Lajme Flesh

Prokuroria e Posaçme ka çuar në Kuvendin e Shqipërisë një shkresë ku kërkon ndryshimin e masës së sigurisë për ish-kryeministrin Sali Berisha.

Burimet për Balkanweb bëjnë me dije se ndaj Berishës kërkohet një masë tjetër nga ajo e detyrimit me paraqitje, duke kërkuar masë të re “arrest shtëpie”.

Vendimi për ndryshimin e masës vjen pas Berisha nuk zbatoi masën e mëhershme, atë të detyrimin me paraqitje.

Akuzat e ngritura ndaj tij lidhen me privatizimin e ish-kompleksit Partizani më shumë se një dekadë më parë.

Aktualisht në arrest shtëpie është bashkëshorti i vajzës së tij, Jamarbër Malltezi, i cili u arrestua me urdhër të Gjykatës së Posaçme dhe më pas u lirua nga Gjykata e Apelit. Atij i janë bllokuar edhe 25 pasuri.

Vrasja e Liridona Murselit në Prishtinë në 29 nëntor ka shkaktuar tronditje të madhe në shoqërinë shqiptare, sidomos pas zbardhjes së ngjarjes ku deri më tani, dyshohet se bashkëshorti i saj Naim Murseli ka organizuar vrasjen të cilën më pas e raportoi si grabitje.Të ftuarit në emisionin “5 pyetjet” nga gazetari Ilir Babaramo, diskutuan mbi shkaqet që mund të kenë sjellë krimin makabër.

Avokati Tomë Gashi, nëpërmjet një lidhje skype nga Kosova tha se motivi i një vrasje të tillë ka qenë i mundur të mësohet në ditët e para të arrestimit të Naim Murselit. Ndërsa sa i takon detajeve nga grabitja, Gashi tha se me 2 fëmijët e tij që ishin në makinë, Naim Murseli ka komunikuar në gjuhën suedeze dhe të miturit kanë menduar se mamaja e tyre kishte mbetur e bllokuar në mjet dhe kishin dalë pa e ditur çfarë po ndodhte.

“Me fëmijët ka komunikuar në gjuhën suedeze dhe kanë dalë nga makina. Ata kanë dalë nga makina pa e ditur se cfarë po ndodhte. Ata kanë menduar se mamaja e tyre ka mbetur në makinë. Naimi që e drejtonte makinën, ka dalë nga mjeti dhe e ka lënë Liridonën aty. Është parë se është vrasje e porositur dhe prokuroria ka pasur indicie që tregonin se Naimi ishte i përfshirë”- tha Gashi.

Sa i takon rrezikut për vetëgjyqësi mes familjeve, avokati u shpreh se nuk beson se mund të ketë një rrezik të tillë pasi familja e Liridonës ka deklaruar se e ka lënë çështjen në dorë të drejtësisë.

Rajmonda Bulku është një nga aktoret më të dashura për publikun shqiptar, e cila përveç talentit gjithmonë ka spikatur edhe për bukurinë që e karakterizon.

Së fundmi aktorja është bërë nostalgjike dhe është kthyer pas në kohë.

Ajo ka publikuar një foto të vitit 1976 kur ka qenë shumë e re.

“Foto-provë e parë, ish Kinostudio, 1976”, shkruan aktorja. Ndryshe nga më parë, sot me anë të filtrave të gjithë mund të realizojnë fotografi të bukura, por ajo që shfaqet në këtë fotografi është e gjitha natyrale.

Avokati Jordan Daci tha në një intervistë për Euronews Albania se Bashkimi Evropianë nuk do ta lejojë Greqinë t’i vërë veto Shqipërisë për integrimin në BE.

Teksa komentoi deklaratën e Ramës në Kongresin e PS, Daci u shpreh se siguria e kryeministri lidhet me faktin se ai është njohës i mirë i çështjeve të rajonit dhe të BE dhe e di shumë mirë që ky i fundit nuk do të lejonte ndërhyrjen në punët e drejtësisë së një vendi.

Në emisionin “Të Paekspozuarit” në MCN TV, është diskutuar për urdhër arrestet e SPAK për disa zyrtarë të Bashkisë Tiranë, lidhur me aferën e inceneratorëve.

Artan Hoxha ka zbuluar se njëri prej të arrestuarve, është i afërm i familjes Veliaj, konkretisht kushëriri i bashkëshortes së Veliajt.

Ndërkohë, gazetarja Ola Xama tha se Veliaj nuk përmendet fare nga SPAK, madje edhe shkresat e tij, SPAK i quan si “shkresë e Bashkisë Tiranë”.

Ylli Rakipi: Ka të dhëna se njëri prej personave me udhër arresti është i afërm i bashkëshortes së Veliajt, Namik Simixhiu. Është e vërtetë kjo gjë?

Artan Hoxha: Po është e vërtetë. Ai në këtë moment është pensionist. Është marrë masë sigurie ekstreme edhe pse është pensionist.

Ola Xama: Besoj edhe zoti Bezhani është pensionist.

Ylli Rakipi: Pra pensionistët kanë marrë.

Artan Hoxha: Këta me kalimin e kohës duhet t’i lirosh sepse e pengon mosha, aq më tepër nuk kanë as mundësi të prishin provat.

Ylli Rakipi: Po për Veliajn nuk ka hetim?

Ola Xama: Nuk përmendet as me emër. Edhe shkresa e zotit Veliaj, përmendet vetëm si shkresë e Bashkisë Tiranë. Nuk përmendet as si emër Erion Veliaj.

Pasi ka luftuar korrupsionin, krimin e organizuar dhe ka rritur ekonominë e shqiptarëve, Edi Rama kërkon që të mbylli tregun gabi, njohur ndryshe si tregu i rrobave te përdorura. Kjo për arsyen se në tregjet shqiptare do të shiten vetëm rroba firmato dhe të markave të çërtifikuara. Ky vendim është hedhur për shqyrtim në një relacion të publikuar së fundmi, ku qeveria e sheh të udhës t’i veshi shqiptarët me rroba të shtrenjta që blihen në butikët e qendrave tregtare.

“Projektligji i kushton një rëndësi të veçantë masave për mbrojtjen e markave dhe të drejtave të pronarëve të markave nga cenimet që u bëhen atyre nga spekulatorë dhe manipulatorë të tregut. Në këtë aspekt, projektligji parashikon të drejtën e pronarëve të markave që cenohen nga veprime shkelëse të ngrenë padi, të paraqesin prova dhe t’i sigurojnë këto, të kërkojnë marrjen e masave të përkohshme për parandalimin e një shkeljeje, nxjerrjen jashtë qarkullimit, konfiskimin dhe vënien nën kontroll të mallrave që dyshohet se shkelin të drejtat e markave të regjistruara më parë dhe kështu me radhë”, thuhet në relacion.

Madje në këtë projektligj ju njihet e drejta pronarëve të markave të ngrenë padi në gjykatë ndaj tregtarëve si dhe të kërkojnë dëmshpërblim për dëmin që ju është shkaktuar. Thënë ndryshes, synohet që më çdo mënyrë të mbyllen tezgat e rrobave të reja apo përdorura që vijnë nga Turqia, Kina, Indonezia apo vënde të tjera. Këto rroba ndoshta nuk janë firmato, por me to punojnë tregtarët e tregjeve lokale si “tregu çam”, “tregu i Medresesë”, apo dyqane të vogla që kanë rroba të ndryshme.

Si duket qeveria kërkon që të favorizojë qendrat tregtare për të pasur sa më shumë klientë dhe për të mbyllur sa më shumë biznese të vogla, apo për të falimentuar të vetëpunësuarit. Kosto pritet të ketë edhe për shqiptarët, të cilët në vështirësi ekonomike, preferojnë të blejnë rroba të përdorura apo të një cilësie më të dobët, për të kursyes më tepër para për jetesën e tyre.

Ylli i ekipit të Juventusit dhe i kombëtares italiane, Giorgio Chiellini thotë se “azzurët” kanë të ardhme të ndritur në Euro 2024, ndryshe nga shumë komente që e shohin situatën pesimiste.

Chiellini ka thënë se Spanja dhe Kroacia janë ekipe të mëdha me eksperiencë, ndërsa kombëtaren shqiptare e ka quajtur si një ekip “mik”.

“Shqipëria është miku ynë më i madh me të cilin përballemi. Jemi shumë të lumtur që ata hynë në Euro. Unë kam shumë miq shqiptarë dhe ata e meritojnë këtë. Ne duhet ta respektojmë këtë.

Chiellini është shprehur optimist se Italia do të dalë nga grupi i cëlësuar si grupi më i fortë i Euro 2024.

Ai ka vlerësuar Donnarumma-n si një portier i mrekullueshëm, Bastonin si një mbrojtës fantastik dhe Verrattin me Chiesan si tepër të talentuar në mesfushë.

Aktivistja shqiptaro-amerikane, Evi Kokalari u është rikthyer akuzave të saj ndaj ish-kryeministrit Sali Berisha dhe bashkëpunëtorëve të këtij të fundit brenda “Foltores”. Edhe pse në fillim kanë qenë miq për kokë, raportet mes Berishës dhe Kokalarit janë prishur, madje thyerja është aq e madhe sa aktivistja zbulon se është kërcënuar nga njerëzit e Berishës, ndërkohë që ka hedhur akuza të forta ndaj lidershipit të “Rithemelimit”. Përmes një statusi në rrjetet sociale, zonja Kokalari tregon të gjitha pazaret e tyre të pista.

Ja reagimi i plotë i Evi Kokalarit:

Takimi me Berishën

Nuk është vetëm Carlo Bollino ndaj te cilit jane linçuar militantet. Sali Berisha ma ka bere këtë mua te pares, vetëm e vetëm se dola veç publikisht. Mos e ngatërroni këtë me kundër, ne fillim te Janarit thjeshte dola veç, me mundësi bashkëpunimi ne te ardhmen. Te distancosh veten nga nje lëvizje politike aq komplekse sa e ka ndërtuar Berisha te veten, është pune dinjitetin dhe integriteti, dhe ja ta shpjegoj pak me ne detaje. Herën e fundit qe e kam takuar Berishën ka qene ne Nëntor te 2022. Ne primaret për Bashkinë e Tiranë nuk ndërhyra shume, sepse siç ja kam shpjeguar disave privatisht, ne ate kohe doja te dëshmoja qe këta e kishin planifikuar Këlliçin si kandidate kundër Veliajt qe ne kuvendin e 2022. Pra, deri diku çfarë kisha nuhatur, po vërtetoj te ishte e sakte. Te gjithe e dime tashme qe Berisha personalisht i kërkoi Alihmemetit te dale nga loja dhe te lere Këlliçin si fitues. Ne ate moment e dija qe fitues ishte Veliaj, por akoma nuk piketoja dot arsyen dhe se cili ishte pazari. Ne ate takim i thashë Berishës qe kam vendosur te kthehem te merrem me politike ne Shqipëri dhe nuk kundërshtoi, madje tha shume mire. Gjithashtu i shpjegova qe isha komplet me idenë qe ai duhej te prishte koalicionin me Metën, dhe te garantonte garat dhe meritokracinë brenda partisë. Madje i thashë qe personalisht nuk do isha futur kurrë ne nje gare te PD nese ai nuk garantonte pastërtinë e garës. I kërkova ne fund qe Albana Vokshin mos e bënte nen-kryetare siç i kisha indiciet qe do te ndodhte dhe kjo Berishen e nervozoi, qe do te thotë kisha te drejte. Pak rendësi kishte për mua, por ja bëra te qarte qe Vokshi s’ka fituar asnje gare, as ne PD dhe as jashtë saj dhe kishte manipuluar te gjitha garat. Nderkohe qe Berisha shpjegoi “vlerat” e Vokshit, i thashe se keto aftesi e kualifikojne Vokshin si asistenten e tij personale dhe jo si nen-kryetare te nje partie qe ka akoma nevoje te hapet dhe te rithemelohet mbi parime te forta. I shpjegova gjithashtu qe e dija rezultatin e primareve te Bashkisë pa filluar gara, pra duke ja bere te qarte se isha ne dijeni te lojes qe po benin.

Manipulimet për kreun e FRPD

Sigurisht qe i vetmi shok per mua ka qene kur Berisha vete e priti Besart Xhaferin ne zyre dhe e uroi, nderkohe qe kandidatet e tjere kishin paraqitur faktet e tyre te manipulimeve, qe sigurisht me fodullekun me te madh Flamur Noka, Grigels Muçollari dhe te tjerë i hodhën ne kosh te pleherave. Ai ishte momenti qe kuptova Berisha ishte ne dijeni te cdo gjeje, dhe qartazi teksti qe i dergoi kryetareve te degeve qe te rrinin jashte gares se FRPD, ishte thjeshte nje hipokrizi e hapur dhe e paturpshme. Qe nga ajo dite asgje nuk me habiste me. Mbas ketij takimi dhe mbas diskutimit te detajeve te tjera, dukej qarte qe si e jashtme dhe jo pjese e PD apo Kryesisë nuk mund ta influencoja me Berishen per te mbajtur linjen qe kishim ofruar ne foltore. Ai vet nuk kishte ndermend ta thërriste Kuvendi qe eshte e vetmja mënyrë per te qene pjese e keshillit apo kryesise.

Dalja nga rreshti i Berishës

Si e tille vendosa te dale veç dhe perpara se te postoja dicka publikisht, e fola serish me te privatisht. Postimi im i Janarit 2023, ku hodha idene e mundesise se daljes vec, ishte me teper nje prove per te pare reagimin e opinion e shume demokrateve, cfare mendonin. Duhej apo s’duhej nje force e re realisht konservatore? Reagimet ishin positive, dhe kjo duket se e shqetesoi Berishes dhe klanin e tij. Deri atehere, ata kishin duruar daljet e mia publike kunder manipulimeve, po ata e kuptonin qe dalja ime vec mund t’i merrte mbeshtetjen organike te demokrateve qe ndryshe do kishin heshtur ndaj Sali Berishes po mos t’i dilja une ne krahe.

Ketu filloi dhe nje fushate denigruese, me mesazhe ne grupe te demokrateve ku ndaloheshin te reagonin ndaj postimeve te mia, apo te me flisnin publikisht dhe privatisht me mua. Te vetmit qe u lejuan ishin ata qe hodhen balte, ofendime nga me vulgaret, kercenime nga me te ndryshme, duke kulmuar tek kercenimi me jete nga persona te afert te Berishes, te bera ne prezence te pese dëshmitareve. Ky kercenim ishte nje pergjigje direkte kur shpreha faktin qe Sali Berisha mund te ishte idhulli i tyre, por jo i imi. Nuk di ku mund te kene gabuar militantet ne kete pike, sepse dhe pse e kam mbrojtur Berishen gjithe kohen publikisht, kur nuk kam thene qe eshte ‘legjend’ apo ‘idhull’ per mua. Idhujt e mi jane Benjamin Franklin, Abe Lincoln, Ronald Reagan dhe ketu nuk fus dot as Donald Trump qe e kam mbeshtetur me gjithe shpirt. Sigurisht qe Berisha ishte larg ketyre modeleve per ta konsideruar si legjende apo idhull. Berishen e kisha konsideruar nje burre shteti qe besoja qe kishte kapacitetin te hiqte Lulzim Bashen dhe te ngrente nje opozite te forte per te hequr Edi Ramen dhe kukullat e George Sorosit. Zhgënjimi ishte përtej çdo imagjinate. Sidoqoftë, lincimi ndaj meje dhe sidomos mbas kurrizit, me vertetoi cdo gje qe me ishte thene privatisht per Berishen dhe klanin e tij. Nuk ka asnje sinqeritet apo mirenjohje nga keta njerez. Ndaj meje jane lincuar individ qe klani e kishte mundesine ti ndalonte, por me vetedije te plote refuzuan. Lincimet ndaj meje u bene nga militante qe qartazi i perkasin nje niveli shume te ulet intelekti, por ky eshte grupi qe klani me ne krye zonjen Vokshi dine ta drejtojne me se miri. A mendoni se intelektualet ju rrine akoma ketyre prane? JO!

Personazhet

Nje figure qe me ka bere pershtypje ishte Osman Mula, i cili si anetare i keshillit kombetar, sillte dicka ndryshe ne PD. Por dhe atij duket se i kishte ardhur ne maje te hundes kur nje kllaun si Edi Paloka i hiqte fjalen ne nje seance qe Mula po shprehte shqetesime te arsyeshme se si po shkonin gjerat. Nje personazh tjeter ishte Mal Berisha qe keta e mbajne per intelektual, por dhe ky u lincua me akuzat se une isha kali i Trojes. Te gjithe e dine qe Mal Berisha eshte i afert me Berishen, dhe kur ai flet, njerezit supozojne qe Berisha i ka dhene driten jeshile per ta bere kete. Ne fakt Mal Berisha me ka takuar dhe ne NY dhe e di mire qe une nuk mund te isha kal Troje, te pakten duke ditur cfare po beja realisht per te ndihmuar opoziten. Prandaj lincimi i tij ishte i paramenduar mire.

Përfshirja e dhëndrit të Berishës

Kishte raste qe shikoja Abi Malltezin qe i bente ‘likes’ postimeve te njerezve me te cilet kisha hyre ne debat publik. Reagime te tilla pikerisht nga dhendri jepnin driten jeshile qe te gjithe duhej te me dilnin kunder. Nuk mund te numeroje mesazhet me fjalor super vulgar qe kam marre nga shume njerez dhe kusherinj te Berishes, privatisht dhe publikisht, aq sa u detyrova te hiqja njerez nga listat e miqve dhe ti bllokoja ne telefon qe mos ti lexoja me. Nje pjese e madhe dhe pse nuk sulmonin publikisht dhe me jepni te drejte privatisht, akoma kane frike te reagojne ndaj postimeve te mia, a thua se une jam armiku dhe njeriu i pabese ne kete mes. Dhe pse e gjithe kjo? Sepse fola hapur qe nuk isha dakort ku po shkonte rithemelimit, sepse pash qarte dhe e ekspozova se si ne te gjithe po perdoreshim per pazaret e Shkelzenin dhe mbrojtjes ligjore te Berishes. Ne fakt pabesija ishte e atyre qe ma shiten daljen e Berishës ne foltore si kosher. Ne thelb ky ishte nje pisllik ne kurriz te demokrateve dhe shqiptareve. Sigurisht qe une do dilja vec. Takimin e fundit Berisha ma beri te qarte qe cfare kisha kuptuar deri ne ate moment ishte e sakte dhe kjo ishte menyre se si do te vazhdohej. Kete e beri te qarte me insistimin e koalicionit me Meten dhe injorimin e fakteve per garen e primareve per bashki. Dhe kjo ishte arsyeja qe Berisha donte te me linte si bashkepunore te jashtme te PD-se, sepse qartazi ato qe kerkoja une, nuk ishin aspak ne perputhje me skenarin e tyre dhe ndoshta nuk me donin neper kembe.

Përplasja me besniken e Berishës

Me vone Berisha doli akoma me hapur kundër meje ku pa piken e turpit justifikoi Adriana Kalane, gjyqtaren e PD se rithemelimit, per fallcifikimin e fotos time me Erion Veliajn. Justifikimi me banal qe dha ishte se duhet mbrojtur liria e fjales. Cila liri? Fallcifikimi nuk eshte liri fjale, por eshte nje akt qe zakonisht denohet me ligj. Por ky ishte nje sinjal qe ai dha shume te tjereve qe ishte okay te beheshin lincime te ketij niveli ndaj meje. Kur une kam thene se u ula me Lulzim Bashen per kafe, filluan nje lincim te nje niveli tjetri, nepermjet veglave te tyre qe kane qene pjese e krimit dhe korrupsionit te Berishes – Ylli Rakipi!!! Ai ishte nje lincim publik me ofendime qe vazhduan mbi 20 minuta ne live TV dhe pse me shume edukate i kerkova tre here te ndryshonin metoden e komunikimit, derisa me detyruan te lija studion. Ate pergjigje qe Ylli Rakipi morri ate dite vlen dhe per Sali Berishen dhe klanin e tij, sepse ne fund te fundit, integriteti im ngelet i paprekur. Mbas cfare kam pare keto dy vite, Lulzim Basha eshte lule perpara klanit te Berishes, dhe keto lincime dhe nxitje urrejtje ndaj te tjereve eshte menyra sesi keta kane funksionuar gjithnje – demokratet e rithemelimit akoma urrejne ne vdekje ata qe mbeshtesin Bashen, a thua se nuk eshte e drejta e tyre te bejne c’te duan.

Takimi me Bashën

Takimi im me Bashen nuk ishte fare koalicion dhe po qe se kisha dicka per te fshehur, nuk kisha pse ta beja vete publike. Tentativa ime me Bashen ishte per te pare mundesine e hapjes se nje dere dhe mundesine e bashkimit te bazes. Por kjo sigurisht nuk i intereson Berishes dhe koalicioni me Ilir Meten, eshte shume me beneficial per PD e rithemelimit. Mbas dy vjetesh kam pare dhe kuptuar shume dhe jam ne gjendje te analizoj vete se kush eshte Berisha, Basha dhe te gjithe demokratet. Fatkeqesia me e madhe eshte se kam arritur ne konkluzionin qe Sali Berisha dhe Ilir Meta kane qene elementet kyc qe ndertuan nje sistem politik te mbrapshte ne Shqiperi, qe kontrollin ja jepte asaj te ciles une i referohem ‘kupola’, e cila mbron paturperisht korrupsionin e secilit prej tyre. Ata qe kane afer, o kane qene pjese e korrupsionit te meparshem, ose si te babzitur presin per nje kocke.

Futja në politikë e Lapajat dhe Çepanit

Lincimet ndaj atyre qe flasin realitetin jane ‘by design’. Asnje njeri me integritet nuk ju duhet afer – madje ngritja e figurave si Lapaj e Edlira Cepani, tregojne qarte hipokrizine e tyre. Berisha do vazhdoj te perçaj kete popull se vetem ashtu di te mbijetoj, ama ashtu si Bollino, me te cilin nuk me lidh asgje, cdo lincim i ardhshem ndaj meje, do t’ja fajesoj tashme direkt atij vete – Berishes dhe familjes se tij, fut ketu femijet, dhendrin dhe ata qe i lepihen 24/7. Une s’kam bere asnje gabim. E pabese nuk jam treguar sepse cdo hap qe kam marre ka qene publik dhe jo bazuar ne pazare sic jane mesuar shumica ne kete vend. Mbetem e paster akull ne mocalin qe ka 33 vjet qe qelbet ere. Neser mund te ulem serisht me Bashen apo ata qe ju publikisht i keni quajtur armiq te PDse, por armite e vetem ketu mbeteni ju, qe demokracine e morret peng ne 1991 dhe shfrytezuat naivitetin dhe sinqeritetin e ketij populli, qe vodhet dhe per 33 vjet te tjera ish-pronaret dhe i keni lene Shqiptaret ne varferi totale. Keshtu qe, konsiderojeni veten te paralajmeruar – lincimet ndaj meje qe sot e tutje, nuk do t’i le te kalojne me. Do merrni pergjigje te forta publikisht, sidomos ata qe kane qene kyc i ketyre lincimeve. Ky eshte dhe degjenirimi qe meritoni publikisht. Dhe ate do merrni!