Lajme Flesh

Tiranë/Informacion paraprak

Më datë 03.11.2023, rreth orës 13:00, në afërsi të pallatit me shigjeta, si pasojë e rreshjeve, është shkëputur një objekt dhe ka dëmtuar në kokë shtetasin M. Xh., 37 vjeç, punonjës i Komisariatit të Policisë Rrugore, i planëzuar me shërbim.

Shtetasi M. Xh. ndodhet në spital, nën kujdesin e mjekëve.

YGrupi hetimor po punon për sqarimin e rrethanave të ngjarjes.

Dashi:

Mundohuni të jeni më të qetë: mund të ketë ende tensione ose keqkuptime në familje ose me njerëzit përreth jush. Ka ende vonesa apo probleme në punë që ju shqetësojnë. Dashuria nuk është ende në maksimumin e saj.

Demi:

Mundohuni të shmangni konfliktet: e nesërmja do të jetë një ditë paksa e qetë ku duhet të përpiqeni të rifitoni qetësinë. Gjërat nga kjo e premte 3 do të jenë më mirë pasi ky muaj ju sheh në një rikuperim të qartë si në planin emocional ashtu edhe në atë të punës.

Binjakët:

Ju keni Hënën në anën tuaj. Duke filluar nga dhjetori nuk do të ketë më një Jupiter kundërshtar dhe gjërat do të shkojnë edhe më mirë. Ndoshta është dikush që do të donte që t’i kushtonit pak kohë.

Gaforrja:

Horoskopi i Paolo Fox tregon se takimet e reja janë interesante, mos i nënvlerësoni sepse mund t’ju japin emocione të mira. Për sa i përket punës, ka disa mundësi të mira: pas një periudhe të gjatë të vështirë tani mund të veproni dhe të shihni rezultatet e para.

Luani:

Horoskopi i Paolo Fox tregon se në këtë periudhë Jupiteri do të ketë një tranzit pozitiv në shenjën tuaj që do të favorizojë edhe sektorin e punës qoftë dhe nëse mund të ketë ende probleme financiare. Mundohuni të bëni më shumë aktivitet fizik.

Virgjëresha:

E dashur Virgjëreshë, po digjeni nga një dëshirë e madhe për të thënë gjithçka që mendoni dhe për të rindezur një pasion: është e ndaluar të mbylleni në shtëpi sepse yjet do t’ju ndihmojnë për të qenë në çift! Ngjarjet që kanë ndodhur që nga muaji mars ju kanë bërë të reflektoni dhe kanë shkaktuar një revolucion në mënyrën se si e konceptoni jetën.

Peshorja:

Horoskopi i Paolo Fox saktëson se do të keni një të premte pozitive përsa i përket dashurisë: nuk përjashtohet mundësia që të përjetoni lidhje të reja, gjithçka që ka lindur së fundmi mund të bëhet shumë e rëndësishme. Jeni duke kapërcyer një moment tensioni në punë.

Akrepi:

Thjesht duhet të jeni të kujdesshëm ndaj një axhitimi të veçantë që mund t’ju godasë thellë dhe që mund t’ju bëjë pak më intolerant. Për punën momentalisht aktiviteti është pak i ngadalshëm, sepse nuk do të keni shumë energji gjatë kësaj të premteje.

Shigjetari:

Dashuritë që lindin tani janë të rëndësishme. Një aventurë gjithashtu mund të jetë e mirë, por ju dëshironi qetësi, prandaj nëse keni përjetuar një krizë tani dëshironi të rikuperoni. Ndaj rizbuloni pasionin dhe dashurinë e vërtetë. Në punë mund të ketë avantazhe sidomos për ata që punojnë në mënyrë të pavarur.

Bricjapi:

Ditë pozitive: por përpiquni të mos jeni shumë nervozë dhe të tensionuar, sepse mund të prishni diçka me këtë qëndrim. Për sa i përket profesionit, ata që janë të vetëpunësuar duhet të optimizojnë punën e tyre.

Ujori:

Një ditë e premte pozitive për ndjenjat: mund të rizbuloni pasionin dhe të rikuperoni një dashuri, ose më në fund të vendosni të jetoni një lidhje në një mënyrë më të ekuilibruar dhe madje ta bëni lidhjen zyrtare. Mundohuni të kufizoni shpenzimet dhe të rishikoni çështjet e punës, por mos flakni tutje çdo gjë pa e menduar më parë me kujdes.

Peshqit:

Hëna mund t’ju ndihmojë, por vetëm nëse dëshironi të përfshiheni në dashuri, ndaj nëse doni të jeni të zënë, dilni dhe takoni njerëz të rinj. Ndryshe është situata për ata që, përkundrazi, kanë dy njerëz, dy ndjenja të ndryshme në zemrat e tyre.

Biznesmeni i njohur Lulzim Kryeziu ka kryer vetëvrasje të enjten pasdite në fshatin Mleqan të Malishevës.

Kryeziu, pronar i pompave të derivateve “Shell Kosova”, siç raportojnë autoritetet policore në Kosovë vetëvrasja ka ndodhur në një objekt biznesi familjar.

Lajmi është konfirmuar edhe nga Aleanca Kosovare e Bizneseve, të cilët kanë shprehur ngushëllimet për ngjarjen tronditëse.

Policia e Kosovës tha se një person i moshës madhore është gjetur i varur rreth orës 15:20 këtë të enjte.

“Sot rreth orës 15:20 kemi pranuar informatë se në fshatin Mleqan-Malishevë, viktima mashkull i moshës madhore është gjetur i varur në një objekt biznesi familjar”, tha Sheremet Elezaj, zëdhënës i policisë.

Në një postim në rrjetet sociale, AKB ka shprehur ngushëllimet për ngjarjen e rëndë.

“Do të kujtojmë gjatë miku im Lulzim Latif Kryeziu. Pse na ike kaq herët! Prehu në paq .

AKB-ja do të mburret gjithmonë me ty dhe punën tuaj në ekonomin e Kosovës si @shellShell brend ndërkombëtar”, shkruan AKB në Facebook.

Më herët gjatë këtij viti, Kryeziu ishte dënuar me 4 muaj burgim dhe një gjobë prej 1 mijë euro për “dhunë në familje”. Ai ishte denoncuar në atë kohë në polici nga bashkëshortja dhe djali i tij, të cilët ishin shprehur se ndiheshin të rrezikuar.

Saide dhe Serxho prej javësh kanë shprehur pëlqim për njëri-tjetrin por me hyrjen e vajzës së re gjërat mes tyre janë në dilemë.

Hyrja e Albinës ka bërë që terreni i Saides me Serxhon të bëhet i pasigurtë.

Gjatë puntatës së sotme Saide nuk ndalon së flirtuari me Serxhon.

Më pas ajo vendos të ngrihet për ti dhënë një puthje në buzë por ky i fundit e refuzoi pasi do që t’iu vijë natyrshëm.

Saide ka tentuar disa herë megjithatë si përfundim e puthi në qafë.

Albina nga ana tjetër këtë sjellje të saj e ka parë si të sforcuar për shkak të frikës që ndjen nga hyrja e saj.

Video Player

Një 40-vjeçar ka ndërruar jetë rrugës për në spitalin e Vlorës, teksa është plagosur pasi ka rënë nga lartësia e një objekti, ku ishte duke punuar.

Policia në njoftimin zyrtar bën me dije se ngjarja ka ndodhur rreth orës 15:56, në Dhërmi, Himarë, ku shtetasi Artan Ndini, 40 vjeç, duke punuar në një objekt në ndërtim, dyshohet se ka rënë aksidentalisht nga lartësia dhe si pasojë është dëmtuar.

40-vjeçari u transportua drejt në spitali për ndihmë mjekësore, por ndërroi jetë rrugës.

Grupi hetimor vijon veprimet në vendin e ngjarjes, me qëllim dokumentimin e plotë ligjor të rrethanave të kësaj ngjarjeje.

Pas golit që shënoi në fundjavë në kampionat, Rey Manaj ka realizuar sot një tripletë në Kupën e Turqisë.

Sivasspor fitoi 4-0 kundër Hopaspor, me sulmuesin lushnjar që realizoi tre golat e skuadrës së tij në pjesën e parë.

Manaj zhbllokoi takimin në minutën e 6-të me një goditje të fortë dhe të bukur me të djathtën.

Dyfishimi erdhi në minutën e 35-të, moment kur sulmuesi gjeti saktë cepin e portës kundërshtare.

“Tris”-i u kompletua pas 7 minutash, me Manajn që përfitoi nga një grushtim i portierit kundërshtar për të dërguar topin në rrjetë.

Sivasspor siguroi kualifikimin në raundin e 1/32-ve në Kupë, teksa në Superligën turke mban vendin e dhjetë pas javës së dhjetë.

Manaj firmosi gjatë gushtit deri në 2026 me klubin turk, dhe deri tani numëron 2 gola në kampionat dhe 3 të sotshmit në Kupë.

Një 47-vjeçar shqiptar është gjetur i vdekur nga autoritetet italiane pranë liqenit Gerosa.

Lorenc Ferraj, i cili punonte shofer kamioni, ishte shpallur i zhdukur që të hënën në mëngjes, kur bashkëshortja e tij ngriti alarmin se 47-vjeçari ishte larguar nga banesa pas një debati në familje dhe nuk ishte kthyer më.

Fillimisht u gjet furgoni i tij pranë liqenit Gerosa që ndodhet midis provincave Ascoli Piceno dhe Fermos, dhe pak metra më tutje është gjetur trupi i pajetë i shqiptarit.

Pritet që trupi i viktimës t’i nënshtrohet ekspertizës, për të përcaktuar shkaqet e vdekjes.

Katër të rinj shqiptarë të vdekur dhe një në gjendje kome në spital është bilanci i një aksidenti tragjik në punë në një kantier ndërtimi në Hamburg të Gjermanisë i cili ndodhi më 30 Nëntor.

Menaxheri rajonal Andre Grundmann nga sindikata IG BAU në një intervistë me NDR 90.3, njoftoi së fundmi se ka hapur një donacion, e cila synon të ndihmojë të afërmit e viktimave, raporton media gjermane.

“Kemi dëgjuar se banorët e Hamburgut kanë pyetur se si mund të ndihmojnë të afërmit e mbijetuar të punëtorëve të vdekur të ndërtimit. Si Sindikata Industriale Ndërtimore-Agrar-Mjedisore, ne kemi krijuar një llogari donacionesh dhe do të transferojmë çdo cent që shkon në këtë llogari donacionesh tek vartësit e mbijetuar për mbështetje”, tha Grundmann.

Aksidenti ndodhi mëngjesin e së hënës rreth orës 9:10 me orën lokale në kantierin e madh të ndërtimit në Überseequartier. Një skelë me disa punëtorë ndërtimi në të ra nga kati i tetë në një bosht ashensori të brendshëm. Ende është e paqartë se përse është shembur skela. Specialistët e Policisë Kriminale të Shtetit kanë nisur hetimet për shkaqet e aksidentit.

Kjo është llogaria:

GFW e IG BAU

IBAN: DE49 5005 0000 0000 6719 09

HELADEFFXXX

HELABA Frankfurt

Fjala kyçe “Katestrofa ndërtimi Hamburg HafenCity”

Për ditën e Premte vendi ynë do të jetë nën ndikimin e kushteve atmosferike të paqëndrueshme si rezultat i masave ajrore të lagështa me origjinë nga Oqeani Atlantik si dhe brigjet Skandinave, sipas Shërbimit Meteorologjik Ushtarak.

Moti parashikohet me alternime vranësirash të cilat do të pasohen me reshje shiu me intensitet mesatar në pjesën më të madhe të vendit dhe lokalisht deri të lartë.

Reshjet e shiut do të jenë në formën e rrebesheve të shpejta dhe stuhive shoqëruar me shkarkesa elektrike dhe breshër. Era do të jetë intensive dhe hera herës problematike, me drejtim juglindje-jugperëndim me shpejtësi mesatare 3-12m/s.

Përgjatë vijës bregdetare era fiton shpejtësi 16-25m/s duke bërë që valëzimi në dete do të jetë i forcës 5-7 ballë.

Temperaturat parashikohen:

në zonat malore 6 deri 20°C

në zonat e ulëta 14 deri 21°C

në zonat bregdetare 14 deri 23°C

https://www.windy.com/?wind,surface,39.647,19.991,7&utm_medium=embed-map&utm_source=https%3A%2F%2Fshqiperia-ime.com%2F

Kristina Ozturk, një ruse me banim në Gjeorgji, është bërë nënë e 21 fëmijëve përmes surrogacisë, ku 20 prej tyre kanë lindur brenda një viti. Qëllimi i saj ambicioz është të ketë 105 fëmijë biologjikë me bashkëshortin e saj milioner, Galip,

Ky fundit aktualisht po vuan një dënim me tetë vjet burg për akuza të lidhura me drogën. Rusja këmbëngul se është një nënë praktike pavarësisht se shpenzon 90 mijë euro çdo vit për 16 dado që kujdesen për fëmijët e saj.

Një video në llogarinë e saj në Instagram shfaq vitet e lindjes dhe emrat e të gjithë fëmijëve të saj, përveç dy të lindurve në 2020, me fëmijën më të madh, Victoria, nga një lidhje e mëparshme, e lindur në 2014 dhe më të voglin, Olivia, e lindur në janar 2021.

“Unë jam me fëmijët gjatë gjithë kohës, duke bërë të gjitha gjërat që bëjnë normalisht nënat”. Fëmija i tyre i parë Mustafa ka lindur më 10 mars 2020 ndërsa fëmija i tyre i 21-të Judy, është vetëm tre muajsh.