Lajme Flesh

Deputetja e Partisë Socialiste, Iris Luarasi, ka zbuluar së fundmi se është përballur me kërcënime. E ftuar në Nwes24 ajo ka bërë me dije se këto kërcënime, ku nuk janë kursyer as fëmijët e saj kanë ardhur si pasojë e qëndrimit të saj në mbështetje të projektligjit për Barazinë Gjinore.

Sipas Luarasit, ndonëse debati publik dhe politik në vend shpesh shoqërohet me fyerje dhe sulme verbale, këtë herë situata ka kaluar çdo kufi.

Deputetja shtoi se i ka denoncuar kërcënimet dhe theksoi se nuk e kupton pse mbrojtja e familjes duhet të shihet si diçka kundër saj, duke nënvizuar se është nënë dhe e ndjen fort rëndësinë e vlerave familjare.

“Kemi qenë pjesë e debateve publike dhe politike. Në një farë mënyrë duket sikur jemi mësuar me kulturën e sharjeve dhe fyerjeve. Por këtë herë ka qenë si asnjëherë më parë sepse kam marrë kërcënime me vdekje, për prerje të kokave të fëmijëve.

Patjetër që i kam denoncuar. Më thuaj kush është kundër familjes? Për çfarë arsye Iris Luarasi të mos respektonte familjen. Unë jam nënë dhe nuk do të doja të më thërrisnin prindi 1 dhe 2.”, tha ajo.

Gazetari Artan Hoxha ka treguar detaje të reja nga vrasja e Gilmando Danit në Rinas. Ai u shpreh në një intervistë se bëhet fjalë për një skuadër pushkatimi, e cila sipas tij, u përfshi dhe te vrasja e Brilant Martinajt.

Por sipas tij, bëhet fjalë për një aleancë mes disa grupeve, të cilët kanë krijuar një lloj karteli, duke i bërë ata të paprekshëm. Pra me pak fjalë, një lloj “familje mafioze”.

“S’është një grup i vetëm, prandaj unë vazhdimisht këmbëngul për një aleancë. Pra kemi të bëjmë me një bashkim të disa grupeve kriminale, të cilat mbas rrëzimit ose mbas zhdukjes së, pra rrëmbimit, vrasjes dhe zhdukjes së kufomës së Ervis Martinajt, ka kaluar në, si të them, është epoka e saj, ata janë, vazhdojnë ta kenë nën kontroll situatën, pra ata janë sot për sot për mua në Shqipëri organizimi kriminal më i fuqishëm në vend, pra janë një organizatë nëse do ta quaja kështu, por në fakt nuk është një, dhe prandaj unë e quaj aleancë.

Duket sikur ka nuancën e një karteli, por nuk është një kartel i mirëfilltë. Është një aleancë, e cila kontrollon territorin në mënyrë perfekte pa patur asnjë lloj frike, asnjë lloj, si të them, trembje nga, nga një reagim, nga agjencitë e zbatimit të ligjit. Për ata nuk ka rëndësi nëse është aeroporti i Rinasit, është sheshi Skënderbej, ja aty janë forca policore, janë forca speciale, për ata është një lloj”, tha ai.

Sipas tij, prej tyre ka frikë edhe vetë policia. “Unë nuk besoj që policia nuk e ka haberin se kush janë këta. E di shumë mirë që ata e dinë. Por deri tani nuk kanë arritur dot t’i kapin, sepse thashë ata nuk janë të atashuar pranë një grupi të mirëfilltë. Ata në vetvete janë kthyer në një grup vetë, por që janë në dispozicion, ose që janë nën mbrojtje dhe nën, nën mbështetjen me informacion, me mjete logjistike”, tha ai.

Ish-deputeti i Partisë Socialiste, Halit Valteri, ka reaguar pas ngjarjes tragjike të ndodhur dy ditë më parë ku në rrethrrotullimin e Rinasit mbeti i vdekur Gilmando Dani dhe u plagos miku i tij, Muçi Shaljani.

Përmes një postimi në rrjetet sociale Valteri ka bërë me dije se qysh fëmijë e njihte Danin, krahun e djathtë të Emiljano Shullazit dhe ndryshe nga sa po thuhet përgjatë ditëve të fundit, ai ishte një njeri i qetë dhe i respektuar në komunitetit.

“Nuk e kisha menduar kurre se do te me duhej te shkruaja per nje ngjarje kaq te rende, qe la pas trishtim, frike dhe dhimbje.

Vrasja e Gilmando Danit la nje shije te hidhur dhe mbolli frike ne zemren e cdo qytetari. Nje ngjarje qe tronditi opinionin publik, por edhe nje moment reflektimi per menyren se si po e trajtojme dhimbjen, humbjen dhe dhunen ne shoqerine tone. Une e njihja Gilmando Danin. Jetonim ne te njejten lagje qe kur isha femije. Ai nuk ishte njeriu qe po pershkruajne sot portalet dhe faqet qe garojne per klikime, duke shitur sensacionin ne vend te se vertetes.

Gilmando ishte i qete, i edukuar, i respektuar dhe i dashur me te gjithe. Ishte nje djale qe te gjithe e respektonin jo nga frika, por per ate cka ai perfaqesonte, dinjitet, kulture dhe njerazi”, shkruan Valteri.

Teksa më tej thekson se fakti që e bën këtë ngjarje akoma dhe më të rëndë është mënyra se si është trajtuar nëpër media. Valteri shton se mënyra se si pamjet e atentatit u shpërndanë në media dhe rrjetet sociale, duke traumatizuar publikun dhe duke normalizuar dhunën, sidomos tek fëmijët dhe adoleshentët.

Postimi i plotë i Valterit:

Vrasja e Gilmando Danit, nje plage per shoqerine dhe nje pasqyre e erret e realitetit te shoqerise tone.

Nuk e kisha menduar kurre se do te me duhej te shkruaja per nje ngjarje kaq te rende, qe la pas trishtim, frike dhe dhimbje.

Vrasja e Gilmando Danit la nje shije te hidhur dhe mbolli frike ne zemren e cdo qytetari. Nje ngjarje qe tronditi opinionin publik, por edhe nje moment reflektimi per menyren se si po e trajtojme dhimbjen, humbjen dhe dhunen ne shoqerine tone.

Une e njihja Gilmando Danin. Jetonim ne te njejten lagje qe kur isha femije. Ai nuk ishte njeriu qe po pershkruajne sot portalet dhe faqet qe garojne per klikime, duke shitur sensacionin ne vend te se vertetes.

Gilmando ishte i qete, i edukuar, i respektuar dhe i dashur me te gjithe. Ishte nje djale qe te gjithe e respektonin jo nga frika, por per ate cka ai perfaqesonte, dinjitet, kulture dhe njerazi.

Fatkeqesisht, ne ditet e sotme, gjyqin nuk e ben me drejtesia, por tastiera. Ne vend qe te presim organet kompetente te flasin me fakte, kemi lejuar qe rrjetet sociale e disa media te behen gjykate publike. Tashme te gjithe ndihen te lire te shpallin fajtore apo viktima, te shpikin motive e histori, duke harruar se pas cdo lajmi ka familje, femije, njerez qe vuajne.

Por ajo qe e ben kete ngjarje edhe me te rende, eshte menyra si u publikuan pamjet e atentatit. Shperndarja e videove te dhunes ekstreme eshte nje akt qe shkon ne te njejten vije me autoret e krimit, ata qe duan te perhapin terror dhe te dergojne mesazhe frike.

Ne vend qe media te luaje rolin e saj si filter moral dhe edukues, shpesh ajo po behet mjet nxitjeje e traumatizimi publik.

Rrjetet sociale jane te hapura per te gjithe, per te rritur, por edhe per adoleshente e femije qe kalojne cdo dite me celular ne dore. Kur nje femije sheh dhune te vertete ne ekran, pa asnje filter, pa asnje paralajmerim, ai mesohet me dhunen. Ajo nuk i shkakton me tronditje, por kuriozitet. Neser, mund ta shohe si dicka te zakonshme.

Keshtu lind indiferenca. Dhe shoqeria qe humb ndjeshmerine ndaj dhunes, eshte nje shoqeri qe po humb humanitetin.

Kjo ngjarje duhet te na zgjoje si prinder, si qytetare, si shoqeri. Duhet te na beje te reflektojme per rolin e medias, per etiken e informimit, per kufijte qe duhet te vendosim mes se drejtes per t’u informuar dhe detyrimit per te mbrojtur shendetin mendor te publikut.

Sot nuk kemi nevoje per me shume pamje dhune. Kemi nevoje per me shume pergjegjesi, per me shume ndjeshmeri, per me shume edukim.

Kemi nevoje te kujtojme se pas cdo lajmi fshihet nje njeri. Dhe se dhimbja e nje familjeje nuk eshte kurre material per klikime.

Dua te shpreh ngushellimet e mia me te sinqerta per nenen e Gilmando Danit, per familjaret e tij, per miqte dhe te afermit. Nuk ka fjale qe lehteson dhimbjen e nje nene qe humbet djalin, por dua t’i them se ne nuk do ta harrojme. Ai do te kujtohet si nje djale i mire, i qete dhe i dashur, si nje njeri qe nuk meritonte te largohej keshtu.

Gazetari investigativ Artan Hoxha ka zbuluar detaje të reja tronditëse në lidhje me atentatin e ndodhur në Rinas, ku mbeti i vrarë Gilmando Dani, ndërsa u plagos rëndë Mustafa Sheqeri. Duke folur në Euronews Albania me moderatorin Thimi Samarxhiu, Hoxha theksoi se kjo nuk është një ngjarje e izoluar, por pjesë e një fenomeni shumë më të rrezikshëm që operon prej vitesh në vend.

Sipas gazetarit, atentati në zonën e aeroportit – një prej vendeve më të sigurta dhe më të monitoruara në Shqipëri – nuk është aspak rastësi. Përkundrazi, sipas tij, vendi i zgjedhur është një mesazh i qartë, dhe ekzekutimi tregon profesionalizëm ekstrem.

Hoxha rikujtoi se prej katër vitesh ka publikur fotografi dhe emra të asaj që ai e quan një “skuadër pushkatimi”, një grup vrasësish të specializuar që operon me saktësi kirurgjikale:

“Kjo është një ngjarje që ka shumë mesazhe brenda. Nuk është zgjedhur kot ai vend. Kam folur vazhdimisht për një skuadër pushkatimi, e cila është jashtëzakonisht rezultative dhe nuk del shpesh në aktivitet. Por sa herë del, realizon goditjen me 100% efektivitet dhe nuk kapet dot nga agjencitë tona.”

Ai shtoi se ky grup është i njëjti që dyshohet se ka kryer një sërë atentatesh të bujshme në vitet e fundit, përfshirë ngjarjet e Durrësit, Fushë-Krujës dhe ekzekutimin e Brilant Martinajt. Sipas tij, vrasësit operojnë me organizim të përsosur, duke shmangur çdo lloj gjurme dhe duke përdorur veshje policie për të depistuar sistemet e sigurisë dhe forcat e rendit.

“Është një skuadër vrasjesh. Patjetër është e njëjta. Kanë vepruar në Durrës, Fushë-Krujë, mbani mend ekzekutimin e Brilant Martinaj. Ata përdorin zakonisht veshje të policisë. Nuk janë ushtarakë për mua.”

Hoxha nënvizoi se kjo skuadër nuk i përket një grupi të vetëm kriminal, por është një strukturë e ngritur për ekzekutime me pagesë, e aftë të operojë pa u kapur, duke lënë pas vetëm frikë dhe pasiguri.

Ngjarja në Rinas ka ngritur shqetësime të thella mbi kapacitetin e institucioneve të rendit për të parandaluar atentate të tilla kaq të sofistikuara, ndërsa deklaratat e Hoxhës kanë shtuar presionin publik për zbardhjen e plotë të ngjarjes dhe identifikimin e autorëve.

Një ngjarje e pazakontë ka marrë vëmendjen e opinionit publik në Shkodër, ku Policia e qarkut ka njoftuar fillimin e procedimit penal ndaj dy personave të moshuar, të cilët akuzohen për veprat “Prostitucion” dhe “Marrëdhënie seksuale në vende publike”.

Sipas burimeve zyrtare, bëhet fjalë për një 70-vjeçar, me inicialet A.M., dhe një 63-vjeçare, me inicialet M.G., të cilët dyshohet se janë kapur në flagrancë duke kryer marrëdhënie seksuale në një ambient publik të qytetit. Ngjarja ka ndodhur në një zonë të frekuentuar nga kalimtarë, çka ka bërë që situata të raportohet menjëherë te autoritetet.

Policia ka shoqëruar të dy personat në komisariat, ku po kryhen veprimet procedurale dhe po mblidhen provat përkatëse. Sipas informacioneve të para, dy të moshuarit dyshohet se kanë qenë të përfshirë në një aktivitet që klasifikohet si prostitucion, por hetimet janë ende në fazë të hershme.

Institucionet kompetente – përfshirë Prokurorinë – po ndjekin rastin për të përcaktuar rrethanat, motivet dhe nëse ka persona të tjerë të përfshirë. Pas përfundimit të hetimeve, pritet një vendim përfundimtar lidhur me përgjegjësinë penale të tyre.

Ngjarja ka shkaktuar reagime të shumta në rrjetet sociale, ku shumë qytetarë kanë shprehur habi për moshën e personave të përfshirë dhe për mënyrën e zhvillimit të episodeve. Ndërkohë, autoritetet theksojnë se ligji zbatohet njësoj për të gjithë, pavarësisht moshës, dhe se sjellje të tilla në hapësira publike përbëjnë shkelje penale.

Gazetarja Klodiana Lala ka dhënë detaje të rëndësishme në lidhje me dinamikën dhe motivin e mundshëm të atentatit mafioz në Rinas ku u vra Gilmando Dani dhe u plagos Muçi Shaljani Sheqeri..

Sipas Lalës, ekzekutimi ishte një akt i pastër i larjes së hesapeve dhe një mesazh i drejtpërdrejtë për bllokun kriminal të Emiljano Shullazit..

Mesazh Për Shullazin Dhe Tradhtia E Mundshme.

Lala shpjegon se shënjestra e vërtetë ishte vetë Emiljano Shullazi, por duke qenë se ai ndodhet në qeli, autorët u hakmorën tek njeriu i tij më i afërt, Gilmando Dani..

• Hakmarrja “Besohet se mesazhi dhe objektivi ka qenë Emiljano Shullazi, por duke mos pasur mundësi për të arritur tek ai, janë hakmarë tek njeriu i afërt i tij, Gilmando Dani.”
• Itinerari Lala thekson se Dani mund të jetë tradhtuar nga një person i afërt që ka pasur dijeni për çdo lëvizje të tij, duke përfshirë udhëtimin drejt Barcelonës më 7 Nëntor dhe kthimin..
• Saktësia Autorët kishin informacion aq të saktë sa prisnin të qetë te rrethrrotullimi duke e ditur jo vetëm që do kalonte aty, por edhe se Dani ishte i ulur pikërisht në vendin e pasagjerit, ku dhe u drejtuan breshëritë..

Lexo gjithashtu:Video tronditëse! Ekzekutohen në mes të rrugës ish-kandidati për Kryetar Bashkie

Dinamika Paramilitare Dhe Gjurmët.

Mënyra e veprimit e autorëve tregon një planifikim të lartë dhe aftësi profesionale ushtarake:

• Veprimi Si Komando “Ata kanë vepruar si paramilitarë, njëri qëllim dhe tjetri i mbron krahët. Kanë vepruar si komando, e ndihmon me armën, e pret derisa mbaron sulmin.”
• Armatimi Ndaj mjetit janë qëlluar deri në 80 plumba..
• Kujdesi Për Gjurmët Atentatorët treguan kujdes ekstrem për të mos lënë gjurmë, duke u kujdesur edhe për mbledhjen e gëzhojave dhe plumbave..

Lexo gjithashtu:Ja pse Rama nuk u thirr në OKB, DASH e “ka futur në rreth të kuq”, paralajmërimi i fortë nga SHBA

Gazetarja thekson se pista kryesore e hetimit duhet të fokusohet te njerëzit që Dani ka takuar gjatë udhëtimit dhe kush mund të ketë shitur itinerarin e tij..

Turjan Hysko së fundmi ka dhënë një intervisët “The Dalina Show”, në Andale Media, me Dalina Buzin, ku ka folur me sinqeritet për karrierën e tij dhe për marrëdhënine me partneren, Orinda Hutën.

Gjatë bisedës Turjani shprehu dashurinë dhe mbështetjen që ka marrë ndër këto vite nga bashkëshortja e tij:

“Orinda është qetësia ime, është një grua, e cila ka një fuqi shëruese. Unë ndonjë bukurosh nuk jam, por Orinda ka qenë shumë e bukur, shumë e suksesshme. Mund ta kishte zgjedhur jetën shumë herë më të lehtë. Orinda më zgjodhi mua kur unë e kisha rrogën 800 mijë lekë. Ra në dashuri me mua dhe nuk u shkëput kurrë”.

Gjithashtu, ai u shpreh në shumë momente në jetë, Orinda ka qenë forca që e ka mbajtur të qëndrueshëm.

“Ndonjëherë madje, fëmija kam qenë unë dhe jo ajo. Në gjithë këtë rritje tonën, njerëzit mendojnë se jam unë ai që e mbaj gjithçka. Por sa herë që e pyes Orindën për një mendim, nuk kam ndjerë asnjëherë frustrimin që kjo grua po më zvogëlon, apo po më krijon ndonjë ngërç që të jem i detyruar të bëhem i ashpër ndaj saj.

Jo në çdo moment të stresit apo dridhjes sime, më ka thënë: ‘Turjan, ti nga një kasolle ta ngresh nga e para, prapë do ta kthesh në një shtëpi të madhe.’  Ajo është një shtyllë shumë e madhe për mua. Domethënë, është tamam fraza familje. Ajo është kisha ime,” u shpreh Turjani

Një tragjedi familjare ka ndodhur në qytetin e Muggias, në provincën e Triestes, ku një grua i mori jetën djalit të saj 9-vjeçar.

Ngjarja e rëndë, e cila ka shokuar opinionin publik në Itali, ndodhi mbrëmjen e djeshme, ku gruaja, me origjinë nga Ukraina, vrau djalin e saj nëntëvjeçar duke i prerë fytin me një thikë të madhe kuzhine në shtëpinë e tyre.

Babai i fëmijës, i ndarë nga ish-gruaja e tij dhe që jetonte jashtë rajonit, ngriti alarmin pas përpjekjeve të përsëritura të pasuksesshme për ta kontaktuar atë.

Kur oficerët e Skuadrës së Ndërhyrjes së Shpejtë mbërritën në apartament, fëmija ishte tashmë i vdekur.

Sipas raporteve fillestare, rasti i familjes ukrainase ishte ndjekur për njëfarë kohe si nga gjykata ashtu edhe nga shërbimet sociale, për shkak të ndarjes dhe situatës komplekse që lidhej me kujdestarinë dhe kushtet e jetesës së fëmijës. 

Babai i fëmijës, i paaftë të kontaktonte gruan, iu drejtua autoriteteve.

Karabinierët bastisën apartamentin që ndodhej në qendër të Muggia-s dhe gjetën trupin e fëmijës në banjo, pasi kishte qenë i vdekur prej orësh.

Gruaja u gjet në gjendje shoku dhe me një tendin të dëmtuar që rezultonte nga një përpjekje për të vrarë veten.

55-vjeçarja u mor në paraburgim për t’u marrë në pyetje nga hetuesit.

Pavarësisht mbërritjes së mjekëve në banesë, nuk mund të bëhej asgjë për të shpëtuar jetën e fëmijës 9-vjeçar.

Një ngjarje tragjike ka tronditur komunitetin e Damasit të Larisës në orët e para të mëngjesit të së enjtes, ku një 49-vjeçare, pronare e një furre buke, humbi jetën në mënyrë të tmerrshme gjatë punës.

Sipas informacioneve paraprake, gruaja fatkeqe u aksidentua për vdekje pasi flokët e saj u ngatërruan në makinën që përgatiste brumin që përdorej në furrë.

Pavarësisht reagimit të menjëhershëm të punonjësve të saj dhe ndërhyrjes së EKAB-së, e cila mbërriti shpejt në vendngjarje, mjekët nuk arritën ta shpëtonin jetën e saj.

Autoritetet policore kanë nisur hetimet për të përcaktuar rrethanat e sakta të aksidentit dhe për të verifikuar nëse janë respektuar masat e sigurisë në vendin e punës.

Një rrëshqitje dherash është regjistruar të mërkurën në mesditë në fillim të aksit të ri rrugor Qukës-Qafë Plloçë, në një prej skarpateve të saj.

Edhe pse fatmirësisht nuk pati dëme, ngjarja ka shtuar shqetësimet për sigurinë dhe qëndrueshmërinë e kësaj rruge, e cila u përurua pas 14 vitesh punime dhe me një kosto marramendëse prej 260 milionë eurosh.

Kompania kontraktore ndërhyri për pastrimin e rrugës dhe punimet për stabilizimin e terrenit vijojnë edhe gjatë së enjtes. Por përsëritja e rrëshqitjeve në një segment që duhej të ishte i ri dhe i sigurt tregon për probleme serioze në projektim, mbikëqyrje dhe cilësi ndërtimi.

Vetëm pak javë më parë, një rrëshqitje shkëmbore në të njëjtin aks bllokoi për orë të tëra njërën korsi të qarkullimit.

Kompania kontraktore ndërhyri për pastrimin e rrugës dhe punimet për stabilizimin e terrenit vijojnë edhe gjatë së enjtes. Por përsëritja e rrëshqitjeve në një segment që duhej të ishte i ri dhe i sigurt tregon për probleme serioze në projektim, mbikëqyrje dhe cilësi ndërtimi.

Vetëm pak javë më parë, një rrëshqitje shkëmbore në të njëjtin aks bllokoi për orë të tëra njërën korsi të qarkullimit.

Rruga që pritej të ishte një investim strategjik për lidhjen Lindje-Perëndim po kthehet në shembull të mungesës së përgjegjësisë dhe keqmenaxhimit të fondeve publike.

Në vend që të lehtësojë lëvizjen dhe zhvillimin e zonës, aksi Qukës-Qafë Plloçë ndërtimi i të cilit zgjati plot 14 vite, po dëshmon se 260 milionë eurot nuk garantojnë një vepër të qëndrueshme, sidomos kur mungon transparenca dhe cilësia në çdo fazë të ndërtimit.

Rruga e re kombëtare Qukës–Qafë Plloçë, u inaugurua nga kryeministri Edi Rama dhe ministrja e Infrastrukturës, Belinda Balluku më 5 shtator të këtij viti.