Lajme Flesh

Ish-kryetari i Bashkisë së Tiranës, Erion Veliaj, pritet të jetë fizikisht i pranishëm në seancën e 31 tetorit në Gjykatën Kushtetuese, ku do të shqyrtohet kërkesa e tij për shfuqizimin e vendimit për shkarkimin nga detyra.

Lajmin e bëri publik moderatori Endri Xhafo, duke iu referuar një komunikimi të drejtpërdrejtë me një prej avokatëve të Veliajt.

“Sot kam komunikuar me një nga avokatët e zotit Veliaj, sepse ai ka një grup avokatësh që e ndihmojnë në këtë çështje. Më tha se Veliaj do të jetë i pranishëm në seancën e datës 31 tetor,” u shpreh Xhafo.

Ai sqaroi se pjesëmarrja e Veliajt në seancë është pjesë e një procesi të rregullt gjyqësor, dhe Gjykata Kushtetuese ka detyrimin ta sigurojë këtë praninë përmes bashkëpunimit me institucionet përkatëse.

“Është detyrim i Gjykatës Kushtetuese. Atë që ai e kërkoi në Këshillin Bashkiak dhe nuk ia dhanë, tani realizohet në mënyrë shumë praktike. Drejtoria e Burgjeve merr masat për transportin e personit të ndaluar me kërkesë të GJK,” shtoi Xhafo.

Veliaj ndodhet aktualisht nën masë sigurie, ndërsa po ndjek një betejë ligjore për të kundërshtuar shkarkimin e tij dhe për të bllokuar mbajtjen e zgjedhjeve të reja në Tiranë.

Ish-banori i “Big Brother VIP”, Xum Allushi, është kthyer në qendër të vëmendjes pasi i ktheu një përgjigje ironike moderatorit Ledion Liço, por menjëherë pas kësaj deklarate është sulmuar nga llogari false në rrjet.

Xum Allushi iu përgjigj ironisë së Ledion Liços, i cili gjatë spektaklit të “BBVA” e kishte përmendur si “ai i proteinave që do fikte dritat e shtëpisë”.

Në videon e tij thumbuese, Xumi i referohet zërave për një krizë të mundshme mes Ledionit dhe Sara Hoxhës, duke thënë: “Po mua më kanë thënë që të ka lënë gruaja, ku do i gjesh lekët që të hash bukë ti?”.

Menjëherë pas kësaj deklarate, e cila vjen në një periudhë që qarkullojnë zëra të pakonfirmuar për jetën private të moderatorit, Xum Allushi ka bërë të ditur se është sulmuar nga llogari false.
Ai ka shpërndarë foto të profileve falco dhe komente negative, të cilat përmbajnë kritika dhe ofendime të ndryshme, përfshirë shprehje si “Je drogaxhi”.

Përballë këtij sulmi, Xum Allushi ka reaguar edhe me një video, ku iu drejtohet direkt personave që fshihen pas këtyre llogarive.

Ai u shpreh: “Epo të hapësh llogari [vetëm për të më ofenduar mua…]. Bëj diçka me jetën tënde. Do ndihesh më mirë.”

Kjo situatë tregon se deklarata e tij ka nxitur reagime të ashpra, duke bërë që ish-banori të përballet me kritika për shkak të komenteve mbi jetën private të Ledion Liços.

Dashi

Kjo nuk është periudha kur duhet t’i kushtoni shumë vëmendje gjendjes shpirtërore, përndryshe do të ndiheni të hutuar, nervozë dhe jashtë lojës. Ju duhet të mendoni për perspektivat e mira të jetës tuaj në këtë periudhë dimri të vitit. Situata astrologjike parashikon një ngadalësim të çështjeve ekonomike dhe të shitjeve.

Do të dëshironit të braktisni disa punë, por akoma nuk mundeni. Hëna është në këtë shenjë dhe për këtë arsye ka pak më shumë forcë se zakonisht.

Demi

2020 duket se është viti i revolucionit. Ata që janë shumë të rinj mund të provojnë një rrugë jashtë vendit ose në një qytet tjetër. Ata që kanë kaluar moshën 30 ose 40 vjeç dëshirojnë të përpiqen të vendosin disa pika të forta në jetën e tyre, edhe nga ana sentimentale.

Binjakët

Ju ende keni disa mendime në mendjen tuaj, por gjithmonë duhet të përpiqeni të jeni proaktiv dhe pozitiv. Synimi është të prekni pjesën më të bukur të shenjës, pra atë që lidhet me kuriozitetin dhe dëshirën për të shprehur veten, për të bërë gjëra të rëndësishme dhe për të marrë vëmendjen e të tjerëve. Nëse ju pëlqen dikush, brenda fundjavës së ardhshme do të keni një takim tepër të këndshëm.

Gaforrja

Ju po punoni për të patur qetësi dhe ekuilibër, por është e vështirë për tu arritur sepse keni shumë njerëz rrotull. Kjo është arsyeja pse në jetën tënde vazhdimisht kërkon zgjidhje dhe pika marrëveshjeje, të cilat për momentin nuk mund të realizohen. Edhe në dashuri, në të vërtetë, ekziston mundësia që të lindin disa pyetje.

Luani

Në këtë fazë ju ndoshta keni një dëshirë të madhe për të hedhur poshtë gjithçka që nuk ju kënaq. Ju nuk i doni pjesën më të madhe të njerëzve, kështu që ose i doni njerëzit përreth jush, ose i largoni ata. Tani për tani ju duhet të bëni disa zgjedhje sa i përket punës. Nëse disa rrugë nuk janë ndërprerë në fillim të dhjetorit, atëherë do të ndodhin në pranverë. Ju gjithashtu mund të kryeni një projekt të ri ose një punë të re.

Virgjeresha

Viti i ri lind në një mënyrë shumë energjike dhe intensive. Për momentin, ju mund të largoheni nga një e kaluar e vështirë ose të merrni një çmim të mirë. Për shembull, ata që do të marrin një çmim ose të kryejnë një projekt me sukses do të jenë më me fat. Në vitin 2020, të rinjtë mund të mendojnë që të mbarojnë një kurs të rëndësishëm ose të fillojnë një studim të ri.

Peshorja

Viti i ri fillon në një mënyrë të rëndësishme, por edhe të hutuar. Ju do të keni një person të këndshëm pramë vetes sepse në shenjën tuaj është Venusi. Kjo do të thotë që referencat familjare dhe emocionale janë shumë të rëndësishme për të ardhmen tuaj. Rekomandohet që të mos bëni asgjë duke u nxituar.

Akrepi

E enjtja dhe e premtja do të jenë mjaft interesante për ju, edhe nëse mund të përballeni me vështirësi në mëngjes. Pjesa e dytë e janarit do të jetë shumë intriguese për ju. Sidoqoftë, mund të keni shumë tensione në punë që mbesin të hapura dhe ndoshta ekziston për të sqaruar disa keqkuptime me kolegë ose bashkëpunëtorë. Bëni mirë që ti kushtoni vëmendje këtyre çështjeve.

Shigjetari

Do të përjetoni ditë të qetë se Hëna është në favorin tuaj. Kjo do të zgjasë deri të premten dhe do të bëni gjithçka dëshironi. Sa i përket dashurisë, mund të ndjeni emocione shumë interesante. Nëse jeni beqarë, mund të ndërtoni diçka të bukur me dy shenja të zodiakut, siç janë Dashi dhe Ujori.

Bricjapi

Dita do të ketë pak tension, sepse do të keni disa diskutime në shtëpi, por në fund ju jeni fituesi. Edhe nëse jeni pak të lodhur dhe nëse nuk ndiheni në gjendje të përsosur fizike, do ta kuptoni pse nuk jeni mirë, duke zgjidhur gjithashtu problemin që ju mundon. Ndërsa fundjava do të sjellë zhvillime mjaft interesante në dashuri.

Ujori

Do të jeni të lirë të thoni dhe të bëni atë që dëshironi. 2020 mund t’ju bëjë të keni disa ndryshime në jetën tuaj siç janë martesa ose të qenit më i lidhur me familjen. Me pak fjalë, shenja më revolucionare e zodiakut do të vërë kokën në vend këtë vit, duke kërkuar stabilitet dhe siguri në jetë.

Peshqit

Duhet të shikoni të ardhmen me interes dhe vullnet. Nëse një çift u nda në nëntor, mund të ndiheni pak të nevrikosur edhe tani. Sa i përket vendit të punës, jo gjithçka është e qartë. Shkëputja emocionale mund të lidhet me shumë mendime që kanë të bëjnë me paratë dhe aktivitetin profesional që ju kryeni.

Analisti Fatmir Sheholli është arrestuar nën dyshimet për përfshirje në veprimtari spiunazhi. Lajmi është bërë i ditur nga ministri në detyrë i Punëve të Brendshme të Kosovës, Xhelal Sveçla.

Përmes një njoftimi zyrtar, Sveçla konfirmoi arrestimin, duke theksuar se institucionet e sigurisë kanë grumbulluar prova që e lidhin Shehollin me veprime të dyshimta që bien ndesh me sigurinë kombëtare.

“Sheholli është arrestuar për dyshime të arsyeshme për përfshirje në aktivitete që cenojnë sigurinë e Republikës së Kosovës. Hetimet janë në vijim dhe do të bëhen publike në përputhje me ligjin,” u shpreh Sveçla.

Fatmir Sheholli njihet në opinionin publik si analist politik dhe komentues i zhvillimeve në Kosovë dhe rajon.

Një 36-vjeçare në Maliq të Korçës, ka tentuar të vetvritet duke konsumuar një sasi të konsideruar medikamentesh.

Sipas burimeve, 36-vjeçarja me iniciale J.P kishte kryer këtë akt në banesën e saj. Ajo ndodhet nën kujdesin shëndetësor, jashtë rrezikut për jetën.

Autoritetet po vijojnë hetimin për zbardhjen e plotë të kësaj ngjarjeje.

Pas ngjarjes tragjike në Gjykatën e Apelit në Tiranë, ku gjyqtari Astrit Kalaja u ekzekutua me armë zjarri gjatë një seance gjyqësore, rrjetet sociale janë përfshirë në një valë reagimesh që kanë tejkaluar çdo kufi.

Ndërkohë që komente të shumta në rrjet kanë justifikuar apo madje edhe mbështetur aktin e dhunshëm të autorit Elvis Shkambi, së fundmi është hapur edhe një faqe GoFundMe për mbledhje fondesh në ndihmë të autorëve të krimit, Elvis dhe Gjon Shkambi, nën sloganin “Support for legal rights for all”.

Fushata, e shpërndarë dhe e organizuar nga një familjar i tyre, Francesk Shkambi, kërkon mbështetje financiare për të siguruar “mbrojtje ligjore profesionale dhe të pavarur” për dy të akuzuarit. Deri më tani janë mbledhur mbi 8000$.

Në përshkrimin e gjatë të kësaj nisme, ngjarja e përgjakshme paraqitet si “pasojë e një sistemi të korruptuar drejtësie dhe dështimesh institucionale”, duke u përpjekur ta kthejë autorin e krimit në një simbol të “padrejtësisë shtetërore”.

Detajet tronditëse të vrasjes brutale të 32-vjeçares, Rebecca Campbell në shtëpinë e saj jashtë Liverpulit nga i dashuri i saj 34-vjeçar, Michael Ormandy, i janë treguar gjykatës që dëgjoi dëshmitë për krimin.

Campbell u rrëzua jashtë shtëpisë së saj me fjalët e saj të fundit torturuese drejtuar ndihmësve të parë prillin e kaluar duke qenë “a do të vdes?”

Sipas prokurorit, Ormandy e goditi partneren e tij 32-vjeçare 18 herë me thikë disa orë pasi kishte kryer marrëdhënie seksuale me një grua tjetër

Gjykata dëgjoi se vetëm disa orë para vrasjes brutale, Ormandy i dërgoi një mesazh një gruaje që e kishte takuar në një pub dhe e ftoi në një hotel, ku kishin pirë kokteje dhe kishin bërë seks.

“Ne flinim së bashku dhe bënim seks. Ai tha se do të shkonte të shihte fëmijët e tij te nëna e tij. Unë u largova, shkova në shtëpi dhe pastaj shkova në punë”, i tha gruaja gjykatës. Ajo shtoi se 34-vjeçari i dërgoi një mesazh se duhej të shkonte “të zgjidhte diçka” pa thënë asgjë më shumë rreth kësaj.

Gruaja tha se ishte tronditur kur pa lajmin për vrasjen e Campbell, duke kuptuar se ishte e njëjta grua që Ormandy i kishte treguar një foto më parë.

Autopsia zbuloi se 32-vjeçarja ishte therur 18 herë, me një plagë thike në gjoks që ishte goditja fatale.

Nga ana e tij, 34-vjeçari pretendoi se ishte 32-vjeçarja që e sulmoi me thikë kur ai hyri në shtëpinë e saj. “Ajo më bërtiti, ‘Kam një thikë’ kur hyra në shtëpi”, tha 34-vjeçari, duke pretenduar se megjithëse ai arriti ta çarmatoste, ajo qëndroi sipër tij dhe “e sulmoi”, më pas ai reagoi duke e goditur “në vetëmbrojtje” përpara se ta shtynte në divan.

Ormandy tha gjithashtu se “kjo nuk do të kishte ndodhur nëse autoritetet do ta kishin bërë punën e tyre javën e kaluar, duke iu referuar një debati midis çiftit, i cili kishte qenë bashkë për rreth katër muaj.

Në atë debat, sipas të pandehurit, Campbell i hodhi një këpucë në një pub dhe ai e goditi atë në fytyrë.

Një ngjarje tragjike ka tronditur mëngjesin e sotëm komunitetin në Precenicco, provincë e Udines në Itali, ku Alice Morsanutto, një vajzë 17-vjeçare, humbi jetën pasi u përplas nga një makinë vetëm 200 metra larg banesës, teksa po shkonte drejt stacionit të autobusit për të shkuar në shkollë.

Aksidenti ndodhi rreth orës 06:30, pranë vijave të bardha, në një rrugë që vajza e kalonte çdo ditë. Shoferi i mjetit, një i ri, ndaloi menjëherë për të dhënë ndihmën e parë dhe njoftoi shërbimet e emergjencës. Megjithatë, përpjekjet e mjekëve dhe ekipit të helikopterit për ta reanimuar rezultuan të pasuksesshme.

I ati i Alices, i alarmuar nga sirenat, zbriti menjëherë në rrugë dhe u përball me pamjen tronditëse të së bijës, e shtrirë pa ndjenja në asfalt. Ndërkohë, vëllai binjak i Alices kishte marrë autobusin pak çaste më parë, pa e ditur tragjedinë që kishte ndodhur pas tij.

Alice ishte nxënëse në liceun artistik “Sello” në Udine, e njohur si vajzë e qetë dhe shumë e përkushtuar ndaj studimeve. Vdekja e saj ka tronditur jo vetëm familjen, por edhe komunitetin lokal dhe shkollën ku ajo mësonte

Autoritetet italiane kanë nisur hetimet për të zbardhur shkaqet e aksidentit dhe për të përcaktuar nëse shoferi ka pasur përgjegjësi ligjore në ngjarje.

Gazetarja Klodiana Lala komentoi vendimin e Gjykatës Kushtetuese, e cila pezulloi dekretin e presidentit për zgjedhjet në Tiranë.

E ftuar në një emision televiziv, Lala tha se vendimi ishte i drejtë.

Lala: Pezulloj dekretin për zgjedhjet. Është vendim i drejtë dhe pritshëm, pasi do të minon kushtetutën. Ka pasur debate dhe dje. Diku rreth orës 17 mbaroi dje mbledhja dhe nuk pati vendim.

Sot ka pasur sërish mbledhje dhe ishte vendim unanim. Ka kaluar në seancë plenare në 31 tetor kërkesë e Veliajt.

Gjykata ka pezulluar vetëm zgjedhjet në bashkinë e Tiranës. Vendimet e gjyqësorit nuk diskutohen. Praktika ka treguar se PS-ja nuk i ka zbatuar vendimet e Gjykatës Kushtetuese dhe ndoshta me forcën e kartonëve, dhe PS-ja mund t’i zhvillojë zgjedhjet në Tiranë. Nëse vendimi nukl zbatohet, sdo të ishte vend normal. Do të ishte njollë e madhe për PS.

Dibran Hoxha, i njohur si “Kobra” është dënuar me 23 vite burgim për veprën e vrasjes së personit nga Kukësi që ndodhi në klub, ndërsa për armëmbajtje pa leje është dënuar me 2 vite burg.

Në total, ai do të vuajë një dënim prej 24 vjetësh në burg.

Ndërkaq, i akuzuari tjetër, Roland Susuri, është dënuar me 7 vite burgim për tre vepra penale të ndryshme.

Ai ka marrë 1 vit e 6 muaj për pjesëmarrje në rrahje, 4 vite e 6 muaj për manipulim me prova dhe 1 vit e 6 muaj për armëmbajtje pa leje.

Rasti ka ndodhur në Prizren, në muajin janar 2023. Kobra u dënua për veprën penale ‘vrasje e rëndë’.