Lajme Flesh

Aktori i njohur i humorit Agron Llakaj ka dhënë lajmin e hidhur për ndarjen nga jeta të motrës së tij.

Duke shprehur edhe falënderimin e tij për mesazhet ngushëlluese që ndjekësit e tij i kanë dërguar aktori i njohur gjen rastin të përcjell edhe një mesazh lidhur me virusin “Covid19”.

Llakaj shprehet se edhe pse motra e tij i beri të dy vaksinat mbrojtëse nga covid-i, ajo përsëri nuk ja doli. Ndaj ai u bën thirrje të gjithëve të kenë kujdes, të ruani veten dhe njerëzit tuaj. Më tej ai shton se virusi është i vërtetë dhe i rrezikshëm.

“Të dashur miq por jo vetëm, ju falënderoj nga zemra për të gjitha mesazhet e ngushëllimit më rastin e largimit nga jetë te motrës time të shtrenjtë, Fatbardhës.

Ishte vetëm 65-vjeçe i bëri të dyja vaksinat por zoti na e mori është “covid-i”i pabesë bashkë me falënderimin më lejoni t’ju them kini kujdes ruani vetën dhe njerëzit tuaj është me të vërtete vrasës i rrezikshëm dhe i vërtetë.

Zoti ju ruajt paçi shëndet dhe bekime në familjet tuaja, mirënjohje dhe respekt!“- shprehet në video aktori, Agron Llakaj.

Video Player

Publikimi i një video, ku shihet Saimir Rexhepi, personazhi i njohur në rrjetet sociale me pseudonimin “Ujku i Cërrikut” duke u shoqëruar nga policia, pak pas finalizimit të megaoperacionit “Tempulli”, gjatë të cilit ranë në pranga disa persona për shpërndarje të lëndëve narkotike, u ka kushtuar shtrenjtë disa efektivëve të policisë së Elbasanit.

Burime pranë policisë së Elbasanit thanë për A2CNN së ndaj efektivëve që kanë marrë pjesë në arrestimin e tij është aplikuar një masë ndëshkimore, duke iu shtyrë afatin e gradimit me një vit.

Gjatë operacionit të trumbetuar edhe nga ministri i Brendshëm ranë në pranga 246 persona, ndërsa u pretendua se u shkatërruan 23 grupe kriminale.

Në total u sekuestruan 134 kg kanabis, 1.2 kg kokainë dhe tableta ekstazie.

Droga e sekuestruar sipas policisë shitej në afërsi të shkollave, por “Ujku i Cërrikut” ka rezultuar se nuk është pjesë e 23 grupeve kriminale të pretenduara nga uniformat blu.

Policia ndoshta nuk e njihte, por u kujdes që video nga momenti i shoqërimit në komisariat të shpërndahej në media si një prej arrestimeve të “Tempullit”, ku “Ujku i Cërrikut” shihet teksa del nga automjeti i prangosur dhe me kurorë në kokë.

Ka rezultuar me përmasa tragjike aksidenti i rëndë në një kantier ndërtimi në Hafen të Hamburgut në Gjermani. Katër shqiptarë punëtorë ndërtimi humbën jetën pasi skela që po punonin u shemb ndërsa një është në gjendje të rëndë shëndetësore.

33-vjeçari Alfred Visha, baba i tre fëmijëve të mitur ndodhet në gjendje kome në një spital të Hamburgut. Daja i tij tepër i shqetësuar tregon për News 24, se fati i keq bëri që ai të ishte bashkë më shqiptarët e tjerë mbi skelën e mbingarkuar kur materiale ndërtimi dhe hekuri i ranë përsipër.

Zemra e fortë duket se e shpëtoi 33-vjeçarin. Si shumë shqiptarë të tjerë, për të siguruar jetën e 3 fëmijëve të mitur në një fshat të thellë të Matit, Alfredi shkonte në Gjermani për punë sezonale cdo 3 muaj me pasaportë shqiptare, dhe më pas kthehej.

Dajes i kishte rrëfyer se në kantier punonte në të zezë, sfilitej me orare të tejzgjatura, me siguri të dyshimtë teknike dhe për gjithcka paguhej 10 euro në orë.

Një apel Luan Cemenja e ka për shtetin. Ai kërkon ndihmë pasi kushtet ekonomike te familjes në Mat janë të vështira. Cemenja identifikoi edhe një prej viktimave, punëtor ndërtimi në atë skele me origjinë nga Dibra.

Një i ri nga Shkodra ka ndërruar jetë në mesnatë në banesën e tij, teksa dyshohet se shkak është bërë një arrest kardiak.

“Rreth mesnatës, ka humbur jetën, në banesë, në prani të familjarëve të tij, shtetasi M. G., 31 vjeç, banues në lagjen “Partizani”.

Nga hetimet e deritanishme dyshohet se 31-vjeçari e ka humbur jetën për shkak të arrestit kardiak”, njofton policia.

Grupi hetimor vijon punën për të dokumentuar ligjërisht shkakun e vdekjes së këtij shtetasi.

Viktima e dytë e identifikuar është një i ri nga Kukësi me inicialet R.H.

Shqiptarët, punonjës në të zezë në kantier janë paraqitur me dokumente të rreme bullgare dhe kjo është arsyeja e paqartësisë së identiteteve të tyre nga shteti gjerman.

“Deri dje kane qene duke kerkuar ende per trupa te tjere por nuk dihet akoma se cfare ka ndodhur ne kantjer, jemi afruar por nuk na lejon policia te shikojm nga afer. Kemi shku ne zyrat qe kemi per me u interesu nuk na japin asnji pergjigje

Besohet se numri i shqiptarëve që kanë humbur jetën në skelën që u shemb është pesë, tre shqiptarë të Shqipërisë dhe dy shqiptarë të Maqedonisë së Veriut të gjithë të regjistruar me dokumenta bullgare.

Ngjarja ndodhi teksa shqiptarët po punonin për ndërtimin e një pallati në zonën e HafenCity.

Pas 9 vitesh zbulohet e vërteta mbi vrasjen e bujshme në ishullin Kos të Greqisë, ngjarje në të cilën u përfshi 54-vjeçari me origjinë shqiptare, Jani Zoto.

Ai u arrestua në shtëpinë e tij për vrasjen me thikë të 43-vjeçares Aciu Flopjca-Aurica në vitin 2015 dhe ishte dënuar me burgim të përjteshëm. Viktima me origjinë nga Rumania, nënë e 3 fëmijëve bashkëjetonte me shqiptarin prej vitesh.

54-vjeçari kishte mohuar përfshirjen në këtë ngjarje të rëndë por me faktet e reja që dolën në dritë u provua pafajsia e tij. I akuzuari tashmë është liruar me kushtin që të mos dalë jashtë vendit dhe paraqitjen e tij një herë në muaj në komisariatin pranë vendbanimit të tij.

Gjurmët e gishtërinjve të zbuluara në vendin e krimit i përkisnin një pakistanezi, i cili jetonte me bashkatdhetarët e tij në një apartament në katin e parë të pallatit ku jetonte edhe çifti.

Autori është arrestuar në Gjermani për vjedhje të një dyqani dhe pas një hetimi u zbulua që ai ishte autori i vrasjes në ishullin Kos të Greqisë.

Sipas mediave greke, ai ka pranuar krimin gjatë marrjes në pyetje.

Ngjarja e rëndë ndodhi më 14 Prill 2014 rreth orës 13:54 dhe ishte vetë Jani Zoto ai që kishte telefonuar policinë. “E kanë vrarë, nuk e besoj kush e ka bërë këtë”, kishte deklaruar shqiptari në momentin që kishin ardhur oficerët e policisë.

Nga ajo që shkruajnë mediat greke mësohet se shqiptari kishte qenë në punë në momentin kur edhe është kryer vrasja./Klan News

Gazetari Albi Xhunga tha në një intervistë për Euronews Albania se Ilir Meta mund të ketë kërkuar azil në Hungari.

Teksa komentoi konferencën për shtyp të Metës një ditë më parë, ai u shpreh se Meta iu duk i trembur, si edhe ish-pushtetarët që presin nga momenti në moment që drejtësia t’u trokasë në derë.

Ndiqni videon:

Shembja e një skele në një kantier ndërtimi në Gjermani ka qenë fatale për 4 shqiptarë që humbën jetën, ndërsa një tjetër ndodhet në gjendje kome.

Albert Zorba nga Elbasani, Rruzhdi Hoxha nga Kukësi dhe Astrit Gjeka nga Dibra janë viktimave që humbën jetën tragjikisht në kantierin e ndërtimit në Hamburg mëngjesin e të hënës, ndërsa Alfred Visha ndodhet në gjendje kome.

Mbrëmjen e së martës është nxjerrë nga rrënojat një tjetër trup, ndërsa një tjetër ende nuk është nxjerrë pasi ndodhet në fund të boshtit të ashensorit i mbuluar nga rrënojat.

Shqiptarët të cilët po punonin në kantierin e ndërtimit ishin të pajisur me dokumente pune bullgare false dhe një gjë e tillë e ka bërë më të vështirë identifikimin e tyre nga autoritetet gjermane.

Ata ishin të kontraktuar si punonjës në një kompani në pronësi të një shqiptari nga Kovosa, i cili pas ngjarjes tragjike është zhdukur.

Ngjarja ndodhi mëngjesin e së hënës teksa shqiptarët po punonin në katin e tetë të një pallati në zonën e HafenCity.

I ftuar në një intervistë televizive, gazetari Poli Hoxha foli për shoqërimin e Sali Berishës në polici, në vitin 2000.

Zoti Hoxha tha se atëherë Berisha kishte një mbështetje të madhe, ndërsa të njëjtën skenar priti të ndodhte edhe kur u njoftua për akuzat e SPAK, por nuk pati të njëjtën mbështetje nga demokratët.

“Unë isha dëshmitar kur është shoqëruar për herë të parë Sali Berisha, në nëntor të 200, me urdhër të Ilir Metës. Forcat Speciale dhe Renea nxjerrin shoqëruesin, sepse si ish-president kishte ende shoqërues të gardës dhe shoferin dhe e marrin në makinën e tyre.

Por asokohe u mbush sheshi para PD, ora 23.00 vendi plot. Jo vetëm sheshi para PD, por edhe rruga para drejtorisë së policisë në Tiranë.
Berisha të shtunën bëri një test që pakkush e kuptoi. U fut në orën 09.00 në konferencë dhe doli në orën 11.00.

Ishte si puna e atij që ka një vaki në shtëpi dhe i mban sytë nga dera, të mbajë shënim se kush po i gjendet në hall.

Çfarë ndryshimi ka nga viti 2000?

Sali Berishën sot nuk po e ndjekin as demokratët e tij dhe jo më shqiptarët e thjeshtë. Kërcënoi me protesta nuk iu bashkua askush, kërcënoi me revulocion, iu fiket”, u shpreh Hoxha

Rruzhdi Hoxha nga Kukësi 33 vjeç dhe Albert Zorba nga Elbasani 31 vjeç janë dy shqiptarët e identifikuar si viktima në aksidentin gjatë punës që ndodhin mëngjesin e së hënës në Hamburg të Gjermanisë.

Së bashku me kolegët e tyre po ashtu shqiptarë, Hoxha dhe Zorba humbën jetën tragjikisht teksa një skelë e një pallati në ndërtim ku punonin të rinjtë u shemb.

Ata ishin pajisur me dokumente pune bullgare false ku punonin në të zezë në Gjermani si të kontraktuar, punonjës në një kompani në pronësi një shqiptari nga Kosova i cili pas ngjarjes së rëndë është zhdukur, sipas joq.

Aksidenti

Aksidenti ndodhi mëngjesin e së hënës rreth orës 9:10 me orën lokale në kantierin e ndërtimit në Überseequartier. Një skelë me disa punëtorë ndërtimi në të ra nga kati i tetë në një bosht ashensori të brendshëm. Shërbimet e urgjencës që mbërritën fillimisht gjetën tre të vdekur dhe një punëtor me lëndime të forta të rrezikshme për jetën.

Sipas zëdhënësit të zjarrfikësve, operacioni në kantier ishte gjithashtu i rrezikshëm për jetën e zjarrfikësve. Vendi i ndërtimit u evakuua plotësisht.

Hetimet

Ende është e paqartë se përse është shembur skela. Specialistët e Policisë Kriminale të Shtetit kanë nisur hetimet për shkaqet e aksidentit. Senatori i Brendshëm i Hamburgut, Andy Grote (SPD) shprehu ngushëllimet e tij për familjet e viktimave.

“Ngushëllimet e mia të sinqerta shkojnë për të gjithë të afërmit e viktimave”, shkroi ai në platformën X (ish Twitter). Në të njëjtën kohë, ai ka falenderuar edhe shërbimet e urgjencës.

Ky nuk është aksidenti i parë i rëndë që ndodh në punë në Hamburg. Më 2 shtator 4 punëtorë ranë nga skelat në një aksident të ngjashëm në një kantier ndërtimi në urat Elba, Hamburg, jo shumë larg Hafencity, të cilët u plagosën dhe disa prej tyre ishin në rrezik për jetën.