsa një prej grekëve që u qëllua në dëshminë e tij ka treguar gjithçka çfarë ndodhi para të shtënave. Ai pretendon se nuk i njeh dy të rinjtë shqiptarë që i kanë qëlluar me armë.

“Ne nuk i njihnim dhe nuk kishim ndonjë dallim me ta. Ne ishim ulur në një dyqan në zonën e Gazit, kur një xhip kaloi me shpejtësi, shkeli një pellg dhe na hodhi ujë me baltë. Ne kemi reaguar duke bërtitur “hej çfarë po bën?”. Nuk kemi bërë asnjë lëvizje tjetër që do të “shkaktonte” zemërimin e shoferit dhe pasagjerit të makinës”.

“Pak metra më vonë xhipi ndaloi, dy të panjohurit zbritën dhe na pyetën pse, duke pretenduar se i kemi sharë. Ne reaguam sërish dhe më pas njëri prej tyre nxori armën dhe na qëlloi”.-tha një nga dëshmimtarët.

Sipas informacioneve, oficerët e Departamentit të Zhvatjes kanë identifikuar në katër videot nga kamerat e sigurisë personat që janë të përfshirë me unazat e natës që veprojnë në zonë më të gjerë. Burime policore flasin për shqiptarë që njihen si djem të mirë në Gazi dhe ka mundësi që të gjurmohen direkt.

Në të njëjtën kohë, oficerët e Policisë greke kanë në dorë numrin e regjistrimit të makinës me qymyr Range Rover, e cila sipas informacioneve është marrë me qira nga një kompani e madhe.

Analisti Kreshnik Spahiu, foli në lidhje me situatën e krijuar mes Athinës dhe Shqipërisë dhe veton që Greqia ka vendosur ndaj vendit tonë për shkak të çështjes ‘Beleri’.

Në një intervistë televizive, Spahiu theksoi se Përëndimi mund të përballet me një konflikt tjetër në vendin tonë, i ngjashëm si ai në Veri të Kosovës.

Sipas tij nëse Himarën e merr nën kontroll Greqia, kjo e fundit mund të kërkojë një asociacion së bashku me Dropullin e Finiq.

“Nëse problemi do të ishte thjesht një individ, unë them që problemi duhet të zgjidhet, nëse problemi është shumë parimor që një Greqi e kontrolluar nga qeveria shqiptare përbën më stabilitet se sa një Himarë e kontrolluar nga Athina dhe Greqia që mund të jetë një destabilitet për rajonin atëherë këtu mbetet për t’u parë.

Ka një dyshim të Perëndimit që i gjithë ky shqetësim nacionalist i Athinës për Himarën, e të gjitha këto pretendime nacionaliste për të vënë në kontroll Himarën, mund të jenë një rrezik për pretendime autonomie. Perëndimit i duhet të përballet me një konflikt tjetër të ngjashëm si ai në Veriun e Kosovës ku nëse Himara bëhet nën kontrollin e Greqisë, mund të kërkojë një asociacion së bashku me Dropullin dhe Finiqin”, tha ai.

Vetëm pak javë na ndajnë nga nisja e edicionit të tretë të “Big Brother VIP” dhe disa nga emrat e pjesëmarrësve janë bërë publikë.

Deri më tani është konfirmuar hyrja e Graciano Taganit, Endrik Bebës, Alfio Rrotanit, këngëtarit La Fazani (Arbër Salihu), reperit Bardhi, aktorit Olsi Bylyku, koreografit Albi Nako, aktores Cubi Metkaj, Fation Kuqarit dhe moderatores Ksenja Shoshaj.

Sot është zbuluar nga mediat një tjetër emër, që duket se do të bëjë një kthesë në “showbizz”-in shqiptar.

Bëhet fjalë për këngëtaren Bleona Qereti. Këngëtarja, e cila prej vitesh jeton në SHBA, duket se do të vijë në Shqipëri për të marrë pjesë në këtë “reality show”.

Nuk na mbetet gjë tjetër të themi, veçse të presim rikthimin e zjarrtë të Bleonës.

Për javën që presim, vendi ynë do të ndikohet nga kushte atmosferike të qëndrueshme e të ftohta për shkak të masave ajrore me origjinë veriore.

Dita e Hënë e Martë moti parashikohet i kthjellë me vranësira të pakëta kalimtare kryesisht në orët e mesditës.

Dita e Mërkurë e Enjte dominon mot i kthjellët si dhe alternime vranësirash kryesisht në relievet malore.

Ditën e Premte vendi ynë do të ndikohet nga kushte atmosferike të paqëndruashme. Moti parashikohet me reshje shiu të herëpasherëshme me intensitet të ulët në veri që në orët e para të ditës. Në mesditë pritet që reshjet të fitojnë territor dhe intensitet. Në veri reshje të shpejta shiu në formën e shtrëngatave hera-herës me intensitet mesatar shoqëruar me shkarkesa elektrike. Në Alpe dhe në verilindje reshje bore me intensitet të ulët në lartësinë mbi 1000metra.

Për shkak të masave ajrore të ftohta e të thata vlen për tu theksuar dhe formimi e ngricave të forta përgjatë akseve rrugore në relievet malore në verilindje – juglindje.

https://web.facebook.com/meteorologji/posts/769667945157923?ref=embed_post

Pronari i një kompanie ka vendosur të japë plot 9 milionë euro bonus për punonjësit e kompanisë së tij me rastin e fesave të fundvitit.

Kompania britanike për ndërtimin e ambienteve të zyrave dhe magazinave, ka arritur këtë vit një sukses të jashtëzakonshëm me ndërtimin e miliona metër katror ambiente.

Por pronari zemërmirë ka vendosur që këtë sukses ta ndajë pikërisht me stafin e përkushtuar prej 200 punëtorësh.

Siç raporton gazeta britanike Metro, ai i mblodhi punonjësit në një darkë festive ku u dha zarfin me bonusin.

Pamjet e kapura nga eventi, tregojnë surprizën dhe emocionin e madh që punonësit pësuan kur panë brenda shpërblimin prej rreth 38 mijë paund britanik secili.

Kompania, St John Properties ka funksionuar që nga viti 1971 dhe filloi si një “zhvillues lokal i pasurive të paluajtshme” përpara se së shpejti të bëhej një nga “firmat më të mëdha dhe më të suksesshme private komerciale të pasurive të paluajtshme në rajonin e Atlantikut të mesëm”.

Me lot në sy, Zamira rrëfeu se familja e bashkëshortit nuk e kanë dashur kurrë si nuse.

Zamira Kita, është një ndër aktoret më të suksesshme të kinematografisë shqiptare, rolet e së cilës kanë lënë një gjurmë në historinë filmit.

Mometalisht Zamira po shijon një tjetër sukses në kinematografi, falë pjesëmarrjes së saj në filmin “Në Kuadër të Dashurisë”, i cili po korr një sukses të jashtëzakonshëm, jo vetëm në Shqipëri por edhe në Europë.

Në një intervistë të dhënë së fundmi për podcastin “Zë me Mirën”, aktorja ka bërë një rrëfim prekës në lidhje me jetën e saj personale, duke rrëfyer historinë e dashurisë me bashkëshortin e saj, me të cilin kishin hasur shumë vështirësi në fillimet e lidhjes së tyre.

Aktorja ka zbuluar se për shkak se ajo ishte 4 vite më e madhe se partneri i saj, si edhe për shkak të profesionit të saj, ata vendosën që të martoheshin pas 14 vitesh lidhje dashurie.

Me lot në sy, Zamira rrëfeu se familja e bashkëshortit nuk e kanë dashur kurrë si nuse. Ndërkohë që vjehrra vendosi ta pranonte si nusen e djalit , babai i bashkëshortit vdiq duke mos i folur dhe duke mos i dhanë as dorën, ndërkohë aktorja u përkujdes që atij mos t’i mungonte asgjë gjatë kohës që ai ishte sëmurë.

“Ata nuk më kanë dashur kurrë, madje e kanë patur tmerr që ai të martohej me mua. Nëna e tij vetëm kur ne u martuam, më priti me tha që po të do djali, edhe unë do të dua. Babai Benit nuk ma dha dorën kurrë ndërkohë që unë jam kujdesur shumë për të. Kur ai u sëmur dhe ishte në spital unë i çoja ushqimet ndërkohë që Beni kujdesej atje. U kërkova vetëm të më linin ta takoja njëherë, por më thanë jo sepse mund t’i shkaktoja dëm emocional. Por ai e dinte se ia çoja unë dhe infermieri i thoshte që këtë nuk ta bëj se më tha Zamira”.

Pavarësisht gjithë historisë së trishtë, Zamira sigurisht që e ka falur dhe mendon se ai ishte burrë shumë krenar dhe prandaj nuk donte që ta ndryshonte ate se cfarë kishte thënë në fillim.

“Por ngaqë ishte shumë burrë krenar dhe tha që në fillim “jo”, nuk ndërronte dot. Por ata duhet ta kuptonin se unë jam kujdesur shumë për djalin e tyre”, rrëfeu aktorja e cila tha se i kishte thënë partnerit të saj Benit, se donte vetëm të ishin bashkë dhe ajo do i linte të gjitha për të, edhe aktrimin. Megjithatë ajo tha se ky ka qenë gabim dhe se s’do donte kurrë që e bija t’ia thoshte këtë dikujt.

Historia e Alex Baty 17-vjeçarit britanik , i cili u zhduk në Spanjë 6 vite më parë ka një fund të lumtur. Adoleshenti u gjet këtë javë në jug të Francës dhe më pas u kthye në shtëpinë e tij në Londër i shoqëruar nga oficerët britanikë. Do të jetojë me gjyshen, e cila kishte kujdestarinë e tij para se të rrëmbehej.

Aleksi u rrëmbye në vitin 2017 gjatë pushimeve në Malaga të Spanjës nga nëna e tij dhe gjyshi, ndërsa mediat britanike shkruajnë se në atë kohë ata po kërkonin një mënyrë jetese alternative dhe nuk donin që Aleksi të shkonte në shkollë.

Mediat shkruajnë se adoleshenti gjatë 6 viteve ka bërë një jetë “nomade”. Ai u gjet rastësisht mbrëmjen e së enjtes nga një shofer teksa ecte përgjatë një rruge, në një zonë malore, pranë Toluzës.

Fabien Accidini, një student francez kujton momentet kur gjeti adoleshentin e zhdukur.

“Ai po ecte në mes të një pylli, në një vend që ishte plotësisht i humbur, 20 minuta me makinë nga fshati më i afërt dhe kjo nuk është e zakonshme, nuk ka asnjë shpjegim që dikush të ecë në atë zonë kaq vonë. Gjatë rrugës mendova të ndaloja dhe ta pyesja nëse është mirë, apo edhe thjesht ta ndihmoja, ose të paktën ta dërgoja në një qytet sa më shpejt që të ishte e mundur.”

Ai thotë se i dha celularin e tij, në mënyrë që t’i dërgonte një mesazh gjyshes së tij në Angli.

“Është një histori e pabesueshme. Nuk e kisha menduar kurrë se do të nisesha për në punë në mesnatë dhe do të përfundoja duke marrë dikë në anë të rrugës që është rrëmbyer prej gjashtë vitesh.”

Autoritet britanike thonë se adoleshenti është në gjendje të mirë shëndetësore dhe nuk është keqtrajtuar gjatë këtyre 6 viteve.

Rasti i zhdukjes së adoleshentit po hetohet nga drejtësia britanike ndërsa ende nuk dihet asgjë për fatin e nënës së tij.

Policia ka zbuluar autorët e djegies së makinës së personazhit të Tik Tokut, Kozak Braçi. Sipas forcave të rendit, porositës i djegies së makinës së personazhit te Tik-Tok është reperi tjetër, Kleviol Ahmeti, i cili ka paguar dy shtetas për t’i vënë flakën, mjetit të Kozak Braçit.

Kleviol Ahmeti mësohet se i ka dhënë shtetasve, Dorian Limushaj dhe Markelino Laho, 1500 euro që të kryej kjo veper penale.

40 vjeçari Dorian Limushaj dhe 18-vjeçari Markelino Laho, banures në Vlorë janë arrestuar, ndërsa reperi është shpallur në kërkim.

“Në lidhje me këtë rast u bë dokumentimi i plotë ligjor i ngjarjes, identifikimi, kapja dhe arrestimi i dy prej autorëve të dyshuar, shtetasve D. L., 40 vjeç, dhe M. L., 18 vjeç, të dy banues në Vlorë. Gjithashtu u shpall në kërkim bashkëpunëtori i tyre, shtetasi E. N., 24 vjeç, banues në Vlorë, dhe porositësi i djegies së automjetit, shtetasi K. A., 37 vjeç, banues në Lushnjë.

Nga veprimet hetimore të kryera ka rezultuar se shtetasi K. A., ka paguar shumën 1500€ për të djegur automjetin e shtetasit K. B., ndërsa dy të arrestuarit, së bashku me shtetasin E. N., kanë siguruar kushtet, dhe në bashkëpunim me njëri-tjetrin, kanë djegur automjetin”, thekson Policia.