Lajme Flesh

Një nga hipotezat që ka qarkulluar për ndarjen e Ledrit dhe Sarës ka qenë edhe puthja e kësaj të fundit me Roerdin në filmin “Në kuadër të dashurisë”.

I ftuar në emisionin “Natën me Aulonën”, Roerdi u pyet në lidhje me këto aludime.

“Larg qoftë! Të gjykosh një aktor pse shkëmbeu një puthje është si t’i thuash pse fole në film. Roli, skenari dhe teksti janë të tilla, regjisori ka detyrë të të japë një rol që të ndihesh sa më komfort që të transmetohet mirë tek publiku. Sara e ka arritur këtë”, u shpreh Roerdi.

Roerdi e mohon totalisht se kjo mund të jetë një arsye se pse ata të dy janë ndarë sepse në film këto gjëra janë normale.

“Eh moj Zonja jonë e Parë!

Po çfarë dreqin pate që dole e fole e na tregove se cila je!

Sikur të mos kishe folur do të qe më mirë. Se nuk do të të njihte mileti. Tani që të njohëm harroje të të harrojmë.

Mirë që fjalitë nuk di t’i lidhësh, mirë që as kohët e foljeve nuk i dallon e as i kupton dot, po as faktin që nuk ka institucion të Presidencës nuk ta kanë mësuar moj e shkretë?!

Çfarë të thuash më shumë, i the të gjitha vetë.

Më parë ka qenë traditë që kur mblidheshin fëmijët për festat e fundvitit thirreshin edhe aktorë të humorit, gaztorë apo të tjerë nga cirku i Tiranës. Thërriteshin edhe kllounë nga cirku.

Por, këtë herë nuk paska qenë nevoja. Sepse Zonja Begaj, apo përndryshe Zonja e Parë, pra gruaja e Bajramit kishte marrë përsipër t’i bënte vetë të gjitha.

Dhe ia doli. I bëri e na e bëri të qartë të gjithëve se cila është e çfarë niveli përfaqëson!

Po si mund të ishte ndryshe?!”

Po pse këto vargje?

Sepse në një kohë që bota e arsimit në Shqipëri është vënë në alarm nga raporti më i fundit i “PISA 2022” të vendeve të OECD, i cili thekson se aftësitë e nxënësve 15-vjeçarë në Shqipëri për lëndën e matematikës, leximit dhe shkencës janë përkeqësuar, shkaqet e kësaj katastrofe duket se gjenden në institucionet më të larta të vendit

Në Presidencë u ndezën pasditen e kësaj të mërkure dritat e Pemës së Krishtlindjes dhe të pranishëm ishin me dhjetëra fëmijë, të gazetarëve por edhe të punonjësve të Presidencës

Por ajo se çfarë kuptuan fëmijët e pranishëm nga fjala e zonjë së Shtëpisë, Amarda Begaj ishte fakti se dritat e festave nuk kanë asnjë lidhje me dritat e diturisë që do i çojë ata përpara.

Kjo pasi Zonja e Parë e vendit u shfaq në garë me kohën, teksa synonte ndonjë rekord për Guinnes, dhe kjo jo për ndonjë thënie të mençur, por për nga numri i gafave dhe lapuseve të shënuara në fraksionin e 1 minute e gjysëm fjalim

Për të kuptuar më shumë se a duhet qeshur a qarë në këto raste, ndiqni më poshtë fjalimin “brilant” të Zonjës Begaj ku nuk kuptuhet qartë se kush është fëmijë në atë sallë.

Fjalimi i zbardhur i Zonjës së Parë Armanda Begaj

“Kemi të ftuar edhe fëmijë, prindërit e të cilëve janë bashkëpunëtorët më të mirë të institucionit të Presidencës.

Gazetarët, dhe “Gazetarët në gjininë asnjëanëse”, gazetaret dhe gazetarë.

Falëminderit dhe mirë se kanë ardhur edhe fëmijë, prindërit e “të cilës”, të cilëve punojnë plot pasion çdo ditë në institucionin e Presidencës.

Një falënderim të veçantë dua t’jua bëj edhe nënave, mamave të fëmijëve … (pauzë dhe zonja e parë shihet që kafshon lehtë buzët duke nënkuptuar se e harroi atë çfarë do thoshte) të institucionit të Presidencës të cilat kanë gatuar me shumë dashuri për ju.

Ambëlsira shumë të mira… Unë shikoj që keni filluar të, ta konsumoni ushqimin, t’ju bëjë mirë. Ju kemi ftuar sot të gëzojmë së bashku, të ndezim së bashku dritat e pemës tonë përjashtë, drita që do të na sjellin mbarësi për Vitin e Ri. Gëzuar të gjithëve dhe kënaquni!”

https://youtu.be/h1isopoNmQ0?si=703Suno9EHa85_Xn

Analisti i njohur, Frrok Çupi ka komentuar situatën politike në vend, ndërsa ka bërë disa deklarata të forta. Teksa ishte i ftuar në një studio televizive, zoti Çupi zbuloi se përse Prokuroria e Posaçme (SPAK) nuk po e arreston ish-kryeministrin Sali Berisha, ndaj të cilit Gjykata e Posaçme (GJKKO) ka caktuar masën e detyrimit për t’u paraqitur në prokurori dhe bllokim të pasaportës për të mos dalë jashtë shtetit sa i takon aferës së “Partizani”, vendim të cilin kreu i Rithemelimit e ka injoruar për plot tre herë, duke refuzuar të paraqitet të hënë e parë dhe të tretë të çdo muaji para oficeres së Byrosë Kombëtare të Hetimit (BKH).

Por pavarësisht “luftës” që i ka hapur Strukturës së Posaçme, analisti është i bindur se ish-kryeministri Berisha do të hetohet dhe se sipas tij, atë e presin prangat. Madje ai thekson se Berishën nuk e shpëton nga përballja me drejtësinë as kaosit që po provokon në Kuvendin e Shqipërisë dhe as kërcënimet ndaj prokurorëve e gjyqtarëve të SPAK.

“Shteti është i fuqishëm dhe se ka për gjë Sali Berishën, qoftë edhe një sulm nga jashtë sepse ne jemi anëtar i NATO dhe aleate e Amerikës. Kam dëgjuar se thonë pse se çojnë në burg, do përsëritje Ilir Meta, ose Enver Hoxha që e merrte me forcë armikun e klasës dhe e pushkatonte. Berisha atë po kërkon që të merret me forcë, ai po ndez zjarre, letra dhe këto i bënë për t’u viktimizuar. Berisha në burg do shkoj me ose pa forcë. Në kohën që SPAK toleron nuk do të thotë se ka shkelje ligjore, por nëse do ishte një qytetarë i thjeshtë nuk do ishte toleruar. Një polic që do ta marr ta shoqëroj nuk do ndihej mirë, shteti është aq i fuqishëm sa ta marr, por ai nuk do shkoj sot, do shkoj njëherësh vepra penale aty është. SPAK është krijesë ligjore e bërë me vullnetin e qeverisë dhe me ndihmën e SHBA, por që edhe SPAK është e përbërë me njerëz. Kanë frikë thuhet, por SPAK ka frikë vetëm nga vetja. Berisha dhe shokët e tij aty do jenë deri sa të jap llogari. Berisha bënë atë lojë që ka bërë gjithë jetën. Sot ndez letra në Kuvend, kur ishte në pushtet ai vriste gjysmën e Shqipërisë”, deklaroi ai.

Kuvendi i Rithemelimit

Më tej analisti Frrok Çupi ka komentuar edhe Kuvendin e Rithemelimit të mbajtur këtë të shtunë, ku ish-kryeministri Sali Berisha me 99% të votave të delegatëve. Në Kuvend Berisha u shfaq krah bashkëshortes së tij, Lirisë dhe vajzës së tij, Argitës, e cila madje mbajti edhe një fjalim. Por sa i takon daljes së kësaj të fundit në skenë, ka folur edhe analisti Çupi.

“Ai Kuvendi nuk ka punë me ne, as ne me të. Ishte si një zallamahi familjare, nuk ishte një grupim politik. Ajo është një gjë familjare që i bëjnë qejfin njëri-tjetrit dhe nuk ndikon fare tek shteti, as lajm nuk bënë. Ishte një event i familjes së Berishës. Sot njerëzit mendojnë pse doli Argita dhe pse nuk tha këtë, kur ka qenë njeri i ligjit ai, ai ka qenë i klanit dhe armës. Populli ka pësuar vetëm tmerre prej tij. Ata që ishin atje ishin njerëz të tij dhe njerëz të ardhur nga fshatrat që se dinin se ku ishte Tirana”, u shpreh ai.

Integrimi i Shqipërisë në BE

Ndërkohë analisti Frrok Çupi u ndal edhe tek fenomeni i korrupsionit në vend dhe procesit të integrimit të Shqipërisë drejt Bashkimit Evropian, duke u shpreh optimist se pandëshkueshmëria në vend ka trokitur dhe se sipas tij, nuk do të jetë e largët dita kur Shqipëria të jetë në nivele të njëjta me ato të vendeve të BE.

“Ne jemi këtu, jetojmë këtu dhe u bënë 7 vite që ka nisur reforma dhe 10 vite që s’është më Berisha në pushtet dhe Shqipëria ka hapa europianiste drejt kontinentit. Është gjithë kjo kohë kur politika perëndimor kërkon prej vendit tonë luftën kundër korrupsionit. Hap pas hapi do të jemi dëshmitar edhe të gjërave të tjera që do të ndodhi. Shqipëria do të afrohet më shumë Europës dhe do të jetë anëtare e BE. Nuk do të jetë më për t’u çuditur që korrupsioni do të jetë në nivelet e vendeve të BE”, nënvizoi analisti i njohur, Frrok Çupi.

Teksa disa javë na ndajnë nga festat e fundvitit, një vëmëndje e shtuar është ndaj çmimit të gjelit të detiti.

Mishi i tij është traditë në tryezat e shqiptarëve. Evidentohet se në krahasim me vitin e kaluar, çmimi i tyre për kg ka “fluturuar”.

Tregu i gjelave të detit në Peqin, i cili njihet për mbarështimin e tyre nuk i ka shpëtuar dot rritjes së çmimeve në mënyrë stratosferike. Bëhet e ditur se këtë vit në prag të festave, çmimi i tyre varion nga 1300 -1500 lekë të reja/kg.

Shkak sipas fermerëve dhe tregtarëve është rritja e çmimit të misrit, produkt ky me të cilin ushqejnë shpendët gjatë gjithë vitit. Rritjen e çmimit të gjelave të detit e konfirmon edhe drejtori i bujqësisë në bashkinë Peqin, Nazmi Xhyra.

Një ngjarje e rëndë ka ndodhur këtë të mërkurë në Tiranë.

Burime për JOQ ALBANIA bëjnë me dije se në rrugën “Frederik Shiroka” ka humbur jetën prindi i një fëmije në çerdhen nr.35.

Ka dyshime se i ndjeri, një mashkull rreth të 50-ave ka humbur jetën si pasojë e një arresti kardiak.

Pritet njoftimi i policisë për më shumë detaje.

Mesazhi i qytetarit:

Rruga frederi shiroka. Ka ndrruar jet nje prind, Sedi mir than arrest kardiak. Ajo makina mori trupin Qe duket N vidio. Thjesht e di mashkull mos goboj Mashkull rreth te 50tave arrest kardiak

Dukuria e vrasjeve me pagesë nuk vlerësohet që është shfaqur në Kosovë të paktën jo në raportimet e Policisë. Megjithatë profesorë e ekspertë të kriminalistikës, kanë informata për numrin e vrasësve me pagesë që janë në Ballkan e që janë shqiptarë.

Para në këmbim të privimit nga jeta e dikujt, është vepra penale më rrallë e dëgjuar dhe e raportuar në Kosovë. Pikërisht rastin e fundit të vrasjes së Liridona Ademajt e rëndon fakti se dyshohet që vrasja e saj është e porositur e vlerësuar me një çmim prej 30 mijë eurosh. Por ani pse me raste të tilla nuk kemi të bëjmë shpesh e policia as nuk posedon statistika të evidentuara për këto raste, megjithatë duket se të tilla ndodhin si në gjithë Ballkanin edhe në Kosovë.

Madje dyshohet se janë përafro 40 shqiptarë që këtë akt kriminal e kryejnë në gjithë Ballkanin. “Ata që porosisin vrasje me pagesë kanë për qëllim që t’iu ikin gjurmëve, t’i fshehin gjurmët dhe t’i kenë duart e pastra si thuhet te ne, sepse është bërë llogaritje që personi i cili kryen një akt të tillë kriminal është profesionist, dhe nuk lë prova në vendin e ngjarjes”, deklaroi për RTV Dukagjinin, profesori i kriminalistikës Mensut Ademi.

Profesori i Kriminalistikës tregon se me çfarë çmimi negociohen vrasjet e porositura. “Njëzet deri pesëdhjetë mijë dollarë, ose me kthye në euro, është pesëmbëdhjetë mijë deri dyzet e pesë mijë, ose tridhjetë mijë euro, por në Republikën e Kosovës ne sfidohemi për momentin, sepse jemi në geto, kemi probleme të mëdha socio-ekonomike, mos zhvillimi ekonomik”, shtoi Ademi.

Pavarësisht rastit të fundit, dhe fakteve të lartpërmendura ish-hetuesi policor tash avokat, Halit Shaljani,  beson se një dukuri e tillë nuk ka indikacione se mund të bëhet trend në Kosovë.

Në Kosovë ende nuk kemi informata për ndonjë aktgjykim të formës së prerë, me të cilën është dënuar dikush për vrasje me pagesë apo për shtytje të vrasjes me pagesë. Kur marrim parasysh si Kosovë nuk mund të themi se është në rritje ky trend sepse s’kemi statistika të tilla, nuk kemi më raste të dëgjueshme”, deklaroi Shaljani.

Policia e Kosovës nuk ka asnjë evidencë për vrasjet me pagesë, pasi të njëjtit e bëjnë evidentimin sipas Kodit Penal të RKS-së, i cili parasheh veprën penale si “Vrasje” dhe të tilla në Kosovë vetëm gjatë 10 muajve kanë ndodhur 26.

Një vajzë 21-vjeçare ka vdekur në një rrugë të Manhatanit në Nju Jork pasi mjeti luksoz Lamborghini me të cilin ajo udhëtonte si pasagjere u përfshi nga flakët në lëvizje.

Shoferi 22-vjeçar Alejandro Rentas u dërgua në spital, ndërsa ende nuk dihen akuzat me të cilat ai do të përballet.

New York Post, raportoi se shoferi kaloi me semafor të kuq dhe më pas u sinjalizua nga oficerët e policisë për të ndaluar, por ai injoroi thirrjen dhe u largua me shpejtësi, ndërsa më pas mjeti luksoz u përfshi nga flakët për arsye ende të pazbardhura.

Mësohet se 22-vjeçari që drejtonte mjetin u nxor nga makina e përfshirë nga flakët nga një kalimtar i rastit, i cili tha se për gruan ishte tepër vonë.

Paralajmërimet për valët e të nxehtit po përfshijnë pothuajse gjysmën e Australisë këtë javë, duke shënuar valën e parë të madhe të të nxehtit të verës.

Paralajmërimi tre-ditor i valës së të nxehtit nga Byroja e Meteorologjisë nga e mërkura e tutje tregon kushte të rënda të valëve të të nxehtit të pranishme nga qyteti i Broome në veri-perëndim përmes qendrës dhe në Queensland perëndimor dhe Uellsin e Ri Jugor.

Këto kushte po zhvendosen gradualisht në drejtim të jug-lindjes gjatë ditëve në vijim, duke u përqendruar Australinë Jugore deri në fund të javës.

Të martën, termometri kaloi mbi 45 gradë Celsius në Tarcoola, Roxby Downs dhe Woomera në , sipas meteorologut të lartë të Byrosë së Meteorologjisë, Dean Narramore.

Narramore tha se kjo ishte “vetëm një shije” e asaj që do të vinte për pjesën e mbetur të javës përpara se të vinte një ndryshim i lezetshëm.

“Nuk është shumë e pazakontë për këto zona valë tëtë mëdha të nxehtësisë, dhe nëse shikoni në fakt numrat, nuk ka shumë rekorde që janë thyer,” tha ai.

Një 92-vjeçare ka vdekur pasi një infermiere i dha në vend të ujit, detergjent në një shtëpi të moshuarish në Greqi.

Pronari i shtëpisë së të moshuarve në Heraklion 53 vjeç, menaxheri 28 vjeç dhe infermjerja që i dha ilaçin janë arrestuar dhe u akuzuan për vrasje nga pakujdesia.

Rastin e denoncoi dhëndri i 92-vjeçares, pasi gjatë administrimit të barnave ditën e hënë, kanë përzier shishet e ujit, me ato që përmbajnë detergjent. Sapo e ka pirë, e moshuara u ndje keq dhe u transferua menjëherë në spitalin Venizelio, ku humbi dhe jetën.

Pas padisë së familjarëve të 92-vjeçares, policia ka kontrolluar shtëpinë e të moshuarve, ku është gjetur shishja me dezinfektuesin, e cila është konfiskuar dhe përmbajtja e saj po ekzaminohet nga laboratori i toksikologjisë.

Mjeku do të kryejë autopsinë dhe analizat toksikologjike në trupin e 92-vjeçarit. Në të njëjtën kohë, punonjësit e policisë, të cilët në bazë të provave që disponojnë, mendojnë se gjithçka ka ndodhur gabimisht.

Sipas të dhënave të deritanishme, gabimi fatal ka ndodhur në mëngjes, rreth orës 9:00 – 9:30, në dhomën e ngrënies, ku gruaja kishte konsumuar mëngjesin. Një kamera sigurie ka regjistruar të gjithë skenën. Gruaja, sipas informacioneve të ERT-së, duket se i kërkon ujë infermieres, e cila merr një shishe, që ishte me të tjerët dhe e lë në tavolinë.

Gruaja, e cila vuante nga shëndeti mendor, hap shishen dhe fillon të pijë ngadalë lëngun, pa reaguar. Kur stafi e kuptoi se çfarë kishte ndodhur, ishte vonë për të shpëtuar të moshuarën e cila vdiq menjëherë pasi u dërgua në spital.

Nuk dihet ende se si detergjenti u gjend brenda shishes së ujit. Policia po heton mundësinë që një sërë gabimesh fatale e çuan të moshuarën drejt vdekjes. Mendohet se një pastrues e ka mbushur shishen me detergjent dhe më pas një punonjës tjetër e ka vendosur pranë shisheve të ujit, pa ditur se çfarë përmban.

Tre shqiptarë janë arrestuar nga policia italiane pasi akuzohen për dhunë dhe kërcënime, shkruan Ansa.

Të tre, u identifikuan pas ankesës së një kontraktori ndërtimi nga zona Basso Chiese.

Rreth një muaj më parë, të tre shqiptarë kërcënuan sipërmarrësin pasi pretendonin se kishin për të marrë 8000 euro për punën që kishin kryer.

Të tre sulmuan biznesmenin fillimisht me kërcënime dhe më pas me grushte. Në momentin që mbërriti policia të tre u larguan.

Megjithatë, policia arriti t’i gjurmojnë në provincën e Brescias ku dhe u arrestuan.

/5pyetjet.al