Lajme Flesh

Policia e Elbasanit ka gjetur dhe gjobitur rëndë një drejtues mjeti në dritaren e të cilit kishte dalë një vajzë ndërsa makina qarkullonte në rrugë.

Video u shfaq në rrjete sociale dhe kaq ka mjaftuar që policia të nisë ‘gjuetinë’ ndaj shoferit.

Reagim i Drejtorisë Vendore të Policisë Elbasan:

Në lidhje me një video të postuar në portalin “JOQ”, në të cilën shfaqet një pasagjere që kishte dalë në dritaren e automjetit gjatë kohës që automjeti ishte në lëvizje, ju informojmë se:

Menjëherë pas publikimit të videos, shërbimet e Sektorit të Qarkullimit Rrugor të DVP Elbasan kanë kryer verifikimet për automjetin dhe kanë ndëshkuar pronarin e tij, me masën administrative 6000 lekë të rinj, bazuar në nenin 167, pika 9, të Kodit Rrugor.

Drejtoria Vendore e Policisë Elbasan fton qytetarët të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë, konform ligjit dhe me paanshmëri.

Një djalë nëntë vjeçar, duke luajtur pas shkollës, zbuloi aksidentalisht një monedhë romake 1800-vjeçare në Bremen të Gjermanisë.

Një denar argjendi i rrallë romak nga koha e perandorit Marcus Aurelius, i cili sundoi 161-180. Bjarne e gjeti verën e kaluar në Bremen-Arsten teksa luante me shokët e tij të klasës. Ai e mori monedhën në shtëpi dhe më pas bashkë me prindërit iu drejtuan arkeologëve të qytetit.

Për këtë arsye u prezantua për publikun vetëm këtë vit. Arkeologia e Bremenit, Uta Hale tha se “kjo monedhë dihet se është diçka e veçantë në Bremen”.

Ajo shtoi se ka vetëm dy monedha të tjera të krahasueshme në atë shtet federal gjerman, duke theksuar se kjo është gjetur në një zonë që nuk ishte nën Perandorinë Romake. Hale beson se monedha i përkiste një mercenari romak dhe ishte tregtuar ose një suvenir nga udhëtimi.

Arkeologia tha gjithashtu se zbulimi është shumë i rrallë dhe shtoi se në Bremen nuk ka shumë vende ku fëmijët mund të gërmojnë në tokë./abcnews.al

Italia është tronditur nga një ngjarje e rëndë, ku një 21 vjeçare u vra nga ish partneri turk. Celine Frei Matzohl u godit me thikë për vdekje nga ish i dashuri, me të cilin ishte ndarë rreth dy javë më parë.

Trupi i saj u gjet në orët e para të pasdites së djeshme në një banesë në Silandro, në Val Venosta. 28 vjeçari Omer Cin, me origjinë turke, fillimisht i ngriti kurth dhe më pas e sulmoi me një thikë kasapi.

I riu u arrestua teksa po tentonte të kalonte kufirin për në Austri. Por karabinierët ishin tani në gjurmët e tij edhe me helikopter. Për ta ndaluar u desh të qëllonin në gomat dhe vetëm më pas u arrestua i riu

“La Gazzetta dello Sport” shkruan për klubin e Milanit dhe thekson se kuqezinjtë janë në kërkim të një sulmuesi tjetër.

“Djajtë” e Milanos kanë në listë dy emra, Ekitike dhe Armando Brojën. Ekitike është jashtë projektit të PSG-së dhe ndodhet në merkato.

Çmimi për ish-lojtarin e Reims është 20 milionë euro, shifër që Milani nuk ka ndërmend ta shpenzojë pa përfunduar transfertat e reja.

Ndryshe është situata për Brojën, të cilin Chelsea mund ta lërë në huazim. Lojtari shqiptar ka tërhequr vëmendjen e klubeve të Premier League, por marrëdhëniet mes Milanit dhe Chelsea mund të përshpejtojnë operacionin.

Prej 3 muajsh të martuar, Luizi dhe Kiara kanë gjetur më në fund kohën për muajin e mjaltit. Pas angazhimeve me koncerte, intervista e me projektet në televizion çifti më i famshëm i momentit ka udhëtuar drejt Turiqisë.

Por duket se mediat nuk do t’i lënë t’i shijojnë të etë këto ditë. n’ZOOM ka publikuar disa foto nga koncertet e Luizit në Kosovë, ku pretendon se pranë tij shfaqet edhe ish-partnerja, Jurgena.

Nuk dihet nëse çifti do bëjë një reagim për këto foto, apo do vazhdojnë të pashqetësuar pushimet.

Kujtojmë se Jurgena u bë gjithashtu kryefjalë e mediave rreth 2 muaj më parë, ku u shfaq në të njëjtin orar në të njëjtën parukieri me Luiz Ejllin.

Këto veprime nuk tingëllojnë aspak normale për ish-at, ama mbetet ta thonë ata fjalën e fundit.

Historia që bë publike para dy vitesh mes Beatrix Ramosaj dhe Donaldit, nuk po harrohet lehtë.

Madje as vetë Beatrix nuk po e harron në asnjë qastë,shkruan “Kosovarja”.

Ajo ndanë fotografi ku shihet tatuazhi i saj që ia kishte dedikuar Donaldit para dy vitesh.

Në tatuazh shihet një vajzë dhe një hero siç e quante Triksa Donaldin dikur, të përqafuar me njëri- tjetrin.

Edhe pse nuk dihet a kishin më kontakt më njëri-tjetrin, historia u shkrua për tu mos u harruar më.

Gazetari Artan Hoxha ka shpërndarë në rrjetet sociale pamjet gjatë protestës në Himarë për Fredi Belerin.

Hoxha shprehet se protesta nuk është masive, ndërsa shton se pushuesit vijojnë plazhin duke mos u shqetësuar. Me ironi, Hoxha shkuan se kaq njerëz sa janë mbledhur i bën bashkë një mik i tij nga Tepelena kur i bie goma e makinës.

Sot është dita e fundit për betimin e kryebashkiakut Fredi Beleri, dhe në Himarë po zhvillohet një protestë në mbrojtje të tij.

Reagimi i Artan Hoxhës:

Live nga shetitorja e Himares…

Nese nuk do te isha në Himare, por do ta ndiqja protesten në mbeshtetje te Dhionisios Alfred Petro Beleris, nga mediat greke apo mediat shqiptare, do te besoja se ketu po behet nami…

Në te vertete, Himara eshte në nje pasdite te qete mesgushti, kur pushuesit vazhdojne plazhin per hesap te tyre.

Kaq mbeshtetes sa kane mbledhur kryebashkiaket e Athines dhe te Selanikut në shetitoren e Himares, nje miku im nga Luftinja e Tepelenes, i mbledh kur i bie goma e makines…

E ka thene nje shekull me pare i madhi Ali Asllani nga Vajza e Lumit te Vlores: “Koha eshte e maskarenjeve, por Atdheu eshte i shqiptareve….”

Kiara dhe Luizi po shijojnë pushimet e para bashkë. Çifti ndodhet në Turqi, nga ku nuk kanë munguar fotot e videot, por një nga postimet e fundit të Kiarës ka marrë shumë vëmendjen.

Moderatorja është shfaqur me flokët e shkatërruar dhe në një gjendje siç nuk e keni parë kurrë më parë. Ajo tregon se Luizi i ka bërë xhiro me motorr uji dhe i kishte premtuar që nuk do ta ngiste shpejt.

Duke qeshur Kiara tregon se Luizi nuk e ka mbajtur premtimin dhe ajo ka përfunduar kështu.

Gjatë një interviste për gazetat britanike në vitin-1934, një gazetar anglez i drejton të madhit Gjergj Fishta këtë pyetje ironike dhe fyese njëkohësisht: “Kam dëgjuar se shqiptarët tuaj janë shumë hajdutë”!

“Ashtu na ka dalë nami, more zotëri. Por, në Londër unë kam parë që të grabitet një bankë pikërisht ditën për diell, por asnjëri prej nesh (shqiptarët) nuk mendon dhe as nuk e thotë se ju anglezët jeni të gjithë hajduta. Shqiptari edhe në qoftë se vjedh, këtë e bën nga halli i madh ku mundet të marrë ndonjë dele, derr apo edhe pushkë”!”, përgjigjet Fishta.

Ndërkohë, gazetari anglez artikulon pyetjen e radhës e cila do të ishte edhe pyetja e tij e fundit, pasi përgjigja që ai merr – shoqëruar me shikimin kërcënues të Fishtës – e detyron të tërhiqet.

“Sikur shqiptarët të kishin mbetur të gjithë të krishterë, atëherë i gjithë bashkimi juaj kombëtar do të ishte arritur shumë më shpejt! Pra, ndërrimi i besimit është me të vërtetë një dobësi e karakterit të shqiptarit”, ishte pyetja tjetër e fundit.

“Unë vërtetë që nuk po të marr vesh more zotëri! Po si guxon dhe mundet të flasë për dobësi karakteri të shqiptarëve një anglez?! E gjithë bota e di se ju anglezët, për një bythe gruaje, ia ndërruat besimin fetar një perandorie të tërë”.

Për ata që kanë studiuar historinë angleze, mbreti Henry i VIII-të i dinastisë Tudor (1491–1547), përveçse ishte një sovran shumë i fuqishëm, njihej gjithashtu edhe për aventurat e tij të shpeshta të dashurisë. Pos lidhjeve jashtëmartesore ai u martua plot gjashtë herë dhe bashkëshortët. Pikërisht për të mundësuar këto martesa të ndaluara nga Roma, ai e formon Kishën angleze të pavarur nga Vatikani.

Një jaht luksoz është fundosur pasi ka shpërthyer në mënyrë spektakolare në flakë pranë ishullit spanjoll Formentera. Të 17 personat në bordin e Irmao 27 metra, pesë anëtarë të ekuipazhit dhe një duzinë pasagjerësh, shpëtuan të padëmtuar, sipas raportimeve.

Jahti u ankorua në Cavall d’en Borràs, në veri të ishullit, në Balearics, dhe përballë një restoranti të njohur të quajtur El Tiburon. Pronari i varkës thuhet të jetë Diego Gómez González, 34 vjeç, një lojtar profesionist i pokerit që mban pseudonimin “Luani”.

Zjarri me sa duket filloi të shtunën në mbrëmje dhe u përhap shpejt, duke e kthyer jahtin në një ‘top zjarri’. Një kolonë e madhe tymi mund të shihej nga larg edhe nga ishulli fqinj, Ibiza, i cili është 12 milje në veri. Shërbimet e shpëtimit ishin në gjendje të siguronin një linjë në jahtin e djegur dhe ta tërhiqnin atë më tej në det, ku përfundimisht u mbyt rreth orës 21:00. Nuk u raportua për ndotje pas inspektimit të zonës mëngjesin e djeshëm.

Burimet i thanë gazetës Periodico de Ibiza se anija ishte e disponueshme për t’u marrë me qira nga një kompani charter dhe se do të ishte përgjegjësi e pronarit të anijes që transferonte atë në një port, ku do të vlerësohej nëse mund të riparohej. Nuk dihet nëse Gómez, i cili mori pseudonimin e tij pasi kishte veshur një kostum luani me trup të plotë në Pragë një dekadë më parë, ishte në bord në kohën e zjarrit. Roja bregdetare spanjolle tha: “Qendra jonë në kryeqytetin e Majorkanit Palma mobilizoi Acrux, i cili tërhoqi jahtin që ishte në flakë, por ai u fundos”.